Aded 180 B: Kura-i Seba’nın Mahura karyesi
Lazistan Sancağı’na tabi Kura-i Seba nahiyesinin Mahura karyesinden olub Of kazasının Eski Pazar karyesinde sakin iken bundan otuz sene akdem vefat eden Çamur Alioğlu nâm-ı diğeri Hucazoğlu Battal bin Dursun bin Salih’in tereke ve sairesinden hisse-i irsîyesini taleb maksadıyla ber vechi ati bi tariki’l-münasaha varisi olduğunu iddia eden tezkire-i osmaniyesi görülen ve zatı zeyl-i vesikada isimleri muharrer Rıza Efendi ibn Tevfik Efendi ve Mesud Efendi ibn Kaşif Efendi tarifleriyle muarrefe olan Elhazoğlu kerimesi Fatıma bint Abdullah meclis-i şer’-i şerif-i enverde müteveffa-yi mezbûr Battal’ın medyuni Emineddin mahallesinden Mengenoğlu Ali Efendi ibn Yunus mahzarında bi’l-verâse üzerine dava ve takrir-i kelâm idub müteveffa-yi mezbûr Battal’ın verâseti zevce-i menkuhe-i metrukesi Gül Hatun bint Hurşid ile anası Akile bint Abdullah ve babası Dursun’a munhasıra ve badehu ümmü’l-mezbûre Akile vefat idub verâseti babası mezbûr Dursun ile sadriye-i kebire kızı Asiye’ye munhasıra ve badehu ebu’l mezbûr Dursun vefat idub verâseti zevce-i menkuhe-i metrukesi Has Hatun bint Tahir ile sulbî kebir oğlu Mehmed Salih ve sulbîye-i kebire kızları Ayşe ile mezbûre Asiye’ye munhasıra ve badehu mezbûre Asiye vefat idub verâseti zevci Elhazoğlu Abdullah bin Süleyman ile sadriy kebir oğulları Hasan ve Hüseyin benan-i Mehmed ve sadriye-i kebire kızı olduğum cihetle bana munhasıra ve badehu karındaşım ibnu’l-mezbûr Hüseyin vefat idub verâseti li ebeveyn erkarındaşı mezbûr Hasan ile li ümmkız karındaşı olduğum cihetle kezalik bana munhasıra ve badehu ibnu’l-mezbûre Hasan vefat idub verâseti zevce-i menkuhe-i metrukesi Hasibe bint Osman ile li ümm kız karındaşı olduğum cihetle kezalik bana munhasıra ve tashih-i mesele-i mirasları bi hükmi’l münasahati’ş-şer’iye kırkbindokuzyüzaltmış sehmden olub siham-ı

mezkûreden onbinikiyüzkırk sehmi zevce-i mezbûre Gül Hatun’a ve ikibinsekizyüzseksen sehmi zevce-i mezbûre Has Hatun ve onbinseksen sehmi ibnu’l-mezbûr Mehmed Salih’e ve beşbinkırk sehmi bintu’l-mezbûre Ayşe’ye ve üçbinyüzseksen sehmi zevcu’l mezbûr Abdullah’a ve binyediyüzkırkdokuz sehmi zevce-i mezbûre Hasibe’ye ve yedibinyediyüzdoksanbir sehmi bana isabet idub murisimiz müteveffa-yi ol mezbûr Battal’ın hayatında muma ileyh Ali Efendi zimmetinde cihet-i karzdan alacak hakkı olan doksanaltı kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve teslime muma ileyh Ali Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi ol mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset müddeâsı malûmum değildir deyu verâset-i mezkûre müddeâsını inkar etmekle müddeiye-i mezbûre Fatıma’dan ber vech-i muharrer verâset-i mezkûre müddeâsına mütabık beyyine taleb olundukta udul-i ahrar-i rical-i müsliminden ve Hortoz mahallesinden Rakıcıoğlu Rıza Efendi ibn Tevfik Efendi ibn Hacı Ömer ile mahalleden Rakıcıoğlu Mesud Efendi ibn Kaşif Efendi ibn Ömer Ağa’dan her biri li ecli’ş şahade meclis-i şer’e hazıran olub münferiden ve muvaceheten istişhad olundukta fi’l-hakika müteveffa-yi ol mezbûr Çamur Alioğlu nâm-ı diğeri Hucazoğlu Battal bin Dursun bin Salih’in verâseti zevce-i menkuhe-i metrukesi Gül Hatun bint Hurşid ile anası Akile bint Abdullah ve babası mezbûr Dursun’a munhasıra ve badehu ümmü’l-mezbûre Akile vefat idub verâseti zevce-i mezbûr Dursun ile sadriye-i kebire kızı Asiye’ye munhasıra ve badehu ebu’l mezbûr Dursun vefat idub verâseti zevce-i menkuhe-i metrukesi Has Hatun bint Tahir ile sulbî kebir oğlu Mehmed Salih ve sulbîye-i kebire kızları Ayşe ile mezbûre Asiye’ye munhasıra ve badehu bintu’l-mezbûre Asiye vefat idub verâseti zevci Elhazoğlu Abdullah bin Süleyman ile sadriy kebir oğulları Hüseyin ve Hasan benan-i Mehmed ve sadriye-i kebire kızı zatı malûmemiz olan müddeiye-i mezbûre Fatıma’ya munhasıra ve badehu ibnu’l-mezbûr Hüseyin vefat idub verâseti li ebeveyn er karındaşı mezbûr Hasan ile li ümm kız karındaşı müddeiye-i mezbûre Fatıma’ya munhasıra ve badehu ibnu’l-mezbûr Hasan vefat idub verâseti zevce-i menkuhe-i metrukesi Hasibe bint Osman ile li ümm kız karındaşı müddeiye-i mezbûre Fatıma’ya munhasıra olub bunlardan başka varisleri ve terekelerine mustahik-i ahar kimesneleri olduğu malûmumuz değildir deyu biz bu hususa bu vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye etmeleriyle şahidan-ı mezbûran evvelen ba veraka-i mesture mensub oldukları mezkûr Hortoz mahallesi imamı Ali Efendi ibn Hüseyin Efendi ile muhtarı Ali bin Mahmud’dan sirren ve badehu tarafeyn ve şahidler müterâfian hazır ve mevcud oldukları halde mezkûr Hortoz mahallesinden Pecarişoğlu Ali Reis bin Hacı Osman ile yine mahalleden Haliloğlu Mustafa Kaptan bin Hüseyin Reis’den alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince verâsetlerine bade’l-hükm ve’t-tenbih müddeâ bih meblağdan hisse-i irsîyesi olan onsekiz kuruş akçeyi müddeiye-i mezbûre Fatıma’ya eda ve teslime mezbûr Ali Efendi’ye tenbih olunduktan sonra zatı zeyl-i vesikada muharreru’l-esâmî Yakub bin Ömer ile Memiş bin Salih tarifleriyle muarrefe olan müddeiye-i mezbûre Fatıma tekrar meclis-i makud-i mezkûrde dava vekîllerinden Mustafa Efendi ibn İzzet Efendi ile verese-i mezbûrundan babası mezbûr Elhazoğlu Abdullah bin Süleyman mahzarında bi’l-âsale ve bi’l-verâse takrir-i kelâm ve tabir-i ani’l-merâm idub müteveffa-yi ol mezbûrun ber tashih-i mezkûrat ve intikal eden Of kazasının Eski Pazar karyesinden ve Kura-i Seba’nın Mahura karyelerinde her biri mahallerinde beyne’l-ahâlî ve’l-cîrân malûm ve müteârefu’l-hudud bi’l-cümle emlak ve arazilerinden benim hisse-i irsîye ve müntakilemi vazıu’l-yed olanlardan aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve benim hisse-i irsîye ve şayiamı semen ve bedel-i misilleriyle talibine memuru huzurunda bey’ u ferağ ve temlik u teslime ve semen ve bedel-i misillerini ahz u kabz ile bi’l-cümle makbuzatını bana i’tâ ve irsal ve teslime ve zımem-i nasda olan matlubattan benim hisse-i irsîyemi ahz u kabz ile bi’l-cümle makbuzatını bana irsal ve isal ve teslime ve muamele-i lazımelerini icrâ ve takrirlerini i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Mustafa Efendi ile mezbûr Abdullah’ı münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledim dedikte onlar dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasia aşer min Şabani’l-muazzam li sene isna ve selâsîne ve selâsemie ve elf.
Baş kâtib, kadı. Hacı Osmanoğlu Memiş bin Salih, Molla Ömeroğlu Yakub bin Ömer.
Aded 181 B: Kamaşnoz mahallesi
Lazistan Sancağı’nın merkezi olan Rize kazası kurâsından Kamaşnoz mahallesi sakinelerinden zatı zeyl-i vesikada muharreru’l-esâmî Tahir Efendi ile Mehmed tarifleriyle muarrefe olan Sarı Ahmedoğlu kerimesi Gülizar bint Receb meclis-i şer’-i şerif-i enverde takrir-i kelâm ve tabir-i ani’l-merâm idub benim aslen malım olmayıb nafaka ve kisveye muhtace olduğumdan sadriy kebir oğullarımdan Sadık beni infak ve iksâ etmekte isede diğer oğlum Mehmed müddet-i sefer-i baid olan diyar-i aharda olub bana nafaka namıyla nesne irsal ve kimesne tarafından dahi havale eylemediği cihetle oğlum gaib-i mezbûr Mehmed üzerine hissesi mikdarı kadr-i marûf nafaka farz u takdir olunmak matlubumdur dedikte hakikat-i hal mezbûre Gülizar’ın takrir-i meşruhi üzere olduğu mahalle-i merkume muhtar ve heyet-i ihtiyariyesi tarafından mevrud ilmuhaberden müstebân ve tarafeynin yusr ve usr halleri nazar-ı itibara alınarak Zikr-i âtî meblağ kadr-i marûf idugi zeyl-i vesikada muharreru’l-esâmî müslimîn-i mezbûrun ihbarlarıyla lede’ş-şer’il enver zâhir ve nümâyân olmağın mucebince mezbûr Mehmed’in hissesi mikdarına anası mezbûre Gülizar’ın nafaka ve kisve bahâ vesair levazım-ı zaruriyesi içun işbu tarih-i vesikadan itibaren beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer oğlu gaib-i mezbûr üzerine rucua mezbûre Gülizar’a kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sâlise aşer min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Hohorininoğlu Mehmed bin Ali, Gül Ahmedoğlu Tahir Efendi ibn Abdulhalim.
Aded 182 B: Hortoz mahallesi
Lazistan Sancağı’nın merkezi olan Rize kazası mahallâtından Hortoz mahallesinden iken bundan üç sene mukaddem vefat eden Tonbuloğlu kerimesi Gülika bint Ali bin Hasan hukuk mahkemesindeki davası üzerine ibraz etmesi mezkûr mahkeme kararı iktizasından olduğunu ifadesiyle ber vechi ati varisi olduğunu iddia eden ve tezkire-i osmaniyesi görülen li ebeveyn erkarındaşı İzzet bin Ali meclis-i şer’i münîrde müteveffat-i mezbûrenin medyuni mahalleden Öksüzoğlu Süleyman bin Mustafa muvacehesinde bi’l-verâse üzerine dava ve takrir-i kelâm idub ben müteveffat-i mezbûre Gülika ile li ebeveyn erkarındaşlar olub babamız ismi Ali ve dedemiz ismi Hasan ve anamız ismi Havva bint Hüseyin ve meskat-i ra’simiz mezkûr Hortoz mahallesi olub ol vechile kız karındaşım mezbûrenin verâseti hasren bana munhasıra olub başka varisi ve terekesine mustahik-i ahar kimesnesi olmamağla murisim müteveffat-i mezbûrenin hayatında mezbûr Süleyman zimmetinde cihet-i karzdan alacak hakkı olan onaltı kuruşu kable’l-ahz ve’l-istifa vefat etmekle meblağ-ı mezkûri bana eda ve teslime mezbûr Süleyman’a tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffat-ı mezbûreye ol mikdar kuruş zimmetinde halen deyni olduğunu taven ikrar ve itiraf idub maada müddeiye-i mezbûrenin ber vech-i muharrer verâset müddeâsı malûmum değildir deyu verâset müddeâsını bade’l-inkar müddeî mezbûrun ber vechi verâset müddeâsına mütabık beyyine taleb olundukta udul-i ahrâr-i rical-i müsliminden ve Hortoz mahallesinden Rakıcıoğlu Kaşif Efendi ibn Ömer Ağa ibn Salih ile mahalle-i mezkûreden Mahioğlu Kadir bin Süleyman bin Ahmed’den her biri li ecli’ş şahade meclis-i şer’e hazır olub münferiden ve muvaceheten istişhad olundukta fi’l-hakika müteveffat-i mezbûre Gülika ile müddeî mezbûr İzzet li ebeveyn erkarındaşlar olub babaları ismi Ali ve dedeleri ismi Hasan ve valideleri ismi Havva bint Hasan meskat-i ra’sleri mezkûr Hortoz mahallesi olub ol vechile mezbûre Gülika’nın verâseti hasren li ebeveyn erkarındaşı müddeî mezbûr İzzet’e munhasıra olub bundan başka varisi ve terekesine mustahik-i ahari olduğu malûmumuz değildir biz bu hususa bu vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’i etmeleriyle şahidan-i mezbûran evvelen ba veraka-i mesture mensub oldukları mahalle-i mezkûre imamı Muradoğlu Ali Efendi ibn Hacı Hüseyin ile muhtar-ı evveli Eyüboğlu Ali bin Mehmed’den sirren ve badehu şahidler ve müterâfian hazır ve mevcud oldukları halde Hortoz mahallesinden Lazoğlu Hüseyin bin Osman ile mahalle-i mezkûreden Abdurrahmanoğlu Abdulkadir bin Ahmed’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince verâsetine bade’l-hükm ve’t-tenbih müddeâ bih onaltı kuruşu müddeî mezbûr İzzet’e eda ve teslime mezbûr Süleyman’a tenbih olduğu tescîl ve i’lâm olundu. Fi’l-yevmi’t-tasia[Rabia] aşer min Şevvali’l-mükerrem li sene isna ve selâsîne ve selâsemie ve elf.
