|
Aded 363: Hacinoz mahallesi
Lazistan Sancağı’nın merkezi olan Rize kasabası mahallâtından Hacinoz mahallesinden Beşikcizâde Emin Efendi ibn Hafız Muharrem Efendi meclis-i şer’i münîrde Aron Mağloz karyesinden Safoğlu zevcesi Elmas bint Mustafa aleyhine ikame edildiği alacak davasından dolayı mezbûreye ayrı ayrı günlerde gönderilib teblîğ ettirilen üç defa davetiye verakası üzerine mezbûre mahkeme-i şer’iye gelmekten ve tarafından vekîl-i şer’i dahi göndermekten imtina idub müddeî mezbûr Emin Efendi’nin gıyaben ru’yet-i muhâkeme talebine mebni müddeâ aleyha mezbûrenin hukukunu muhafaza ve müdafaaya vekîl-i musahhar tayin olunan Ali Efendi ibn Yunus Efendi muvacehesinde binüçyüzyirmi sene-i rûmîsi martının birinci günü tarihli ve kendi mühürlü bir kıta deyn senedi mucebince müvekkile-i mezbûre Elmas’ın zevci Receb bin Hüseyin zimmetinde cihet-i karzdan sekiz lira-i Osmanî kırk kuruş alacağım olub meblağ-ı mezkûrun dört lirası i’tâ ve teslim ederek mütebakı dört lira kırk kuruş alacağımı kable’l eda ve’l ifâ vefat etmekle verâseti zevce-i menkuhe-i metrukesi müvekkile-i mezbûre Elmas ile sulbî sağir oğlu Dursun Ali ve sulbîye-i sağire kızları Emine ve Fatıma’ya munhasıra olub başka varisi olmadığından ve tereke-i vafiyesine zevcesi müvekkile-i mezbûre vazıu’l-yed bulunduğundan meblağ-ı mezkûri müteveffa-yi mezbûrun tereke-i vafiyesinden olmak üzere bana eda ve teslime müvekkile-i mezbûreye izafetle vekîl-i musahhar muma ileyh Ali Efendi’ye tenbih olunmak matlubumdur deyu meali takririne mütabık ve tarih-i mezkûrla müerreh ve müteveffa-yi mezbûrun imza ve hatmiyle mahtum bir kıta sened ibraz ve iraesiyle bade’d-dava ve’s-sual ol dahi cevabında müddeî mezbûrun ber vech-i muharrer bi tamamiha müddeâsını inkar etmekle müddeî mezbûr ber vech-i muharrer alacak ve verâset ve vazıu yed müddeâsını evvelen ba veraka-i mesture mensub oldukları mezkûr Babik mahallesi imamı Şaban Efendi ibn Hamid Ağa ile azadan Tuzcuzâde Cemal Efendi ibn Süleyman Efendi ve mezbûr Receb dahi mensub olduğu mezkûr Aron Mağloz karyesi muhtar-ı evveli Hacı Bahadır bin Mustafa ve muhtar-ı sanisi Hutoğlu Salih bin Ahmed’den sirren ve badehu müterâfian hazır oldukları halde Şabanoğlu Mehmed Efendi ibn Sabit ve Beşikcizâde Derviş Efendi ibn Dursun Efendi’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûran ile verese-i mezbûr uni arifan olan mezkûr Babik mahallesinden Mataracızâde Hacı Hafız Hüseyin Efendi ibn Hacı Ahmed Efendi ile Aron Mağloz karyesinden Kansızoğlu Receb bin Memiş nâm kimesnelerin kezalik bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin müddeiye-i mezbûr Emin Efendi istizharen bade’t-tahlifi’ş şer’i mucebince müddeâ-bih dört lira kırk kuruş ve vazıu’l-yed olduğu zevci müteveffa-yi mezbûrun tereke-i vafiyesinden müddeî Emin Efendi’ye eda ve teslime müvekkile-i mezbûre Elmas’a izafetle vekîl-i musahhar-i mezbûr Ali Efendi’ye tenbih olunduğu tescîl ve i’lâm olundu. Fi’l-yevmi’t-tasia aşer min şehr-i Recebi’l-ferd li sene ihdâ selâsîne ve selâsemie ve elf.
Mukabele olmuştur. Baş kâtib, kadı.
Aded 364: Hortoz mahallesi
Lazistan Sancağı’nın merkezi olan Rize kasabası mahallâtından Hortoz mahallesinden zatı zeyl-i vesikada muharreru’l-esâmî müslimîn tarifleriyle muarrefe olan Faika bint Osman meclis-i şer’-i şerif-i enverde mahalleden Köseoğlu Hamza bin Hacı Tahir mahzarında üzerine dava ve takrir-i kelâm idub ben merkum Hamza’nın zevce-i menkuhe-i medhul-i bihâsı iken bundan akdem beni bir talak-ı bayin ile tatlik etmekle firaşından hasıl ve hasıla ve benden mütevellide ve halen bi hakki’l-hidâne hacr ve terbiyemde olan sulbî sağir oğulları işbu hazır bi’l-meclis Rasim ve Halil ile sulbîye-i sağire kızı Fatıma nafaka ve kisveye eşed ihtiyac ile muhtac olmağla babaları zevce-i mutallikim merkum Hamza üzerine kadr-i marûf meblağ takdir olunmak matlubumdur deyu dava ve lede’s-sual merkum Hamza dahi cevabında zevcesi müddeiye-i mezbûreyi bir talak-ı bayin ile tatlik eylediğini ve siğar-ı mezbûrun kendi firaşından hasıl ve mezbûreden mütevellid olduğunu taven ikrar lakin ben nafaka vermeğe kudretim yokdur dedikten sonra hakikat-i hal mezbûrenin takrir-i meşruhi üzere olduğu ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince siğar-ı mezbûrunun nafaka ve kisve bahâ vesair levazım-ı zaruriyesi içun babaları mezbûr Hamza üzerine işbu tarihten itibaren beher şehrî yirmibeş kuruştan üçüne şehrî ceman yetmişbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua hadineleri valideleri mezbûre Faika’ya kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-samin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Eyüboğlu Ali bin Mehmed, Rakıcızâde Mustafa Efendi ibn İzzet Efendi. Aded 365: Haldoz mahallesi
Lazistan Sancağı’nın merkezi olan Rize kasabası mahallâtından Haldoz mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Kara Ömeroğlu kerimesi Has Hatun bint müteveffa Zekeriyya meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Salarha Ayvaros karyesinden Hacı Ahmedoğlu Osman bin Abdulhamid bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ nafaka farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre Has Hatun bade’t-tahlifi’ş şer’i mucebince nafaka ve kisve bahâ vesair levazım-ı zaruriyesi içun işbu tarih-i vesikadan itibaren beher şehrî altmış kuruş farz u takdir olunub meblağ-ı mefruz-i mezkûri nafaka ve kisve bahâ vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûre Has Hatun’a kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sâlis min Zi’l-hicceti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. İbrahim Reisoğlu Mustafa Efendi ibn Mahmud, Haldoz mahallesinden Tafulioğlu Cafer bin Cafer. Aded 366: Perkam karyesi
Lazistan Sancağı’nın merkezi olan Rize kazası kurâsından Perkam karyesi sakinelerinden zatı Hordoloşoğlu Mustafa bin Hacı Osman ile Hordoloşoğlu Ali bin Ahmed tarifleriyle muarrefe olan Hordoloşoğlu kerimesi Saliha bint İdris meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan karye-i mezkûreden Hordoloşoğlu Selim bin Hasan bundan akdem benimle firaşından hasıla ve benden mütevellid sulbî sağir oğulları Hayri ile Cemaleddin nâm diğeri Cemaleddin ve Muhiddin’i bila nafaka vela munfek-i şer’i terk idub müddet-i sefer-i baid olan Dersaadet’e gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr Selim üzerine kadr-i marûf meblağ nafaka farz u takdir olunmak matlubumdur dedikte hakikat-i hal mezbûre Saliha’nın takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden ve müslimin-i mezbûr ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyeleri içun zevc-i gaib-i mezbûr Selim üzerine işbu tarihten itibaren beher şehrî siğar-ı mezbûrun içun üçüne ceman doksan ve mezbûre Saliha içun şehrî kırkbeş kuruş beher şehrî dördüne ceman yüzotuzbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevci gaib-i mezbûr Selim üzerine rucua mezbûre Saliha’ya izin verilmegin ma vekaa bi’t-taleb ketb olundu. Fi’l-yevmi’l ışrin min Muharremi’l-haram li sene ihdâ ve selâsîne ve selasemie ve elf.
Mukabele olmuştur. Baş kâtib, kadı. Hordoloşoğlu Ali bin Ahmed, Hordoloşoğlu Hafız Mustafa Efendi ibn Hacı Osman Efendi. Aded 367: Yeniköy mahallesi
Lazistan Sancağı’nın merkezi olan Rize kasabası mahallâtından Yeniköy mahallesinde sakine zatı zeyl-i vesikada muharreru’l-esâmî Hüseyin bin Halil ve Ali bin Arif tarifleriyle muarrefe olan Penbe bint Mansur meclis-i şer’-i şerif-i enverde Piri Çelebi mahallesinde mukim Gümüşhane’li Çobanoğlu Davud bin Halil mahzarında üzerine dava ve tabir-i ani’l-merâm idub ben merkum Davud ile bundan akdem hal-i zevciyet beynimizde kaim iken bayinen beni tatlik idub firaşından hasıl ve benden mütevellid halen bi hakki’l-hidâne hacr ve terbiyemde olan sulbî sağir oğlu üç aylık Cevdet nafaka ve kisveye eşed ihtiyac ile muhtac olmağla babası merkum Davud üzerine kadr-i marûf meblağ farz u takdir olunmak bi’l hidâne matlubumdur deyu dava ve lede’s-sual ol dahi cevabında müddeiye-i mezbûrenin ber vech-i muharrer müddeâsını taven ikrar ve itiraf eyledigine binaen terazî-i tarafeynle sağir-i mezbûrun nafaka ve kisve bahâ vesair levazım-ı zaruriyesi içun babası mezbûr Davud üzerine işbu tarihten itibaren beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer babası mezbûr Davud üzerine rucua hadine mezbûre Penbe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi selh min Şabani’l-muazzam li sene ihdâ ve selâsîne ve selasemie ve elf.
