|
Aded 301: Kale mahallesi
Lazistan Sancağı’nın merkezi olan Rize kasabası mahallâtından Kale mahallesi sakinelerinden zatları zeyl-i vesikada muharreru’l-esâmî müslimîn tarifleriyle muarrefe olan Hacı İsmailoğlu kerimeleri Hamdiye ve Fatıma ve Ümmü Gül ve Mehmed benun-i Mustafa meclis-i şer’-i şerif-i enverde takrir-i kelâm ve tabir-i ani’l-merâm idub Romanoz mahallesinden iken bundan akdem vefat eden min kıbeli’l eb ceddemiz yani babamızın anası müteveffat Akıle bint Ahmed’den bizlere mevrus ve müntakıl bi’l-cümle emlak ve arazideki hisse-i irsîyemizi tefrik u taksime ve müdahale eden Romanoz mahallesinden Hasan Başoğulları Hüseyin ve Ömer benan-i Mustafa vesair icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve isbat-ı verâset iddiasına ve’l-hâsıl hukuk-i şahsiye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l yevmi’s sabi min Zi’l-kaadeti’ş-şerife li sene ihdâ selâsîne ve selâsemie ve elf .
Mukabele olmuştur. Baş kâtib, kadı. İslâmoğlu Mustafa Reis bin Yakub, Hacı Bilalzâde Edhem Efendi ibn Hacı Mahmud Efendi, Caferoğlu İsmail bin Bilal.
Aded 302: Peşeyan
Lazistan Sancağı’nın merkezi olan Rize kasabası mahallâtından Peşeyan mahallesinden Manlenioğlu Süleyman Efendi ibn Ömer meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub İmamoğlu müteveffa Arif Reis’in eytâmı Mehmed ve Sabire ve Cemile ve Ayşe’nin mallarından ve müdir-i muma ileyh yedinden lira-i Osmanî yüz kuruş hesabıyla istidane ve kabz ve umuruma sarfla istihlâk eylediğim binbeşyüz kuruş ile semeni işbu tarihten iki sene-i kamile müeccel olmak üzere kezalik eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetvası semeninden ikiyüzyetmiş kuruş ki ceman binyediyüzyetmiş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan tüccardan ve dükkancı esnafından Zirhzâde Hacı Abdulhamid Efendi ibn Hacı Osman Efendi ile Vanlıoğlu Hayrullah bin Hacı Mustafa ve Hortoz mahallesinden Deli Hüseyinoğlu Osman bin Yakub tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyhin ceman zimmetinde edası vacib olan meblağ-ı mezkûr binyediyüzyetmiş kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’r-râbi aşer min şehr-i Şabani’l-muazzam li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Memişzâde Rıza Efendi. Aded 303: Romanoz-i Rum
Lazistan Sancağı’nın merkezi olan Rize kasabası mahallâtından Romanoz-i Rum mahallesinden ve teba-i devlet-i aliyyenin rum milletinden Kalaycıoğlu Ğorail bin Hristo meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Tenekeci müteveffa İbrahim Efendi eytâmı Mehmed’in malından lira-i Osmanî yüz kuruş hesabıyla altıyüzelliyedi ve Tenekeci müteveffa İbrahim Efendi kerimesi Emine’nin malından ve müdir-i muma ileyh yedinden kezalik lira-i Osmanî yüz kuruş hesabıyla yüzkırküç kuruş ki ceman istidane ve kabz ve umuruma sarfla istihlâk eylediğim sekizyüz kuruş ile semeni işbu tarihten iki sene-i kamile müeccel olmak üzere eytâm-ı mezbûrunun mallarından ve müdir-i muma ileyh yedinden iştira eylediğim bir aded basma saat semeninden yüzkırkdört kuruş ki ceman dokuzyüzkırkdört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan mahalleden Baltacıoğlu Nikoli bin Yorika ile İstatioğlu Mihail bin Panika ve Kara Cehennemoğlu boyacı İstavri bin Nikoli meclis-i makud-i mezkûrde her biri müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i merkum Ğorail’in ceman zimmetinde edası vacib olan mezkûr dokuzyüzkırkdört kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l aşir min şehr-i Recebi’l-ferd li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Rakıcızâde Mustafa Efendi. Aded 304: Pendoz
Lazistan Sancağı’nın merkezi olan Rize kasabası mahallâtından Pendoz mahallesinden Dervişzâde Abdurrahman bin Hacı Hafız Lütfü Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Öksüzoğlu müteveffa Habib eytâmı Mustafa’nın malından sîm mecîdi yirmi kuruş hesabıyla beşyüzkırk kuruş ve Kale mahalleli Hacı İsmailoğlu müteveffa Ahmed’in sağire kızı Hüsniye’nin malından kezalik sîm mecîdi yirmi kuruş hesabıyla ikiyüzdoksansekiz kuruş yirmi para ceman sekizyüzotuzsekiz kuruş yirmi para istidane ve kabz ve umuruma sarfla istihlâk eylediğim cihetle meblağ-ı mezkûr ile semeni işbu tarihten bir sene-i kamile müeccel olmak üzere bir cild Ali Efendi fetvası semeninden yetmişbeş kuruş ceman dokuzyüzondört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Kale mahallesinden Ofluoğlu Şaban bin İbrahim ile Emineddin mahallesinden Kumbasarzâde Mehmed Efendi ibn Mesud Efendi ve Pendoz mahallesinden Tatoğlu Hüseyin Efendi ibn İsmail Efendi tekrar meclis-i makud-i mezkûrde müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyhin ceman zimmetinde edası vacib olan meblağ-ı mezkûr dokuzyüzondört kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sadis ve’l-ışrin min Cemaziye’l evvel li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Kavrakzâde Hacı İbrahim Efendi. Aded 305: Babik
