Baş kâtib, kadı. Sofoğlu İbrahim, Dava vekîli Arif Efendi. Aded 226: Salarha Atyanoz Lazistan Sancağı’nın merkezi olan Rize kazası kurâsından Salarha Atyanoz karyesinden İbukaoğlu Mehmed bin İbrahim meclis-i şer’-i şerif-i enverde takrir-i kelâm ve tabir-i ani’l-merâm idub Harvel karyesinden Kocamanoğlu Mustafa nâm-ı diğeri Mesud bin Ömer ile beynimizde mütehaddis arazi ve halît ve şerik ve hakk-ı rüchan davalarından dolayı mezbûr Mustafa ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamise aşer min şehr-i

Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Kotiloğlu Hurşid. Aded 227: Kohser-i Süfla Lazistan Sancağı’nın merkezi olan Rize kazası nevâhîsinden Kura-i Seba nahiyesinin Kohser-i Süfla karyesinden Şemedanzâde Dursun Efendi ibn Hasan Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Alemdarzâde müteveffa Hacı Receb Efendi eytâmı Fatıma’nın malından lira-i Osmanî yüziki kuruş yirmidört para hesabıyla müdir-i muma ileyhden istidane ve kabz ile umuruma sarfla istihlâk eylediğim üçbinotuz kuruş ile işbu tarihten iki sene-i kamile müeccel olmak üzere kezalik eytâm-ı mezbûrenin malından ve müdir-i muma ileyhden iştira eylediğim bir cild Ali Efendi fetvası semeninden beşyüzkırkaltı kuruş ki ceman üçbinbeşyüzyetmişaltı kuruş zimmetinde vacibu’l-eda ve lazımu’l-kada deynim ve borcum olub murur edecek eyyamın güzeştesiyle mesarif-i saireyi terk ve teberru eyledim dedikte ğıbbe’t-tasdiki’ş-şer’i derece-i kefaletleri muteber olduğu eytâm meclisince musaddak olan esnafdan Kosifzâde Mustafa Efendi ibn Hacı Receb Efendi ile Ğaliçoz karyeli esnafdan İskebetoğlu İslâm Efendi ibn Hacı Ali ve Kohser-i Ulyâ karyesinden İnceoğulları Hacı Ömer ve Hacı Mansur benan-i Hüseyin tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyhin ceman zimmetinde edası vacib olan üçbinbeşyüzyetmişaltı kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aherin zimmetine lazım gelen meblağa başka başka kefil ve zaminiz dediklerinde ma vekaa bi’t-taleb ketb olundu. Fi’l-yevmi’l aşir min şehr-i Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Tatzâde Osman Efendi. Aded 228: Raşota Der-i devlet mekine arz-ı dai kemineleridir Trabzon vilayet dâhilinde kâin Lazistan Sancağı’nın merkezi olan Rize kazası kurâsından Raşota karyesi ahalisinden Alicanoğlu Ahmed bin Süleyman ve Hamzaoğlu Hurşid bin İsmail ve Çolakoğlu Ali bin Memiş diğer oğlu Cevahir Efendi ibn Abdullah ve Hordoloşoğlu Ahmed bin Ali vesair ceridede mazbutu’l-esami müslimin bi ecma’ihim liva-i mezkûr hükümet konağında meclis-i idareye mahsus odada bi’l-cümle heyet hazır oldukları halde munakid meclis-i şer’i meali-i ukudda her biri takrir-i kelâm ve tabir-i ani’l-merâm idub ahalisi bulunduğumuz mezkûr Raşota karyesinde vâki cami-i şerifin emanet ve hitabet cihetlerine müceddeden ba berat-ı alişan mutasarrıf olan Hordoloşoğlu Yusuf Nihad Efendi ibn Ali’nin vuku-u vefatına mebni ciheteyn-i mezkûreteyn sulbî sağir oğulları Ziyaeddin ve Kazım Efendiler’e intikal etmiş ise de sağiran-ı mezbûranın sinn-i rüşde ve vusul ve kesb-i iktidarlarına değin ciheteyn-i mezkûreteynin cümlemizin muhtar ve müntecini olan işbu hazır bi’l-meclis karyemizden sağiran-ı mezbûranın li ebeveyn amuceleri Hafız Mustafa Efendi ibn mezbûr Ali dailerine bi’n niyabe tevcih ve izin ve icazeti hâvî ferman-ı âli suduru niyazında olduğumuz der-i devlet medara arz olunmak matlubumuzdur deyu dava eylediklerinde hakikat-i hal ahali-i mezbûrunun takrir-i meşruhları üzere bulunduğu bi ğaraz-i erbab-ı vukuf haberleriyle zâhir ve nümâyân olduğu gibi karye-i merkumenin yetmişbirinci hanesinin birinci numarasında mukayyed ve binikiyüzdoksanüç senesinde tevellüd idub kura bakaya ve firarisi olmadığı nüfus memuru ve mensub olduğu redif taburu zabıtani taraflarından mevrud künye pusulası ve mazbata meallerinden müstebân olan işbu baisu’l-arz muma ileyh Hafız Mustafa Efendi’nin mezkûr emanet ve hitabet cihetlerine ehliyeti lede’l-imtihan zâhir ve nümâyân olmağla sağiran-i mezbûr ana niyabete ciheteyn-i mezkûreteynin muma ileyh Mustafa Efendi dailerine tevcih ve yedine berat-ı şerif-i âlîşân sadaka ve ihsan buyurulmak ricası paye-i serir-i âlâya arz ve i’lâm olundu el emr li hazreti veliyu’l-emr. Fi’l-yevmi’l-hamise aşer min Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 229: Müftü mahallesi Lazistan Sancağı’nın merkezi olan Rize kasabası mahallâtından Müftü mahallesinde sakine zatı zeyl-i vesikada muharreru’l-esâmî müslimîn tarifleriyle muarrefe olan Salcıoğlu kerimesi Mevlude bint Hüseyin meclis-i şer’-i şerif-i enverde takrir-i kelâm ve tabir-i ani’l-merâm idub hanesine gitmeğe müheyya bulunduğum zevcim ğayr-i dahilim Sevelos karyesinden Molla Ahmedoğlu Mustafa bin Salih bundan üç sene akdem beni bila nafaka vela munfek-i şer’i terk idub müddet-i sefer-i baid olan Dersaadet’e gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağı farz u takdir olunmak matlubumdur dedikte hakikat-i hal mezbûre Mevlude’nin takrir-i meşruhi üzere olduğu karye-i merkume imam ve heyet-i ihtiyariyesinden mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlif-i şer’i mucebince nafaka ve kisve bahâ vesair levazım-ı zaruriyesi içun zevc-i gaib-i mezbûr üzerine işbu tarihten itibaren beher şehrî altmış kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûreye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sani ve’l-ışrin min şehr-i Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Kubatoğlu Hasan Usta bin Ömer, Hacı Lahanaoğlu Hacı Şakir bin Hacı Hüseyin Aded 230: Çiklenar Lazistan Sancağı’nın merkezi olan Rize kazası kurâsından Çiklenar karyesi ahalisinden iken bundan akdem vefat eden Kakavanzâde Nuri Efendi ibn Abdulhalim’in sulbî sağir oğlu Nihad ile sulbîye-i sağire kızları Mevlude ve Elmas’ın pederleri mütevaffay-i muma ileyhden mevrus mallarını hıfz ve umurlarını tesviye ve ru’yete kıbel-i şer’iden ber vechi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadire idügi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika li ebeveyn er karındaşları İlyas Efendi siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis aşer min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Avcıoğlu İsmail Efendi ibn Alirıza, Sarı Ahmedzâde Rıza Efendi ibn Osman Efendi. Aded 231: Çaklı karyesi Lazistan Sancağı’nın merkezi olan Rize kazası kurâsından Çaklı karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Ayşe bint Temel meclis-i şer’-i şerif-i enverde Petroz karyesinden Hazaoğlu Abdullah bin Süleyman mahzarında takrir-i kelâm ve tabir-i ani’l-merâm idub dört ay evvel beni tatlik eden mezbûr Abdullah ile hal-i zevciyet beynimizde kaime iken firaşından hasıla ve benden mütevellide ve halen bi hakki’l-hidâne hacr ve terbiyemde olan mezbûre Emine içun babası merkum Abdullah üzerine kadr-i marûf meblağ nafaka farz u takdir olunmak matlubumdur deyu dava ve lede’s-sual mezbûre Abdullah dahi cevabında müddeiye-i mezbûrenin ber vech-i muharrer müddeasını taven ikrar ve itiraf etmekle mezbûrenin nafaka ve kisve ve vesair