Baş kâtib, kadı.
Aded 183 B: Hanes karyesi
Lazistan Sancağı’nın merkezi olan Rize kazası kurâsından Hanes karyesinden zatı Sofoğlu İbrahim bin Mustafa ve Lemikaoğlu oğlu Esad bin Kamil tarifleriyle muarrefe olan Hasibe bint Genç Ali meclis-i şer’i münîrde karye-i merkûmeden Yakuboğlu Memiş bin Yusuf muvacehesinde ben bir seneden beri ve sekiz aded lira-i Osmanî mehr-i müeccel tesmiyesiyle mezbûr Memiş’in zevce-i menkuhe-i medhul-i bihâsı olduğum halde zevcim mezbûr fi’l hal beni bir talak-ı bayin ile tatlik etmekle zimmetinde mütekarrer ve makud aleyh mehr-i müeccel hakkım olan mezkûr sekiz aded lira-i Osmanîyi bana eda ve teslime mezbûr Memiş’e tenbih olunmak matlubumdur deyu dava ve lede’s-sual mezbûr Memiş dahi cevabında zevce-i mutallakası müddeiye-i mezbûrenin ber vech-i muharrer müddeâsını ikrar ve sekiz lira-i Osmanî zimmetinde deyni olduğunu itiraf etmekle mucebince müddeâ bih sekiz aded lira-i Osmanînin emsallerini müddeiye-i mezbûre Hasibe’ye eda ve teslime mezbûr Memiş ilzam olunduğu tescîl ve i’lâm olundu. Fi’l-yevmi’s-sani ve’l-ışrin min Şevvali’l-mükerrem li sene isna ve selâsîne ve selâsemie ve elf.
Baş kâtib, kadı.
Aded 184 B: Ğorğor karyesi
Lazistan Sancağı’nın merkezi olan Rize kazası kurâsından Ğorğor karyesi ahalisinden olub nizamiye tabur imamı iken binüçyüzotuz sene-i rumisi şubatının yirmiüçüncü günü vefat eden Koçaloğlu Ahmed Efendi ibn Şaban ibn Ahmed’in tereke ve müterakim maaşatından hisse-i irsîyesini bi’l-verâse ve bi’l-vesâye taleb maksadıyla ber vechi ati varisi olduğunu iddia eden ve tezkire-i osmaniyesi görülen ve zatı Ahmed Efendi ibn İbrahim ve Rıdvan Efendi ibn Hacı Osman tarifleriyle muarrefe olup zevce-i menkuhe-i metrukesi Ayşe bint Mehmed meclis-i şer’i münîrde müteveffa-yi mezbûrun medyuni Rakıcızâde Arif Efendi ibn Tevfik Efendi muvacehesinde bi’l-verâse üzerine dava ve takrir-i kelâm idub zevcim müteveffa-yi mezbûrun verâseti zevce-i menkuhe-i metrukesi olduğum cihetle benimle sulbî sağir oğulları Yusuf ve Abdurrahman ve sulbîye-i kebire kızı Fatıma ve sulbîye-i sağire kızı Ümmü Gülsüm’e munhasıra ve tashih-i mesele-i mirasları bi hükmi’l feraiz kırksekiz sehmden olub siham-ı mezkûreden altı sehmi bana ve ondörder sehmden yirmisekiz sehmi sağiran-ı mezbûran Yusuf ve Abdurrahman ve yedişer sehmden ceman ondört sehmi bintu’l-mezbûretan Ümmü Gülsüm ve Fatıma’ya isabet idub başka varisi ve terekesinde mustahik-i ahari olmamağla zevcim müteveffa-yi mezbûrun hayatında mezbûr Arif Efendi zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyeme isabet eden altı kuruş bana eda ve teslime mezbûr Arif Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûre Ayşe’nin ber vech-i muharrer verâset müddeâsına mütabık beyyine taleb olundukta udul-i ihrar-i ve rical-i müsliminden ve Peşeyan mahallesinden Rize posta ve telgraf muvezzii Ahmed Efendi ibn İbrahim’den Pendoz mahallesinden ve Rize posta ve telgraf çavuşlarından Tatoğlu Rıdvan Efendi ibn Hacı Osman ibn ? den her biri li ecli’ş şahade meclis-i şer’e hazıran olub münferiden ve muvaceheten istişhad olundukta fi’l-hakika müteveffa-yi mezbûr Ahmed Efendi ibn Şaban ibn Ahmed’in verâseti zevce-i menkuhe-i metrukesi müddeiye-i mezbûre Ayşe bint Mehmed ile sulbî sağir oğulları Yusuf ve Abdurrahman ve sulbîye-i sağire kızı Ümmü Gülsüm ve sulbîye-i kebire kızı Fatıma’ya munhasıra olub bunlardan başka varisi ve terekesine mustahik-i ahari olduğu malûmumuz değildir biz bu hususa bu vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye etmeleriyle şahidan-ı mezbûranın evvelen ba veraka-i mesture mensub oldukları Rize posta ve telgraf müdürü Rıfat Efendi ile muhabere memuru Mehmed Şükrü Efendi ibn Mustafa’dan sirren ve badehu tarafeyn ve şahidler ve müterâfian hazır ve mevcud oldukları halde posta kâtibi Mehmed Akif Efendi ibn Ahmed ile ketebeden Osman Efendi ibn Bayram’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince verâsetine bade’l-hükm ve’t-tenbih müddeâ bih meblağdan hisse-i irsîyesi olan altı kuruşu müddeiye-i mezbûre Ayşe’ye eda ve teslime mezbûr Arif Efendi’ye tenbih olunduğu tescîl ve i’lâm olundu. Fi’l-yevmi’l-hamis ve’l-ışrin min Şabani’l-muazzam li sene isna ve selâsîne ve selâsemie ve elf.
Baş kâtib, kadı.
Aded 185 B: Yapraklar karyesi
Lazistan Sancağı’nın merkezi olan Rize kazası kurâsından Yapraklar karyesinden iken bundan akdem vefat eden Hacı Ömeroğlu Ali bin Kerim bin müteveffa Mustafa’nın sulbî sağir oğulları Dursun ve Sefer ve Abdulkerim ile sulbîye-i sağire kızları Elmas ve Hatice’nin pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume imam ve muhtarı tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika zatı Maksud Efendi ibn Kaşif Efendi ile Ali Rıza ibn Tevfik Efendi tarifleriyle muarrefe olan anaları Kandemiroğlu kerimesi Meryem bint Receb siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min Şevvali’l-mükerrem li sene isna ve selâsîne ve selâsemie ve elf.
Baş kâtib, kadı. Rakıcızâde Ali Rıza Efendi ibn Tevfik Efendi, Rakıcızâde Maksud Efendi ibn Kaşif Efendi.
Aded 186 B: Piri Çelebi
Lazistan Sancağı’nın merkezi olan Rize kasabası mahallâtından Piri Çelebi mahallesinden iken bundan akdem yani beş sene evvel vefat eden Tuzcuzâde Hurşid Efendi ibn Ahmed Ağa’nın hukuk mahkemesinde der dest-i ru’yet bir davasında ibraz edeceği beyanıyla ber vechi ati varisi olduğunu iddia eden sulbî kebir oğlu Ahmed Efendi meclis-i şer’i münîrde müteveffa-yi muma ileyhin medyuni Ali Efendi ibn Yunus muvacehesinde bi’l-verâse üzerine dava ve takrir-i kelâm idub murisim pederim müteveffa-yi muma ileyh Hurşid Efendi’nin verâseti sulbî kebir oğulları benimle Hafız Hüsnü ve Abdulvehhab Efendiler’e ve sulbîye-i kebire kızları Nazire ve Fatıme ve Rakıbe’ye munhasıra ve badehu mezbûre Rakıbe vefat idub onun da verâseti sadriy kebir oğulları Memiş ve Said ve Osman ve Mahmud Bey benun-i Mehmed Ali Bey ile sadriye-i kebire kızları Behice ve Hacer bintan-i muma ileyh Mehmed Ali Bey’e munhasıra ve tashih-i mesele-i mirasları bi hükmi’l feraiz doksan sehmden olub siham-ı mezkûreden yirmişer sehmden altmış sehmi benimle mezbûran Hafız Hüsnü ve Abdulvehhab Efendiler’e ve onar sehmden yirmi sehmi mezbûretan Nazire ve Fatıma’ya ve ikişer sehmden sekiz sehmi mezbûrun Memiş ve Said ve Osman ve Mahmud Beyler’e ve birer sehmden iki sehmi mezbûretan Behice ve Hacer’e isabet idub başka varisi ve terekelerine mustahik-i ahari olmamağla murisimiz pederim müteveffa-yi muma ileyhin hayatında mezbûr Ali Efendi zimmetinde cihet-i karzdan alacak hakkı olan kırkbeş kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve îfâya mezbûr Ali Efendi’ye tenbih olunmak bi’l-verâse matlubumdur deyu bade’d-dava ve’s-sual mezbûr Ali Efendi dahi cevabında fi’l-hakika müteveffa-yi muma ileyh ol mikdar kuruş halen zimmetinde deyni olduğunu taven ikrar ve itiraf idub ancak müddeî mezbûrun ber vech-i muharrer verâset müddeâsı malûmum değildir deyu inkar müddeî mezbûr Ahmed Efendi’den ber vech-i muharrer verâset müddeâsına mütabık beyyine taleb olundukta udul-i ahrâr-i rical-i müsliminden ve Emineddin mahallesinden Zırhzâde Hacı Şaban Efendi ibn Hasan ibn Hacı Salih ile Babik mahallesinden Tuzcuzâde Süleyman Efendi ibn Hasan Efendi ibn Abdulhamid’den her biri li ecli’ş şahade meclis-i şer’e hazıran olub münferiden ve muvaceheten istişhad olundukta ? fi’l-hakika müteveffa-yi muma ileyh Tuzcuzâde Hurşid Efendi ibn Ahmed Ağa’nın verâseti sulbî kebir oğulları müddeî Ahmed ve Hafız Hüsnü ve Abdulvehhab Efendiler ve sulbîye-i kebire kızları Fatıma ve Nazire ve Rakıbe’ye munhasıra ve badehu mezbûre Rakıbe vefat idub verâseti sadriy kebir oğulları Memiş ve Said ve Osman ve Mahmud Bey benun-i Mehmed Ali Bey ile sadriye-i kebire kızları Behice ve Hacer’e munhasıra olub bunlardan başka varis ve terekelerine mustahik-i ahari olduğu malûmumuz değildir biz bu hususa bu vech üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet şer’iye etmeleriyle şahidan-ı mezbûran Hacı Şaban Efendi evvelen ba veraka-i mesture mensub olduğu mezkûr Emineddin mahallesi imamı Müftüzâde Emin Efendi ile muhtar-ı sanisi Faik Efendi ibn Hacı Osman Efendi ve heyet-i ihtiyariyesinden Puytar(?) oğlu Ahmed Efendi’den ve muma ileyh Süleyman Efendi dahi mezkûr Babik mahallesi imamı Tuzcuzâde Şaban Efendi ibn Abdulhamid Ağa ve ihtiyar meclis-i azasından Hacı Mahmudzâde Emin Efendi’den sirren ve badehu tarafeyn ve şahidler hazır ve müterâfian mevcud oldukları halde Emineddin mahallesinden Hacı İbrahimzâde Hakkı Efendi ibn Hacı Hüseyin Efendi ve Çalıkoğlu İzzet Efendi ibn Yakub ve Babik mahallesinden Kalamozluoğlu Memiş bin Ali ve Kaşsızoğlu Receb bin Memiş’den alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince sübut-i verâsetine bade’l-hükm müddeâ bih meblağdan hisse-i irsîyesine isabet eden on kuruş müddeî muma ileyh Ahmed Efendi’ye eda ve teslime mezbûr Ali Efendi’ye tenbih olunduğu tescîl ve i’lâm olundu. Fi’l yevmi’s-sadis ve’l-ışrin min Şevvali’l-mükerrem li sene isna ve selâsîne ve selâsemie ve elf.
Baş kâtib, kadı.
Aded 187 B: Kunyat karyesi
Lazistan Sancağı’nın merkezi olan Rize kazası kurâsından Kunyat karyesi sakinelerinden zatı zeyl-i vesikada muharreru’l-esâmî Maksud bin Ömer ile Tahir bin Mikdad tarifleriyle muarrefe olan Sarı Osmanoğlu kerimesi Fatıma bint Ali Çavuş meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Arkolikoz mahallesinden Levendoğlu Mustafa bin Memiş Efendi bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf nafaka farz u takdir olunmak matlubumdur dedikte hakikat-i hal mezbûre Fatıma’nın takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından ve mevrud ilmuhaberden müstebân ve tarafeynin usr ve yusr halleri nazar-ı itibara alınarak Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyesi içun işbu tarih-i vesikadan itibaren beher şehrî elli kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Fatıma’ya kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hamis ve’l-ışrin min Şabani’l-muazzam li sene isna ve selâsîne ve selâsemie ve elf.
Baş kâtib, kadı. Tabakoğlu Tahir bin Mikdad, Sinekoğlu Maksud bin Ömer.