Lazistan Sancağı’nın merkezi olan Rize kasabası mahallâtından Babik mahallesinden Tuzcuzâde Nihad Efendi ibn Galib Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub İmamzâde müteveffa Arif Reis eytâmı Mehmed ve Sabire ve Cemile ve Ayşe’nin mallarından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim beşyüzotuzdört kuruş yirmi para ile semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden doksanaltı kuruş yirmi para ki ceman altıyüzotuz kuruş lira akçe zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Tuzcuzâde Cemal Efendi ibn Süleyman Efendi ile Mişona karyeli Zahiroğlu Mustafa Efendi bin Mustafa ve Kohser-i Ulyâ karyesinden Hacı İbrahimoğlu Ömer Efendi bin Hacı İbrahim tekrar meclis-i makud-i mezkûrde her biri ikrar-ı tam ve tabir-i ani’l-merâm idub medyun-i mezbûrun ceman zimmetinde edası vacib olan altıyüzotuzbir kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’r-râbi ve’l-ışrin min Zi’l-kaadeti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Satıroğlu Mehmed Efendi. Aded 306: Haldoz
Lazistan Sancağı’nın merkezi olan Rize kasabası mahallâtından Haldoz mahallesinden Tavilzâde İlyas Efendi ibn Mehmed meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Kuvelzâde müteveffa Hacı Salih eytâmı Osman ve İbrahim ve Hacere’nin mallarından sîm mecîdi yirmi kuruş müdir-i muma ileyh yedinden istidane ve kabz ve umuruma sarfla istihlâk eylediğim sekizyüz kuruş ile semeni işbu tarihten iki sene-i kamile müeccel olmak üzere eytâm-ı merkumun mallarından ve müdir-i muma ileyh yedinden iştira eylediğim bir cild Ali Efendi fetvası semeninden yüzkırkdört kuruş ki ceman dokuzyüzkırkdört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Samri mahallesinden Hacı Şükrüzâde Osman Efendi ibn Mustafa Efendi ve dava vekîllerinden Rakıcızâde Mustafa Efendi ibn İzzet Efendi ve Küçük Salihoğlu Abdulhamid Efendi ibn Abdulkerim tekrar meclis-i makud-i mezkûrde müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyh İlyas Efendi’nin ceman zimmetinde edası vacib olan dokuzyüzkırkdört kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-samin ve’l-ışrin min Şevvali’l-mükerrem li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Satıroğlu Mehmed Efendi. Aded 307: Kavaroz
Lazistan Sancağı’nın merkezi olan Rize kasabası mahallâtından Kavaroz mahallesinden Kör Osmanoğlu Hafız Rahmi Efendi ibn Hafız Mahmud Efendi meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve tabir-i ani’l-merâm idub Tenekeci müteveffa İbrahim Efendi’nin sulbîye-i sağire kızı Emine’nin malından sekizyüzonüç kuruş on para ve Salcıoğlu müteveffa Hacı Yakub’un sulbî sağir oğlu Yusuf’un malından beşyüz ve Şatroz karyesinden Karacaoğlu müteveffa Bahadır’ın sağir oğlu Rıza’nın malından beşyüzyirmialtı kuruş on para ve Rize kasabasında kâin Orta Cami-i şerifin tefriş ve tamirine meşruta dört bab dükkanın icarından altıyüzyirmibeş ve İksenit mahallesinde vâki cami-i şerifin nukûd-i mevkûfesinden beşyüzotuzüç kuruş lira-i Osmanî yüz kuruş hesabıyla ikibindokuzyüzdoksanyedi kuruş yirmibeş para ile mecîdi ondokuz kuruş hesabıyla Alemdarzâde müteveffa Hacı Receb Efendi’nin sulbîye-i sağire kızı Fatıma’nın malından dörtyüzaltmışbeş kuruş onsekiz para ve Fencioğlu müteveffa Talib Reis’in sulbî sağir oğlu Hüseyin’in malından sîm mecîdi yirmi kuruş hesabıyla sekizyüz ve Kavalzâde müteveffa Hacı Salih Efendi eytâmı Osman ve İbrahim ve Hacere’nin mallarından yüzeli kuruş müdir-i muma ileyhden istidane ve kabz ve umuruma sarfla istihlâk eylediğim ceman dörtbindörtyüzonüç kuruş üç para ile semeni işbu tarihten iki sene-i kamile müeccel olmak üzere eytâm-ı mezbûrunun mallarından ve kezalik müdir-i muma ileyhden iştira eylediğim bir cild Ali Efendi fetvası semeninden yediyüzdoksandört kuruş yirmi para ki min haysu’l mecmu beşbinikiyüzyedi kuruş yirmiüç para zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan tüccardan ve boyacı esnafından Abadzâde Ali Efendi ibn Hacı Hurşid ile tüccardan Metozâde Hacı Hafız Ahmed Efendi ibn Mehmed ve tüccardan Likzâde Hasan Efendi ibn Receb ve Kavaroz mahallesinden Kör Osmanoğlu Hafız Şeref bin Hacı Durmuş Efendi tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyh Hafız Rahmi Efendi’nin ceman zimmetinde edası lazım gelen beşbinikiyüzyedi kuruş yirmiüç para ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-samin min Zi’l-hicceti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Tatzâde Osman Efendi. Aded 308: Peşeyan
Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Peşeyan mahallesinde kâin Faiszâde Hacı Yusuf Efendi’nin menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte menzil-i mezkûrde sakine Güvelioğlu İsmail Efendi bin İlyas Efendi meclis-i makud-i mezkûrde Faiszâde Mustafa Efendi ibn muma ileyh Hacı Yusuf Efendi mahzarında ikrar-ı tam ve tabir-i ani’l-merâm idub ben bi emri’l lahi teala vefat eylediğimde cemi-i terekem ve zimem-i nasda olan hukukum ahz u kabz olunub evvelen kadr-i marûf meblağ ile levazım-ı techiz ve tekfin ve ıskat-i salât ve kefaret-i savm ve yemin ve nüzürat-i sairem görülüb saniyen düyun-i sebetem zuhur eder ise bade’l eda mütebaki ? verese-i şer’iyeme i’tâ ve teslim oluna deyu vasiyet ve tenfiz yine muma ileyh Mustafa Efendi’yi vasi-i muhtar nasb u tayin eyledim dedikte ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min Zi’l-kaadeti’ş-şerife li sene sene ihdâ selâsîne ve selâsemie ve elf.