Baş kâtib, kadı. Musaoğlu Hacı Ali bin Arif, Ahmed Çavuşoğlu Hüseyin bin Halil. Aded 1 B: Hanes karyesi
Lazistan Sancağı’nın merkezi olan Rize kazası kurâsından Hanes karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Kör Hasanoğlu kerimesi Düriye bint Veysel meclis-i şer’-i şerif-i enverde dava vekîllerinden Abdulhamid Efendi ibn Abdulkerim mahzarında takrir-i kelâm ve tabir-i ani’l-merâm idub Lestenkoz karyesinden Hordoloşoğlu kerimesi Ayşe bint Yunus ile beynimizde mütehaddis arazi ve halît ve şerik davalarından dolayı mezbûre Ayşe ile aid olduğu mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve lede’l-iktiza cebr ve ikrah ve sahtekârlık davası ikamesiyle aid olduğu devâir-i mehâkim-i cezaiyede ikame ve takib-i davaya ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Abdulhamid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi aşer min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Hacı Hasanoğlu Mahmud bin Ali, ? oğlu Hüseyin bin Arif. Aded 2 B: Kamaşnoz mahallesi
Lazistan Sancağı’nın merkezi olan Rize kasabası mahallâtından Kamaşnoz mahallesinden Sarı Ahmedzâde Dursun Efendi ibn Mahmud Reis meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Kavalzâde müteveffa Hacı Salih eytâmı Osman ve İbrahim ve Hacere’nin mallarından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim binyüz kuruş ile semeni işbu tarihten bir sene-i kamile müeccel olmak üzere eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetvası semeninden yüz kuruş ki ceman binikiyüz kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Roş mahallesinden Hacı Ömerzâde Mahmud Efendi bin Hacı Zekeriyya Efendi ile Siracoğlu(?) Hafız Mehmed Efendi ibn Abdulhamid Efendi ve Kamaşnoz mahallesinden Sarı Ahmedzâde Hasan Efendi ibn Süleyman Efendi tekrar meclis-i makud-i mezkûrde müdir-i muma ileyh mahzarında her biri takrir-i kelâm ve tabir-i ani’l-merâm idub medyun-i mezbûrun ceman zimmetinde edası vacib olan binikiyüz kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l aşir min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı vekîli. Muhzır Sadık Efendi, Dervişoğlu Hamza. Aded 3 B: Kale mahallesi
Lazistan Sancağı’nın merkezi olan Rize kasabası mahallâtından Kale mahallesinden iken bundan akdem vefat eden Hacı İsmailzâde Hafız Ömer Efendi ibn İbrahim Efendi’nin sulbî sağir oğulları İsmail ve Abdullah ile sulbîye-i sağire kızları Hatice ve Asiye’nin pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi mahalle-i merkume imam ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisu’l-vesika li ebeveyn amuceleri Süleyman Efendi ibn muma ileyh İbrahim Efendi siğar-ı mezbûrunun pederleri müteveffa-yi muma ileyhden mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi aşer min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı vekîli. Zerdecizâde Hacı Hasan Efendi ibn İsmail, Hacı Bilalzâde Edhem Efendi ibn Hacı Mahmud Efendi, Hartemaszâde Mustafa Efendi ibn Ahmed Efendi. Mekteb-i kudattan mezun Arhavili Mehmed Celaleddin Efendi
Trabzon vilayeti dâhilinde Lazistan Sancağı’nın umur-i ahkâm-ı şer’isi encümen-i intihab-ı memurin-i ilmiyeden vâki olan ifade üzerine zatı esami-i hazreti fetva penahinin re’y ve tensiblerine ve nezaret-i amme-i mezbûr enin(?) ve binüçyüzyirmidokuz sene-i maliyesi kanun-i evvelinin yirmibeşinci gününe müsadif binüçyüzotuziki senesi saferu’l hayrının onuncu gününden itibaren uhde-i kifayetinize ihale ve tefviz olunmuştur Sancağ-ı mezkûrda beyne’l-ahâlî umur-i şer’iyeye müteallik vuku bulacak deâvî ve muamelat-ı ahkam-ı celile-i şer’i âliye tevfiken fasl ve hasm ile mesalih-i vakıanın hüsn-i ru’yet ve temşiyeti hususuna mezid itina ve vakt ve mûceb-i tahrir olan terekatın nizamat-ı mevzua dairesinde tahrir ve beyne’l verese bi’l ferideti’ş şer’iye tevzi’ ve taksimiyle muhafaza-i hukuk-i eytâm ve kasırîne bezl-i cell-î himmet eylemeleri matlubdur. el-fakîr Yahya(?) Reşid bin Abdurrahman Fadıl Kadıasker-i Anadolu. Mühür: Yahya bin Abdurrahman Fadıl
Aded 4 B: Mukteza ilamı
İşbu idane hücceti derunundan tafsilen muharrer olduğu üzere medyun-i mezbûr Sefer Efendi’ye ve yekdeğerine dahi kefalet-i mutlaka ile kefil bi’l-mal olan mezbûrun Emin ve Kazım ve İlyas Efendilerle Ahmed Reis’e tebligat icrâ kılındığı halde mekful bih onbinbeşyüzdört kuruşu tesviye etmedikleri eytâm müdürlüğünden ifade edilmekle meblağ-ı mezkûrun hıyn-i tahsiline değin mea nema kufela-i mezbûrundan tahsiline eytâm müdürlüğüne teslimi iktiza eyledigi i’lâm olundu. Fi 17 Safer sene 1332
Mukabele olmuştur. Baş kâtib, kadı. Aded 5 B: Mahanca karyesi
Lazistan Sancağı’nın merkezi olan Rize kazası kurâsından Mahanca karyesinden Mizelioğlu Hacı Memiş bin Mustafa meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında takrir-i kelâm ve tabir-i ani’l-merâm idub Sahor karyesinden Köseoğlu Haşim ve rufeka-i sairesiyle beynimizde mütehaddis arazi ve emlak ve tecavüz-i hudud davalarından dolayı mezbûr Haşim ve şureka-i sairesiyle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadise aşer min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Muhzır İbrahim Efendi, Sarı Ahmedoğlu Receb Efendi. Aded 6 B: Ğotoz karyesi
Tahakkuk-i özri şer’iye mebni Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye ikinci kâtibi Hafız Rahmi Efendi ibn Hafız Mahmud Efendi Lazistan Sancağı’nın merkezi olan Rize kazası kurâsından Ğotoz karyesinde vâki Çepnioğlu İbrahim bin Ali’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte menzil-i mezkûrda sakin mezbûr İbrahim bin mezbûr Ali meclis-i makud-i mezkûrde Çoncik karyesinden Likoğlu Abdulkadir bin Ali mahzarında takrir-i kelâm ve tabir-i ani’l-merâm idub karye-i mezkûrede vâki her biri mahallinde beyne’l-ahâlî ve’l-cîrân malûm ve müteârefu’l-hudud müstakillen malik ve mutasarrıf olduğum bir kıta tarlamı oğullarım Mehmed ve Cemal’e bedel-i malûm ve makbuzum muhasebe memuru huzurunda ferağ ve tefviz ve teslime ve evrak-ı mukteziyelerini imza ve tahtîme ve muamele-i saire-i lazımelerini icrâ ve îfâya ve memuru huzurunda takrirlerini i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Abdulkadir’i vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi dediğini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’l-hadi ve’l-ışrin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Cami imamı Abdullah Efendi bin Mustafa, Uzun Abdioğlu Ahmed bin Mehmed Ali, Ofluoğlu Mustafa bin Şakir, Molla Ahmedoğlu Sabit bin Bilal. Aded 7 B: Roş mahallesi
Lazistan Sancağı’nın merkezi olan Rize kasabası mahallâtından Roş mahallesi ahalisinden olub Rusya memalikinin Çürüksu şehrinde balıkcı iken bundan akdem mezkûr Çürüksu’da mağruken vefat eden Hohorininoğlu Ali bin Mehmed’in verâseti zevce-i menkuhe-i metrukesi Ayşe bint Ömer ile sulbî sağir oğlu Mehmed ve babası mezbûr Mehmed’e munhasıra olduğu bi’l-ihbar mütehakkık olduktan sonra verese-i mezbûrundan zatı zeyl-i vesikada muharreru’l-esâmî müslimîn tarifleriyle muarrefe olan zevce-i mezbûre Ayşe ile sağir-i mezbûr Mehmed’in veli-i mücbiri ve müteveffa-yi mezbûrun babası mezbûr Mehmed meclis-i şer’-i şerif-i enverde her biri bi’l-verâse ve bi’l-velâye takrir-i kelâm ve tabir-i ani’l-merâm idub murisimiz müteveffa-yi mezbûrun mezkûr Çürüksu kasabasında Gürcü Haracoğlu Mehmed ile müştereken mutasarrıf olduğu bir kıta altıyüz kilelik sandalın malik olduğu nısf hissesini semen misliyle mesa’-ı şer’i dairesinde talibine bey’ u ferağ ve temlik u teslime ve semeni ahz u kabza ve müteveffa-yi mezbûrun hıyn-i vefatında yanında mevcud terekesiyle zımem-i nasda olan bi’l-cümle matlubatını ashabından taleb ve dava ve kezalik ahz u kabza ve müteveffa-yi mezbûrun Hohorininoğlu Bayram bin Ömer’in nezdinde mevcud biri otuz altı diğeri yirmidört karış iki kıta balıkcı filikasıyla balıkçılığa mahsus yirmi lira kıymetli bir aded parapatını mezbûr Bayram’dan taleb ve kezalik mesa’-ı şer’i vecihle bey’ ve semen misillerini yine ahz u kabz ile bi’l-cümle makbuzatını bize irsal ve isal ve teslime ve icab edenlerle Rusya devlet fehimesi kanun-i mahsusi mucebince aid olduğu mehâkim ve mecalisde muhâkeme ve muhâsama ve mucâvebe ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ ve fekkine ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Kamaşnoz mahallesinden Muradoğlu Yahya Reis bin Ahmed’i kabulune mevkûfe bi’l-âsale ve bi’l-vesâye vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l yevmi’l-hâdi ve’l-ışrin min Saferi’l-hayr li sene isna selâsîne ve selâsemie ve elf. Mukabele olmuştur. Baş kâtib, kadı. Gül Ahmedoğlu Raif Efendi ibn Ahmed, Gül Ahmedoğlu Sadık Efendi ibn Ahmed. Aded 8 B: İksenit mahallesi
Lazistan Sancağı’nın merkezi olan Rize kasabası mahallâtından İksenit mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Kapselioğlu kerimesi Gülşen bint Halid meclis-i şer’-i şerif-i enverde takrir-i kelâm ve tabir-i ani’l-merâm idub babam müteveffa-yi mezbûr Halid’den mevrus ve müntakil bi’l-cümle emlak ve arazideki hisse-i irsîyeme müdahale eden vazıu’l-yed olan karındaşım müteveffa Mahmud’un veresesiyle diğer karındaşım Mustafa ve şureka-i sairesiyle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l yevmi’l-hâdi ve’l-ışrin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Tiryakioğlu Ali bin Halil, Turnaoğlu Durmuş bin İshak Aded 9 B: Salarha Likoz karyesi