Aded 188 B: Haldoz mahallesi
Lazistan Sancağı’nın merkezi olan Rize kasabası mahallâtından Haldoz mahallesi sakinelerinden zatı zeyl-i vesikada muharreru’l-esâmî Mustafa bin İbrahim ve Arslan bin Osman tarifleriyle muarrefe olan ve tezkire-i osmaniyesi görülen Hacı Abbas Ağaoğlu kerimesi Ayşe Sıdıka bint Salim Efendi meclis-i şer’-i şerif-i enverde takrir-i kelâm ve tabir-i ani’l-merâm idub benim Dersaadet’te Beyoğlu defter-i hakani idaresinde medyunum Hacı Ahmed Efendi tarafından emaneten mevdu’ ve mahfuz malûmu’l mikdar akçemi mahallinde vazıu’l-yed olan memur mahsusundan vesair her hakkımı icab edenlerden aid olduğu mehâkim ve devâir ve mecalisin her derece ve kısmında müddeî ve müddeâ aleyh ve müştekî ve müştekâ aleyh aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabza ve aleyhime her nevi dava ikame eden olursa lazım gelenlere muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve gerek hacz-ı mezkûri ve de gerek namıma mukayyed emlak-ı merhuneyi fekk ve red-i ferağa ve tefrik u taksime ve lede’l-hâce isbat-ı verâset iddiasıyla sulh ve ibraya ve ber vech-i muharrer ahari tevkil ve azle ve’l-hâsıl her türlü hukuk-i şahsiyye ve kanuniyemi muhafaza ve müdafa ile leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’de Sirkeci’de Lazistan Otel’inde mukim Rizeli Hacı Abdi Ağazâde zevcim Hacı Ali Efendi ibn Hacı Mehmed Ağa’yı kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi ve’l-ışrin min Şevvali’l-mükerrem li sene isna ve selâsîne ve selâsemie ve elf.
Baş kâtib, kadı. Bostanoğlu Arslan bin Osman, Karaalioğlu Mustafa bin İbrahim.
Aded 189 B: Vila karyesi
Lazistan Sancağı’nın merkezi olan Rize kazası kurâsından Vila karyesinden Kopuzoğlu Ömer bin Mehmed meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Tenekeci müteveffa İbrahim Efendi’nin sulbî sağir oğlu Mehmed’in malından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim bin kuruş ile semeni işbu tarihten üç sene-i kamile müeccel olmak üzere kezalik eytâm-ı mezbûrun malından ve müdir-i muma ileyhden iştira eylediğim bir cild Ali Efendi fetvası semeninden ikiyüzyetmiş kuruş ki ceman binikiyüzyetmiş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan Nevruzzâde Ali Efendi ibn Memiş ile Mirekaloz karyesinden Kara Mahmudzâde Edhem Efendi ibn Mahmud Ağa ve Atyanoz Çıkara karyesinden Çolakoğlu Mehmed Kaptan ibn Hacı Hasan meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyh Ömer’in ceman zimmetinde edası vacib olan mezkûr binikiyüzyetmiş kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa bizler dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi ve’l-ışrin min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Nevruzzâde Receb Efendi.
Aded 190 B: Çiklenar karyesi
Lazistan Sancağı’nın merkezi olan Rize kazası kurâsından Çiklenar karyesi ahalisinden iken bundan akdem vefat eden Kakavanzâde Abdulvahid Efendi ibn Abdulhalim Efendi ibn Ahmed Ağa’nın meclis-i umumi-i vilayet azasından olmasıyla müterakim maaşatından hisse-i irsîyesini taleb ve ahz u kabz maksadıyla ber vechi ati varisi olduğunu iddia eden ve zatı zeyl-i vesikada muharreru’l-esâmî Tahsin Efendi ibn Hakkı Efendi ve Mehmed bin Memiş tarifleriyle muarrefe olan zevce-i menkuhe-i metrukesi Emine bint Abdulkadir meclis-i şer’-i şerif-i enverde müteveffa-yi muma ileyhin medyuni Mustafa Efendi ibn İzzet Efendi mahzarında bi’l-verâse üzerine dava ve takrir-i kelâm idup zevcim müteveffa-yi muma ileyh Abdulvahid Efendi’nin verâseti benimle anası Ayşe bint Reşid ve sulbî kebir oğlu İhsan Efendi ve sulbî sağir oğlu Reşad ve sulbîye-i sağire kızları Gülizar ve Saadet’e munhasıra olub başka varisi ve terekesine mustahik-i ahari olmamağla zevcim müteveffa-yi muma ileyhin hayatında muma ileyh Mustafa Efendi zimmetinde cihet-i karzdan alacak hakkı olan kırksekiz kuruş kable’l-ahz ve’l-istifa vefat etmekle meblağ-ı mezkûrdan mesele-i mirasımız vecihle hisse-i irsîyemi bana eda ve teslime muma ileyh Mustafa Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûrdan ol mikdar kuruş halen zimmetinde halen deyni olduğunu taven ikrar maada müddeiye-i mezbûrenin verâset müddeâsını bade’l-inkar müddeiye-i mezbûreden ber vech-i muharrer verâset müddeâsına mutabık beyyine taleb olundukta udul-i ahrâr-i rical-i müsliminden ve Çiklenar karyesinden zatı mezbûr e-i arifan Süleymanoğlu Mehmed bin Mustafa bin Osman ve Sofininoğlu Hüseyin bin Mustafa bin Reşid’den her biri bi’l-muvacehe ale’l infirad istişhad olunduklarında fi’l-hakika müteveffa-yi muma ileyh Abdulvahid Efendi ibn Abdulhalim Efendi ibn Ahmed Ağa’nın verâseti zevce-i menkuhe-i metrukesi müddeiye-i mezbûre Emine bint Abdulkadir ile anası Ayşe bint Reşid ve sulbî kebir oğlu İhsan Efendi ve sulbî sağir oğlu Reşad ve sulbîye-i sağire kızları Gülizar ve Saadet’e munhasıra olub bunlardan başka varisi ve terekesine mustahik-i ahari olduğu malûmumuz değildir biz bu hususa bu vechi üzere şahidiz ve şahadet dahi ederiz deyu her biri ber nehc-i şer’i eda-i şahadet-i şer’iye etmeleriyle şahidan-ı mezbûran olan ba veraka-i mesture mezkûr Çiklenar karyesi muhtar-ı evveli Kakavanoğlu Bekir Efendi ibn Reşid ve muhtar-ı sanisi Kakavanoğlu Hakkı bin Abdulhalim’den sirren ve badehu mutehasimin ve şahidan-ı mezbûran müterâfian hazır ve mevcud oldukları halde yine karye-i merkûmeden Molla Ahmedoğlu Salih bin Hasan ve Husluoğlu Hasan bin Abdulkerim’den alenen lede’t-tezkiye adl ve makbulu’ş-şehade idugleri işar ve ihbar olunup şehadetleri makbule olmağla mucebince sübut-i verâsetine mebni müddeâ bih meblağdan hisse-i irsîyesi olan altı kuruşu müddeiye-i mezbûreye eda ve teslime mezbûr Mustafa Efendi’ye tenbih olunduktan sonra siğar-ı mezbûrunun valideleri ve tesviye-i umurlarına kıbel-i şer’iden mensube vasileri marifetu’z-zat zevce-i mezbûre Emine ile kezalik zatı zeyl-i vesikada muharreru’l-esâmî Tahsin Efendi ibn Hakkı Efendi ve Hakkı Efendi ibn Abdulhalim Efendi tarifleriyle muarrefe olan ümmü’l-mezbûre Ayşe ve ibnu’l-mezbûr İhsan Efendi meclis-i makud-i mezkûrde Kakavanoğlu Bekir Efendi ibn Abdulkadir mahzarında her biri bi’l-verâse ve bi’l-vesâye takrir-i kelâm ve tabir-i ani’l-merâm idub murisimiz müteveffa-yi muma ileyhin müterakim maaşını vazıu’l-yed olan memurundan ve zimem-i nasda olan bi’l-cümle matlubatını icab edenlerden taleb ve ahz u kabz ve makbuzatını bize i’tâ ve teslime ve mucib-i muhâkeme olanlardan dolayı lazım gelenlerle aid olduğu mehâkimin her derecesinde muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezbûr Bekir Efendi’yi bi’l-verâse ve bi’l-vesâye vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı. Husluoğlu Hasan bin Abdulkerim, Kakavanoğlu Kaşif bin Ali, Süleymanoğlu Mehmed bin Memiş, Kakavanoğlu Tahsin Efendi ibn Hakkı Efendi, Kakavanoğlu Hakkı Efendi ibn Abdulhalim Efendi.
Aded 191 B: Atyanoz Çıkara karyesi
Lazistan Sancağı’nın merkezi olan Rize kazası kurâsından Atyanoz Çıkara karyesinden Solakoğlu Mehmed Kaptan bin Hacı Hasan Kaptan meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Esiroğlu müteveffa Süleyman’ın sulbî sağir oğulları Sadık ve Hasan’ın mallarından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim bin kuruş ile semeni işbu tarihten iki sene-i kamile müeccel olmak üzere kezalik eytâm-ı mezbûranın mallarından ve müdir-i muma ileyhden iştira eylediğim bir cild Ali Efendi fetvası semeninden yüzseksen kuruş ki ceman binyüzseksen kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Vila karyesinden Kopuzoğlu Hacı Arif Efendi ibn Mehmed ve Mirekaloz karyesinden Kara Mahmudzâde Abdulkadir Efendi ibn Mehmed Ağa ve Mirekaloz karyesinden Hacıoğlu Rauf bin Mustafa tekrar meclis-i makud-i mezkûrde her biri ikrar-ı tam ve takrir-i kelâm idub medyun-i mezbûr Mehmed Kaptan’ın ceman zimmetinde edası vacib olan binyüzseksen kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hamis ve’l-ışrin min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Hasan Efendizâde Kemal Efendi.
Aded 192 B: Piri Çelebi mahallesi
Lazistan Sancağı’nın merkezi olan Rize kasabası mahallâtından Piri Çelebi mahallesinden Hemşinlioğlu Memiş Reis bin Durmuş Reis meclis-i şer’-i şerif-i enverde Eytâm müdürü Hafız Harun Efendi ibn Hacı Dursun Efendi mahzarında takrir-i kelâm ve tabir-i ani’l-merâm idub Hacı Ahmedoğlu müteveffa Mehmed’in eytâmı Abdulhalim ve Ayşe’nin mallarından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibin kuruş ile semeni işbu tarihten iki sene-i kamile müeccel olmak üzere kezalik eytâm-ı mezbûranın mallarından ve lira-i Osmanî yüz kuruş hesabıyla müdir-i muma ileyhden iştira eylediğim bir cild Ali Efendi fetvası semeninden üçyüzaltmış kuruş ki ceman ikibinüçyüzaltmış kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Diğer İksenit mahallesinden Memişzâde Abdullah Efendi ibn Hacı Reşid ile Piri Çelebi mahallesinden Tuzcuzâde Rıfat Bey ibn Tahsin Efendi ve Hemşinlioğlu Şaban Efendi ibn Durmuş Reis tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i mezbûrun ceman zimmetinde edası vacib olan ikibinüçyüzaltmış kuruş terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Molla Ömerzâde Hasan Efendi, Burusalızâde İbrahim Efendi.
Aded 193 B: Samri mahallesi
Lazistan Sancağı’nın merkezi olan Rize kasabası mahallâtından Samri mahallesinden Kalafatoğlu Hasan bin Hüseyin meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub İmamoğlu müteveffa Arif Reis’in eytâmı Mehmed ve Sabire ve Cemile ve Ayşe’nin mallarından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim dokuzyüzellibir kuruş yirmi para ile semeni işbu tarihten iki sene-i kamile müeccel olmak üzere eytâm-ı mezbûrunun mallarından ve müdir-i muma ileyhden iştira eylediğim bir cild Ali Efendi fetvası semeninden yüzyetmişbir kuruş yirmi para ki ceman binyüzyirmiüç kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Yeniköy mahallesinde Sağıroğlu Şaban bin Memiş ile yeğeni Şükrü bin Mustafa ve Arkolikoz mahallesindeSukyasoğlu Ahmed Efendi ibn Hacı Yusuf tekrar meclis-i makud-i mezkûrde her biri ikrar-ı tam ve takrir-i kelâm idub medyun-i mezbûr Hasan’ın ceman zimmetinde edası vacib olan binyüzyirmiüç kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Tavilzâde İsmail Efendi, Likzâde İlyas Efendi.
Aded 194 B:
Askoroz karyesinden olub Erzurum misafirhanesinde vefat eden Mehmedoğlu Ahmed’in işbu verâsetine dair tanzîm olunan müzekkiresidir.
Müteveffa-yi mezbûr Mehmed bin Ahmed’in verâseti zevce-i menkuhe-i metrukesi Pupuze bint Ahmed ve anası Fatıma bint Abdullah ve sulbî sağir oğlu Ahmed ile zevce-i mezbûrenin batnında müsteban(?) beş aylık hamile munhasıra olduğu dava-i sahiha zımnında ber nehc-i şer’i sabit ve sübut-i verâsetlerine hükm-i şer’i lâhik olub şu halde tashih-i mesele-i mirasları bi hükmi’l feraiz kırksekiz sehmden olmağla siham-ı mezkûreden altı sehmi zevce-i mezbûreye ve sekiz sehmi ümmü’l-mezbûreye ve on yedi sehmi ibnu’l-mezbûr Ahmed’e ve onyedi sehmi dahi mevkûfen haml-i mezbûre isabet eylediği arz ve i’lâm olundu. Fi 11 Zi’l kaade sene 1332 ve fi 17 Eylül sene 1330.
Baş kâtib, kadı.