levazım-ı zaruriyesi içun babası mezbûr Abdullah üzerine terazî-i tarafeynle beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer mezbûr Abdullah üzerine rucua mezbûre Ayşe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-samin min şehr-i Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Molla Ahmedoğlu Mesud bin Ali, Rakıcızâde Mustafa Efendi ibn İzzet Efendi. Aded 232: Kament mahallesi Lazistan Sancağı’nın merkezi olan Rize kasabası mahallâtından Kament mahallesi sakinelerinden zatı zeyl-i vesikada muharreru’l-esâmî tarifleriyle muarrefe olan Saniye bint Ahmed meclis-i şer’-i şerif-i enverde mahalleden Tahtacıoğlu Hasan bin Mehmed muvacehesinde üç seneden beri onyedi lira mehr-i müeccel tesmiyesiyle mezbûr Hasan’ın zevce-i menkuhe-i medhul-i bihâsı olduğum halde mesken-i şer’îsi olmadığından benimle firaşından hasıla ve benden mütevellide ve halen bi hakki’l-hidâne hacr ve terbiyemde olan sulbîye-i sağire kızı kızım Huriye içun mesken-i şer’î tedarike değin üzerine kadr-i marûf nafaka farz u takdir olunmak matlubumdur deyu dava ve lede’s-sual ol dahi cevabında müddeiye-i mezbûrenin ber vech-i muharrer müddeâsını tamamen ikrar lakin ben nafaka vermeğe kudretim yokdur dedikte hakikat-i hal mezbûre Saniye’nin takrir-i meşruhi üzere olduğu ve Zikr-i âtî meblağ dahi kadr-i marûf idugi zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mucebince mesken-i şer’î irae edinceye değin her kimesnenin nafaka ve kisve bahâ vesair levazım-ı zaruriyeleri içun mezbûr Hasan üzerine beher şehrî ikisine otuzar kuruşdan ceman altmış kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer mezbûr Hasan üzerine rucua mezbûre Saniye’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sâlis min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. İslâmoğlu Osman bin Memiş, Güvelioğlu Hafız Muharrem bin Hacı Memiş, Mehril(?)oğlu Arif bin Yahya. Aded 233: Çiklenar Lazistan Sancağı’nın merkezi olan Rize kazası kurâsından Çiklenar karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Emine bint Ruşen meclis-i şer’-i şerif-i enverde takrir-i kelâm ve tabir-i ani’l-merâm idub bundan akdem vefat eden karyeden Süleymanoğlu Mahmud bin Hüseyin ile hal-i zevciyet beynimizde kaim iken firaşından hasıl ve hasıla ve benden mütevellide ve halen bi hakki’l-hidâne hacr ve terbiyemde olan sulbî sağir oğlu işbu hazıretun bi’l-meclis Ömer ile sulbîye-i sağire kızı Hüsniye’nin aslen malları olmayıb nafaka ve kisveye eşed ihtiyac ile muhtac olmalarıyla min kıbeli’l eb cedleri mezbûr Hüseyin bin Hacı Hasan sağiran-ı mezbûr anı infak ve iksadan imtina ile memalik-i Rusya’ya azimet etmekle mezbûr Hüseyin üzerine kadr-i marûf meblağ farz u takdir olunmak bi’l hidane matlubumdur dedikte hakikat-i hal mezbûre Emine’nin takrir-i meşruhi üzere olduğu karye-i merkume imam ve muhtarı tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş şeri’l enver zâhir ve nümâyân olmağın mucebince sağiran-i mezbûranın nafaka ve kisve bahâ vesair levazım-ı zaruriyeleri içun min kıbeli’l eb cedleri gaib-i mezbûr Hüseyin üzerine işbu tarihten itibaren beher şehrî ikisine kırkar kuruşdan şehrî ceman seksen kuruş farz u takdir olunub meblağ-ı mefruz-i mezkûri sağiran-ı mezbûranın nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer dedeleri gaib-i mezbûr üzerine rucua mezbûre Emine’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hamis min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Kakavanzâde Vahid Efendi ibn Abdulhalim Efendi, Çakıroğlu Hafız Mustafa Efendi ibn Salih Efendi. Aded 234: Emineddin mahallesi Lazistan Sancağı’nın merkezi olan Rize kasabası mahallâtından Emineddin mahallesi ahalisinden iken bundan onbeş gün mukaddem Gerze nahiyesi dâhilinde Celevdet iskelesinde vefat eden Güç Ahmedoğlu Mehmed Reis bin Mahmud’un ber vechi ati varisi olduğunu iddia eden sulbîye-i kebire kızı zatı zeyl-i vesikada muharreru’l-esâmî müslimîn tarifleriyle muarrefe olan Zekiye meclis-i şer’-i şerif-i enverde müteveffa-yi mezbûrun medyuni Satıroğlu Mehmed Efendi ibn Ahmed Efendi mahzarında üzerine dava ve takrir-i kelâm idub babam müteveffa-yi mezbûrun verâseti benimle zevce-i menkuhe-i metrukesi anam Zeliha bint Yusuf ve li ebeveyn er karındaşı Osman’a munhasıra ve badehu kable’l-kısmet anam mezbûre Zeliha vefat idub verâseti sadriye-i kebire kızı olduğum cihetle kezalik benimle anası Ayşe bint Ömer ve li ebeveyn kız karındaşı Hasibe ve verâseti olmayan li-üm erkarındaşı Mustafa’ya munhasıra ve tashih-i mesele-i mirasları bi’l-münasahati’ş-şer’iye kırksekiz sehmden olub siham-ı mezkûrdan onsekiz sehmi mezbûr Osman’a ve yirmiyedi sehmi bana ve bir sehmi ümmü’l-mezbûre Ayşe’ye ve iki sehmi mezbûre Hasibe’ye isabet idub başka varisleri ve terekelerine mustahik-i ahar kimesneleri olmamağla pederim müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyem olan onüç kuruş yirmi parayı bana eda ve teslime mezbûr Mehmed Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset-i müddeâsı malûmum değildir deyu inkar etmekle müddeiye-i mezbûre ber vech-i muharrer bi tamamiha verâset müddeasını evvelen ba veraka-i mesture mensub oldukları Kamaşnoz mahallesi muhtar-ı evveli Horhoroğlu Mehmed bin Ali ve azasından Sarı Ahmedoğlu Hakkı Efendi ve Emineddin mahallesi imamı Zırhzâde Şaban Efendi ibn Hacı Hasan ve muhtar-ı evveli Tuzcuzâde Said Bey ibn Mehmed Ali Bey’den sirren ve badehu müterâfian hazır oldukları halde Kel Ahmedoğlu Tahir Efendi ibn Abdulhalim ile Celal Efendi ibn Hüseyin Efendi’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve verese-i mezbûrun ile müteveffa-yi mezbûr uni arifan olan mezkûr Kamaşnoz mahallesinden Kadızâde Mustafa Efendi ibn Şakir Efendi ile mezkûr Emineddin mahallesinden Tüfenkcizâde Mehmed Şevket Efendi ibn Mahmud Efendi nam-ı kimesnelerin tafsil-i mezkûr üzere ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan marifetu’z-zat müddeiye-i mezbûre Zekiye meclis-i makud-i mezkûrde zevci Ekşioğlu Dursun Ağa Kotan bin Bahadır Ağa mahzarında takrir-i kelâm ve tabir-i ani’l-merâm idub murislerim olan ebeveynim müteveffa-yi mezbûr andan mevrus ve müntakil Sinop Sancağı dâhilinde mezkûre Gerze nahiyesinde mezkûr Celevdet iskelesinde kâin bi’l-cümle emlak ve arazilerin ber mûceb-i kanun-i muamele-i intikaliyesini icrâ ile emlak ve arazi-i mezkûreyi hıfz ve haraset ve ziraata ve talibine icar misliyle icar ve teslime ve icar-ı müterakimelerini ahz u kabza ve tereke-i mevcudelerinden dahi hisse-i irsîye-i şer’iyemi icab edenlerden talleb ve kezalik ahz u kabz ve tefrik u taksime ve mûceb-i muhâkeme bir hal vukuunda icab edenlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve bi’l-cümle makbuzatını bana irsal ve isal ve teslime ve lede’l-hâce sulh ve ibraya ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile zevcim mezbûr Dursun Kotan Ağa’yı vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamise aşer min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Kadızâde Mustafa Efendi ibn Şakir Efendi, Tüfenkcizâde Mehmed