|
Aded 46 B: Petroz karyesi
Lazistan Sancağı’nın merkezi olan Rize kazası kurâsından Petroz karyesinden iken bundan akdem vefat eden Petrooğlu nâm-ı diğeri Hacı Hüseyin Efendioğlu Hakkı Efendi ibn Hüseyin’in sulbî sağir oğulları Ali Rıza ve Ahmed ve Arif ve Emin ve Yusuf ve sulbîye-i sağire kızı Hatice’nin ba hüccet-i şer’iye kıbel-i şer’iden mensub vasileri anaları Galataoğlu kerimesi Fatuli bint Hasan ile sadriy kebir oğlu Hasan meclis-i şer’-i şerif-i enverde Petroz karyesinden Petrooğlu Mehmed bin İdris mahzarında her biri bi’l-verâse ve bi’l-âsale ve bi’l-vesâye takrir-i kelâm ve tabir-i ani’l-merâm idub leh ve aleyhimizde tahaddüs eden ve edecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve Trabzon vilayetinin Boztepe mahallesinde vâki müteveffa-yi mezbûrdan mevrus ve müntakil bir bab mea müştemilat-ı saire-i hâvî menzilini icar misliyle talibine icar ve teslime ve bedel-i icarı ahz u kabza ve zimem-i nasda bi’l-cümle matlubat vesair bizim her hakkımızı ashabından taleb ve dava ve kezalik ahz u kabz ile bi’l-cümle makbuzatını bize i’tâ ve teslime ve ber vech-i muharrer ahari tevkil ve azle ve’l-hâsıl leh ve aleyhimizde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile muma ileyh Mehmed’i vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Elhazoğlu Abdullah bin Süleyman, Alevoğlu Sefer bin Hüseyin.
Aded 47 B: Mirekaloz karyesi
Lazistan Sancağı’nın merkezi olan Rize kazası kurâsından Mirekaloz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Selimoğlu kerimesi Huriye bint Dursun Ali meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan karye-i mezkûreden Kara Mehmedoğlu Abdulkadir bin Ruşen bundan akdem beni bila nafaka vela munfek-i şer’i terk idub müddet-i sefer-i baid olan Dersaadet’e gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf nafaka farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtarı tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve ve bahâ vesair levazım-ı zaruriyesi içun zevc-i gaib-i mezbûr üzerine işbu tarihten itibaren beher şehrî elli kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûreye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sani ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Kotiloğlu Mehmed bin Hacı Osman, Boşnakoğlu Tevfik bin Yahya, Giritlioğlu Mustafa bin Hacı Şakir. Aded 48 B: Peşeyan mahallesi
Lazistan Sancağı’nın merkezi olan Rize kasabası mahallâtından Peşeyan mahallesinden Türüdîzâde Hasan Efendi ibn Hacı Mehmed Efendi meclis-i şer’i münîrde muma ileyh Hasan Efendi tarafından karındaşı Osman Efendi aleyhime ikame olunan akar ve alacak davalarından dolayı muma ileyh Osman Efendi’ye ayrı ayrı günlerde gönderilib teblîğ ettirilen üç defa davetiye verakaları üzerine muma ileyh Osman Efendi mahkeme-i şer’iye gelmekten ve tarafından vekîl-i şer’i göndermekten imtina eylediği cihetle müddeî muma ileyhin gıyaben ru’yet-i muhâkeme talebine mebni muma ileyh Osman Efendi’nin hukukunu muhafaza ve müdafaya vekîl-i musahhar tayin olunan Mehmed Efendi ibn Ahmed Efendi muvacehesinde bundan akdem vefat eden pederim mezbûr Hacı Mehmed Efendi’nin verâseti benimle sulbî kebir diğer oğulları müvekkil muma ileyh Osman ve Mustafa ve Mesud Efendiler ve sulbîye-i kebire kızları Gülşah ve Zülfiye’ye munhasıra ve badehu mezbûre Gülşah vefat idub verâseti li ebevyn erkarındaşları benimle muma ileyhim Osman ve Mustafa ve Mesud Efendiler’e ve badehu mezbûr Mesud Efendi dahi vefat idub verâseti kezalik li ebeveyn erkarındaşları benimle muma ileyhima Mustafa ve Osman Efendiler’e munhasıra olmağla mesele-i mirasları on sehmden olub siham-ı mezkûreden üçer sehmden dokuz sehmi muma ileyhim Hasan ve Mustafa ve Osman Efendiler’e ve bir sehmi dahi mezbûre Zülfiye’ye isabet eylediği anlaşıldıktan sonra murisimiz pederimiz müteveffa-yi mezbûr Hacı Mehmed Efendi’nin hayatında ile’l vefat basened-i hakani nısfına malik ve mutasarrıf olduğu deruni kasabada Yeniköy mahallesinde vâki iki tarafı tarik-i âm ve iki tarafı Lazzâde Hacı Mustafa vereseleri arsalarıyla mahdud mea müştemilat Yeni Hamam dinmekle marûf bir bab hamam ile mezkûr hamam civarında bir taraf-ı tarik-i âm ve etraf-ı sairesi vakf-ı arsa ve kabristan ile mahdud bir kıta mülk-i arsa bade bize irs ve intikal ederek ber vech-i muharrer bunlar da mezbûr Mesud Efendi malik ve mutasarrıf olduğu on hisse itibarıyla üç hissesini hayatında otuzbeş aded Osmanlı lirası semen tesmiyesiyle üçyüzonyedi senesi eylülünün yirmidokuzuncu gününe müsadif üçyüzondokuz senesi cumade’l ahirasının yirmidokuzuncu gününde ve mahzar-ı şuhudda tarih-i mezkûrla müerreh mührüyle mahtum bir kıta sened-i adi vecihle bana bey’-i sahih-i kat’i ile bey’ ve teslim ve semen-i müsemmesi mezkûr otuzbeş lira-i Osmanîyi kendisine i’tâ ol dahi ahz u kabz idub mezkûr hamam ve arsanın nısfının on siham itibarıyla üç sehmi müteveffa-yi mezbûr Mesud Efendi’den iştira eylediğim mal ve mülküm olub bi hakk-i vaz’ eylediğim halde müvekkil muma ileyh Osman Efendi hisse-i mebia-i müşterama müdahale etmekte olduğundan sened-i hakanisi tashihen namıma kayd ve icrâ olunmak üzere müdahalesinin men’ine ve mezbûr Mesud Efendi zimmetinde kezalik tarih-i mezkûrla müerreh bir kıta deyn senedi mucebince cihet-i karzdan alacağım olan onbeş aded lira-i osnamiyi kable’l-ahz ve’l-istifa vefat etmekle tereke-i bakiyesine müvekkil muma ileyh Osman Efendi vazıu’l-yed olduğundan mezkûr onbeş lira-i Osmanîyi dahi tereke-i vafiyesinden bana eda ve îfâya kendisine izafetle vekîl-i musahhar Mehmed Efendi’ye tenbih olunmak matlubumdur deyu tarih-i mezkûrla müerreh ve müteveffa-yi mezbûrun mührüyle mahtum her ikisinde aynı kimseler şahid-i muharrer iki kıta sened-i ibraz ile bade’d-dava ve’s-sual vekîl-i musahhar-i mezbûr Mehmed Efendi müddeî muma ileyh Hasan Efendi’nin ber vech-i muharrer müddeâsını küllîyen inkar etmekle müddeî muma ileyh Hasan Efendi ber vech-i muharrer bitamamiha yani intikal ve verâset ve şer’en alacak ve tereke-i vafiyesi vaz’-ı yed müddeâlarını evvelen ba veraka-i mesture mensub oldukları muhasebe-i liva baş kâtibi Muhsin Efendi ibn Tufan Efendi ve merkez kâtibi Celal Efendi ibn Hüseyin Efendi ve icrâ memuru Ahmed Efendi ibn Musa Efendi ve hukuk mahkemesi zabıt kâtibi Mahmud Efendi ibn Abdulhamid Efendi’den sirren ve badehu müterâfian hazır oldukları halde mezkûr Peşeyan mahallesinde Molla Ömerzâde Hacı Murad Efendi ibn Hacı Mustafa ve Kavrakzâde Hacı İbrahim ibn Ali ve Hacı Hasanzâde Abdulğafur Efendi ibn Hacı Haşim’den alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûrun ile verese-i mezbûr uni arifan olan zikr olunan Peşeyan mahallesinden Maliye Sandık Emini Ahmed Efendi ibn Abdulkerim ile mahkeme mübaşiri Tevfik Efendi ibn Mustafa’nın tafsil-i mezkûr üzere ber nehc-i şer’i şahadetleriyle bi’l-muvacehe isbat itmegin müddeî muma ileyh Hasan Efendi istizharen bade’t-tahlifi’ş şer’i mucebince ber mûceb-i mesele-i miras muma ileyh Hasan Efendi’nin mezkûr hamam ve arsada müteveffa-yi mezbûr Mesud Efendi’den ber vech-i muharrer mal-ı müşterası olan üç sehme bi vechi şer’i müdahalesinin men’iyle kaydının namına tashihine ve onbeş aded Osmanlı lirasını vazıu’l-yed olduğu müteveffa-yi mezbûr Mesud Efendi’nin tereke-i vafiyesinden müddeî muma ileyh Hasan Efendi’ye i’tâ ve teslime müvekkil muma ileyh Osman Efendi’ye izafetle vekîl-i musahhar-i mezbûr Mehmed Efendi’ye tenbih olunduğu tescîl ve i’lâm olundu. Fi’l-yevmi’s-sani aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Aded 49 B: Lestenkoz karyesi
Lazistan Sancağı’nın merkezi olan Rize kazası kurâsından Lestenkoz karyesinden iken bundan akdem vefat eden Mafratoğlu Ali bin Reşid sulbî sağir oğlu Mustafa ile sulbîye-i sağire kızı Zehra’nın valideleri ve tesviye-i umurlarına kıbel-i şer’iden ba hüccet-i şer’iye mensub vasileri zatı zeyl-i vesikada muharreru’l-esâmî müslimîn tarifleriyle muarrefe olan Ayşe bint Yunus meclis-i şer’-i şerif-i enverde bi’l-vesâye ve bi’l-verâse takrir-i kelâm ve tabir-i ani’l-merâm idub benimle vasileri olduğum zevcim müteveffa-yi mezbûrun nukûd ve terekesinden her hakkını vazıu’l-yed olan belediye memurlarıyla sair icab edenlerden taleb ve dava ve ahz u kabza ve bi’l-cümle emlak ve arazilerine müdahale edenlerle aid olduğu mehâkim-i şer’iye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi bi’l-verâse ve bi’l-vesâye kabulune mevkûfe vekîl ve naib-i menab nasb u tayin eyledim dedikde ma vekaa bi’t-taleb ketb olundu. Fi’l-yevmi’s-sania aşer min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Sofoğlu İbrahim bin Mustafa, Hordoloşoğlu Süleyman bin İbrahim. Aded 50 B: Anzer-i Süfla
Lazistan Sancağı’nın merkezi olan Rize kazası nevâhîsinden Kura-i Seba nahiyesinin Anzer-i Süfla karyesinden olub Müftü mahallesinde sakin Alaman Emin bin Abdulfettah meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-merâm idub Emineddin mahallesinden Yalakoğlu Hacı Hafız Mehmed Efendi ile Karadere’nin Liparit karyesinden Kamiloğlu Kamil zimmetlerinde alacağım olan mebaliğ-i malûmeyi mezbûr andan aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhasemeye ve mucâvebeye ve ahz u kabz ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce sulh ve ibraya ve makbuzatını bana i’tâ ve teslime ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye muma ileyh Mustafa Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Hacı Alizâde Salim Efendi. Aded 51 B: Atina’nın Babalat karyesi
Lazistan Sancağı’na tabi Atina kazasının Babalat karyesinden Bilaloğlu Tahir bin Memiş ile Kancanoğlu Durali bin Mehmed ve Sakbaloğlu Osman bin İbrahim ve zatı zeyl-i vesikada muharreru’l-esâmî müslimîn tarifleriyle muarrefe olan Bilaloğlu kerimesi Zeliha bint mezbûr Memiş meclis-i şer’-i şerif-i enverde her biri takrir-i kelâm ve tabir-i ani’l-merâm idub kaza-i mezkûrun Hako karyesinden Karakaşoğlu kerimesi Hatice bint Mustafa tarafından aleyhimize isnad olunan sahtekarlık davasından dolayı istinafen der dest-i ru’yet bulunan mehâkim-i cezaiyede müstenif ve müstenefen aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i ve irae-i şuhûd ve tahlîf ve teblîğ ve tebellüğa ve imzasıyla her nevi devai tanzîm ve takdîme ve taleb-i icrâya ve telgraf keşidesine ve’l-hâsıl her türlü hukuk-i şahsiye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sâlis aşer li sene isna ve selâsîne ve selâsemie ve elf.
Baş kâtib, kadı. Babalatoğlu Timür Ali bin Ali, Atina Reji müdürü Hasan Efendi ibn Hacı Abdurrahman Efendi. Aded 52 B: Şimadiyoz karyesi
Der-i devlet mekine arz-ı dai kemineleridir Lazistan Sancağı’nın merkezi olan Rize kazası kurâsından Şimadiyoz karyesinden Kamiloğlu Mehmed bin Bayram ve Süleymanoğlu Hacı Mesud bin Zekeriya ve Pendoğlu Receb bin Hüseyin ve Süleymanoğlu Haşim bin Zekeriya ve Pendoğlu Mustafa bin Hurşid ve Mehmed Başoğlu Ahmed bin Arif ve Telcioğlu İsmail bin Durmuş ve Süleymanoğlu Hacı Kaşif bin Reşid ve Bıyıklıoğlu Mustafa bin Ahmed ve Bıyıklıoğlu Hacı Salih bin Şaban ve Bıyıklıoğlu Kaşif bin Mikdad nâm müslimin biecmaihim meclis-i şer’i meali-i ukudda her biri takrir-i kelâm ve tabir-i ani’l-merâm idub karyemiz olan mezkûr Şimadiyoz karyesinin mahalle-i atik dinmekle marûf nâm mahallinde kâin cami-i sağirin ba berat-ı âlîşân hatibi bulunan Sofioğlu Mustafa Efendi ibn İsmail Efendi bundan akdem vefat etmekle cihet-i mezkûre münhal kaldığı ve mütevaffay-i muma ileyhin evladı olmadığı cihetle ikame-i salât-i Cuma ve ideyn olunmak eşed ihtiyac ile muhtac olduğumuza binaen mezkûr hitabet cihetinin cümlemizin muhtar ve müntehabı olan işbu hazır bi’l-meclis karye ahalisinden Bıyıklıoğlu Sefer Efendi ibn Mikdad tevcih ve izin ve icazeti hâvî ferman-ı âli-i suduri niyazında olduğumuz der-i devlet medara arz olunmak matlubumuzdur dediklerinde hakikat-i hal ahali-i mezbûrunun takrir-i meşruhları üzere olduğu lede’t tahkik zâhir ve nümâyân olduğu gibi karye-i merkumenin yetmişikinci hanesinin ikinci numarasında mukayyed ve binikiyüzdoksandört senesinde tevellüd idub kura ve bakaya ve firarisi olmadığı cihet-i askeriyeden mevrud mazbata ve nüfus künye pusulası meallerinden müstebân olan ve cedid nizamname vecihle lede’l ilan başka talib zuhur etmemesi üzerine mezkûr hitabet cihetinin ale’l usul müteşekkil olan heyet-i imtihaniye huzurunda imtihan icrasıyla ehliyeti sabit olan işbu baisu’l-arz muma ileyh Sefer Efendi dailerine tevcihe ve yedine berat-ı şerif-i âlîşân sadaka ve ihsan buyurulmak ricası paye-i serir-i alaya arz ve i’lâm olundu el emr limeni’l-hazreti veliyi’l emr fi’l-yevmi’s-sani ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Aded 53 B: Kankalinoz mahallesi
Lazistan Sancağı’nın merkezi olan Rize kasabası mahallâtından Kankalinoz mahallesi ahalisinden iken bundan akdem vefat eden Caferoğlu Mehmed bin Hacı Mehmed’in ber vechi ati bi tariki’l-münasaha varisi olduğunu iddia eden li ebeveyn erkarındaşı Emin Ali bin mezbûr Hacı Mehmed meclis-i şer’-i şerif-i enverde müteveffa-yi mezbûrun medyuni Rakıcızâde Kaşif Efendi ibn Ömer Efendi mahzarında bi’l-verâse üzerine dava ve takrir-i kelâm idub ben müteveffa-yi mezbûr Mehmed ile li ebeveyn erkarındaşlar olub babamız ismi Hacı Mehmed dedemiz ismi Hacı Osman ve anamız ismi Zinet bint Memiş ve meskat-i ra’simiz mezkûr Kankalinoz mahallesi olub ol vechile müteveffa-yi mezbûr verâseti benimle zevce-i menkuhe-i metrukesi Fatıma bint Mehmed ve sulbîye-i kebire kızı Saniye ve liebeveyn diğer erkarındaşlarımız Hacı Ömer ve Reşid ve li ebevyn kız karındaşlarımız Hafize ve Ayşe’ye munhasıra ve badehu ehu’l-mezbûr Reşid vefat idub verâseti zevce-i metrukesi Gül Cemal bint Bilal ile sulbî sağir oğlu Hamdi’ye munhasıra ve tashih-i mesele-i mirasları bi’l-münasahati’ş-şer’iye ikiyüzellialtı sehmden olub siham-ı mezkûreden otuziki sehmi zevce-i mezbûre Fatıma’ya ve yüzyirmisekiz sehmi bintu’l-mezbûre Saniye’ye ve yirmidörder sehmden ceman kırksekiz sehmi ehu’l-mezbûran Hacı Ömer ve Emin Ali’ye ve onikişer sehmden ceman yirmidört sehmi uhtu’l-mezbûretan Hafize ve Ayşe’ye ve üç sehmi zevce-i mezbûre Gül Cemal’e ve yirmibir sehmi sağir-i mezbûr Hamdi’ye isabet idub başka varisi ve terekesine mustahik-i ahar kimesnesi olmamağla murisimiz müteveffa-yi mezbûr Mehmed’in hayatında mezbûr Kaşif Efendi zimmetinde cihet-i karzdan alacak hakkı olan elli kuruşu kable’l-ahz ve’l-istifa vefat etmekle meblağ-ı mezkûrdan ber mucib mesele-i miras hisse-i irsîyemi bana eda ve îfâya muma ileyh Kaşif Efendi’ye tenbih olunmak bi’l-verâse matlubumdur deyu dava ve lede’s-sual muma ileyh Kaşif Efendi dahi cevabında fi’l-hakika müteveffa-yi ol mezbûre ol mikdar kuruş zimmetinde halen deyni olduğunu taven ikrar maada müddeiye-i mezbûrun ber vech-i muharrer verâset müddeâsı malûmum değildir deyu inkar etmekle müddeî mezbûr ber vech-i muharrer verâset müddeâsını evvelen ba veraka-i mesture mensub oldukları Kale mahallesi imamı Edhem Efendi ibn Hacı Mahmud Efendi ile muhtar-ı evveli Hacı Ömeroğlu Ahmed Efendi ibn Sadık ve Kabahor karyesi imamı Ayvazoğlu Osman Efendi ibn Hüseyin ile heyet-i ihtiyariye azasından Bakkaloğlu Refik bin Hasan’dan sirren ve badehu müterâfian hazır oldukları halde Dervişoğlu Mehmed bin Osman ve Karakavoğlu Mehmed bin Salih Çavuş’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûrun ile verese-i mezbûr uni arifan olan mezkûr Kale mahallesinden Caferoğlu İsmail bin Bilal ile mezkûr Mahura karyesinden Tevetoğlu Mahmud bin Hasan nâm kimesnelerin kezalik bi’l-muvacehe ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan müteveffa-yi mezbûrun li ebevyn erkarındaşları müddeî mezbûr Emin Ali ile verese-i mezbûrundan Hacı Ömer ve müteveffa-yi mezbûr Reşid’in sulbî sağir oğlu Hamdi’nin ba hüccet-i şer’iye kıbel-i şer’iden mensube vasisi zatı zeyl-i vesikada muharreru’l-esâmî müslimîn tarifleriyle muarrefe olan zevce-i mezbûre Gül Cemal bint Bilal ile kezalik zatı müslimin-i mezbûrun tarifleriyle muarrefe olan müteveffa-yi mezbûrun li ebeveyn kız karındaşı mezbûre Ayşe’nin tekrar meclis-i makud-i mezkûrde Caferoğlu Hasan bin Hacı Ömer mahzarında her biri bi’l-verâse ve bi’l-âsale ve bi’l-vesâye takrir-i kelâm ve tabir-i ani’l-merâm idub murisimiz müteveffa-yi mezbûrun Canik Sancağı’nın Arab mahallesinde vâki mahallinde beyne’l-ahâlî ve’l-cîrân malûm ve müteârefu’l-hudud basenedi hakani müstakillen malik ve mutasarrıf olduğum tahtani iki fevkani üç oda ve bir metbah ve mea müştemilat-ı saireyi hâvî mea bahçe bir bab mülk-i menzilini yetim için mesa’-ı şer’i tahakkuk ettiği takdirde talibine memuru huzurunda semen ve bedel-i misilleriyle bey’ u ferağ ve temlik u teslime ve semen misillerini ahz u kabza ve hıyn-i vefatında nezdinde mevcud bi’l-cümle terekesiyle zımem-i nasda olan her hakkını icab edenlerden taleb ve dava ve kezalik ahz u kabza ve muceb-i muhâkeme bir hal vukuunda lazım gelenlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve mümeyyiz ve ehl-i vukuf tayin ve azline ve ber vech-i muharrer ahari tevkil ve azle ve bi’l-cümle makbuzattan bizim hisse-i irsîyemizi bize irsal ve isal ve teslime ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezbûr Hüseyin Efendi’yi bi’l-verâse ve bi’l-vesâye ve bi’l-âsale vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadise aşer min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Tevetoğlu Mahmud bin Hasan, Caferoğlu İsmail bin Bilal. Aded 54 B: Babik mahallesi
Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Babik mahallesinde kâin Hordoloşzâde İlyas Efendi ibn Hacı Osman Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde menzil-i mezkûrde sakin muma ileyh İlyas Efendi meclis-i makud-i mezkûrde sulbî kebir oğlu Şevki Efendi mahzarında takrir-i kelâm ve tabir-i ani’l-merâm idub karındaşım Hafız Mustafa ile beynimizde mütahaddis emlak ve arazi ve alacak ve tefrik ve taksim davalarından dolayı mezbûr Hafız Mustafa ile vesairleriyle tahaddüs edecek her nevi deâvîden dolayı icab edenlerle aid olduğu mehâkim-i şer’iye ve nizamiyenin her dercesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve bi’l-cümle makbuzatını bana i’tâ ve teslime ve lede’l-hâce sulh ve ibraya ve arazi ve emlaktan her hangisini icab ederse semen ve bedel-i misilleriyle talibine memuru huzurunda bey’ u ferağ ve temlik u teslime ve takrirlerini i’tâya ve ber vech-i muharrer ahari tevkil ve azle ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile muma ileyh Şevki Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi dediklerini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’t-tasia aşer min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Şeyhoğlu Ahmed bin Ali, Deli Baltaoğlu Kemal bin Şerif. Aded 55 B: Karadere’nin Seftar karyesi
Lazistan Sancağı’nın merkezi olan Rize kazasına tabi Karadere nahiyesinin Seftar karyesinde sakine ve zatı zeyl-i vesikada muharreru’l-esâmî müslimîn tarifleriyle muarrefe olan işbu baisetu’l-vesika Fatıma Hatun bint Mustafa meclis-i şer’-i şerif-i enverde zevc-i sabıkı Tonik karyesinde Yetimoğlu Mustafa bin Hüseyin mahzarında takrir-i kelâm ve tabir-i ani’l-merâm idub merkum Mustafa ile bundan akdem hal-i zevciyet beynimizde kaime iken merkumun firaşından hasıla ve benden mütevellide halen bi hakki’l-hidâne hacr ve terbiyemde olan işbu hazır bi’l-meclis sulbîye-i sağire kızı bir yaşında Hamdiye’nin asla malı olmayıb muhtace olmağla nafaka ve kisve ve levazım-ı zaruriyesi içun babası mezbûr Mustafa üzerine kıbel-i şer’iden mikdar-ı kifaye meblağ farz u takdir olunmak matlubumdur dedikte ğıbbet’t tasdik sağire-i mezbûre içun babası mezbûr Mustafa üzerine ? işbu tarih-i hüccetten yevmî bir kuruş farz u takdir olunub meblağ-ı mefruz-i mezkûri sağire-i mezbûre Hamdiye’nin nafaka ve kisve ve levazım-ı zaruriyesine harc u sarfa ve lede’l-iktiza istidaneye ve inde’z-zafer babası mezbûr Mustafa’ya rucua mezbûre Fatıma’ya izin verilmegin ma vekaa bi’t-taleb ketb olundu. Fi’l-yevmi’t-tasi min şehr-i Şevval li sene ihdâ ve selâsîne ve selasemie ve elf. Baş kâtib, kadı. Yetimoğlu Osman bin Abdullah ve gayrihim, Uzun Alioğlu Abdulhalim bin Mehmed Efendi, Yetimoğlu Osman bin Ahmed.