Aded 195 B: Babik mahallesi
Lazistan Sancağı’nın merkezi olan Rize kasabası mahallâtından Babik mahallesinden Bayramoğlu Mehmed Efendi ibn İsmail Reis meclis-i şer’-i şerif-i enverde Eytâm müdürü Hafız Harun Efendi ibn Hacı Dursun Efendi mahzarında takrir-i kelâm ve tabir-i ani’l-merâm idub Arpik Makras karyesinden Yakuboğlu müteveffa Ali bin Mehmed’in sulbî sağir oğlu Lütfü’nün malından sîm mecîdi ondokuz kuruş hesabıyla bindörtyüzsekiz kuruş on para ve tenekeci müteveffa İbrahim’in sulbî sağir oğlu Mehmed’in malından lira-i Osmanî yüz kuruş hesabıyla altıyüz kuruş müdir-i muma ileyhden istidane ve kabz ve umuruma sarfla istihlâk eylediğim gibi semeni işbu tarihten iki sene-i kamile müeccel olmak üzere eytâm-ı mezbûrunun mallarından ve müdir-i muma ileyhden iştira eylediğim bir cild Ali Efendi fetvası semeninden lira-i Osmanî yüz kuruş hesabıyla üçyüzaltmışbir kuruş otuz para ki ceman ikibinüçyüzyetmiş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalle-i mezkûreden Hacı İbrahimzâde Şevki Efendi ibn İsmail Efendi ve Hacı İbrahimzâde Mustafa Efendi ibn Mahmud Efendi ve Arkotil mahallesinden Bekiroğlu Mazhar Efendi ibn İsmail tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Mehmed Efendi’nin ceman zimmetinde edası vacib olan mezkûr ikibinüçyüzyetmiş kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Vardalzâde Hasan Efendi
Aded 196 B: Samri mahallesi
Lazistan Sancağı’nın merkezi olan Rize kasabası mahallâtından Samri mahallesinden Kukucoğlu Mehmed bin Yusuf meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Terzi İsmailoğlu müteveffa İsmail eytâmı Veysel ve Emine ve Fatıma’nın mallarından sîm mecîdi yirmi kuruş hesabıyla dörtyüzyetmişbeş kuruş ve Kavalzâde müteveffa-yi Hacı Salih Eytâmı Osman ve İbrahim ve Hacere’nin mallarından üçyüzseksen kuruş on para ve Fencioğlu müteveffa Talib Reis’in mahdumi Hüseyin’in mallarından ikiyüz ? kuruş ki ceman sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim bindoksansekiz kuruş on para ile semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden yüzdoksansekiz kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefaletleri meclis-i eytâmca musaddak olan mahalleden Tarlacıoğlu Ahmed Usta bin Hacı ve Peripol mahallesinden Bostanoğlu Ömer bin Ahmed ve Carihoz mahallesinden Kürd Reşidoğlu Durmuş Ali bin Reşid tekrar meclis-i makud-i mezkûrde ve Eytâm müdürü mahzarında her biri ikrar-ı tam ve takrir-i kelâm idub medyun-i mezbûr Mehmed’in min haysu’l mecmu ceman zimmetinde edası vacib olan binikiyüzdoksanaltı kuruş on para ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Kel Ahmedoğlu Sadık Efendi, Emir Ahmedzâde Mehmed Efendi.
Aded 197 B: Vonit-i İslâm mahallesi
Lazistan Sancağı’nın merkezi olan Rize kasabası mahallâtından Vonit-i İslâm mahallesinden Molla Ömerzâde Hasan Efendi ibn Hacı Abdulhamid Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Esiroğlu müteveffa Süleyman’ın eytâmı Sadık ve Hasan’ın mallarından ve müdir-i muma ileyh yedinden lira-i Osmanî yüz kuruş hesabıyla istidane ve kabz ve umuruma sarfla istihlâk eylediğim üçbin kuruş ile semeni işbu tarihten iki sene-i kamile müeccel olmak üzere eytâm-ı mezbûrunun mallarından ve kezalik müdir-i muma ileyh yedinden iştira eylediğim bir cild Ali Efendi fetvası semeninden beşyüzkırk kuruşla ceman üçbinbeşyüzkırk kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Yeniköy mahallesinden Lazzâde Ahmed Efendi ibn Hacı Mustafa ve Peşeyan mahallesinden Türüdizâde Hasan Efendi ibn Hacı Mehmed ve Dervişzâde Hacı İbrahim Efendi ibn Hacı Ahmed tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idup medyun-i muma ileyh Hasan Efendi’nin ceman zimmetinde edası vacib olan üçbinbeşyüzkırk kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani aşer min Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Topaloğlu Akif Efendi.
Aded 198 B: Vonit-i İslâm mahallesi
Lazistan Sancağı’nın merkezi olan Rize kasabası mahallâtından Vonit-i İslâm mahallesinden Tatarzâde Kazım Efendi ibn Hacı Şükrü Efendi meclis-i şer’-i şerif-i enverde takrir-i kelâm ve tabir-i ani’l-merâm idub İmamzâde müteveffa Hacı Kaşif kerimesi Rabia’nın malından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibinbeşyüz kuruş ile semeni işbu tarihten iki sene-i kamile müeccel olmak üzere sağire-i mezbûrenin malından ve müdir-i muma ileyh yedinden iştira eylediğim bir cild Ali Efendi fetvası semeninden dörtyüzelli kuruş ki ceman ikibindokuzyüzelli kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Piri Çelebi mahallesinden Lazzâde Hacı Kemal Efendi ibn Hacı Ahmed ile Romanoz-i İslâm mahallesinden Kavalzâde Receb Efendi ibn Hacı Hüseyin ve Vonit-i İslâm mahallesinden Tatarzâde Hacı Şükrü Efendi ibn Hacı Mustafa tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Kazım Efendi’nin ceman zimmetinde edası vacib olan ikibindokuzyüzelli kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Topaloğlu Akif Efendi.
Aded 199 B: Samri mahallesi
Lazistan Sancağı’nın merkezi olan Rize kasabası mahallâtından Samri mahallesinden Tarlacıoğlu Ahmed Usta bin Hacı Hasan meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Dervişzâde müteveffa Hacı Lütfü Efendi eytâmı Mustafa ve Süleyman ve Abdulvehhab ve Hüseyin ve Emine ve Hatice’nin mallarından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibin kuruş ile semeni işbu tarihten üç sene-i kamile müeccel olmak üzere eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetvası semeninden beşyüzkırk kuruş ki ceman ikibinbeşyüzkırk kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları eytâm meclisince musaddak olan mahalleden Kukucoğlu Mustafa Usta ve Hüseyin ile Samri mahallesinden Çalıkoğlu Osman bin Ahmed tekrar meclis-i makud-i mezkûrde her biri ikrar-ı tam ve takrir-i kelâm idub medyun-i mezbûr Ahmed Usta’nın ceman zimmetinde edası vacib olan ikibinbeşyüzkırk kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Kösezâde Yusuf Efendi, Hacı Genç Ağazâde Lütfü Efendi.
Aded 200 B: Piri Çelebi mahallesi
Lazistan Sancağı’nın merkezi olan Rize kasabası mahallâtından Piri Çelebi mahallesinden Kolçakzâde Hamdi Efendi ibn Ruşen Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Kavalzâde müteveffa Hacı Salih Efendi eytâmı İbrahim ve Osman ve Hacere’nin mallarından sîm mecîdi yirmi kuruş hesabıyla altıyüzotuzüç ve Kale mahallesinden Hacı İsmailoğlu müteveffa Ahmed’in sağire kızı Hasibe’nin malından kezalik sîm mecîdi yirmi kuruş hesabıyla bin kuruş müdir-i muma ileyh yedinden istidane ve kabz ve umuruma sarfla istihlâk eylediğim gibi semeni işbu tarihten iki sene-i kamile müeccel olmak üzere müdir-i muma ileyhden ve kezalik sîm mecîdi yirmi kuruş hesabıyla iştira eylediğim bir cild Ali Efendi fetvası semeninden ikiyüzdoksandört kuruş ki ceman bindokuzyüzyirmiyedi kuruş zimmetimde deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Zırhzâde Hüseyin Efendi ibn Hacı Şakir Efendi ile Kolçakzâde Şevki bin Hüseyin Reis ve Kolçakzâde Sabri Efendi ibn Ruşen Efendi tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Hamdi’nin ceman zimmetinde edası vacib olan bindokuzyüzyirmiyedi kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi ve’l-ışrin min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Molla Ahmedoğlu Sadık Efendi.
Aded 201 B: Paşyan mahallesi
Lazistan Sancağı’nın merkezi olan Rize kasabası mahallâtından Paşyan mahallesinden Kadızâde Halil Efendi ibn Abdulhamid Efendi meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Ahmed Ağazâde müteveffa Osman Efendi eytâmı Kemal ve Cemil ve Lütfü’nün mallarından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim dokuzyüzotuzüç kuruş otuz para ile semeni işbu tarihten iki sene-i kamile müeccel olmak üzere kezalik eytâm-ı mezbûrun mallarından ve mecidî yirmi kuruş hesabıyla müdir-i muma ileyhden iştira eylediğim bir cild Ali Efendi fetvası semeninden yüzyetmişsekiz kuruş on para ki ceman binyüziki kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Roş mahallesinden Hacı Ömerzâde Hüseyin Efendi ibn Hacı Tahir Efendi ve Kamaşnoz mahallesinden Sarı Ahmedzâde Rıza Efendi ibn Osman Efendi ve Arkotil mahallesinden Gül Ahmedoğlu Raif Efendi ibn Ahmed meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Halil Efendi ki ceman zimmetinde edası vacib olan binyüziki kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Hatamoğlu(?) Faik Efendi, Hacı Ahmedoğlu Raif Efendi.
Aded 202 B: Kavaroz mahallesi
Lazistan Sancağı’nın merkezi olan Rize kasabası mahallâtından Kavaroz mahallesinden Kör Osmanoğlu Ömer Reis bin Hacı Receb Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub İmamzâde müteveffa Hacı Gülşen kerimesi Rabia’nın malından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibinbeşyüz kuruş ile semeni işbu tarihten iki sene-i kamile müeccel olmak üzere kezalik sağire-i mezbûrenin malından ve müdir-i muma ileyh yedinden iştira eylediğim bir cild Ali Efendi fetvası semeninden dörtyüzelli kuruş ki ceman ikibindokuzyüzelli kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Haldoz mahallesinden ve tüccardan Tavilzâde Hasan Efendi ibn Hacı Mehmed ile mahalleden Hacı Abdullahoğlu Muharrem Efendi ibn Hacı Yahya ve Molla Hasanoğlu Hafız Hakkı Efendi ve ? meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i merkumun zimmetinde edası vacib olan ceman ikibinelli kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Molla Ömerzâde Osman Efendi
Aded 203 B: Çiklenar karyesi
Lazistan Sancağı’nın merkezi olan Rize kazası kurâsından Çiklenar karyesinden zatı hıyn-i tevkilde Abdulvahid Efendi ibn Abdulhalim Efendi ve Tahsin Efendi ibn Hakkı Efendi tarifleriyle muarrefe olan Emine bint Ruşen’in Zikr-i âtî dava ve muhakemeye vekîl-i müseccel-i şer’isi babası mezbûr Ruşen meclis-i şer’i münîrde karye-i merkûmeden Süleymanoğlu Hüseyin Kaptan ibn Hasan’ın dahi kezalik Zikr-i âtî muhâkeme ve muhasemeye vekîl-i müseccel şer’isi dava vekîllerinden Mustafa Efendi ibn İzzet Efendi muvacehesinde müvekkilem kızım mezbûre Emine müvekkil-i mezbûr Hüseyin Kaptan’ın bundan akdem vefat eden oğlu Mahmud’un zevce-i menkuhe-i medhul-i bihâsı iken zevci müteveffa-yi mezbûr Mahmud’dan mevhuben malı ve mülkü olan sekiz aded lira-i Osmanî kıymetli bir aded dikiş makinasıyla beşyüzkırk kuruşa muadil bir aded beşi birlik altını ve beheri onar kuruştan yirmibeş aded rubiyye ve beheri yirmişer kuruştan onbir aded gazi bahâsıyla beraber ceman beşyüz kuruş kıymetli zînet içun başta müstamel tepelik tabir olunur altınlarını ve yirmiyedi kuruşluk ? icaretini kaim pederi müvekkil-i mezbûr Hüseyin fuzuli ve tabir-i hakk-ı ahz ve gasb ederek el yevm nezdinde mevcud olduğundan bunları aynen müvekkileme teslime mezbûr Hüseyin Kaptan’a izafetle vekîl-i muma ileyh Mustafa Efendi’ye tenbih olunmak bi’l-vekâle matlubumdur deyu dava ve lede’s-sual vekîl-i muma ileyh Mustafa Efendi dahi cevabında müddeâ bih makineyi müvekkilim Hüseyin Kaptan nefsi içun üçyüzonbir senesinde ahardan iştira edib ol vechile kendi malı olduğunu müdafaaten vesair davasını ? küllîyen inkar ettikten ve lede’s-sual mal-ı müşterası olan müddeâ bih makineyi tarih-i mezkûrdan sonra mezkûr altınlarla beraber müvekkilesinin zevci müteveffa-yi mezbûr Mehmed hayatında zevcesi müvekkilesi mezbûreye hibe ve teslim ol dahi ittihab ve tesellüm ve kabul ederek bu suretle malı olduğunu müddeî vekîli mezbûr Ruşen dermiyanla ihdahuma aharına müddeâsını inkar eyledikten sonra müddeâ bih ? mukaddem tarihiyle nefsi içun iştira-i müvekkili Hüseyin Kaptan’ın malı olduğunu vekîl-i muma ileyh Mustafa Efendi’nin ve altınlar hakkında lehu müddeâsını müddeîye vekîli Ruşen’in isbat etmesi luzumu tarafından lede’t teklif müddeâ aleyh vekîli Mustafa Efendi ikame idub ifadeleri aynen zabıt ceridesinde muharrer olan şahidler davasına muvafık şahadet edemedikleri ve müddeîye vekîli Ruşen li ecli’ş şahade meclis-i şer’e ihzar eylediği mezkûr Çiklenar karyesi ahalisinden zatı tarafeyn ve müteveffa Arif Süleymanoğlu Süleyman bin Bekir bi’l-muvacehe istişhad olundukta amucamın oğlu olan müvekkil-i mezbûr Hüseyin Kaptan’ın oğlu müteveffa Mahmud hayatında zevcesi zatı malûmem müvekkile-i mezbûre Emine’ye beş adedi bir yerde bir beşli altını ile yirmibeş aded rubiyye ve on aded gazi altınından mürekkeb beşyüz kuruş kıymetli tepelik tabir olunub zinet altını hibe ve teslim ol dahi ittihab ve tesellüm ve kabul etti bunları mezbûre Emine istimal etmekte iken zevci mezbûr Mahmud vefat idub badehu mezkûr altınları işbu tarihten beş sene mukaddem kaim pederi mezbûr Hüseyin Kaptan mezbûreden gasben aldı gerek esna-i hibede ve gerek Hüseyin Kaptan aldığında hanesinde ve yanlarında hazır olduğumdan bunlar Hüseyin Kaptan’ın zimmetinde olduğunu biliyor ve böylece şahidim ve şahadet ederim dedikten sonra diğer şahid Liparit karyesinden istişhad olundukta zatı malûmem olan müvekkile-i mezbûre Emine müvekkil-i mezbûr Hüseyin Kaptan’ın oğlu müteveffa Mahmud’un zevcesi idi mezbûre Emine’nin kendi malı olan beşi birlik bir aded altını ile yirmibeş rubiyye ve on gazi altınından mürekkeb ceman beşyüz kuruş kıymetli tepelik tabir olunur altınlarını kaim pederi mezbûr Hüseyin Kaptan mezbûre Emine’yi hanesinden dışarı çıkarttıktan sonra yani işbu tarihten beş sene evvel gasben aldı ben aldığında o mecliste hazır idim bu cihetle beşi birlik altını ile beşyüz kuruşluk zinet altınından mürekkeb tepeliği Hüseyin Kaptan’ın mezbûre Emine’ye borcudur ben bu hususu bu vecihle biliyor ve böyle şahidim ve şahadet ederim deyu her biri bi’l-muvacehe ber nehc-i şer’i eda-i şahadet-i şer’i etmeleriyle şahadet-i vakıaları muvafık görülmekle şahidan-i mezbûr andan mezbûr Mehmed evvelen ba veraka-i mesture mensub olduğu mezkûr Liparit karyesi muhtar-ı evveli Genç Alioğlu İbrahim’le muhtar-ı sanisi Ali’den ve mezbûr Süleyman dahi Çiklenar karyesi imamı Hafız Mustafa Efendi ile ihtiyar meclis-i azasından Çakıroğlu Abdullah’dan sirren ve badehu mezbûr Süleyman’ın li ecli’t ticare Rusya’ya gittiği karyesi ihtiyar heyeti tarafından mevrud ilmuhaberden anlaşılmasıyla ve onun gıyabında ve tarafeyn ve diğer şahid Mehmed hazır ve müterâfian mevcud oldukları halde yine Liparit karyesinden Hacı Efendioğlu Ali bin Mustafa ve Osman Habiboğlu Hasan bin Osman ile Çiklenar karyesinden Kakavanoğlu İlyas Efendi ibn Nuri Efendi ve Kakavanoğlu Tahsin Efendi ibn Hakkı Efendi’den alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olduğu ve ahiren mezbûr Hüseyin Kaptan aynı husustan dolayı müseccelen vekîl tayin eylediği Hafız Hulusi Efendi ibn Salih Efendi makine davası hakkındaki şahidleri müvekkilenin Rusya’da bulunmasıyla avdetinde getireceğini dermiyan etmesine karşı müddeîye vekîli Ruşen işbu makine ile sabit olmayan ? hakkında davasından şimdilik sarf-ı nazarla mürettibe-i subutta bulunan altınların taht-ı hükme alınmasını taleb eylediğine ve taleb-i vâki muvafık görüldüğüne binaen mucebince beşyüzkırk kuruşa muadil mezkûr beşi birlik bir aded altın ile yirmibeş aded rubiyye ve on aded gazi altınından mürekkeb zinet içun müstamel mezkûr beşyüz kuruşluk tepeliği mezbûrdan ahz u kabza vekîli olmadığı hasebiyle müddeiye-i müvekkile mezbûre Emine’ye eda ve teslime müvekkil-i mezbûr Hüseyin Kaptan’a izafetle vekîl-i lahiki muma ileyh Hafız Hulusi Efendi’ye tenbih olunduğu tescîl ve i’lâm olundu. Fi’l-yevmi’s-sani ve’l-ışrin min Cumade’l Ûlâ li sene isna ve selâsîne ve selâsemie ve elf.