Efendi ibn Mahmud Efendi. Aded 235: Piri Çelebi mahallesi Lazistan Sancağı’nın merkezi olan Rize kasabası mahallâtından Piri Çelebi mahallesinde sakine Kolçakoğlu Nazım Efendi’nin zevcesi zatı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyesi görülen Ayşe Hanım bint Ahmed meclis-i şer’-i şerif-i enverde takrir-i kelâm ve tabir-i ani’l-merâm idub pederim Şamandıroğlu(?) müteveffa-yi mezbûr Ahmed’den mevrus ve müntakil Trabzon’da Tekfur Çayır mahallesinde vâki mahallinde beyne’l-ahâlî ve’l-cîrân malûm ve mutearefu’l hudud iki bab mülk-i menzildeki hisse-i irsîye-i müntakile ve şayiamı vazıu’l-yed olan şerikelerimle tefrik u taksime ve talibi zuhurunda semen misilleriyle hisse-i mezkûremi bey’ u ferağ ve temlik u teslime ve memuri huzurunda takrirlerini i’tâya ve semenlerini ahz u kabz ve her hakkımı icab edenlerden aid olduğu mehâkim-i şer’iye ve nizamiyenin her derecesinde müddeî ve müddeâ aleyh ve şahs-ı sâlis ve itirazu’l-ğayr-ı tarik sıfatlarıyla bidayeten ve iâdeten ve itirazen ve istinafen ve temyizen taleb ve dava ve kezalik ahz u kabza ve aleyhime her nevi dava ikame eden olur ise müddeîlerle muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve bi’l-cümle makbuzatını bana irsal ve isal ve teslime ve lede’l-hâce sulh ve ibraya ve isbat-ı verâset iddiasına ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve son dereceye kadar mütavakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile Trabzon’da mukim dava vekîllerinden Hüseyin Avni Efendi ibn Ali’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamise aşer min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Kolçakoğlu Sabri Efendi ibn Derviş Efendi, Kolçakoğlu Remzi Efendi ibn Hüseyin. Aded 236: Raşota Raşota karyesinden Hordoloşoğlu Hafız Mustafa Efendi’ye Karyenizde vâki cami-i şerifin emanet ve hitabet cihetlerinin mahlulundan bi’n niyabe uhdenize tevcihine dair iktiza eden ilamı tanzîm ve merciine takdîm kılınmış olmağla gerekdir ki berat-ı şerif-i âlîşânın şeref vuruduna değin bi’l fiil ifa-i hüsn-i hizmet etmek üzere kıbel-i şer’iden izin ve icazeti hâvî işbu mürasele i’tâ kılındı. Fi 21 Şevvali’l-mükerrem sene 1331 ve fi 10 Eylül 1329 Mukabele olmuştur. Baş kâtib, kadı. Aded 237: Rize’de mukayyed ilamın kassam kaydı işbu cildin kırkdokuzuncu sahifesinin yetmişdört numarasındadır. Müteveffa-yi muma ileyh Hacı Receb Efendi’nin Zikr-i âtî matlubatı olub bi’l ahz işbu kassamına zeyl ve ilave edilen Fi 19 Şevval sene 1331 Müteveffa-yi muma ileyhin tereke-i behiyyesi esmani olub Şam-i şerifde bulunan seksenikinci alayın birinci taburu binbaşılığından mersul ve mevrud Ali Habiboğlu Ali Efendi zimmeti olub Alemdaroğlu Hafız Receb Efendi tarafından teslim olunan ___________________________________________________________3824 ___________________________________________________________1009-20 ___________________________________________________________3833-20 ___________________________________________________________3723-20 ___________________________________________________________0110 resmi kısmet_________________________________________________96 kaydıyye____________________________________________________1320 pusula esmani________________________________________________2 hisse-i zevce-i mezbûre Fatıma___________________________________131-28 hisse-i zevce-i mezbûre Zehra____________________________________131-28 hisse-i ibn-i sağir-i mezbûr Şaban_________________________________930-35 hisse-i ibn-i sağir-i mezbûr Ramazan_______________________________930-35 hisse-i ibn-i sağir-i mezbûr Muharrem______________________________930-35 hisse-i bint-i sağire-i mezbûr Fatıma_______________________________465-17 Lira-i Osmanî yüziki kuruş yirmidört para itibarıyla müteveffa-yi muma ileyhin ğayr-i ez masraf tereke-i bakiyesi olan ikiyüzotuziki kuruş yirmisekiz parası zevce-i mezbûre Fatıma’nın ba hüccet-i şer’i vekîli bulunan karındaşı Hafız Osman Efendi’ye ve zatı muarrefe diğer zevce-i mezbûre Zehra’nın hisse-i irsîyesi olan ikiyüzotuziki kuruş yirmisekiz para dahi kendisine ba ilmuhaber i’tâ ve teslim olunduğu ve siğar-ı mezbûrunun balada murakkam olduğu üzere ceman üçbinikiyüzellisekiz kuruş üç para li ecli’l irbah eytâm sandığında hıfz eylediği mahkeme-i şer’iye baş kâtibiyle eytâm müdüriyeti taraflarından ifade ve inha eylediği şerh verildi. Mukabele olmuştur. Baş kâtib, kadı. Aded 238: Pilaymanoz karyesi Lazistan Sancağı’nın merkezi olan Rize kazası kurâsından Pilaymanoz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Fitozoğlu kerimesi Hafize bint Haşim meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Mas(?) karyesinden Kırımlıoğlu Seyfullah bundan akdem benimle firaşından hasıl ve benden mütevellid ve halen bi hakki’l-hidâne hacr ve terbiyemde olan sulbî sağir oğlu bir buçuk yaşında Hüsnü beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağı farz u takdir olunmak matlubumdur dedikte hakikat-ı hal mezbûrenin takrir-i meşruhi üzere olduğu karye-i mezkûre heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyeleri içun zevc-i gaib-i mezbûr üzerine işbu tarihten itibaren beher şehrî sağire-i mezbûre içun otuz ve müddeiye-i mezbûre içun dahi kırkbeş ki ceman beher şehrî yetmişbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Hafize’ye izin verildiği ma vekaa bi’t-taleb ketb olundu. Fi’l-yevmi’l aşir min Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Fitozoğlu Hacı Yusuf bin Yusuf, Küçük Alioğlu Emin bin Hurşid. Aded 239: Kura-i Seba nahiyesinin Kafkame Lazistan Sancağı’nın merkezi olan Rize kazası nevâhîsinden Kura-i Seba nahiyesinin Kafkame karyesinden Karamanoğlu Osman Efendi ibn Ahmed meclis-i şer’-i şerif-i enverde takrir-i kelâm ve tabir-i ani’l-merâm idub değirmen ve tokmak ve otlarımı ihrak ve tahrib ve telef eden karyeden Erdaloğulları Ali Çavuş ve Hüseyin benan-i İbrahim ve Osman bin Durmuş ve Molla Mustafa bin Ali ve Ahmed bin Yakub aleyhlerinde aid olduğu mehâkim-i hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh sıfatlarıyla bidayeten ve iâdeten ve itirazen ve temyizen muhâkeme ve muhâsama ve mucâvebeye ve zarar ziyanımı taleb ve ahz u kabz ile makbuzatını bana i’tâ ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve isbat-ı verâset iddiasına ve takib-i davaya ve’l-hâsıl her türlü hukuk-i şahsiye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sâlis ve’l-ışrin min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Rakıcızâde Arif Efendi. Aded 240: Harvel karyesi Lazistan Sancağı’nın merkezi olan Rize kazası kurâsından Harvel karyesinden Kocamanoğlu Mustafa bin Mesud meclis-i şer’-i şerif-i enverde takrir-i kelâm ve tabir-i ani’l-merâm idub İbukaoğlu Mehmed bin İbrahim tarafından aleyhime ikame olunan halît ve şerik ve arazi davalarından dolayı mezbûr Mehmed ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamis min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Hacı Memiş Efendizâde Hacı Hafız Kemal Efendi. Aded 241: Kuriloz karyesi Lazistan Sancağı’nın merkezi olan Rize