İşbu hüccetin hâmişidir
Derun-i hüccette mesturetu’l isim Hamdiye nam-ı sağireye mukaddimen babası Mustafa üzerine farz u takdir olunan yevmî bir kuruş nafaka ve kisvesine kifayet etmeyib ve merkum Mustafa’nın servet ve iktidarı olduğu mensub bulunduğu karyesi imamı Osman ve Yetimoğlu diğer Osman Çavuş ifade ve ihbarlarıyla mutehakkık olmağla mezbûre Fatıma’nın talebiyle işbu tarih-i vesikadan beher yevmî yirmişer para zâm ki ceman bir buçuk kuruş olub meblağ-ı mefruz-i mecmu-i mezkûr bir buçuk kuruş beher yevmî sağire-i mezbûre Hamdiye’nin nafaka ve kisve vesair levazım-ı zaruriyesine harc u sarfa ve vakt-i zarurette istidaneye ve inde’z-zafer merkum Mustafa’ya rucua hadıne-i mezbûre Fatıma Hatun’a izin verilmegin ma vekaa bi’t-taleb ketb olundu. Fi’l-yevmi’l aşir min şehr-i Rebii’l-evvel li sene isna ve selâsîne ve selâsemie ve elf
Aslı ile mukabele olmuştur fi 25 Rebii’l-ahir sene 1332
Baş kâtib, kadı. Aded 56 B: Filarğoz karyesi
Lazistan Sancağı’nın merkezi olan Rize kazası kurâsından Filarğoz karyesi ahalisinden iken bundan akdem vefat eden Çeküçoğlu Hasan bin Osman’ın sulbî sağir oğlu Nazım’ın pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika li ebeveyn amuceleri Mustafa bin Osman sağir-i mezbûrun pederi müteveffa-yi mezbûrdan mevrus malını hıfz ve vakt-i rüşd-i sedadına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sâlise aşer min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Kırbozoğlu Ahmed bin Süleyman, Kırbozoğlu Mehmed bin Abbas. Aded 57 B: Mağloz karyesi
Lazistan Sancağı’nın merkezi olan Rize kazası kurâsından Mağloz karyesinden iken bundan bir seneye karib mukaddem Rusya’nın Novorosiye kasabasında vefat eden Kara Mustafaoğlu Dursun Ali bin Ahmed bin Ali’nin ber vechi ati olduğunu iddia eden zevce-i menkuhe-i metrukesi marifetu’z-zat Gülika bint Yunus meclis-i şer’-i şerif-i enverde müteveffa-yi mezbûrun medyuni Satıroğlu Mehmed Efendi ibn Ahmed Efendi muvacehesinde bi’l-verâse üzerine dava ve takrir-i kelâm idub zevcim müteveffa-yi mezbûrun verâseti zevce-i menkuhe-i metrukesi olduğum cihetle benimle sulbîye-i sağire kızı Havva ve anası Haculi bint Ali ve babası mezbûr Ahmed’e munhasıra ve tashih-i mesele-i mirasları bi’l ferideti’ş şer’iye yirmiüç sehmden olub siham-ı mezkûreden üç sehmi zevce-i mezbûreye ve oniki sehmi bintu’l-mezbûreye ve dört sehmi ümmü’l-mezbûreye ve kezalik dört sehmi ebu’l mezbûr Ahmed’e isabet idub başka varisi ve terekesine mustahik-i ahar kimesnesi olmamağla zevcim müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve teslime muma ileyh Mehmed Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar maada müddeiye-i mezbûrenin ber vech-i muharrer verâset müddeâsı malûmum değildir deyu inkar etmekle müddeiye-i mezbûre ber vech-i muharrer verâset müddeâsını evvelen ba veraka-i mesture mensub oldukları Mağloz karyesi imamı Mehmedoğlu İsmail bin Ali ile muhtar-ı evveli Sadıkoğlu Kemal bin Mustafa ve heyet-i ihtiyariyesinden Sadıkoğlu Ahmed bin Ali’den sirren ve badehu müterâfian hazır oldukları halde Aron Mağloz karyesinden Polihozluoğlu Mehmed bin Receb ve Sadıkoğlu Ahmed bin Emin’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûrun ile verese-i mezbûr uni arifan olan mezkûr Mağloz karyesinde Kara Hüseyinoğlu Mehmed bin Mehmed Efendi ile Hüseyin ile Kara Mustafaoğlu Halil bin Kemal bin Yunus nâm kimesnelerin bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince sübut-i verâsetlerine bade’l-hükm ve’t-tenbih müddeâ bih meblağdan hisse-i irsîyesini müddeiye-i mezbûreye eda ve teslime müddeâ aleyh muma ileyh Mehmed Efendi’ye tenbih olunduğu tescîl ve i’lâm olundu. Fi’l-yevmi’l-hadi ve’l-ışrin min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Aded 58 B: Müftü mahallesi
Lazistan Sancağı’nın merkezi olan Rize kasabası mahallâtından Müftü mahallesinden Altıkayaoğlu Dursun Ali bin Mehmed meclis-i şer’-i şerif-i enverde takrir-i kelâm ve tabir-i ani’l-merâm idub mahalle-i mezkûreden Hacı Lahanaoğlu Abdulkerim bin Hacı Hüseyin tarafından aleyhime ikame olunan değirmen ve arazi ve emlak ve tecavüz-i hudud ve kat’-ı eşcar davalarından dolayı mezbûr Abdulkerim ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve taleb-i keşf ve mümeyyiz ve hâkim ve ehl-i vukuf tayin ve azline ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sania aşer min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Tatzâde Osman Efendi. Aded 59 B:
Arğaloz karyesinden asakir-i şahane efradından Çolakoğlu Molla Dursun bin Osman Efendi’nin verâsetini mübeyyin evrakı zahrına yazılan ilamdır.
Müteveffa-yi merkum Dursun bin Osman’ın verâseti zevce-i menkuhe-i metrukesi Fatıma ile sulbî kebir oğlu Osman’a munhasıra olduğu bi’l muhâkeme sabit ve sübut-i verâsetlerine hükm-i şer’i lâhik olmuştur mesele-i mirasları bi hükmi’l feraiz sekiz sehmden olub bir sehmi zevce-i mezbûreye ve yedi sehmi merkum Osman’a isabet eylediği beyanıyla Rize ahz-ı asker şubesi riyasetine irsal olunur fi 22 Rebii’l-ahir sene 1332
Baş kâtib, kadı. Aded 60 B: Mapavri’nin Zancel karyesi
Lazistan Sancağı’nın merkezi olan Rize kasabası kurası nevâhîsinden Mapavri nahiyesinin Zancel karyesinden Kara Hasanoğlu Dursun bin Mustafa meclis-i şer’-i şerif-i enverde takrir-i kelâm ve tabir-i ani’l-merâm idub leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamise aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Velizâde Hafız Harun Efendi. Aded 61 B: Mişona karyesi
Lazistan Sancağı’nın merkezi olan Rize kazası kurâsından Mişona karyesi ahalisinden iken bundan akdem vefat eden Pehlivanoğlu nâm-ı diğeri Eksiklioğlu Mahmud bin Kamil’in sulbî sağir oğlu Ahmed’in pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume imam ve muhtar-ı sani ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat sağir-i mezbûr Ahmed’in pederi müteveffa-yi mezbûr Mehmed’in üvey anası Molla Ahmedoğlu kerimesi Fatıma bint Mahmud sağir-i mezbûrun pederi müteveffa-yi mezbûrdan mevrus malını hıfz ve vakt-i rüşd-i sedadına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi aşer min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Bostanoğlu Ahmed bin Mustafa, Kabriloğlu(?) Mehmed bin Mustafa. Aded 62 B: Salarha Ruspa karyesi
Lazistan Sancağı’nın merkezi olan Rize kazası kurâsından Salarha Ruspa karyesi ahalisinden sahibu’l-hayrat ve’l-hasenat Ömeroğlu Mehmed Efendi ibn Hüseyin meclis-i şer’-i şerif-i enverde Zikr-i âtî vakfına li ecli’t-tescîl mütevelli nasb u tayin eylediği Ağloz karyesinden Kabiloğlu Mustafa bin Yakub mahzarında ikrar-ı tam ve takrir-i kelâm idub ben etyab-i mal ve enfes-i menalimden ifraz ve kemal-i imtiyaz ile mümtaz eylediğim bin kuruşu hasbetullahi’l ehad ve taleben li’l merdat rabbihi’s samed vakf-ı sahih müebbed ve habs-i sarih muhalled ile vakf ve habs idub şöyle şart ve vakf eyledim ki meblağ-ı mevkuf-i mezkûr beherisine bâ yed-i mütevelli rehn-i kavi veya kefil-i melî ile irbah ve istirbah olunub senevi hasıl olan ğalle ve neması Salarha Tekye mevkiinde vâki mescid-i şerifin hitabet cihetine mutasarrıf olacak zata verile ve tevliyeti ben labis-i libas-i hayat oldukça bana ve bade’l-vefat karye-i merkume ahalilerinin re’y u intihabı ve re’y hâkimle içlerinden mutemed bir zata aid ola deyu meblağ-ı mevkuf-i mezkûri fariğen ani’s şevağil mütevelli-i mezbûr Mustafa Efendi’ye teslim ol dahi vakfiyet üzere tesellüm ve kabz vesair mütevellilerin evkafda ki tasarrufları gibi tasarruf eyledi dedikten sonra vâkıf muma ileyh Mehmed Efendi vakf-ı nukûd ve zımnında olan şurût ve kuyûd-i eimme-i selase indinde batıl olmağın vakf-ı mezbûrdan rucu eylediğimden meblağ-ı mezkûrdan keşf idub bana red ve teslimden mütevelli-i mezbûr Mustafa Efendi’ye tenbih olunmak matlubumdur deyu dava ve lede’s-sual mütevelli-i mezbûr dahi cevabında fi’l-hakika vakf-ı nukûd ve zımnında olan şurût ve kuyûd-i eimme-i selase indinde batıl ise de İmam Züfer’den İmam Ensari rivayeti üzere sahih ve caiz olduğundan meblağ-ı mezkûri red ve teslimden imtina ederim deyu her biri müterâfian fasl ve hisseme taliban olduklarında âlimen bi’l-hilafi’l-cari beyne’l eimmeti ve’l eslaf vakf-ı mezbûrun kavl-i müfta bih üzere evvelen sıhhatıne bade’l-hükm vakf-ı muma ileyh tekrar bast-ı mukeddemata rucu ile her ne kadar nukûd-i mezbûrenin vakfiyeti hükm-i hâkimle sahih olduysa da İmam-ı Azam hazretleri indinde sıhhatı mustelzem luzum olmamağla vakf-ı mezbûrdan tekrar rucu eyledim deyu davayı istirdad eyledikde mütevelli-i mezbûr dahi İmam Ebu Yusuf hazretleri indinde vâkıf-ı mücerred vakaftu demekle ve İmam Muhammed hazretleri indinde teslim ilel mütevelli bulunmağla onların kavl-i şerif ve re’y-i münifleri üzere hükm olunmak matlubumdur dedikte tarafeynin iddia ve edillesine nazar-ı vakf-ı mezbûrun lüzumuna dahi bade’l-hükm vakf-ı mezbûr sahih ve lazım olub min ba’d naks ve ibtali mumteniu’l-ihtimal oldu. Fi’l-yevmi’l-hadi aşer min şehr-i Rebii’l-ahir li sene isna ve selâsîne ve selâsemie ve elf. Baş kâtib, kadı. Kadıoğlu Ahmed bin Salih, Uzun Eloğlu Mehmed Ali bin Ali, Kabiloğlu Salih bin Memiş, Kabiloğlu Mustafa bin Yakub, Bıyıkoğlu Ahmed bin Hüseyin, Kabiloğlu Şükrü bin Mehmed, Kabiloğlu Hüseyin bin Yakub, Kabiloğlu Osman bin İbrahim, Kabiloğlu Hasan bin Bayram, Kalpazanoğlu Ahmed bin Yusuf, Kabiloğlu Süleyman bin Tahir, Kabiloğlu Şakir bin Salih. Aded 63 B. Salarha Tekye karyesi
Der-i devlet mekine arz-ı dai kemineleridir Lazistan Sancağı’nın merkezi olan Rize kazası kurâsından Salarha Tekye(?) karyesinden Kabiloğulları Osman bin İbrahim ve Hüseyin bin Yakub ve Hasan bin Bayram ve Şükrü bin Mehmed ve Salih bin Memiş ve Şakir bin Salih ve Süleyman bin Tahir ve Mehmed bin Yakub ve Mustafa bin Yakub ve Kalpazanoğlu Ahmed bin Yusuf ve Kadıoğlu Mehmed Ali bin Ali ve Uzun Eloğlu Ahmed bin Salih ve Bıyıkoğlu Ahmed bin Hüseyin biecmaihim meclis-i şer’i meali-i ukudda her biri takrir-i kelâm ve tabir-i ani’l-merâm idub ahalisi bulunduğumuz mezkûr Salarha Tekye karyesi ve civarında vâki karyelerimizde eda-i salât-i Cuma ve ideyn olunur cami-i şerif olmadığından eyyam-ı şita ve metarde salât-i Cuma ve ideyn eda etmekte düçar-ı usret ve içimizde ihtiyarlarımız kemal-i meşakkat çekmekde olduğundan karyemizin Tekye dinmekle marûf nâm mahallinde vâki ashab-ı hayr tarafından müceddeden bina ve inşa olunduğundan ikame-i salât-i Cuma ve ideyn olunmağa eşed ihtiyac ile muhtac olmamızla karyemiz kebire ve ahalisi kesire olarak mısr hükmünde olduğuna binaen mescid-i şerif-i mezkûr minber vazıyla salât-i Cuma ve ideyn eda ve îfâ olunmak ve hitabeti dahi işbu mahkeme-i şer’iyeden tanzîm olunan bir kıta vakfiye hücceti mantukunca karyemiz ahalisinden Ömeroğlu Mehmed Efendi ibn Hüseyin’in ber nehc-i şer’i vakf-ı lazım ile vakfeylediği bin kuruşun ğalle ve neması vazife tahsisiyle işbu hazır bi’l-meclis cümlemizin muhtar ve müntehabı olan vâkıf-ı muma ileyh Mehmed Efendi dailerine tevcih ve izin ve icazeti hâvî ferman-ı âli sudur-i niyazında olduğumuz der-i devlet-i medar medara arz olunmak matlubumuzdur dediklerinde hakikat-i hal ahali-i mezbûrunun takrir-i meşruhları üzere olduğu bi ğaraz-i(?) erbab vukuf haberleriyle zâhir olduğu gibi karye-i merkumenin kırkbeşinci hanesinin ikinci numarasında mukayyed ve binikiyüzdoksan senesinde tevellüd idub kura ve bakaya ve firarisi olmadığı nüfus memuru ve mensub olduğu redif taburu zabıtı taraflarından mevrud künye pusulası ve mazbata meallerinden müstebân olan tevcih-i cihat nizamname-i cedidi mucebince lede’l ilan başka talib zuhur etmemesi üzerine mezkûr hitabet cihetinin teşekkül eden heyet-i imtihaniye huzurunda tarifat-ı kanuniye vecihle talib muma ileyh Mehmed Efendi isbat-ı ehliyet etmekle mescid-i şerif-i mezkûre minber vaz’ olunub eda-i salât-i Cuma ve ideyn olunmak üzere izin-i hümayun mülükaneye erzan ve hitaet-i vazife-i mezkûre ile muma ileyh Mehmed Efendi dailerine tevcihe yedine müceddeden berat-ı şerif-i âlîşân sadaka ve ihsan buyrulmak ricası paye-i serir-i alaya arz ve i’lâm olundu el-emr li meni’l hazreti veliyi’l emr fi’l yevmi’l-hâdi aşer min şehr-i Rebii’l-ahir li sene isna ve selâsîne ve selâsemie ve elf. Baş kâtib, kadı. Aded 64 B: Salarha Kapnes karyesi
Lazistan Sancağı’nın merkezi olan Rize kazası kurâsından Salarha Kapnes karyesinden Kürd Alioğlu Timur Ali bin Süleyman meclis-i şer’-i şerif-i enverde takrir-i kelâm ve tabir-i ani’l-merâm leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-samin ve’l-ışrin min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Likzâde Hafız İlyas Efendi. Aded 65 B: Fatla karyesi
Lazistan Sancağı’nın merkezi olan Rize kazası kurâsından Fatla karyesinden Alininoğlu nâm-ı diğeri Bayrakdaroğlu Hasan Çavuş bin Yusuf ile karye-i mezkûreden Alininoğlu Mehmed Ali bin Receb meclis-i şer’-i şerif-i enverde her biri takrir-i kelâm ve tabir-i ani’l-merâm idub karyeden Konakoğlu Mehmed’in zevcesi ve Molla Ahmedoğlu kerimesi Hacere bint Ali tarafından aleyhimize ikame olunan arazi davasından dolayı istinafen der dest-i ru’yet olunan muhakemede mezbûre veya vekîli ile müstenif ve müstenefen aleyh ve şahs-ı sâlis sıfatlarıyla muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve temyizen davaya ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Trabzon’da dava vekîllerinden Hüseyin Avni Efendi ibn Ali Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’t-tasi ve’l-ışrin min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Hacı Cevahiroğlu Şükrü Efendi. Aded 66 B: Şimadiyoz karyesi
Şimadiyoz karyesinden Bıyıklıoğlu Sefer Efendi’ye
Karyenizde vâki cami-i sağir-i şerifin hitabet cihetinin mahlulunden uhdenize tevcihine dair iktiza eden mazbatası derbar-i şevket karara arz ve inha olunduğu lede’l-havale evkaf memurluğunun derkenarından anlaşılmağla gerekdir ki berat-ı şerif-i âlişânın şeref vuruduna değin bi’l fiil ifayı hüsn-i hizmet etmek üzere kıbel-i şer’iden izin ve ruhsatı hâvî işbu murasele bi’t tanzîm i’tâ kılındı.
Fi 2 Cumade’l Ûlâ sene 1332 ve fi 15 Mart sene 1332. Aded 67 B: Atina’nın Noğadiğa karyesi
Lazistan Sancağı’na tabi Atina kazasından Hemşin nahiyesinin Ruğa Sağırlı karyesinden olub kaza-i mezkûrun Noğadiğa karyesinde mukim Uzun Alioğlu Abdulmecid bin Hacı Musa meclis-i şer’-i şerif-i enverde takrir-i kelâm ve tabir-i ani’l-merâm idub karye-i mezkûreden biraderim Hasan bin Musa ile beynimizde mütahaddis dükkan ve arsa davalarından dolayı mezbûr Hasan ile vesairleri tarafından aleyhime ikame eden ve edilecek olan her nevi deâvîden dolayı icab edenlerle aid olduğu mehâkim-i şer’iye ve hukukiye ve ticariyenin ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve ahari ve tevkil ve azle ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve irsal ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani min Cumade’l Ûlâ li sene isna ve selâsîne ve selâsemie ve elf.
Baş kâtib, kadı. Tatzâde Osman Efendi, Rakıcızâde Kaşif Efendi. Aded 68 B: Hanes karyesi
Lazistan Sancağı’nın merkezi olan Rize kazası kurâsından Hanes karyesinden iken bundan akdem vefat eden Küçük İslâmoğlu İslâm bin Cafer’in sulbî sağir oğlu Ahmed ile sulbîye-i sağire kızları Nadire ve Saniye’nin pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî ve müslimin-i mezbûrun ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Rukiye bint İlyas siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis min Cumade’l ûla li sene isna ve selâsîne ve selâsemie ve elf.
Baş kâtib, kadı. Karacoğlu İzzet bin Durmuş, Fettahoğlu Mustafa bin Hacı Genç Ağa Aded 69 B: Yeniköy mahallesi
Lazistan Sancağı’nın merkezi olan Rize kasabası mahallâtından Yeniköy mahallesinde müsâfireten sakine İspir kazasının Koçoktor(?) karyesinden zatı zeyl-i vesikada muharreru’l-esâmî müslimîn tarifleriyle muarrefe olan Mustafaoğlu kerimesi Zekiye bint Tahir meclis-i şer’-i şerif-i enverde zevci kaza-i mezkûrun Varances(?) karyesinden olub kezalik mahalle-i mezkûrede sakin Eyüboğlu Musa bin Ali Çavuş mahzarında üzerine dava ve takrir-i kelâm idub ben üç seneden beri mezbûr Musa’nın zevce-i menkuhe-i medhul-i bihâsı olduğum halde zevcim mezbûr benimle firaşından hasıl ve benden mütevellid ve halen bi hakki’l-hidâne hacr ve terbiyemde bulunan sulbî oğlu oğlum Nazım’ı infak ve iksâ etmekte olduğundan mesken tedarikine değin üzerine kadr-i marûf nafaka farz u takdir olunmak matlubumdur deyu dava ve lede’s-sual ol dahi cevabında müddeiye-i mezbûrenin ber vech-i muharrer müddeâsını taven ikrar idup lakin ben nafaka itasına kudretim yokdur deyu irad-i makal etmekle mezbûr Musa mesken-i şer’î tedarikiyle zevcesi müddeiye-i mezbûre Zekiye ve oğlu sağir-i mezbûr Nazım’ı infak ve iksâ edinceye kadar Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince beher şehrî her ikisine ceman kırkbeş kuruş farz u takdir olunub meblağ-ı mefruz-i mezkûri nafaka ve kisve bahâ vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevci mezbûr Musa üzerine rucua mezbûre Zekiye’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Koçoktor(?) karyesinde Turanınoğlu Ali bin Dursun, Kankalinoz mahallesinden Satıroğlu Mehmed bin Emir Ahmed. Aded 60 C: Salarha Atyanoz karyesi
Lazistan Sancağı’nın merkezi olan Rize kazası kurâsından Salarha Atyanoz karyesi ahalisinden iken üçyüzyirmisekiz senesi rumisi temmuzunda vefat eden Çalıkoğlu Mikdad bin Hacı Gülşen Efendi ibn Hacı Mustafa’nın ber vechi ati varisi olduğunu iddia eden babası muma ileyh Hacı Gülşen Efendi meclis-i şer’-i şerif-i enverde müteveffa-yi mezbûrun medyuni Salarha Ruspa karyesinden Kaptanoğlu Maksud bin Mustafa mahzarında üzerine dava ve takrir-i kelâm idub oğlum müteveffa-yi mezbûrun babası olduğum cihetle hasren bana munhasıra olub başka varisi ve terekesine mustahik-i ahar kimesnesi olmamağla oğlum müteveffa-yi mezbûrun hayatında mezbûr Maksud zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûri bana eda ve teslime mezbûr Maksud’a tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar maada müddeî mezbûrun verâset müddeâsı malûmum değildir deyu inkar etmekle müddeî muma ileyh ber vech-i muharrer verâset müddeâsını evvelen ba veraka-i mesture mensub oldukları Kalohten mahallesi imamı Topçuoğlu Sabit bin Hüseyin ile ihtiyar meclis-i azasından Kandiloğlu Kasım ve Emineddin mahallesi imamı Zırhzâde Hacı Şaban Efendi ile muhtar-ı sanisi Tuzcuzâde Said Bey’den sirren ve badehu müterâfian hazır oldukları halde Hacenoz mahallesinden Mendiloğlu Hafız Receb ibn Mahmud ile Emineddin mahallesinden Sarı Ahmedoğlu Hasan Kaptan ibn Hurşid Kaptan’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve müddeî mezbûr ve müteveffa-yi mezbûr i arifan olan mezkûr Kalohten mahallesinden Şabanzâde Hacı Bayram Efendi ibn Hacı İsmail ile Emineddin mahallesinden Sofoğlu Ali bin Şakir nâm kimesnelerin kezalik bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince verâsetine hükm olunduğu natık verâset-i mezkûre ile Erzurum’da Pervezoğlu hanında mukim tüccardan Çalıkoğlu İzzet Efendi’nin vekîl olduğunu mutazammın üçyüzotuzbir senesi Rebii’l-ahirin ondördüncü günü tarihiyle müerreh ve ol tarihte kadı-i liva bulunan faziletli Mehmed Emin Efendi imza hatmini hâvî sicil-i mahfuzada mukayyed bir kıta hüccette muharrer bulunmağla varis muma ileyh Hacı Gülşen Efendi bu kere meclis-i makud-i mezkûrde bi’l-verâse ve bi’l-âsale takrir-i kelâm ve tabir-i ani’l-merâm idub oğlum müteveffa-yi mezbûrun hıyn-i vefatında zımem-i nasda olan bi’l-cümle matlubatını medyunlarından ve her hakkımı icab edenlerden aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasıyla sulh ve ibraya ve oğlum müteveffa-yi mezbûr Mikdad’ın hayatında aleyhinde ikame olunan itale-i lisan davası üzerine Erzurum ceza-i bidayet mahkemesinde sadır olan ilamın temyizi hakkında i’tâ eylediği harc ve mesarifatın istirdadını aid olduğu devâir-i memurin mahsusesinden taleb ve ahz u kabz ile bi’l-cümle makbuzatını bana irsal ve isal ve teslime ve ber vech-i muharrer ahari tevkil ve azle ve’l-hâsıl gerek oğlum müteveffa-yi mezbûrdan ve gerek kendi hukukumdan naşi leh ve aleyhimde her vecihle tahaddüs eden ve edecek olan munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile Erzurum’da mukim dava vekîllerinden Hemşinli Kobalzâde Sami Efendi ibn Hüseyin Efendi’yi kabulune mevkûfe bi’l-âsale ve bi’l-verâse vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sâlis min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Şabanzâde Hacı Bayram Efendi, Hacı Alizâde Memiş Efendi. Aded 61 C: Vonit-i Rum
Lazistan Sancağı’nın merkezi olan Rize kasabası mahallâtından Vonit-i Rum mahallesinden ve teba-i devlet-i aliyyenin rum milletinden Kalandoğlu Dimitri bin Ğaralambos ile mahalle-i mezkûreden Baltacıoğlu kerimesi ve Kalandoğlu Yorika’nın zevcesi zatı zeyl-i vesikada muharreru’l-esâmî kesan merkum tarifleriyle muarrefe olan Lisaf bint Kostantin meclis-i şer’-i şerif-i enverde her biri takrir-i kelâm ve tabir-i ani’l-merâm idub mahalle-i mezkûreden Kalandoğlu Karanfil bin Yani ile beynimizde mütehaddis arazi ve emlak ve alacak davalarından dolayı merkum ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen t muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce sulh ve ibraya ve isbat-ı verâset iddiasına ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l yevmi’l-hamis min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Kalandaoğlu Dimitri bin Yani, İlyoblioğlu(?) Yorasim bin Liya. Aded 62 C: Anzer-i Süfla
Lazistan Sancağı’nın merkezi olan Rize kazası nevâhîsinden Kura-i Seba nahiyesinin Anzer-i Süfla karyesinden olub Babik mahallesinde sakine zatları zeyl-i vesikada muharreru’l-esâmî müslimîn tarifleriyle muarrefe olan Kankeloğlu kerimeleri Mevlude ve Hasibe ve Nokta bintan-i Mehmed meclis-i şer’-i şerif-i enverde li ebeveyn erkarındaşları Muharrem mahzarında her biri takrir-i kelâm ve tabir-i ani’l-merâm idub babamız müteveffa-yi mezbûr Mehmed’den mevrus ve müntakil Bayburd kazasının Kaliskavar karyesinde vâki şayıan malik ve mutasarrıf olduğumuz her biri mahallinde beyne’l-ahâlî ve’l-cîrân malûm ve müteârefu’l-hudud bi’l-cümle arazi ve emlak ve arsadaki hisse-i irsîye ve şayiamızı malûmu’l mikdar semen ve bedel makbuzumuz mukabelesinde li ebeveyn amucemizin oğlu Tufan bin Osman’a memuru huzurunda bey’ ve temlik ve tefviz ve teslime ve semen ve bedel-i misillerini ahz u kabz ile bi’l-cümle makbuzatını bize i’tâ ve irsal ve isal ve teslime ve muamele-i mukteziyesini bi’l icrâ takrirlerini i’tâya ve mucib-i mukakeme hal vukuunda icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına sulh ve ibraya ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezbûr Muharrem’i vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Buzikaoğlu Abdullah bin Efcan, Hacı Mahmudzâde Hüseyin Efendi ibn Hacı Derviş Efendi. Aded 63 C: Ğoloz karyesi
Lazistan Sancağı’nın merkezi olan Rize kazası kurâsından Ğoloz karyesinden iken bundan akdem vefat eden Engeloğlu Ali bin Hasan’ın sulbîye-i sağire kızı Ayşe’nin pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadire idugi karye-i merkume muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’i enver zâhir ve nümâyân olan işbu baisetu’l-vesika li ebeveyn amucesi Yunus bin mezbûr Hasan sağire-i mezbûrenin pederi müteveffa-yi mezbûrdan mevrus malını hıfz ve vakt-i rüşd-i sedadına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyeti mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi min Cumade’l ûla li sene isna ve selâsîne ve selâsemie ve elf.