Baş kâtib, kadı.
Aded 204 B: Mapavri’nin Misahor karyesi
Lazistan Sancağı’nın merkezi olan Rize kazası nevâhîsinden Mapavri nahiyesinin Misahor karyesinden Şirinoğlu Halid bin İlyas meclis-i şer’-i şerif-i enverde takrir-i kelâm ve tabir-i ani’l-merâm idub karye-i merkûmeden Karaalioğlu kerimesi Melek Hanım bint Hacı İsmail tarafından aleyhime ikame olunan dağa kaldırmak davasından dolayı mezbûre Melek Hanım ile aid olduğu mehâkim-i cezaiyede müddeî ve müddeâ aleyh ve müştekî ve müştekâ aleyh sıfatlarıyla muhâkeme ve muhâsama ve mucâvebeye ve ikame ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâya ve temyiz ve takib-i davaya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabia aşer min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Berber İslâmzâde Ahmed Remzi Efendi.
Aded 205 B:
Peripol mahallesinden Uzun Hüseyinoğlu Memiş bin İsmail’in sübut-i verâsetine dair tanzîm olunan ilamdır.
Müteveffa-yi mezbûr Gülşen bin İsmail bin Yakub’un verâseti anası Hamide bint Mehmed ile li ebeveyn erkarındaşları İlyas ve Yakub ve li ebevyn kız karındaşları Güllü ve Mevlude ve Fatıma ve Hasibe’ye munhasıra olduğu mahzar-ı hasım-ı cahidde dava-i sahiha zımnında ber nehc-i şer’i sabit ve sübut-i verâsetlerine hükm-i şer’i lâhik olub şu halde tashih-i mesele-i mirasları bi hükmi’l feraiz kırksekiz sehmden olup siham-ı mezkûrden sekiz sehmi ümmü’l-mezbûre Hamide’ye ve onar sehmden yirmi sehmi ehu leha mezbûran İlyas ve Yakub’a ve beşer sehmden ceman yirmi sehmi uhtu’l mezbûrun Güllü ve Mevlude ve Fatıma ve Hasibe’ye isabet eylediği i’lâm olundu. Fi 16 Zi’l kaade sene 1332 ve 24 Eylül sene 1330.
Baş kâtib, kadı.
Aded 206 B: Ğorğor karyesi
Lazistan Sancağı’nın merkezi olan Rize kazası kurâsından Ğorğor karyesi sakinelerinden zatı zeyl-i vesikada muharreru’l-esâmî Mustafa bin Şakir ve Şakir bin Temel tarifleriyle muarrefe olan Ofluoğlu kerimesi Havva bint Memiş meclis-i şer’-i şerif-i enverde Kanboz Kaşatoz karyesinden Topuzoğlu Haşim bin Mahmud mahzarında takrir-i kelâm ve tabir-i ani’l-merâm idub üç seneden beri mezbûr Haşim’in zevce-i menkuhe-i medhul-i bihâsı isemde üzerime diğer bir zevce alarak beni infak ve iksâ etmemekte olduğundan ve esasen zevcim mezbûrun üç odayı hâvî bir hanesinde bir karındaşıyla ve kız karındaşı ve anası ve diğer bir odayı menzilinde diğer zevcesi sakinler olub benim içun mesken-i şer’î olmadığından mesken-i şer’î tedarik ve tehiyyesine değin üzerine kadr-i marûf nafaka farz u takdir olunmak matlubumdur deyu dava ve lede’s-sual ol dahi cevabında mezbûre ber vech-i muharrer zevce-i menkuhe-i medhul-i bihâsı olduğunu ve mezbûre içun ayrıca mesken-i şer’î olmayıb nafaka itasına dahi kudreti bulunmadığını dermiyanla hakikat-i hal mezbûrenin takrir-i meşruhi üzere olduğu ve tarafeynin usr ve yusr halleri nazar-ı itibara alınarak Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağla mucebince mesken-i şer’î tedarik ve tehiyyesine değin üzerine kadr-i marûf ve nafaka farz u takdir olunmak matlubumdur deyu ve lede’s-sual ol dahi cevabında mezbûre ber vech-i muharrer zevce-i menkuhe-i medhul-i bihâsı olduğunu ve mezbûre içun ayrıca mesken-i şer’î olmayıb nafaka itasına dahi kudreti bulunmadığını dermiyanla hakikat-i hal mezbûrenin takrir-i meşruhi üzere olduğu ve tarafeynin usr ve yusr halleri nazar-ı itibara alınarak Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağla mucebince mesken-i şer’î tedarik ve tehiyyesine mezbûrenin nafaka ve kisve bahâ vesair levazım-ı zaruriyesi içun işbu tarihten itibaren beher şehrî altmış kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci mezbûr Haşim’e rucua mezbûreye izin verilmegin ma vekaa bi’t-taleb ketb olundu. Fi’l-yevmi’s-sania aşer min şehr-i Ramazani’l-mübarek li sene isna ve selâsîne ve selâsemie ve elf.
Baş kâtib, kadı. Ofluoğlu Mustafa ?, Kanburoğlu Şakir bin Temel.
Aded 207 B:
Çancol mahallesinden Suyabatmazoğlu Yahya bin Hasan’ın sübut-i verâsetine dair tanzîm olunan ilamdır.
Müteveffa-yi mezbûr Yahya bin Hasan bin Arif’in verâseti hasren babası mezbûr Hasan’a munhasıra olduğu mahzar-ı hasım-ı cahidde dava-i sahiha zımnında ber nehc-i şer’i sabit ve sübut-i verâsetine hükm-i şer’i lâhik olduğu arz ve i’lâm olundu. Fi 24 Zi’l kaade sene 1332 ve fi 30 sene Eylül 1330.
Baş kâtib, kadı.
Aded 208 B: Mişona karyesi
Lazistan Sancağı’nın merkezi olan Rize kazası kurâsından Mişona karyesinden Berberoğlu ? Efendi ibn Hacı Osman meclis-i şer’-i şerif-i enverde takrir-i kelâm ve tabir-i ani’l-merâm idub leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkim-i şer’iye ve nizamiye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve benim her hakkımı ashabından taleb ve dava ve ahz u kabz ile bana i’tâ ve teslime ve isbat-ı verâset iddiasına ve lede’l-hâce sulh ve ibraya ve’l-hâsıl her nevi hukuk-i şahsiyye ve kanuniyemi salahiyet-i meşrua dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Mehmed Şevket Efendi ibn Haşim Efendi’yi kabulune mevkûfe vekîl ve naib-i manab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi ve’l-ışrin min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı. Tatzâde Hüseyin Efendi, Molla Ömerzâde Osman Efendi.
Aded 209 B: Sahor karyesi
Lazistan Sancağı’nın merkezi olan Rize kazası kurâsından Sahor karyesinden iken bundan beş sene akdem vefat eden Sarı Mahmudoğlu Osman bin Mahmud bin Abdullah’ın hukuk-i mahkemesindeki davası üzerine ibraz etmesi mezkûr mahkeme kararı iktizasından olduğu ifadesiyle ber vechi ati bi tariki’l-münasaha varisi olduğunu iddia eden ve tezkire-i osmaniyesi görülen Sarı Mahmudoğlu Keleş bin Ali meclis-i şer’i münîrde müteveffa-yi mezbûrun medyuni Satıroğlu Mehmed Efendi ibn Ahmed Efendi muvacehesinde üzerine bi’l-verâse dava ve takrir-i kelâm idub murisim müteveffa-yi mezbûr Osman’ın verâseti sulbî kebir oğulları Yunus ve Mahmud ile sulbîye-i kebire kızları Gülika ve Cemile’ye munhasıra ve badehu ibnu’l-mezbûr Yunus vefat idub verâseti sulbî kebir oğlu Hasan ile sulbîye-i kebire kızları Necibe ve Yasemin ve Gülsüme’ye munhasıra ve badehu bintu’l-mezbûre Gülika vefat idub verâseti sadriy kebir oğlu olduğum cihetle hasren bana munhasıra ve badehu ibnu’l-mezbûr Mahmud vefat idub verâseti sulbî kebir oğulları İsmail ve Şaban ve sulbîye-i sağire kızları Fatıma ve Vesile’ye munhasıra ve badehu ibnu’l-mezbûr Hasan vefat idub verâseti zevce-i menkuhe-i metrukesi Havva bint Abdullah ile sulbî sağir kızı Elmas ve li ebevyn kız karındaşları mezbûretan Necibe ve Gülsüme’ye munhasıra ve badehu bintu’l-mezbûre Cemile vefat idub verâseti kendinden evvel vefat eden oğlu Mehmed’in oğlu sağir Osman ile mezbûr Mehmed’in kızı Asiye’ye munhasıra ve tashih-i mesele-i mirasları bi hükmi’l münasahati’ş-şer’iye üçyüzaltmış sehmden olub siham-ı mezkûreden altmış sehmi ibnu’l-mezbûr Keleş’e ve kırkar sehmden ceman seksen sehmi ibnu’l-mezbûran İsmail ve Şaban’a ve yirmişer sehmden ceman kırk sehmi bintu’l-mezbûretan Fatıma ve Vesile’ye ve altı sehmi zevce-i mezbûre Havva’ya ve yirmidört sehmi bintu’l-mezbûre Elmas’a ve otuzüçer sehmden ceman altmışaltı sehmi uhtu’l-mezbûretan Necibe ve Gülsüme’ye ve kırk sehmi ibnu’l-mezbûr Osman’a ve yirmi sehmi bintu’l ibnu Asiye’ye isabet idub murisim müteveffa-yi mezbûrun başka varisleri ve terekelerine mustahik-i ahar kimesneleri olmamağla murisim müteveffa-yi mezbûrun hayatında muma ileyh Mehmed Efendi zimmetinde cihet-i karzdan alacak hakkı olan doksanaltı kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve teslime muma ileyh Mehmed Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Osman’a ol miktar kuruş zimmetinde halen deyni olduğunu taven ikrar ve itiraf idub ancak müddeiye-i mezbûr Gülşen’in ber vech-i muharrer verâset müddeâsı malûmum değildir deyu verâset-i mezkûre müddeâsını inkar etmekle müddeî mezbûrdan ber vech-i muharrer verâset müddeâsına mütabık beyyine taleb olundukta adl-i ahrâr-i rical-i müsliminden ve Sahor karyesinden Pehlivanoğlu Harun bin Dursun bin Ali ile yine karyeden Sarı Hasanoğlu nâm-ı diğeri Kösenin İlyas bin İsmail ibn Hasan’dan her biri meclis-i şer’e hazıran olub li ecli’ş şahade her biri münferiden ve muvaceheten istişhad olundukta fi’l-hakika müteveffa-yi mezbûr Osman bin Mahmud bin Abdullah’ın verâseti sulbî kebir oğulları Mahmud ve Yunus ve sulbîye-i kebire kızları Gülika ve Cemile’ye munhasıra ve badehu ibnu’l-mezbûr Yunus vefat idub verâseti sulbî kebir oğlu Hasan ve sulbîye-i kebire kızları Necibe ve Yasemin ve Gülsüme’ye munhasıra ve badehu bintu’l-mezbûre Gülika vefat idub verâseti sadriy kebir oğlu müddeî mezbûr Keleş’e hasren munhasıra ve badehu ibnu’l-mezbûr Mahmud vefat idub verâseti sulbî kebir oğulları İsmail ve Şaban’a ve sulbîye-i kebire kızları Fatıma ve Vesile’ye munhasıra ve badehu ibnu’l-mezbûr Hasan vefat idub verâseti menkuhe-i metrukesi Havva bint Abdullah’a ve sulbîye-i kebire kızı Elmas ve li ebeveyn kızı Gülsüme’ye munhasıra ve badehu bintu’l-mezbûre Cemile vefat idub verâseti kendinden evvel vefat eden sadriy kebir oğlu Mehmed’in sağir oğlu Osman ile mezbûr Mehmed’in sadriye-i sağire kızı Asiye’ye munhasıra olub bunlardan başka varisleri ve terekelerine mustahik-i ahar kimesneleri olduğu malûmumuz değildir biz bu hususta bu vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye etmeleriyle şahidan-i mezbûran evvelen ba veraka-i mesture mensub oldukları mezkûr Sahor karyesi imamı Sarı Hüseyinoğlu Bayram bin Ali ile muhtar-ı sanisi Dervişoğlu Memiş bin Ahmed’den sirren ve badehu tarafeyn ve şahidler hazır ve müterâfian mevcud oldukları halde mezkûr Sahor karyesinden Bayrakdaroğlu Hüseyin bin Şaban ile Pehlivanoğlu Ali bin Salih’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri ihbar ve işar olunub şahadetleri makbule olmağın mucebince verâsetlerine bade’l-hükm ve’t-tenbih müddeâ bih meblağdan hisse-i irsîyesi olan altı kuruşu müddeî mezbûr Keleş’e eda ve teslime muma ileyh Mehmed Efendi’ye tenbih olunduğu tescîl ve i’lâm olundu. Fi’l-yevmi’l ışrin min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı.
