Baş kâtib, kadı. Aded 188: Pilaymanoz Lazistan Sancağı’nın merkezi olan Rize kazası kurâsından Pilaymanoz karyesinden Terzioğulları Ali ve Kemal benan-i İbrahim meclis-i şer’-i şerif-i enverde her biri takrir-i kelâm ve tabir-i ani’l-merâm idub karyeden Terzioğulları Dursun bin Hüseyin ile beynimizde mütehaddis hakk-ı saky ve mecra ve arazi davalarından dolayı mezbûr ve rufeka-i sairesiyle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Kaşif Efendi ibn Ömer Efendi ile Mustafa Efendi ibn İzzet Efendi’yi gerek münferiden ve gerek müctemian

icra-i vekâlete mezun olmak üzere kabullerine mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’l aşir min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Tatzâde Osman Efendi. Aded 189: Peşeyan Lazistan Sancağı’nın merkezi olan Rize kasabası mahallâtından Peşeyan mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Becayişdenoğlu kerimesi Penbe bint Yakub ile sadriy kebir oğlu Abdulkadir Reis bin Mehmed Kaptan meclis-i şer’-i şerif-i enverde her biri takrir-i kelâm ve tabir-i ani’l-merâm idub mahalleden Sarı Ahmedoğlu kerimesi Sabire bint Mehmed Kaptan ile tarafından aleyhimize ikame olunan arazi ve emlak ve arsa davalarından dolayı mezbûre ile vesairleri tarafından aleyhimize ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve benim her hakkımı ashabından taleb ve dava ve ahz u kabz ile bi’l-cümle makbuzatını bize i’tâ ve teslime ve’l-hâsıl leh ve aleyhimize tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Velikaoğlu Memiş bin Yunus, Velikaoğlu Tufan bin Yunus. Aded 190: Peşeyan Lazistan Sancağı’nın merkezi olan Rize kasabası mahallâtından Peşeyan mahallesi sakinlerinden zatı zeyl-i vesikada muharreru’l-esâmî müslimîn tarifleriyle muarrefe olan Sarı Ahmedoğlu kerimesi Sabire bint Mehmed Kaptan meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında takrir-i kelâm ve tabir-i ani’l-merâm idub karındaşım Abdulkadir ile şayıan malik ve mutasarrıf olduğumuz mahalle-i merkumede vâki bi’l-cümle emlak ve arazideki hisse-i şayiamı mezbûr Abdulkadir ile tefrik u taksime ve müdahaleye kıyam eden mucib-i muhâkeme bir hal vukuunda icab edenlerle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve taleb-i icrâ ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazimesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Burnazoğlu Ahmed Hamdi, Sarı Ahmedoğlu Hasan, Sarı Ahmedoğlu Mehmed Efendi ibn Abdulkadir. Aded 191: Harvel Lazistan Sancağı’nın merkezi olan Rize kazası kurâsından Harvel karyesinden iken bundan kırkbeş sene akdem vefat eden Hacıoğlu Abdullah bin Yakub’un ber vechi ati bi tariki’l-münasaha varisi olduğunu iddia eden Osman bin Mustafa’nın zikri ati verâset iddiasıyla ahz u kabza vekîl-i müseccel-i şer’isi dava vekîllerinden Abdulhamid Efendi ibn Abdulkerim meclis-i şer’i münîrde müteveffa-yi mezbûrun medyuni karye-i mezkûreden Lerozlioğlu Hüseyin bin Hacı Abdullah muvacehesinde bi’l-vekâle üzerine dava ve takrir-i kelâm idub müteveffa-yi mezbûr Abdullah’ın verâseti zevce-i menkuhe-i metrukesi Haculi bint Ali ile sulbî kebir oğulları Mustafa ve Mahmud ve Yakub ve sulbîye-i kebire kızları Hanife ve Ayşe’ye munhasıra ve badehu kable’l-kısmet ibnu’l-mezbûr Yakub vefat idub verâseti zevce-i menkuhe-i metrukesi Halime bint Hacı Memiş ve anası mezbûre Haculi ve li ebeveyn erkarındaşları mezbûran Mustafa ve Mahmud ve li ebeveyn kız karındaşları mezbûretan Hanife ve Ayşe’ye munhasıra ve badehu kable’l-kısmet ümmü’l-mezbûre Haculi vefat idub verâseti sadriy kebir oğulları mezbûran Mustafa ve Mahmud ve sadriye-i kebire kızları mezbûretan Hanife ve Ayşe’ye munhasıra ve badeha kable’l-kısmet zevce-i mezbûre Halime vefat idub verâseti zevci Abdullah bin Mustafa ile sadriy kebir oğlu Abdulhalim ve sadriye-i kebire kızı Fatma’ya munhasıra ve badehu kable’l-kısmet ibnu’l-mezbûr Mahmud vefat idub verâseti sulbî kebir oğulları Hasan ve Hüseyin ve Ali Mehmed’e munhasıra ve badehu kable’l-kısmet ibnu’l-mezbûr Mahmed bin Mahmud vefat idub verâseti li ebeveyn erkarındaşları mezbûran Hasan ve Hüseyin ve varisi olmayan li ebi erkarındaşı mezbûr Ali’ye munhasıra ve badehu kable’l-kısmet ibnu’l-mezbûr Hüseyin bin Mehmed vefat idub verâseti sulbî kebir oğlu Mehmed’e munhasıra ve badehu kable’l-kısmet ibnu’l-mezbûr Ali bin Mahmud vefat idub verâseti sulbî kebir oğlu Ahmed ile sulbîye-i kebire kızı Nazife’ye munhasıra ve badehu kable’l-kısmet ibnu’l-mezbûr Mustafa bin Abdullah vefat idub verâseti sulbî kebir oğulları Abdullah ve İsmail ve İbrahim ve müvekkilem Osman ve sulbîye-i kebire kızı Zekiye’ye munhasıra ve badehu kable’l-kısmet ibnu’l-mezbûr Abdullah bin Mustafa vefat idub verâseti zevce-i menkuhe-i metrukesi Ayşe bint Ahmed ile sulbî kebir oğulları Abdulhalim ve Muharrem ve İlyas ve sulbîye-i kebire kızı Fatıma’ya munhasıra ve badehu bintu’l-mezbûre Zekiye bint Mustafa vefat idub verâseti zevci Arslan bin Hüseyin ile sadriy kebir oğulları Mustafa ve Hüseyin ve sadriye-i kebire kızı Fatıma’ya munhasıra ve badeha kable’l-kısmet ibnu’l-mezbûr Abdulhalim bin Abdullah vefat idub verâseti li ebeveyn kız karındaşı mezbûre Fatıma ve li ebi erkarındaşları Muharrem ve İlyas’a munhasıra ve badehu kable’l-kısmet ebi’l mezbûr Muharrem bin Abdulhalim vefat idub verâseti anası mezbûr Ayşe bint Ahmed ile li ebeveyn erkarındaşı mezbûr İlyas ve varis olmayan li ebi kız karındaşı Fatıma’ya munhasıra ve badehu kable’l-kısmet mezbûre Fatıma bint Abdullah vefat idub verâseti zevci Hasan bin Osman ile sadriy sağir oğlu Osman’a munhasıra ve badeha kable’l-kısmet sağir ibnu’l-mezbûr Osman dahi vefat idub verâseti babası mezbûr Hasan’a munhasıra ve badehu kable’l-kısmet bintu’l-mezbûre Hanife bint Abdullah vefat idub verâseti zevci Ahmed bin Yakub ve sadriy kebir oğlu Yakub’a munhasıra ve badehu kable’l-kısmet zevcu’l mezbûr Ahmed bin Yakub dahi vefat idub verâseti sulbî kebir oğlu mezbûr Yakub’a munhasıra ve tashih-i mesele-i mirasları bi’l-münasahati’ş-şer’iye altımilyonaltıyüzotuzbeşbinbeşyüzyirmi sehmden olub siham-ı mezbûrun birmilyonkırkbeşbindörtyüzkırk sehmi bintu’l-mezbûre Ayşe bint Abdullah’a ve yediyüzseksendörtbinseksen sehmi ibnu’l-mezbûr Hasan bin Mahmud’a ve yediyüzseksendörtbinseksen sehmi ibnu’l-mezbûr Mehmed bin Hüseyin’e ve üçyüzkırksekizbindörtyüzseksen sehmi ebu’l mezbûr Ahmed ibn Ali’ye ve yüzyetmişdörtbinikiyüzkırk sehmi bintu’l-mezbûre Nazife bint Ali’ye ve dörtyüzaltmışdörtbinaltıyüzkırk sehmi ibnu’l-mezbûr İsmail bin Mustafa’ya ve dörtyüzaltmışdörtbinaltıyüzkırk sehmi müvekkilim mezbûr Osman bin Mustafa’ya ve kezalik dörtyüzaltmışdörtbinaltıyüzkırk sehmi ibnu’l-mezbûr İbrahim bin Mustafa’ya ve ellisekizbinseksen sehmi zevcu’l mezbûr Arslan’a ve altmışdokuzbinaltıyüzdoksanaltı sehmi ibnu’l-mezbûr Mustafa bin Arslan’a ve altmışdokuzbinaltıyüzdoksanaltı sehmi ibnu’l-mezbûr Hüseyin bin Arslan’a ve otuzdörtbinsekizyüzkırksekiz