Baş kâtib, kadı. Cantıoğlu(?) Mustafa bin Mehmed, Köse Hasanoğlu Ali Efendi ibn İbrahim. Aded 64 C: Zavendik karyesi
Lazistan Sancağı’nın merkezi olan Rize kazası kurâsından Zavendik karyesinden zatı zeyl-i vesikada muharreru’l-esâmî müslimîn tarifleriyle muarrefe olan Ayşe bint Dursun meclis-i şer’-i şerif-i enverde Ğancevanoz karyesinden Kara Mahmudoğlu Mustafa bin Dursun muvacehesinde üzerine dava ve takrir-i kelâm idub merkum Mustafa ile beynimizde kaime iken bir talak-ı bayin ile bundan akdem beni tatlik etmekle firaşından hasıla ve benden mütevellide ve halen bi hakki’l-hidâne hacr ve terbiyemde olan sulbîye-i sağire kızı kızım işbu hazıretun bi’l-meclis Fatıma nafaka ve kisveye eşed ihtiyac ile muhtace olmağla babası mezbûr Mustafa üzerine kadr-i marûf meblağ farz u takdir olunmak matlubumdur deyu dava ve lede’s-sual ol dahi cevabında müddeiye-i mezbûrenin ber vech-i muharrer müddeâsını tamamen ikrar ve itiraf idub lakin kızım sağire-i mezbûre içun yevmî otuz paradan ziyade vermeğe kudretim yoktur dedikte Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş şeri’l enver zâhir ve nümâyân olmağın sağire-i mezbûre içun işbu tarihten itibaren beher şehrî otuzyedi buçuk kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer mezbûr Mahmud üzerine rucua mezbûre Ayşe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Saferi’l-hayr li sene isna ve selâsîne ve selâsemie ve elf.
Baş kâtib, kadı. Kolayoğlu Mustafa bin Süleyman, Kolayoğlu Ahmed bin Mustafa. Aded 65 C: Kayıt yok Aded 66 C: Kayıt yok Aded 67 C: Hopa kazasının Arhavi nahiyesinin Başköy karyesi
Lazistan Sancağı’na tabi Hopa kazasının Arhavi nahiyesinin Özcübaşköy karyesi sakinelerinden zatları zeyl-i vesikada muharreru’l-esâmî müslimîn tarifleriyle muarrefe olan Selimoğlu kerimesi ve Muçukinoğlu(?) Mustafa’nın zevcesi Hatice bint Yakub ile mezbûre Hatice’nin sadriye-i kebire kezalik Fatıma bint Mustafa meclis-i şer’-i şerif-i enverde her biri takrir-i kelâm ve tabir-i ani’l-merâm idub karye-i mezkûreden Delioğlu Mehmed ve zevcesi Hatice bint Bilal tarafından aleyhimize ikame olunan darb davasından dolayı istinafen der dest-i ru’yet bulunan muhakemede mezbûran ve vekîlleriyle aid olduğu mehâkimin her derecesinde müstenif ve müstenefun aleyh sıfatlarıyla muhâkeme ve muhâsama ve mucâvebeye ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl hukuk-i şahsiye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’r-râbi aşer min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Şerifoğlu Şerif bin Ali, Selimoğlu Süleyman bin Ömer. Aded 68 C: Yeniköy mahallesinden
Lazistan Sancağı’nın merkezi olan Rize kasabası mahallâtından Yeniköy mahallesinden iken bundan akdem Dersaadet’te vefat eden Kavrakoğlu Emin Reis ibn Hüseyin ibn Abdullah’ın ber vechi ati varisi olduğunu iddia eden li ebeveyn kız karındaşı zatı Terzi İsmailoğlu Veysel bin Ali ve Alioğlu Ömer bin Arif tarifleriyle muarrefe olan Necibe bint mezbûr Hüseyin meclis-i şer’-i şerif-i enverde müteveffa-yi mezbûrun medyuni Mehmed Efendi ibn Ahmed Efendi mahzarında bi’l-verâse üzerine dava ve takrir-i kelâm idub ben müteveffa-yi mezbûr Emin Reis ile li ebeveyn karındaşlar olub babamız ismi Hüseyin ve dedemiz ismi Abdullah ve validemiz ismi Uluve bint Hüseyin ve meskat-i ra’simiz mezkûr Yeniköy mahallesi olub ol vechile karındaşım müteveffa-yi mezbûrun verâseti benimle zevce-i menkuhe-i metrukesi Nokta bint Salih ve sulbîye-i kebire kızları Fatıma ve Ayşe ve Hatice ve li ebeveyn diğer kız karındaşımız Peruze’ye munhasıra ve badehu kable’l-kısmet zevce-i mezbûre Nokta vefat idub verâseti sadriye-i kebire kızları mezbûrât Fatıma ve Ayşe ve Hatice ile anası Cemile bint Hasan ve mezbûr Salih bin Hüseyin’e munhasıra ve badeha mezbûre Ayşe vefat idub verâseti zevci Refik bin Mustafa ve min kıbeli’l üm ceddesi mezbûre Cemile ve li ebeveyn kız karındaşları mezbûretan Fatıma ve Hatice’ye munhasıra ve tashih-i mesele-i mirasları bi hükmi’l münasahati’ş-şer’iye ikiyüzseksensekiz sehmden olub siham-ı mezkûr otuz sehmden altmış sehmi mezbûretan Necibe ve Peruze’ye ve doksanar sehmden yüzseksen sehmi Hatice ve Fatıma’ya ve altı sehmi mezbûr Salih’e ve onbeş sehmi mezbûre Cemile ve yirmiyedi sehmi mezbûr ? isabet idub başka varisleri ve terekelerine mustahik-i ahar kimesneleri olmamağla karındaşım müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve îfâya mezbûr Mehmed Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Emin Reis’e ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset müddeâsı malûmum değildir deyu bade’l-inkar müddeiye-i mezbûre ber vech-i muharrer verâset müddeâsını evvelen ba vereka-i mesture mensub oldukları Filyoz mahallesi imamı Telcioğlu Ahmed bin Abdulaziz ve azadan Hafızoğlu Hüseyin Efendi ibn Ahmed ve Babik mahallesi imamı Tuzcuzâde Şaban Efendi ibn Abdulhamid ve azadan Mataracızâde Hakkı Efendi ibn Abdurrauf Efendi’den sirren ve badehu tarafeyn ve şahidler müterâfian hazır ve mevcud oldukları halde bi’l-muvacehe mezkûr Yeniköy mahallesinden Kavrakoğlu Abdulkadir bin Ali ve Filyoz mahallesinden Hafızoğlu Mehmed Efendi ibn Ahmed’den ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan müteveffa-yi mezbûrun ile verese-i mezbûr uni arifan olan Filyoz mahallesinden Hafızoğlu Receb Efendi ibn Ahmed ve Babik mahallesinden Terzi İsmailoğlu Veysel ibn İsmail nâm kimesnelerin tafsil-i mezkûr üzere kezalik ber nehc-i şer’i şahadetleriyle isbat itmegin mucebince verâsetlerine bade’l-hükm müddeâ bih meblağdan hissesi irsîyesi olan iki kuruş yirmi parayı müddeiye-i mezbûre Necibe’ye eda ve teslime mezbûr Mehmed Efendi’ye tenbih olunduğu natık verese-i mezbûrundan mezbûretan Hatice ve Fatıma’nın dava vekîllerinden Abdulhamid Efendi ibn Abdulkerim ile İsmailoğlu İslâm Reis ibn İsmail’i vekîl eylediklerinden mutazammın üçyüzotuzbir senesi muharremu’l-haramının yirmialtıncı günü tarihiyle müerreh ve ol tarihte kadı-i liva bulunan faziletli Mehmed Emin Efendi imza ve hatmini hâvî sicil-i mahfuzda mukayyed bir kıta mamul bih hüccette muharrer bulunmağla bu kere verese-i mezbûrundan her birinin zatları Alemdaroğlu Sefer bin Receb ve Abanozoğlu Sabit bin Mustafa tarifleriyle muarrefe olan müvekkilan-i mezbûretan Fatıma ve Hatice ile mezbûre Cemile ve ebu’l mezbûr Salih tekrar meclis-i şer’-i şerif-i enverde Babik mahallesinden Terzi İsmailoğlu vekîl-i mezbûr İslâm(?) Reis ibn mezbûr İsmail mahzarında her biri takrir-i kelâm ve tabir-i ani’l-merâm idub murisimiz müteveffat-ı mezbûre Nokta’nın hayatında malike ve mutasarrıfe olub bade’l-vefat irs ve intikal eden Dersaadet’te Kadıköy’ünde Bostancı nâm mahalde kâin beynel ahali ve’l-cîrân malûm ve müteârefu’l-hudud mea müştemilat bir bab hane ve bahçedeki hisse-i irsîye ve müntakıle-i şayiamızı mahallinde talibine semen misilleriyle bey’ ve temlik u teslime ve semen-i mezkûri ahz u kabz ile memuru huzurunda takrirlerini i’tâya ve muamele-i saire-i lazımesini icrâ ve îfâya ve müteveffat-ı mezbûre Nokta’nın bi’l-cümle terekesiyle zımem-i nasda olan kaffe-i matlubattan kezalik hisse-i irsîyemizi icab eden devâir ve memurin vesair vazıu’l-yed olanlardan taleb ve dava ve kezalik ahz u kabz ile bi’l-cümle makbuzatını bize irsal ve isal ve teslime ve mucib-i muhâkeme bir hal vukuunda lazım gelenlerle aid olduğu mehâkimin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezbûr İslâm Reis tekrar ve ra’sen vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu.Fi’l-yevmi’r-râbi min Cumade’l ûla li sene isna ve selâsîne ve selâsemie ve elf.
Baş kâtib, kadı. Abanozoğlu Sabit bin Mustafa, Alemdaroğlu Sefer bin Receb.
Aded 69 C: Piri Çelebi
Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye ikinci kâtibi Rahmi Efendi ibn Hafız Mahmud Efendi Lazistan Sancağı’nın merkezi olan Rize kasabası mahallâtından Piri Çelebi mahallesinde vâki Tuzcuzâde Tahsin Efendi ibn Hurşid Ağa’nın hanesine varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte menzil-i mezkûrde sakine Müftü mahallesinden Çamaşuzâde müteveffa Memiş Efendi’nin zevce-i metrukesi kezalik müslimin-i mezbûrun tarifleriyle muarrefe olan Asiye bint Hacı Osman meclis-i makud-i mezkûrde takrir-i kelâm ve tabir-i ani’l-merâm idub Müftü mahallesinden Buberoğlu kerimesi Elmas bint Ahmed tarafından aleyhime ikame olunan alacak ve arazi davalarından dolayı mezbûre ile aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce ispat-ı verâset iddiasıyla sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedigi kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olunan Fi’l-yevmi’s-sabi min Cumade’l ûla li sene isna ve selâsîne ve selâsemie ve elf.
Baş kâtib, kadı. Çamaşuzâde Keşfi bin Şükri Efendi, Köseoğlu İbrahim bin Osman.
Aded 70 B: Seftar karyesi
Lazistan Sancağı’nın merkezi olan Rize kazası nevâhîsinden Karadere nahiyesinin Seftar karyesinden Kuru Mahmudoğlu Hasan bin Ali meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-merâm idub karyeden Uzun Alioğulları Şaban bin Ali ve Yehuza bin Ömer ile beynimizde mütehaddis hakk-ı saky ve mesil ve mecra davalarından mezbûran ile aid olduğu mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasıyla sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi min Cemaziye’l Evvel li sene isna ve selâsîne ve selâsemie ve elf.
Baş kâtib, kadı. Mübaşir Sadık Efendi, Hafız Harun Efendi.
Aded 71 B: Hopa kazasının Arhavi nahiyesinin Kanbar karyesi
Lazistan Sancağı’na tabi Hopa kazasının Arhavi nahiyesinin Kanbar karyesinden Çileninoğlu nâm-ı diğeri Mahiroğlu Yakub bin Mahir meclis-i şer’-i şerif-i enverde takrir-i kelâm ve tabir-i ani’l-merâm idub halen zevce-i menkuhe-i medhul-i bihâm olan nahiye-i mezkûrenin Bablat karyesinden Kara Alioğlu kerimesi Fatıma bint Yakub’un hukuk-i zevciyete itaatını aid olduğu mehâkim-i şer’iyede ve taleb ve dava ve muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâya ve temyizen davaya ve istihsal eylediği ilamı bana irsal ve isal ve teslime ve talak iddiası vuku bulduğu ve aleyhime nikâh-ı dava ikame olunduğu takdirde icab edenlerle kezalik muhâkeme ve muhâsama ve mucâvebeye ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile kaza-i mezkûrun Kaledibi karyesinden Ali Efendioğlu Hurşid Efendi ibn Abdullah’ı kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l ışrin min Cumade’l ûla li sene isna ve selâsîne ve selâsemie ve elf.
Baş kâtib, kadı. Sarı Ahmedzâde Rıza Efendi, Sarı Hasanoğlu Abdulgafur Efendi, Mübaşir Sadık Efendi, Satıroğlu Mehmed Efendi.
Aded 72 B: Paşyan mahallesi
Lazistan Sancağı’nın merkezi olan Rize kasabası mahallâtından Paşyan mahallesinden Dervişzâde Hacı Hafız Osman Efendi ibn Hacı Hasan Efendi meclis-i şer’-i şerif-i enverde takrir-i kelâm ve tabir-i ani’l-merâm idub Dersaadet’te mahal ve mevaki-i muhtelifede kâin basenedi hakani malik ve mutasarrıf olduğum bi’l-cümle emlak ve arazi ve arsa ve han ve dükkan ve kaffe-i akaratımı icar misilleriyle talibine icar ve teslime ve müstecirlerini tahliye ve icar-ı müterakimelerini ahz u kabza ve istimlaki icab edenleri devâir-i aidesine usul-i vecihle satıb bedel-i istimlaki kezalik ahz u kabza ve gerek tahliye ve istimlak ve gerek vergi ve kıymet ve suver-i saireden dolayı müdahale ve munazaa takdirinde ve mucib-i muhâkeme bir hal vukuunda devâir-i aidesi namına icab edenlerle ve eşhas-ı müteaddiye ve mütecavize ile aid olduğu devâir ve muhâkeme ve mecalisin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla her nevi müstediyat ve revayih tanzîm ve takdîm ve tahtîmine ve taleb-i icrâ ve hacz vaz’ u fekkine ve bi’l-cümle makbuzatını bana irsal ve isal ve teslime ve mümeyyiz ve hâkim ve ehl-i vukuf tayin ve ber vech-i muharrer ahari tevkil ve azle ve’l-hâsıl Dersaadet’te malik ve mutasarrıf olduğum kaffe-i emlak ve arazi ve akaratımdan dolayı leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde ber vech-i muharrer icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile Dersaadet’te mukim Kantarcılar’da yeni handa kendi ticarethanesinde mukim oğlum Hasan Fehmi Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hadi ve’l-ışrin min Cumade’l ûla li sene isna ve selâsîne ve selâsemie ve elf.
Baş kâtib, kadı. Hacı Mahmudzâde Tevfik Efendi, Dava vekîli Hafız Hulusi Efendi.
Aded 73 B: Piri Çelebi mahallesi
Lazistan Sancağı’nın merkezi olan Rize kasabası mahallâtından Piri Çelebi mahallesinden Tuzcuzâde Ahmed ve Hafız Hüsnü ve Abdulvehhab Efendiler benun-i Hurşid Efendi meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında her biri takrir-i kelâm ve tabir-i ani’l-merâm idub amucemiz müteveffa-yi Hacı Mehmed Efendi’nin zevce-i metrukesi müteveffat Hace Nokta Hanım’ın verese-i malûmesi tarafından aleyhimize ikame olunan alacak ve tereke ve emlak ve akar davalarından dolayı icab edenlerle aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itizaren ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce sulh ve ibra ve isbat-ı verâset iddiasına ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi ve’l-ışrin min Cumade’l ûla li sene isna ve selâsîne ve selâsemie ve elf.
Baş kâtib, kadı. Dava vekîli Arif Efendi, Dervişzâde Abdullah Efendi.
Aded 74 B:
Bundan evvelki sicilin yüzelliikinci sahifesinin üçyüzkırkbeşinci numarasında mukayyed idane hüccetin zahrına yazılan mukteza ilamıdır.
İşbu edane hüccetinde muharrer olduğu üzere medyun-i mezbûr Mustafa Reis ihbar-ı vâki üzerine deyn-i mezkûrini ne kendisi ve ne kefilleri tediye etmedikleri eytâm müdürlüğünden ifade edilmiş olmağla meblağ-ı mezkûr ikibinikiyüzon kuruşun hıyn-i tediyesine değin terk ve teberru edilen nemasıyla beraber medyun-i mezbûr ile kefilleri Hafız Hüsnü ve Rıfat ve Mustafa Efendiler’den bi’t tahsil eytâm müdürlüğüne teslimi iktiza eylediği i’lâm olundu fi 23 Cumade’l ûla sene 1332
Baş kâtib, kadı.
Aded 75 B: Fatla karyesi
Lazistan Sancağı’nın merkezi olan Rize kazası kurâsından Fatla karyesinden Alininoğlu Mehmed Ali bin Receb meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında takrir-i kelâm ve tabir-i ani’l-merâm idub leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkim-i şer’iye ve hukuk ve ceza kararlarına müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve benim her hakkımı ashabından taleb ve dava ve ahz u kabza ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasıyla sulh ve ibraya ve bi’l-cümle makbuzatını bana i’tâ ve teslime ve’l-hâsıl her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l ışrin min Cumade’l ûla li sene isna ve selâsîne ve selâsemie ve elf.
Baş kâtib, kadı. Evkaf kâtibi İsmail Efendi, Dava vekîllerinden Mustafa Efendi.
Aded 76 B: Salarha Ruspa karyesi
Lazistan Sancağı’nın merkezi olan Rize kazası kurâsından Salarha Ruspa karyesinden olub Dersaadet’te Fenerler İdaresi devriye kaptanlarından iken bir ay mukaddem Bahriye Hastanesi’nde vefat eden Halpozoğlu Ömer Kaptan ibn Hasan bin Abdullah’ın ber vechi ati varisi olduğunu iddia eden zatı Halpozoğlu İbrahim bin Mustafa ve Sakaloğlu Mahmud bin Mustafa tarifleriyle muarrefe olan zevce-i menkuhe-i metrukesi Ayşe bint Ali meclis-i şer’-i şerif-i enverde müteveffa-yi mezbûrun medyuni Diğer İksenit mahallesinden Memişzâde Abdullah Efendi ibn Hacı Reşid mahzarında bi’l-verâse üzerine dava ve takrir-i kelâm idub zevcim müteveffa-yi mezbûr Ömer Kaptan’ın verâseti benimle li ebeveyn erkarındaşı Çakır Mehmed bin mezbûr Hasan bin mezbûr Abdullah’a munhasıra ve mesele-i mirasları bi hükmi’l feraiz dört sehmden olub siham-ı mezkûreden bir sehmi zevce-i mezbûreye ve üç sehmi ehu’l-mezbûr Çakır Mehmed’e isabet eylediği anlaşılıb başka varis ve terekesine mustahik-i ahar kimesnesi olmamağla zevcim müteveffa-yi mezbûrun hayatında mezbûr Abdullah Efendi zimmetinde cihet-i karzdan alacak hakkı olan kırksekiz kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve îfâya mezbûr Abdullah Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûre Ayşe’nin ber vech-i muharrer verâset müddeâsını inkar etmekle müddeiye-i mezbûreden ber vechi meşruh verâset müddeâsını muvafık beyyine taleb olundukta karye-i merkume ahalisinden Sakaloğlu muarref mezbûr Mahmud bin Mustafa bin Osman ile yine muarref mezbûr Halpozoğlu mezbûr İbrahim bin Mustafa bin Osman’dan her biri li ecli’ş şahade meclis-i şer’e hazıran olub münferiden ve muvaceheten istişhad olundukta fi’l-hakika müteveffa-yi mezbûr Halpozoğlu Ömer Kaptan ibn Hasan bin Abdullah’ın verâseti zevce-i menkuhe-i metrukesi zatı malûmumuz olan müddeiye-i mezbûre Ayşe bint Ali ile li ebeveyn erkarındaşı Çakır Mehmed bin mezbûr Hasan bin mezbûr Abdullah’a munhasıra olub bunlardan başka varisi ve terekesine mustahik-i ahari olduğu malûmumuz değildir biz bu hususa bu vech üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye itmeleriyle şahidan-i mezbûran evvelen ba veraka-i mesture mezkûr Salarha Ruspa karyesi imamı Ömeroğlu Hüseyin bin Ali ile muhtar-ı sanisi Deli Hasanoğlu Tahir bin Yunus’dan sirren ve badehu tarafeyn ve şahidler müterâfian hazır ve mevcud oldukları halde yine karye-i merkume ahalisinden Halpozoğlu Ruşen bin Salih ve Halpozoğlu Ali bin Memiş’den dahi alenen lede’t-tezkiye adl ve makbulu’ş-şehade idugleri işar ve ihbar olunub şahadetleriyle makbule olmağın mucebince sübut-i verâsetine bade’l-hükm müddeâ bih meblağdan hisse-i irsîyesi olan oniki kuruş müddeiye-i mezbûre Ayşe’ye eda ve teslime müddeâ aleyh mezbûr Abdullah Efendi’ye tenbih olunduktan sonra marifetu’z-zat mezbûre Ayşe tekrar meclis-i makud-i mezkûrde takrir-i kelâm ve tabir-i ani’l-merâm idub zevcim ve murisimiz müteveffa-yi mezbûr Ömer Kaptan’ın hıyn-i vefatında yanında mevcud bi’l-cümle terekesiyle zımem-i nasda olan hukukunu ve maaşı müterakimesini icab eden ve vazıu’l-yed bulunan memurinden taleb ve hisse-i irsîyemi ahz u kabza ve iktiza eden tekaudiye maaşımın tahsisi içun imzasıyla istid’â ve lâyıha tanzîm ve takdîmine ve müterakim etmiş ve edecek miktar maaşımı kezalik ahz u kabz ile bi’l-cümle makbuzatı bana irsal ve isal ve teslime ve ber vech-i muharrer hususattan dolayı mucib-i muhâkeme bir hal vukuunda lazım gelenlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve istinaf ve temyiz-i davaya ve taleb-i icrâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’te Kasımpaşa’da kayıkçı iskelesi kethüdası Rizeli Mustafa Efendi ibn Bayram’ı kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’t-tasia aşer min Cemaziye’l Ûlâ li sene isna ve selâsîne ve selâsemie ve elf.