kazası kurâsından Kuriloz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyesi görülen Çerkesoğlu kerimesi ve Molla Sadıkoğlu Ahmed bin Abdulkerim’in zevcesi Fatıma bint Molla Mustafa meclis-i şer’-i şerif-i enverde Koçaloğlu Bayram bin Osman mahzarında takrir-i kelâm ve tabir-i ani’l-merâm idub karye-i mezkûrede kâin mahallinde beyne’l-ahâlî ve’l-cîrân malûm ve müteârefu’l-hudud basened-i hakani müstakillen malike ve mutasarrıfa olduğum bir kıta tarlamı semen misliyle talibine bey’ u ferağ ve temlik u teslime ve semen-i mislini ahz u kabz ile bana i’tâ ve teslime ve muamele-i lazımesini bi’l icrâ takririni i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Bayram’ı vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sâlis ve’l-ışrin min şehr-i Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Topaloğlu Hüseyin bin Hacı Hasan, Yanıkzâde Mehmed bin Hasan, Kartoğlu Arslan bin Cevahir. Aded 242: Arhavi nahiyesinin Ğalata karyesi Lazistan Sancağı’na tabi Hopa kazasının Arhavi nahiyesinin Ğalata karyesinden İslâmoğlu Hüseyin bin Salih meclis-i şer’-i şerif-i enverde takrir-i kelâm ve tabir-i ani’l-merâm idub esliha-i memnua taşımak ve kolculara teşhir-i silah ve tuz kaçakcılığı etmek üzere aleyhime ikame olunan davadan Hopa mehâkim-i idariye ve adliyesinden mahkumiyete hâvî sudur eden hükm-i adem-i kanaatla istinaf-i dava eylediğimden istinafen der dest-i ru’yet bulunan hususat-i mezkûreden dolayı aid olduğu mehâkim-i cezaiye ve mecalis-i idarenin her derecesinde müddeî ve müddeâ aleyh ve müstenif ve müstenefin aleyh sıfatlarıyla istinafen ve iâdeten muhâkeme ve muhâsama ve mucâvebeye ve ikame-i şuhûd ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl her türlü hukuk-i şahsiye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-samin ve’l-ışrin min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Tatzâde Osman Efendi. Aded 243: Mirekaloz Lazistan Sancağı’nın merkezi olan Rize kazası kurâsından Mirekaloz karyesinden Hutoğlu Hacı Osman bin İbrahim Reis meclis-i şer’-i şerif-i enverde takrir-i kelâm ve tabir-i ani’l-merâm idub oğlum müteveffa Hamza’nın katili olan Sürmene’nin Sargone(?) karyesinden Boduroğlu Yusuf bin Mustafa ile Of’un Uyuyan karyesinden ? oğulları Emin ve Haşim aleyhlerinde aid olduğu mehâkim ve devâir-i cezaiyenin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl her türlü hukuk-i şahsiyye ve kanuniyemi muhafaza ve müdafaya ve son dereceye kadar mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Trabzon’da mukim dava vekîllerinden Gedikoğlu Lazar Efendi ibn Yovan Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani ve’l-ışrin min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Kakavanzâde Abdulvahid Efendi. Aded 244: Mapavri nahiyesinin Yaka karyesi Lazistan Sancağı’nın merkezi olan Rize kazası nevâhîsinden Mapavri nahiyesinin Yaka karyesinden Kürdoğlu Dursun bin Ahmed meclis-i şer’i münîrde nahiye-i merkumenin Kavaroz karyesinden zatı zabt-ı ceridesinde muharreru’l-esâmî müslimîn tarifleriyle muarrefe olan Camkıranoğlu kerimesi Fatıma bint Abdulhamid muvacehesinde mezbûre Fatıma bundan akdem Çanceva karyesinden Tiryakioğlu Mehmed bin Ömer’in zevce-i menkuhe-i medhul-i bihâsı iken mezbûr Mehmed tarih-i ilamdan dört sene mukaddem vefat etmekle vefatından iki sene sonra binbeşyüz kuruş mehr-i müeccel tesmiyesiyle mezbûre Fatıma nefsini mahzar-ı şuhudda bana akd ve tezvic ve tenkih ve ben dahi tezvic ve tenkih ve kabul idub ol vechile zevce-i menkuhe-i medhul-i bihâm olduğu halde bir müddetten beri hukuk-i zevciyete itaat ve inkiyad etmemekte olduğundan mesken-i şer’îme gelib itaat ve inkiyadına mezbûre Fatıma’ya tenbih olunmak matlubumdur deyu bade’t dava ve’s-sual mezbûre Fatıma dahi cevabında müddeî mezbûr Dursun’un ber vech-i muharrer müddeâsını bitamamiha ikrar ve itiraf itmegin mucebince zevc-i müddeî mezbûr Dursun’a itaat ve inkiyada mezbûre Fatıma’ya tenbih olunduğu tescîl ve i’lâm olundu. Fi’l-yevmi’t-tasi ve’l-ışrin min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 245: Babik Lazistan Sancağı’nın merkezi olan Rize kasabası mahallâtından Babik mahallesinden Hordoloşzâde İlyas Efendi ibn Hacı Osman Efendi meclis-i şer’-i şerif-i enverde Eytâm müdürü Hafız Harun Efendi ibn Hacı Dursun Efendi mahzarında takrir-i kelâm ve tabir-i ani’l-merâm idub Molla Ömerzâde müteveffa Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyhden ahz u kabz ile umuruma sarfla istihlâk eylediğim ikibin kuruş ile semeni işbu tarihten iki sene-i kamile müeccel olmak üzere kezalik lira-i Osmanî yüz kuruş hesabıyla iştira eylediğim bir cild Ali Efendi fetvası semeninden üçyüzaltmış kuruş ki ceman ikibinüçyüzaltmış kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnafdan Şadzâde Hafız Muharrem Efendi ibn Hacı Mustafa ve Şadzâde Ali Efendi ibn Hacı Genç Ağa ile Kaleli Kale imamızâde Hamza Efendi ibn Şakir Efendi meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh İlyas Efendi’nin ceman zimmetinde edası vacib olan mezkûr ikibinüçyüzaltmış kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Tatzâde Osman Efendi. Aded 246: Ruspa Satoz Lazistan Sancağı’nın merkezi olan Rize kazası kurâsından Ruspa Satoz karyesi ahalisinden Satıroğlu Hacı Hüseyin Efendi ibn Mehmed Memiş Efendi meclis-i şer’-i şerif-i enverde sulbî kebir oğlu Osman Efendi hazır olduğu halde ikrar-ı tam ve takrir-i kelâm idub Filandoz İskelesinde Erik limanı dinmekle marûf pazarda oğlum hazır mezbûr Osman Efendi’nin taht-i isticarında bulunan bakkaliye dükkanında mevcud bana nisbet olunan bi’l-cümle emval-i ticariye ile dükkan-ı mezkûrun ahz ve itasından dolayı zımem-i nasda olan matlubat ve mezkûr Ruspa Satoz karyesinde vâki oğlum mezbûr Osman Efendi’nin malik ve mutasarrıf ve beraber sakin olduğumuz bir bab mülk-i menzil derununda bi’l-cümle eşya-i mevcude ve esas-i beytiye oğlum mezbûr Osman Efendi’nin kendi malı olub bunlara benim aslen ve katen ve katen alaka ve medhal ve hakkım yokdur dedikte ğıbbet’t tasdiki’ş-şer’i ma vekaa bi’t-taleb ketb olundu. Fi’l-yevmi’l-hadi aşer min Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Sarı Hasanzâde Abdulgafur Efendi, Timürzâde Haşim Efendi ibn Abdullah, Rakıcızâde Kaşif Efendi ibn Hacı Ömer. Aded 247: Piri Çelebi Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Piri Çelebi mahallesinde sakin sancağ-ı mezkûr nüfus memuru Mehmed Hulusi Efendi’nin müsteceren sakin olduğu menzile varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte Trabzon’un Kindinar mahallesinden iken bundan akdem vefat eden Timürcioğlu Hasan Efendi ibn Hacı Mehmed’in sulbî sağir oğlu olub validesiyle beraber mahalle-i mezkûrede menzil-i mezkûrde sakin Nizamettin’in pederleri müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emaneti ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i merkume muhtar ve muhtar-ı sanisi ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat validesi Saadet Hanım bint Mehmed Hulusi Efendi sağir-i mezbûrun pederi müteveffa-yi mezbûrdan mevrus