sehmi bintu’l-mezbûr Fatıma bint Arslan’a ve yüzbeşbindokuzyüzbeş sehmi zevce-i mezbûre Ayşe bint Ahmed’e ve dörtyüzbirbinüçyüzotuzbeş sehmi ehu’l-mezbûr İlyas bin Abdullah’a ve üçyüzyirmibinikiyüzseksen sehmi ebu’l mezbûr Hasan bin Osman’a ve birmilyonkırkbeşbindörtyüzkırk sehmi ibnu’l-mezbûr Yakub bin Ahmed’e isabet idub başka varisleri ve terekelerine mustahik-i ahar kimesneleri olmamağla müteveffa-yi evvel mezbûr Abdullah’ın hayatında mezbûr Hüseyin zimmetinde cihet-i karzdan alacak hakkı olan üçyüz kuruş kable’l-ahz ve’l-istifa vefat etmekle meblağ-ı mezkûrdan ber muceb-i mesele-i miras müvekkilim mezbûr Osman’ın hisse-i irsîyesini bana eda ve teslime mezbûr Hüseyin’e tenbih olunmak hasbe’l-vekâle matlubumdur deyu dava ve lede’s-sual ol dahi cevabında fi’l-hakika müteveffa-yi evvel mezbûr Abdullah’a ol mikdar kuruş zimmetinde halen deyni olduğunu taven ikrar ve itiraf idub ancak müddeî vekîli mezbûrun ber vech-i muharrer verâset-i müddeâsı malûmum değildir deyu bade’l-inkar müddeî muma ileyh ber vech-i muharrer verâset-i müddeâsını evvelen ba veraka-i mesture mensub oldukları Harvel karyesi imamı Araboğlu Mustafa bin Hasan ve muhtar-ı evveli Hasan ve muhtar-ı sanisi İbrahim’den sirren ve badehu müterâfian hazır oldukları halde Kösoğlu İbrahim bin Şerif ve Sadıkoğlu Hasan bin Durmuş’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan verese-i mezbûr uni arifan olan mezkûr Harvel karyesinden Köseoğlu Mustafa bin Şerif ile yine karyeden Hamailoğlu Abdulmecid bin Memiş nâm kimesnelerin kezalik bi’l-muvacehe tafsil-i mezkûr üzere ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih müddeaya meblağdan müvekkil-i mezbûr Osman’ın hisse-i irsîyesine isabet eden yirmikuruş on parayı müvekkil-i mezbûre izafetle vekîl-i muma ileyh Abdulhamid Efendi’ye eda ve teslime müddeâ aleyh mezbûr Hüseyin’e tenbih olunduğu tescîl ve i’lâm olundu. Fi’l-yevmi’s-sâlis min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 192: Salarha Atyanoz Lazistan Sancağı’nın merkezi olan Rize kazası kurâsından Salarha Atyanoz karyesinden zatı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyeleri görülen Hobeoğlu kerimesi ve Sarı Mehmedoğlu Hüseyin’in zevcesi Fatıma bint Abdi ile şahs-ı müslimin-i mezbûrun tarifleriyle muarrefe Hobeoğlu Ahmed bin Mustafa bin mezbûr Abdi meclis-i şer’-i şerif-i enverde Harvel karyesinden Ömer Habiboğlu Halil bin Mehmed mahzarında her biri takrir-i kelâm ve tabir-i ani’l-merâm idub zımem-i nasda olan bi’l-cümle matlubatımızı ashabından taleb ve dava ve ahz u kabz ile mezkûr Salarha Atyanoz karyesinden vâki mahallinde beyne’l-ahâlî ve’l-cîrân malûm ve müteârefu’l-hudud murislerimiz Mustafa ve ? ve Fatıma’dan mevrus verese-i saire ile müştereken mutasarrıf olduğumuz bir kıta arazideki hisse-i şayıa-i malûmemizi semen misilleriyle talebine katiyen bey’ u ferağ ve temlik u teslime ve semen misillerini kezalik ahz u kabz ile makbuzatını bize i’tâ ve teslime ve muamele-i lazıme-i sairesini icrâ ve îfâ ve takririni i’tâya ve mucib-i muhâkeme bir hal vukuunda icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve lede’l-hâce isbat-ı verâset iddiasına ve sulh ve ibraya ve ber vech-i muharrer ahari tevkile ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Halil’i vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Ofluoğlu Mustafa bin ?, Ofluoğlu Hurşid bin Osman. Aded 193: Beraat İlamı Mahzar-i nur-i iman olan ehl-i İslâm içun beraat-ı tecelli-i ayat işbu Şabanu’l muazzamın onbeşinci gecesi yani cumaertesi gününü takib eden Pazar gecesine şeref müsadif olmasıyla işbu şeb-i mukaddes takdis ve tekrim içun bi’l-cümle cevami’ ve mesacid ve minarat-ı şerifesini bir mikad-ı ikad-ı kanadil ile tenvir ve kulub-i islamiyenin tezyini hususunun ilanı zımnında belediyeye bera-i havale müzekkere takdîm kılındı. Fi 14 Şaban sene 1331 ve Fi 6 Temmuz sene 1329. Mukabele olmuştur. Baş katip, kadı. Aded 194: Mağloz Lazistan Sancağı’nın merkezi olan Rize kazası kurâsından Aron Mağloz karyesi sakinelerinden marifetu’z-zat Haculi bint Mustafa meclis-i şer’i münîrde karye-i merkume sakinelerinden kezalik marifetu’z-zat Fatıma bint diğer Mustafa muvacehesinde tarih-i ilamdan iki sene mukaddem vefat eden zevcem müddeâ aleyha-i mezbûre Fatıma’nın babası mezbûr Mustafa bin Ahmed hayatında bila sened-i hakani müstakillen malik ve mutasarrıf olduğu karye-i merkumede Askoros civarında kâin kendi arazisi üzerinde mebni malûm ve müteârefu’l-hudud ba tamam bir bab mülk-i menzilini hayatında vefatından evvel beş seneden beri kendisine ikraz ve teslim ol dahi ahz u istikraz ve umuruna sarfla istihlâk eylediği seksen aded lira-i Osmanî alacağımdan kendisine hibe ve ol dahi ittihab eylediği otuz lirasından mütebakı elli lira-i Osmanî alacağıma mukabil üçyüzyirmialtı senesinin teşrin-i evvelinin yirmibirinci günü tarihli bir kıta sened-i adi vecihle bana bey’ ve teslim ben dahi tesellüm ve kabul ettiğimden sonra zevcim mezbûr Mustafa vefat etmekle verâseti zevce-i menkuhe-i metrukesi olduğum cihetle benimle sulbî kebir oğlu Halil ve sulbî sağir oğlu İbrahim ve sulbîye-i kebire kızları müddeâ aleyha mezbûr Fatıma ve Pupuze ve Emine ve Saniye’ye munhasıra olub gerçi menzil-i mezkûre vazıu’l-yed isemde bey’-i mezkûr davasının istimai caiz olmadığından ve hatta hayatında ve kemal-i sıhhatinde kable’l bey’ cihet-i merkûmeden seksen lira bana borcu olduğunu mükerreren mahzar-ı şuhudda ikrar ve itiraf eylediğinden ancak semen-i mebi’ olan mezkûr elli lira-i Osmanî alacağımın taht-ı hükme alınmasını taleb ederim deyu malı takrir-i meşruhuna mutabık tarih-i mezkûrla müerreh sened-i adi mezkûri ibraz ve iraesiyle bade’d-dava ve’s-sual müddeî aleyha mezbûre Fatıma dahi cevabında müddeiye-i mezbûre Haculi’nin ber vech-i muharrer müddeâsını tamamen inkar ettikten sonra müddeiye-i mezbûre Haculi ber vech-i muharrer tamamiha müddeâsını evvelen ba veraka-i mesture Aron Mağloz karyesi imamı Mehmedoğlu İsmail bin Ali ve muhtar-ı evveli Sadıkoğlu Kamil bin Mustafa ve Aron karyesi muhtar-ı evveli Hutoğlu Hacı Bahadır bin Mustafa ve muhtar-ı sanisi Sofoğlu Abdulhalim bin Ahmed’den sirren ve badehu tayin olunan günde müddeâ aleyh mezbûrenin vurud etmemesi üzerine şuhud-i müstemianin alenen de tezkiyelerinin icrasıyla hükm olunmasını taleb eden müddeye-i mezbûrenin taleb-i vakı-ı mecelle-i celilenin binsekizyüzotuzdördüncü maddesine muvafık bulunmuş olmağla yalnız müddeâ aleyha-i mezbûrenin gıyabında müterâfian hazır oldukları halde Yetimoğlu Mustafa bin Ali ve Kansızoğlu Receb bin Memiş’den dahi ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve tarafeyn ile müteveffa-yi verese-i mezbûr uni arifan olan Aron Mağloz karyesinden Sadıkoğlu Receb bin İbrahim ve Aron karyesinden Topaloğlu Hüseyin bin Hacı Hasan’ın kezalik ber nehc-i şer’i tafsil-i mezkûr üzere bi’l-muvacehe şahadetleriyle isbat itmegin müddeiye-i