Aded 210 B: Peşeyan mahallesi
Lazistan Sancağı’nın merkezi olan Rize kasabası mahallâtından Peşeyan mahallesinden Zırhzâde Mehmed Ali Efendi ibn Hacı Şakir Efendi meclis-i şer’-i şerif-i enverde takrir-i kelâm ve tabir-i ani’l-merâm idub Rize Tevkifhanesi nan-ı aziz müteahhidi esmanı olarak fiyattan hazine-i celilede olan meblağ-ı malûme alacağımı memur-i mahsusundan taleb ve dava ve ahz u kabza ve leh ve aleyhimde tahaddüs eden ve edecek olan her nevi dava ve munazaattan dolayı icab edenlerle aid olduğu mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve benim her hakkımı ashabından taleb ve dava ve kezalik ahz u kabz ile bi’l-cümle makbuzatını bana i’tâ ve teslime ve’l-hâsıl her türlü hukuk-i şahsiyye ve kanuniyemi salahiyet-i meşrua ve kanuniye dairesinde icra-i muhâkeme ve muamele ve müdafaya ve son dereceye kadar mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibnu’l Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamis ve’l-ışrin min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Rakıcızâde Mustafa Efendi.
Aded 211 B: Hortoz mahallesi
Lazistan Sancağı’nın merkezi olan Rize kasabası mahallâtından Hortoz mahallesinden Laz Mahmudoğlu Ali bin İsmail meclis-i şer’-i şerif-i münîrde mezbûr Ali tarafından Kura-i Seba nahiyesinin Petran karyesinden Karakulakcıoğlu Ali bin Hasan ile anası Laz Mahmudoğlu kerimesi Musibe bint Ali aleyhlerinde ikame eylediği ester ve eşya davalarından dolayı mezbûr ana davetiye verakası teblîğ olunduğu halde yevm-i muhakemede davet-i vakıaya icabet etmediklerine ve müddeî mezbûr Ali’nin gıyaben ru’yet-i muhâkeme talebine binaen gıyaben muhâkeme icrası takrir ettikten sonra müddeî mezbûr Ali’den lede’s-sual bundan bir buçuk sene mukaddem vefat eden oğlum Süleyman’ın verâseti babası olduğum cihetle hasren bana munhasıra olub oğlum müteveffa hayatında kendi malı olan biri iki buçuk yaşında onbeş lira kıymetinde siyah ve diğeri onbeş lira kıymetinde onbir yaşında demir kır rengindeki iki aded esteri ile kezalik oğlum müteveffa-yi mezbûrun kendi malı olan bir buçuk kıyyelik yirmi kuruş kıymetinde bir aded müstamel nuhas gügüm ve bir buçuk kıyyelik yirmi kuruş kıymetli bir aded nuhas kazan ve iki buçuk kıyyelik otuzbeş kuruş kıymetli bir aded nuhas mustamel diğer kazan ve beheri onar kuruş kıymetli beş aded nuhas mustamel sahan ve yirmi okka vezninde yün memlü üçyüz kuruş kıymetli iki aded şilte ve altmış kuruş kıymetli bir aded kantar ve yirmibeş kuruş kıymetli bir aded demir balta ve yüz kuruş kıymetli bir aded şalvar ve elli kuruş kıymetli bir aded başlığını mezbûran Ali ve Musibe bi ğayr-i hak zabt ve bi’l meiyye tasarruf eder olduklarından esterlerle eşya-i muharrere-i mezkûreyi aynen taleb ederim deyu dava ettikten sonra müddeî mezbûrdan ber vech-i muharrer bi tamamiha müddeâsına mütabık beyyine taleb olundukta adl-i rical-i ahrar-i müsliminden ve Kabahor karyesinden olub da Arğaloz karyesinde sakin Topçununoğlu Memiş bin İzzet bin Memiş ile mezkûr Arğaloz karyesinden Kara Mehmedoğlu Süleyman bin Ali bin Süleyman’dan her biri li ecli’ş şahade meclis-i şer’e hazıran olub münferiden ve muvaceheten istişhad olduklarında fi’l-hakika müddeî mezbûr Ali’nin oğlu Süleyman’ın bir buçuk sene evvel Balkan muharebesinde vuku vefatıyla verâseti hasren babası mezbûr Ali’ye munhasıra olduğu ve müteveffa-yi mezbûr Süleyman’ın hayatında kendi malı müşterası olan biri siyah renkde ve iki buçuk yaşında on lira kıymetinde ve diğeri demir kır renginde onbir yaşında ve onbeş lira kıymetinde iki aded esteri el yevm Kura-i Seba’nın Petran karyesinde Karakulakcıoğlu Ali bin Hasan ile mezbûr Ali’nin anası müddeî mezbûr Ali’nin kızı Musibe’nin bi’l meiyye zabt ve tasarruf ve vaz’u yedlerinde olduklarını biliyor iddialarıyla müddeâ bih eşyalardan malûmatımız yoktur biz bu hususa bu vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye etmeleriyle şahidan-i mezbûran evvelen ba veraka-i mesture mensub oldukları mezkûr Arğaloz ? ve muhtar-ı evveli Lazoğlu Osman bin Ali ile muhtar-ı sanisi Yelkencioğlu Süleyman’dan sirren ve ind-i şahid-i mezbûr Memiş’in hasta olduğu heyet-i ihtiyariyesinden mevrud ilmuhaberden li taleb-i ketb onun gıyabında ve tarafeyn ve diğer şahid Süleyman hazır ve müterâfian mevcud olduktan ? yine Arğaloz karyesinden Laz Mahmudoğlu İslâm bin Efcan ile mezkûr karyeden Meto[zâde] Rıfat bin Mahmud’dan kezalik bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunub müddeî mezbûr Ali eşya hakkında müddeâsını isbat etmekten izhar-ı acizane talib-i tahlîf olunmasına mebni müddeâ aleyhayı bi’l celb zabt ve dava-i meşruha kıraat ve tekrar olunduktan sonra müteveffa-yi mezbûrun malı olan eşya-i muharrere-i mezkûreyi bi ğayr-i hak zabt ve tasarruf ettiklerine dair mezbûran Ali ve Musibe’yi ber nehc-i şer’i teklif olunan yemini kabul ve icrâ etmeleriyle mucebince müddeâ bih esterlerin aynen müddeî mezbûr Ali’ye teslimine mezbûran Ali ve Musibe’ye tenbih ve eşya-i mezbûre hakkındaki müddeâsıyla müddeî mezbûr Ali bila beyyine muârazadan men olunduğu tescîl ve i’lâm olundu. Fi’l-yevmi’r-râbi min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı.
Aded 212 B: Lictoz karyesi
Lazistan Sancağı’nın merkezi olan Rize kazası kurâsından Lictoz karyesi sakinelerinden zatı zabt-ı ceridesinde şöhretleri muharrer Arif bin Ahmed ve Ahmed bin Mustafa tarifleriyle muarrefe olan Hatice bint Ahmed meclis-i şer’-i şerif-i münîrde karye-i merkûmeden Morgüloğlu İsmail bin Mehmed muvacehesinde bundan akdem vefat eden zevcim Morgüloğlu Hacı İbrahim bin Osman’ın mezbûr İsmail zimmetinde cihet-i karzdan alacak hakkı olan beşyüzyetmişbeş kuruş kable’l-ahz dokuz sene mukaddem vefat etmekle verâseti zevce-i menkuhe-i metrukesi olduğum cihetle benimle babası mezbûr Osman ve anası Fatıma bint Ali ve sulbîye-i kebire kızları Serviye ve Hatice’ye munhasıra ve badehu ümmü’l-mezbûre Fatıma vefat idub verâseti zevci mezbûr Osman ve sulbî kebir oğulları Mehmed ve Mustafa ve sulbîye-i kebire kızı Asiye’ye munhasıra ve badehu mezbûr Mustafa vefat idub verâseti babası mezbûr Osman ile zevce-i metrukesi Fatıma bint Hasan ve li ebevyn erkarındaşı mezbûr Mehmed ve li ebeveyn kız karındaşı mezbûre Asiye’ye munhasıra ve badehu mezbûr Osman vefat idub verâseti sulbî kebir oğlu mezbûr Mehmed ile sulbîye-i kebire kızı mezbûre Asiye’ye munhasıra olmağla meblağ-ı mezkûrdan ber mucib verâset hisse-i irsîyemi mezbûr İsmail’den taleb ederim deyu dava ve lede’s-sual mezbûr İsmail dahi cevabında verâsetini vech-i muharrer üzere munhasıra olan müteveffa-yi mezbûre beşyüzyetmişbeş kuruş zimmetinde borcu olduğunu taven ikrar ve itiraf idub lakin meblağ-ı mezkûri mezbûr Hacı İbrahim’in vefatından sonra tamamen müteveffa-yi mezbûrun babası Osman’a te’diye ve îfâ etmişim dedikte lede’s-sual müddeiye-i mezbûre Hatice ve verese-i mezbûrundan diğer Hatice meblağ-ı mezkûrdan hisse-i irsîyelerini mezbûr Osman’a i’tâ ve teslime kendisine emretmediğini ve diğer verese emretmiş olduğunu dermiyan etmekle samiin sırasında bulunan mezbûre Hatice dahi müddeî mevkiine gelerek ol dahi hisse-i irsîyesini taleb eylediğine binaen mucebince müddeâ aleyh İsmail’in ikrarı vecihle müddeîyeden müddeîye zevce-i mezbûre Hatice’nin hisse-i irsîyesine isabet eden altmışüç kuruş ile bint-i mezbûre diğer Hatice’nin hisse-i irsîyesine isabet eden yüzyetmiş kuruş kendilerine eda ve teslime mezbûr İsmail’e tenbih olunduğu tescîl ve i’lâm olundu. Fi’l-yevmi’l ışrin min şehr-i Şabani’l-muazzam li sene isna ve selâsîne ve selâsemie ve elf.
Baş kâtib, kadı.