Mukabele olmuştur. Baş kâtib, kadı. Hacı Bilalzâde İsmail Efendi ibn Hacı Zekeriyya, Harkaszâde Mustafa Efendi ibn Ahmed, Güvelizâde Hafız Muharrem Efendi ibn Hacı Memiş. Aded 309: Müftü mahallesi
Lazistan Sancağı’nın merkezi olan Rize kasabası mahallâtından Müftü mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Buberoğlu kerimesi Elmas bint Ahmed meclis-i şer’-i şerif-i enverde li ebeveyn erkarındaşı Mustafa bin mezbûr Ahmed mahzarında üzerine dava ve takrir-i kelâm idub benim asla ve kat’a malım olmayıb nafaka ve kisveye muhtace olmamla ve müddeâ aleyh ile beraber Reşid ve İsmet namında iki karındaşım daha olmağla diğerlerine müracaat etmek üzere mezbûr Mustafa üzerine kadr-i marûf meblağ farz u takdir olunmak matlubumdur deyu dava ve lede’s-sual müddeâ aleyh dahi cevabında müddeiye-i mezbûrenin ber vech-i muharrer müddeasını taven ikrar ve şehrî ancak yedi buçuk kuruş vereceğini dermiyan müddeîye dahi mikdar-ı mezkûre muvafakat etmekle terazî-i tarafeynle mezbûrenin nafaka ve kisve bahâ vesair levazım-ı zaruriyesi içun karındaşı mezbûr Mustafa üzerine işbu tarihten itibaren beher şehrî yedi buçuk kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer karındaş mezbûr Mustafa’ya rucua mezbûreye izin verilmegin ma vekaa bi’t-taleb ketb olundu. Fi’l yevmi’t tasi aşer min Zi’l-kaadeti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Sofoğlu İbrahim Efendi, Satıroğlu Mehmed Efendi. Aded 310: Emineddin
Lazistan Sancağı’nın merkezi olan Rize kazası mahallâtından Emineddin mahallesinden Şumuloğlu Pancu bin Kostantin meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Alemdarzâde müteveffa Hacı Receb Efendi eytâmı Şaban ve Ramazan ve Muharrem’in mallarından sîm mecîdi ondokuz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim sekizyüz kuruş ile semeni işbu tarihten bir sene-i kamile müeccel olmak üzere iştira eylediğim bir aded basma saat semeninden yetmişiki kuruş ki ceman sekizyüzyetmişiki kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Vonit-i Rum mahallesinden Lefezoğlu(?) Kazğanci Nikoli bin Hristo ile Emineddin mahallesinden kuyumcu esnafından Mavioğlu İstavri bin Anastas ve Romanoz-i Rum mahallesinden İstanioğlu Mihail bin Yanu tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i merkum Pancu’nun ceman zimmetinde edası vacib olan meblağ ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-samin min Zi’l-kaadeti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Satıroğlu Mehmed Efendi. Aded 311: Peşeyan
Lazistan Sancağı’nın merkezi olan Rize kasabası mahallâtından Peşeyan mahallesinden Velioğlu Hacı Dursun ibn Abdulaziz Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Alemdarzâde müteveffa Hacı Receb Efendi eytâmı Şaban ve Ramazan ve Muharrem’in mallarından sîm mecîdi ondokuz kuruş hesabıyla binikiyüz ve Fencioğlu müteveffa Talib Reis kerimesi Fikriye’nin malından sîm mecîdi yirmi kuruş hesabıyla yüzyirmi ve Vilku karyeli Ekşioğlu Akif’in sağire kızı Asiye’nin malından kezalik sîm mecîdi yirmi kuruş hesabıyla yetmişüç kuruş yirmi para ki binüçyüzdoksanüç kuruş yirmi para ile semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden ikiyüzelliiki kuruş ki ceman binaltıyüzkırkbeş kuruş yirmi para zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Hacı Şekerzâde Ömer Efendi ibn Mustafa ile Taşcıoğlu cami-i şerif-i imamı Hafız Mustafa Efendi ibn İsmail Efendi ve Ofluoğlu Şaban Efendi ibn Bayram Efendi tekrar makud-i mezkûrde her biri ikrar-ı tam ve tabir-i ani’l-merâm idub medyun-i muma ileyhin ceman zimmetinde edası vacib olan meblağ-ı mezbûr ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-samine aşer min Zi’l-hicceti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Satıroğlu Mehmed Efendi. Aded 312: Hacinoz
Lazistan Sancağı’nın merkezi olan Rize kasabası mahallâtından Hacinoz mahallesinden Emir Ahmedzâde Mahmud Efendi ibn Abdulhamid Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Şem’danzâde müteveffa Ahmed’in sulbî sağir oğlu Hamza’nın malından ve müdir-i muma ileyh yedinden lira-i Osmanî yüziki kuruş yirmidört para hesabıyla istidane ve kabz ve umuruma sarfla istihlâk eylediğim binbeşyüzotuzdokuz kuruş ile semeni işbu tarihten iki sene-i kamile müeccel olmak üzere kezalik sağir-i mezbûrun malından ve müdir-i muma ileyhden iştira eylediğim bir cild Ali Efendi fetvası semeninden ikiyüzyetmişsekiz kuruş ki ceman binsekizyüzonyedi kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Zırhzâde Hüseyin Efendi ibn Hacı Şakir Efendi ile Hacı Hüseyinzâde Abdulğafur bin Hacı Haşim ve esnaftan Sarı Ahmedzâde Hakkı Efendi bin Süleyman Efendi tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyh Mahmud Efendi’nin ceman zimmetinde edası vacib olan binsekizyüzonyedi kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’r-râbi min Zi’l-kaadeti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Satıroğlu Mehmed Efendi. Aded 313: Muhasebe-i liva kâtibi Trabzon’lu
Muhasabe-i liva-i merkez kâtibi Trabzon’lu Celaleddin Efendi ibn Hüseyin Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Varda karyesinden Esiroğlu müteveffa Süleyman’ın sulbî sağir oğlu Hasan ve Sadık’ın mallarından lira-i Osmanî yüz kuruş hesabıyla dörtyüzdoksanyedi kuruş yirmi para ve Rize kasabasında kâin Orta Cami-i şerifin tamir ve termimine meşruta dört bab dekakin icarlarından kezalik lira-i Osmanî yüz kuruş hesabıyla ikiyüzelli kuruş ki ceman müdir-i muma ileyh yedinden istidane ve kabz ve umuruma sarfla istihlâk eylediğim yediyüzkırkyedi kuruş yirmi para ile semeni işbu tarihten iki sene-i kamile müeccel olmak üzere eytâm ve vakf-ı mezbûr malından olarak iştira eylediğim bir cild Ali Efendi fetvası semeninden lira-i Osmanî yüz kuruş hesabıyla altmışyedi kuruş yirmi para ki ceman sekizyüzonbeş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Memişzâde Ali Rıza Efendi ibn İbrahim Efendi ile Kamaşnoz mahalleli Kadızâde Mustafa Efendi ibn Şakir Efendi ve Romanoz-i Rum mahalleli bakkal Şalvaroğlu Tınas bin ? tekrar meclis-i makud-i mezkûrde her biri ikrar-ı tam ve tabir-i ani’l-merâm idub medyun-i muma ileyhin ceman zimmetinde edası vacib olan meblağ ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hamise aşer min Şevvali’l-mükerrem li sene ihdâ ve selâsîne ve selasemie ve elf.