mezbûre istihzaren bade’t-tahlifi’ş şer’i mucebince zevci müteveffa-yi mezbûr Mustafa’nın terekesinden elli aded Osmanlı lirası alacak hakkı olduğuna hükm olunduğunu tescîl ve i’lâm olundu. Fi’l-yevmi’r-râbi aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 195: Pendoz Lazistan Sancağı’nın merkezi olan Rize kasabası mahallâtından Pendoz mahallesinden Dervişoğlu Hacı Ali ibn Hacı Ahmed’in zikri ati hususuna ba hüccet-i şer’iye vekîli Hafız Hulusi Efendi ibn Salih Efendi meclis-i şer’i münîrde müvekkil-i mezbûr Hacı Ali hazır olduğu halde zikri ati mülk-i menzile vaz-ı yedleri bi’l beyyine-i şer’iye sabit ve mütehakkık olan mahalle-i merkume Dervişoğlu müteveffa Hacı Hafız Lütfi Efendi ibn mezbûr Hacı Ahmed’in zevce-i menkuhe-i metrukesi ve sulbî sağir oğulları Mustafa ve Abdulvehhab ve Hüseyin ve Süleyman ve sulbîye-i sağire kızları Emine ve Hatice’nin valideleri ve tesviyelerine kıbel-i şer’iden mensube vasileri Kamile bint diğer Hacı Ahmed ile sulbî kebir oğlu Abdurrahman ve Zarife bint mezbûr Hacı Ahmed ve vazıu’l-yed olmayan Hacı İbrahim ve Zehra ve Peruze ve Hatice’ye benun-i mezbûr Hacı Ahmed aleyhlerine ikame edildigi tefrik ve taksim davasından dolayı ayrı ayrı günlerde üç defa vâki olan tebligata icabet etmedikleri ve mazeretlerine haberdar eylemedikleri cihetle müddeî vekîli muma ileyhin gıyaben ru’yet-i muhâkeme talebi üzerine gelmeyen müddeî aleyhlere vekîl-i musahhar tayin olunan Mehmed Efendi ibn Ahmed Efendi muvacehesinde değer olunan Pendoz mahallesinde kâin bir tarafı tarik-i âm ve bir tarafı Dervişoğlu Hacı Hafız Osman Efendi tarlası ve taraf-ı rabi-i kendi müştereken arazilerimizle mahdud tahtani ahır ve fevkani beş oda ve bir sofa ve bir metbah ve müştemilat-ı saireyi hâvî ikiyüz zir’a arsa üzerine mebni yedibin kuruş kıymetli bir bab mülk-i menzil müvekkilemin babası mezbûr Hacı Ahmed’in hayatında müstakillen malı ve mülkü iken mezbûr Hacı Ahmed menzil-i mezkûri oğulları müvekkilim Hacı Ali ve müddeâ aleyh müvekkil-i mezbûr Hacı İbrahim ve müteveffa-yi mezbûr Hacı Hafız Lütfü ve Salih ve Osman Efendiler’e semen-i malûma ile bey’-i sahih-i şer’i ile bey’ ve temlik u teslim onlar dahi ber vech-i muharrer iştira ve temlik u teslim idub menzil-i mahdud-i mezkûrun beş hisse itibarıyla bir hissesine mezbûrun Hacı Ali ve Hacı İbrahim ve Hacı Hafız Lütfü ve Salih Efendiler malik ve mutasarrıf iken mezbûr Osman Efendi bir hissesini müvekkilim Hacı Ali ile müteveffa-yi mezbûr Hacı Hafız Lütfü Efendiler’e kezalik semen-i malûme ile bey’ ve temlik u teslim onlarda temellük ve tesellüm idub menzil-i mahdud-i mezkûrun on sehm itibarıyla üç sehmi müvekkil Hacı Ali’nin ve üç sehmi mezbûr Hafız Lütfü Efendi’nin ve ikişer sehmden dört sehmi dahi mezbûran Hacı İbrahim ve Salih Efendiler’in iken kable’t taksim Hacı Hafız Lütfü Efendi vefat etmekle verâseti zevce-i menkuhe-i metrukesi müvekkile-i mezbûre Kamile ile anası Fatıma bint Ömer ve sulbî kebir oğlu mezbûr Abdurrahman ve sulbî sağir oğulları Mustafa ve Abdulvehhab ve Hüseyin ve Süleyman ve sulbîye-i kebire kızı Saniye ve sulbîye-i sağire kızları Emine ve Hatice’ye munhasıra ve badehu kable’l-kısmet mezbûr Salih Efendi dahi vefat idub verâseti anası mezbûre Fatıma ile li ebeveyn erkarındaşları mezbûran Hacı Ali ve Hacı İbrahim ve li ebeveyn karındaşları Peruze ve Hatice ve Zarife ve Zehra’ya munhasıra ve badehu kable’l-kısmet mezbûre Fatıma dahi vefat idub verâseti sadriy kebir oğulları mezbûran Hacı Ali ve Hacı İbrahim ve sadriye-i kebire kızları mezbûrât Peruze ve Hatice ve Zarife ve Zehra’ya munhasıra olub tashih-i mesele-i mirasları bi hükmi’l feraiz ikibinseksen sehmden olub siham-ı mezkûreden yediyüzellidört sehmi mezbûr Hacı Ali’ye ve beşyüzkırkaltı sehmi mezbûr Hacı İbrahim’e ve altmışbeşer sehmden ikiyüzaltmış sehmi mezbûrât Peruze ve Zarife ve Hatice ve Zehra’ya ve yetmişsekiz sehmi mezbûre Kamile’ye ve altmışsekiz sehmden üçyüzkırk sehmi mezbûrun Abdurrahman ve Mustafa ve Süleyman ve Hüseyin ve Abdulvehhab’a ve otuzdörder sehmden yüziki sehmi mezbûrât Saniye ve Hatice ve Emine’ye isabet etmekle menzil-i mahdud-i mezkûre ber vech-i muharrer şira’en varisen malik ve mutasarrıf olduğumuz halde menzil-i mahdud-i mezkûre el yevm vazıu’l-yed bulunan müvekkil-i mezbûr Abdurrahman ile vasi-i mezbûre Kamile ve müvekîle-i mezbûre Zarife ile verese-i saire-i mezbûre tefrik u taksime muhalefet eder olmalarıyla ala vechi’ş şer’i menzil-i mahdud-i mezkûrun tefrik ve taksimiyle bade’t taksim müvekkilemin hissesine isabet edecek mahalline mudahale etmek üzere müvekkilun-i mezbûrun izafetle vekîl-i musahhar-i mezbûr Mehmed Efendi’ye tenbih olunmak bi’l-vekâle matlubumdur deyu kable’t dava hayatta olub bade vefat eden mezbûre Fatıma’nın hayatta olmak itibarıyla malı takrir-i meşruhuna mutabık iki kıtasına hakani ibraz ve iraesiyle dava ve lede’s-sual vekîl-i musahhar-i mezbûr Mehmed Efendi dahi cevabında müddeî vekîli muma ileyh Hafız Hulusi Efendi’nin ber vech-i muharrer bitamamiha müddeâsını bade’l-inkar müddeî vekîli muma ileyhden cihet-i verâset ve şira’en ve’l-hâsıl bitamamiha müddeâsına muvafık beyyine taleb olundukda ve Vonit-i İslâm mahallesinden Sabuncuoğlu Hafız Mustafa Efendi ibn Memiş Efendi ile Müftü mahallesinden Hacı Şamiloğlu Mehmed bin Hasan’dan her biri müteveffa-yi verese-i mezbûr uni arifan oldukları halde müddeî vekîli muma ileyhin ber vech-i muharrer bitamamiha müddeâsına tafsil-i mezkûr üzere ber nehc-i şer’i eda-i şahadet-i şer’iye etmeleriyle şahidan-i mezbûran vaz-ı yed hakkında dahi şahadet idub ol vakte sirren ve alenen tezkiyeleri bi’l icrâ adl ve makbulu’ş-şehade idukleri işar ve ihbar kılınmasına ve aradan henüz altı ay murur etmemesine binaen tekrar icra-i tezkiyelerine lüzum-i şer’i görülmediği cihetle sübut-i müddeâ bih menzil-i mahdud-i mezkûrun mahallinde ehl-i hibre marifetiyle defter-i hakani memuru hazır olduğu halde ber nehc-i şer’i tefrik ve taksimi içun mahkeme-i şer’iye baş kâtibi Osman Zeki Efendi nâib tayin olunduktan sonra naib-i muma ileyh müddeâ bih menzile varıb defteri hakani ketebesinden Hasan Efendi hazır olduğu halde akd-i meclis-i şer’i âli ettikde müvekkil-i mezbûr Hacı Ali meclis-i makud-i mezkûrde vekîl-i musahhar tayin olunan Faik Efendi ibn Abdullah muvacehesinde dava-i vakıasına tekrar ve vekîl-i musahhar-i mezbûr Faik Efendi dahi vekîl-i musahhar-i sabıkın cevabını tizkar ettikten sonra verese-i mezbûrundan her birinin zatı bi’l-muarrefe mezbûrât Zarife ve Peruze ve Zehra ve Hatice meclis-i makud-i mezkûre dahil ve muhakemat-ı sabıka zabıtnamesinin bade’l kırae ber muceb-i mesele-i miras hisse-i irsîyelerinin müddeî mezbûr Hacı Ali’nin hissesine zammıyla onun hissesiyle mea tefrik ve taksimini taleb ve mezbûr Hacı Ali dahi muvafakat etmekle şu halde menzil-i mahdud-i mezkûrun ikibinseksen sehm itibarıyla binondört sehmi mezbûr Hacı Ali ile mezbûrât Zarife ve