Lazistan Sancağı’nın merkezi olan Rize kazası kurâsından Salarha Likoz karyesinden Kasımoğlu Salih bin Hacı Kasım meclis-i şer’-i şerif-i enverde dava vekîllerinden Abdulaziz Efendi ibn Hacı Dursun Efendi mahzarında takrir-i kelâm ve tabir-i ani’l-merâm idub li eb erkarındaşım Şakir ile beynimizde mütehaddis arazi ve emlak ve tereke ve zarar ziyan davalarından dolayı mezbûr Şakir ile vesairleri tarafından aleyhime ikame edilecek her nevi deâvîden dolayı icab edenlerle aid olduğu mehâkim-i şer’iye ve nizamiye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Abdulaziz Efendi’yi vekîl ve naib-i menab nasb u tayin eyledik dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabia aşer min Saferi’l-hayr li sene isna ve selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Sadık Hasanzâde Mehmed Efendi. Aded 10 B: Mahanca karyesi
Lazistan Sancağı’nın merkezi olan Rize kazası kurâsından Mahanca karyesinden Mizelioğlu Hacı Memiş bin Mustafa meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında takrir-i kelâm ve tabir-i ani’l-merâm idub Sahor karyesinden Köseoğlu Haşim ve rufeka-i sairesiyle beynimizde mütehaddis arazi ve emlak ve tecavüz-i hudud davalarından dolayı mezbûr Haşim ve şureka-i sairesiyle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadise aşer min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Sarı Ahmedoğlu Receb Efendi. Aded 11 B:
Petroz karyesinden Tarakcıoğlu Hafız Celal Efendi’ye
Karyenizde vâki camii-i şerifin hitabet ciheti mahlulunden uhdenize tevcih olunmak üzere iktiza eden i’lâm ve mazbatası derbar-i şevket karara arz ve inha olunmağla gerekdir ki berat-ı şerif-i âlişânın şeref vuruduna değin ifayı hüsn-i hizmet etmek üzere kıbel-i şer’iden izin ve ruhsatı hâvî işbu murasele i’tâ olundu. Fi 23 Safer sene 1332 ve fi 7 Kanun-i sani 1329
Mukabele olmuştur. Baş kâtib, kadı. Aded 12 B: Perkam karyesi
Lazistan Sancağı’nın merkezi olan Rize kazası kurâsından Perkam karyesi sakinelerinden ve zatları zeyl-i vesikada muharreru’l-esâmî müslimîn tarifleriyle muarrefe olan Şepiroğlu(?) kerimeleri Uluve ve Fatıma ve Akıle nâm-ı diğeri Akgül benat-i Bayram meclis-i şer’-i şerif-i enverde her biri takrir-i kelâm ve tabir-i ani’l-merâm idub bundan akdem vefat eden pederimiz mezbûr Bayram bin Ali’den mevrus ve müntakil bi’l-cümle arazilerdeki hisse-i müntakilelerimizi vazıu’l-yed olanlardan aid olduğu mehâkimin her derecesinde bidayeten ve iâdeten ve itirazen ve istinafen ve temyizen taleb ve dava ve tefrik u taksime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sani ve’l-ışrin min Saferi’l-hayr li sene isna ve selâsîne ve selâsemie ve elf. Mukabele olmuştur. Baş kâtib, kadı. Küçük Hasanoğlu Hasan bin Mehmed, Küçük Hasanoğlu Mehmed Vehbi Efendi ibn Mahmud. Aded 13 B: Salarha Kapnes
Lazistan Sancağı’nın merkezi olan Rize kazası kurâsından Salarha Kapnes karyesinden Hutoğlu Şaban bin Osman meclis-i şer’i münîrde karye-i merkûmeden zatı isimleri zabt-ı ceridesinde muharreru’l-esâmî müslimîn tarifleriyle muarrefe olan Kürdoğlu kerimesi Fatıma bint Timür Ali muvacehesinde mezbûre Fatıma altı seneden beri ikibin kuruş mehr-i müeccel tesmiyesiyle zevce-i menkuhe-i medhul-i bihâm olduğu halde bir müddetten beri hukuk-i zevciyete italet ve bana mürâât etmemekte olduğundan mesken-i şer’îme gelerek itaat ve inkiyadına tenbih olunmak matlubumdur deyu dava ve lede’s-sual mezbûre Fatıma dahi cevabında müddeî merkumun ber vech-i muharrer zevce-i menkuhe-i medhul-i bihâsı olduğunu ikrar ve badema zevc-i merkum itaat ve inkiyad edeceğini itiraf ve beyan itmekle mucebince zevc-i müddeî mezbûr Şaban’ın mesken-i şer’îsine giderek zevc-i merkum Şaban’a itaat ve inkiyada mezbûre Fatıma’ya tenbih olunduğu tescîl ve i’lâm olundu. Fi’l-yevmi’s-sâlis ve’l-ışrin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Aded 14 B: Babik mahallesi
Tahakkuk-i özr-i şer’iye mebni Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye ikinci kâtibi Hafız Rahmi Efendi ibn Hafız Mahmud Efendi Lazistan Sancağı’nın merkezi olan Rize kasabası mahallâtından Babik mahallesinden vâki Cezairlizâde Hüseyin Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde menzil-i mezkûrde sakin Beşikcizâde Muhiddin Efendi ibn Hacı Ahmed Efendi ile zatı müslimin-i mezbûrun tarifleriyle muarrefe olan Beşikcizâde kerimesi Saliha Hanım bint mezbûr Hacı Ahmed Efendi meclis-i şer’i mezkûrda her biri ikrar-ı tam ve takrir-i kelâm idub mezbûre Refika Hanım bint Hacı İbrahim Efendi’den mevrus ve müntakil Mapavri nahiyesinin Zancel karyesinde vâki her biri mahallinde beyne’l-ahâlî ve’l-cîrân malûm ve müteârefu’l-hudud üç kıta ve Zancel civarında Galata karyesinde vâki kezalik mahallinde beyne’l-ahâlî ve’l-cîrân malûm ve müteârefu’l-hudud bir kıta ki ceman dört kıta arazilerdeki hisse-i müntakilemizi vazıu’l-yed karye-i merkûmeden Şerifoğulları İsmail ve Mustafa ve Hüsnü ve Fevzi ve li ebeveyn kız karındaşları Hatice ve Rasiye benun-i Hacı İbrahim’den aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava-i muhâkeme ve muhâsama ve mucâvebe ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve muamele-i intikaliyelerini bi’l icrâ ve lede’l-iktiza arazi-i mezkûredeki hisse-i şayıa veya musibemizi talibi zuhurunda bedel-i misilleriyle memuru huzurunda talibine bey’ u ferağ ve teslime ve bedel-i misillerini ahz u kabz ile makbuzatını bize i’tâ ve teslime ve evrak-ı lazımesini imza ve tahtîme ve takrirlerini i’tâya ve müdahaleye kıyam eden olur ise onlarla da muhâkeme ve muhasemeye ve’l-hâsıl hukuk-i şahsiye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Şabanzâde Mehmed Efendi ibn Sabit Efendi’yi kabulune mevkûfe vekîl ve naib-i menab nasb u tayin eyledik dediklerini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Saferi’l-hayr li sene isna ve selâsîne ve selâsemie ve elf. Mukabele olmuştur. Baş kâtib, kadı. Beşikcizâde Kerim Efendi, Beşikcizâde Mehmed Efendi, Cezairlizâde Bahaddin Efendi. Aded 15 B: Babik mahallesi
Tahakkuk-i özr-i şer’iye mebni Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Babik mahallesinden vâki Hacı Osman Efendizâde kerimesi Rukiye bint Hacı Mustafa Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde menzil-i mezkûrda sakine zatı müslimin-i mezbûrun tarifleriyle muarrefe olan mezbûre Rukiye ve İffet ve Raife ve Emine benat-i mezbûr Hacı Mustafa Efendi meclis-i makud-i mezkûrde Hacı Osman Efendizâde Osman Efendi ibn Hafız İbrahim Efendi mahzarında her biri ikrar-ı tam ve takrir-i kelâm idub bundan akdem vefat eden pederimiz mezbûr Hacı Mustafa Efendi’den mevrus ve müntakil Mapavri nahiyesinin pazarında vâki malûm ve müteârefu’l-hudud iki bab mülk dükkan ile Palodya karyesinde kâin bir bab mülk-i menzil ve mezkûr Palodya ve Hulo(?) ve Yaka karyelerinde kâin bi’l-cümle arazilerdeki hisse-i irsîye ve müntakilemizi semen ve bedel malûm ve makbuzumuz mukabelesinde karındaşımız Hacı Hafız Osman Efendi’ye memuru huzurunda bey’ u ferağ ve temlik ve tefviz ve teslime ve takrirlerini i’tâya ve imzasıyla evrak-ı lazımesini tanzîm ve tahtîme ve muamele-i saire-i mukteziyeleri icrâ ve îfâya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Osman Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi dediklerini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Mataracızâde Ömer Efendi, Yazaroğlu Mahmud Usta, Mataracızâde Salih Efendi bin Hacı Hafız Hüseyin Efendi. Aded 16 B: Peşeyan mahallesi
Tahakkuk-i özr-i şer’iye binaen Zikr-i âtî hususun mahallinde ketb u tahrir içun canib-i şeriat-i ğarradan irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Peşeyan mahallesinde vâki Zırhzâde müteveffa Abbas Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde Zırhzâde müteveffa Galib Efendi ibn mezbûr Abbas Efendi’nin validesi zatı müslimin-i mezbûrun tarifleriyle muarrefe olan Zeliha bint Hacı Mustafa ile sadriye-i kebire kızları marifetu’z-zat Zehra ve Emine bintan-i mezbûr Abbas Efendi meclis-i makud-i mezkûrde her biri takrir-i kelâm ve tabir-i ani’l-merâm idub murisimiz müteveffa-yi mezbûr Galib zımem-i nasda olan alacağını medyunlardan aid olduğu mehâkim-i şer’iye ve nizamiyenin her bir kısmı ve derecesinde bidayeten ve iâdeten ve itirazen ve istinafen ve temyizen taleb ve dava ve hisse-i irsîyemizi ahz u kabz ile makbuzatını bize i’tâ ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce isbat-ı verâset iddiasına sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi kabulune mevkûfe vekîl ve naib-i menab nasb u tayin eyledik dediklerini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Türüdoğlu Yusuf bin Reşid, Kalamozluoğlu Mehmed Efendi ibn Osman. Aded 17 B: Mağaloz karyesi