Mukabele olmuştur. Baş kâtib, kadı. Muhzır Sadık Efendi, Tatzâde Osman Efendi. Aded 314: Kavaroz
Lazistan Sancağı’nın merkezi olan Rize kasabası mahallâtından Kavaroz mahallesinden Uzun Ömeroğlu Hacı Asım Efendi ibn Receb Efendi ile zevcesi zeyl-i vesikada muharreru’l-esâmî müslimîn tarifleriyle muarrefe olan Asiye bint Emin Ali meclis-i şer’-i şerif-i enverde her biri takrir-i kelâm ve tabir-i ani’l-merâm idub Uzun Ömeroğlu Hafız Şaban Efendi ibn Hasan Efendi ile beynimizde mütehaddis emlak ve arazi ve tefrik ve taksim davalarından dolayı mezbûr Hafız Şaban ile aid olduğu mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve mümeyyiz ve hâkim ve ehl-i vukuf tayin ve azline ve hacz vaz’ u fekkine ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’t-tasia aşer min Zi’l-hicceti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Çakıroğlu Osman bin Yusuf, Vardaloğlu Mehmed bin Mustafa. Aded 315: Yapraklar
Lazistan Sancağı’nın merkezi olan Rize kazası kurâsından Yapraklar karyesi ahalisinden iken bundan akdem vefat eden Metooğlu Ömer bin Abdulhamid’in sulbîye-i sağire kızları Ayşe ve Fatıma’nın pederleri müteveffa-yi mezbûrdan mevrus mallarını hıfz ve umurlarını tesviye ve ru’yete bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadir idugi karye-i merkume imam ve muhtar ve heyeti ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn-i mezbûrun ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Emine bint Mustafa sağiretan-ı mezbûretanın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l yevmi’r-râbi ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Metooğlu Osman bin İbrahim, Metooğlu Salih bin Beşir. Aded 316: Kamaşnoz
Lazistan Sancağı’nın merkezi olan Rize kasabası mahallâtından Kamaşnoz mahallesinden Sarı Ahmedzâde Rıza Efendi ibn Osman Efendi meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm Alemdarzâde müteveffa Hacı Receb Efendi eytâmı Şaban ve Ramazan ve Muharrem’in mallarından sîm mecîdi ondokuz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim binikiyüz kuruş ile semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden ikiyüzonaltı kuruş ceman bindörtyüzonaltı kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan mahalle-i mezkûreden Sarı Ahmedzâde Hakkı bin Süleyman ve Dursun bin Mehmed Reis ve Roş mahallesinden esnaftan Siraczâde Hafız Mahmud Efendi ibn Abdulhamid Efendi tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyh Rıza Efendi’nin ceman zimmetinde edası vacib olan bindörtyüzonaltı kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-samine aşer min Zi’l-kaadeti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Satıroğlu Mehmed Efendi. Aded 317: Hortoz
Lazistan Sancağı’nın merkezi olan Rize kasabası mahallâtından Hortoz mahallesinden Rakıcızâde Mustafa Efendi ibn İzzet Efendi meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Salcıoğlu müteveffa Hacı Yakub’un sulbî sağir oğlu Yusuf’un malından lira-i Osmanî yüz kuruş hesabıyla dörtyüz kuruş ve Şatroz karyeli Karacaoğlu müteveffa Bahadır’ın sağir oğlu Rıza’nın malından kezalik lira-i Osmanî yüz kuruş hesabıyla beşyüzyirmialtı ve İksenit mahallesi cami-i şerifinin nukûd-i mevkûfesinden beşyüzotuzüç kuruş ki ceman bindörtyüzellidokuz kuruş ile semeni işbu tarihten iki sene-i kamile müeccel olmak üzere iştira eylediğim bir cild Ali Efendi fetvası semeninden ikiyüzaltmışüç kuruş ki ceman binyediyüzyirmiiki kuruş istidane ve kabz ve umuruma sarfla istihlâk eyledim zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbet’t tasdiki’ş-şer’i kefalet-i vakıaları meclis-i eytâmca musaddak olan Manlelioğlu Süleyman Efendi ibn Ömer ile Rakıcızâde Rıza Efendi ibn Tevfik Efendi ve Haldoz mahalleli Tavilzâde İlyas Efendi ibn Mehmed Efendi ve Küçük Salihoğlu Abdulhamid Efendi ibn Abdulkerim meclis-i makud-i mezkûrde ve müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyhin ceman zimmetinde edası vacib olan binyediyüzyirmiiki kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sâlis min Muharremi’l-haram li sene isna ve selâsîne ve selâsemie ve elf.
Mukabele olmuştur. Baş kâtib, kadı. Muhzır Sadık Efendi, Tatzâde Osman Efendi. Aded 318: Leroz Mervan
Der-i devlet mekine arz-ı dai kemineleridir Trabzon vilayet dâhilinde kâin Lazistan Sancağı’nın merkezi olan Rize kazası kurâsından Leroz Mervan karyesinden Sarı Hasanoğulları Hacı Ali ve Ömer benan-i Mehmed ve Hacı Osman ibn diğer Mehmed ve Mustafa Efendi ibn Ali Efendi ve Bostanoğlu Yunus bin Ahmed ve Yakub bin Ali ve İsmail bin Memiş ve Küçük Ahmedoğlu Arif bin Yunus vesair ceride-i şer’iyede mazbutu’l-esami müslimin bi ecmaihim liva-i mezkûr mahkeme-i şer’iyesinde evkaf memuru vekîli Osman Zeki Efendi hazır olduğu halde munakid meclis-i şer’i meali-i ukudda her biri takrir-i kelâm ve tabir-i ani’l-merâm idub ahalisi bulunduğumuz mezkûr Leroz Mervan karyesinin Havli dinmekle marûf nâm mahalde eda-i salât-i Cuma ve iydeyn olunur cami-i şerif olmadığından mahal-i baide azimet ve avdette düçar-ı usret ve içimizde ihtiyarlarımız kemal-i meşakkat çekmekde olduğundan mezkûr Havli mahallesindeki mescid-i şerif ahali-i karyeye gayr-i vasi olub mahalle-i mezkûre mısr hükmünde olduğuna binaen mescid-i şerif-i mezkûre minber vazıyla salât-i Cuma ve ideyn eda olunmak ve hitabeti dahi işbu mahkeme-i şer’iyeden tanzîm olunan bir kıta vakfiye ciheti mantukunca karyemiz ahalisinden Sarı Hasanoğlu Ali Efendi ibn Ali ber nehc-i şer’i vakf-ı lazım ile vakfeylediği bin kuruşun ğalle ve nemasını vazife-i şurût ve tahsis etmekle mezkûr hitabet cihetinin vazife-i