malını hıfz ve vakt-i rüşd-i sedadına değin umurunu tesviye ve ru’yete vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani min Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur. Baş kâtib, kadı. Dervişoğlu Emin Efendi ibn Hüseyin, Timürcioğlu Ahmed Efendi bin Hacı Mehmed. Aded 248: Trabzon’un Kindinar Trabzon vilayetinin Kindinar mahallesinden Timürcioğlu Ahmed Rasim Efendi ibn Hacı Mehmed Efendi Lazistan Sancağı mahkeme-i şer’iyesinde makud-i meclis-i şer’-i şerif-i enverde takrir-i kelâm ve tabir-i ani’l-merâm idub Bayram Bey mahallesi ahalisinden iken bundan akdem vefat eden Tenekeci Ahmed Usta’nın oğlu Hasan’dan bi tariki’l-münasaha benimle verese-i saire-i malûmesine irs ve intikal eden Trabzon’da Debbağhane çarşısında vâki malûm ve müteâreful hudud bi’l-cümle emlak ve akarat ile Tekye mahallesinde kâin bir bab mülk-i menzildeki hisse-i irsîye-i şer’iyem ile icar-ı müterakimeleri vesair her hukukumu vazıu’l-yed olan vesair icab edenlerden aid olduğu mehâkim-i şer’iye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve tefrik u taksime ve semen-i misilleriyle ahere icar ve teslime ve aleyhime her nevi dava ikame eden olur ise onlarla da muhâkeme ve muhâsama ve mucâvebeye ve imzasıyla istid’â ve lâyıha tanzîm ve takdîmine ve teblîğ ve tebellüğa ve ikame-i şuhûd ve tahlife ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve hisse-i müfreze-i şayiamı semen misilleriyle talibine memuri huzurunda bey’ u ferağ ve temlik u teslime ve takririni i’tâ ve semenlerini ahz u kabz ile bi’l-cümle makbuzatını bana irsal ve isal ve teslime ve lede’l-hâce sulh ve ibraya ve isbat-ı verâset iddiasına ve’l-hâsıl her türlü hukuk-i şer’iye ve kanuniyemi muhafaza ve müdafa ile aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile Trabzon’da dava vekîllerinden Beşirzâde Mithat Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi ğurre-i Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur. Baş kâtib, kadı. Düyûn-i umumiye müdürü Şemseddin Efendi, Nüfus memuru Mehmed Hulusi Efendi. Aded 249: Piri Çelebi mahallesi Zikr-i âtî hususun mahallinde ketb u tahririçun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Piri Çelebi mahallesinde sakin liva-i mezkûr nüfus memuru Mehmed Hulusi Efendi’nin müsteciren ikamet eylediği menzile varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte Trabzon’un Kindinar mahallesinden iken bundan akdem vefat eden Timürcioğlu Hüsnü Efendi ibn Hacı Mehmed’in sulbî sağir oğlu Nizameddin’in validesi ve tesviye-i umuruna kıbel-i şer’iden ba hüccet-i şer’iye mensube vasisi zatı müslimin-i mezbûrun tarifleriyle muarrefe olan Saadet Hanım bint Mehmed Efendi meclis-i makud-i mezkûrde bi’l-âsale ve bi’l-visale takrir-i kelâm ve tabir-i ani’l-merâm idub zevcim müteveffa-yi mezbûr Hüsnü Efendi’den benimle vasisi olduğum sağir-i mezbûr Nizameddin’e mevrus ve müntakil Trabzon’da Debbağhane’de malûm ve müteârefu’l-hudud basened-i hakani mutasarrıf olduğumuz bir bab dökmeci dükkanı müşrif-i harab ve maili inhidam olmakda bulunduğunda ve tamir ve termimi içun sağir-i mezbûrun başka malı olmadığından yetim hakkında nef’-i mahz olduğuna dair mesağ-ı şer’i tahakkukunda vasisi olduğum sağir-i mezbûrun hisse-i malûmesini kendi hissem ile beraber semen-i misilleriyle talibine bey’ ve temlik u teslime ve semen-i misillerini ahz u kabz ile memuru huzurunda ita-i takrire ve makbuzatından hisse-i irsîyesi mikdarıyla kezalik mesağ-ı şer’i lâhik olduğu surette sağir-i mezbûr içun akar-ı iştirasına veyahud usul-i şer’iye ve kavanin-i mer’iye dairesinde hisse-i mezkûresini irbah ve istirbaha ve benim hissemi ve makbuzu olduğu halde sağir-i mezbûrenin hissesini bana irsal ve isal ve teslime ve muamele-i saire-i lazımeyi icrâ ve îfâya ve imzasıyla her türlü müstediyat ve evrak tanzîm ve tahtîmine ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Trabzon’da mezkûr Kindinar mahallesinde sakin li ebeveyn karındaşım Ömer Lütfü Efendi’yi kabulune mevkûfe bi’l-âsale ve bi’l-vesâye vekîl ve naib-i menab nasb u tayin eyledim dediğini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelub âla vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sani min Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur. Baş kâtib, kadı. Dervişoğlu Emin Efendi ibn Hüseyin , Timürcioğlu Ahmed Efendi ibn Hacı Mehmed, Nüfus memuru Mehmed Hulusi Efendi. Aded 250: Diğer Haldoz Zikr-i âtî hususun mahallinde ketb u tahririçun canib-i şeriat-i ğarradan mezunen bil hükm irsal olunan ümenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Diğer Haldoz mahallesinden vâki Hacı Alizâde Hafız Sadık Efendi’nin dükkanında zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikte mahal-i mezkûrda sakin Fencizâde Mehmed ve Akif Efendiler benan-i Hacı Hüseyin meclis-i makud-i mezkûrde her biri takrir-i kelâm ve tabir-i ani’l-merâm idub Düyûn-i umumiye idaresi canibinden aleyhimize ikame edilen Tuz ceza-i nakdiyesi davasından dolayı idare-i mezkûre namına icab edenlerle aid olduğu mehâkimin idarede bidayeten ve iâdeten ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl her türlü hukuk-i şahsiye ve kanuniyemizi muhafaza ve müdafa ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde kâtib-i muma ileyh mahallinde ketb u tahrir ve mea mürsel umena-i şer’ile meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sâlis Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur. Baş kâtib, kadı. Taviloğlu Edhem Efendi, Taviloğlu İlyas Efendi, ?, ? Aded 251: Rados Lazistan Sancağı’nın merkezi olan Rize kazası kurâsından Rados karyesinden Tiryakioğlu Ali bin Halil meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm Kale mahallesinden Hacı İsmailoğlu müteveffa Ahmed’in sağire kızı Hüsniye’nin malından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim dokuzyüz kuruş ile semeni işbu tarihten itibaren bir sene-i kamile müeccel olmak üzere sağire-i mezbûrenin malından ve müdir-i muma ileyh yedinden iştira eylediğim bir cild Ali Efendi fetvası semeninden seksenbir kuruş ki ceman dokuzyüzseksenbir kuruş ceman zimmetinde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan karyeden Yazıcıoğlu İsmail Efendi ibn İbrahim ile Şatroz karyeli Karaoğlu Hüseyin bin Numan ve Filarğoz karyeli Kumuşoğlu Osman Reis bin Süleyman tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i merkum Ali’nin ceman zimmetinde edası vacib olan mezkûr dokuzyüzseksenbir kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi aşer min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Şerifzâde Ali Dursun Efendi. Aded 252: Babik mahallesi Lazistan Sancağı’nın merkezi olan Rize kasabası mahallâtından Babik mahallesinde müsâfireten sakin Şabanzâde nâm-ı diğeri Hasan Adil Efendizâde İrfan Efendi ibn Hasan Adil Efendi meclis-i şer’-i şerif-i enverde kaim biraderi Şerifzâde Ali Dursun Efendi ibn Hacı Mustafa Efendi mahzarında ikrar-ı tam ve takrir-i kelâm idub bundan akdem vefat eden pederim muma ileyh Hasan Adil Efendi’nin Edirne vilayeti kasabasında sakin tüccardan