Lazistan Sancağı’nın merkezi olan Rize kazası kurâsından Mağaloz karyesinden iken bundan sekiz sene mukaddem vefat eden Hacı Abdullahoğlu Ömer Kaptan ibn Mehmed’in ber vechi varisi olduğunu iddia eden sulbî kebir oğlu Cafer meclis-i şer’-i şerif-i enverde müteveffa-yi mezbûrun medyuni Hüseyin Efendi ibn Abdulhamid Efendi mahzarında üzerine dava ve takrir-i kelâm idub pederim müteveffa-yi mezbûr Kaptan’ın verâseti benimle zevce-i menkuhe-i metrukesi Ayşe bint Reşid ve sulbî kebir diğer oğulları Mehmed ve Tayyar ve Abdulhamid ve Tevfik ve Rıdvan ve sulbîye-i kebire kızı Fatıma’ya munhasıra ve badehu li ecli’l kısmet mezbûr Mehmed dahi vefat idub verâseti zevce-i menkuhe-i metrukesi Rabia bint Mustafa ve sulbîye-i kebire kızları Asiye ve Sabire ve benimle mezbûr Mehmed li ebeveyn erkarındaşlar olub babamız ismi mezbûr Ömer ve dedemiz ismi mezbûr Mehmed ve validemiz ismi müteveffat Ayşe bint Abdullah ve meskat-i ra’simiz mezkûr Mağaloz karyesi olub ol vechile bana ve li ebeveyn diğer erkarındaşlarımız mezbûrun ve Abdulhamid ve Tevfik ve li ebeveyn kız karındaşımız mezbûre Fatıma’ya munhasıra ve tashih-i mesele-i mirasları bi hükmi’l feraiz binellialtı sehmden olub siham-ı mezkûreden yüzotuziki sehmi zevce-i mezbûre Ayşe’ye ve yüzaltmışsekiz sehmi mezbûr Rıdvan’a ve yirmibir sehmi zevce-i mezbûre Rabia’ya ve ellialtışar sehmden yüzoniki sehmi mezbûretan Asiye ve Sabire’ye ve yüzyetmişsekiz sehmden beşyüzotuzdört sehmi mezbûr Tayyar ve Abdulhamid ve Tevfik’e ve seksendokuz sehmi mezbûr Fatıma’ya isabet etmekle başka varisi ve terekelerine mustahik-i ahar kimesneleri olmamağla murisimiz müteveffa-yi ol mezbûr Ömer Kaptan’ın hayatında mezbûr Hüseyin zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan mesele-i mirasımız vecihle hisse-i irsîyemi bana eda ve îfâya mezbûr Hüseyin Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi ol mezbûr a ol mikdar kuruş zimmetinde halen deyni olduğunu taven ikrar maada müddeî mezbûrun ber vech-i muharrer verâset müddeâsı malûmum değildir deyu inkar etmekle müddeî mezbûr Cafer ber vech-i muharrer verâset müddeâsını evvelen ba veraka-i mesture mensub oldukları Hortoz mahallesi imamı Muradoğlu Ali Efendi ve muhtar-ı evveli Eyüboğlu Ali bin Mehmed ve Arğaloz karyesi imamı Hacı Ali Reşid bin Yakub ve muhtar-ı sanisi Alemdaroğlu Şakir Efendi’den sirren ve badehu müterâfian hazır oldukları halde Hantaloğlu Şaban bin Abdulkadir ve Elhazoğlu Abdullah bin Süleyman ve ? Ömeroğlu Abdülhamid bin Osman ve Karoğlu Mustafa Efendi ibn Salih’ten bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûran ile verese-i mezbûr uni arifan olan mezkûr Hortoz mahallesi ahalisinden Rakıcıoğlu Kaşif Efendi ibn Hacı Ömer ile mezkûr Arğaloz karyesinden Bereoğlu Memiş bin Mustafa nâm kimesnelerin kezalik bi’l-muvacehe ber nehc-i şer’i tafsil-i mezkûr üzerine şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan müddeî mezbûr Cafer ile zatları zeyl-i vesikada muharreru’l-esâmî müslimîn tarifleriyle muarrefe olan mezbûrât Asiye ve Sabire ve Fatıma meclis-i makud-i mezkûrde her biri bi’l-verâse takrir-i kelâm ve tabir-i ani’l-merâm idub murisimiz müteveffa-yi ol mezbûr Ömer Kaptan’dan ber vechi verâset irs ve intikal eden Dersaadet’te Fatih civarında Çırakcı mahallesinde vâki sened-i hakaniye merbut mea müştemilat bir bab menzildeki hisse-i irsîyemizi semen-i misliyle talibine memuri huzurunda bey’ ve temlik u teslime ve semenini ahz u kabz ve takririni i’tâ ve imzasıyla evrak-ı lazımeyi tanzîm ve tahtîme ve makbuzatını bize irsal ve isal ve teslime ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Dersaadet’te Seyr-i Sefain kumpanyasının Bandırma vapuru süvarisi Rize’li Güvelioğlu Hüseyin Kaptan ibn Yusuf’u kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’l aşir min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Elhazoğlu Abdullah, Rakıcıoğlu Kaşif Efendi, Karagözoğlu Memiş bin Mustafa. Aded 18 B: Yapraklar karyesi
Lazistan Sancağı’nın merkezi olan Rize kazası kurâsından Yapraklar karyesinden Metozâde Bekir Efendi ibn Mehmed Efendi ile zatı zeyl-i vesikada muharreru’l-esâmî müslimîn tarifleriyle muarrefe olan zevce-i menkuhesi Zehra bint Hasan Efendi meclis-i şer’-i şerif-i enverde her biri takrir-i kelâm ve tabir-i ani’l-meram idub aleyhimize ikame olunan katl ve cerh ve alacak ve emlak ve arazi vesair her nevi deâvîden dolayı aid olduğu mehâkim-i şer’iye ve nizamiyenin hukuk ve ceza dairelerinde icab edenlerle müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve bizim her hakkımızı lazım gelenlerden taleb ve dava ve ahz u kabza ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve hacz vaz’ u fekkine ve icrâya ve lede’l-hâce isbat-ı verâset iddiasına ve’l-hâsıl leh ve aleyhimizde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile dava vekîllerinden Mehmed Şevket Efendi ibn Haşim Efendi ile Abdulhamid Efendi ibn Abdulkerim’i münferiden ve müctemian kabullerine mevkûfe icra-i vekâlete mezun olarak vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’l-hadi ve’l-ışrin min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Zırhzâde Hacı Şaban Efendi ibn Hacı Hasan, Tuzcuzâde Abdulvehhab Efendi ibn Hurşid Efendi. Aded 19 B: Yeniköy mahallesi
Lazistan Sancağı’nın merkezi olan Rize kasabası mahallâtından Yeniköy mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Yanıkoğlu nâm-ı diğeri Terzioğlu kerimesi Vesile bint İslâm meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Sahor karyesinden Pehlivanoğlu Ali bin Salih bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf nafaka farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu ve Zikr-i âtî meblağ dahi kadr-i marûf idugi mahalle-i mezkûre muhtar ve muhtar-ı sanisi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mezbûre bade’t-tahlif’i şer’i mucebince nafaka ve kisve bahâ vesair levazım-ı zaruriyesi içun zevci gaib-i mezbûr üzerine işbu tarihten itibaren beher şehrî elli kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûre Vesile’ye kıbel-i şer’iden izin verildiği ma vekaa bi’t-taleb ketb olundu. Fi’l-yevmi’s-sabi min Saferi’l-hayr li sene isna ve selâsîne ve selâsemie ve elf.
Mukabele olmuştur. Baş kâtib, kadı. Yanıkoğlu Rıdvan bin Mustafa, Çaklıoğlu Cafer bin Mustafa. Aded 20 B: Peşeyan mahallesi
Lazistan Sancağı’nın merkezi olan Rize kasabası mahallâtından Peşeyan mahallesinden Kazancızâde İbrahim ve Ahmed Efendi’ler ibnan-i Abdulhamid Efendi meclis-i şer’-i şerif-i enverde her biri ikrar-ı tam ve takrir-i kelâm idub aleyhimize ikame olunan darb ve itale-i lisan davalarından dolayı icab edenlerle aid olduğu mehâkim-i cezaiyenin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve irae-i şuhûd ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl hukuk-i şahsiyye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şeriye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-samin min şehr-i Rebii’l-evvel li sene isna ve selâsîne ve selâsemie ve elf.
Mukabele olmuştur. Baş kâtib, kadı. Muhzır İbrahim Efendi, Karaahmedoğlu Receb Efendi. Aded 21 B: Kura-i Seba nahiyesinin Varda karyesi
Lazistan Sancağı’nın merkezi olan Rize kazası nevâhîsinden Kura-i Seba nahiyesinin Varda karyesi ahalisinden olub Asakir-i Beniyye-i Şahane alay müftüsü iken bundan akdem vefat eden Alemdaroğlu Hacı Receb Efendi ibn Mehmed’in verâseti zevce-i menkuhe-i metrukeleri Fatıma bint Hacı Yusuf ve Zehra bint Ahmed ile zevce-i mezbûre Fatıma’dan mütevellide sulbî sağir oğulları Şaban ve Ramazan ve Muharrem ve mezbûre Zehra’dan mütevellid sulbîye-i sağire kızı Fatıma’ya munhasıra olduğu ol babda tanzîm olunan defter-i kassamı üzerine bi’l-ihbar lede’ş-şer’il enver zâhir ve mütahakkık olduktan sonra verese-i mezbûrundan zatı zeyl-i vesikada muharreru’l-esâmî müslimîn tarifleriyle muarrefe olan zevce-i mezbûre Zehra bint Ahmed ile sağire-i mezbûre Fatıma’nın kıbel-i şer’iden ba hüccet-i şer’iye mensub ve vasisi min kıbeli’l üm ceddi Timürcioğlu Ahmed bin Receb meclis-i şer’-i şerif-i enverde her biri bi’l-âsale ve bi’l-vesâye takrir-i kelâm ve tabir-i ani’l-merâm idub mütevaffay-i muma ileyh Hacı Receb Efendi’nin Dersaadet’te Ayazma’da keresteci tüccarından Aynacıoğlu İlyas Efendi zimmetinde basened-i matlubatı olan yüz aded Osmanlı lirası ile müterakim faizinden bizim hisse-i irsîyemizi mezbûr İlyas Efendi’den aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabz ve makbuzatını bize irsal ve isal ve teslime ve muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve mümeyyiz ve hâkim ve ehl-i vukuf tayin ve azline ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Dersaadet’te Kasımpaşa’da Tersane-i Amire’de müstahdem Rize’li Sakioğlu Abdulhamid Onbaşı ibn İsmail Ağa’yı kabulune mevkûfe bi’l-verâse ve bi’l-vesâye vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’l-hamis min şehr-i Rebii’l-evvel li sene isna ve selâsîne ve selâsemie ve elf.
Mukabele olmuştur. Baş kâtib, kadı. Bakıroğlu Sefer bin Ali, Bakıroğlu Kaşifoğlu Ali. Aded 22 B: Fosa karyesi
Fosa karyesinden olub hizmet-i askeriyede iken vefat eden Mürseloğlu Yakub bin Ali’nin verâsetinin subutuna dair tanzîm olunan ilamdır.
Müteveffa-yi merkum Yakub bin Ali’nin verâseti anası Gülizar bint Hasan ile zevce-i menkuhe-i metrukesi Nokta bint Şaban ve li ebeveyn erkarındaşları Mahmud ve Abdulhamid ve İlyas ve li ebeveyn kız karındaşları Fatıma ve Havva’ya munhasıra ve badehu mezbûr İlyas dahi vefat idub verâseti anası mezbûre mezbûr Gülizar ile li ebevyn erkarındaşları mezbûrun Mahmud ve Abdulhamid ve li ebeveyn kız karındaşları mezbûrât Havva ve Fatıma’ya munhasıra olduğu mahzar-i hasım-ı cahidde dava-i sahiha zımnında ber nehc-i şer’i sabit ve subut ve sübut-i verâsetlerine hükm-i şer’i lâhik olub mesele-i mirasları bi hükmi’l feraiz binyediyüzyirmiyedi sehmden olub siham-ı mezkûreden dörtyüzyetmişdört sehmi mezbûre Gülizar’a ikiyüzseksensekiz sehmi mezbûre Nokta’ya ve üçyzotuziki sehmi mezbûr Mahmud’a ve üçyüzotuziki sehmi mezbûr Abdulhamid’e ve yüzaltmışbir sehmi mezbûre Havva’ya ve yüzaltmışbir sehmi dahi mezbûre Fatıma’ya isabet eylediği i’lâm olundu. Fi 8 Rebii’l-evvel sene 1332 ve fi 21 Kanun-i sani 1329.