Peruze ve Zehra ve Hatice’nin ve binaltmışaltı sehmi verese-i saire-i mezbûrunun olduğu anlaşılmakla lede’l ğaye(?) mezbûr Hacı Ali ile mezbûrât Zarife ve Peruze ve Zehra ve Hatice’nin binondört sehmlerinin ifraz ve taksimi kabil olduğu ve mutabıkı hisselerin ayrı ayrı ifraz ve taksimi kabil olmadığı ehl vukuf tayin eyledikleri şahidan-i mezbûr andan mezbûr Hafız Mustafa Efendi ile Pendoz mahallesinden Berber İslâmoğlu Hafız Kemal Efendi ibn Derviş Efendi taraflarından beyan edilmesi üzerine müddeî mezbûr Hacı Ali ile mezbûrât Zarife ve Peruze ve Zehra ve Hatice’nin binondört sehm hisselerinin ifraz ve tefrikine mubaşeret olunub menzil-i mezkûrun mebni olduğu mahallin zira’ ve heyet-i umumiyesinin kıymet-i cihetleri dahi dahi nazar-ı dikkate alınıb mezkûr hanenin şarken cephesi on metre ve otuzsekiz santimetreden ibaret olduğu bi’l mesahe anlaşılmakla cihet-i mezkûrenin şimal cihetinden itibaren cenuba doğru dört buçuk metre gelindikte o cihette kâin bir odanın tamamı ve sofadan dahi pencereye kadar varılıb pencerenin cenub cihetindeki direği hadd-i fâsıl addedilub mezkûr direkten hatt-ı mustakimle ğarbe doğru sofanın kapısının şimal cihetindeki matbahında ? cihetindeki taş direği kezalik hadd-i fâsıl olarak tahdid ve bu suretle binondört sehmi bir taraf ve binaltmışaltı sehmi diğer taraf tayin ve ifraz ve bu iki müfrez mahallinde şimal ciheti bir numara ve cenub ciheti iki numara addedilerek ikinci numara olan cenub ciheti Hacı Ali ve Zarife ve Peruze ve Hatice ve Zehra’ya ve bir numaralı şimal ciheti kabil-i taksim olmayarak verese-i saireye tefrik eylediğini ve taksim mezkûrede adalet olub özrü mucib bir hal olmadığını ehl-i hibre-i mezbûranın ale’t tariki’ş şehade vâki olan ihbarlarından anlaşıldığını naib-i muma ileyh mea mürsel umena-i şeri’le meclis-i şer’e gelub ala vukuihi inha ve takrir ettikten sonra müddeî vekîli muma ileyh Hafız Hulusi Efendi müvekkili Hacı Ali nezdinde mevcud olduğu halde tekrar meclis-i şer’i münîrde vekîl-i musahhar-i mezbûr Mehmed Efendi muvacehesinde muhakemat-ı sabıka ve muamelat-ı vakıfenin kıraatından sonra taksim-i mezkûrun infazını taleb etmekle mucebince ber muceb-i taksim müddeî Hacı Ali ile mezbûrât Zarife ve Peruze ve Hatice ve Zehra’ya isabet eden mahal-i müfrez-i mezkûre mudahele etmemek üzere müvekkillerinden her birine izafetle vekîl-i musahhar-i mezbûr Mehmed Efendi’ye tenbih olunduğu tescîl ve i’lâm olundu. Fi’l-yevmi’s-sani ve’l-ışrin min Recebi’l-ferd li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 196: İksenit mahallesi Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabasında vâki Receboğlu Şevket Efendi’nin müsteceren sakin olduğu Molla Ömerzâde Hacı Yahya Efendi’nin oteline varıb zeyl-i vesikada muharerru’l esami müslimin huzurlarında akd-i meclis-i şer’i âli ettikte menzil-i mezkûrde sakine her birinin zatları müslimin-i mezbûrun tarifleriyle muarrefe olan İksenit mahallesinden Receboğlu kerimeleri Nadire ve Rakıbe bintan-i Burhan usta meclis-i makud-i mezkûrde li ebeveyn erkarındaşı muma ileyh Şevket Efendi ibn mezbûr Burhan usta mahzarında her biri takrir-i kelâm ve tabir-i ani’l-merâm idub Sağıroğlu(?) Kasab Şükrü bin Mustafa zimmetinde iki kıta sened mucebince alacağımız olan mebaliğ-i malûmeyi mezbûr Şükrü’den aid olduğu mehâkimin her derecesinde bidayeten ve iâdeten ve itirazen ve istinafen ve temyizen taleb ve dava ve muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzalarıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Şevket Efendi ile dava vekîllerinden Hafız Hulusi Efendi ibn Salih Efendi’yi kabulune mevkûfe gerek münferiden ve gerek müctemian icra-i vekâlete mezun olmak üzere vekîl ve naib-i menab nasb u tayin eyledik dediklerinde muma ileyh Şevket Efendi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi dediğini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelib ala vukuihi inha ve takriri itmegin ma vekaa bi’t-taleb ketb olundu. Fi’l-yevmi’s-samin aşer min Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Hazmoğlu Faik bin Abdullah, Kayıkcıoğlu Kemal bin Abdulkerim, Bekiroğlu İbrahim bin Hacı Ahmed. Aded 197: Seftar karyesi Der-i devlet mekine arz-ı dai kemineleridir Trabzon vilayeti dâhilinde kâin Lazistan Sancağı’nın merkezi olan Rize kazası nevâhîsinden Karadere nahiyesinin Seftar karyesi ahalisinden İbrahimoğlu Halid bin Hasan ve Kantaroğlu İsmail bin Bayram ve Kamiloğlu Bekir bin Osman ve Kamiloğlu Ahmed bin Mustafa ve Uzun Alioğlu Şaban bin Ali vesair ceride-i şer’iyede mazbut’ul esami müslimin bi ecma’ihim liva-i mezkûr hükümet konağında meclis-i idareye mahsus odada bi’l-cümle heyet hazır oldukları halde munakid meclis-i şer’i meali ukudda her biri takrir-i kelâm ve tabir-i ani’l-meram idub ahalisi bulunduğumuz mezkûr Seftar karyesinde vâki cami-i şerifin hitabet cihetinin Uzun Hasanoğlu Mehmed Efendi ibn Ahmed uhdesinde bi’t tevcih muamele-i lazımesi icrâ ve evrakı merci-i âlisine mukaddemen takdîm olunduğu halde vukuu vefatına mebni cihet-i mezkûre sulbî kebiroğlu Ahmed Efendi’ye intikal eylediğine ve cami-i şerif-i mezkûr mısr hükmünde olan ahali-i karyeye ğayr-ı vasi olub ikame-i salât-i cuma ve ideyne eşedd ihtiyac ile muhtac olduğumuza binaen cihet-i mezkûrenin muma ileyh Mehmed Efendi mahlulunden işbu hazır bi’l-meclis cümlemizin muhtar ve müntehabı olan Kebiroğlu muma ileyh Ahmed Efendi dailerine tevcih ve izin ve icazeti hâvî ferman-ı âli sudur-i niyazında olduğumuz der-i devlet medara arz olunmak matlubumuzdur deyu istid’â eylediklerinde hakikat-ı hal ahali-i mezbûrunun takrir-i meşruları üzere bulunduğu bi ğaraz-i erbab-ı vukuf haberleriyle zâhir olduğu gibi karye-i merkumenin kırkyedinci hanesinin ikinci numarasında mukayyed ve binikiyüzdoksaniki senesinde tevellüd idub kura bakaya ve firarisi olmadığı nüfus memuru ve mensub olduğu redif taburu taraflarından mevrud künye ve pusulası ve mazbata meallerinden müstebân olan işbu baisu’l-arz muma ileyh Ahmed Efendi’nin mezkûr hitabet cihetine hilyeti lede’l-imtihan dahi zâhir ve nümâyân olmağla cami-i şerif-i mezkûrda eda-i salât-i Cuma ve ideyn olunmak üzere mezkûr hitabet cihetinin mahlulundan muma ileyh Ahmed Efendi dailerine tevcih ve izin ve icazeti hâvî yedine berat-ı şerif-i âlîşân sadaka ve ihsan buyurulmak ricası bi’l iltimas paye-i serir-i âlâya arz ve i’lâm olundu el emr li men li hazret hazret veliyu’l-emr fi’l yevmi’l-hâdi aşer min Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 198: Kafkame karyesi Der-i devlet mekine arz-ı dai kemineleridir Trabzon vilayeti dâhilinde kâin Lazistan Sancağı’nın merkezi olan Rize kazası nevâhîsinden Kura-i Seba nahiyesinin Kafkame karyesi ahalisinden Buberoğlu Edhem bin Cafer ile Abdullahoğlu Ahmed Çavuş ibn Süleyman ve Erdaloğlu Sadık bin Mehmed ve Erdaloğlu Yusuf bin Ömer ve Karamanoğlu Osman Efendi bin Ali ve Çakıroğlu Hüseyin bin Mustafa vesair