mezkûre ile cümlemizin muhtar ve müntehabı olan muma ileyh Ali Efendi dailerine tevcih ve izin ve icazeti hâvî ferman-ı âli suduru niyazında olduğumuz der-i devlet-i medara arz olunmak matlubumdur deyu istid’â eylediklerinde hakikat-i hal ahali-i mezbûrun takrir-i meşruhları üzere bulunduğu bi ğaraz-i erbab vukuf haberleriyle zâhir olduğu gibi karye-i merkumenin ikiyüzseksensekizinci hanesinin birinci numarasında mukayyed ve binikiyüzseksenaltıncı senesinde tevellüd idub kura ve bakaya ve firarisi olmadığı nüfus memurluğu ve mensub olduğu redif taburu canibinden mevrud künye pusulası ve mazbata meallerinden müstebân olan işbu baisu’l-arz Ali Efendi’nin cedid-i tevcihe meşihat nizamnamesinde muharrer usul-i muttahize ve kavaid-i mahsuseye tevfiken lede’l ilan başka talib zuhur etmemesinden naşi müteşekkil encümen-i ilmiye huzurunda imtihanı bi’l icrâ cihet-i mezkûreye ehliyeti ğayan olduğuna binaen mescid-i şerif-i mezkûre minber vaz’ıyla eda-i salât-i Cuma ve iydeyn olmak üzere izin-i hümayun mülükane erzan ve hitabeti ve vazife-i mezkûre ile muma ileyh Ali Efendi dailerine tevcihe yedine berat-ı şerif-i âlîşân sadaka ve ihsan buyrulmak ricası paye-i serir-i âlâya arz ve i’lâm olundu el-emr li meni’l hazreti veliyi’l emr Fi’l-yevmi’s-sabia aşer min Zi’l-hicceti’ş-şerife li sene ihdâ ve selâsîne ve selasemie ve elf.
Mukabele olmuştur. Baş kâtib, kadı. Aded 319: Leroz Mervan
Lazistan Sancağı’nın merkezi olan Rize kazası kurâsından Leroz Mervan karyesinden sahibu’l-hayrat ve’l-hasenat Sarı Hasanoğlu Ali Efendi ibn Ali meclis-i şer’-i şerif-i enverde Zikr-i âtî vakfına li ecli’t-tescîl mütevelli nasb u tayin eylediği Mehmed Efendi ibn Ahmed Efendi mahzarında ikrar-ı tam ve tasvir-i ani’l-merâm idub ben etyab-i mal ve enfes-i menalimden ifraz ve kemal-i imtiyaz ile mümtaz eylediğim bin kuruşu hasbeten lillahi’l-ehad ve taleben li merdati’s samed vakf-ı sahih müebbed ve habs-i sarih-i muhalled ile vakf ve habs idub şöyle şart ve tayin eylemeğe meblağ-ı mevkuf-i mezkûr beherisine ba yed-i mütevelli rehn-i kavi veya kefil-i melî ile irbah ve istirbah olunub senevi hasıl olan ğalle ve neması karye-i merkumenin Havli dinmekle marûf nâm mahallinde vâki mescid-i şerifin hitabet cihetine mutasarrıf olacak zata verile ve tevliyeti labis-i libas-i hayat oldukça bana bade’l-vefat ahali-i karyenin re’y u intihabı ve re’y-i hâkimle içlerinden muteber bir zata aid ola deyu meblağ-ı mevkuf-i mezkûri fariğen ani’s şevağil mütevelli-i mezbûr Mehmed Efendi’ye teslim ol dahi tesellüm ve kabz vesair mütevellilerin evkafda tasarrufları gibi tasarruf eyledi dedikten sonra vâkıf muma ileyh Ali Efendi vakf-ı nukûd ve zımnında olan şurût ve kuyûd-i eimme-i selase indinde batıl olmağla vakf-ı mezbûrdan rucu eylediğimden meblağ-ı mezkûri bana red ve teslime mezbûr Mehmed Efendi’ye tenbih olunmak matlubumdur deyu dava ve lede’s-sual mütevelli-i mezbûr Mehmed Efendi dahi cevabında fi’l-hakika vakf-ı nukûd ve zımnında olan şurût ve kuyûd-i eimme-i selase indinde batıl ise de İmam Züfer’den İmam Ensari rivayeti üzere sahih ve caiz olduğundan meblağ-ı mezkûri red ve teslime imtina ederim deyu her biri müterâfian fasl ve hisseme taliban olduklarında âlimen bi’l hilafi’l carî beyne’l eimmeti ve’l eslaf vakf-ı mezbûrun kavl-i müfta bih üzere evvelen sıhhatıne bade’l-hükm vâkıf-ı muma ileyh tekrar bast-ı mukeddemata rucu ile her ne kadar nukûd-i mezbûrenin vakfiyeti hükm-i hâkimle sahih olduysa da İmam-ı Azam hazretleri indinde sıhhatı mustelzem luzum olmamağla vakf-ı mezbûrdan tekrar rucu eyledim deyu davayı istirdad ettikde mütevelli-i mezbûr dahi İmam Ebu Yusuf hazretleri indinde vâkıf-ı mücerred vakaftu demekle ve İmam Muhammed hazretleri indinde teslim ilel mütevelli bulunmağla onların kavl-i şerif ve re’y-i münifleri üzere hükm olunmak matlubumdur dedikte vakf-ı mezbûrun luzumuna dahi bade’l-hükm vakf-ı mezbûr sahih ve lazım olub min ba’d-i naksı ve ibtali mumteniu’l-ihtimal oldu. Fi’l-yevmi’s-sabia aşer min Zi’l-hicceti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Sarıoğlu Ömer bin Mehmed, Küçük Ahmedoğlu Arif bin Yusuf, Bostanoğlu Yunus bin Ahmed, Sarıoğlu Ahmed bin Mehmed. Aded 320: Polihoz
Lazistan Sancağı’nın merkezi olan Rize kazası kurâsından Polihoz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarefe olan Fatıma bint Tahir meclis-i şer’-i şerif-i enverde zevci Setoz karyesinden Köseoğlu Mahmud bin Mustafa mahzarında takrir-i kelâm ve tabir-i ani’l-merâm idub halen zevc-i dahilim olan mezbûr Mahmud’un mesken-i şer’î olmamasına binaen mesken-i şer’î tedarik edinceye değin benimle firaşından hasıla ve benden mütevellide ve halen bi hakki’l-hidâne hacr ve terbiyemde olan sulbîye-i sağire kızı kızım Aliye içun üzerine kadr-i marûf nafaka farz u takdir olunmak matlubumdur deyu dava ve lede’s-sual ol dahi cevabında müddeiye-i mezbûrenin müddeasını taven ikrar ve itiraf idub lakin nafaka vermeğe kudretim yokdur dedikte mesken-i şer’î tedarik edinceye değin mezbûre içun şehrî otuz ve sağire içun dahi yirmi kuruş ki ceman her ikisine şehrî elli kuruş kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince şehrî her ikisine ol mikdar nafaka farz u takdir olunub meblağ-ı mefruz-i mezkûri kendi ve sağire-i mezbûrenin nafaka ve kisve-i bahâ vesair levazım-ı zaruriyesine harc u sarfa ve lede’l-hâce istidaneye ve inde’z-zafer mezbûre Mehmed üzerine rucua mezbûre Fatıma’ya izin verilmegin ma vekaa bi’t-taleb ketb olundu. Fi’l-yevmi’t-tasia aşer min Zi’l-kaadeti’ş-şerife li sene ihdâ ve selâsîne ve selasemie ve elf.