Aded 213 B: Kura-i Seba’nın Anzer-i Süfla karyesi
Lazistan Sancağı’nın merkezi olan Rize kazası nevâhîsinden Kura-i Seba nahiyesinin Anzer-i Süfla karyesinden iken bundan sekiz sene akdem vefat eden Molla Hamzaoğlu Halil bin Durmuş bin Abdullah’ın tereke ve sairesinden hisse-i irsîyesini taleb maksadıyla ber vechi ati varisi olduğunu iddia eden ve tezkire-i osmaniyesi görülen sulbî kebir Veysel meclis-i şer’i münîrde müteveffa-yi mezbûrun medyuni Emineddin mahallesinden Mengenoğlu Ali Efendi ibn Yunus muvacehesinde üzerine bi’l-verâse dava ve takrir-i kelâm idub murisim müteveffa-yi mezbûrun verâseti sulbî kebir oğlu olduğum cihetle benimle sulbî kebir diğer oğulları karındaşlarım İsmail ve Hızır ve sulbîye-i kebire kızları kız karındaşlarım Hacer ve Emriye ve sulbîye-i sağire kızı Mahfuze’ye munhasıra olub başka varisi ve terekesine mustahik-i ahar kimesnesi olmamağla murisimiz müteveffa-yi mezbûrun hayatında mezbûr Ali Efendi zimmetinde cihet-i karzdan alacak hakkı olan otuzaltı kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve teslime mezbûr Ali Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Halil’e ol miktar kuruş zimmetinde halen deyni olduğunu taven ikrar ve itiraf idub ancak müddeî mezbûrun ber vech-i muharrer verâset müddeâsı malûmum değildir deyu müddeî mezbûrdan ber vech-i muharrer verâset müddeâsına mütabık beyyine taleb olundukta adl-i ahrar-i rical-i müsliminden ve Kura-i Seba’nın İksenit karyesinden Kaşmiroğlu Memiş bin Beşir bin Ali ile mezkûr Anzer-i Süfla karyesinden Molla Hamzaoğlu Temel bin Süleyman bin Sadullah’dan her biri li ecli’ş şahade meclis-i şer’e hazıran olub münferiden ve muvaceheten istişhad olunduklarında fi’l-hakika müteveffa-yi mezbûr Molla Hamzaoğlu Halil bin Durmuş bin Abdullah’ın verâseti sulbî kebir oğulları müddeî mezbûr Veysel ve Hızır ve sulbîye-i kebire kızları Hacere ve Emriye ve sulbîye-i sağire kızı Mahfuze’ye munhasıra olub bunlardan başka varisi ve terekesine mustahik-i ahari olduğu malûmumuz değildir biz bu hususa bu vech üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye etmeleriyle şahidan-i mezbûran evvelen ba veraka-i mesture mensub oldukları mezkûr Anzer-i Süfla karyesi muhtar-ı evveli Buzikoğlu Abdullah ve heyet-i ihtiyariyesinden Cuhniyanınoğlu(?) Salih bin Ali ve Molla Hamza bin Durmuş ve ? karyesi imamı Uzun Ahmedoğlu Salih ile heyet-i ihtiyariyesinden Karacaoğlu Mehmed Karacaoğlu Dursun’dan sirren ve badehu şahidlerden Temel’in askere sevk olunduğu heyet-i ihtiyariyesinden mevrud ilmuhaberden müstebân olduğu cihetle onun gıyabında ve diğer şahid müterâfian hazır ve mevcud oldukları halde mezkûr Anzer-i Süfla karyesinden Bayezidoğlu Aziz bin İsmail ile Korimanoğlu Hacı Ahmed bin Yakub ve İksenit karyesinden Kirlioğlu Sadık bin Hüseyin ve Kokaroğlu Ahmed bin İlyas’dan kezalik bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince verâsetine bade’l-hükm müddeâ bih otuzaltı kuruştan hisse-i irsîyesini olan sekiz kuruşu müddeiye-i mezbûre eda ve teslime müddeâ aleyh mezbûr Ali Efendi’ye tenbih olunduğu tescîl ve i’lâm olundu. Fi’l-yevmi’s-samin ve’l-ışrin min Zi’l-kaadeti’ş-şerife li sene isna selâsîne ve selâsemie ve elf.
Baş kâtib, kadı.
Aded 214 B: Kalamoz karyesi
Lazistan Sancağı’nın merkezi olan Rize kazası kurâsından Kalamoz karyesinden iken bundan mukaddem İzmir’de vefat eden Davudoğlu Ahmed bin Ömer bin Abdullah’ın İzmir’deki terekesinden hisse-i irsîyesini taleb maksadıyla ber vechi ati varisi olduğunu iddia eden ve tezkire-i osmaniyesi görülen zatı zeyl-i vesikada muharreru’l-esâmî İsmail ve Cafer benan-i Yusuf tarifleriyle muarrefe olan zevce-i menkuhe-i metrukesi Hatice bint Mustafa meclis-i şer’-i şerif-i enverde müteveffa-yi mezbûrun medyuni karye-i mezkûreden Davudoğlu Muharrem bin Habil muvacehesinde bi’l-verâse üzerine dava ve takrir-i kelâm idub zevcim müteveffa-yi mezbûrun verâseti benimle sulbî sağir oğlu Ömer ve sulbîye-i kebire kızı Hatice ve sulbîye-i sağire kızları Rukiye ve Saniye’ye munhasıra ve tashih-i mesele-i mirasları bi hükmi’l feraiz kırk sehmden olub siham-ı mezkûreden beş sehmi zevce-i mezbûreye ve ondört sehmi ibnu’l-mezbûr Ömer’e ve yedişer sehmden ceman yirmibir sehmi mezbûrât Hatice ve Rukiye ve Saniye’ye isabet idub başka varisi ve terekesine mustahik-i ahari olmamağla zevcim müteveffa-yi mezbûrun hayatında mezbûr Muharrem zimmetinde cihet-i karzdan alacak hakkı olan yirmidört kuruşu kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyeme isabet eden üç kuruşu bana eda ve teslime mezbûr Muharrem’e tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset müddeâsı malûmum değildir deyu verâset müddeâsını bade’l-inkar müddeiye-i mezbûreden ber vech-i muharrer verâset müddeâsına mütabık beyyine taleb olundukta adl-i ahrar-i rical-i müsliminden ve Kalamoz karyesinden zatı mezbûreyi arifan Kara Hasanoğlu Hasan bin Ömer bin Hasan ile mezbûre Hasan’ın karındaşı yine mezkûr Kalamoz karyesinden Kasa Hasanoğlu İsmail bin mezbûr Ömer bin mezbûr Hasan’dan her biri li ecli’ş şahade meclis-i şer’e hazıran olub münferiden ve muvaceheten istişhad olunduklarında fi’l-hakika müteveffa-yi mezbûr Davudoğlu Ahmed bin Ömer bin Abdullah’ın verâseti zevce-i menkuhe-i metrukesi müddeiye-i mezbûre Hatice bint Mustafa ile sulbî sağir oğlu Ömer ve sulbîye-i kebire kızı Hatice ve sulbîye-i sağire kızları Rukiye ve Saniye’ye munhasıra olub bunlardan başka varisi ve terekesine mustahik-i ahari olduğu malûmumuz değildir biz bu hususa bu vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet şer’iye etmeleriyle şahidan-i mezbûran evvelen ba veraka-i mesture mensub oldukları mezkûr Kalamoz karyesi muhtar-ı evveli Roboğlu Salih bin Ömer ile heyet-i ihtiyariyesi azasından Şişmanoğlu Mehmed bin Memiş’ten sirren ve badehu tarafeyn ve şahidler müterâfian hazır ve mevcud oldukları halde yine mezkûr Kalamoz karyesinden Roboğlu Ali bin Ahmed ve Hacıoğlu Rıfat bin Mustafa’dan kezalik bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince verâsetine bade’l-hükm müddeâ bih meblağdan hisse-i irsîyesi olan üç kuruş müddeiye-i mezbûreye eda ve teslime mezbûr Muharrem’e tenbih olunduktan sonra verese-i mezbûrunu siğar-i mezbûrunun valideleri ve tesviye-i umurlarına kıbel-i şer’iden mensube vasileri marifetu’z-zat zevce-i mezbûre Hatice ile kezalik zatı müslimin-i mezbûrdan İsmail ve Cafer tarifleriyle muarrefe olan tekrar meclis-i makud-i mezkûrde her biri bi’l-verâse ve bi’l-vesâye takrir-i kelâm ve tabir-i ani’l-merâm idub murisimiz müteveffaAhmed’in hıyn-i vefatında nezdinde bi’l-cümle terekesiyle zımem-i nasda olan kaffe-i hukukunu ve bir tonluk bir kıta felekesini vazıu’l-yed olanlardan mahallinde taleb ve ahz u kabz ile makbuzatını bize irsal ve isal ve teslime ve mucib-i muhâkeme bir hal vukuunda icab edenlerle aid olduğu mehâkimin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve bey’-i izin-i şer’iye mütevakkıf olan emval-i metrukesini mesu’-i şer’i tahkikiyle ve semen-i misliyle usul-i dairesinde memuru marifetiyle talibine bey’ ve temlik u teslime ve muamele-i mukteziye-i îfâya ve ber vech-i muharrer ahari tevkil ve azle ve’l hasıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile İzmir’de Kayıkçı esnafından Rizeli Davudoğlu Habil bin Eyüb’ü kabulune mevkûfe vekîl ve naib-i menab nasb u tayin eyledik dedikte ma vekaa bi’t-taleb ketb olundu. Fi’l-yevmi’t-tasi min şehr-i Ramazani’l-mübarek li sene isna ve selâsîne ve selâsemie ve elf.
Baş kâtib, kadı. Karaalioğlu Cafer ?, Karaalioğlu İsmail bin Yusuf, Roboğlu Ali bin Ahmed, Kara Hasanoğlu İsmail bin Ömer.
Aded 215 B: Varankoz karyesi
Bila istid’â müracaat eden Lazistan Sancağı’nın merkezi olan Rize kazası kurâsından Varankoz karyesinden Tiryakioğlu Ahmed bin Mehmed ile Rakıcıoğlu Kaşif Efendi ibn Hacı Ömer Efendi tarifleriyle muarrefe olan Saadet bint Genç Ali meclis-i şer’i münîrde karyeden Deli İsmailoğlu Yakub bin Ahmed muvacehesinde zevc-i dahilim ? Maksud işbu meclis-i şeri’de üç talak ile fi’l hal beni tatlik etmekle mehr-i müsemma olan mütekarrer ve makud aleyh mehr-i müeccel hakkım olan dörtyüz kuruş ile nafaka iddeti için de yüz kuruş ceman beşyüz kuruşu bana i’tâ ve îfâya mezbûr ? tenbih olunmak matlubumdur deyu dava ve lede’s-sual ol dahi cevabında ? medhul-i bihâsı müddeiye-i mezbûreyi üç talak ile tatlik eylediği ve mehr-i müsemma dörtyüz kuruş olduğu ve nafaka iddeti için de yüz kuruş i’tâ eyleyeceğini beyan ve iktidar etmekle mucebince dörtyüz kuruş mehr-i mucibini halen ve yüz kuruş nafaka iddetini de mustahik oldukça müddeiye-i mezbûreye eda ve teslime mezbûr Maksud’a tenbih olunduğu tescîl ve i’lâm olundu. Fi’l-yevmi’s-sadis ve’l-ışrin min şehr-i Recebi’l-ferd li sene isna ve selâsîne ve selâsemie ve elf.
Baş kâtib, kadı.
Aded 216 B: Şimadiyoz karyesi
Lazistan Sancağı’nın merkezi olan Rize kazası kurâsından Şimadiyoz karyesi sakinelerinden zatı zeyl-i vesikada muharreru’l-esâmî Ali Efendi ibn İbrahim Efendi ve Ahmed bin Ömer ve Mustafa bin Hacı Hasan tarifleriyle muarrefe olan Kamiloğlu kerimesi Havva bint Durali meclis-i şer’-i şerif-i enverde Hos karyesinden Mehmed Başoğlu Hafız Memiş bin Hafız Receb mahzarında takrir-i kelâm ve tabir-i ani’l-merâm idub ben üç seneden beri müddeâ aleyh mezbûr Memiş silah altında vazife-i askeriyesini îfâ etmekte bulunan oğlu Rıdvan’ın zevce-i mezkuhe-i medhul-i bihâsı olub zevcim mezbûr Rıdvan askere sevk olunmazdan evvel esasen mesken-i şer’îsi olmayıb babası mezbûr Hafız Memiş’in menzilinden benimle firaşından hasıla ve benden mütevellide ve halen bi hakki’l-hidâne hacr ve terbiyemde olan hazıretun bi’l-meclis tahminen iki yaşındaki Emine’yi mezkûr haneden ihrac etmişti zevcim asker mezbûr Rıdvan’ın babası Hafız Memiş benimle sağire-i mezbûreyi infak ve iksâ etmemekte olduğundan kaim pederim mezbûr Memiş üzerine kadr-i marûf nafaka farz u takdir olunmak matlubumdur deyu dava ve lede’s-sual mezbûr Memiş dahi cevabında mezbûre Havva silah altında olan oğlu Rıdvan’ın zevce-i menkuhe-i medhul-i bihâsı olduğunu ve sağire-i mezbûre mezbûr Rıdvan’ın firaşından hasıla ve mezbûre Rıdvan’ın sulbîye-i sağire kızı idugini ve fakat nafaka itasına kudreti olmadığını beyan ve ifade etmesiyle hakikat-i hal mezbûre Havva’nın takrir-i meşruhi üzere olduğu ve tarafeynin usr ve yusr halleri nazar-ı itabara alınarak Zikr-i âtî meblağ kadr-i marûf idugi zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mucebince mezbûre Havva ile sağire-i mezbûrenin nafaka ve kisve bahâ vesair levazım-ı zaruriyeleri içun beher şehrî her ikisine yetmişbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye oğlu mezbûr Rıdvan’a rucu etmek üzere mezbûr Hafız Memiş üzerine rucua mezbûre izin verilmegin ma vekaa bi’t-taleb ketb olundu. Fi’l-yevmi’t-tasia aşer min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı. ? Ahmed bin Ömer, Köse Hasanoğlu Ali Efendi ibn İbrahim, İskebetoğlu Mustafa bin Hacı Hasan
Aded 217 B: Müftü mahallesi
Lazistan Sancağı’nın merkezi olan Rize kasabası mahallâtından Müftü mahallesinden Salcıoğlu Osman Reis bin Hacı Ömer meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Salcıoğlu müteveffa Yakub Reis sağir oğlu Yusuf’un malından lira-i Osmanî yüz kuruş hesabıyla müdir-i muma ileyhden iştira ve kabz ve umuruma sarfla istihlâk eylediğim sekizyüzelliüç kuruş ile semeni işbu tarihten iki sene-i kamile müeccel olmak kezalik eytâm-ı mezbûrun malından ve müdir-i muma ileyh yedinden iştira eylediğim bir cild Ali Efendi fetvası semeninden yüzelidört kuruş ki ceman binyedi kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalleden Kubadoğlu Hasan Usta bin Ömer ve Durmuşoğlu İsmail bin Mehmed ve Emineddin mahalleli Hasan Başoğlu Hasan bin Dursun tekrar meclis-i makud-i mezkûrde Eytâm müdürü Hafız Harun Efendi mahzarında her biri ikrar-ı tam ve tabir-i ani’l-merâm idub medyun-i mezbûr Osman Reis’in ceman zimmetinde edası vacib olan meblağ-ı mezbûr binyedi kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sâlis ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Kösezâde Hacı Ahmed Efendi.