ceride-i şer’iyede mazbutu’l-esami müslimin bi ecma’ihim liva-i mezkûr hükümet konağında meclis-i idareye mahsus odada bi’l-cümle heyet hazır olduğu halde munakid meclis-i şer’i meali ukudda her biri takrir-i kelâm ve tabir-i ani’l-meram idub ahalisi bulunduğumuz mezkûr Kafkame karyesinde vâki cami-i şerifin hitabet cihetinin babası Hüseyin’in mahlulunden ba berat-ı âlîşân mutasarrıfı olan oğlu karye-i merkûmeden Mahmudoğlu Ahmed’in vukuu vefatına mebni cihet-i mezkûre müteveffa-yi evvel mezbûr Hüseyin’in diğer oğulları Hasan ve Mustafa ve Mehmed’e intikal etmiş ise de iktidarları olmadığı beyanıyla basened-i istinkaf eylediklerinden cihet-i mezkûrenin müteveffa-yi sani muma ileyh Ahmed Efendi’nin sulbî kebir oğlu cümlemizin muhtar ve müntehabı olan işbu hazır bi’l-meclis Salih Efendi dailerine tevcih ve izin ve icazeti hâvî ferman-ı âli sudur-i niyazında olduğumuz der-i devlet medara arz olunmak matlubumuzdur deyu istid’â eylediklerinde hakikat-ı hal ahali-i mezbûrunun takrir-i meşruhları üzere bulunduğu bi ğaraz-i erbab-ı vukuf haberleriyle zâhir olduğu gibi karye-i merkumenin yüzkırkbirinci hanesinin birinci numarasında mukayyed binüçyüzyedi senesinde tevellüd idub kura bakaya ve firarisi olmadığı nüfus memuru ve mensub olduğu redif taburu taraflarından mevrud künye ve pusulası ve mazbata meallerinden müstebân olan işbu baisu’l-arz muma ileyh Salih Efendi’nin mezkûr hitabet cihetine ehliyeti lede’l-imtihan dahi ve nümâyân olmağla cami-i şerif-i mezkûrda eda-i salât-i Cuma ve ideyn olunmak üzere mezkûr hitabet cihetinin ol vechile muma ileyh Salih Efendi dailerine tevcih ve izin ve icazeti hâvî yedine berat-ı şerif-i âlîşân sadaka ve ihsan buyurulmak ricası paye-i serir-i âlâya arz ve i’lâm olundu el emr li men li hazret hazret veliyu’l-emr fi’l yevmi’t tasi min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 199: Ğotoz Lazistan Sancağı’nın merkezi olan Rize kazası kurâsından Ğotoz karyesinden Kuğuoğlu Ahmed bin Şaban meclis-i şer’-i şerif-i enverde ikrar-ı tam ve tabir-i ani’l-merâm idub Dersaadet’te Kasımpaşa’da kışla mevkii iskelesinde altmışüç numarada mukayyed malik olduğum bir kıta ve bir çifte piyade kayığımı mea gedik semen misliyle talibine memuri marifetiyle bey’ ve temlik u teslime ve semen-i mislini ahz u kabz ile makbuzunu bana irsal ve isal ve teslime ve muamele-i saire-i lazımesini icrâ ve takririni i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’te Kasımpaşa’da kayıkçı esnafından Rizeli Ernuroğlu Hacı İdris ibn Mahmud’u kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi aşer min Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Ofluoğlu Mustafa, Karye-i merkume imamı Hasan Efendi. Aded 200: Yapraklar Lazistan Sancağı’nın merkezi olan Rize kazası kurâsından Yapraklar karyesi sakinelerinden zatları zeyl-i vesikada muharreru’l-esâmî müslimîn tarifleriyle muarrefe olan Metooğlu müteveffa Abdulhalim’in anası Gülfe Havva bint Salih ile mezbûr Abdulhalim’in zevcesi Halime bint Safer meclis şer’-i şerif-i enverde her biri takrir-i kelâm ve tabir-i ani’l-merâm idub karye-i mezkûreden Metooğlu mezbûr Abdulhalim’in katili olan karyeden Metooğlu Bekir bin Mehmed ile aid olduğu devâir ve muhakeme-i cezaiyede aleyhimize ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve bizim her hakkımızı ashabından taleb ve dava ve ahz u kabz ile bi’l-cümle makbuzatını bize i’tâ ve teslime ve’l-hâsıl her türlü hukuk-i şahsiye ve kanuniyemizi muhafaza ve müdafaya ve aleyhimize tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icrâ ve muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-ı sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-samin aşer min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Metooğlu Abdulkadir bin Osman, Metooğlu Ömer Efendi ibn Sefer. Aded 201: Kalohten Lazistan Sancağı’nın merkezi olan Rize kasabası mahallâtından Kalohten mahallesinden iken bundan akdem vefat eden Güvelizâde Mehmed bin Hacı İsmail bin Hacı Ahmed’in sulbî sağir oğulları Arslan ve Şaban ile sulbîye-i sağire kızları Zehra ve Fevziye ve Nuriye ve Nazmiye ve Fatıma’nın pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire iduki mahalle-i merkume imam ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat anaları Hafıze bint Ahmed siğar-i mezbûrenin pederleri müteveffa-yi mezbûrundan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete vasi nasb u tayin olundukda ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Topcuoğlu Sabit bin Hüseyin, Güvelizâde Mahmud Efendi bin Hacı Ali. Aded 202: Kalohten Lazistan Sancağı’nın merkezi olan Rize kasabası mahallâtından Kalohten ahalisinden iken bundan akdem vefat eden Güvelizâde Hacı İsmail Efendi ibn Hacı Ahmed’in sulbî sağir oğlu Yunus ile sulbîye-i sağire kızı Emine’nin pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emaneti ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i merkume imam ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn-i mezbûrun ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Dursune Hanım bint Hacı Tahir Ağa sağiran-i mezbûranın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukda ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Topcuoğlu Sabit bin Hüseyin, Güvelioğlu Mahmud bin Hacı Ali. Aded 203: Perkam Lazistan Sancağı’nın merkezi olan Rize kazası kurâsından Perkam karyesinden Hordoloşoğlu Mustafa bin Osman meclis-i şer’-i şerif-i enverde takrir-i kelâm ve tabir-i an’il meram idub karyeden Uzun Ahmedoğulları Rafet nâm-ı diğeri Rufen ile karındaşı müteveffa Ahmed’in kerimeleri Hediye ve Uzun Ahmedoğlu Osman bin Ahmed ve kız karındaşı Fatıma ve halaları Kaymakcıoğlu Seyfullah ve Mehmed benan-i Mehmed ve rufeka-i sairesiyle beynimizde mütehaddis arazi ve kat’-i eşcar ve tecavüz-i hudud davalarından dolayı mezbûrun ile aid olduğu mehâkim-i şer’iye ve nizamiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi ile Perkam karyesinden Hordoloşoğlu Hacı Davud Efendi ibn Salih Efendi’yi gerek münferiden ve gerek müctemian icra-i vekâlete mezun olmak üzere kabullerine mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani min Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Hazmoğlu(?) Faik Efendi. Aded 204: Kafkame Kafkame karyesi hatibi Usta Mahmudoğlu Salih Efendi’ye Karyenizde vâki cami-i şerifin hitabet cihetinin uhdenize tevcihine dair kaza iktiza eder ilamı tanzîm ve takdîm kılınmış olmağla gerekdir ki berat-ı şerif-i âlîşânın şeref vuruduna değin bi’l fiil ifayı hüsn-i hizmet etmek üzere kıbel-i şer’iden izin ve ruhsatı hâvî işbu murasele i’tâ kılındı. Fi 26 Şaban sene 1331. Mukabele olmuştur. Baş kâtib, kadı. Aded 205: Ramazan-ı Şerif ilamı Şaban-i şerifin ğurresi cumartesi günden mazbut ve müseccel olduğu fetevahane-i âliyeden musaddak ve İstanbul kadılığında mu’ti ilamı şer’i üzerine bi’l muhâkeme el yevm şehr-i mezkûrun yirmidokuzuncu günü