Fi’l-yevmi’l-hadi aşer min şehr-i Ramazani’l-mübarek li sene selâsîne ve selasemie ve elf. Mukabele olmuştur. Baş kâtib, nâib. Alişanoğlu(?) Salih bin Dursun, Furtunaoğlu Ali bin Mustafa, Kulaksızoğlu Mustafa bin Osman. Aded 127: Hamrik Lazistan Sancağı’nın merkezi olan Rize kasabası mahallâtından Hamrik mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Sarı Osmanoğlu kerimesi Gülşah bint Mehmed meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan mahkeme-i merkûmeden Lerozluoğlu Bekir bin Mahmud bundan akdem benimle firaşından hasıla ve benden mütevellide ve halen bi hakki’l-hidâne hacr ve terbiyemde olan sulbîye-i sağire kızım Fatıma’yı bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûrenin takrir-i meşruhi

üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mezbûre bade’t-tahlîf mucebince nafaka ve kisve bahâ vesair levazım-ı zaruriyeleri zevc-i gaib-i mezbûr üzerine işbu tarihten itibaren beherine yevmî altmışar paradan ikisine ceman üç kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevc-i gaib-i mezbûr Bekir üzerine rucua mezbûre Gülşah’a kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’t-tasi min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Durmuş Efendioğlu Arif bin Abdulhamid, Hacıoğlu Ali Reis bin Ahmed. Aded 128: Komes Lazistan Sancağı’nın merkezi olan Rize kazası nevâhîsinden Kura-i Seba nahiyesinin Komes karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Tavlaşoğlu kerimesi ve Hacı İbrahimoğlu Hasan’ın zevcesi Hafize bint Mehmed meclis-i şer’-i şerif-i enverde dava vekîllerinden Vasil Efendi ibn Yani mahzarında takrir-i kelâm ve tabir-i ani’l-merâm idub bundan akdem maktulen vefat eden zevcim mezkûr Komes karyesinden Hacı İbrahimoğlu mezbûr Hüseyin bin Zekeriyya’nın katili olan karyeden İbrahimoğulları namı-ı diğeri Ahmedoğulları Şaban bin Bayram ve Rıza ve Sadık benan-i Hasan ile Kasım bin Mehmed ve rufeka-i sairesi aleyhlerinde aid olduğu devâir ve cezaiyenin her derecesinde itirazen ve temyizen ikame-i dava ve muhâkeme ve muhâsama ve mucâvebeye ve ikame ve irae-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i kısasa ve’l-hâsıl her türlü hukuk-i şahsiye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Vasil Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Kuveloğlu Recep Efendi ibn Hacı Hüseyin, Köseoğlu İbrahim bin Mahmud. Aded 129: Büyük Samri Lazistan Sancağı’nın merkezi olan Rize kasabası mahallâtından Büyük Samri mahallesinden iken bundan mukaddem İzmit’de vefat eden Berberoğlu Hüseyin bin Abdurrahman’ın sulbî sağir oğlu Bayram Ali ile sulbîye-i sağire kızları Azize ve Zehra’nın pederleri müteveffa-yi mezbûrdan mevrus mallarını hıfz ve umurlarını tesviye ve ru’yete bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi mahalle-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş şeri’l enver zâhir ve nümâyân olan işbu baisetu’l-vesika marifetu’z-zat valideleri Şerife bint Mustafa siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi ve üzerine li ebeveyn erkarındaşları Ali Nazır nasb u tayin olundukta onlar dahi ber vech-i muharrer vesâyet ve nezaret-i mezkûreyi kabul ve hizmet-i lazımelerini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Satıroğlu Mehmed Efendi ibn Ahmed Efendi, Makaroğlu Kamiloğlu Yusuf. Aded 130: Romanoz-i Rum Lazistan Sancağı’nın merkezi olan Rize kasabası mahallâtından Romanoz-i Rum mahallesinden ve teba-i devlet-i aliyyenin rum milletinden iken bundan mukaddem vefat eden Baltacıoğlu Anastas bin Yorika bin Nikola’nın sulbî sağir