Baş kâtib, kadı. Halpozoğlu Ruşen, Halpozoğlu İbrahim bin Mustafa, Sakaloğlu Mahmud bin Mustafa.
Aded 77 B: Seftar karyesi
Lazistan Sancağı’nın merkezi olan Rize kazası nevâhîsinden Karadere nahiyesinin Seftar karyesinden İbrahimoğulları Veysel bin Hüseyin ve Hafız Ali bin Halil meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-merâm idub aleyhimize ikame olunan teşhir-i silah ve tehdid ve ihafe vesair deâvî-i cezaiyeden dolayı aid olduğu devâir ve mehâkim-i cezaiyede muhâkeme ve muhâsama ve mucâvebeye ve imzasıyla istid’â ve lâyıha tanzîm ve takdîmine ve teblîğ ve tebellüğa ve irae-i şuhuda ve’l-hâsıl her türlü hukuk-i şahsiyye ve kanuniyemizi muhafaza ve müdafa ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis ve’l-ışrin min Cumade’l ûla li sene isna ve selâsîne ve selâsemie ve elf.
Baş kâtib, kadı. Satıroğlu Mehmed Efendi, Molla Ahmedoğlu Hacı Ali.
Aded 78 B: Atina kazasının Hemşin nahiyesinin Bodullu karyesi
Lazistan Sancağı’nın Atina kazasının Hemşin nahiyesinin Bodullu karyesinden Küçükünoğlu Mesud bin Ahmed meclis-i şer’-i şerif-i enverde takrir-i kelâm ve tabir-i ani’l-merâm idub nahiye-i merkumenin Makravis karyesinden Abdullahoğlu Yusuf bin Emin ile beynimizde mütehaddis emlak ve arazi davalarından dolayı istinafen Lazistan hukuk ve ceza mehâkimlerinde müstenif ve müstenef aleyh ve müştekî ve müştekâ aleyh sıfatlarıyla muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamis ve’l-ışrin min Cumade’l ûla li sene isna ve selâsîne ve selâsemie ve elf.
Baş kâtib, kadı. Mübaşir Mahmud Efendi, Dava vekîli Kaşif Efendi.
Aded 79 B: Atyanoz Çıkara karyesi
Lazistan Sancağı’nın merkezi olan Rize kazası kurâsından Atyanoz Çıkara karyesinden zatları zeyl-i vesikada muharreru’l-esâmî Mahmud Kaptan bin Hasan ve Genç Ali Usta ibn Mustafa tarifleriyle muarrefe olan Molla Osmanoğlu kerimesi Fatıma bint Yunus ile sadriye-i kebire kızları Kavranoğlu kerimeleri Has Hatun ve Aslı Hatun bintan-i Hasan meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında her biri takrir-i kelâm ve tabir-i ani’l-merâm idub karye-i merkûmeden li ebeveyn amuceleri Kavranoğulları Abdullah ve Mehmed ve Memiş ve İsmail ve Ömer ile beynimizde mütehaddis emlak ve arazi ve eşya ve tereke ve alacak davalarından dolayı mezbûrun ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasia aşer min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Solakoğlu Genç Ali Usta bin Mustafa, Karyeden Solakoğlu Mehmed Kaptan bin Hacı Hasan.
Aded 80 B: Ustupiler mea Liparit
Lazistan Sancağı’nın merkezi olan Rize kazası kurâsından Ustupiler mea Liparit karyesi sakinelerinden zatı zeyl-i vesikada muharreru’l-esâmî müslimîn Hüseyin bin Mesud ve Hasan bin Tayyar tarifleriyle muarrefe olan Beşiroğlu kerimesi Hanife bint Mustafa meclis-i şer’-i şerif-i enverde takrir-i kelâm ve tabir-i ani’l-merâm idub halen zevci dahilim olan Çaklı karyesinden Küçük Hüseyinoğlu Şaban bin Süleyman bundan akdem benimle firaşından hasıla ve benden mütevellid hacr ve terbiyemde olan sulbî sağir oğlu oğlum Cafer’i bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyesi içun işbu tarihten itibaren beher şehrî her ikisine kırkbeşer kuruştan ceman doksan kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr Hüseyin üzerine rucua mezbûre Hafize’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-samin min Cumade’l ûla li sene isna ve selâsîne ve selâsemie ve elf.
Baş kâtib, kadı. Asbet karyesinden Hantalzâde Hasan bin Tayyar, Liparit karyesinden Sarı Habiboğlu Hüseyin bin Mesud.
Aded 81 B:
Asbet karyesinden ve efradı-ı asakir-i şahaneden iken bundan akdem vefat eden Arif bin Keleş’in verâseti mübeyyin evrakı zîrine yazılan ilamdır.
Müteveffa-yi merkum Arif bin Keleş’in verâseti zevce-i menkuhe-i metrukesi Emine bint Salih ile sulbî sağir oğulları Süleyman ve Hasan ve Hüseyin ve Keleş ve sulbîye-i sağire kızı Hacere’ye munhasıra olduğu hasım-ı cahidde dava-i sahiha-i zımnında ber nehc-i şer’i sabit ve sübut-i verâsetlerine hükm-i şer’i lâhik olub mesele-i mirasları bi hükmi’l feraiz yetmiş iki sehmden ibaret olarak dokuz sehmi zevce-i mezbûreye ve ondörder sehmden elli altı sehmi mezbûrun Süleyman ve Hasan ve Hüseyin ve Keleş’e ve yedi sehmi mezbûre Hacer’e isabet eylediği i’lâm olunur. Fi 30 Cumade’l ûlâ sene 1332 ve fi 12 Nisan sene 1330.
Baş kâtib, kadı.
Aded 82 B: Petroz karyesi
Lazistan Sancağı’nın merkezi olan Rize kazası kurâsından Petroz karyesinden iken bundan akdem vefat eden Petroz Ali nâm-ı diğeri Hüseyin Efendioğlu Hakkı Efendi ibn Hacı Hüseyin Efendi’nin sulbî sağir oğulları Ali Rıza ve Ahmed ve Arif ve Emin ve Yusuf ve sulbîye-i sağire kızı Hatice’nin pederleri müteveffa-yi mezbûrdan mevrus mallarını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume imam ve muhtarı tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Fatuli bint Hüseyin siğar-ı mezbûrenin pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Elhazoğlu Abdullah bin Süleyman, Petrozoğlu Mehmed bin İdris.
Aded 83 B: Haldoz mahallesi
Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye ikinci kâtibi Hafız Rahmi Efendi ibn Hafız Mahmud Efendi Lazistan Sancağı’nın merkezi olan Rize kasabası mahallâtından Haldoz mahallesinde vâki Durmuş Efendizâde Hacı Ali Kaşif Efendi’nin menziline varıb menzil-i mezkûrede sakin zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte bundan bir mâha karib mukaddem vefat eden muma ileyh Hacı Ali Kaşif Efendi ibn Hacı Mustafa Efendi’nin sulbîye-i sağire kızları Havva ve Emine’nin pederleri müteveffa-yi muma ileyhden mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i mezkûre muhtar ve heyet-i ihtiyariyesinden mevrud ilmuhaberden müstebân ve müslimin-i mezbûrun ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Molla İbrahimoğlu kerimesi Vesile bint Hacı Reşid Efendi sağiretan-ı mezbûretanın pederleri müteveffa-yi muma ileyhden mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi ve üzerine li ebeveyn erkarındaşı Hacı Mustafa Nazır nasb u tayin olundukta onlar dahi ber vech-i muharrer vesâyet ve nezaret-i mezkûreleri kabul ve hizmet-i lazımelerini kema yenbağî edaya taahhüd eylediklerini kâtib-i muma ileyh mahallinde ketb ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Rebii’l-ahir li sene isna ve selâsîne ve selâsemie ve elf.
Baş kâtib, kadı. Likzâde İsmail Efendi bin Abdulkerim, Cemedanoğlu(?) Derviş bin Hacı Ömer, Abdurrahimoğlu Abdurrahim Efendi ibn Mehmed, Abdullahoğlu Receb Reis bin Hüseyin, Likzâde Hüseyin Efendi bin Receb.
Aded 84 B: Çiklenar karyesi
Lazistan Sancağı’nın merkezi olan Rize kazası kurâsından Çiklenar karyesi sakinelerinden zatı zeyl-i vesikada muharreru’l-esâmî Abbas bin İbrahim ve Zelkifl bin Osman tarifleriyle muarrefe olan Emine bint Ruşen meclis-i şer’-i şerif-i enverde takrir-i kelâm ve tabir-i ani’l-merâm idub bundan akdem vefat eden karye-i merkume ahalisinden Süleymanoğlu Mahmud bin Hüseyin Kaptan ile hal-i zevciyet beynimizde kaim iken firaşından hasıl ve hasıla ve benden mütevellid ve mütevellide sulbî sağir oğlu Ömer ile sulbîye-i sağire kızı Hüsniye’nin asla malları olmayıb nafaka ve kisveye eşed ihtiyac ile muhtac olmalarıyla min kıbeli’l eb cedleri olub el yevm bera-i ticaret sefer-i baid olan Rusya memalikine bulunan mezbûr Hüseyin Kaptan ibn Hacı Hasan üzerine kadr-i marûf idugi bi’l-ihbar lede’ş-şer’il enver zâhir ve nümâyân olan beher şehrî kırkar kuruştan ikisine ceman şehrî seksen kuruş nafaka takdir ve istidane ile mezbûr Hüseyin Kaptan üzerine rucua işbu mahkeme-i şer’iyeden muta üçyüzotuzbir senesi Şevvali’l-mükerreminin beşinci günü tarihli ve ol tarihte kadı-i liva bulunan faziletli Mehmed Emin Efendi mührüyle mahtum bir kıta hüccet mucebince bana izn-i şer’i i’tâ olunduktan sonra mezbûr Hüseyin Kaptan’ın icrâ vuku bulan müracaatı üzerine icrâ kılınan muhâkeme neticesinde sağiran-ı mezbûr andan Ömer’in hakk-ı hidâneden sukutuna mebni binüçyüzotuzbir senesi zi’l kaadetu’ş şerifenin yirmibeşinci günü tarihinde nafakası kat’ ve sağire-i mezbûre Hüsniye’nin îfâ olunmuşdu lakin şehrî kırk kuruş sağire-i mezbûre Hüsniye’nin nafaka ve kisvesine kifayet etmeyib gaib-i mezbûr Hüseyin Kaptan mu’sir olmağla mikdar kafi mikdar daha zam ve üzerine takdir olunmak matlubumdur dedikte hakikat-i hal mezbûre Emine’nin takrir-i meşruhi üzere olduğu karye-i merkume imam ve muhtar-ı sanisi ve heyet-i ihtiyariyesi tarafından mevrud ilmuhaberden müstebân ve Zikr-i âtî şehrî onbeş kuruş daha kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağla mucebince sağire-i mezbûrenin şehrî kırk kuruş nafakasına şehrî onbeş kuruş daha zam ile ceman ellibeş kuruşa baliğ olub meblağ-ı mezkûri sağire-i mezbûrenin nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer gaib-i mezbûr Hüseyin Kaptan üzerine rucua mezbûre Emine’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hadi ve’l-ışrin min Rebii’l-ahir li sene isna ve selâsîne ve selâsemie ve elf.
Baş kâtib, kadı. Abbas bin İbrahim ve Zelkifl bin Osman.
Aded 85 B: Ğorğorlu karyesi
Lazistan Sancağı’nın merkezi olan Rize kazası kurâsından Ğorğorlu karyesinden olub tezkire-i osmaniyeleri görülen Sufioğlu İsmail bin Hafız Mustafa Efendi ile mezbûr İsmail’in kız karındaşı zatı zeyl-i vesikada muharreru’l-esâmî Ali Efendi ibn Hafız Yunus ve Mustafa bin Mustafa tarifleriyle muarrefe olan Fatıma bint mezbûr Hafız Mustafa Efendi meclis-i şer’-i şerif-i enverde her biri takrir-i kelâm ve tabir-i ani’l-merâm idub bundan akdem vefat eden pederimiz mezbûr Hafız Mustafa Efendi ibn Yunus’un hayatında Yalova kazasının Burhaniye karyesinde vâki şarken Hafız Hatib ve garben dere ve şimalen cebel ve cenuben yol ve dere ile mahdud üçyüzyirmi senesi kanun-i evvelin onsekizinci günü tarihli bir kıta sened-i hakani ile mutasarrıf olduğu üç dönüm atik bir kıta tarla bade’l-vefat bizimle sulbî sağir oğlu karındaşımız Mehmed ve sulbîye-i sağire kızı kız karındaşımız Emine’ye intikal etmekle mezkûr tarlada şayien mutasarrıf olduğumuz hisse-i müntakile-i kanuniyemizi mahallinde semen misliyle talibine memuru huzurunda ferağ ve tefviz ve teslime ve muamele-i lazımesini icrâ ve takririni i’tâya ve bedel ferağı ahz u kabz ile makbuzatını bize irsal ve isal ve teslime ve evrak-ı mukteziyeyi imzasıyla tanzîm ve tahtîme ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezkûr Burhaniye karyesinde sakin an asli Rizeli Sufioğlu Mustafa Efendi ibn Mehmed’i kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sabi min Cumade’l ahir li sene isna ve selâsîne ve selâsemie ve elf.
Baş kâtib, kadı. Sufioğlu Hafız Ali Efendi ibn Hafız Yunus Efendi, Çavuşoğlu Mustafa bin Mustafa.
Aded 86 B: Muskas karyesi
Lazistan Sancağı’nın merkezi olan Rize kazası kurâsından Muskas karyesinden Veziroğlu Ahmed bin Bekir meclis-i şer’i münîrde Filandoz karyesinden zatı Derviş İlyas Efendi ibn Mahmud Efendi Hacı Muharrem bin Osman tarifleriyle muarrefe olan Çolakoğlu kerimesi Habibe bint Şaban muvacehesinde mezbûre Habibe bundan akdem zevce-i menkuhe-i medhul-i bihâm iken mezbûreyi bade’t tatlik firaşından hasıla ve mezbûreden mütevellide sulbîye-i sağire kızı işbu hazıretu’n bi’l-meclis kızım Nazire içun işbu muhakemeden sadır olan üçyirmialtı sene-i hicrisi Şabanu’l muazzamının dördüncü günü tarihiyle müerreh ve ol vakt naib-i liva bulunan faziletli Ali Necib Efendi imza ve mührünü hâvî bir kıta nafaka hücceti mucebince mezbûrenin talebiyle üzerime şehrî otuz kuruş farz u takdir edilmişdi şimdiye kadar müterakim eden meblağı mezbûre Habibe’ye i’tâ ol dahi ahz u kabz ettiği ve kızım sağire-i mezbûre Nazire dokuz yaşını ikmal ve bizzat ekl ve şurb ve lebse kadire olub anası mezbûre Habibe’den hakk-ı hidânesi sakıt ve terbiye-i nisvaniden müstağniye olmağla nafaka mezkûrenin kat’iyle kızım sağireyi mezbûreyi bana teslime mezbûre Habibe’ye tenbih olunmak matlubumdur deyu dava ve lede’s-sual ol dahi cevabında hakikat-i hal müddeî mezbûr Ahmed’in ber vech-i muharrer davası vecihle olduğunu bi tamamiha taven ikrar ve itiraf itmegin mucebince sağire hazıre-i mezbûre Nazire’yi babası müddeiye-i mezbûre Ahmed’e teslime mezbûre Habibe’ye tenbih olunduğu tescîl ve i’lâm olundu. Fi’l-yevmi’l-hamise aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı.
Aded 87 B:
Bundan evvelki sicilin kırkyedinci sayfasının yüzetmişiki numarasında mukayyed idane hüccetin zahrına yazılan mukteza ilamıdır.
İşbu idane hüccetinde muharrer olduğu üzere vuku bulan tebligat üzerine tesviye-i deyn etmeyen medyun Hüseyin Ağa ile kefilleri Memiş ve Cemal ve Hakkı Efendiler’den binyüzelliiki kuruş ra’su’l mal ve yüzotuzaltı kuruş nemanın hıyn-i tediyesine değin teberru nema ile beraber bi’t tahsil eytâm müdürlüğüne i’tâ ve teslimi iktiza eylediği i’lâm olundu. Fi 8 Cemaziye’l-ahir sene 1332
Baş kâtib, kadı.
Aded 88 B:
Bundan evvelki sicilin yüzyirminci sayfasının ikiyüzyetmişbir numarasında mukayyed idane hüccetinin zahrına yazılan mukteza ilamıdır.
İşbu idane hüccetinde muharrer olduğu üzere ihbarname teblîğ edildiği halde tesviye-i deyn etmeyen mezbûr Memiş Bey ile kefilleri bulunan Hacı Şaban ve Memiş ve Hakkı Efendilerden meblağ-ı mezkûr binbeşyüz kuruş ile ikiyüzotuziki buçuk kuruş faizin hıyn-i tediyesine değin murur edecek nema ile bi’t tahsil eytâm müdürlüğüne teslime iktiza eylediği i’lâm olundu. Fi 8 Cemaziye’l-ahir sene 1332
Baş kâtib, kadı.
Aded 89 B: Hopa kazasının Arhave nahiyesinin Özcübaşköy(?)
Lazistan Sancağı’na tabi Hopa kazasının Arhavi nahiyesinin Özcübaşköy karyesinden Sapuloğlu Ömer bin Mehmed meclis-i şer’-i şerif-i enverde takrir-i kelâm ve tabir-i ani’l-merâm idub bundan akdem vefat eden pederim mezbûr Mehmed bin Halid’den benimle zevcesi validem Kadınya bint Ali ve sulbîye-i kebire kızı kız karındaşım Hatice’ye mevrus ve müntakil olan Batum’da kâin bi’l-cümle emlak ve arazi ve akaratıyla zımem-i nasda olan kaffe-i matlubat ve tereke-i sairesinden hisse-i irsîyemi icab edenlerden mahallinde aid olduğu mehâkimin her derece ve her kısmında bidayeten ve iâdeten ve itirazen ve istinafen ve temyizen taleb ve dava ve ahz u kabz ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tefrik u taksime ve hisse-i müfreze ve şayiamı semen ve bedel-i misilleriyle memuru huzurunda talibine bey’ u ferağ ve temlik u teslime ve semen ve bedellerini kezalik ahz u kabz ve bi’l-cümle makbuzatını bana irsal ve isal ve teslime ve takrirlerini i’tâya ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve ber vech-i muharrer ahari tevkil ve azle ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile validem mezbûre Kadınya’yı kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-samin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Haliloğlu Ahmed Efendi, Jandarma efradından Bitlisli Ali
Aded 90 B: Kavaroz mahallesi
Lazistan Sancağı’nın merkezi olan Rize kasabası mahallâtından Kavaroz mahallesinden iken bundan on sene akdem vefat eden Şahinoğlu Mehmed bin Ruşen ibn Ahmed Kaptan’ın sulbî sağir oğlu Mustafa ve sulbîye-i sağire kızları Fatıma ve İfaket’in pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mezkûr Kavaroz mahallesi imamı ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Raife bint Mahmud Efendi siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Vardalıoğlu Memiş Efendi ibn İbrahim, Durmuş Efendioğlu Arif Efendi ibn Hacı Abdulhamid Efendi.
Aded 91 B: Büyük Samri mahallesi
Lazistan Sancağı’nın merkezi olan Rize kasabası mahallâtından Büyük Samri mahallesinden zatı Çolakoğlu Memiş bin Mustafa ve Kalafatoğlu Hacı İbrahim ibn Ömer tarifleriyle muarrefe olan Kalafatoğlu kerimesi Gül Cemal bint Osman meclis-i şer’-i şerif-i enverde mahalle-i merkume ahalisinden Kalafatoğlu Rıdvan bin Mustafa muvacehesinde merkum Rıdvan bundan akdem beni kırkbir aded tam yüzlük mecîdi altını mehr-i müeccel tesmiyesiyle tezevvüc ve duhul idub ol vechile zevce-i menkuhe-i medhul-i bihâsı iken ahiren ihlal olmak zannıyla tezevvüc ve vaty eylediğini beyan ve mihrimi yani süt kız karındaşı olmadığımı dermiyan ederek beni vaty ve kabulden imtina ve kavlinde ısrar ve hatta esbab-ı mezkûreden naşi bana talak hükmüyle boşsun deyu ikrar etmekle binaen aleyhime zimmetinde mütekarrer ve makud aleyh mezkûr kırkbir aded Osmanlı lirası mehr-i mislime müsavi olduğundan meblağ-ı mezkûri bana eda ve îfâya mezbûr Rıdvan’a tenbih olunmak matlubumdur deyu dava ve lede’s-sual mezbûr Rıdvan dahi cevabında müddeiye-i mezbûre Gül Cemal’in ber vech-i muharrer müddeâsını taven ikrar ve itiraf idub ancak mehr-i misli yüzeli kuruşa müsavi bulunduğunu müdafa etmekle evvelen ziyade mehr-i misli iddia eden mezbûre Gül Cemal’den beyyine taleb olundukta aslen şahidi olmadığı cihetle ityan-ı beyyineden izhar-i acz ettikten sonra mezbûr Rıdvan’dan beyyine taleb olunub ol dahi şahidi olmadığı beyanıyla isbat-ı müddeâdan aciz olduğuna binaen mezbûrenin talebiyle ber nehc-i şer’i mezbûr Rıdvan defa-i sâlisede teklif olunan yemini kabul ve icrâ etmediğine ve ahiren mezbûre Gül Cemal husus-i mezkûreden dolayı muhâkeme ve muhâsama ve ahz u kabza dava vekîllerinden Hafız Hulusi Efendi ibn Salih Efendi’yi müseccelen vekîl tayin idub vekîl-i muma ileyh müvekkilesinin dava-i sabıkasını tekrar ve mezbûr Rıdvan dahi cevab ve müdafaa-i vakıasında ısrar eylediklerinden mucebince mezbûrenin mehr-i mislinin kırkbir aded Osmanlı lirası olduğuna bade’l-hükm mezkûr kırkbir aded Osmanlı lirası mehr-i mislinin emsallerini müddeiye-i müvekkile-i mezbûreye izafetle vekîl-i muma ileyh Hulusi Efendi’ye i’tâ ve teslime mezbûr Rıdvan’a tenbih olunduğu tescîl ve i’lâm olundu. Fi’l-yevmi’t-tasia aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı.
Aded 92 B: Umma Tarikler karyesi
Lazistan Sancağı’nın merkezi olan Rize kazası kurâsından Umma Tarikler karyesinden Durmuşoğlu Musa bin Yakub meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-merâm idub Şeremetoğlu Şakir ile beynimizde mütehaddis arazi davasından dolayı mezbûr Şakir ile vesairleri tarafından aleyhime ikame edilecek her nevi deâvîden dolayı icab edenlerle aid olduğu mehâkim-i şer’iye ve nizamiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve benim her hakkımı ashabından taleb ve dava ve ahz u kabz ile makbuzatını bana i’tâ ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce isbat-ı verâset iddiasıyla sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi ve’l-ışrin min Cumade’l ûlâ li sene isna ve selâsîne ve selâsemie ve elf.
Baş kâtib, kadı. Memişzâde Abdulaziz Efendi, Tatzâde Osman Efendi.
Aded 93 B: Kandeva karyesi
Lazistan Sancağı’nın merkezi olan Rize kazası kurâsından Kandeva karyesinden Kara Osmanoğlu Ahmed bin Osman meclis-i şer’-i şerif-i enverde takrir-i kelâm ve tabir-i ani’l-merâm idub karye-i merkûmeden Kara Osmanoğlu Hacı Ahmed bin Salih ile beynimizde mütehaddis arazi ve emlak ve alacak ve tecavüz-i hudud davalarından dolayı mezbûr ile vesairleri tarafından aleyhime ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce isbat-ı verâset iddiasıyla sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbia aşer min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Şabanzâde Mehmed Efendi, Molla Ahmedoğlu Hasan Efendi.