Mukabele olmuştur. Baş kâtib, kadı. Karaalioğlu Mehmed bin Ali, Kürd Osmanoğlu Ahmed bin Abdulkerim. Aded 321: Muskas
Lazistan Sancağı’nın merkezi olan Rize kazası kurâsından Muskas karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Veziroğlu kerimesi ? bint İbrahim meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Ruspa Yalı karyesinden Sarı Ahmedoğlu Ömer bint Mehmed bundan akdem benimle firaşından hasıla ve benden mütevellide halen bi hakki’l-hidâne hacr ve terbiyemde olan sulbîye-i sağire kızı kızım Hacere’yi bila nafaka vela munfek-i şer’i terk idub müddet-i sefer-i baid olan Rusya memalikine gittikden sonra cins-i nafakadan bir nesne irsal etmediği gibi kimesne tarafından dahi havale eylemediğinden zevc-i gaib-i mezbûr üzerine benim ve sağire-i mezbûre içun kadr-i marûf meblağ nafaka farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi zeyl-i vesikada muharrer nâm kimesnelerin ihbarlarıyla lede’ş-şer’il enver zâhir ve nümâyân olmağın mezbûre bade’t-tahlîf mucebince nafaka ve kisve bahâ vesair levazım-ı zaruriyesi içun işbu tarihten itibaren beher şehrî mezbûre içun kırk ve sağire-i mezbûre içun otuz ki ceman her ikisine yetmiş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Name’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sabi min Rebii’l-evvel li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Karye-i mezkûreden Veziroğlu Mehmed bin Osman, Muskas karyesinden Veziroğlu Harun bin Mehmed. Aded 322: Yapraklar
Lazistan Sancağı’nın merkezi olan Rize kazası kurâsından Yapraklar karyesi ahalisinden olub Osmanlı Seyr-i Sefain Kumpanyası’nın Trablusgarb vapuru mürettebatından iken bundan akdem vefat eden Metooğlu Ömer bin Abdulhamid’in ber vechi ati varisi olduğunu iddia eden zatı zeyl-i vesikada muharreru’l-esâmî müslimîn tarifleriyle muarrefe olan zevce-i menkuhe-i metrukesi Emine bint Mustafa meclis-i şer’-i şerif-i enverde müteveffa-yi mezbûrun medyuni Mehmed Efendi ibn Ahmed Efendi mahzarında üzerine dava ve takrir-i kelâm idub zevcim müteveffa-yi mezbûrun verâseti benimle sulbîye-i sağire kızları Fatıma ve Ayşe ve Havva ve li ebeveyn erkarındaşları Dursun ve Yunus ve li ebeveyn kız karındaşı Rukiye’ye munhasıra olub başka varisi ve terekesine mustahik-i ahari olmamağla zevcim müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan otuzaltı kuruş kable’l-ahz ve’l-istifa vefat etmekle meblağ-ı mezbûrdan mesele-i mirasımız vecihle hisse-i irsîyemi bana eda ve îfâya mezbûr Mehmed Efendi’ye tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset-i müddeâsı malûmum değildir deyu inkar etmekle müddeiye-i mezbûre Emine ber vech-i muharrer verâset müddeasını evvelen ba veraka-i mesture Hortoz mahallesi imamı Muradoğlu Ali Efendi ibn Hüseyin Efendi ve azasından Mustafa Efendi ibn İzzet Efendi ve Yapraklar karyesi muhtar-ı evveli Aynacıoğlu Talib bin Mustafa ve muhtar-ı sanisi Salih bin Mikdad’dan sirren ve badehu müterâfian hazır oldukları halde Keçecioğlu Ömer bin İbrahim ile Metooğlu Abdulkadir bin Osman’dan bi’l-muvacehe alenen lede’t-tezkiye adl ve makbulu’ş-şehade idugleri işar ve ihbar olunan ve müteveffa-yi mezbûr ile verese-i mezbûr uni arifan olan Hortoz mahallesinden Rakıcıoğlu Rıza Efendi ibn Tevfik Efendi ile Yapraklar karyesinden Metooğlu Salih bin Beşir’in bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrdan sağirat-ı mezbûranın valideleri ve tesviye-i umurlarına kıbel-i şer’iden mensube vasileri marifetu’z-zat zevce-i mezbûre Emine tekrar meclis-i makud-i mezkûrde bi’l-verâse ve bi’l-vesâye takrir-i kelâm ve tabir-i ani’l-merâm idub zevcim müteveffa-yi mezbûrun hıyn-i vefatında mezkûr kumpanyada olan müterakim mebaliğ-i malûme istihkakında benimle vasileri olduğum sağirat-ı mezbûr atın hisse-i irsîyeleri vazıu’l-yed olan memur-i mahsusda taleb ve ahz u kabza ve benimle sağirat-ı mezbûrât içun tekaud maaşını tahsisini istid’âya ve nezdinde olan eşya-i metrukesiyle zımem-i nasda olan alacağından kezalik bizim hisse-i irsîyemizi icab edenlerden taleb ve ahz u kabz ve lüzumunda mehâkimin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve bi’l-cümle makbuzatını bana irsal ve isal ve teslime ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’de Balat’da Köprübaşı’nda Rizeli Veli Mehmedoğlu Receb Efendi’nin hanında mukim Mehmed Ali Paşa o ki kayıkçılarından Rize’li Mustafaoğlu Dursun bin Abdulhamid’i kabulune mevkûfe bi’l-verâse ve bi’l-vesâye vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi ve’l-ışrin min Şabani’l-muazzam li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Metooğlu Osman bin İbrahim, Metooğlu Salih bin Beşir. Aded 323: Umma Tuğlu
Lazistan Sancağı’nın merkezi olan Rize kazası kurâsından Umma Tuğlu karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Bıçakçıoğlu kerimesi Refia bint Hüseyin meclis-i şer’-i şerif-i enverde takrir-i kelâm ve tabir-i ani’l-merâm halen zevc-i dahilim olan Bıçakçıoğlu Muharrem bin Mehmed bundan akdem beni bila nafaka vela munfek-i şer’i terk idub müddet-i sefer-i baid olan Dersaadet’e gittikden sonra cins-i nafakadan bir nesne irsal etmediği gibi kimesne tarafından dahi havale eylemediğinden zevc-i gaib-i mezbûr üzerine kadr-i marûf nafaka farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar-ı sanisi ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlif-i şer’i mucebince nafaka ve kisve bahâ vesair levazım-ı zaruriye içun işbu tarihten itibaren zevc-i gaib-i mezbûr üzerine beher şehrî elli kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Refia’ya kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sadis ve’l-ışrin min Zi’l-hicceti’ş-şerife li sene ihdâ selâsîne ve selâsemie ve elf.