olduğuna hükm-i şer’i lâhik olmağla böylece bade’l ğurub hilal-i ramazan mahal-i mürtefiadan ber mutad taharri olunarak bi’r ruye sabit olamadığı takdirde tekmil-i selasin ile ferdası pazartesi günü mebde-i şehr-i siyam mesadetu’t tam olduğu cihetle bera-i ilan-ı belediyeye emr ve havale buyurulmak üzere müzekkire-i mahsuse takdîm kılındı. Ol babda ? fi 29 Şaban sene 1331 ve fi 20 Temmuz sene 1328. Mukabele olunmştur. Baş kâtib, kadı. Aded 206: Perkam Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye ikinci kâtibi Hafız Rahmi Efendi ibn Hafız Mahmud Efendi Lazistan Sancağı’nın merkezi olan Rize kazası kurâsından Perkam karyesinden vâki Hordoloşoğlu Mustafa bin Osman’ın menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde menzil-i mezkûrde sakin Hordoloşoğlu Osman bin Yusuf meclis-i makud-i mezkûrde takrir-i kelâm ve tabir-i ani’l-merâm idub karye-i mezkûreden Kaymakcıoğlu müteveffa Mustafa bin Osman’ın veresesinden oğulları Rufen nâm-ı diğeri Rıfat ve oğlu müteveffa Mehmed’in oğulları Seyfullah ve Mehmed ve diğer oğlu müteveffa Hasret’in kerimesi Hediye ve müteveffa Osman’ın kerimesi diğer Hediye ve Rufeka-i sairesi taraflarından aleyhime ikame olunan arazi davasından dolayı mezbûrun vesairleriyle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi ibn Salih Efendi ile mezkûr Perkam karyesinden Hordoloşoğlu Hacı Davud Efendi ibn Salih Efendi’yi gerek münferiden ve gerek müctemian icra-i vekâlete mezun olmak üzere kabullerine mevkûfe vekîl ve naib-i menab nasb u tayin eyledim dediğini kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelip ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Molla Salihoğlu Mustafa bin Salih, Hordoloşoğlu Abdulkerim. Aded 207: Kament Lazistan Sancağı’nın merkezi olan Rize kasabası mahallâtından Kament mahallesi ahalisinden iken bundan akdem vefat eden Güvelioğlu Abdulhalim bin Hacı Memiş’in sulbî sağir oğulları Salih ve Süleyman ve Mustafa ve sulbîye-i sağire kızı Fatıma’nın pederleri müteveffa-yi mezbûrdan mevrus mallarını hıfz ve umurlarını tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadir idugi karye-i merkume imam ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş şeri’l enver zâhir ve nümâyân olan işbu baisu’l-vesika marifetu’z-zat valideleri Hatice bint İlyas siğar-i mezbûrunun pederleri müteveffa-yi mezbûrdan mevrus mallarını hıfz ve vakt-i rüşdi sedadlarına değin umurlarını tesviye ve ru’yete vasi ve üzerine li ebeveyn amuceleri Bayram Efendi ibn mezbûr Hacı Memiş Nazır nasb u tayin olunduklarında onlar dahi ber vech-i muharrer vesâyet ve nezaret-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi ve’l-ışrin min şehr-i Şaban’il muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. İslâmoğlu Abdulhalim bin Hüseyin, Kotiloğlu Yunus bin Osman. Aded 208: Hazavit Lazistan Sancağı’nın merkezi olan Rize kazası kurâsından Hazavit karyesi ahalisinden olub Dersaadet’te Tahlisiyye Kumpanyası İdaresi mürettebatından iken bundan bir buçuk mâh mukaddem Dersaadet’te vefat eden Banabakoğlu Memiş bin Osman bin Abdullah’ın ber vechi ati varisi olduğunu iddia eden sulbî kebir oğlu Mehmed meclis-i şer’-i şerif-i enverde müteveffa-yi mezbûrun medyuni Satıroğlu Mehmed Efendi ibn Ahmed Efendi mahzarında üzerine dava ve takrir-i kelâm ve tabir-i ani’l-merâm idub pederim müteveffa-yi mezbûrun verâseti benimle zevce-i menkuhe-i metrukesi Havva bint Bilal ve anası Rukiye bint Hasan ve sulbî sağir oğulları Osman ve Mevlud ve sulbîye-i kebire kızı Emine’ye munhasıra ve tashih-i mesele-i mirasları bi hükmi’l feraiz yüzaltmışsekiz sehmden olub siham-ı mezkûre yirmibir sehmi zevce-i mezbûreye ve yirmisekiz sehmi ümmü’l-mezbûreye ve otuzdörder sehmden yüziki sehmi benimle mezbûran Mevlud ve Osman ve onyedi sehmi bintu’l-mezbûreye isabet idub başka varisi ve terekesine mustahik-i ahari olmamağla pederim müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan kırkiki kuruş kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyeme isabet eden sekiz kuruş yirmi parayı bana eda ve îfâya mezbûr Mehmed Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeî mezbûrun ber vech-i muharrer verâset müddeası malûmum değildir deyu inkar etmekle müddeî mezbûr ber vech-i muharrer verâset-i müddeasını evvelen ba veraka-i mesture mensub oldukları Kalohraf karyesi muhtar-ı sanisi Mustafa bin Mahmud ve ihtiyar azasından Yanıkoğlu Genç Ali bin Hasan ve Kuveloğlu Ali bin Mahmud’dan sirren ve badehu şahid Bilal’in Dersaadet’e gittiği karyesinden mevrud ilmuhaber münderecetından anlaşılmağla onun gıyabında diğer şahid ve tarafeyn hazır oldukları halde Kuveloğlu Mustafa bin Memiş ve Kuveloğlu Receb bin Süleyman’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve verese-i mezbûr ile müteveffa-yi mezbûr i arifan olan mezkûr Kalohraf karyesinden Kuveloğlu Sefer bin Mehmed ile yine karye-i merkûmeden Paskaboğlu Bilal bin Mahmud nâm kimesnelerin kezalik bi’l-muvacehe tafsil-i mezkûr üzere ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan müddeî mezbûr Mehmed ile sağiran-i mezbûranın anaları ve tesviye-i umurlarına kıbel-i şer’iden mensube vasileri zatı zeyl-i vesikada muharreru’l-esâmî müslimîn tarifleriyle muarrefe olan zevce-i mezbûre Havva ile kezalik zatı müslimin mezbûrun tarifleriyle muarrefe olan ümmü’l-mezbûre Rukiye ve kezalik zatı bi’l-muarrefe bintu’l-mezbûre Emine meclis-i makud-i mezkûrde her biri takrir-i kelâm ve tabir-i ani’l-merâm idup murisimiz müteveffa-yi mezbûr Memiş’in hıyn-i vefatında yanında mevcud bi’l-cümle terekesiyle zımem-i nasda olan her hukuku icab edenlerden ve mezkûr Kumpanya’da mevcud müterakim meaşat ve istihkakını vazıu’l-yed olan memur-i mahsusundan taleb ve ahz u kabz ile makbuzatınından bizim hissemizi bize irsal ve isal ve teslime ve mucib-i muhâkeme bir hal vukuunda lazım gelenlerle aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tekaud maaşı tahsisi içun icab eden muameleyi îfâya ve mümeyyiz ve hâkim ve ehl-i vukuf tayin ve azline ve ber vech-i muharrer ahari tevkile ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile Dersaadet’te Tahlisiyye Kumpanyası’nın Anadolu Feneri’nin Arvanam mevkiinde Tahlisiyye mürettebatından Rize’li Paskaboğlu Bilal bin Mahmud’u bi’l-verâse ve bi’l-âsale ve bi’l-vesâye kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sâlis ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Kuveloğlu Mustafa bin Memiş, Kuveloğlu Sefer bin Mehmed. Aded 209: Perkam Lazistan Sancağı’nın merkezi olan Rize kazası kurâsından Perkam karyesinden Kaymakcıoğulları Rıfat nâm-ı diğeri Rafet bin Mustafa ve Seyfullah bin Mehmed meclis-i şer’-i şerif-i enverde takrir-i kelâm ve tabir-i ani’l-merâm idub Hordoloşoğlu Mustafa bin Osman ile beynimizde mütehaddis arazi davasından dolayı mezbûr Mustafa ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’r-râbi ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır İbrahim Efendi, Satıroğlu Mehmed Efendi. Aded 210: Seftar Seftar karyesinden Uzun Ahmedoğlu Ahmed Efendi’ye Karyenizde vâki cami-i şerifin hitabet cihetinin uhdenize tevcihine dair iktiza eden ilamı tanzîm eden ilamı tanzîm ve takdîm kılınmış olmağla gerekdir ki berat-ı şerif âlişânın şeref vuruduna değin bi’l fiil ifayı hüsn-i hizmet etmek üzere kıbel-i şer’iden izin ve icazeti hâvî işbu mürasele bi’t tanzîm i’tâ kılındı. Fi 2 Ramazan sene 1331 ve fi 23 Temmuz sene 1329. Mukabele olmuştur. Baş kâtib, kadı. Aded 211: Peşeyan Lazistan Sancağı’nın merkezi olan Rize kasabası mahallâtından Peşeyan mahallesinden mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Sarı Ahmedoğlu kerimesi Sabire bint Mehmed Kaptan meclis-i şer’-i şerif-i enverde mahalleden Sarı Ahmedoğlu Mehmed Efendi ibn Abdulkadir Efendi mahzarında takrir-i kelâm ve tabir-i ani’l-merâm idub karındaşım Abdulkadir ile şayıan malik ve mutasarrıf olduğumuz mahalle-i merkumede vâki bi’l-cümle emlak ve arazideki hisse-i şayiamı mezbûr Abdulkadir ile tefrik u taksime ve hisse-i müfreze veya şayiamı bedel misliyle memuru huzurunda talibine bey’ u ferağ ve teslim ve muamele-i intikaliyesini icrâ ve takririni i’tâya ve bedel mislini ahz u kabz ile bana i’tâ ve teslime ve mûceb-i muhâkeme bir hal vukuuna indehu icab edenlerle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Mehmed Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Hurremoğlu Faik Efendi ibn Abdullah. Aded 212: Vila Lazistan Sancağı’nın merkezi olan Rize kazası kurâsından Vila karyesinden Molla Ahmedoğlu Tayyib Efendi ibn Hacı Hüseyin Efendi meclis-i şer’-i şerif-i enverde takrir-i kelâm ve tabir-i ani’l-merâm idub aleyhimde ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmene ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve zarar ve ziyan talebine ve lede’l-hâce isbat-ı verâset iddiasına ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’t-tasi ve’l-ışrin min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Tatoğlu Osman Efendi. Aded 213: Kozandinoz Lazistan Sancağı’nın merkezi olan Rize kazası kurâsından Kozandinoz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Ancaoğlu kerimesi Rabia bint Halid meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Mirekaloz karyesinden Mimoğlu Ahmed bin Hüseyin bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağı farz u takdir olunmak matlubumdur dedikte hakikat-ı hal mezbûre Rabia’nın takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf iduki müslimin-i mezbûrun ihbarlarıyla ledeş’ş şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve ve bahâ vesair levazım-ı zaruriyesi içun zevc-i gaib-i mezbûr üzerine işbu tarihten itibaren beher şehrî kırk kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Rabia’ya izin verilmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, kadı. Askorosdan Boşnakoğlu Tevfik bin Yahya, Kozandinoz karyesinden Ancaoğlu İsmail bin Halid. Aded 214: Rados Lazistan Sancağı’nın merkezi olan Rize kazası kurâsından Rados karyesi sakinlerinden zatı zeyl-i vesikada muharreru’l-esâmî müslimîn tarifleriyle muarrefe olan Cincioğlu kerimesi Nazire bint Numan meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan karye-i mezkûreden Molla Osmanoğlu Yahya bin Osman bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağı farz u takdir olunmak matlubumdur dedikte hakikat-ı hal mezbûrenin takrir-i meşruhi üzere olduğu karye-i merkume imam ve muhtar tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve ve bahâ vesair levazım-ı zaruriyesi içun zevci gaib-i mezbûr üzerine işbu tarihten itibaren beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûre Nazire’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hamis min şehr-i Rebii’l-evvel li sene ihdâ selâsîne ve selâsemie ve elf. Mukabele olmuştur. Baş kâtib, kadı. Cincioğlu İsmail bin Haşim, Cincioğlu Muhiddin bin Memiş. Aded 215: Diğer Haldoz Lazistan Sancağı’nın merkezi olan Rize kasabası mahallâtından Diğer Haldozmahallesinden Hacıoğlu Hafız Osman Efendi ibn Ömer meclis-i şer’-i şerif-i enverde takrir-i kelâm ve tabir-i ani’l-merâm idub Dersaadet’te Kasımpaşa civarında Zincirlikuyu caddesinde Küçük Piyale Mektebi sokağında kâin mahallinde beyne’l-ahâlî ve’l-cîrân malûm ve müteârefu’l-hudud basened-i hakani malik ve mutasarrıf olduğum üç numaralı tahtani ve fevkani dört oda ve bir metbah ve müştemilat-ı saireyi hâvî mea bahçe bir bab mülk-i menzilimi semen-i misliyle talibine memuri huzurunda katiyen bey’ ve temlik u teslime ve semen mislini ahz u kabz ile makbuzunu bana irsal ve isal ve teslime ve muamele-i sairesini icrâ ve îfâya ve takririni i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mahal-i mezkûrda ve kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani aşer min şehr-i Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Muhzır Sadık Efendi, Hacıoğlu Hacı Memiş Efendi. Aded 216: Kuriloz Lazistan Sancağı’nın merkezi olan Rize kazası kurâsından Kuriloz karyesinden tezkire-i osmanisi görülen Usta Ömeroğlu Nazım bin Zekeriyya meclis-i şer’-i şerif-i enverde pederi mezbûr Zekeriyya mahzarında takrir-i kelâm ve tabir-i ani’l-merâm idub zımem-i nasda olan bi’l-cümle alacağımı ashabıdan aid olduğu mehâkimde taleb ve davaya ve mûceb-i muhâkeme bir hal vukuunda icab edenlerle müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve lede’l-hâce sulh ve ibraya ve ber vech-i muharrer ahari tevkile ve azle ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile pederim mezbûr Zekariyya’yı vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Ofluoğlu Mustafa bin Şakir, Ofluoğlu Hurşid bin Osman. Aded 217: Asbet Lazistan Sancağı’nın merkezi olan Rize kazası kurâsından Asbet karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Hacı Mahmudoğlu kerimesi Meryem bint Ömer meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Ğodri karyesinden Çolakoğlu Cemal bin Receb itaat ve inkiyad ile işbu binüçyüzotuzbir senesi hicrisi saferu’l hayrının dördüncü günü tarihli bir kıta ilam-ı şer’i istihsal ettikten sonra ber mûceb-i hükm ve i’lâm mesken-i şer’îsine giderek kendisine itaat ve hukuk-i zevciyete riayet etmiştim ahiren yani bir buçuk mâh mukaddem beni hanesinden dışarı atıb bila nafaka vela munfek-i şer’i terk ile müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-ı hal mezbûrenin takrir-i meşruhi üzere olduğu mezkûr Asbet karyesi imam ve muhtarı tarafından mevrud ilmuhaberden müstebân ve müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve ve bahâ vesair levazım-ı zaruriyesi içun zevc-i gaib-i mezbûr üzerine işbu tarihten itibaren beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûre Meryem’e kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sâlis ve’l-ışrin min Recebi’l-ferd li sene ihdâ selâsîne ve selâsemie ve elf. Mukabele olmuştur. Baş kâtib, kadı. Karamanoğlu