Aded 94 B: Varankoz karyesi
Lazistan Sancağı’nın merkezi olan Rize kazası kurâsından Varankoz karyesinden zatı Rakıcızâde Kaşif Efendi ibn Ömer Ağa ile Tiryakioğlu Ahmed bin Mehmed tarifleriyle muarrefe olan Seyyidoğlu kerimesi İsmahan bint Yusuf meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan karye-i mezkûreden Salihoğlu Hayrullah bin Hasan bundan iki sene mukaddem benimle firaşından hasıla ve benden mütevellid vela bi hakk’il hidâne hacr ve terbiyemde olan sulbîye-i sağire kızı Nazmiye’yi bila nafaka vela munfek-i şer’i terk idub müddet-i sefer-i baid olan Dersaadet’e gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume muhtar-ı evvel ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyeleri içun işbu tarihten itibaren beher şehrî kırkbeş kuruşdan ikisine ceman doksan kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre İsmahan’a kıbel-i şer’iden izin verilmegin ma vekaa bi’t-taleb ketb olundu. Fi selh min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Varankoz karyesinden Tiryakioğlu Ahmed bin Mehmed, Rakıcızâde Kaşif Efendi ibn Ömer Ağa.
Aded 95 B: Kavaroz mahallesi
Lazistan Sancağı’nın merkezi olan Rize kasabası mahallâtından Kavaroz mahallesi sakinelerinden zatı Topaloğlu Ahmed bin Mustafa ve Eminoğlu Hafız Yusuf Efendi ibn Memiş tarifleriyle muarrefe olan Topaloğlu kerimesi Rukiye bint Hasan meclis-i şer’-i şerif-i enverde takrir-i kelâm ve tabir-i ani’l-merâm idub halen zevci dahilim olan Çarihoz mahallesinden Karaalioğlu Osman bin Emin Usta bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûre Rukiye’nin takrir-i meşruhi üzere olduğu mahalle-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyesi içun zevci gaib-i mezbûr üzerine işbu tarih-i vesikadan itibaren beher şehrî yüz kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr Osman üzerine rucua mezbûre Rukiye’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’r-râbia aşer min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Topaloğlu Ahmed bin Mustafa, Eminoğlu Hafız Yusuf ibn Memiş.
Aded 96 B: Mirekaloz karyesi
Lazistan Sancağı’nın merkezi olan Rize kazası kurâsından Mirekaloz karyesi sakinelerinden zatı Katmeroğlu Salih Çavuş bin Hacı Mehmed ve Kopuzoğlu Ömer bin Mustafa tarifleriyle muarrefe olan Emiroğlu kerimesi Havva bint Hacı Harun meclis-i şer’-i şerif-i enverde takrir-i kelâm ve tabir-i ani’l-merâm idub halen zevci dahilim olan Kozandinoz karyesinden Deli İbrahimoğlu Mustafa bin Hüseyin bundan bir sene mukaddem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûre Havva’nın takrir-i meşruhi üzere olduğu Kozandinoz karyesi imam ve muhtar ve heyet-i ihtiyariyesinden mevrud ilmuhaberden müstebân ve Zikr-i âtî meblağ dahi kadr-i marûf idugi ve müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyesi içun zevci gaib-i mezbûr Mustafa üzerine işbu tarihten itibaren beher şehrî yetmişbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Havva’ya kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l aşir min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Çoncik karyesinden Katmeroğlu Salih Çavuş bin Hacı Mehmed, Vila karyesinden Kopuzoğlu Ömer bin Mustafa.
Aded 97 B: Yapraklar karyesi
Lazistan Sancağı’nın merkezi olan Rize kazası kurâsından Yapraklar karyesinden Metooğlu Salih bin Beşir meclis-i şer’-i şerif-i enverde takrir-i kelâm ve tabir-i ani’l-merâm idub karyeden Metooğlu Bekir tarafından aleyhime ikame olunan eşya sirkat ettirmek davasından dolayı icab edenlerle aid olduğu mehâkim-i şer’iye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve imzasıyla istid’â ve lâyıha tanzîm ve takdîmine ve tefrik u taksime ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l yevmi’s sabia aşer min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Tatzâde Osman Efendi, Vardalızâde Hasan Efendi.
Aded 98 B: Kament mahallesi
Lazistan Sancağı’nın merkezi olan Rize kasabası mahallâtından Kament mahallesinden olub li ecri’t ticare sakin olduğu Romanya’nın Balçık kasabasında bir ay mukaddem vefat eden Kara Mustafaoğlu Osman bin Yusuf bin Memiş’in ber vechi ati varisi olduğunu iddia eden sulbî kebir oğlu Hüseyin meclis-i şer’-i şerif-i enverde müteveffa-yi mezbûrun medyuni Şamlıoğlu Mustafa bin Hacı Ömer mahzarında bi’l-verâse üzerine dava ve takrir-i kelâm idub babam müteveffa-yi mezbûr Osman’ın verâseti benimle zevce-i menkuhe-i metrukesi Necibe bint Ali ve sulbîye-i kebire kızları Emine ve Havva’ya munhasıra olub lede’t tashih mesele-i mirasları bi hükmi’l feraiz otuziki sehmden ibaret olduğu anlaşılmağla siham-ı mezkûreden dört sehmi zevce-i mezbûreye ve ondört sehmi müddeî ibnu’l-mezbûr Hüseyin’e ve yedişer sehmden ondört sehmi dahi bintani’l mezbûretan Emine ve Havva’ya isabet eylediği cihetle murisimiz babam müteveffa-yi mezbûr Osman’ın hayatında mezbûr Mustafa zimmetinde cihet-i karzdan alacak hakkı olan onaltı kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyeme isabet eden yedi kuruşu bana eda ve îfâya mezbûr Mustafa’ya tenbih olunmak bi’l-verâse matlubumdur deyu bade’d-dava ve’s-sual mezbûr Mustafa dahi cevabında cihet-i merkûmeden müteveffa-yi mezbûr Osman’a ol mikdar kuruş zimmetinde halen deyni olduğunu taven ikrar ve itiraf idub ancak müddeî mezbûr Hüseyin’in verâset müddeâsı malûmum değildir deyu cihet-i verâseti bade’l-inkar müddeî mezbûr Hüseyin’den ber vech-i muharrer verâset müddeâsına mütabık beyyine taleb olundukta Hanes karyesinden Küçük İslâmoğlu Hacı Süleyman ibn Hacı Memiş ile Kankalinoz mahallesinden Fatlalıoğlu İbrahim bin Hüseyin’den her biri li ecli’ş şahade meclis-i şer’e hazıran olub münferiden ve muvaceheten istişhad olundukta fi’l-hakika li ecli’t ticare sakin olduğu mezkûr Balçık kasabasında bir ay mukaddem vefat eden mezbûr Kara Mustafaoğlu Osman bin Yusuf bin Memiş’in verâseti zatı malûmemiz olan zevce-i menkuhe-i metrukesi Necibe bint Ali ile sulbî kebir oğlu müddeî mezbûr Hüseyin ve sulbîye-i kebire kızları kezalik zatları malûmemiz bulunan Emine ve Havva’ya munhasıra olub bunlardan başka varisi ve terekesine mustahik-i ahari olduğu malûmumuz değildir biz bu hususa bu vech üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda ve şahadet-i şer’i etmeleriyle şahidan-ı mezbûr andan mezbûr Hacı Süleyman evvelen ba veraka-i mesture mensub olduğu mezkûr Hanes karyesi muhtar-ı sanisi Mizelioğlu Hasan bin Mehmed ve ihtiyar meclis-i azasından Hacı Ömer ibn Hüseyin ve İbrahim bin Hasan’dan ve mezbûr İbrahim dahi mezkûr Kankalinoz mahallesi imamı Salih Efendi ibn Sadullah ve muhtar-ı evveli Hasan bin Hacı Ömer’den sirren ve badehu tarafeyn ve şahidler müterâfian hazır ve mevcud oldukları halde mezkûr Hanes karyesinden Mirzaoğlu Hacı Ömer ibn Hacı Hüseyin ve yine Mirzaoğlu Yunus bin Hüseyin ve Kankalinoz mahallesinden Ayvazoğlu Osman Efendi ibn Hüseyin ve yine Ayvazoğlu İsmail bin Ali’den alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağın mucebince verâsetine bade’l-hükm müddeâ bih meblağdan hisse-i irsîyesi olan yedi kuruş müddeî mezbûr Hüseyin’e eda ve teslime mezbûr Mustafa’ya tenbih olunduktan sonra verese-i mezbûr uni müddeî mezbûr Hüseyin ile her birinin zatları zeyl-i vesikada muharreru’l-esâmî Şaban bin Mehmed ve Memiş Efendi ibn Ömer tarifleriyle muarrefe ki zevce-i mezbûre Necibe ve bintani’l mezbûretan Emine ve Havva meclis-i makud-i mezkûrde mezkûr Kament mahallesinden Kara Mustafaoğlu İzzet bin Yusuf mahzarında her biri ikrar-ı tam ve tabir-i ani’l-merâm idub murisimiz müteveffa-yi mezbûr Osman’ın hıyn-i vefatında nezdinde mevcud nukûd ve bi’l-cümle terekesiyle zımem-i nasda olan kaffe-i alacağını ve müsteceren mutasarrıf olduğu bir kıta bostanda mezru’ hububat-i mütenevvia mevcudesiyle arı kovanlarını vazıu’l-yed olan ve icab edenlerden mahallinde aid olduğu mehâkim ve mecalisin her kısmı derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabza ve muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tereke ve emval-i sairesini semen misilleriyle talibine bey’ ve temlik u teslime ve kezalik semenlerini ahz u kabza ve mümeyyiz ve hâkim ve ehl-i vukuf tayin ve azline ve tefrik ve taksim ve taleb-i icrâ ve hacz vaz’ ve fekkine ve lede’l-hâce sulh ve ibraya ve bi’l-cümle makbuzatını bize irsal ve isal ve teslime ve ber vech-i muharrer ahari tevkile ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezbûr İzzet’i vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabia aşer min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Filarğoz karyesinden Altıparmakoğlu Şaban bin Mehmed, Kament mahallesinden Köseoğlu Memiş Efendi ibn Ömer.
Aded 99 B: Kamaşnoz mahallesi
Lazistan Sancağı’nın merkezi olan Rize kasabası mahallâtından Kamaşnoz mahallesi ahalisinden iken bundan akdem vefat eden Sarı Ahmedzâde İsmail Efendi ibn Osman’ın verâseti zevce-i menkuhe-i metrukesi Fatıma bint Abdullah ile sulbî kebir oğulları Osman ve Mahmud ve Mehmed ve sulbîye-i kebire kızı Vesile’ye munhasıra ve badehu mezbûre Vesile vefat idub verâseti anası mezbûre Fatıma ile li ebeveyn karındaşı mezbûre Mehmed’e munhasıra ve badehu ibnu’l-mezbûr Osman vefat idub verâseti zevce-i menkuhe-i metrukesi Hafize bint Abdullah ve sulbî kebir oğulları Rıza ve Hüseyin ve İzzet’e munhasıra olduğu mahzar-ı hasım-ı cahidde dava-i sahiha zımnında bi’l beyyineti’l adile sabit ve sübut-i verâsetlerine hükm-i şer’i lâhik olduktan sonra verese-i mezbûrundan ibnu’l-mezbûr Mahmud ile zatı zeyl-i vesikada muharreru’l-esâmî müslimîn tarifleriyle muarrefe olan zevce-i mezbûre Hafize bint Abdullah tekrar meclis-i makud-i mezkûrde kezalik verese-i mezbûrundan Rıza Efendi mahzarında her biri bi’l-âsale ve bi’l-verâse takrir-i kelâm ve tabir-i ani’l-merâm idub ber vech-i muharrer murisimiz Hacı Kamil ve Osman Efendiler’den bizimle ber vech-i muharrer verese-i saire-i malûmesine irs ve intikal eden Rusya’nın Batum kasabasında meyhane ve yeni sokaklarında vâki her biri mahallinde beyne’l-ahâlî ve’l-cîrân malûm ve müteârefu’l-hudud malûmu’l mikdar dört kıta mülk mea arsadan bizim hisse-i irsîyemizi vazıu’l-yed ve alakadar olanlardan Rusya hükümeti kanun-i mahsusi mucebince taleb ve davaya ve mea arsamın mezkûredeki hisse-i irsîye ve müntakile-i şayiamızı semen misilleriyle talibine memuru huzurunda bey’ ve temlik u teslime ve semen misillerini ahz u kabz ile bi’l-cümle makbuzatını bize irsal ve isal ve teslime ve muamele-i lazımesini bi’l icrâ takririni i’tâya ve mucib-i muhâkeme bir hal vukuunda icab edenlerle aid olduğu mehâkim ve devâir-i mecalisin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve icabında tefrik u taksime ve taleb-i icrâya ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve bey’ ve ahz u kabz ile sulh ve ibradan maada ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Rıza Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Hemşinlioğlu Şaban, Hemşinlioğlu Memiş Reis bin Durmuş Ali.
Aded 100 B: Kamaşnoz mahallesi
Lazistan Sancağı’nın merkezi olan Rize kasabası mahallâtından Kamaşnoz mahallesinden iken bundan akdem vefat eden Sarı Ahmedzâde Mahmud Kaptan ibn Osman’ın verâseti zevce-i metrukesi Gülika bint İbrahim ile sulbî kebir oğulları Mustafa ve Ahmed ve sulbîye-i kebire kızı Fehime’ye munhasıra ve badehu ibnu’l-mezbûr Ahmed vefat idub verâseti anası mezbûre Gülika ile li ebeveyn kız karındaşı mezbûr Mustafa ve li ebeveyn kız karındaşı mezbûre Fehime’ye munhasıra ve badehu ibnu’l-mezbûr Mustafa vefat idub verâseti anası mazbure Gülika ve li ebeveyn kız karındaşı mezbûre Fehime ve li ebeveyn emmi oğulları Osman ve Mahmud ve Mehmed’e munhasıra ve badehu mezbûre Gülika vefat idub verâseti hasren sadriye-i kebire kızı mezbûre Fehime’ye munhasıra ve badehu mezbûr Osman vefat idub verâseti zevce-i menkuhe-i metrukesi Hafize bint Abdullah ile sulbî kebir oğulları Rıza ve Hüseyin ve İzzet’e munhasıra olduğu mahzar-ı hasım-ı cahidde dava-i sahiha zımnında bi’l beyyineti’l adile sabit ve sübut-i verâsetlerine hükm-i şer’i lâhik olduktan sonra verese-i mezbûrundan zatları zeyl-i vesikada muharreru’l-esâmî müslimîn tarifleriyle muarrefe olan bintu’l-mezbûre Fehime ile zevce-i mezbûre Hafize ve ibnu’l âmmi’l mezbûr Mahmud tekrar meclis-i makud-i mezkûrde verese-i mezbûrundan mezbûr Rıza Efendi mahzarında her biri bi’l-verâse ve bi’l-âsale takrir-i kelâm ve tabir-i ani’l-merâm idub ber vech-i muharrer murisimiz Mahmud Kaptan ve Osman’dan bizimle ber vech-i muharrer verese-i saire-i malûmesine irs ve itkikal eden Rusya’nın Batum kasabasında meyhane ve yeni sokaklarında vâki her biri mahallinde beyne’l-ahâlî ve’l-cîrân malûm ve müteârefu’l-hudud ve malûmu’l mikdar dört kıta mülk mea arsadan bizim hisse-i irsîyemizi vazıu’l-yed ve alakadar olanlardan Rusya hükümeti kanun-i mahsusi mucebince taleb ve davaya ve mea mülk arsayı mezkûredeki hisse-i irsîye ve müntakile-i şayiamızı semen misilleriyle talibine memuru huzurunda bey’ ve temlik u teslime ve semen misillerini ahz u kabz ile bi’l-cümle makbuzatını bize irsal ve isal ve teslime ve muamele-i saire-i lazımesini bi’l icrâ takririni i’tâya ve mucib-i muhâkeme bir hal vukuunda icab edenlerle aid olduğu mehâkim ve devâir-i mecalisin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve icabında tefrik u taksime ve taleb-i icrâya ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve bey’ ve ahz u kabz ile sulh ve ibradan maada ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Rıza Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Hemşinlioğlu Şaban Efendi, Hemşinlioğlu Memiş Reis.
Aded 101 B: Kamaşnoz mahallesi
Lazistan Sancağı’nın merkezi olan Rize kasabası mahallâtından Kamaşnoz mahallesinden iken bundan akdem vefat eden Sarı Ahmedzâde Süleyman Efendi ibn Osman’ın verâseti zevce-i menkuhe-i metrukeleri Fatıma bint Abdullah ile Rabia bint diğer Abdullah ve sulbî kebir diğer oğulları Ali ve Hasan ve Akif ve Hakkı ve Sadık ve sulbîye-i kebire kızları Şazene ve Safiye’ye munhasıra ve badehu ibnu’l-mezbûr Sadık vefat idub vareseti anası mezbûre Rabia ile li ebeveyn karındaşları mezbûrun Hasan ve Ali ve Akif ve li ebeveyn kız karındaşları mezbûretan Şazene ve Safiye’ye munhasıra ve badehu ibnu’l-mezbûr Ali vefat idub verâseti zevce-i menkuhe-i metrukesi Ayşe bint Salih ile anası mezbûre Rabia ve sulbî sağir oğlu Süleyman ve sulbîye-i sağire kızı Fatıma’ya munhasıra ve badehu zevce-i mezbûre Ayşe vefat idub verâseti sadriy sağir oğlu mezbûr Süleyman’a ve diğer sağir oğlu Abdulhamid ve sadriye-i sağire kızı mezbûre Fatıma’ya munhasıra ve badehu zevce-i mezbûre Rabia vefat idub verâseti sadriy kebir oğulları mezbûrun Hasan ve Akif ve sadriye-i kebire kızları mezbûretan Şazene ve Safiye’ye munhasıra olduğu mahzar-ı hasım-ı cahidde dava-i sahiha zımnında bi’l beyyineti’l adile sabit ve sübut-i verâsetlerine hükm-i şer’i lâhik olduktan sonra verese-i mezbûrundan mezbûr Hasan ile zatları zeyl-i vesikada muharreru’l-esâmî müslimîn tarifleriyle muarrefe olan bintul mezbûretan Şazene ve Safiye ve tekrar meclis-i makud-i mezkûrde mahalleden Sarı Ahmedzâde Rıza Efendi ibn Osman Efendi mahzarında her biri bi’l-verâse ve bi’l-âsale takrir-i kelâm ve tabir-i ani’l-merâm idub ber vech-i muharrer murisimiz pederimiz mezbûr Süleyman Efendi’den bizimle ber vech-i muharrer verese-i saire-i malûmesine irs ve intikal eden Rusya’nın Batum kasabasında meyhane ve yeni sokaklarında vâki her biri mahallinde beyne’l-ahâlî ve’l-cîrân malûm ve müteârefu’l-hudud ve malûmu’l mikdar dört kıta mülk arsadan bizim hisse-i irsîyemizi vazıu’l-yed ve alakadar olanlardan Rusya hükümeti kanun-i mahsusi mucebince taleb ve davaya ve mea arsa-i mezkûredeki hisse-i irsîye ve müntakile-i şayiamızı semen misilleriyle talibine memuru huzurunda bey’ ve temlik u teslime ve semen misillerini ahz u kabz ile bi’l-cümle makbuzatını bize irsal ve isal ve teslime ve muamele-i lazımesini bi’l icrâ takririni i’tâya ve mucib-i muhâkeme bir hal vukuunda icab edenlerle aid olduğu mehâkim ve devâir-i mecalisin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve icabında tefrik u taksime ve taleb-i icrâya ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve bey’ ve ahz u kabz ile sulh ve ibradan maada ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Rıza Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Hemşinlioğlu Şaban Efendi, Hemşinlioğlu Memiş.
Aded 102 B: Sirahoz mahallesi
Lazistan Sancağı’nın merkezi olan Rize kasabası mahallâtından Sirahoz mahallesinden Topaloğlu Dursun Ağa bin Ahmed meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub deruni kasabada vâki Orta Cami-i şerifin tamir ve termimine meşruta icar-ı mevkûfesinden lira-i Osmanî yüz kuruş hesabıyla binbeşyüzyedi kuruş ve otuz para ve Romanoz-i İslâm mahallesinden Kavalzâde müteveffa Hacı Salih eytâmı Osman ve Hacere’nin mallarından sîm mecîdi yirmi kuruş hesabıyla dörtyüzyirmidört kuruş on para ki ceman müdir-i muma ileyh yedinden istidane ve kabz ve umuruma sarfla istihlâk eylediğim bindokuzyüzotuziki kuruş ile semeni işbu tarihten iki sene-i kamile müeccel olmak üzere vakf ve eytâm-ı mezbûrun mallarından olarak müdir-i muma ileyh yedinden iştira eylediğim bir cild Ali Efendi fetvası semeninden üçyüzkırksekiz kuruş ki ceman ikibinikiyüzseksen kuruş zimmetinde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Pendoz mahallesinden Berberoğlu Hacı İlyas bin Osman ile Diğer İksenit mahallesinden Memişzâde Kamil Ağa bin Hacı Reşid ve Babik mahallesinden Hacı Memişpaşazâde Aziz Bey bin Mehmed Ali Bey meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Dursun Ağa’nın ceman zimmetinde edası vacib olan mezkûr ikibinikiyüzseksen kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’r-râbi aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Tatzâde Osman Efendi.
Aded 103 B: Peşeyan mahallesi
Lazistan Sancağı’nın merkezi olan Rize kasabası mahallâtından Peşeyan mahallesinden Hacı Genç Ağazâde Rüşdü Efendi ibn Hacı Mehmed meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Fencizâde müteveffa Talib Reis’in sulbî sağir oğlu Hüseyin’in malından sîm mecîdi yirmi kuruş hesabıyla dokuzyüz ve Dervişzâde müteveffa Hacı Lütfü Efendi’nin eytâmı Mustafa ve Süleyman ve Abdulvehhab ve Hüseyin ve Emine ve Hatice’nin mallarından kezalik sîm mecîdi yirmi kuruş hesabıyla sekizyüz kuruş ki ceman binyediyüz kuruş müdir-i muma ileyhden istidane ve kabz ve umuruma sarfla istihlâk idub meblağ-ı mezkûr ile semeni işbu tarihten iki sene-i kamile müeccel olmak üzere yine eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetvası semeninden üçyüzaltmış kuruş ki ceman ikibinaltı kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Peşeyan mahallesinden Hacı Hasanzâde Abdulgafur Efendi ibn Hacı Haşim ve Sarı Ahmedzâde Hasan Kaptan ibn Hurşid ve Piri Çelebi mahallesinden Hacı İbrahimzâde İshak Efendi ibn Hacı Hüseyin Efendi meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûrun ceman zimmetinde edası vacib olan ikibinaltı kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi ve’l-ışrin min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Tatzâde Osman Efendi.
Aded 104 B: Paşyan mahallesi
Lazistan Sancağı’nın merkezi olan Rize kasabası mahallâtından Paşyan mahallesinden Kazancıoğlu İbrahim ve Ahmed Efendiler ibnan-i Abdulhamid Efendi meclis-i şer’-i şerif-i enverde her biri takrir-i kelâm ve tabir-i ani’l-merâm idub aleyhimize ikame olunan darb ve itale-i lisan davalarından dolayı Trabzon istinaf ceza mahkemesinde der dest-i ru’yet bulunan muhakemede müstenif ve müstenef aleyh sıfatlarıyla muhâkeme ve muhâsama ve mucâvebeye ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve temyiz-i davaya ve’l-hâsıl hukuku şahsiye ve kanuniye muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Trabzon’da mukim dava vekîllerinden Hüseyin Avni Efendi ibn Ali’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sadis ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Tuzcuzâde Şaban Efendi.
Aded 105 B: Umma karyesi
Lazistan Sancağı’nın merkezi olan Rize kazası kurâsından Umma karyesinden Sarı Mahmudoğlu Gülşen bin Ali ve Şaban bin Mahmud meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında her biri takrir-i kelâm ve tabir-i ani’l-merâm idub murisimiz ceddimiz Sarı Mahmudoğlu Osman’dan bize intikal eden arazi ve emlaktaki hisse-i irsîyeme müdahale eden karye-i mezkûreden Sarı Mahmudoğlu kerimesi Necibe bint Yunus vesairleri ile aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ ve fekkine ve tefrik u taksime ve muamele-i intikaliyelerini icrâya ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Güzel Osmanzâde Mahmud Efendi, Rakıcızâde Kaşif Efendi.