Mukabele olmuştur. Baş kâtib, kadı. Aded 23 B: Kandeva karyesi
Kandeva karyesinden olub hizmet-i askeriyede iken vefat eden Emir Ahmedoğlu Salih bin Yunus’un verâsetinin subutuna dair tanzîm olunan ilamdır. Müteveffa-yi merkum Salih bin Yunus’un verâseti babası merkum Yunus ile anası Saide bint Memiş ve varis olmayan karındaşları Ali ve Hakkı’ya munhasıra olduğu mahzar-ı hasım-ı cahidde ber nehc-i şer’i sabit ve sübut-i verâsetlerine hükm-i şer’i lâhik ve mesele-i mirasları bi hükmi’l feraiz altı sehmden olub siham-ı mezkûreden bir sehmi mezbûre Saide’ye ve beş sehmi merkum Yunus’a isabet etmiş bulunduğu i’lâm olundu. Fi 8 Rebii’l-evvel sene 1332 ve fi 21 Kanun-i sani 1329.
Mukabele olmuştur. Baş kâtib, kadı. Aded 24 B: Hanes karyesi
Lazistan Sancağı’nın merkezi olan Rize kazası kurâsından Hanes karyesinden Mustununoğlu Osman bin Mahmud meclis-i şer’i münîrde Petran karyesinden Bektaşoğlu Mustafa bin Tufan hazır olduğu halde Filarğanoz karyesi sakinelerinden isimleri zabt ceridesinde muharreru’l-esâmî müslimîn tarifleriyle muarrefe olan İnceninoğlu kerimesi Hafize bint Mehmed muvacehesinde sekiz seneden beri mezbûre Hafize beşyüz kuruş mehr-i müeccel tesmiyesiyle zevce-i menkuhe-i medhul-i bihâm olduğu halde ahiren nefsini hilaf-ı meşru olarak müddeâ aleyh mezbûr Mustafa’ya tezvic ve teslim ile beyinlerinde muamele-i zevciyet cari olduğundan beyinlerinin tefrikiyle mesken-i şer’îye gelib kel evvel itaat ve inkiyadına mezbûre ile merkum Mustafa’dan her birine tenbih olunmak matlubumdur deyu dava ve lede’s-sual mezbûre Hafize dahi cevabında fi’l-hakika tarih-i mezkûrdan beri ol mikdar mehr-i müeccel tesmiyesiyle müddeî merkumun zevce-i menkuhe-i medhul-i bihâsı olduğunu ikrar ve itiraf idub ancak zevcim merkum Osman üçyüzyirmisekiz senesi temmuzunun yirmisekizinci günü Batum kasabasında Delioğlu Arif ve Velioğlu Sefer Ağa’lar hazır huzurlarında başka kimesne olmadığı halde bir talak ile beni tatlik ve sakin bulunduğum mezkûr Batum kasabasından buraya iğzam ettikten sonra iddetim münkadıye olarak sene-i merkum kanun-i saninin ibtidası tarihinde nefsimi mahzarı şuhudda ikiyüzelli kuruş mehr-i müeccel tesmiyesiyle merkum Mustafa’ya tezvic ve tenkih ve bihakkın teslim eylediğimden müddeî merkumun iddiasının reddini taleb ederim deyu merkum Mustafa’nın tasdikiyle bade’d def’ ve’s-sual müddeî merkum Osman mezbûrenin talak müddeâsını küllîyen inkar eylemesiyle müddeâ aleyha-i mezbûre talak müddeâsını şahidan-ı merkumanın Rusya’da olub ikametgahları mechuli ve olsa bile ikame edemeyeceğini beyanla isbat-ı beniyyeden izhar-ı aczle talib-i tahlîf olduğuna binaen ber mûceb-i taleb müddeî merkum Osman’a ber nehc-i şer’i tahlîf olmağla mucebince nikâh-ı saninin feshiyle bade inkiyadi’l idde nefsini kel evvel zevci müddeî Osman’a teslime mezbûre Hafize’ye ve merkum Mustafa’dan her birine tenbih olunduğu tescîl ve i’lâm olundu. Fi’l-yevmi’s-sabi min şehr-i Rebii’l-evvel li sene isna ve selâsîne ve selâsemie ve elf.
Mukabele olmuştur. Baş kâtib, kadı. Aded 25 B: Mevlid-i şerif ilamı
Mahbub-i Güzin-i hüda şafi-i yegane-i rûz-i ceza misbah-i alem efruz-i risalet hace-i kainat ve zübde-i mahlukat ve mevcudat aleyhi efdalu’s salavat efendimiz hazretleri yarınki yani önümüzdeki bu pazar gecesi rahm-i mader-i gûher buruden şeref bahş ve binûr ve saadet zübde-i bezm-i şuhûd oldukları leyle-i mübareke olduğu cihetle şeref-i Ahmedi ve şan-ı celil-i Muhammedilerini tebcilen bi’l umum cevami ve mesacid ve minarat-ı şerifenin ikad-ı kanadil ile tenvir ve tezyin olunması zımnında belediyeye havale buyurulması arz ve i’lâm olundu el emr li men lehu’l emr fi 11 Rebii’l-evvel sene 1332.
Mukabele olmuştur. Baş kâtib, kadı. Aded 26 B: Sakrık karyesi
Lazistan Sancağı’nın merkezi olan Rize kazası kurâsından Sakrık karyesi sakinelerinden zatı zey-i vesikada muharreru’l-esâmî müslimîn tarifleriyle muarrefe olan Fettahoğlu kerimesi Cemile bint Hasan meclis-i şer’i enverde takrir-i kelâm ve tabir-i ani’l-merâm idub halen zevc-i dahilim olan karye-i mezkûreden Fettahoğlu Şaban bin Abdulaziz bundan akdem benimle firaşından hasıla ve benden mütevellid ? sulbî sağir oğulları Hasan ile Mustafa sulbîye-i sağire kızı Seyare’yi bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf nafaka farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve ve bahâ vesair levazım-ı zaruriyeleri içun işbu tarihten itibaren beher şehrî dördüne ceman yüzyirmi kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûre Cemile’ye kıbel-i şer’iden izin verilmegin ma vekaa bi’t-taleb ketb olundu. Gurre-i Rebii’l-evvel li sene isna ve selâsîne ve selâsemie ve elf. Mukabele olmuştur. Baş kâtib, kadı. Sakrık karyesinden Bakıroğlu Sefer bin Ali, Umma karyesinden Sarıoğlu Şaban bin Mahmud. Aded 27 B: Fosa karyesi
Lazistan Sancağı’nın merkezi olan Rize kazası kurâsından Fosa karyesi ahalisinden iken bundan iki buçuk mah-i mukaddem Romanya memalikinin İsakca(?) kasabasında vefat eden Terzioğlu Hüseyin bin Yusuf ibn Abdullah’ın ber vechi ati varisi olduğunu iddia eden sulbî kebir oğlu Yusuf meclis-i şer’-i şerif-i enverde müteveffa-yi mezbûrun medyuni Peşayan mahallesinden Molla Ömerzâde Hacı Ahmed Efendi ibn Hacı Ali Efendi mahzarında takrir-i kelâm ve tabir-i ani’l-merâm idub pederim müteveffa-yi mezbûr Hüseyin’in verâseti benimle sulbî kebir diğer oğlu Hasan’a munhasıra olub bizden başka varisi ve terekesine mustahik-i ahar kimesnesi olmamağla pederim müteveffa-yi mezbûrun hayatında mezbûr Hacı Ahmed Efendi zimmetinde cihet-i karzdan alacak hakkı olan elli kuruşu kable’l-ahz ve’l-istifa vefat etmekle meblağ-ı mezkûrun ber mûceb-i mesele-i miras hisse-i irsîyem olan yirmibeş kuruşu bana eda ve îfâya mezbûr Hacı Ahmed Efendi’ye tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar maada müddeî mezbûrun ber vech-i muharrer verâset müddeâsı malûmum değildir deyu inkar etmekle müddeî mezbûrun ber vech-i muharrer verâset müddeâsını evvelen ba veraka-i mesture mensub oldukları mezkûr Fosa karyesi imamı Sadıkoğlu Hasan ile heyet-i ihtiyariyesinden Hasan Hilmi ve Kalelioğlu Mikdad’dan sirren ve badehu müterâfian hazır oldukları halde Terzioğlu Mehmed ve Kazancıoğlu Süleyman bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve verese-i mezbûran ile müteveffa-yi mezbûr i arifan olan mezkûr Fosa karyesinden Kurdoğlu Mehmed bin Ali ile Kurdoğlu İslâm bin İsmail nâm kimesnelerin tafsil-i mezkûr üzere bi’l-muvacehe ber nehc-i şer’i eda-i şahadetleriyle isbat itmegin mucebince subut li ebeveyn erkarındaşı müddeî mezbûr Yusuf mahzarında takrir-i kelâm ve tabir-i ani’l-merâm idub pederimiz ve murisimiz müteveffa-yi mezbûrun hıyn-i vefatında nezdinde bi’l-cümle terekesiyle zimem-i nasda olan matlubatından benim hisse-i irsîyemi icab edenlerden mahalli hükümetinin kavanin-i mucebince mevzuasına tevfiken aid olduğu mehâkim ve mecalisin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabz ile bi’l-cümle makbuzatını bana irsal ve isal ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile karındaşım mezbûr Yusuf’u vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Likzâde Hafız İlyas Efendi. Aded 28 B: Kohser-i Ulyâ karyesi
Lazistan Sancağı’nın merkezi olan Rize kazası nevâhîsinden Kura-i Seba nahiyesinin Kohser-i Ulyâ karyesinden şahs-ı zeyl-i vesikada muharreru’l-esâmî müslimîn tarifleriyle muarrefe olan İnceninoğlu Ahmed bin Yusuf meclis-i şer’-i şerif-i enverde ikrar-ı tam ve takrir-i kelâm idub iki seneden beri bin kuruş mehr-i müeccel tesmiyesiyle zevce-i menkuhe-i medhul-i bihâm olan karye-i merkume sakinelerinden İnceninoğlu kerimesi Zinnet bint İbrahim sütkarındaşım İbrahim’in kerimesi olduğu ahiren malûmatı olanlar tarafından haber verilmeğe lede’t tahkik bu vecihle sütkarındaşımın kerimesi olduğu anlaşılıb bu hususta bana tayin geldiği ve bunun hakikat olmasında ısrar eylediğim cihetle mezbûre fima ba’d bana haram olmağla beraber benden mutallaka hükmünde olsun dedikte ma vekaa bi’t-taleb ketb olundu. Fi’l-yevmi’s-sani min şehr-i Rebii’l-evvel li sene isna ve selâsîne ve selâsemie ve elf. Baş kâtib, kadı. Şemedanoğlu Hüseyin Efendi ibn Hacı Behram, Hacı İbrahimoğlu Hacı Salih bin İbrahim, Hokonunoğlu Mustafa bin Dursun. Aded 29 B: Mapavri’nin Mamul karyesi