Yunus bin Hasan, Bağdadlıoğlu Mustafa bin Cafer. Aded 218: Umma Lazistan Sancağı’nın merkezi olan Rize kazası kurâsından Umma Tuğlu karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Ayşe bint Salih meclis-i şer’-i şerif-i enverde takrir-i kelâm ve tabir-i ani’l-merâm idub Sakrık karyesinden Haceoğlu Osman bin Tufan’ın firaşından hasıla ve benden mütevellide ve halen bi hakki’l-hidâne hacr ve terbiyemde bulunan sabiye-i sağire kızı Emine’yi babası mezbûr Osman bundan mukaddem bila nafaka ve munfek-i şer’i terk idub müddet-i sefer-i baid olan Samsun’a gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden babası mezbûr Osman üzerine kadr-i marûf meblağ farz u takdir olunmak bi’l hidane matlubumdur dedikte hakikat-ı hal mezbûre Ayşe’nin takrir-i meşruhi üzere olduğu ve Zikr-i âtî meblağ dahi kadr-i marûf iduki mezkûr Sakrık karyesi imam ve muhtarı tarafından mevrud ilmuhaberden müstebân ve müslimin-i mezbûrun ihbarlarıyla ledeş’ş şer’il enver zâhir ve nümâyân olmağın mucebince sağire-i mezbûrenin nafaka ve kisve ve bahâ vesair levazım-ı zaruriyesi içun babası gaib-i mezbûr üzerine işbu tarihten itibaren beher şehrî otuz kuruş farz u takdir olunub meblağ-ı mefruz-i mezkûri sağire-i mezbûrenin nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer babası mezbûr Osman üzerine rucua anası mezbûre Ayşe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sani min şehr-i Şabani’l-muazzam li sene ihdâ selâsîne ve selâsemie ve elf. Mukabele olmuştur. Baş kâtib, kadı. Kurdoğlu Yusuf bin Ali, Molla Mustafaoğlu İslâm Efendi ibn İbrahim Aded 219: 1331 senesi ıyd-i fıtr ilamıdır İşbu Ramazan-i şerifin ğurresi tekmil-i selasin ile pazartesi gününden muteber olmasına mebni yevm-i mezkûrdan itibaren sıyama bed’ olunmuşdu bugünkü pazartesi günü salı gecesi hilal-i şevval ru’yet olunduğu suretde mahkemeye haber verilmek üzere ilan olunarak ru’yet olunamadığı takdirde kezalik tekmil-i selasin ile yarınki salı ve otuzuncu günü olub ferdası çarşamba günü ıyd-i said-i fıtr olduğu arz olunur. Fi 29 Ramazan sene 1331 ve fi 19 Ağustos 1329 Mukabele olmuştur. Baş kâtib, kadı. Aded 220: Aslı evvel ki sicilin 371 inci sahife ve 812 numarasında mukayyed olub hüccet-i mezkûreye hamişdir. İşbu hüccet mucebince medyun-i muma ileyh Nihad Efendi’ye kefalet-i mutlaka ile kefil bulunan Cemal Efendi ve Rıfat Bey ve Mustafa Efendi’nin kefalet-i vakıalarından borçları olan binaltmışbeş kuruş ile hıyn-i tahsiline değin terk ve teberru eylediği eyyam-ı güzeştesinin medyun ve kufela-i muma ileyhimden icra-i marifetle bi’t tahsil Eytâm müdürlüğüne teslimi iktiza eylediği fi 29 Ramazan sene 1331 ve 19 Ağustos sene 1329. Mukabele olmuştur. Baş kâtib, kadı. Aded 221: Pilaymanoz Lazistan Sancağı’nın merkezi olan Rize kazası kurâsından Pilaymanoz karyesi ahalisinden Terzioğlu Dursun bin Hasan meclis-i şer’-i şerif-i enverde takrir-i kelâm ve tabir-i ani’l-merâm idub karyeden Terzioğulları Molla Ali ve Kemal benan-i İbrahim ile beynimizde mütehaddis alacak ve saky ve hark ve tokmak davalarından dolayı mezbûran ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dedikte ma vekaa bi’t-taleb ketb olundu. Fi’l-yevmi’s-sani ve’l-ışrin min Ramazani’l-mübarek li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 222: Romanoz-i Rum Lazistan Sancağı’nın merkezi olan Rize kasabası mahallâtından Romanoz-i Rum mahallesinden ve teba-i aliyyenin rum milletinden Hacı Kastioğlu İstavri bin İspiro meclis-i şer’-i şerif-i enverde ve teba-i müşar-ı ileyhadan karındaşı Nikoli bin merkum İspiro mahzarında takrir-i kelâm ve tabir-i ani’l-merâm idub İksenit mahallesinden Memişzâde Hızır ile beynimizde mütehaddis alacak davasından dolayı mezbûr ile vesairleri tarafından aleyhime ikame edilecek her nevi deâvîdan dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve lede’l-hâce isbat-ı verâset iddiasına ve sulh ve ibraya ve ber vech-i muharrer tevkile ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile karındaşım mezbûr Nikola’yı vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 223: Yeniköy Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi bin Salih Efendi Lazistan Sancağı’nın merkezi olan Rize kasabası mahallâtından Yeniköy mahallesinden kâin Eyübzâde İbrahim ibn Hacı Ahmed’in menziline varıb menzil-i mezkûrda akd-i meclis-i âli ettikde müşarun ileyh(?) İbrahim Efendi meclis-i makud-i mezkûrde takrir-i kelâm ve tabir-i ani’l-merâm idub ? Mustafa Efendi tarafından aleyhime ikame olunan bedel-i iltizamdan mütevellid alacak davasından dolayı muma ileyh Mustafa Efendi ile vesairleri tarafından aleyhime ikame edilecek her nevi davadan dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve benim her hakkımı ashabından taleb ve dava ve ahz u kabz ile bana i’tâ ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i amme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dedikte kâtib-i muma ileyh mahallinde ketb u tahrir ve mea mürsel umena-i şeri’le meclis-i şer’e gelub ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sadis min Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Aded 224: Samri mahallesi Lazistan Sancağı’nın merkezi olan Rize kasabası mahallâtından Samri mahallesinden iken bundan akdem vefat eden Hacı Şükrüzâde Mehmed bin Yusuf’un sulbî sağir oğulları Şaban ve Şevki ile sulbîye-i sağire kızı Fatıma’nın pederleri müteveffa-yi mezbûrdan mevrus mallarını hıfz ve umurlarını tesviye ve ru’yete bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadire idugi mahalle-i merkume imam ve muhtarı tarafından mevrud ilmuhaberden müstebân ve zeyl-i vesikada zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisu’l-vesika li ebeveyn amuceleri Rüstem Efendi ibn mezbûr Yusuf siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete vasi nasb u tayin olundukda ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min şehr-i Şevvali’l-mükerrem li sene ihdâ selâsîne ve selâsemie ve elf. Mukabele olmuştur. Baş kâtib, kadı. Makaraoğlu Kamil bin Yusuf, Çolakoğlu Memiş Usta bin Mustafa. Aded 225: Arhavili Eleşkird kazası kadısı olub müsâfireten Rize’de bulunan Arhavili Hamid Hamdi Efendi ibn Ali Zihni Efendi Lazistan Sancağı mahkeme-i şer’iyesinde makud-i meclis-i şer’-i şerif-i enverde takrir-i kelâm ve tabir-i ani’l-merâm idub Dersaadet’te mahal-i memuriyetim olan mezkûr Eleşkird kazasına kadr-i itası nizamı iktizasından bulunan binbeşyüz kuruş harcırah matlubatımı Dersaadet’te icab eden devâirede memur mahsusunda taleb ve ahz u kabz ve makbuzatını bana irsal ve isal ve teslime ve evrak-ı lazımeyi imza ve tahtîme ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’te Kassam-ı umumi dairesi Tereke Kâtibi Şükrü Efendi ibn Hacı Ahmed Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hadi aşer min Şevvali’l-mükerrem li sene ihdâ selâsîne ve selâsemie ve elf. Mukabele olmuştur.

Devamı bir sonraki Makalededir.