Aded 106 B: Piri Çelebi mahallesi
Zikr-i âtî hususun mahallinde ketb u tahrir içun mezunen irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Piri Çelebi mahallesinden Kuveloğlu kerimesi Hatice Hanım’ın sakine olduğu menzile varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte mezbûre Hatice’nin pederi olub bundan akdem vefat eden Kuveloğlu Hacı Mustafa ibn Hacı Ali’nin varisi zevce-i menkuhe-i metrukesi Zeliha bint Hasan ile sulbî kebir oğlu Şükrü Efendi ve sulbîye-i kebire kızı mezbûre Hatice Hanım’a munhasıra badehu zevce-i mezbûre Zeliha vefat idub verâseti sadriy kebir oğlu mezbûr Şükrü Efendi ile sadriye-i kebire kızı mezbûre Hatice’ye munhasıra olduğu bi’l-ihbar lede’ş-şer’il enver zâhir ve nümâyân olduktan sonra verese-i mezbûr andan zatı müslimin-i mezbûrun tarifleriyle muarrefe olan mezbûre Hatice Hanım meclis-i makud-i mezkûrde takrir-i kelâm ve tabir-i ani’l-merâm idub babam müteveffa-yi mezbûr Hacı Mustafa’nın hayatında malik ve mutasarrıf olduğu Batum kasabasında kâin mahallinde beyne’l-ahâlî ve’l-cîrân malûm ve müteârefu’l-hudud bir kıta mülk-i arsadaki hisse-i irsîye ve şayiamı semen-i misliyle talibine memuru marifetiyle bey’ u ferağ ve temlik u teslime ve takririni i’tâ ve semeni ahz u kabz ile makbuzatını bana irsal ve isal ve teslime ve mucib-i muhâkeme bir hal vuku bulur ise icab edenlerle aid olduğu mehâkim ve mecalisin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tefrik u taksime ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce sulh ve ibraya ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Batum’da mukim tüccardan Rize’li Güzel Osmanzâde Mahmud Nedim Efendi ibn Osman Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadis ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Tatoğlu Osman Efendi ibn Bayram, Tatoğlu Hüseyin Efendi ibn İsmail Efendi.
Aded 107 B: Muskas karyesi
Lazistan Sancağı’nın merkezi olan Rize kazası kurâsından Muskas karyesinden Veziroğlu Durali bin Osman meclis-i şer’-i şerif-i enverde dava vekîllerinden Kaşif Efendi ibn Ömer Ağa mahzarında takrir-i kelâm ve tabir-i ani’l-merâm idub karye-i merkumede kâin bir bab çifte değirmendeki hisse-i malûmeme müdahale eden ve icaratını ahz ve gasb eyleyen amucem Veziroğlu Receb ve arsasına müdahale eden oğulları Ali ve Bahadır ile aid olduğu mehâkim ve mecalisin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce sulh ve ibraya ve isbat-ı verâset iddiasına ve icarat-ı müterakimeyi ahz u kabz ile makbuzatını bana i’tâ ve teslime ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Kaşif Efendi’yi kabulune mevkûfe vekîl ve naib-i menab nasb u tayin eyledim dedikte muma ileyh Kaşif Efendi dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Satıroğlu Mehmed Efendi, Alemdaroğlu Kaşif Efendi.
Aded 108 B: Babik mahallesi
Zikr-i âtî hususun mahallinde ketb u tahrir içun canib-i şeriat-i ğarradan mezunen irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Babik mahallesinde kâin Hacı Osman Efendizâde Osman Efendi ibn Hafız İbrahim Efendi’nin menziline varıb Çilingir esnafından Vardalıoğlu Hasan Efendi ibn Abdulkerim ve Peruzoğlu Ali Usta ibn Ömer Usta huzurlarında akd-i meclis-i şer’i âli ettikte Trabzon’un Faros mahallesinden Kamasoğlu kerimesi zatı müslimin-i mezbûran tarifleriyle muarrefe olan Ayşe bint Abdullah ile mezbûrunun sadriye-i kebire kızı Esma bint Mehmed meclis-i makud-i mezkûrde muma ileyh Osman Efendi mahzarında her biri ikrar-ı tam ve tabir-i ani’l-merâm idub mezkûr Faros mahallesinde kâin şureka-i saire-i malûmemizle basened-i hakani malike ve mutasarrıfe olduğumuz mahallinde beyne’l-ahâlî ve’l-cîrân malûm ve müteârefu’l-hudud mea bahçe bir bab mülk-i menzildeki hisse-i şayıa-i malûmemizi malûmu’l mikdar makbuzumuz olan semen mukabelesinde Rize’nin Yeniköy mahallesinden Yanaroğlu Mehmed Usta ibn Ömer Reis’e memuru huzurunda bey’ ve temlik u teslime ve takririni i’tâ ve muamele-i saire-i lazımesini icrâya ve icab ederse ber vech-i muharrer ahari tevkil ve azle ve’l-hâsıl mütevakkıf olduğu umûrun tarafımızdan vekâlet-i mutlaka-i sahiha-i şer’iye ile muma ileyh Osman Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi dediklerini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Peruzoğlu Ali Usta, Vardalıoğlu Hasan Efendi.
Aded 109 B: Mapavri’nin Perestaz karyesi
Perestaz karyesi ahalisinden Hacı Abdi Ağazâde Hafız Hüseyin Efendi’ye
Karyenizde vâki cami-i şerifin emanet ve hitabet cihetleri mahlulunden uhdenize tevcih olunmak üzere iktiza eden mazbatası derbar-i şevket karara der dest takdîm bulunmuş olduğundan gerekdir ki berat-ı şerif-i âlîşânın şeref vuruduna değin bi’l fiil ifa-i hüsn-i hizmet etmek üzere kıbel-i şer’iden izin ve ruhsatı hâvî işbu murasele i’tâ olundu. Fi 3 Receb sene 1332 ve fi 14 Mayıs sene 1330.
Baş kâtib, kadı.
Aded 110 B: İksenit mahallesi
Lazistan Sancağı’nın merkezi olan Rize kasabası mahallâtından İksenit mahallesinden Yazıcıoğlu Ömer Efendi ibn Yusuf Efendi meclis-i şer’-i şerif-i enverde takrir-i kelâm ve tabir-i ani’l-merâm idub benim asla malım olmayıb yetmiş yaşını mütecaviz kâr-ü kesbden aciz ve nafaka ve kisveye eşed ihtiyac ile muhtac olmamla oğlum Ahmed beni infak ve iksâ etmekte ise de diğer oğlum Dersaadet’te Hırka-ı Şerife’de Akşemseddin mahallesi imamı Hafız İlyas Efendi beni infak ve iksadan imtina etmekte olduğundan oğlum mezbûr Ahmed’in hissesine aid nafakamın tenziliyle diğer oğlum gaib muma ileyh Hafız İlyas Efendi üzerine kadr-i marûf meblağ farz u takdir olunmak matlubumdur dedikte hakikat-hal mezbûr Ömer Efendi’nin takrir-i meşruhi üzere olduğu mahalle-i merkume muhtar-ı sani ve heyet-i ihtiyariyesinden mevrud ilmuhaberden müstebân ve tarafeynin musır ve mu’assır(?) olmaları nazar-ı dikkate alınarak Zikr-i âtî meblağ dahi kadr-i marûf idugi zeyl-i vesikada muharreru’l-esâmî Osman bin Hacı Mehmed ve Mehmed bin İshak ihbarlarıyla lede’ş-şer’il enver zâhir ve nümâyân olmağın mucebince mezbûr Ömer Efendi’nin nafaka ve kisve vesair levazım-ı zaruriyesi içun mezbûr Ahmed’den ğayr-i gaib-i mezbûr İlyas Efendi üzerine işbu tarih-i vesikadan itibaren beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer oğlu mezbûr Hafız İlyas Efendi üzerine rucua mezbûr Ömer Efendi’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’r-râbi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Kaçaranlıoğlu Mehmed bin İshak, Mahalleden Çolakoğlu Osman bin Hacı Mehmed Ali.
Aded 111 B:
Binüçyüzotuziki senesinin leyle-i regaib ilamıdır.
İşbu binüçyüzotuz senesi receb-i şerifin ğurresi Salı gününden muteber olmasıyla bu gecesi leyle-i regaib ‘amimetu’l mevahib olduğundan adat-ı mustahsene-i İslâm olduğu üzere şan-ı celili risalet penahiye hürmeten işbu geceyi ihya içun minarat ve mesacid-i şerifenin ikad-i kanadil ile tenviri hususunun belediyeye emr ve havale buyurulması babında müzekkire-i mahsusa takdîm kılındı. Fi 4 Recebi’l-ferd sene 1332 ve fi 15 Mayıs sene 1330.
Baş kâtib, kadı.
Aded 112 B: Hos karyesi
Lazistan Sancağı’nın merkezi olan Rize kazası kurâsından Hos karyesinden Kamiloğlu İsmail Efendi ibn Eyüb meclis-i şer’-i şerif-i enverde karye-i mezkûre sakinelerinden Rakıcıoğlu Kaşif Efendi ibn Hacı Ömer Ağa ve Kamiloğlu Hüseyin bin Bayram tarifleriyle muarrefe olan Fatıma Uluve bint Memiş muvacehesinde mezbûre Fatıma Uluve bundan akdem zevce-i menkuhe-i medhul-i bihâm olub kendisini tatlik etmemle zevciyet beynimizde kaime iken firaşımdan hasıla ve kendisinden mütevellide bi hakki’l-hidâne hacr ve terbiyemde olan işbu hazıretun bi’l-meclis Emine içun Sinop Sancağı mahkeme-i şer’iyesinden sadır olan üçyüzyirmiiki sene-i zi’l kaadesinin ğurresi tarihiyle müerreh ve ol vakt naib-i liva bulunan Mustafa ? Efendi imza ve hatmini hâvî bir kıta hüccet mucebince üzerime şehrî yüz kuruş nafaka takdir ettirmiş ise de kızım mezbûre Emine dokuz yaşını tekmil ve bizzat ekl ve şurb ve lebse kadire ve aharın ianetinden müstağni olub hakk-ı hidâneden sakıt olmağla nafaka-i mukaddere-i mezkûrenin kat’ıyla mezbûre Emine’yi li ecli’t terbiye bana teslim mezbûre Fatıma Uluve Hanım’a tenbih olunmak matlubumdur deyu dava ve lede’s-sual mezbûre Fatıma Uluve dahi cevabında hakikat-i hal müddeî muma ileyh İsmail Efendi’nin takrir ile minval üzere olduğunu mukırra ve muterefe olmağın mucebince nafaka-i mukaddere-i mezkûrenin kat’ıyla sağire-i hazire-i mezbûre Emine’yi babası müddeî muma ileyh İsmail Efendi’ye teslime mezbûre Fatıma Uluve’ye tenbih olunduğu tescîl ve i’lâm olundu. Fi’l yevmi’r-râbi min Cemaziye’l-ahir li sene isna ve selâsîne ve selâsemie ve elf.
Baş kâtib, kadı.
Aded 113 B: Kura-i Seba’nın Vane karyesi
Lazistan Sancağı’nın merkezi olan Rize kazası nevâhîsinden Kura-i Seba nahiyesinin Vane karyesinden zatları Tuzcuzâde Nazım Efendi ibn Mustafa Efendi ve İmamoğlu Mustafa bin Mahmud Efendi tarifleriyle muarrefe olan ve tezkire-i osmaniyeleri görülen Hayroğlu kerimeleri Şevkiye ve Gül Cemal bintan-i Mahmud meclis-i şer’-i şerif-i enverde her biri takrir-i kelâm ve tabir-i ani’l-merâm idub bundan akdem vefat eden murisimiz babamız Hayroğlu mezbûr Mahmud’dan bizimle verese-i sairesine irs ve intikal eden mezkûr Vane karyesinden vâki her biri mahallinde beyne’l-ahâlî ve’l-cîrân malûm ve müteârefu’l-hudud bi’l-cümle emlak ve arazideki hisse-i irsîye ve müntakilemizi semen ve bedel-i misilleriyle talibine memuri huzurunda katiyen bey’ u ferağ ve temlik u teslime ve semen ve bedel-i misillerini ahz u kabz ile bi’l-cümle makbuzatını bize i’tâ ve teslime ve muamele-i lazımesini bi’l icrâ takrirlerini i’tâya ve mucib-i muhâkeme bir hal vukuunda icab edenlerle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ hacz vaz’ u fekkine ve lede’l-hâce isbat-ı verâset iddiasıyla sulh ve ibraya ve ber vech-i muharrer ahari tavkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile karye-i merkumede sakine Hayroğlu Mustafa’nın zevcesi ve Mandevoğlu kerimesi Ayşe bint Mustafa’yı kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sabi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. İmamoğlu Mustafa bin Mahmud Efendi, Tuzcuzâde Nazım Efendi.
Aded 114 B: Kura-i Seba’nın Vane karyesi
Lazistan Sancağı’nın merkezi olan Rize kasabası mahallâtından Emineddin mahallesi sakinelerinden zatı Tuzcuoğulları Nazım Efendi ibn Mustafa Efendi ile Seyyid Bey ve Zırhzâde Necmeddin Efendi ibn Hacı Şaban Efendi tarifleriyle muarrefe olan ve tezkire-i osmaniyesi görülen Hayroğlu kerimesi Emine bint Mustafa meclis-i şer’-i şerif-i enverde Vane karyesinden İmamoğlu Mustafa ibn Mahmud Efendi mahzarında takrir-i kelâm ve tabir-i ani’l-merâm idub mezkûr Vane karyesinden iken bundan akdem vefat eden zevcim Hayroğlu Dursun bin Mahmud’dan bana mevrus ve müntakil mezkûr Vane karyesinde vâki her biri mahallinde beyne’l-ahâlî ve’l-cîrân malûm ve müteârefu’l-hudud bi’l-cümle emlak ve arazideki benim hisse-i irsîye ve müntakile-i malûmemi bi’t tefrik ve semen ve bedel-i misilleriyle talibine memuru huzurunda katiyen bey’ u ferağ ve temlik u teslime ve semen ve bedel-i misillerini ahz u kabz ile bi’l-cümle makbuzatını bana i’tâ ve teslime ve muamele-i lazıme-i sairesini bi’l icrâ ve takrirlerini i’tâya ve mucib-i muhâkeme bir hal vukuunda icab edenlerle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce sulh ve ibraya ve isbat-ı verâset iddiasına ve’l hasıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Mustafa Efendi’yi vekîl ve naib-i menab nasb u tayin eyledim dedikde ol dahi ber vech-i muharrer vekâlet-i mezkûreyi kabul ve hizmet-i lazımesini edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min şehr-i Recebi’l-ferd li sene isna ve selâsîne ve selâsemie ve elf.
Baş kâtib, kadı. Zırhzâde Necmeddin Efendi, Tuzcuzâde Nazım Efendi.
Aded 115 B: Samri mahallesi
Lazistan Sancağı’nın merkezi olan Rize kasabası mahallâtından Samri mahallesinden iken bundan akdem vefat eden Kalçaoğlu Mehmed bin Sadullah’ın sulbîye-i sağire kızı Nadire’nin pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada Kalçaoğlu Hasan bin Sadullah ile Kotiloğlu Ali bin Yusuf ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat anası Rukiye bint Ahmed sağire-i mezbûrenin pederi müteveffa-yi mezbûrdan mevrus malını hıfz ve vakt-i rüşd-i sedadlarına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Kotiloğlu Ali bin Yusuf, Kalçaoğlu Hasan bin Sadullah.
Aded 116 B: Harvel karyesi
Lazistan Sancağı’nın merkezi olan Rize kazası kurâsından Harvel karyesi sakinelerinden zatı Kocamanoğlu Mustafa bin Hasan ile Hacı Alioğlu Şakir bin Ruşen tarifleriyle muarrefe olan Gülfem bint Mustafa meclis-i şer-i şerif-i enverde Salarha Atyanoz karyesinden Hopoğlu Cevahir bin Hasan muvacehesinde onüç seneden beri beş lira-i Osmanî mehr-i muaccel tesmiyesiyle mezbûr Cevahir’in zevce-i menkuhe-i medhul-i bihâsı iken zevcim mezbûr Cevahir beni üç talak ile bundan akdem tatlik edib mehr-i müsemma-i mezkûrum ile nafaka-i iddetimden an inkâr-ı muslihun tavassutuyla altıyüz kuruş bana vermek üzere sulh ve ibra olduğumuz halde mezkûr altıyüz kuruşu henüz tediye ve îfâ etmediğinden edasına tenbih olunmak matlubumdur deyu dava ve lede’s-sual mezbûr Cevahir dahi cevabında müddeiye-i mezbûrenin ber vech-i muharrer müddeâsını bi tamamiha taven ikrar ve bedel-i sulh altıyüz kuruş zimmetinde deyni olduğunu itiraf itmegin mucebince olan mevacib-i ikrar müddeâ bih altıyüz kuruş müddeiye-i mezbûreye eda ve teslime mezbûr Cevahir’e tenbih olunduğu tescîl ve i’lâm olundu. Fi’l-yevmi’s-sâlis ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı.
Aded 117 B: Fosa karyesi
Lazistan Sancağı’nın merkezi olan Rize kazası kurâsından Fosa karyesi sakinelerinden zatı Çalıkoğlu Hüseyin bin Osman ile Sadıkoğlu Hasan Efendi ibn Durmuş tarifleriyle muarrefe olan Abdurrahmanoğlu kerimesi Meryem bint Şükrü meclis-i şer’-i şerif-i enverde Salarha Holitoz karyesinden Bektaşoğlu Ruşen bin Memiş muvacehesinde dokuz aydan beri ve dokuz lira-i Osmanî mehr-i müeccel tesmiyesiyle mezbûr Ruşen’in zevce-i menkuhe-i medhul-i bihâsı isem de zevcim mezbûrun benden gayri diğer zevcesi olub iki odadan ibaret hanesi mesken-i şer’î olmadığından mesken-i şer’î tedarik ve tehiyyesine değin üzerine kadr-i marûf meblağ takdir olunmak matlubumdur deyu dava ve lede’s-sual mezbûr Ruşen’i dahi cevabında müddeiye-i mezbûre ber vech-i muharrer zevce-i menkuhe-i medhul-i bihâsı olduğu taven ikrar ve itiraf idub ancak müddeiye-i mezbûre içun diğer mesken-i şer’îsi olduğunu dermiyan etmekle lede’s-sual mezbûre diğer mesken-i şer’îsine giderek itaat ve inkiyad edeceğini taahhüd eylediğine mebni mucebince mesken-i şer’îsine gidub zevci müddeâ aleyh itaat ve inkiyadına mezbûre Meryem’e tenbih olunduğu tescîl ve i’lâm olundu. Fi’l yevmi’r-râbia aşer min Cemaziye’l-ahir li sene isna ve selâsîne ve selâsemie ve elf.
Baş kâtib, kadı.
Aded 118 B: Mapavri’nin Kavalyoz mea Ğalata karyesi
Lazistan Sancağı’nın merkezi olan Rize kazası nevâhîsinden Mapavri nahiyesinin Kavalyoz mea Ğalata karyesinden şahsı kahveci Hemşinli Memiş Ağa ibn Hüseyin ile Midyecioğlu(?) Hurşid Usta ibn Osman tarifleriyle muarrefe olan ve tezkire-i osmaniyesi görülen Kara Ömeroğlu Yunus Hilmi Efendi ibn müteveffa Memiş meclis-i şer’-i şerif-i enverde takrir-i kelâm ve tabir-i ani’l-merâm idub Dersaadet’te Kadıköy’ünde Osman Ağa mahallesinde Kurbağalı dere civarında vâki basenedi hakani müstakillen malik ve mutasarrıf olduğum bir taraftan onsekizinci daire emlak kalemi vergi kâtibi Agâh Bey hanesi ve bir tarafı beytu’l mal kâtibi Hacı Mehmed Efendi arsası ve bir tarafı Hacı İsmail Efendi arsası ve bir taraf-ı rabii tarik-i âm ile mahdud ve bir kıta arsamı semen ve bedel misliyle talibine memuri huzurunda katiyen bey’ u ferağ ve temlik u teslime ve semen mislini ahz u kabz ile makbuzatını bana irsal ve isal ve teslime ve muamele-i lazımesini icrâ ve takririni i’tâya ve gerek tahliye ve istimlak ve gerek vergi ve kıymet vesair suretle müdahale zuhuruyla mucib-i muhâkeme bir hal vukuunda icab edenlerle aid olduğu devâir-i mehâkim ve mecalisin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve’l hasıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’te Kasımpaşa civarında Büyük Piyale’de mukim bahriye binbaşılığından mütekaid Hemşinli Köroğlu Habib Bey bin Molla Said’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sania aşer min şehr-i Recebi’l-ferd li sene isna selâsîne ve selâsemie ve elf.
Baş kâtib, kadı. Hemşinli Memiş Ağa ibn Hüseyin, Midyecioğlu Hurşid Usta ibn Osman
Aded 119 B:
Kura-i Seba’nın Kabahor karyesinden olub hizmet-i askeriyede iken vefat eden Tayyiboğlu Receb bin Ali’nin verâsetinin subutuna dair tanzîm olunan ilamdır.
Müteveffa-yi mezbûr Receb bin Ali bin Mustafa’nın verâseti zevce-i menkuhe-i metrukesi Fatıma bint İsmail ile sulbîye-i sağire kızı Ayşe ve anası Fatıma bint Yakub ve babası mezbûr Ali’ye munhasıra olduğu mahzar-ı hasım-ı cahidde dava-i sahiha zımnında şer’en ve usulen sabit ve sübut-i verâsetlerine fi 12 Receb sene 1332 tarihinde hükm-i şer’i lâhik olduğu ve tashih-i mesele-i mirasları yirmidört sehmden olub siham-ı mezkûreden üç sehmi zevce-i mezbûre Fatıma’ya ve oniki sehmi bintu’l-mezbûre Ayşe’ye ve dört sehmi ümmü’l-mezbûre Fatıma’ya ve beş sehmi ebu’l mezbûr Ali’ye isabet ettiği arz ve i’lâm olundu. Fi 14 Receb sene 1332 ve fi 25 Mayıs 1330
Baş kâtib, kadı.
Aded 120 B: Pendoz mahallesi
Lazistan Sancağı’nın merkezi olan Rize kasabası mahallâtından Pendoz mahallesinden olub İzmir vilayeti’nin Damlacık mahallesinde sakin iken bir ay evvel vefat eden Kuşatoğlu nâm-ı diğeri Turanoğlu Yunus bin Ali bin İbrahim’in tereke-i sairesinden hisse-i irsîyesini taleb maksadıyla ber vechi ati varisi olduğunu iddia eden ve tezkire-i osmaniyesi görülen li ebevyn erkarındaşı Peşe(Paşa) Ali ibn mezbûr Ali bin mezbûr İbrahim meclis-i şer’-i şerif-i enverde müteveffa-yi mezbûrun medyuni Mehmed Efendi ibn Ahmed Efendi mahzarında üzerine dava ve takrir-i kelâm idub ben müteveffa-yi mezbûr Yunus ile li ebeveyn erkarındaşlar olub babamız ismi Ali ve dedemiz ismi İbrahim ve validemiz Hacule bint Ali ve meskat-i ra’simiz merkez-i livaya tabi Kura-i seba nahiyesinin Kabahor karyesi olub ol vechile müteveffa-yi mezbûr Yunus’un varisi benimle zevce-i menkuhe-i metrukesi mezkûr Damlacık mahallesinde sakine zevce-i menkuhe-i metrukesi Ayşe bint Cafer ve li ebeveyn kız karındaşlarımız Gülfem ve Gülizar’a munhasıra ve tashih-i mesele-i mirasları bi hükmi’l feraiz onaltı sehmden olub siham-ı mezkûreden dört sehmi zevce-i mezbûre Ayşe’ye ve altı sehmi mezbûr Peşe(Paşa) Ali’ye ve üçer sehmden ceman altı sehmi dahi mezbûretan Gülfem ve Gülizar’a isabet eylediği anlaşıldıktan sonra başka varisi ve terekesine müstahık-i ahari olmamağla murisimiz müteveffa-yi mezbûr Yunus’un hayatında mezbûr Mehmed Efendi zimmetinde cihet-i karzdan alacak hakkı olan sekiz kuruş kable’l-ahz ve’l-istifa vefat etmekle meblağ-ı mezkûrdan ber mucib mesele-i miras hisse-i irsîyem olan üç kuruş bana eda ve îfâya mezbûr Mehmed Efendi’ye tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Yunus’a ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrun ber vech-i muharrer verâset müddeâsı malûmum değildir deyu verâset müddeâsını bade’l-inkar müddeî mezbûr Hüseyin’den ber vech-i muharrer verâset müddeâsına mutabık beyyine taleb olundukta udul-i rical-i müsliminden ve Emineddin mahallesinden kayıkçı esnafından Baytaroğlu Ahmed Reis ibn Eşref ibn Ahmed ile Kale mahallesinden Uskurluoğlu Kamil Reis ibn Süleyman bin Hasan’dan her biri li ecli’ş şahade meclis-i şer’e hazıran olub münferiden ve muvaceheten istişhad olunduklarında fi’l-hakika müddeî mezbûr Peşe Ali ile müteveffa-yi mezbûr Yunus li ebeveyn erkarındaşlar olub babaları ismi Ali ve dedeleri ismi İbrahim ve valideleri ismi Hacule bint Ali ve meskat-i ra’sleri merkez livaya tabi Kura-i Seba nahiyesinin Kabahor karyesi olub ol vechile müteveffa-yi mezbûrunun verâseti zevce-i menkuhe-i metrukesi Ayşe bint Cafer ile li ebeveyn erkarındaşı müddeî mezbûr Peşe Ali ve li ebeveyn kız karındaşları Gülfem ve Gülizar’a munhasıra olub bunlardan başka varisi ve terekesine müstahık-i ahari olduğu malûmumuz değildir biz bu hususa ber vechi üzere şahidiz ve şahadet dahi ederiz deyu her biri müttefiku’l lafz ve’l mana ber nehc-i şer’i eda-i şahadet-i şer’iye haberiyle şahidan-i mezbûran evvelen ba veraka-i mesture mensub oldukları kayıkçı kethüdası Kolçakoğlu Şevki Reis bin Hüseyin Reis ile Ali Kaptanoğlu Said Reis ibn Mahmud’dan sirren ve badehu tarafeyn ve şahidler hazır ve müterâfian mevcud oldukları halde kezalik kayıkçı esnafından Durmuşoğlu Osman Reis bin Tahir ile Kolçakoğlu Osman Reis ibn Hacı Memiş ve Kürdoğlu Ömer bin Hacı Mehmed ve Ali Kaptanoğlu Mehmed Ali bin Mahmud’dan alenen lede’t-tezkiye adl ve makbulu’ş-şehade idugleri işar ve ihbar olunub şahadetleriyle makbule olmağın mucebince verâsetine bade’l-hükm müddeâ bih meblağdan hisse-i irsîyesi olan üç kuruş müddeî mezbûr Peşe(Paşa) Ali’ye eda ve teslime mezbûr Mehmed Efendi’ye tenbih olunduktan sonra verese-i mezbûrundan her birinin zatı zeyl-i vesikada isimleri muharrer Hacı Hafız Mehmed ibn İsmail ve Mehmed Çavuş bin Mustafa tarifleriyle muarrefe olan mezbûretan Gülfem ve Gülizar meclis-i makud-i mezkûrde li ebeveyn karındaşları müddeî mezbûr Peşe(Paşa) Ali mahzarında her biri ikrar-ı tam ve tabir-i ani’l-merâm idub murisimiz mütevaffay-i mezbûr Yunus’un hıyn-i vefatında yanında mevcud bi’l-cümle terekesiyle zımem-i nasda olan kaffe-i alacağı ve mezkûr Damlacık mahallesinde vâki mahallinde beynel’l ahali ve’l-cîrân malûm ve müteârefu’l-hudud mea arsa bir bab mülk-i menzil ve bir kıta sandaldan bizim hisse-i irsîyemizi vazıu’l-yed olan ve alaka bulunanlardan taleb ve dava ve ahz u kabza ve mea arsa menzil-i mezkûr ile filika ve eşya-i metrukesinden bizim hisse-i irsîyemizi semen ve bedel-i misilleriyle talibine memuri huzurunda bey’ u ferağ ve temlik u teslime ve semen ve bedellerini ahz u kabz ile bi’l-cümle makbuzatını bize irsal ve isal ve teslime ve muamele-i lazımelerini icrâ ve takrirlerini i’tâya ve mucib-i muhâkeme bir hal vukuunda icab edenlerle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve itirazen ve iâdeten ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce sulh ve ibraya ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile karındaşımız mezbûr Peşe[Paşa] Ali’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi aşer min Recebi’l-ferd li sene isna ve selâsîne ve selâsemie ve elf.