oğlu Petro’nun pederi müteveffa-yi mezbûrdan mevrus malını hıfz ve umurunu tesviye ve ru’yet edecek bir vasî nasbı ehem ve elzem olmağın emanet ile marûf ve istikamet ile mevsûf ve her vecihle vesâyet uhdesinden gelmeğe kadir idugi mahalle-i mezkûre imam ve muhtar ve heyet-i ihtiyarisi tarafından mevrud ilmuhaberden müstebân ve zeyl-i vesikada muharreru’l-esâmî kesan merkum ihbarlarıyla lede’ş-şer’il enver zâhir ve nümâyân işbu baisu’l-vesika li ebeveyn erkarındaşı Pancu sağir-i mezbûrun pederi müteveffa-yi merkumdan mevrus malını hıfz ve vakt-i rüşd-i sedadına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazimesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Bıyıkoğlu Pancu bin Todori, Karakaşoğlu Anastas bin Dimitri. Aded 131: Mapavri’nin Arpik Makras Lazistan Sancağı’nın merkezi olan Rize kazası nevâhîsinden Mapavri nahiyesinin Arpik Makras karyesinden iken bundan akdem vefat eden Kalaloğlu Ahmed bin Mustafa’nın sulbîye-i sağire kızı Makbule’nin pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisu’l-vesika li ebeveyn erkarındaşı Mustafa bin mezbûr Mustafa sağire-i mezbûrenin pederi müteveffa-yi mezbûrdan mevrus malını hıfz ve vakt-i rüşd-i sedadına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazimesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi ğurre-i min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Lalataroğlu bin Mustafa, Yakuboğlu Hüseyin Efendi ibn Süleyman. Aded 132: Ğotoz Lazistan Sancağı’nın merkezi olan Rize kazası kurâsından Ğotoz karyesinden Ofluoğlu Tevfik bin Mustafa meclis-i şer’-i şerif-i enverde takrir-i kelâm ve tabir-i ani’l-merâm idub aleyhimde ikame olunan bir nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve isbat-ı verâset iddiasına ve lede’l-hâce sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Molla Ahmedoğlu Mehmed. Aded 133: Sevelos Lazistan Sancağı’nın merkezi olan Rize kazası kurâsından Sevelos karyesi sakinelerinden zatı hıyn-i tevkilde muarrefe olan Hacı Sururoğlu kerimesi Ümmü Gülsüm bint Şakir’in Zikr-i âtî muhâkeme ve ahz u kabza vekîli ve müseccel-i şer’isi İsmail Efendi ibn Hacı Osman Efendi meclis-i şer’-i şerif-i enverde Yalıboyu Ruspa karyesinden Kandiloğlu Mehmed bin Osman mahzarında bi’l-vekâle üzerine dava ve takrir-i kelâm idub müvekkilem mezbûre Ümmü Gülsüm mezbûr Mehmed’in oniki seneden beri ve onbeş aded Osmanlı lirası mehr-i müeccel tesmiyesiyle zevce-i menkuhe-i medhul-i bihâsı olub zevc-i mezbûr Mehmed’in mesken-i şer’îsi olmadığından on seneden beri bila nafaka vela munfek-i şer’i babasının hanesinde sakine olmakta bulunmağla mesken-i şer’î tedarikiyle müvekkile-i mezbûre infak ve iksâ edinceye kadar mezbûr Mehmed üzerine kadr-i marûf meblağı farz u takdir olunmak bi’l-vekâle matlubumdur deyu dava ol dahi cevabında vekîl-i muma ileyhin ber vech-i muharrer müddeâsını bi tamamiha ikrar ve itiraf idub lakin benim karye-i mezbûr ede kâin haneme gelub itaat ve inkıyad etsun dedikte müddeâ aleyh mezbûr Mehmed mesken-i şer’î irae edinceye değin zevcesi müvekkile-i mezbûre içun bi razı-i tarafeynle yevmî beş kuruş farz u takdir olunub meblağ-ı mefruz-i mezkûri nafaka ve kisve bahâ vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci mezbûr Mehmed üzerine rucua müvekkilesi mezbûre Ümmü Gülsüm’e izafetle vekîl-i muma ileyh İsmail Efendi’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sani aşer min Saferi’l-hayr li sene ihdâ selâsîne ve selâsemie ve elf. Mukabele olmuştur. Baş kâtib, nâib. Sofoğlu İbrahim Efendi, Tatoğlu Osman