Lazistan Sancağı’nın merkezi olan Rize kazası nevâhîsinden Mapavri nahiyesinin Mamul karyesinden iken bundan akdem vefat eden Morgüloğlu Ali bin Abdulkadir’in ber vechi ati varisi olduğunu iddia eden babası mezbûr Abdulkadir meclis-i şer’-i şerif-i enverde müteveffa-yi mezbûrun medyuni Mehmed Efendi ibn Ahmed Efendi mahzarında takrir-i kelâm ve tabir-i ani’l-merâm idup oğlum müteveffa-yi mezbûrun verâseti benimle anası Zekiye bint Ahmed ve verâseti olmayan li ebeveyn erkarındaşları Osman ve Mustafa’ya munhasıra ve mesele-i mirasları bi hükmi’l feraiz altı sehmden olub bir sehmi mezbûre Zekiye’ye ve beş sehmi mezbûr Abdulkadir’e isabet eylediği anlaşılmağla ve başka varisi ve terekesine mustahik-i ahari olmamağla oğlum müteveffa-yi mezbûrun hayatında mezbûr zimmetinde cihet-i karzdan alacak hakkı olan yirmidört kuruş kable’l-ahz ve’l-istifa etmekle meblağ-ı mezkûrdan ber mûceb-i mesele-i miras hisse-i irsîyem olan onsekiz kuruşu bana eda ve îfâya mezbûr Mehmed Efendi’ye tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub maada müddeî mezbûrun ber vech-i muharrer verâset müddeâsını inkar etmekle müddeî mezbûr Abdulkadir ber vech-i muharrer verâset müddeâsını evvelen ba veraka-i mesture mensub oldukları mezkûr Mamul karyesi imamı Durmuş ve muhtar-ı evveli Zelkifl’den sirren ve badehu müterâfian hazır oldukları halde Simsaroğlu Ali bin Ahmed ve karındaşı Temel’den alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûr ile verese-i mezbûr uni arifan olan mezkûr Mamul karyesinden Şamlıoğlu Ali bin Abdulhamid ile karyeden Simsaroğlu Emrullah ibn Osman nâm kimesnelerin tafsil-i mezkûr üzere ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan müddeî ebu’l mezbûr Abdulkadir ile zatı zeyl-i vesikada muharreru’l-esâmî müslimîn tarifleriyle muarrefe olan ümmü’l-mezbûre Zekiye meclis-i makud-i mezkûrde her biri takrir-i kelâm ve tabir-i ani’l-merâm idub oğlumuz ve murisimiz müteveffa-yi mezbûrun hayatında ihtiyat bedeli nakdiyesi olan mebaliğ-i malûmeyi Dersaadet’te Üsküdar Fener memuru İlyas Efendi i’tâ ettikten sonra kable’t terhis oğlumuz mezbûr Ali’nin vefat-ı vukuuna mebni meblağ-ı mezkûri muracca’ ve memurundan istirdad ve ahz u kabz ile makbuzatını bize irsal ve isal ve teslime ve imzasıyla istid’â ve lâyıha tanzîm ve takdîmine ve tahtîmine ve lede’l-iktiza icab edenlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve istinaf ve temyiz dava ve taleb-i icrâ ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh İlyas Efendi ibn Ahmed Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-samin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Terzioğlu Zelkifl bin Salih, Mehmed Alioğlu İbrahim bin Yusuf. Aded 30 B: Liparit karyesi
Lazistan Sancağı’nın merkezi olan Rize kazası kurâsından Liparit karyesi ahalisinden iken bundan kırk sene akdem vefat eden Yahyaoğlu Ahmed bin Hasan’ın ber vechi ati bi tariki’l-münasaha varisi olduğunu iddia eden sulbî kebir oğlu Bayram’ın Zikr-i âtî isbat-ı verâset iddiasına vekîl-i şer’isi dava vekîllerinden Arif Efendi ibn Tevfik Efendi meclis-i şer’i münîrde müteveffa-yi mezbûrun medyuni teba-i devlet-i âliyenin Rum milletinden Bayrakdaroğlu Vasil Efendi ibn Yani muvacehesinde bi’l-vekâle üzerine dava ve takrir-i kelâm idub müteveffa-yi mezbûr Ahmed’in verâseti zevce-i menkuhe-i metrukesi Şuşika bint Abdullah ile sulbî kebir oğulları Abdulkerim ve müvekkilim Bayram ve sulbîye-i kebire kızları Cemile ve Ayşe’ye munhasıra ve badehu ibnu’l-mezbûr Abdulkerim vefat idub verâseti zevce-i menkuhe-i metrukesi Zülfiye bint Osman ile anası mezbûre Şuşika ve li ebeveyn erkarındaşı müvekkilim mezbûr Bayram ve li ebeveyn kız karındaşı mezbûre Cemile Ayşe’ye munhasıra ve badehu ümmü’l-mezbûre Şuşika vefat idub verâseti sadriy kebir oğlu müvekkilim mezbûr Bayram ile sadriye-i kebire kızları mezbûre Cemile Ayşe ve Meryem ve Şahsene’ye munhasıra ve tashih-i mesele-i mirasları bi’l-münasahati’ş-şer’iye üçbinaltıyüz sehmden olub siham-ı mezkûrdan üçyüzonbeş sehmi zevce-i mezbûre Zülfiye’ye ve ikibinondört sehmi müvekkilim mezbûr Bayram’a ve binyedi sehmi bintu’l-mezbûre Ayşe Cemile’ye ve yüzotuzikişer sehmden ceman ikiyüzaltmış dört sehmi mezbûretan Meryem ve Şahsene’ye isabet idub başka varisi ve terekelerine mustahik-i ahar kimesneleri olmamağla müteveffa-yi al mezbûrun hayatında mezbûr Vasil zimmetinde cihet-i karzdan alacak hakkı olan kırksekiz kuruşu kable’l-ahz ve’l-istifa vefat etmekle meblağ-ı mezkûrdan müvekkilim mezbûr Bayram’ın hisse-i irsîyesini bana eda ve teslime mezbûr Vasil Efendi’ye tenbih olunmak bi’l-vekâle matlubumdur deyu dava ve lede’s-sual ol dahi cevabında fi’l-hakika müteveffa-yi ol mezbûre ol mikdar kuruş zimmetinde halen deyni olduğunu taven ikrar ve itiraf idub maada vekîl-i muma ileyhin ber vech-i muharrer verâset müddeâsını inkar etmekle vekîl-i muma ileyh ber vech-i muharrer verâset müddeâsını evvelen ba veraka-i mesture ve şahidan-i müstemianın muhtar-ı sani ve muhtar-ı evveli olmalarına binaen mezkûr Liparit karyesi heyet-i ihtiyariyesinden Sakrıklıoğlu Halid ve Sarı Mustafaoğlu İzzet ve Hacı Efendioğlu Receb’den sirren ve badehu tarafeyn hazır oldukları halde şahidan-ı müstemianın li ecli’t ticare diyar-ı ahara gittikleri karye-i merkûmeden mevrud ilmuhaberden müstebân olmasına binaen onların gıyabında Beşiroğlu İbrahim bin Ali ve Velioğlu Ahmed bin Süleyman’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûrun ve verese-i mezbûr uni arifan olan mezkûr Liparit karyesinden Genç Alioğlu İbrahim Efendi ibn Süleyman ile karye-i mezkûreden Hacı Efendioğlu Ali bin Mustafa nam-ı kimesnelerin kezalik bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince verâsetlerine bade’l-hükm müddeâ bih meblağdan müvekkil-i mezbûrun hisse-i irsîyesini mikdarını vekîl-i muma ileyhe eda ve teslime müddeâ aleyh mezbûr Vasil Efendi’ye tenbih olunduğu tescîl ve i’lâm olundu. Fi’l-yevmi’s-sabi min şehr-i Rebii’l-evvel li sene isna ve selâsîne ve selâsemie ve elf. Baş kâtib, kadı.
Aded 31 B: Varankoz karyesi
Lazistan Sancağı’nın merkezi olan Rize kazası kurâsından Varankoz karyesinden Kukucoğlu Hüseyin Efendi ibn Ahmed ile zatı zeyl-i vesikada muharreru’l-esâmî müslimîn tarifleriyle muarrefe olan Kukucoğlu müteveffa Osman Efendi’nin sağir oğulları Ahmed ve Latife ve Havva ve Naciye ve Zinet’in üçyüzotuz sene-i hicriyesi muharremu’l-haramın yirmialtıncı günü tarihli bir kıta hüccet mucebince vasileri bulunan valideleri Meryem bint Mehmed meclis-i şer’-i şerif-i enverde her biri bi’l-âsale ve bi’l-vesâye takrir-i kelâm ve tabir-i ani’l-merâm idub leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve bizim her hakkımızı ashabından taleb ve dava ve ahz u kabza ve bi’l-cümle makbuzatını bize i’tâ ve teslime ve’l-hâsıl leh ve aleyhimizde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sania aşer li sene isna ve selâsîne ve selâsemie ve elf.
Baş kâtib, kadı. Bekiroğlu Memiş bin Ali, Salihoğlu Receb bin Mustafa. Aded 32 B: Fosa karyesi
Lazistan Sancağı’nın merkezi olan Rize kazası kurâsından Fosa karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Hatice bint Arif meclis-i şer’-i şerif-i enverde Ğalicoz karyesinden Terzioğlu Şevket bin Hacı Zekeriyya mahzarında takrir-i kelâm ve tabir-i ani’l-merâm idub beş seneden beri on lira mehr-i müeccel tesmiyesiyle merhum Şevket’in zevce-i menkuhe-i medhul-i bihâsı isem de zevcim merkumun kendi hanesi olmayıb li ebevyn ve karındaş ve kız karındaş ve zevcesiyle beraber sakin olduğu babasının hanesi mesken-i şer’î olmadığı cihetle mesken-i şer’î tedarik ve tehiyyesine değin benimle firaşından hasıla ve benden mütevellide sulbîye-i sağire kızı Fatıma içun zevcim merkum Şevket üzerine kadr-i marûf meblağ takdir olunmak matlubumdur deyu dava ve lede’s-sual merkum Şevket dahi cevabında müddeiye-i mezbûrenin ber vech-i muharrer müddeâsını bitamamiha ikrar ve itiraf idub lakin sakin olduğu pederimin hanesinde mezbûre içun bir oda tefrik ederek mezbûreyi orada ikamet ettireceğim başka suretle mesken-i şer’î irae etmeğe ve nafaka i’tâ eylemeğe kudretim yokdur dedikte merkum Şevket zevcesi müddeiye-i mezbûre içun Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince kendi ve sağire-i mezbûre Fatıma’nın nafaka ve kisve bahâ vesair levazım-ı zaruriyeleri içun mezbûr Şevket üzerine işbu tarihten itibaren beher şehrî ikisine ceman seksen kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa istidaneye ve inde’z-zafer zevci üzerine rucua mezbûre Hatice’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hadi ve’l-ışrin min Saferi’l-hayr li sene isna ve selâsîne ve selâsemie ve elf.