Baş kâtib, kadı. Habiboğlu Mehmed Çavuş ibn Mustafa, Yalakoğlu Hacı Hafız Mehmed bin İsmail.
Aded 121 B: Küçük Samri karyesi
Lazistan Sancağı’nın merkezi olan Rize kasabası mahallâtından Küçük Samri mahallesinden Kara Ömeroğlu Yakub bin Ali meclis-i şer’i münîrde karyeden Kalçaoğlu kerimesi hazret bi’l-meclis tahminen oniki yaşında zatı Alevoğlu Ömer bin Ali ve Kalçaoğlu Maksud bin müteveffa Mehmed tarifleriyle muarrefe olan mürâhika Nadire bint müteveffa Mehmed’in validesi ve tesviye-i umuruna kıbel-i şer’iden üçyüzotuziki senesi Cemaziye’l-ahirinin yirmisekizinci günü tarihli bir kıta hüccet vecihle vasisi kezalik müslimin-i mezbûrun tarifleriyle muarrefe olan Rukiye bint Ahmed hazır olduğu halde sağire-i mezbûrenin li ebeveyn amucesi Hasan bin Sadullah muvacehesinde işbu mahkeme-i şer’iyeden istihsal eylediğim üçyüzotuziki senesi cemaziye’l evvelin ondördüncü günü tarihli bir kıta izinname mucebince mahzar-ı şuhudda münakid nikâh vecihle mürâhika-i mezbûre otuz lira-i Osmanî mehr-i müeccel tesmiyesiyle zevce-i menkuhe-i gayr-i medhul-i bihâm olduğu halde anası mezbûre Rukiye sağire-i mezbûreye nikâhlım değildir deyu müdahale kendi hanesinde saklamakta olduğundan mesken-i şer’îme gelerek itaat ve inkiyadına validesi mezbûre ile velisi mezbûr Hasan’dan her birine tenbih olunmak matlubumdur deyu dava ve lede’s-sual onlar dahi cevabında müddeî mezbûrun ber vech-i muharrer müddeâsını bitamamiha ikrar ve itiraf ve müdahale etmeyeceklerini ben ve mezbûre Nadire’yi itaat ve inkiyad içun zevci müddeî mezbûrun hanesine göndereceklerini taahhüd ve ikrar etmeleriyle mucebince hıyn-i büluğunda mürâhika-i mezbûre Nadire zevci müddeî mezbûr Yakub’un mesken-i şer’îsine giderek itaat ve inkiyad etmek üzere müdahale etmemelerine vasi-i mezbûre Rukiye ile veli-i mezbûr Hasan’dan her birine tenbih olunduğu tescîl ve i’lâm olundu. Fi’l-yevmi’t-tasi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı.
Aded 122 B: Peşeyan mahallesi
Lazistan Sancağı’nın merkezi olan Rize kasabası mahallâtından Peşeyan mahallesinden tüccardan Faiszâde Mustafa ve Hacı Hamza birader Efendiler ibnan-i Hacı Yusuf Efendi meclis-i şer’-i şerif-i enverde her biri ikrar-ı tam ve takrir-i kelâm idub Dersaadet’te Mayorkas hanında manifatura tüccarından Edhem Derviş Efendi ile sairleri tarafından aleyhimize ikame edilen ve edilecek olan alacak ve her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve bizim her hakkımızı icab edenlerden taleb ve dava ve ahz u kabza ve bi’l-cümle makbuzatını bize irsal ve isal ve teslime ve taleb-i icrâ ve hacz vaz’ u fekkine ve mümeyyiz ve hâkim ve ehl-i vukuf tayin ve azline ve lede’l-hâce sulh ve ibraya ve’l-hâsıl leh ve aleyhimizde tahaddüs eden ve edecek olan her nevi deâvîden dolayı salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile Dersaadet’te dava vekîllerinden Hafız Mehmed Behram Bey ibn Abdullah ile ? Efendiler’i münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l yevmi’r-râbia aşer min şehr-i Recebi’l-ferd li sene isna ve selâsîne ve selâsemie ve elf.
Faiszâde Ahmed Hamdi Efendi, Hacı Alizâde Nazım Efendi.
Aded 123 B: Arkolikoz mahallesi
Lazistan Sancağı’nın merkezi olan Rize kasabası mahallâtından Arkolikoz mahallesi sakinelerinden zatı Sarı Hasanoğlu Receb bin Osman ve Nevruzoğlu Molla Ali bin Hacı Memiş tarifleriyle muarrefe olan Hatice bint Mehmed meclis-i şer’-i şerif-i enverde Askoroz karyesinden Haryalıoğlu(?) Şaban bin Hasan mahzarında takrir-i kelâm ve tabir-i ani’l-merâm idub zevc-i mutallikim mezbûr Şaban’nın firaşından hasıl ve benden mütevellid sulbî sağir oğlu oğlum Kasım içun mezbûr Şaban üzerine işbu mahkeme-i şer’iyeden istihsal olunan üçyirmidokuz sene-i hicrisi zilhiccesinin yirmialtıncı günü tarihli ve ol tarihte naib-i liva bulunan faziletli Ahmed Hamdi Efendi imza ve hatmini hâvî üçyüzkırkdokuz numaralı bir kıta i’lâm mucebince şehrî otuzbeş kuruş nafaka takdir ettirmiş isem de otuzbeş kuruşla temin-i idare mümkün olmadığından mikdar-ı mezkûrun haddi layıkına iblağını nacizane talep ederim deyu dava ve lede’s-sual ol dahi cevabında daha ziyade itasına kudreti olmadığını iddia etmekle hakikat-i hal mezbûrenin takrir-i meşruhi üzere olduğu ve tarafeynin usr ve yusr halleri nazar-ı itibara alınarak Zikr-i âtî on kuruş daha kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince sağir-i mezbûrun şehrî otuzbeş kuruş nafakasına şehrî on kuruş daha zam ile ceman kırkbeş kuruşa baliğ olub meblağ-ı mefruz-i mezkûri sağire-i mezbûrenin nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer babası hazır mezbûr Şaban üzerine rucua hadinesi mezbûre Hatice’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sani aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Nevruzoğlu Molla Ali bin Hacı Memiş, Sarı Hasanoğlu Recep bin Osman.
Aded 124 B: Setoz karyesi
Lazistan Sancağı’nın merkezi olan Rize kazası kurâsından Setoz karyesinden şahs-ı zeyl-i vesikada isimleri muharrer Osman Efendi ibn Bayram ve Mehmed Efendi ibn Osman tarifleriyle muarrefe olan ve tezkire-i osmaniyesi görülen Molla Mehmedoğlu Mustafa Efendi ibn Mehmed Efendi meclis-i şer’-i şerif-i enverde karye-i merkûmeden Abdullahoğlu Mehmed Ali ibn Hacı Reşid(?) mahzarında takrir-i kelâm ve tabir-i ani’l-merâm idub karye-i merkumede vâki Muher civarında müstakillen ba tapu mutasarrıf olduğum bir taraftan Kalenderoğlu Halil çalılığı ve tarafeyni ırmak ve taraf-ı rabii Molla Mehmedoğlu Ahmed ile mahdud bir kıta arazi ile kezalik karye-i merkumede kâin karındaşım Molla Osman ve yeğenlerim Molla Ömer ve Mehmed ile müştereken ve şayıan ve mutasarrıf olduğum her biri mahallinde beyne’l-ahâlî ve’l-cîrân malûm ve müteârefu’l-hudud üç kıta arazideki hisse-i şayıa-i malûmemi bedel-i misilleriyle memuru huzurunda talibine ferağ ve tefviz ve teslime ve bedel-i misillerini ahz u kabz ile takrirlerini i’tâya ve muamele-i lazımesini icrâya ve makbuzatını bana i’tâ ve teslime ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Mehmed Ali’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi min Recebi’l-ferd li sene isna ve selâsîne ve selâsemie ve elf.
Baş kâtib, kadı. Tatoğlu Osman Efendi ibn Bayram, Akmehmedoğlu Mehmed Efendi ibn Osman.
Aded 125 B: Müftü mahallesi
Lazistan Sancağı’nın merkezi olan Rize kasabası mahallâtından Müftü mahallesinde sakine zatı Kör Osmanoğlu Hafız Eşref Efendi ibn Hacı Durmuş Efendi ile Köseoğlu Yusuf Efendi ibn Osman Efendi tarifleriyle muarrefe olan ve tezkire-i osmaniyesi görülen Hacı Lahanaoğlu Abdulkerim’in zevce-i menkuhe-i medhul-i bihâsı ve Odabaşoğlu kerimesi Naciye bint müteveffa Hüseyin Efendi meclis-i şer’-i şerif-i enverde takrir-i kelâm ve tabir-i ani’l-merâm idub pederim ve müteveffa-yi muma ileyh Hüseyin Efendi’den mevrus ve müntakil Trabzon’un Debbağhane mahallesinde vâki mahallinde beyne’l-ahâlî ve’l-cîrân malûm ve müteârefu’l-hudud bir babhane mea arsadan hisse-i irsîye ve şayiamı semen ve bedel malûm ve makbuzum mukabelesinde li ebeveyn erkarındaşım Mehmed Ali Efendi’ye memuru huzurunda katiyen ferağ ve tefviz ve teslime ve muamele-i lazımesini icrâ ve takririni i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Trabzon’da Debbağhane mahallesinde sakin Çizmecizâde Rasim Efendi ibn Hacı Ömer Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani aşer min şehr-i Recebi’l-ferd li sene isna ve selâsîne ve selâsemie ve elf.
Baş kâtib, kadı. Köseoğlu Yusuf Efendi, Kör Osmanoğlu Hafız Eşref Efendi.
Aded 126 B: Atina’nın Buleb-i Ulyâ karyesi
Lazistan Sancağı’na tabi Atina kazasının Buleb-i Ulyâ karyesinden olub tezkire-i osmaniyesi görülen Terzioğlu Rıza bin Mustafa meclis-i şer’-i şerif-i enverde dava vekîllerinden Ahmed Remzi Efendi ibn Derviş Efendi mahzarında takrir-i kelâm ve tabir-i ani’l-merâm idub karye-i merkûmeden Maşoğulları(?) Hasan ve Tahir benan-i Tahir ile beynimizde mütehaddis katl maddesinden dolayı aleyhime ikame olunub itirazen ve istinafen der dest-i ru’yet bulunan muhakemede müddeî ve müddeâ aleyh ve müstenif ve müstenef aleyh sıfatlarıyla ait olduğu mehâkim-i cezaiyede muhâkeme ve muhâsama ve mucâvebeye ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl hukuk-i şahsiyye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Ahmed Remzi Efendi ile kabulune mevkûfe dava vekîllerinden Hafız Hulusi Efendi’yi münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledim dedikte muma ileyh Ahmed Remzi Efendi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin aşer min şehr-i Recebi’l-ferd li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Molla Ahmedoğlu Mehmed Efendi.
Aded 127 B: Mirekaloz karyesi
Lazistan Sancağı’nın merkezi olan Rize kazası kurâsından Mirekaloz karyesinde Kara Mahmudzâde Abdulkadir Efendi ibn Mahmud Ağa meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve tabir-i ani’l-merâm idub Tenekeci mütevaffa İbrahim Efendi eytâmı Mehmed’in malından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim binbeşyüz kuruş ile semeni işbu tarihten üç sene-i kamile müeccel olmak üzere kezalik sağir-i mezbûrun malından ve müdir-i muma ileyh yedinden iştira eylediğim bir cild Ali Efendi fetvası semeninden dörtyüzbeş kuruş ki ceman bindokuzyüzbeş kuruş zimmetinde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Mirekaloz karyesinden Kara Mahmudzâde Edhem Efendi ibn Mahmud Ağa ve Atyanoz karyesinden Solakoğlu Mehmed Kaptan bin Hacı Hasan ve Vila karyesinden Kopuzoğlu Ömer bin Mehmed meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyhin ceman zimmetinde edası vacib olan mezkûr bindokuzyüzbeş kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l evvel li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Rakıcızâde Kaşif Efendi.
Aded 128 B: Hopa kazasının Arhavi nahiyesinin Üç Irmak karyesi
Lazistan Sancağı’na tabi Hopa kazasının Arhavi nahiyesinin Üç Irmak karyesinden Timurcioğlu Receb bin İbrahim meclis-i şer’-i şerif-i enverde takrir-i kelâm ve tabir-i ani’l-merâm idub karyeden Sofininoğlu İslâm bin Şaban tarafından aleyhime ikame olunan Tüfenk sirkati maddesinden dolayı istinafen ve itirazen ceza mahkemesinde der dest-i ru’yet olunan muhakemede müddeî ve müddeâ aleyh ve müştekî ve müştekâ aleyh ve müstenif ve müstenef aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve takib-i davaya ve’l-hâsıl hukuk-i şahsiyye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani min Recebi’l-ferd li sene isna ve selâsîne ve selâsemie ve elf.
Aded 129 B: Hohol karyesi
Lazistan Sancağı’nın merkezi olan Rize kazası kurâsından Hohol karyesinden Alioğlu Şükrü bin Ahmed meclis-i şer’-i şerif-i enverde Eytâm müdürü Hafız Harun Efendi Efendi mahzarında ikrar-ı tam ve tabir-i ani’l-merâm idub Kavaroz mahallesinden Topaloğlu Ömer’in sulbî sağir oğlu Mehmed ve Emin’in mallarından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim beşyüz kuruş ile semeni işbu tarihten itibaren iki sene-i kamile müeccel olmak üzere sağiretan-ı mezbûretanın mallarından ve kezalik müdir-i muma ileyhden iştira eylediğim bir cild Ali Efendi fetvası semeninden doksan kuruş ki ceman beşyüzdoksan kuruş zimmetinde vacibu’l-eda ve lazımu’l-kada deynim ve borcum olub murur edecek eyyam içun lazım gelecek eyyam için lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdik kefalet-i vakıa meclis-i eytâmca musaddak olan esnaftan Kanberoğlu İdris Efendi ibn Ahmed ile Hohol karyesinden Kanberoğlu Hamid Efendi ibn Yusuf ve Kanberoğlu Salih Efendi ibn Ali tekrar meclis-i makud-i mezkûrde ve müdir-i muma ileyh mahzarında her biri takrir-i kelâm ve tabir-i ani’l-merâm idub medyun-i merkum Şükrü’nün ceman zimmetinde edası vacib olan mezkûr beşyüzdoksan kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi aşer min şehr-i Cemaziye’l evvel li sene isna ve selâsîne ve selâsemie ve elf.
Baş kâtib, kadı. Velioğlu Hafız Mustafa Efendi, Muhzır Sadık Efendi.
Aded 130 B:
Binüçyüzotuziki senesi leyle-i mirac ilamıdır.
Naşir-i envar-i hidayet hasıl-i mühr-i celil-i nübüvvet sebebi icad-ı zemin ve imlak-ı mazhar ser levlak zübde-i mahlukat hace-i kainat efendimiz hazretlerinin semt-i alem-i melekuta bi’s suud müşahade-i cemal ba kemal hazret-i zu’l celale mazhariyetten sonra cihet-i mevdua-i kibriyayı hamilen saha-i ğayriye hubut buyurdukları leyle-i mübareke ve mualla önümüzdeki yani yarın ki Pazar gecesine şeref müsadif olmağla bi’l umum ehl-i iman bu mübarek gecenin ruhaniyet ulviyesinde hissiyat-ı mübahat olmak üzere cevami’ ve mesacid-i şerifenin tenvir ve tezeyyüni hususunun belediyeye emr ve havale buyurulması babında emr ve ferman hazret men lehu’l emrindir. Fi 26 Recebi’l-ferd sene 1332
Baş kâtib, kadı.
Aded 131 B: Çoncik karyesi
Lazistan Sancağı’nın merkezi olan Rize kazası kurâsından Çoncik karyesinde Karaalioğlu Eşref bin Ali meclis-i şer’-i şerif-i enverde karındaşı Seyfeddin bin mezbûr Ali mahzarında takrir-i kelâm ve tabir-i ani’l-merâm idub Vila karyesinde Kopuzoğlu Kıro Osman ve rufeka-i sairesi katl kasdıyla beni cerh ve karındaşım Ali Rıza’yı katl etmelerinden dolayı aid olduğu devâir ve mehâkim-i cezaiyenin her derecesinde muhâkeme ve muhâsama ve mucâvebeye ve irae-i şuhûd ve imzasıyla ve lâyıha tanzîm ve takdîmine ve ber vech-i muharrer ahari tevkil ve azle ve’l-hâsıl her türlü hukuk-i şahsiye ve kanuniyemi muhafaza ve müdafa ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile karındaşım mezbûr Seyfeddin’i vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Recebi’l-ferd li sene isna ve selâsîne ve selâsemie ve elf.
Baş kâtib, kadı. Kanberoğlu İdris Efendi, Rakıcızâde Mustafa Efendi.
Aded 132 B: Peşeyan mahallesi
Zikr-i âtî hususun mahallinde ketb u tahrir içun canib-i şeriat-i ğarradan mezunen bi hükm-i irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Peşeyan mahallesinde vâki Hacı Murad Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte Yeniköy mahallesi ahalisinden iken bundan akdem vefat eden Eyüboğlu Hacı Mustafa Efendi ibn Hacı Mehmed’in sulbîye-i sağire kızı Havva’nın pederi müteveffa-yi mezbûrdan mevrus malını hıfz ve umurunu tesviye ve ru’yete bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve müslimin-i mezbûrun ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat velidesi Hatice bint Hacı Murad Efendi sağire-i mezbûrenin pederi müteveffa-yi muma ileyhden mevrus malını hıfz ve vakt-i rüşd-i sedadlarına değin umurunu tesviye ve ru’yete kıbel-i şer’iden vasi nasb u tayin olundukda ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam eylediği dediğini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’r-râbi ve’l-ışrin min Recebi’l-ferd li sene isna ve selâsîne ve selâsemie ve elf.
Baş kâtib, kadı. Molla Ömerzâde Hacı Yahya Efendi ibn Hacı Mustafa Efendi, Vardalızâde Hasan Efendi ibn Abdulkerim.
Aded 133 B:
? karyesinde Hacı Alioğlu Mehmed Ali ibn Bayram Ali Efendi’ye
Asbet karyesinde vâki cami-i şerifin hitabet ciheti mahlulunden uhdenize tevcih olunmak üzere iktiza eden mazbatası derbar-i şevket karara arz ve inha olunduğu lede’l-havale evkaf memurluğu derkenarından anlaşılmağla gerekdir ki berat-ı şerif-i âlîşânın şeref vuruduna değin bi’l fiil ifa-i hüsn-i hizmet etmek üzere kıbel-i şer’iden izin ve ruhsatı hâvî işbu murasele bi’t tanzîm i’tâ kılındı ğurre-i Ramazanu’l muazzam sene 1332 ve fi 11 Haziran sene 1330.
Baş kâtib, kadı.
Aded 134 B: Sahor karyesi
Lazistan Sancağı’nın merkezi olan Rize kazası kurâsından Sahor karyesi ahalisinden iken bundan bir sene mukaddem beray-i ticaret sakin olduğu Bulgaristan’ın Tutrikan kasabasında vefat eden Kahvecioğlu Hasan bin Mehmed bin Hasan’ın ber vechi ati varisi olduğunu iddia eden zatı muarrefe li ebeveyn kız karındaşı Hafize bint mezbûr Mehmed meclis-i şer’-i şerif-i enverde müteveffa-yi mezbûrun medyuni Çaklı karyesinden Hacıoğlu Rıfat Efendi ibn Ali Efendi mahzarında üzerine dava ve takrir-i kelâm idub mütevaffay-i mezbûr Hasan ile li ebeveyn erkarındaşlar olub babamız ismi Mehmed ve dedemiz ismi Hasan ve validemiz ismi müteveffat Havva bint Mehmed ve meskat-i ra’simiz mezkûr Sahor karyesi olub ol vechile müteveffa-yi mezbûrun verâseti benimle zevce-i menkuhe-i metrukesi Fatıma bint Abdullah ve li ebeveyn erkarıdaşımız Abdullah’a munhasıra ve tashih-i mesele-i mirasları bi hükmi’l feraiz dört sehmden olub siham-ı mezkûrden bir sehmi zevce-i mezbûreye ve iki sehmi mezbûr Abdullah’a ve bir sehmi dahi bana isabet idub müteveffa-yi mezbûrun başka varisi ve terekesine müstahık-i ahari olmamağla müteveffa-yi mezbûrun hayatında mezbûr Rıfat Efendi zimmetinde cihet-i karzdan alacak hakkı olan kırk kuruş kable’l-ahz ve’l-istifa vefat etmekle meblağ-ı mezkûrden ber mûceb-i mesele-i miras hisse-i irsîyeme isabet eden on kuruş bana eda ve îfâya mezbûr Rıfat Efendi’ye tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset müddeâsını bade’l-inkar müddeiye-i mezbûre ber vech-i muharrer verâset müddeâsını evvelen ba veraka-i mesture mensub oldukları mezkûr Sahor karyesi ahalisinden Sarı Hasanoğlu Ali bin Ali ile muhtar-ı sanisi Dervişoğlu Ahmed’den sirren ve badehu müterâfian hazır oldukları halde Bıçakçıoğlu Şaban bin Memiş ile Köseoğlu Mustafa bin İzzet’ten bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve zat-ı mezbûreyi arifan olan mezkûr Sahor karyesinden Sarı Hasanoğlu İlyas bin İsmail ile Pehlivanoğlu Kaşif bin Salih nam-ı kimesnelerin tafsil-i mezkûr üzere bi’l-muvacehe ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan marifetu’z-zat müddeiye-i mezbûre Hafize tekrar meclis-i makud-i mezkûrde Sahor karyesinden Kahvecioğlu Şükrü bin Mehmed mahzarında bi’l-verâse takrir-i kelâm ve tabir-i ani’l-merâm idub karındaşım müteveffa-yi mezbûrun hıyn-i vefatında yanında mevcud bi’l-cümle terekesiyle hane ve kahvehane ve han ve’l-hâsıl bi’l-cümle emlak ve akar ve zımem-i nasda olan kaffe-i matlubatından hisse-i irsîye ve musibemi vazıu’l-yed ve alakadar olanlardan mahallinde nizam ve kanuna mahsus mucebince aid olduğu devâir ve mecalis ve mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabza ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve hisse-i musibe veya şayiamı semen ve bedel-i misilleriyle talibine memuru huzurunda bey’ u ferağ ve temlik u teslime ve semen ve bedel-i misillerini kezalik ahz u kabz ile bi’l-cümle makbuzatını bana irsal ve isal ve teslime ve ber vech-i muharrer ahari tevkil ve azle ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Şükrü’yü vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi deyu sicil-i mahfuzda mukayyed vezir-i naib-i liva Mehmed Emin Efendi hatmiyle musaddak üçyüzotuz senesi şabanu’l muazzamanın onaltıncı günü tarihli mamul bih bir kıta hüccette muharrer olduğuna binaen bu kere zatı Kösoğlu Memiş Efendi ibn Ömer ve Caferoğlu Ali bin Mustafa tarifleriyle muarrefe olan müddeiye-i müvekkile-i mezbûre Hafize tekrar meclis-i şer’-i şerif-i enverde takrir-i kelâm ve tabir-i ani’l-merâm idub ber vech-i muharrer vekîlim bulunan mezbûr Şükrü’yü vekâlet-i mezkûreden azl ve ihrac ile suver-i meşruhe dairesinde icrâ ve ifayı vekâlete ve mütevakkıf olduğu umûrun küllîsine Dersaadet’te Aksaray’da mekteb-i ibtidaiye muallimi Rizeli Kösoğlu Hafız Ömer Efendi ibn Bayramı kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi ve’l-ışrin min Recebi’l-ferd li sene isna ve selâsîne ve selâsemie ve elf.