Efendi. Aded 134: Piri Çelebi Lazistan Sancağı’nın merkezi olan Rize kasabası mahallâtından Piri Çelebi mahallesinden Tuzcuzâde Kazım Efendi ibn İsmail Ağa meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Dervişzâde Hacı Hafız Lütfi Efendi’nin eytâmı mallarından sîm mecîdiye yirmi kuruş hesabıyla bin ve Fencioğlu müteveffa Talib Reis’in sağir oğlu müteveffa Hüseyin’in malından kezalik sîm mecîdi yirmi kuruş hesabıyla beşyüz kuruş ki ceman binbeşyüz kuruş müdir-i muma ileyhden istidane ve kabz ve umuruma sarfla istihlâk eylediğim meblağ-ı mezkûr ile semeni işbu tarihten bir sene-i kamile olmak üzere kezalik eytâm-ı mezbûrunun mallarından iştira eylediğim bir cild Ali Efendi fetvası semeninden yüzotubeş kuruş ki ceman bin altıyüzotuzbeş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam güzeştesiyle mesarif-i saireyi dahi terk ve teberru eyledim dedikte ğıbbe’t-tasdik kefalet-i vakıaları meclis-i eytâmca musaddak olan Pendoz mahallesinden Altıkayaoğlu Hacı Mustafa bin Hüseyin ve Babik mahallesinden Hacı Mahmudzâde Tevfik Efendi ibn Hacı İlyas Efendi ve Vonit-i Rum mahallesinden Hacı İstavrioğlu Dimitri bin Yani tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyhin ceman zimmetinde edası vacib olan meblağ-ı mezkûr binaltıyüzotuzbeş kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sadise aşer min Saferi’l-hayr li sene selâsîne ve selasemie ve elf. Mukabele olmuştur. Baş kâtib, nâib. Muhzır Sadık Efendi, Boşnakoğlu Tevfik Reis. Aded 135: Kolica Lazistan Sancağı’nın merkezi olan Rize kazası kurâsından Kolica karyesi sakinelerinden isimleri zabt-ı ceridesinde muharrer müslimîn tarifleriyle muarrefe olan Naciye bint Ali meclis-i şer’i münîrde İksenit mahallesinden iken bundan dört sene mukaddem vefat eden Öksüzoğlu Mehmed bin Zekeriyya’nın sulbî sağir oğlu Ahmed’in min kıbeli’l eb ceddesi ve kıbel-i şer’iden mensube vasisi müteveffa-yi mezbûrun anası kezalik marifetu’z-zat Ayşe bint Hasan muvacehe ben dokuz seneden beri müteveffa-yi mezbûr Mehmed’in onbeş lira-i Osmanî mehr-i müeccel tesmiyesiyle zevce-i menkuhe-i medhul-i bihâsı iken vefat etmekle verâseti zevce-i menkuhe-i metrukesi olduğum cihetle benimle anası müddeâ aleyha vasi-i mezbûre Ayşe ve sulbî sağir oğlu mezbûr Ahmed’e munhasıra olub başka verâseti ve terekesine mustahık-i ahar kimesnesi olmadığı ve tereke-i vafiyesine mezbûre Ayşe hasbe’l verâse ve’l vesâye vazıatu’l yed bulunduğu cihetle meblağ-ı mezkûr onbeş lira-i Osmanî mehr-i müeccel hakkımı vazıatu’l yed olduğu müteveffa-yi mezbûrun tereke-i vafiyesinde bana eda ve teslime vasi-i mezbûre Ayşe’ye tenbih olunmak matlubumdur deyu dava ve lede’s-sual ol dahi cevabında müteveffa-yi mezbûrun tereke-i vafiyesine ber vech-i muharrer vazıatu’l yed bulunduğu taven ikrar ancak ber vech-i muharrer mehr-i müddeâsı malûmum değildir deyu inkar etmekle müddeiye-i mezbûre ber vech-i muharrer müddeâsını evvelen ba veraka-i mesture mensub oldukları mezkûr Peşeyan mahallesi imamı Hacı Eşref Efendi ibn Hüseyin ve azasından Dervişzâde Hacı İbrahim’den sirren ve badehu müterâfian hazır oldukları halde Satıroğlu Mehmed Efendi ibn Ahmed Efendi ve Kazancızâde Mehmed Efendi ibn Hacı Mustafa Efendi’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi mezbûr ile müddeiye-i mezbûr e-i arifan olan mezkûr Paşyan mahallesinden Çakmakcıoğlu Şaban bin Ahmed ve Türüdizâde Hasan Efendi ibn Hacı Mehmed Efendi nâm kimesnelerin kezalik bi’l-muvacehe tafsil-i mezkûr üzere ber nehc-i şer’i şahadetleriyle isbat itmegin müddeiye-i mezbûre istizharen