Baş kâtib, kadı. Fazlıoğlu Cemal bin Mahmud, Köseoğlu İbrahim bin Osman. Aded 33 B: Kozandinoz karyesi
Lazistan Sancağı’nın merkezi olan Rize kazası kurâsından Kozandinoz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Yavaşoğlu kerimesi Ayşe bint Ali meclis-i şer’-i şerif-i enverde Mirekaloz karyesinden Kaboğlu Receb bin İzzet mahzarında mezbûr Receb bundan akdem zevci dahilim iken iki talak-ı bayin ile beni tatlik firaşından hasıla ve benden mütevellide halen bi hakki’l-hidâne hacr ve terbiyemde olan bir buçuk yaşında işbu hazıretu’n bi’l-meclis Asiye nafaka ve kisveye muhtace olmağla babası zevc-i mutallakam mezbûr Receb üzerine kadr-i marûf nafaka takdir olunmak matlubumdur dedikte mezbûr Receb müddeiye-i mezbûre Ayşe’nin ber vech-i muharrer müddeâsını bitamamiha taven ikrar ve itiraf itmegin sağire-i mezbûrenin nafaka ve kisve vesair levazım-ı zaruriyesi içun Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağla mucebince sağire-i mezbûrenin nafaka ve kisve bahâ vesair levazım-ı zaruriyesi içun babası mezbûr Receb üzerine işbu tarih-i vesikadan itibaren beher şehrî kırkbeş kuruş farz u takdir olunub meblağ-ı mefruz-i mezkûri sağire-i mezbûrenin nafaka ve kisve vesair levazım-ı zaruriyesine harc u sarfa ve lede’l-hâce istidane ve inde’z-zafer babası mezbûr Receb üzerine rucua hadıne-i mezbûre Ayşe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’r-râbi min Rebii’l-evvel li sene isna ve selâsîne ve selâsemie ve elf.
Baş kâtib, kadı. Boşnakoğlu Tevfik bin Yahya, Sakioğlu Memiş bin Ahmed Aded 34 B: Karadere nahiyesinin Tonik karyesi
Lazistan Sancağı’nın merkezi olan Rize kazası nevâhîsinden Karadere nahiyesinin Tonik karyesinden Yetimoğlu Ahmed bin Hüseyin meclis-i şer’-i şerif-i enverde takrir-i kelâm ve tabir-i ani’l-merâm idub karye-i mezkûrede vâki mahallinde beyne’l-ahâlî ve’l-cîrân malûm ve müteâreful’ hudud karındaşım Abdullah ile müştereken ba tapu mutasarrıf olduğum bir kıta arazideki hissemi bedel-i makbuzum mukabelesinde karye-i mezkûreden Yetimoğlu Dursun bin Hacı Hüseyin’e memuru huzurunda ferağ ve tefviz ve teslime ve muamele-i lazımesini icrâ ve takririni i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile karye-i merkûmeden Yetimoğlu Dursun Odabaş bin Hüseyin’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l yevmi’s-samine aşer min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Muhzır Sadık Efendi, Hacı Alizâde Nazım Efendi. Aded 35 B: Petroz karyesi
Lazistan Sancağı’nın merkezi olan Rize kazası kurâsından Petroz karyesinden Boşiroğlu Esad bin Mustafa ve Ali bin Hurşid meclis-i şer’-i şerif-i enverde her biri takrir-i kelâm ve tabir-i ani’l-merâm idub karye-i merkûmeden Tarakçıoğlu Celal Efendi ibn Hacı Hüseyin ile beynimizde mütehaddis arazi ve emlak ve değirmen ve hark ve tecavüz-i hudud davalarından dolayı mezbûr Celal Efendi ile ve sairleri tarafından aleyhimize ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve bizim her hakkımızı ashabından taleb ve dava ve ahz u kabz ile bi’l-cümle makbuzatını bize i’tâ ve teslime ve’l-hâsıl leh ve aleyhimizde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-samin ve’l-ışrin min Saferi’l-hayr li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Alemdaroğlu Şakir Efendi. Aded 36 B:
Gürgen karyesinden İnceninoğlu Mevlud bin Alican Alihan’ın muhallefat-ı esmanı hâvî harbiye nezaret-i celilesinden mevrud beratı zahrına yazılan ilamdır.
Müteveffa-yi mezbûr Mevlud’un verâseti zevce-i menkuhe-i metrukesi Havva bint Temel ile anası Rabia bint Ali Çavuş ve babası Alihan Alican ve sulbî sağir oğlu Sadık ve sulbîye-i sağire kızı Fatıma’ya munhasıra olduğu mahzar-ı hasım-ı cahidde dava-i sahiha zımnında ber nehc-i şer’i sabit ve sübut-i verâsetlerine hükm-i şer’i lâhik olduğu ve mesele-i mirasları bi hükmi’l feraiz yetmişiki sehmden olub siham-ı mezkûreden dokuz sehmi zevce-i mezbûre Havva’ya ve oniki sehmi Ümmü’l-mezbûre Rabia’ya ve altı sehmi ebu’l mezbûr Alihan Alican’a ve yirmialtı sehmi ibnu’l-mezbûr Sadık’a ve onüç sehmi bintu’l-mezbûre Fatıma’ya isabet eylediği i’lâm olundu. Fi 22 Rebii’l-evvel sene 1332 ve fi 4 Şubat 1329 . Aded 37 B: Varankoz karyesi
Lazistan Sancağı’nın merkezi olan Rize kazası kurâsından Varankoz karyesinden iken bundan akdem vefat eden Kukucoğlu Osman Efendi ibn Ahmed’in sulbî sağir oğlu Ahmed ve sulbîye-i sağire kızları Pakize ve Havva ve Naciye’nin binüçyüzotuz senesi muharremin yirmi altıncı günü tarihli hüccet mucebince kıbel-i şer’iden mensub ve vasileri bulunan valideleri zatı zeyl-i vesikada muharreru’l-esâmî müslimîn tarifleriyle muarrefe Meryem bint Mehmed meclis-i şer’-i şerif-i enverde karye-i merkume ahalisinden Kukucoğlu Hüseyin Hüsnü Efendi ibn Ahmed Efendi mahzarında bi’l-âsale ve bi’l-vesâye takrir-i kelâm ve tabir-i ani’l-merâm idub benimle vasileri olduğum siğar-ı mezbûrun murisimiz zevcim müteveffa Osman’dan bi tariki’l-münasaha mevrus ve müntakil emlak ve arazi ve hark ve mesil ve alacak davalarından dolayı karye-i merkume İsmailoğlu Mustafa bin İsmail ile aid olduğu mehâkim-i şer’iye ve nizamiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Hüseyin Hüsnü Efendi’yi bi’l-âsale ve bi’l-vesâye vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Kukucoğlu Mustafa Usta ibn Yusuf, Tarlacıoğlu Ahmed Usta ibn Hacı Hasan. Aded 38 B: Varankoz karyesi
Lazistan Sancağı’nın merkezi olan Rize kazası kurâsından Varankoz karyesinden İsmailoğlu Mustafa bin İsmail meclis-i şer’-i şerif-i enverde dava vekîllerinden Hafız Hulusi Efendi ibn Salih Efendi mahzarında takrir-i kelâm ve tabir-i ani’l-merâm idub karye-i merkûmeden Kukucoğlu müteveffa Osman Efendi ibn Ahmed’in zevcesi Molla Ömeroğlu kerimesi Meryem bint Mehmed ile beynimizde mütehaddis emlak ve arazi ve hark ve hakk-ı mesil ve alacak davalarndan dolayı mezbûran ve sairleri tarafından aleyhime ikame edilecek her nevi devaiden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bize i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Hafız Hulusi Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu Fi’l-yevmi’s-sadis ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Mukabele olmuştur. Baş kâtib, kadı. Muhzır İbrahim Efendi, Kukucoğlu Mustafa Usta. Aded 39 B: Atina kazasının Avare karyesi
Lazistan Sancağı’na tabi Atina kazasının Avare karyesinden şahsı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyesi görülen Tersoğlu(?) Cevahir bin müteveffa Mustafa meclis-i şer’-i şerif-i enverde karye-i merkûmeden İnce Mehmedoğlu Dursun Ali Efendi ibn İbrahim mahzarında takrir-i kelâm ve tabir-i ani’l-merâm idub Canik Sancağı’nın Alaçam nahiyesinin Yukarı Elma karyesinde vâki her biri mahallinde beyne’l-ahâlî ve’l-cîrân malûm ve müteârefu’l-hudud ve’l kıtaat oğlum Ali’den müstakil bi’l-cümle emlak ve arazilerin muamele-i intikaliyelerini bade’l icrâ semen ve bedel-i misilleriyle talibine memur huzurunda katiyen bey’ u ferağ ve temlik ve tefvize ve semen ve bedel-i misillerini ahz u kabz ile bi’l-cümle makbuzatını bana irsal ve isal ve teslime ve muamele-i lazımelerini bi’l icrâ takrirlerini i’tâya ve müteveffa-yi mezbûrun hıyn-i vefatında nezdinde mevcud bi’l-cümle terekesini vazıu’l-yed bulunanlardan ve kaffe-i matlubatını icab edenlerden aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve icabında muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve benim her hakkımı ashabından kezalik taleb ve dava ve ahz u kabz ve bi’l-cümle makbuzatını kezalik bana i’tâ ve teslime ve lede’l-hâce isbat-ı verâset iddiasına ve sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile muma ileyh Dursun Ali Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis ve’l-ışrin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Memişoğlu Şevki Efendi ibn Ali Efendi, Atina mahkeme-i şer’iye baş kâtibi Muhtar Efendi. Aded 40 B: Arğaloz karyesi
Lazistan Sancağı’nın merkezi olan Rize kazası kurâsından Arğaloz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyeleri görülen Külünkoğlu kerimesi Hafize bint Abdullah meclis-i şer’-i şerif-i enverde takrir-i kelâm ve tabir-i ani’l-merâm idub karye-i mezkûreden Külünkoğlu kerimeleri Zekiye ve Fındıka ve Yeter ve Fatıma benat-i Hüseyin ve muhtar-ı saireleri ile beynimizde mütehaddis arazi davalarından dolayı mezbûrât ve icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim ile Abdulvahid Efendi ibn Abdulhalim Efendi’yi gerek münferiden ve gerek müctemian icra-i vekâlete mezun olmak üzere kabullerine mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi min Rebii’l-ahir li sene isna ve selâsîne ve selâsemie ve elf.