Baş kâtib, kadı. Caferoğlu Ali bin Mustafa, Kösoğlu Memiş Efendi.
Aded 135 B: Tolun karyesi
Lazistan Sancağı’nın merkezi olan Rize kazası nevâhîsinden Karadere nahiyesinin Tolun karyesinden sahibu’l-hayrat ve’l-hasenat İslâmoğlu Hafız Yusuf Efendi ibn Mustafa meclis-i şer’-i şerif-i enverde Zikr-i âtî vakfına li ecli’t-tescîl mütevelli nasb u tayin eylediği Hafız Mustafa Efendi ibn Hafız Yusuf Efendi mahzarında ikrar-ı tam ve tabir-i ani’l-merâm idub ben etyab-i mal ve enfes-i menalimden ifraz ve kemal-i imtiyazla mümtaz eylediğim bin kuruş hasbetullahi’l ehad ve ve taleben li’l merdat rabbihi’s samed vakf-ı sahih müebbed ve habs-i sarih muhalled ile vakf ve habs idub şöyle şurût ve tayin eyledim ki meblağ-ı mevkuf-i mezkûr beherisine ba yed-i mütevelli rehn-i kavi veya kefil-i melî ile irbah ve istirbah olunub senevi hasıl olan ğalle ve neması Tonik karyesinde kâin cami-i şerifin hitabet cihetine mutasarrıf olacak zata verile ve tevliyeti ben labis-i libas hayat oldukça bana ve bade’l-vefat karye-i merkume ahalilerinin re’y u intihabı ve re’y-i hâkimle içlerinden mutemed bir zata aid ola deyu meblağ-ı mevkuf-i mezkûri fariğen ani’s şevağil müteveffa-yi muma ileyh Hafız Osman Efendi’ye teslim ol dahi tesellüm ve kabz vesair mütevellilerin evkafdaki tasarrufları gibi tasarruf eyledi dedikten sonra vâkıf-ı muma ileyh Hafız Yusuf Efendi vakf-ı nukûd-i zımnında olan şurût ve kuyûd-i eimme-i selase indinde batıl olmağla vakf-ı mezbûrdan rucu eylediğimden meblağ-ı mezkûri bana red ve teslime muma ileyh Hafız Osman Efendi’ye tenbih olunmak matlubumdur deyu dava ve lede’s-sual mütevelli-i muma ileyh Hafız Osman Efendi dahi cevabında fi’l-hakika vakf-ı nukûd zımnında olan şurût ve kuyûd-i eimme-i selase indinde batıl ise de İmam Zuferden İmam Ensari rivayeti üzere sahih ve caiz olduğundan meblağ-ı mezkûru red ve teslimden imtina ederim deyu her biri müterâfian fasl ve hisseme taliban olduklarında âlimen bi’l-hilafi’l-cari beyne’l-eimmeti’l-eslaf vakf-ı mezbûrun kavl-i müfta bih üzere evvel sıhhatine bade’l-hükm vâkıf muma ileyh tekrar bast-ı mukeddemata rucu ile her ne kadar nukûd-i mezbûrenin vakfiyeti hükm-i hâkimle sahih olduysa da İmam-ı Azam Hazretleri indinde sıhhatı mustelzem luzum olmamağla vakf-ı mezbûrdan tekrar rucu eyledim deyu davası istirdad ettikde mütevelli-i mezbûr dahi İmam Ebu Yusuf Hazretleri indinde vâkıf-ı mücerred vakaftu demekle ve İmam Muhammed Hazretleri indinde teslim ile’l mütevelli bulunmağla onların kavl-i şerif ve re’y-i münifleri üzere hükm olunmak matlubumdur dedikte tarafeynin iddia ve edillesine nazren vakf-ı mezbûrun lüzumuna dahi bade’l-hükm vakf-ı mezbûr sahih ve lazım olub min ba’d nakz ve ibtal-i mümteniu’l ihtimal olundu. Fi’l-yevmi’l-hamise aşer min Recebi’l-ferd li sene isna ve selâsîne ve selâsemie ve elf.
Baş kâtib, kadı. Yetimoğlu Ali bin İsmail, Yetimoğlu Hasan bin Ömer, Öksüzoğlu Edhem bin İslâm, Yetimoğlu Osman Çavuş bin Osman.
Aded 136 B: Ma’muretu’l Azîz vilayetinden olub musakkefat memuru Ahmed Efendi
An asli Ma’muretu’l Azîz vilayetinin İcadiye mahallesinden olub tahrir-i musakkefat komisyon azalığıyla müsâfireten Lazistan Sancağı’nın merkezi olan Rize kasabasında sakin Dervişanzâde Ahmed Aziz Efendi ibn Hacı Mehmed Emin Efendi meclis-i şer’-i şerif-i enverde takrir-i kelâm ve tabir-i ani’l-merâm idub vilayet-i müşarun ileyha dâhilinde mevaki-i muayyene ve malûmede kâin basenedi hakani malik ve mutasarrıf olduğum malûm ve müteârefu’l-hudud bi’l-cümle emlak ve arazilerimi semen ve bedel-i misilleriyle memuru huzurunda talibine bey’ u ferağ ve temlik u teslime ve semen ve bedellerini ahz u kabza ve benim her hakkımı icab edenlerden aid olduğu devâir ve mehâkimin her derece ve her bir kısmında bidayeten ve iâdeten ve itirazen ve istinafen ve temyizen taleb ve dava ve kezalik ahz u kabza ve aleyhime ikame edilecek ve muhakemeyi intac edecek her husustan dolayı lazım gelenlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ına ve redd-i merhune ve fekk-i hazca ve benim içun emlak ve arazi iştirasına ve teferruğuna ve lede’l-hâce sulh ve ibraya ve bi’l-cümle makbuzatını bana irsal ve isal ve teslime ve ber vech-i muharrer ahari tevkil ve azle ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile ? İcadiye mahallesinde sakin binbaşılıktan mütekaid karındaşım Mustafa Şerefeddin Efendi ibn mezbûr Hacı Mehmed Emin Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’t-tasi ve’l-ışrin min Recebi’l-ferd li sene isna ve selâsîne ve selâsemie ve elf.
Baş kâtib, kadı. Sandık Emini Ahmed Efendi, Vergi baş kâtibi Emrullah Efendi.
Aded 137 B: Varankoz karyesi
Lazistan Sancağı’nın merkezi olan Rize kazası kurâsından Varankoz karyesinden zatı Alemdaroğlu Şakir Efendi ibn Hacı Hüseyin Efendi ile Deli İsmailoğlu Kamil bin Ahmed tarifleriyle muarrefe olan Sirkecioğlu kerimesi Fatıma bint Kamil meclis-i şer’-i şerif-i enverde takrir-i kelâm ve tabir-i ani’l-merâm idub halen zevci dahilim olan karye-i mezkûreden Sufuroğlu Memiş bin Receb bundan akdem beni bila nafaka vela munfek-i şer’i terk idub müddet-i sefer-i baid olan Romanya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-ı hal mezbûre Fatıma’nın takrir-i meşruhi üzere olduğu karye-i merkume muhtar ve heyet-i ihtiyariyesi tarafından mevrud ilmuhaberden müstebân ve tarafeynin usr ve yusr halleri nazar-ı dikkate alınmak suretiyle Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve baha vesair levazım-ı zaruriyesi içun zevc-i gaib-i mezbûr Memiş üzerine işbu tarihten itibaren beher şehrî altmış kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci mezbûr Memiş üzerine rucua mezbûre Fatıma’ya kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min Rebii’l-ahir li sene isna ve selâsîne ve selâsemie ve elf.
Baş kâtib, kadı. Alemdaroğlu Şakir Efendi ibn Hacı Hüseyin Efendi, Deli İsmailoğlu Kamil bin Ahmed.
Aded 138 B: Emineddin mahallesi
Lazistan Sancağı’nın merkezi olan Rize kasabası mahallâtından Emineddin mahallesinden Tuzcuzâde kerimesi zatı hıyn-i tevkilde Tuzcuzâde Şaban Efendi ibn Abdulhamid Ağa ve Nazım Efendi ibn Mustafa Ağa tarifleriyle muarrefe olan Ümmü Gülsüm Behice Hanım bint Mehmed Ali Bey’in üçyüzotuziki senesi recebu’l ferdinin yirmiikinci günü tarihli tescîl mucebince Zikr-i âtî dava ve muhâkeme ve ahz u kabza vekîl-i şer’isi Emin Efendi ibn Ömer Efendi meclis-i şer’i münîrde mahalle-i merkûmeden Tuzcuzâde İhsan Bey ibn İzzet Bey muvacehesinde müvekkilem mezbûreyi hal-i sağirinde işbu mahkeme-i şer’iyeden istihsal olunan üçyüzonaltı senesi muharremu’l-haramının ğurresi tarihli ol tarihte naib-i liva bulunan Necib Efendi’nin hatmini hâvî bir kıta izinname vechile veli-i mücbiri bulunan babası Mehmed Ali Bey mahzar-ı şuhudda müddeâ aleyh İhsan ile dörtyüzbir aded lira-i Osmanî mehr-i müeccel tesmiyesiyle bi’l-velâye akd ve tezvic ve tenkih ve mezbûr İhsan Bey dahi ol vakt sağir olub veli-i mücbiri olmadığı cihetle veli-i gayr-i mücbiri bulunan amucesi müvekkilemin babası muma ileyh Mehmed Ali Bey kezalik bi’l-velâye tezevvüc ve tenekküh ve kabul idub ol vechile müvekkilem mezbûre Ümmü Gülsüm Behice Hanım mezbûr İhsan Bey’in zevce-i menkuhe-i gayr-i medhul-i bihâsı olub hatta muma ileyh İhsan Bey akd-i mezkûri sağirinde alim ve hıyn-i büluğunda fesh ve red etmeyib kabul eylediği ve el yevm dahi onyedi yaşında akil ve baliğ bulunduğu halde bu kere zevcesi müvekkilem mezbûreyi bir talak-ı bayin ile tatlik eylediğinden mehr-i müsemma-i mezkûrun nısfı olan ikiyüz buçuk aded Osmanlı lirasını müvekkilem mezbûreye izafetle bana i’tâ ve teslime müddeâ aleyh muma ileyh İhsan Bey’e tenbih olunmak bi’l-vekâle matlubumdur deyu ve meali takririne mutabık ve dörtyüzbir lira-i Osmanî mehr-i müeccel tesmiyesiyle icra-i akd-i meşar-i mezkûr izinnameyi ibraz ve iraesiyle bade’d-dava ve’s-sual müddeâ aleyh İhsan Bey dahi cevabında ? minval-i meşruh üzere olduğu bitamamiha taven ikrar ve ikiyüzbuçuk aded Osmanlı lirası zevce-i menkuhe-i gayr-i medhul-i bihâsı olan mutallakası mezbûre Ümmü Gülsüm Behice zimmetinde borcu idugini itiraf itmegin mucebince meblağ-ı mezkûr ikiyüzbuçuk aded Osmanlı lirasını müvekkile-i mezbûre Ümmü Gülsüm Behice’ye izafetle vekîl-i muma ileyh Emin Efendi’ye i’tâ ve teslime müddeâ aleyh İhsan Bey’e tenbih olunduğu tescîl ve i’lâm olundu. Fi’l-yevmi’s-sadis ve’l-ışrin min Recebi’l-ferd li sene isna ve selâsîne ve selâsemie ve elf.
Baş kâtib, kadı.
Aded 139 B: Mapavri’nin Misahor karyesi
Lazistan Sancağı’nın merkezi olan Rize kazası nevâhîsinden Mapavri nahiyesinin Misahor karyesinden iken bundan akdem vefat eden Karaalioğlu Abdulmecid bin Hacı İsmail bin müteveffa Hacı Ali’nin sulbî sağir oğulları Mustafa ve Yusuf’un pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olub sağiran-ı mezbûranın li eb ceddeleri Hacı İsmail’in huzur-i mahkemede vâki olan istinkaf üzerine emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlaryla lede’ş-şer’il enver zâhir ve nümâyân olan işbu baiset’ul vesika li ebeveyn erkarındaşları Mehmed Nuri Efendi sağiran-ı mezbûranın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis min Şabani’l-muazzam li sene isna ve selâsîne ve selâsemie ve elf.
Baş kâtib, kadı. Hacı Osmanoğlu Mehmed Ali bin Hacı Mehmed, Hacı Osmanoğlu Mehmed bin Hafız İsmail.
Aded 140 B:
Aded 141 B: Raşot karyesi
Lazistan Sancağı’nın merkezi olan Rize kazası kurâsından Raşot karyesinden Topaloğlu Mehmed bin Yusuf meclis-i şer’-i şerif-i enverde takrir-i kelâm ve tabir-i ani’l-merâm idub Ğorğor karyesinden İsmailoğlu nâm-ı diğeri Koçaloğulları Ahmed bin Ali ve Ömer bin Tahir ile beynimizde mütehaddis fırın gediği alacağından ve zarar ve ziyan davalarından dolayı mezbûran ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamis min Şabani’l-muazzam li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Kakavanzâde Kahraman Bey.
Aded 142 B:
Romanoz-i Rum mahallesinden Baltacıoğlu Kasti’nin fi 19 rebiu’l ahir sene 1329 tarih ve numara 16 idane hücceti zahrına yazılan mukteza ilamıdır.
İşbu idane hüccetinde muharrer olduğu üzere medyun-i mezbûr Kasti’nin eytâm sandığına medyun olduğu lira-i Osmanî yüz kuruş hesabıyla üçbinyetmiş kuruş re’su’l mal ve beşyüzotuziki buçuk kuruş nema ki ceman üçbinaltıyüziki kuruş yirmi paranın tesviyesi luzumu asıl merkum ile küfelası Pahdeli ve Anastas ve Tanas ve Sakratiye ihbar eylediği halde tesviye-i deyninden imtina eyledikleri eytâm müdürlüğü tarafından ifade edilmekle meblağ-ı mezkûrun hıyn-i tahsiline değin işleyecek nema ve altı kuruş pul esmanı ve mesarif-i tahsiliye ile mea asıl ve küfelanın her birinden bi’t tahsil eytâm müdürlüğüne iktiza eylediği i’lâm olundu. Fi 6 Şabanu’l muazzam sene 1332
Baş kâtib, kadı.
Aded 143 B: Atina kazasının Vanik karyesi
Lazistan Sancağı’na tabi Atina kazasının Vanik karyesinden olub Kanboz karyesinde sakine zatı Sofoğlu İbrahim Efendi ibn Mustafa ile Hacı Osmanoğlu Ahmed bin Hüseyin tarifleriyle muarrefe olan Kirkoroğlu kerimesi Emine bint Salih meclis-i şer’-i şerif-i enverde Kanboz Kaşatoz karyesinden Hacı Alioğlu nâm-ı diğeri Topçuoğlu Rıza bin Hasan mahzarında üzerine dava ve takrir-i kelâm idub beş seneden beri sekizyüz kuruş mehr-i müeccel tesmiyesiyle mezbûr Rıza’nın zevce-i menkuhe-i medhul-i bihâsı isem de zevcim mezbûr ile beynimizde hüsn-i muaşeret olamadığına binaen mehr-i müsemma-i mezkûrum üzerine ve nafaka-i iddet ve maunet-i süknâm dahi kendi üzerime olmak üzere kabulune hâvî zevcim mezbûr Rıza ile muhalaa-i sahiha-i şer’iye ile hul’ olub hukuk-i zevciyete müteallaka amme-i dava ve kaffe-i mutelebattan mezbûr Rıza’nın zimmetini ibra-i âm-i sahih-i şer’i ile ibra ve ıskat ol dahi hul’-i mezkûri bade kabul benim zimmetimi ibra ve ıskat ve yekdeğerimiz bir minval-i meşruh aharın ibrasını kabul eyledik dedikte mezbûr Rıza dahi mezbûre Emine’nin kelimat-i meşruhesini vicahen ve şifahen kabul ve tasdik ve takrir itmegin ma vekaa bi’t-taleb ketb olundu. Fi’l yevmi’r-râbi ve’l-ışrin min Cemaziye’l-ahir li sene isna ve selâsîne ve selâsemie ve elf.
Baş kâtib, kadı. Sofoğlu İbrahim Efendi ibn Mustafa, Hacı Osmanoğlu Ahmed bin Hüseyin.
Aded 144 B: Anbarlık karyesi
Lazistan Sancağı’nın merkezi olan Rize kazası kurâsından Anbarlık karyesinden Türüdoğulları Cafer ve Mehmed ve İbrahim benun-i Osman meclis-i şer’-i şerif-i enverde her biri takrir-i kelâm ve tabir-i ani’l-merâm idub karyeden Türüdoğlu Mustafa bin Receb tarafımdan aleyhimize ikame olunan arazi davasından dolayı Trabzon istinaf mahkemesinde der dest-i ru’yet bulunan muhakemede müddeî ve müddeâ aleyh ve şahs-ı sâlis ve itirazu’l-ğayr-i tarik sıfatlarıyla muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Trabzon’da Yalı hanında mukim dava vekîllerinden Ordulu Hüseyin Avni Efendi ibn Ali’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sadis min Şabani’l-muazzam li sene isna ve selâsîne ve selâsemie ve elf.
Baş kâtib, kadı. Faiszâde Ahmed Hamdi Efendi, Hacı Ahmedoğlu Mehmed Efendi.
Aded 145 B: Muskas karyesi
Lazistan Sancağı’nın merkezi olan Rize kazası kurâsından Muskas karyesinde Hacıoğlu Rıfat bin Gül Ali meclis-i şer’-i şerif-i enverde mezbûr Rıfat sulbî sağir oğlu oniki yaşında Ali hazır olduğu halde karye-i merkume sakinelerinden zatı Kumuşoğlu Osman bin Süleyman ve Hacıoğlu Yunus bin İbrahim tarifleriyle muarrefe olan ve tezkire-i osmaniyeleri görülen üçyüzoniki senesinde tevellüd ettiği görülen Molla Osmanoğlu kerimesi Emine bint Mansur muvacehesinde mezbûre Emine el-yevm onsekiz yaşında olub üçyüzyirmiyedi senesi kanun-i evvelinin yirminci gününde akile ve baliğa olduğu halde kendi hanemde nefsini oğlum sağir-i mezbûr Ali’ye akd ve tezvic içun mahzar-ı şuhudda Hacıoğlu Yunus bin İbrahim’i vekîl ederek vekîl-i merkum dahi müvekkilesi mezbûreyi aynı günde ve kezalik mahzar-ı şuhudda izinname istihsal etmeksizin bin kuruş mehr-i müeccel tesmiyesiyle oğlum sağir-i mezbûr Ali’ye bi’l-vekâle akd ve tezvic ve ben dahi oğlum sağir-i mezbûr içun velâyeten tezevvüc ve tenekküh ve kabul idub ol vechile mezbûre Emine mezbûr Ali’nin zevce-i menkuhe-i gayr-i medhul-i bihâsı olduğu halde zevc-i aharı taharri etmekte olduğundan oğlum merkumun mutekarribü’l-hulûl olan vakt-i büluğunda mesken-i şer’îsine gelerek itaat ve inkiyadına kendisine tenbih olunmak matlubumdur deyu dava ve lede’s-sual mezbûre Emine dahi cevabında müddeî merkumun ber vech-i muharrer müddeâsını inkar etmekle müddeî mezbûr Rıfat’tan ber vech-i muharrer bi tamamiha müddeâsına muvafık beyyine taleb olundukta şuhudunu bi’l kayd ikame içun tayin olunan günde ber vechi sabık-ı tarafeyn-i müterâfian hazır oldukları halde mezbûre Emine Of kazasının Havan Haraz karyesinden Usta İbrahimoğlu Rıdvan bin Abdullah ile tezevvüc eylediğini dermiyan etmekle samiin sırasında bulunan mezbûr Rıdvan tarafeyn mevkiine dönüb ikad ettikten sonra bi’s-sual tarih-i ilamdan üç ay mukaddem dörtyüzdoksandokuz kuruş mehr-i müeccel tesmiyesiyle mezbûreyi tezvic ettiğini müddeî mezbûr Rıfat’ın inkarına karşı iddia ve işbu iddiasını mezbûr ede tasdik etmiş isede müddeî mezbûr Rıfat’ın dermiyan eylediği nikâh tarihi mukaddem olmasına binaen taleb-i sabık vecihle müddeî mezbûr Rıfat ? ihzar olunan mezkûr Muskas karyesinde Hacıoğlu İsmail bin Ahmed bin Hasan ile karye-i merkûmeden Hasan Efendi ve Hacı Tevfik Efendi ibn Hasan bin ? den her biri bi’l-muvacehe münferiden istişhad olunduklarında zatı malûmemiz olub el-yevm onsekiz yaşında bulunan mezbûre Emine bint Mansur üçyüzyirmiyedi senesi kanun-i evvelinin yirminci gününde akile ve baliğa olduğu halde nefsini müddeî mezbûr Nokta’nın sağir oğlu hazır bi’l-meclis Ali’ye akd ve tezevvüc mahzar-ı şuhudda Hacıoğlu Yunus bin İbrahim’i vekîl ederek vekîl-i mezbûr Yunus dahi müvekkilesi mezbûreyi aynı tarihte ve kezalik mahzar-ı şuhudda bin kuruş mehr-i müeccel tesmiyesiyle sağir-i mezbûr Ali’ye bi’l-vekâle akd ve tezvic ve sağir-i mezbûr içun dahi babası mezbûr Rıfat bi’l-velâye tezevvüc ve tenekküh ve kabul idub ol vechile mezbûre Emine sağir-i mezbûr Ali’nin zevce-i menkuhe-i gayr-i medhul-i bihâsıdır hıyn-i vekâlette ve hıyn-i akidde hazır olduğumuz cihetle biz bu hususu böyle biliyor ve bu hususa bu vecihle şahidiz ve şahadet dahi ederiz deyu her biri ber nehc-i şer’i müttefiku’l lafz ve’l mana eda ve şahadet-i şer’iye etmeleriyle şahidan-i mezbûran evvelen ba veraka-i mesture mensub oldukları mezkûr Muskas karyesi muhtar-ı evveli Cafer ile ihtiyar meclisi azasından Hacıoğlu Ömer bin Hasan ve Yunus bin İbrahim’den sirren ve badehu tarafeyn ve şahidler müterâfian hazır ve mevcud oldukları halde müzekki-i mezbûr Cafer ile mezbûr Ömer ve yine karye-i merkûmeden Mehmed Başoğlu İlyas bin Ahmed’den alenen lede’t-tezkiye adl ve makbulu’ş-şehade idugleri işar ve ihbar olunub şahadetleri makbule olmağla müddeiye-i mezbûre Rıfat mezbûr Rıdvan ile mezbûre Emine’nin beyinlerinin tefrikiyle oğlu sağir-i mezbûr Ali’nin vakt-i büluğunda mesken-i şer’îsine gelerek itaat ve inkiyadına tenbih olunmasını taleb eylediğinden mucebince ber vech-i muharrer nikâh-ı evvelin sübutuna mebni beyinlerinin tefrikiyle bila nafaka bade inkizai’l idde sağir-i mezbûr Ali’nin mesken-i şer’îsine giderek vakt-i büluğunda nefsini zevc-i merkum Ali’ye teslim ile itaat ve inkiyadına mezbûre Emine ile mezbûr Rıdvan’dan her birine tenbih olunduğu tescîl ve i’lâm olundu. Fi’l-yevmi’s-sabi min Şabani’l-muazzam li sene isna ve selâsîne ve selâsemie ve elf.
Baş kâtib, kadı. |