Furtunazâde Temel Asım Efendi zimmetinde olan mebaliğ-i malûme alacağından hisse-i irsîyem ile kezalik Edirne’de sakin hususi kâtibim Şevki Efendi zimmetindeki alacağımı vesair zimem-i nasda olan matlubat ve her hakkımı muma ileyha ve icab edenlerden mahallinde aid olduğu mehâkim-i şer’iye ve hukukiye ve ticariyenin her derecesinde bidayeten ve iâdeten ve itirazen ve istinafen ve temyizen taleb ve dava ve ahz u kabza ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha ve evrak ve saire tanzîm ve takdîmi ve tahtîmine ve protesto keşidesiyle hacz vaz’ u fekkine ve ru’yet-i muhasebeye ve mümeyyiz ve hâkim ve ehl-i vukuf tayinine ve taleb-i icrâ ve lede’l-hâce sulh ve ibraya ve isbat-ı verâset iddiasına ve vilayet-i mezkûre kasabasında kâin basened-i hakani malik ve mutasarrıf malûm ve müteârefu’l-hudud iki bab mülk-i dükkanımı icar-ı misliyle talibine icar ve teslime ve taht-ı idaremde bulunan kitabçı dükkanındaki emval-i ticariye ve kütüb-i mütenevvia ve makina ve alat-ı teclidiye ve tab’iye ile icabına göre mezkûr iki bab dükkanımı dahi semen misilleriyle bey’ ve temlik u teslime ve gerek icar-ı müterakimeyi ve gerek emval-i eşya ve emlakı bey’e semenlerini kezalik ahz u kabza ve memuri huzurunda i’tâ ve takrir ve mucib-i muhâkeme bir hal vukuunda veyahud aleyhime dava ikame olunduğunda lazım gelenlerle muhâkeme ve muhâsama ve mucâvebeye ve bi’l-cümle makbuzatını bana irsal ve isal ve teslime ve ber vech-i muharrer ahari tevkile ve azle ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i şer’iye ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Ali Dursun Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur. Baş kâtib, kadı. Mübaşir İbrahim Efendi, Dava vekîli Şevket Efendi, Alemdar Şakir Efendi. Aded 253: Hohol Lazistan Sancağı’nın merkezi olan Rize kazası kurâsından Hohol karyesinden Alioğlu Hasan Efendi ibn Ömer meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Peşeyan mahallesinden Molla Ömerzâde müteveffa Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibin kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından kezalik lira-i Osmanî yüz kuruş hesabıyla müdir-i muma ileyh yedinden iştira eylediğim bir cild Ali Efendi fetvası semeninden üçyüzaltmış kuruş ki ceman ikibinüçyüzaltmış kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan Kanburoğlu İdris Efendi bin Ahmed ile Ofluoğlu Bayram Efendi ibn Durali ve Mahanca karyeli Sandıkçıoğlu Mustafa Çavuş bin Hüseyin tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Hasan Efendi’nin ceman zimmetinde edası vacib olan mezkûr ikibinüçyüzaltmış kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Satıroğlu Mehmed Efendi. Aded 254: Samri mahallesi Lazistan Sancağı’nın merkezi olan Rize kasabası mahallâtından Samri mahallesinden zatı zeyl-i vesikada muharreru’l-esâmî müslimîn tarifleriyle muarrefe olan Fazlıoğlu kerimesi Hesna Gül bint Hasan meclis-i şer’-i şerif-i enverde zevc-i sabıkı Haldoz mahallesinde Ali Gelinoğlu Ali bin Ömer mahzarında üzerine dava ve takrir-i kelâm idub mezbûr Ali bundan akdem zevc-i dahilim olub tarih-i hüccetten ongün mukaddem talak-ı selase ile beni tatlik etmişdi lakin mezbûr Ali’nin firaşından hasıl ve batnımda mütebeyyin hamlim olmağla vazı’-ı haml ile iddetim inkidasına değin benim içun kezalik firaşından hasıl ve benden mütevellid halen bi hakki’l-hidâne hacr ve terbiyemde olan sulbî sağir oğlu işbu hazır bi’l-meclis Nazım içun mezbûr Ali üzerine kadr-i marûf meblağ farz u takdir olunmak matlubumdur dedikte lede’s-sual mezbûr Ali müddeiye-i mezbûreyi kelimat-ı meşruhesinden tamamen tasdik itmegin mucebince mezbûre Hesna Gül içun şehrî kırkbeş ve sağir-i mezbûr Nazım içun de kezalik şehrî kırkbeş ki ceman doksan kuruş rıza-i tarafeynle mezbûr Ali üzerine takdir olunub meblağ-ı mezkûri kendi ve sağir-i mezbûrun nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer mezbûr Ali üzerine rucua mezbûre Hüsnü Gül’e izin verilmegin ma vekaa bi’t-taleb ketb olundu. Fi’l-yevmi’r-râbi aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Dervişoğlu Hamza bin Hüseyin, Timürcioğlu Ahmed, Küçük Ömeroğlu Hacı bin Nail Efendi. Aded 255: Emineddin mahallesi Lazistan Sancağı’nın merkezi olan Rize kasabası mahallâtından Emineddin mahallesinden Müftüzâde Hasan Efendi ibn Asım Efendi meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Peşeyan mahallesinden Molla Ömerzâde müteveffa Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibin kuruş ile semeni işbu tarihten bir sene-i kamile müeccel olmak üzere yine sağire-i mezbûrenin malından ve müdir-i muma ileyh yedinden iştira eylediğim bir cild Ali Efendi fetvası semeninden doksan kuruş ki ceman bindoksan kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan Zırhzâde Hüseyin Efendi ibn Hacı Şakir Efendi ile Manle karyesinden Alioğlu Yehuza bin Hasan Çavuş ve Arkolikoz karyeli Mağriblioğlu Murad Efendi ibn Zekeriyya tekrar meclis-i makud-i mezkûrde her biri ikrar-ı tam ve takrir-i kelâm idub medyun-i muma ileyh Hasan Efendi’nin ceman zimmetinde edası vacib olan meblağ-ı mezkûr bindoksan kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sadis aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Tatzâde Osman Efendi. Aded 256: İksenit mahallesi Lazistan Sancağı’nın merkezi olan Rize kasabası mahallâtından İksenit mahallesinden Civelekoğlu Hacı Osman bin Sadullah meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Kale mahallesinden Hacı İsmailoğlu müteveffa Ahmed’in sağire kızı Hüsniye’nin malından sîm mecîdi yirmi kuruş hesabıyla müdir-i muma ileyh yedinden ahz u kabz ile umuruma sarfla istihlâk eylediğim ikibin kuruş ile semeni işbu tarihten iki sene-i kamile müeccel olmak üzere sağire-i mezbûrenin malından ve müdir-i muma ileyh yedinden iştira eylediğim bir cild Ali Efendi fetvası semeninden üçyüzaltmış kuruş ki ceman ikibinüçyüzaltmış kuruş zimmetinde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan Kabahorlu Yalakoğlu Hacı Hafız Mehmed bin İsmail ile Romanoz-i İslâm mahallesinden Kavalzâde Receb Efendi ibn Hacı Hüseyin ve Memişzâde Abdulaziz bin Hacı Reşid ve Filyoz mahallesinden Karakavoğlu Salih Çavuş bin Mehmed meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i merkumun ceman zimmetinde edası vacib olan meblağ-ı mezbûr ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Bursalıoğlu Tevfik Reis. Aded 257: Peşeyan mahallesinde müsâfireten sakin Veysel Efendi Bayburd kazasının Veysel Efendi mahallesinden olub Lazistan Sancağı’nın merkezi olan Rize kasabasının Peşeyan mahallesinde müsâfireten sakin şahs-ı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyesi görülen Lazoğlu Hüseyin bin müteveffa Mahmud meclis-i şer’-i şerif-i enverde takrir-i kelâm ve tabir-i ani’l-merâm idub mezkûr Veysel Efendi mahallesinde kâin basened-i hakani müstakillen malik ve mutasarrıf olduğum canib-i yeminî su harkı ve yesarî durak hanesi ve arka tarafı Hancı Haşim hanesi ve bir tarafı tarik ile mahdud bir bab mülk-i menzilimi semen-i makbuzum olan elli