Aded 218 B: Haldoz mahallesi
Lazistan Sancağı’nın merkezi olan Rize kasabası mahallâtından Haldoz mahallesinden Fencioğlu Akif Reis bin Hacı Hüseyin meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Öksüzoğlu müteveffa Habib’in eytâmı Mustafa’nın malından sîm mecîdi yirmi kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim ikibinüç kuruş on para ile semeni işbu tarihten iki sene-i kamile müeccel olmak üzere kezalik sağir-i mezbûrun malından ve müdir-i muma ileyhden iştira eylediğim bir cild Ali Efendi fetvası semeninden üçyüzaltmış kuruş otuz para ki ceman ikibinüçyüzaltmışdört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalleden Likzâde Hasan Efendi ibn Receb ve Likzâde Ali Efendi ibn Abdulkerim ve Beruzâde(?) Osman Efendi ibn İbrahim meclis-i makud-i mezkûrde tekrar müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i mezbûrun ceman zimmetinde edası vacib olan ikibinüçyüzaltmışdört kuruş terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hamis min Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Hasan Efendizâde Hulusi Efendi.
Aded 219 B: Pendoz mahallesi
Lazistan Sancağı’nın merkezi olan Rize kasabası mahallâtından Pendoz mahallesinden Tatoğlu Hüseyin Efendi ibn İsmail Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Dervişzâde müteveffa Hacı Lütfü Efendi eytâmı Süleyman ve Abdulvehhab ve Hüseyin ve Emine ve Hatice’nin mallarından sîm mecîdi yirmi kuruş hesabıyla ikibinaltmış ve Topaloğlu Ömer’in eytâmı Mehmed ve Emin’nin mallarından kezalik sîm mecîdi yirmi kuruş hesabıyla dörtyüzellidört kuruş on para ve Kavaloğlu müteveffa Hacı Salih eytâmı İbrahim ve Osman ve Hacere’nin mallarından yüzelliiki kuruş on para ki ceman ikibinaltıyüzaltmış kuruş yirmi para istidane ve kabz ve umuruma sarfla istihlâk eylediğim gibi semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden dörtyüzseksen kuruş ki ceman üçbinyüzkırkaltı kuruş yirmi para zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Kale mahallesinden Kosifzâde Mustafa Efendi ibn Hacı Receb Efendi ve Kamaşnoz mahallesinden ?oğlu Mustafa Efendi ibn Reşid Efendi ve Ğalicoz karyesinden İskitoğlu Hafız Mehmed Efendi ibn Hacı Ali meclis-i makud-i mezkûrde tekrar müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûrun ceman zimmetinde edası vacib olan üçbinyüzkırkaltı kuruş yirmi [para] ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi min Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Hacı Alizâde Memiş Efendi.
Aded 220 B:
İşbu binüçyüzotuziki sene-i hicrisi ıyd-i said-i edha ilamıdır.
İşbu binüçyüzotuziki senesinin zi’l hicce-i şerifesinin ğurresi Çarşamba gününden bi’l itibar dokuzuncu yarın ki Perşembe günü arefe-i ğufran ihtiva ve ferdası Cuma günü ıyd-i said-i edha olduğu arz ve i’lâm olundu el emr li men lehu’l emr. Fi 7 Zi’l hicce sene 1332.
Baş kâtib, kadı.
Aded 221 B: İksenit mahallesi
Lazistan Sancağı’nın merkezi olan Rize kasabası mahallâtından Peşeyan mahallesinden Keşişoğlu Sokrat bin Pancu meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub İksenit mahallesi cami-i şerifinin nukûd-i mevkûfesinden olarak lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibinüçyüz kuruş ile semeni işbu tarihten iki sene-i kamile müeccel olmak üzere vakf-ı mezbûrdan ve müdir-i muma ileyhden kezalik lira-i Osmanî yüz kuruş hesabıyla iştira eylediğim bir aded basma saat semeninden dörtyüzondört kuruş ki ceman ikibinyediyüzondört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalleden Keşişoğlu Pancu bin Nikoli ile Vonit-i Rum mahallesinden Keşişoğlu Petro bin Dimitri ve Romanoz-i Rum mahallesinden Baltacıoğlu Pandeli bin Ditri tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i merkumun ceman zimmetinde edası vacib olan meblağ-ı mezkûr ikibinyediyüzondört kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sâlis min Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Emir Ahmedzâde Mahmud Efendi.
Aded 222 B: Vonit-i Rum
Lazistan Sancağı’nın merkezi olan Rize kasabası mahallâtından Vonit-i Rum mahallesinden ve teba-i devlet-i aliyyenin rum milletinden Bayrakdaroğlu Vasil Efendi bin Yani meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Hacı Ahmedoğlu müteveffa Mehmed’in eytâmı Halim ve Ayşe’nin mallarından lira-i Osmanî yüz kuruş hesabıyla sekizyüz kuruş ve Vilku karyesinden Bekiroğlu müteveffa Ali eytâmı İbrahim ve İsmail’in mallarından ve kezalik lira-i Osmanî yüz kuruş hesabıyla yediyüz kuruş ki ceman müdir-i muma ileyhden istidane ve kabz ve umuruma sarfla istihlâk eylediğim binbeşyüz kuruş ile semeni işbu tarihten bir sene-i kamile müeccel olmak üzere müdir-i muma ileyhden iştira eylediğim bir cild Ali Efendi fetvası semeninden yüzotuzbeş kuruş ki ceman zimmetimde vacibu’l-eda ve lazımu’l-kada deynim olan binaltıyüzotuzbeş kuruş ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalle-i mezkûreden bezzaz esnafından Arslanoğlu Vasil bin İliya ve Lefteroğlu diğer Vasil bin Yani ve Emineddin mahallesinden Hacı Kostioğlu Hristo bin Polihoz(?)’un tekrar meclis-i makud-i mezkûrde ve müdir-i muma ileyh mahzarında her biri takrir-i kelâm ve tabir-i ani’l-merâm idub medyun-i merkum Vasil’in ceman zimmetinde edası vacib olan meblağ-ı mezbûr binaltıyüzotuzbeş kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olup tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabia aşer min Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Hacı Efendizâde Ali Efendi.
Aded 223 B: Emineddin mahallesi
Lazistan Sancağı’nın merkezi olan Rize kasabası mahallâtından Emineddin mahallesinden Tüfenkçizâde Mehmed Efendi ibn Mahmud Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Manizâde müteveffa Ahmed Efendi eytâmı Ömer ve Hüseyin ve Zehra’nın mallarından lira-i Osmanî yüz kuruş hesabıyla binyetmişaltı kuruş yirmibeş para müdir-i muma ileyhden istidane ve kabz ve umuruma sarfla istihlâk eylediğim gibi semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden yüzdoksandört kuruş on para ki ceman binikiyüzyetmişbir kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalleden Tüfenkçioğlu Osman Efendi ibn Memiş Ağa ve Sarı Ahmedzâde Hasan Kaptan bin Hurşid ve Kamaşnoz mahallesinden Kadızâde Mustafa Efendi ibn Şükrü Efendi tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Mehmed Efendi’nin ceman zimmetinde edası vacib olan binikiyüzyetmişbir kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi ğurre-i Ramazani’l-mübarek li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Kopuzoğlu Hacı Arif Efendi.
Aded 224 B: Emineddin mahallesi
Lazistan Sancağı’nın merkezi olan Rize kasabası mahallâtından Emineddin mahallesinden Hacı İbrahimzâde Faik Efendi ibn Hacı Osman Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Alemdarzâde müteveffa Hacı Receb Efendi eytâmı Şaban ve Ramazan ve Muharrem’in mallarından lira-i Osmanî yüziki kuruş yirmidört para hesabıyla binyediyüzonyedi kuruş yirmi para ve Tenekeci müteveffa İbrahim Efendi eytâmı Emine’in malından lira-i Osmanî yüz kuruş hesabıyla ikiyüzsekseniki kuruş yirmi para istidane ve kabz ve umuruma sarfla istihlâk eylediğim ikibin kuruş ile semeni işbu tarihten bir sene-i kamile müeccel olmak üzere iştira eyldiğim bir cild Ali Efendi fetvası semeninden yüzseksen kuruş ki ceman ikibinyüzseksen kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Kale mahallesinden İslâmoğlu Hüseyin bin Hacı Mahmud ve İslâmoğlu diğer oğlu Hüseyin bin Yakub ve Peşeyan mahallesinden Rakıcızâde İbrahim Efendi ibn Şakir’in tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Faik Efendi’nin ceman zimmetinde edası vacib olan ikibinyüzseksen kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi aşer min Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Hacı Abdullahoğlu Hafız Mustafa Efendi.
Aded 225 B: Kavaroz mahallesi
Lazistan Sancağı’nın merkezi olan Rize kasabası mahallâtından Kavaroz mahallesinden Topaloğlu Osman bin Ali meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Hacı Durmuş Efendizâde Hacı Kaşif Efendi’nin sağire kızları Emine ve Havva’nın mallarından lira-i Osmanî yüz kuruş hesabıyla bin kuruş istidane ve kabz ve umuruma sarfla istihlâk eylediğim gibi semeni işbu tarihten bir sene-i kamile müeccel olmak üzere bir cild Ali Efendi fetvası semeninden doksan kuruş ki ceman bindoksan kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan mahalleden Topaloğlu Mustafa bin Ahmed ve Eminoğlu Hacı Süleyman bin Abdullah ve Kalohten mahallesinden Ahıshalıoğlu Abdullah bin Ahmed meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Osman’ın ceman zimmetine edası vacib olan meblağ-ı mezbûr bindoksan kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sadise aşer min şehr-i Ramazani’l-mübarek li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Rakıcızâde Arif Efendi.
Aded 226 B: Karadere’nin Vandri karyesi
Lazistan Sancağı’nın merkezi olan Rize kazası nevâhîsinden Karadere nahiyesinin Vandri karyesinden Kobuyercioğlu(?) Abdulhamid bin Hasan meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-merâm idub karye-i merkumede Kavranoğlu Dursun bin Abdullah ile basenedi hakani şayıan mutasarrıf olduğum bir kıta arazideki hisse-i şayıasını mezbûr Dursun’a İsmailoğlu Ahmed bin Kasım’a ferağ ve tefviz etmekle halît ve şeriki olduğum cihetle hisse-i mezkûreyi bedel misliyle aid olduğu mehâkimin her derecesinde bidayeten ve iâdeten ve itirazen ve istinafen ve temyizen taleb ve davaya ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve keşf talebiyle tefrik u taksime ve sadır olan ilamın hükmünü ? ve icrasını talebe ve lede’l-hâce isbat-ı verâset iddiasıyla sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadise aşer min Zi’l-kaadeti’ş-şerife li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Rakıcızâde Arif Efendi.
Aded 227 B: Umma karyesi
Lazistan Sancağı’nın merkezi olan Rize kazası kurâsından Umma karyesinden Filarocoğlu(?) İsmail Efendi ibn Mehmed meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Bekiroğlu müteveffa Ali eytâmı İbrahim ve İsmail’in mallarından lira-i Osmanî yüz kuruş hesabıyla altıyüzotuzüç kuruş yirmi para ve Karadere’nin Tonik karyesinden Serhanoğlu müteveffa Hasan’ın sağir oğlu Ali’nin malından kezalik lira-i Osmanî yüz kuruş hesabıyla yediyüzkırkyedi kuruş yirmi para ve Kavaloğlu müteveffa Hacı Salih eytâmı Osman ve İbrahim ve Hacere’nin mallarından ve sîm mecîdi yirmi kuruş hesabıyla dörtyüzelliyedi kuruş ki ceman medyun-i muma ileyh yedinden istidane ve kabz ve umuruma sarfla istihlâk eylediğim binsekizyüzotuzsekiz kuruş ile semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden üçyüzotuzbir kuruş ceman ikibinyüzaltmışdokuz kuruşu zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Peşeyan mahallesinden Berberoğlu Osman bin Ahmed ve Umma Tuğlu karyesinden Molla Mustafaoğlu İslâm Efendi ibn İbrahim ve karyeden Tavukçuoğlu Murad Efendi bin Memiş tekrar meclis-i makud-i mezkûrde her biri ikrar-ı tam ve takrir-i kelâm idub medyun-i mezbûrun ceman zimmetinde edası vacib olan meblağ-ı mezbûr ikibinyüzaltmışdokuz kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l aşir min Şevvali’l-mükerrem li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Emir Ahmedzâde Mahmud Efendi.
Aded 228 B: Haldoz mahallesi
Lazistan Sancağı’nın merkezi olan Rize kasabası mahallâtından Haldoz mahallesinden Taviloğlu Mustafa Ağa(?) ibn İsmail Ağa meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Tenekeci müteveffa İbrahim Efendi’nin sulbî sağir oğlu Mehmed’in malından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim bin kuruş ile semeni işbu tarihten iki sene-i kamile müeccel olmak üzere kezalik sağir-i mezbûrun malından ve kezalik müdir-i muma ileyhden iştira eylediğim bir cild Ali Efendi fetvası semeninden yüzseksen kuruş ki ceman binyüzseksen zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Kavaroz mahallesinden İbadoğlu Ali Efendi ibn Hurşid Efendi ile Nevruzoğlu Molla Ali ibn Hacı Memiş ve Karagözoğlu Hasan Reis ibn Hüseyin tekrar meclis-i makud-i mezkûrde her biri ikrar-ı tam ve tabir-i ani’l-merâm idub medyun-i muma ileyhin ceman zimmetinde edası vacib olan meblağ-ı mezkûr binyüzseksen kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l sabi ve’l-ışrin min Recebi’l-ferd li sene isna ve selâsîne ve selâsemie ve elf.

Baş kâtib, kadı. Muhzır İbrahim Efendi, Tavilzâde İlyas Efendi.