Baş kâtib, kadı. Hantaloğlu İsmail Efendi, Hanzi karyesinden Sarı Ahmedoğlu Zelkifl bin Osman. Aded 41 B: Leroz Mervan Ğorğor karyesi
Lazistan Sancağı’nın merkezi olan Rize kazası kurâsından Leroz Mervan Ğorğor karyesinden şahs-ı zeyl-i vesikada muharreru’l-esâmî müslimîn tarifleriyle muarrefe olan Sarı Hasanoğlu nâm-ı diğeri Timan(?)oğlu Hacı Ali bin Mehmed meclis-i şer’-i şerif-i enverde ikrar-ı tam ve tabir-i ani’l-merâm idub sulbî kebir oğullarım Ahmed ve Ali’nin Mapavri nahiyesi pazarında müsteceren ikame idub bana nisbet olunan bir bab bezzaziye dükkanındaki emval ve eşyayı ticariye ve zimem-i nasda olan bi’l-cümle matlubat oğullarım Ali ve Ahmedindir benim asla ve kata alakam yokdur dedikte ma vekaa bi’t-taleb ketb olundu. Fi’l-yevmi’s-sabi min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Ğorğor karyesinden Küçük Ahmedoğlu Hacı İsmail bin Hüseyin, Arpik(?) karyesinden Fettahoğlu Mustafa bin Hüseyin. Aded 42 B: Arğaloz karyesi
Lazistan Sancağı’nın merkezi olan Rize kazası kurâsından Arğaloz karyesi sakinelerinden zatları zeyl-i vesikada muharreru’l-esâmî müslimîn tarifleriyle muarrefe olan Külünkoğlu kerimeleri Rabia ve Yeter ve Fındıka ve Fatıma ve Zekiye benat-i Hüseyin meclis-i şer’-i şerif-i enverde her biri takrir-i kelâm ve tabir-i ani’l-merâm idub babamız müteveffa-yi mezbûr Hüseyin’den ve müntakil bi’l-cümle arazideki hisse-i irsîyemize müdahale eden Sarı Ahmedoğlu Arslan’ın zevcesi Hafize bint Abdullah ile aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu Fi’l-yevmi’s-sâlis min şehr-i Rebii’l-evvel li sene isna ve selâsîne ve selâsemie ve elf. Baş kâtib, kadı. Karagözoğlu Memiş bin Mustafa, Tahrirat kâtibi Hüseyin Efendi ibn Abdulhamid Efendi. Aded 43 B: Romanoz-i Rum mahallesi
Lazistan Sancağı’nın merkezi olan Rize kasabası mahallâtından Romanoz-i Rum mahallesinden ve teba-i devlet-i aliyyenin rum milletinden Hacı Kastioğulları Yani ve Todori benan Haralambos meclis-i şer’-i şerif-i enverde her biri takrir-i kelâm ve tabir-i ani’l-merâm idub li ebeveyn erkarındaşımız Eposnol ile beynimizde mütehaddis hane ve tefrik ve taksim davalarından dolayı merkum ile aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlife ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve taleb-i keşf ve mümeyyiz ve hâkim ve ehl-i vukuf tayin ve azline ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-samin min şehr-i Rebii’l-evvel li sene isna ve selâsîne ve selâsemie ve elf.
Baş kâtib, kadı. Muhzır İbrahim Efendi, Rakıcızâde Mustafa Efendi. Aded 44 B: Vonit-i İslâm mahallesi
Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye ikinci kâtibi Hafız Rahmi Efendi ibn Hafız Mahmud Efendi Lazistan Sancağı’nın merkezi olan Rize kasabası mahallâtından Vonit-i İslâm mahallesinde vâki Kör Alizâde Hacı Osman Efendi ibn Hasan Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde mahalle-i mezkûre ahalisinden iken bundan akdem canib-i hicaz mağfiret Tıraz’da vefat eden muma ileyh Hacı Osman Efendi’nin sulbî sağir oğulları Ömer ve Ahmed ve Yakub ve Hasan’ın pederleri müteveffa-yi muma ileyhden mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emaneti ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i mezkûre imam ve muhtar ve heyet-i ihtiyariyesi tarafından mevrud ilmuhaberden müstebân ve müslimin-i mezbûrun ihbarlarıyla lede’ş şeri’l enver zâhir ve nümâyân olan işbu baisetu’l-vesika marifetu’z-zat valideleri Lahika Hanım bint Hacı Genç Ağa siğar-i mezbûrunun pederleri müteveffa-yi muma ileyhden mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin eyledikte ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam eylediğini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sâlis min şehr-i Rebii’l-ahir li sene isna ve selâsîne ve selâsemie ve elf.
Baş kâtib, kadı. Kürd Alizâde Hüseyin Efendi ibn Molla Mahmud, Şadzâde Ali Efendi ibn Hacı Genç Ağazâde. Aded 45 B: Hazavit karyesi
Lazistan Sancağı’nın merkezi olan Rize kazası kurâsından Hazavit karyesinden iken bundan otuz sene akdem vefat eden Kenanoğlu Hasan bin Abdullah’ın ber vechi ati bi tariki’l-münasaha varisi olduğunu iddia eden zatı muarrefe Hafize bint Yunus meclis-i şer’i münîrde mütevefay-i mezbûrun medyuni karye-i merkûmeden Alemdaroğlu Mehmed bin Osman muvacehesinde ve üzerine dava ve takrir-i kelâm idub murisimiz müteveffa-yi mezbûrun verâseti zevce-i menkuhe-i metrukesi Fatıma bint Ahmed ile sulbî kebir oğulları Mustafa ve Osman ve Abdulaziz ve İbrahim ve Memiş ve Yunus ve Bayram’a munhasıra ve badehu ibnu’l-mezbûr Mustafa vefat idub verâseti zevce-i menkuhe-i metrukesi Şişe bint Mehmed ile anası mezbûre Fatıma ve sulbî kebir oğlu Abdulğafur’a munhasıra ve badehu ibnu’l-mezbûr İbrahim vefat idub verâseti zevce-i menkuhe-i metrukesi Fatuli bint İbrahim ile anası mezbûr Fatıma ve sulbîye-i kebire kızı Şişe ve li ebeveyn erkarındaşları mezbûrun Osman ve Abdulaziz ve Memiş ve Yunus ve Bayram’a munhasıra ve badehu ibnu’l-mezbûr Abdulaziz vefat idub verâseti zevce-i menkuhe-i metrukesi Hanife bint İbrahim ile anası mezbûre Fatıma ve sulbî kebir oğulları Receb ve İlyas ve sulbîye-i kebire kızı Tenzile’ye munhasıra ve badehu ibnu’l-mezbûr Yunus vefat idub verâseti zevce-i menkuhe-i metrukesi Gülika bint Yakub ve anası mezbûre Fatıma ve sulbîye-i kebire kızı olduğum cihetle kezalik diğer sulbîye-i kızı Necibe’ye ve li ebeveyn er karındaşları mezbûrun Osman ve Memiş ve Bayram’a munhasıra ve badehu anam zevce-i mezbûre Gülika bint mezbûre Yakub vefat idub verâseti sadriye-i kebire kızı olduğum cihetle kezalik benimle mezbûre Necibe’ye munhasıra ve badehu ibnu’l-mezbûr Bayram vefat idub verâseti anası mezbûre Fatıma ile li ebeveyn er karındaşları mezbûr ana Memiş ve Osman’a munhasıra ve badehu ümmü’l-mezbûre Fatıma vefat idub verâseti sadriy kebir oğulları mezbûran Osman ve Memiş’e munhasıra ve badehu zevce-i mezbûre Şişe bint Ahmed vefat idub verâseti anası mezbûre Hanife bint mezbûr İbrahim ile li ebeveyn erkarındaşı mezbûr İlyas ve li ebeveyn kız karındaşı mezbûre Tenzile’ye munhasıra ve badehu mezbûr İlyas vefat idub verâseti ümmü’l-mezbûre Hanife ile li ebeveyn kız karındaşları mezbûre Tenzile ve li ebeveyn amuceleri merkuman Memiş ve Osman’a munhasıra olub tashih-i mesele-i mirasları bi hükmi’l münasahati’ş-şer’iye dörtyüzdoksanyedibinaltıyüzaltmışdört sehmden olub siham-ı mezkûreden yedibinyediyüzyetmişaltı sehmi zevce-i mezbûre Fatuli’ye otuzbirbinyüzdört sehmi bintu’l-mezbûre Şişe’ye ve yirmibeşbinaltıyüzelli sehmi bintu’l-mezbûre Necibe’ye ve yirmibeşbinaltıyüzelli sehmi bintu’l-mezbûre Hafize’ye ve ellibirbinsekizyüzkırk sehmi ibnu’l-mezbûr Abdulğafur’a ve yirmibinaltıyüzseksen sehmi ümmü’l-mezbûre Hanife’ye ve yirmisekizbinbeşyüzaltmış sehmi uhtu’l-mezbûre Tenzile’ye yüzelliüçbinikiyüziki sehmi ibnu’l-mezbûr Memiş’e ve yüzelliüçbinikiyüziki sehmi ibnu’l-mezbûr Osman’a isbati anlaşıldıktan sonra başka varis ve terekelerine mustahik-i ahar kimesneleri olmamağla murisimiz müteveffa-yi ol mezbûrun hayatında mezbûr Mehmed zimmetinde cihet-i karzdan alacak hakkı olan dörtyüz kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve teslime mezbûr Mehmed’e tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi ol mezbûre ol mikdar kuruş zimmetinde halen deyni olduğunu taven ikrar maada müddeiye-i mezbûrenin ber vech-i muharrer müddeâsı malûmum değildir deyu inkar etmekle müddeiye-i mezbûre ber vech-i muharrer verâset müddeâsını evvelen ba veraka-i mesture mensub oldukları mezkûr Hazavit karyesi imamı olmayıb muhtarı müddeâ aleyh olduğu ve muhtar-ı sanisi dahi şahid bulunduğuna binaen heyet-i ihtiyariye azasından Molla Ahmedoğlu Hamza bin Mustafa ile Durmuş Alemdaroğlu Ali ve Mamatioğlu Memiş bin Abdulkerim’den sirren ve badehu müterâfian hazır oldukları halde müzekki-i merkumandan Mehmed ve Hamza ile karye-i merkûmeden Durmuş Alemdaroğlu Mehmed bin Hacı Ali ve Molla Ahmedoğlu Mesud bin Mehmed’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan müteveffa-yi mezbûrun ile verese-i mezbûr uni arifan olan mezkûr Hazavit karyesinden Mamatioğlu Mustafa Efendi ibn Abdulkerimle yine karyeden Akmehmedoğlu Yahya bin Ahmed nâm kimesnelerin bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince sübut-i verâsetlerine bade’l-hükm müddeâ bih meblağdan müddeiye-i mezbûrenin hisse-i irsîyesi mikdarını müddeiye-i mezbûreye eda ve teslime müddeâ aleyh mezbûr Mehmed’e tenbih olunduğu tescîl ve i’lâm olundu. Fi’l-yevmi’t-tasi ve’l-ışrin min şehr-i Rebii’l-evvel li sene isna ve selâsîne ve selâsemie ve elf. Baş kâtib, kadı. |