aded lira-i Osmanî mukabelesinde Cimil karyesinden Yazıcıoğlu Mehmed bin Yakub’a bey’ ve temlik u teslime ve muamele-i lazımesini icrâ ve takririni memurin-i lazımesi huzurunda i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Bayburd’da mukim Kunduracı esnafından Hacı Usta ibn Abdullah’ı kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi min Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur. Baş kâtib, kadı. Gül Ahmedoğlu Sadık Efendi, Küçük Salihoğlu Abdulhamid Efendi. Aded 258: Sakrık Lazistan Sancağı’nın merkezi olan Rize kazası kurâsından Sakrık karyesinden Timürcioğlu Ahmed bin Receb meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Varda karyesinden Alemdaroğlu müteveffa Hacı Receb Efendi eytâmı Şaban ve Ramazan ve Muharrem’in mallarından lira-i Osmanî yüziki kuruş yirmidört para hesabıyla müdir-i muma ileyh yedinden istidane ve kabz ve umuruma sarfla istihlâk eylediğim dörtbinyüzdört kuruş ile semeni işbu tarihten iki sene-i kamile müeccel olmak üzere yine müdir-i muma ileyhden ve eytâm-ı mezbûrunun mallarından kezalik lira-i Osmanî yüziki kuruş yirmidört para hesabıyla iştira eylediğim bir cild Ali Efendi fetvası semeninden yediyüzkırkdört kuruş ki ceman dörtbinsekizyüzkırkdört kuruş zimmetimde vacibu’l-eda ve lazımu’l-kada deynim ve borcum olup murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan Deli Hüseyinoğlu Yakub bin Tufan Reis ile Peşeyan mahallesinden Molla Ahmedoğlu Nazım Efendi bin Hacı Ali ve Ğaliçoz’lu mağazacı esnafından İskitoğlu Mehmed bin Hacı Ali tekrar meclis-i makud-i mezkûrde her biri ikrar-ı tam ve takrir-i kelâm idub medyun-i mezbûr Ahmed’in ceman zimmetinde edası vacib olan meblağ-ı mezbûr ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi ve’l-ışrin min Rebii’l-ahir li sene ihdâ ve selâsîne ve selasemie ve elf. Mukabele olmuştur. Baş kâtib, kadı. Muhzır Sadık Efendi, Hacıoğlu Şakir Efendi. Aded 259: Kalohten Lazistan Sancağı’nın merkezi olan Rize kasabası mahallâtından Kalohten mahallesinden İsmailoğlu İsmail Usta bin Hasan meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Babik mahallesinden İmamoğlu müteveffa Arif Reis’in eytâmı Mehmed ve Sâbire ve Cemile ve Ayşe’nin mallarından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim bin kuruş ile semeni işbu tarihten iki sene-i kamile müeccel olmak üzere yine eytâm-ı mezbûrunun mallarından ve müdir-i muma ileyh yedinden kezalik lira-i Osmanî yüz kuruş hesabıyla yüzseksen kuruş ki ceman binyüzseksen kuruş zimmetimde edası vacib olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan ve mahalle-i mezkûreden Ahıshalıoğlu Abdullah bin Ahmed ile Baboğlu Haşim bin Hüseyin Efendi ve Hacı Alioğlu Molla Sabit bin Hüseyin tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr İsmail’in zimmetinde ceman edası vacib olan meblağ-ı mezbûr binyüzseksen kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Kondoloğlu Receb. Aded 260: Sakrık Lazistan Sancağı’nın merkezi Rize kazası kurâsından Sakrık karyesinden Kasaboğlu Ömer bin Ali meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Alemdarzâde müteveffa Hacı Receb Efendi eytâmı Şaban ve Ramazan ve Muharrem’in mallarından lira-i Osmanî yüziki kuruş yirmidört para hesabıyla müdir-i muma ileyh yedinden istidane ve kabz ve umuruma sarfla istihlâk eylediğim binbeşyüzotuzdokuz kuruş ile semeni işbu tarihten iki sene-i kamile müeccel olmak üzere yine eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetvası semeninden kezalik lira-i Osmanî yüziki kuruş yirmidört para hesabıyla üçyüzonaltı kuruş zimmetimde vacibu’l-eda ve lazım’ul kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları eytâmca musaddak olan esnaftan ve Kavaroz mahallesinden Velioğlu Muharrem bin Hacı Yahya ile Çaklı karyesinden Hacıoğlu Rıfat Efendi ibn Ali Efendi ve Vonit-i Rum mahallesinden Lefteroğlu Vasil bin Yani tekrar meclis-i makud-i mezkûrde ve müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Ömer’in ceman zimmetinde edası vacib olan binsekizyüzonaltı kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’t-tasi ve’l-ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Nevruzzâde Abdulhamid Efendi. Aded 261: Umma Tarikler Lazistan Sancağı’nın merkezi olan Rize kazası kurâsından Umma Tarikler karyesinden Sağıroğlu Hüseyin bin Durali meclis-i şer’-i şerif-i enverde Eytâm müdürü Hafız Harun Efendi Efendi mahzarında takrir-i kelâm ve tabir-i ani’l-merâm idub Alemdarzâde müteveffa Receb Efendi eytâmı Şaban ve Ramazan ve Muharrem’in mallarından lira-i Osmanî yüziki kuruş yirmidört para hesabıyla müdir-i muma ileyh yedinden istidane ve kabz ve umuruma sarfla istihlâk eylediğim binyirmialtı kuruş ile semeni işbu tarihten iki sene-i kamile müeccel olmak üzere yine eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetevası semeninden kezalik lira-i Osmanî yüziki kuruş yirmidört para hesabıyla yüzseksenbeş kuruş ki ceman binikiyüzonbir kuruş zimmetinde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan esnaftan Kabahorlu Yalakoğlu Hacı Hafız Mehmed Efendi ibn İsmail ile Fatla karyesinden Terzioğlu Hacı Hüseyin Efendi ibn Ahmed ve Umma Tarikler karyesinden Tavukçuoğlu Murad Efendi ibn Memiş tekrar meclis-i makud-i mezkûrde her biri ikrar-ı tam ve takrir-i kelâm idub medyun-i mezbûr Hüseyin’in ceman zimmetinde edası vacib olan meblağ-ı mezbûr binikiyüzonbir kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi ve’l-ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Zırhzâde Hacı Emin Efendi. Aded 262: Ğorğorlu Lazistan Sancağı’nın merkezi olan Rize kazası kurâsından Ğorğorlu karyesinden sahibu’l-hayrat ve’l-hasenat Külünkoğlu Hasan Efendi ibn Memiş Efendi meclis-i şer’-i şerif-i enverde ve Zikr-i âtî vakfa li ecli’t-tescîl müteveffa nasb u tayin eylediği Kaşif Efendi ibn Ömer Ağa mahzarında ikrar-ı tam ve takrir-i kelâm idub ben etyab-i mal ve enfes-i menalimden ifraz ve kemal-i imtiyaz ile mümtaz eylediğim binelliüç kuruş hasbeten lillahi’l-ehad ve taleben li merdat-i rabbihi’s samed vakf-ı sahih-i müebbed ve habs-i sarih-i muhalled ile vakf ve habs idub şöyle şart ve tayin eyledim ki meblağ-ı mevkuf-i mezkûr beher sene bâ yed-i mütevelli rehn-i kavi veya kefil-i melî ile irbah ve istirbah olunub senevî hasıl olan ğalle ve neması mezkûr Ğorğor karyesinin Ahayoz dinmekle marûf nâm mahallinde vâki cami-i şerifin emanet cihetine mutasarrıf olacak zata verile ve tevliyeti ben labis-i libas-i hayat oldukça bana ve bade’l-vefat evlad-i evlad-i evlad-i zukûrumun ekber ve eslahına ve bade’l-inkıraz karye-i merkume ahalilerinin re’y-i intihabı ve re’y-i mehâkimle içlerinden mutemed bir zata aid ola deyu meblağ-ı mevkuf-i mezkûri fariğen ani’ş-şevağil mütevelli muma ileyh Kaşif Efendi’ye teslim ol dahi tesellüm ve kabz vesair mütevellilerin evkafda tasarrufları gibi tasarruf eylediği dedikten sonra vâkıf-ı muma ileyh Hasan Efendi vakf-ı nukûd zımnında olan şurût ve kuyûd-i eimme-i selase indinde batıl olmağla vakf-ı mezbûrdan rucu eylediğimden meblağ-ı mezkûri bana red ve