Mukabele olmuştur. Baş kâtib, kadı. Karyeden Sarı Mehmedoğlu Şaban bin Mahmud, Umma karyesinden Hacı Refik bin Osman. Aded 324: Müftü mahallesi
Lazistan Sancağı’nın merkezi olan Rize kasabası mahallâtından Müftü mahallesinden Hacı Lahanaoğlu Abdulkerim Reis bin Hacı Hüseyin meclis-i şer’-i şerif-i enverde dava vekîllerinden Arif Efendi bin Tevfik Efendi mahzarında takrir-i kelâm ve tabir-i ani’l-merâm idub mahalle-i mezkûreden Altıkayaoğlu Dursun Ali ve karındaşı Mustafa benan-i Mahmud ve rufeka-i sairesi ile beynimizde mütehaddis değirmen ve su ve mecra davalarından dolayı mezbûran ile vesairleri tarafından aleyhime ikame edilecek her nevi deâvîden dolayı icab edenlerle aid olduğu mehâkim-i şer’iye ve hukukiye ve ticariye ve cezaiyenin her derecesinde ve müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ ve fekkine ve ehl-i vukuf ve mümeyyiz ve hâkim tayin ve azline ve tefrik u taksime ve lede’l-hâce isbat-ı verâset iddiasına ve sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve irsal ve isal ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l yevmi’s-sâlis min Muharremi’l-haram li sene isna selâsîne ve selâsemie ve elf.
Mukabele olmuştur. Baş kâtib, kadı. Tatzâde Osman Efendi, Derviş İlyas Efendi. Aded 325: Ğotoz
Lazistan Sancağı’nın merkezi olan Rize kazası kurâsından Ğotoz karyesinden iken bundan akdem vefat eden Kanburoğlu Hacı Hüseyin ibn Abdullah’ın verâseti zevce-i menkuhe-i metrukesi Fatuli bint Ali ile sulbî kebir oğulları Hasan Efendi ve İsmail ve Zelkifl ve sulbîye-i kebire kızı Hamide’ye munhasıra ve badehu kable’l-kısmet mezbûr İsmail vefat idub verâseti zevce-i menkuhe-i metrukesi Ayşe bint Hasan ile sulbî kebir oğlu Mehmed ve sulbîye-i sağire kızı Fatıma ve Meryem ve Nafia’ya munhasıra ve badehu mezbûr Zelkifl dahi kable’l-kısmet vefat idub verâseti anası mezbûre Fatuli ile zevce-i menkuhe-i metrukesi Hanife bint Hacı Osman ve sulbîye-i sağire kızı Nuriye ve li eb erkarındaşı mezbûr Hasan Efendi ve li eb kız karındaşı mezbûre Hamide’ye munhasıra ve badehu mezbûre Nuriye dahi kable’l-kısmet vefat idub verâseti anası mezbûre Hanife ile li ebeveyn amucesi mezbûr Hasan Efendi’ye munhasıra olduğu bi’l-ihbar lede’ş-şer’il enver zâhir ve mütehakkık olduktan sonra verese-i mezbûrundan zatı zeyl-i vesikada muharreru’l-esâmî müslimîn tarifleriyle muarrefe olan mezbûre Fatuli ile meclis-i şer’-i şerif-i enverde müteveffa-yi mezbûrun terekelerine vazıu’l-yed olan mezbûr Hasan Efendi mahzarında ikrar-ı tam ve takrir-i kelâm idub zevcim müteveffa-yi mezbûr Hacı Hüseyin’in terekesi emlak ve arsa olmağla mehr-i müeccel-i müsemmam olan mebaliğ-i malûme ile hisse-i irsîyeme mukabil vazıu’l-yed olduğu terekeden altı aded Osmanlı lirası bana vermek üzere mezbûr Hasan Efendi ile şerait-i sıhhat sulhi hâvî ala tariki’t teharüci’ş şer’i sulh olub meblağ-ı mezkûr altı aded lira-i Osmanîyi bana tamamen i’tâ ve teslim ben dahi yedinden bade’l ahz ve’l-kabul verese-i mezbûrunun zimmetlerini ibra-i âm-ı sahih-i şer’i ile ibra ve ıskat eyledim dedikte mezbûr Hasan Efendi dahi vehacen ve şifahen kabul ve tasdik itmegin ma vekaa bi’t-taleb ketb olundu. Fi’l yevmi’s-samin min Muharremi’l-haram li sene isna selâsîne ve selâsemie ve elf.
Mukabele olunmuştur. Baş kâtib, kadı. Usta Ömeroğlu Şaban bin Receb, Molla Ahmedoğlu Mehmed bin Bilal, Cinioğlu Hurşid bin Mustafa, Uzun Abdioğlu Hasan bin Hüseyin, Ofluoğlu Mustafa bin Şakir, Likoğlu Abdulkadir bin Ali, Usta Ömeroğlu Hacı Osman. Aded 326: Vonit-i İslâm
Lazistan Sancağı’nın merkezi olan Rize kasabası mahallâtından Vonit-i İslâm mahallesinden Şadzâde Ali Efendi bin Hacı Genç Ağa meclis-i şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-merâm idub benim her hakkımı icab edenlerden aid olduğu mehâkim-i şer’iye ve nizamiyenin hukuk ve ticaret ve ceza kısımlarında müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabz ve tefrik u taksime ve aleyhime her nevi dava ikame eden olur ise lazım gelenlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve ehl-i vukuf tayin ve azline ve taleb-i icrâ ve hacz vaz’ u fekkine ve lede’l-hâce isbat-ı verâset iddiasına ve makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l yevmi’s-sadise aşer min Muharremi’l-haram li sene isna ve selâsîne ve selâsemie ve elf.