teslime mezbûr Kaşif Efendi’ye tenbih olmak matlubumdur deyu dava ve lede’s-sual mütevelli-i muma ileyh Kaşif Efendi dahi cevabında fi’l-hakika vakf-ı nukûd zımnında olan şurût ve kuyûd-i eimme-i selase indinde batıl ise de İmam Züfer’den İmam Ensari rivayeti üzere sahih ve caiz olduğundan meblağ-ı mezkûri red ve teslimden imtina ederim deyu her biri müterâfian fasl ve hisseme taliban olmaları mucebince vakf-ı mezbûrun sıhhatine bade’l-hükm vâkıf muma ileyh tekrar rabt-ı mukaddemata rucu ile her ne kadar nukûd-i mezbûrenin vakfiyeti hükm-i hâkimle sahih olduysa da İmam Azam hazretleri indinde sıhhat-i müstelzem lüzum olmamağla vakf-ı mezbûrdan tekrar rucu eyledim deyu dava ettikte mütevelli-i mezbûr dahi İmam Ebu Yusuf hazretleri indinde teslim ile’l mütevelli bulunmağla onların kavl-i şerifi ve re’y-i münifleri üzere hükm olunmak matlubumdur dedikte tarafeynin iddia ve edillesine nazaren vakf-ı mezbûrun lüzumuna dahi bade’l-hükm vakf-ı mezbûr sahih ve lazım olub min ba’d nakz ve ibtal-i mümteniu’l ihtimal olundu. Fi’l-yevmi’t-tasi ve’l-ışrin min şehr-i Recebi’l-ferd li sene selâsîne ve selasemie ve elf. Mukabele olmuştur. Baş kâtib, kadı. Külünkoğlu Mehmed bin Yunus, Çavuşoğlu Mustafa bin Mustafa, Küçük Alioğlu Abdullah bin Ahmed, Çavuşoğlu İslâm bin Memiş, Külünkoğlu Mustafa Efendi ibn Mehmed, Külünkoğlu Bilal Efendi ibn Mehmed. Aded 263: Ğorğorlu Der-i devlet mekine arz-ı dai kemineleridir Trabzon vilayet dâhilinde kâin Lazistan Sancağı’nın merkezi olan Rize kazası kurâsından Ğorğorlu karyesinden Külünkoğlu Bilal Efendi ibn Mehmed ve Külünkoğlu Mustafa Efendi ibn Mehmed ve Çavuşoğlu İslâm bin Mehmed ve Çavuşoğlu Mustafa bin Mustafa ve Külünkoğlu Mehmed bin Yunus vesair ceridede mazbutu’l-esami müslimin bi ecma’ihim liva-i mezkûr hükümet konağında meclis-i idareye mahsus odada bi’l-cümle heyet hazır olduğu halde münakid meclis-i şer’i meali ukudda her biri takrir-i kelâm ve tabir-i ani’l-merâm idub ahalisi bulunduğumuz mezkûr Ğorğorlu karyesinin Ahayoz dinmekle marûf-i nâm mahallinde vâki cami-i şerifin imamı olmayıb salât-i hamse-i mefruzeyi cemaatle eda ve ifadan mahrum kalmakda olduğumuzdan mezkûr emanet cihetine aid olarak işbu mahkeme-i şer’iyeden tanzîm olunan bir kıta vakfiye ciheti mantukunca karyemiz ahalisinden Külünkoğlu Hasan Efendi ibn Mehmed Efendi’nin ber nehc-i şer’i vakf-ı lazım ile vakfeylediği binelliüç kuruşun ğalle ve nemasınin vazife tahsisiyle mezkûr emanet cihetinin işbu hazır bi’l-meclis cümlemizin muhtar ve müntehabı olan vâkıf muma ileyh Hasan Efendi dailerine tevcih ve izin ve icazeti hâvî ferman-ı âli sudur-i niyazında olduğumuz der-i devlet-i medara arz olunmak matlubumdur deyu istid’â eylediklerinde hakikat-i hal ahali-i mezbûrunun takrir-i meşruhları üzere olduğu bi ğaraz-i erbab vukuf haberleriyle zâhir olduğu gibi karye-i merkumenin doksanikinci hanesinin ikinci numarasında mukayyed ve binüçyüzbir senesinde tevellüd idub kura ve bakaya ve firarisi olmadığı nüfus memuru ve mensub olduğu redif taburu zabıtani taraflarından mevrud künye pusulası ve mazbata meallerinden müstebân olan işbu baisu’l-arz muma leyh Hasan Efendi’nin mezkûr emanet cihetine ehliyeti lede’l-imtihan dahi ve nümâyân olmağla mezkûr emanet cihetinin muma ileyh Hasan Efendi dailerine tevcih ve yedine müceddeden berat-ı şerif-i âlîşânın sadaka ve ihsan buyrulmak ricası paye-i serir-i âlaya arz ve i’lâm olundu el emr li meni’l hazreti veliyu’l-emr Fi’l-yevmi’t-tasi ve’l-ışrin min Recebi’l-ferd li sene selâsîne ve selasemie ve elf. Mukabele olmuştur. Baş kâtib, kadı. Aded 264: Paşyan mahallesi Lazistan Sancağı’nın merkezi olan Rize kasabası mahallâtından Paşyan mahallesinden Kazancızâde Abdulhamid Efendi ibn İbrahim Efendi meclis-i şer’-i şerif-i enverde Zikr-i âtî vakfına li ecli’t-tescîl mütevelli tayin eylediği Derviş İlyas Efendi bin Mahmud mahzarında ikrar-ı tam ve takrir-i kelâm idub deruni kasabada vâki Hüseyin Ağa cami-i şerifi dinmekle marûfe Orta Cami-i şerifin bundan akdem tecdiden inşası tamirinde cihet-i şimaliyesindeki son cemaat mahallerinin yükselmesinden hasıl olan boşluk arsa üzerinde yani kıbleye müteveccihen cümle kapısının canibinde ashab-ı hayr tarafından şer’an i’tâ olunan dörtbin kuruş ile vakf içun ikişer babdan dört bab dükkan bina ve inşa ederek mezkûr dükkanlar re’y-i hâkim veya marifet mütevelli ya müzayedeten veyahud erbab-ı vukuf haberleriyle tahkik edecek icrâ misilleriyle taliblerine icar ve teslim olunub senevi hasıl olunan icar-ı müterakimesinden tekalifat-ı emiriyeleri bade’t tesviye baki kalan mebaliğ gerek cami-i şerif ve gerek dekakin-i mezkûrelerin inde’l keşf tahakkuk ve tebyin edecek tamir ve termimlerine ve fazlası cami-i şerif-i mezkûrun tefrişiyyesine harc u sarf oluna ve bedel-i icarı re’y-i hâkimle eytâm müdürü olacak zat tarafından cibayet ve rehn-i kavi veya kefil malı ahkam-ı şer’iye ve kavanin-i mer’iyyeye tevfiken irbah ve istirbah oluna ve tamir ve termimini icrâ ve hesabatını ifa-i davadan tevelliti Zırhzâde Mehmed Efendi ibn Hacı Şakir Efendi’ye aid ola ve muma ileyh istifa veyahud vefatıyla tevliyeti münhal oldukda muteberan-i memleketin re’y u intihabı ve re’y-i hâkimle bir mütevelli tayin oluna ve fakat ben hayatta oldukca mütevellinin tebdili ve azli yedimde ola ve ahali-i memleketten her hangisi taleb ederse nezareti onlar aid olarak ru’yet-i muhasebeye salahiyeti ola deyu dekakin-i mezkûreyi fariğen ani’ş-şevağil ber vech-i muharrer şerait-i vecihle vakf-ı sahih ile vakf-ı mütevelli ve mütevelli-i muma ileyhe teslim olduğu vakfiyet üzere tesellüm vesair mütevellilerin evkafda tasarrufları gibi tasarruf eyledi dedikte ğıbbe’t-tasdiki’ş şeri vâkıf muma ileyh ariyet menzilesinde olan vakf-ı akarın butlanında olan eimme-i izam kolları üzerine rucu ve mütevelli-i mezbûr dahi sıhhat ve lüzumu hakkındaki eimme-i kiram ictihadıyla mukabele ve müdafaa ettikten sonra beyne’l-eimmeti’l-eslaf vakf-ı mezbûrun sıhhat ve lüzumuna bade’l-hükm ve’t-tenbih tescîl olundu. Fi’l-yevmi’s-sadis ve’l-ışrin min Zi’l-hicceti’ş-şerife li sene selâsîne ve selasemie ve elf. Mukabele olmuştur. Baş kâtib, kadı. Aded 265: Kandeva Lazistan Sancağı’nın merkezi olan Rize kazası kurâsından Kandeva karyesinden Hacı Bayrakdaroğlu Edhem bin Hacı Yunus meclis-i şer’-i şerif-i enverde takrir-i kelâm ve tabir-i ani’l-merâm idub karye-i mezkûreden Hacı Bayrakdaroğulları Arslan ve Mustafa benan-i Hacı Memiş ile beynimizde mütehaddis arazi davasından dolayı mezbûr ile aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve müdahaleye kıyam eden olur ise kezalik onlarla dahi muhâkeme ve muhâsama ve mucâvebeye ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim ile Vasil Efendi ibn Yani’yi gerek münferiden ve gerek müctemian icra-i vekâlete mezun olmak üzere kabullerine mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hamis min Zi’l-kaadeti’ş-şerife li sene ihdâ selâsîne ve selâsemie ve elf. Mukabele olmuştur.

Baş kâtib, kadı. Muhzır İbrahim Efendi, Hacı Abdullahoğlu Mehmed Efendi.