Mukabele olmuştur. Baş kâtib, kadı. Satıroğlu Mehmed Efendi, Dava vekîli Hamid Efendi. Aded 327: Harvel
Lazistan Sancağı’nın merkezi olan Rize kazası kurâsından Harvel karyesinden Baloğlu kerimesi zatı zeyl-i vesikada muharreru’l-esâmî müslimîn tarifleriyle muarrefe olan Futi bint Beşir ile mezbûrenin kızı zatı müslimin-i mezbûrun tarifleriyle muarrefe olan Fatıma bint Mustafa meclis-i şer’-i şerif-i enverde her biri takrir-i kelâm ve tabir-i ani’l-merâm idub Atyanoz karyesinden İbukaoğlu Mehmed bin İbrahim ve Harvel karyesinden Kocamanoğlu Mustafa Mesud bin Hasan’ın vekîli Hafız Hulusi Efendi ile beynimizde mütehaddis arazi ve halît ve şerik davalarından dolayı mezbûran ile aid olduğu mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Vasil Efendi ibn Yani’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l yevmi’s-sâlis aşer min Muharremi’l-haram li sene isna selâsîne ve selâsemie ve elf.
Mukabele olmuştur. Baş kâtib, kadı. Kocamanoğlu Muharrem bin Hasan, Ömer Habiboğlu(?) Halil bin Mehmed. Aded 328: Peşeyan
Lazistan Sancağı’nın merkezi olan Rize kasabası mahallâtından Peşeyan mahallesinden olub Karadere nahiyesi Tapu kâtibi iken bundan akdem vefat eden Buberzâde Ali Efendi ibn Tufan Ağa’nın ber vechi ati varisi olduğunu iddia eden sulbî kebir oğlu Mehmed Efendi meclis-i şer’i münîrde müteveffa-yi muma ileyhin mikdaratı maaş-ı müterakimesine hasbe’l memuriye vazıu’l-yed olan olan sancağ-ı mezkûr muhasebecisi Tahsin Bey tarafından mürsel ve hususati’l beyana husumeti taraf-ı şer’iden re’y olunan muhasebe kalemi ketebesinden Hüseyin Efendi ibn İsmail Efendi muvacehesinde üzerine dava ve takrir-i kelâm idub pederim müteveffa-yi muma ileyhin verâseti benimle zevce-i menkuhe-i metrukeleri Fatıma bint Hasan ve Feride bint Mahmud ve babası mezbûr Tufan Ağa ve anası Rukiye bint Süleyman ve sulbî kebir diğer oğlu Muhiddin ve sulbî sağir oğulları Ziya ve Hakkı ve sulbîye-i kebire kızı Rabia ve sulbîye-i sağire kızları Şöhret ve Nadire’ye munhasıra olub başka varis ve terekesine mustahik-i ahari olmamağla mesele-i mirasları bi hükmi’l feraiz beşyüzyirmisekiz sehmden olub siham-ı mezkûreden otuzüç sehmden altmışaltı sehmi zevcetan-i mezbûr atana ve seksensekiz sehmi ebu’l mezbûr Tufan’a ve seksensekiz sehmi dahi ummu’l mezbûreye ve elliikişer sehmden ikiyüzsekiz sehmi benun-i mezbûr una ve yirmialtışar sehmden yetmişsekiz sehmi benan-i mezbûrât Rabia ve Şöhret ve Nadire’ye isabeti anlaşıldıktan sonra babam müteveffa-yi muma ileyhin maaş-ı müterakimesi olan binyüzellialtı kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana ve verese-i sairenin hisse-i irsîyelerini kendilerine teslime müvekkil muhasebeci muma ileyha izafetle vekîl-i muma ileyh Hüseyin Efendi’ye tenbih olunmak matlubumdur deyu dava ve lede’s-sual vekîl-i muma ileyh Hüseyin dahi cevabında cihet-i merkûmeden müteveffa-yi muma ileyhin ol mikdar kuruş maaş-ı müterakimesine müvekkil muhasebeci muma ileyhin hasbe’l memuriye vazı’ı yedini taven ikrar ancak müddeî mezbûr Mehmed Efendi’nin verâset-i müddeasını bade’l-inkar müddeî mezbûr Mehmed Efendi ber vech-i muharrer verâset-i mezkûre müddeasını evvelen ba veraka-i mesture Emineddin mahallesi muhtarı Said Bey ibn Mehmed Ali Bey ve muhtar-ı sanisi Faik Efendi ibn Hacı Osman Efendi ve Peşeyan mahallesi imamı Hacı Şeref Efendi ibn Hasan Efendi ve muhtar-ı sanisi Hüseyin Efendi ibn Hacı Mehmed Efendi’den sirren ve badehu müterâfian hazır oldukları halde Tatoğlu Osman ibn Bayram ve Küçük Salihoğlu Hamid Efendi ibn Abdulkerim’den alenen lede’t-tezkiye adl ve makbulu’ş-şehade idugleri işar ve ihbar olunan ve verese-i mezbûr uni arifan olan Emineddin mahallesinden Kumbasaroğlu Mehmed Efendi ibn Mesud Efendi ile Peşeyan mahallesinden Kalamozluoğlu Mehmed Efendi ibn Osman’ın tafsil-i mezkûr üzere ber nehc-i şer’i şahadetleriyle isbat itmegin mucebince sübut-i verâsetlerine mebni müddeâ bih meblağdan hisse-i irsîyem olan yüzonüç kuruş otuzdört parayı müddeî mezbûr Mehmed Efendi’ye ber mûceb-i mesele-i miras verese-i sairenin hisse-i irsîyelerini dahi ber mûceb-i usul bi’l-verâse ve bi’l-velâye kendilerine teslime müvekkil muhasebeci muma ileyhe izafetle vekîl-i muma ileyh Hüseyin Efendi’ye tenbih olunduğu tescîl ve i’lâm olundu. Fi’l yevmi’r-râbi min Muharremi’l-haram li sene isna selâsîne ve selâsemie ve elf.
Mukabele olmuştur. Baş kâtib, kadı. |