bade’t-tahlifi’ş şer’i mucebince müddeâ bih onbeş lira-i Osmanîyi vazıatu’l yed olduğu müteveffa-yi mezbûr Mehmed’in tereke-i vafiyesinden müddeiye-i mezbûre Naciye’ye eda ve teslime müddeâ aleyha mezbûre Ayşe’ye tenbih olunduğu tescîl ve i’lâm olundu. Fi’l-yevmi’s-sadise aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 136: Romanoz-i Rum Lazistan Sancağı’nın merkezi olan Rize kasabası mahallâtından Romanoz-i Rum mahallesinden ve teba-i devlet-i aliyyenin rum milletinden iken bundan akdem vefat eden Baltacıoğlu Anastas bin Yorika bin Nikola’nın ber vechi ati varisi olduğunu iddia eden sulbî kebir oğlu Pancu meclis-i şer’-i şerif-i enverde müteveffa-yi merkumun medyuni mahalle-i merkûmeden ve teba-i devlet-i aliyyenin rum milletinden Baltacıoğlu Pandeli bin Ditri mahzarında üzerine dava ve takrir-i kelâm idub pederim müteveffa-yi merkumun verâseti benimle sulbî kebir oğlu Yorika ve sulbî sağir oğlu Petro ve sulbîye-i kebire kızları Selini ve Zuğrafe’ye munhasıra ve tashih-i mesele-i mirasları bi’l ferideti’ş şer’iye sekiz sehmden olub siham-ı mezkûri ikişer sehmden ceman altı sehmi ibnu’l-mezbûr una ve birer sehmden ceman iki sehmi bintu’l-mezbûr etana isabet idub başka varisi ve terekesine mustahik-i ahar kimesnesi olmamağla pederim müteveffa-yi merkumun hayatında merkum Pandeli zimmetinde cihet-i karzdan alacak hakkı olan yirmidört kuruşu kable’l-ahz ve’l-istifa vefat etmekle meblağ-ı mezkûrdan ber muceb-i mesele-i miras hisse-i irsîyemi bana eda ve îfâya merkum Pandeli’ye tenbih olunmak hasbe’l verâse matlubumdur deyu dava ve lede’s-sual ol dahi cevabında fi’l-hakika müteveffa-yi merkumun ol mikdar kuruş zimmetinde cihet-i karzdan alacak hakkı olan yirmidört kuruş halen deyni olduğunu taven ikrar ancak müddeiye-i merkumun ber vech-i muharrer verâset müddeâsı malûmum değildir deyu inkar etmekle müddeiye-i merkum Pancu ber vech-i muharrer verâset müddeâsını evvelen ba veraka-i mesture mensub oldukları mahalle-i merkume imamı ? Papa Kostanti ve muhtar-ı evveli Kuyumcuoğlu Yorika’dan sirren ve badehu müterâfian hazır oldukları halde Hâci Bastioğlu Hristo bin Polihar’dan ve Mavioğlu Hristo bin Yanku’dan bi’l-muvacehe tafsil-i mezkûr üzere ber nehc-i şer’i alenen lede’t-tezkiye makbulu’ş-şehade idukleri işar ve ihbar olunan ve verese-i merkuman ile müteveffa-yi merkumu arifan olan mahalle-i mezkûrden Kortivaoğlu Dimitri bin Kasti ile yine mahalleden Peraşluoğlu Paneli bin Liya nâm kimesnelerin bi’l-muvacehe ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i merkumundan sağir-i merkum Petro’nun kıbel-i şer’iden mensub vasisi müddeî ibn merkum Pancu ile ibn merkum Yorika ve bint merkume zatı zeyl-i vesikada muharreru’l-esâmî müslimîn kesan merkuman tarifleriyle muarrefe olan Zuğrafe meclis-i makud-i mezkûrde dava vekîllerinden Vasil Efendi ibn Yani mahzarında her biri bi’l-verâse ve bi’l-vesâye takrir-i kelâm ve tabir-i ani’l-merâm idub babamız müteveffa-yi merkumun hıyn-i vefatında zımem-i nasda olan bi’l-cümle terekat ve matlubat ve her hakkını icab edenlerden taleb ve dava ile babamız müteveffa-yi merkumdan dolayı aleyhimizde ikame edilen ve edilecek olan her nevi davadan dolayı lazım gelenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-ı tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve ahz u kabz ile makbuzatını bize i’tâ ve teslime ve’l-hâsıl leh ve aleyhimize tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan bi’l-verâse ve bi’l-vesâye vekâlet-i amme-i mutlaka-i sahiha-i şer’iye ile muma ileyh Vasil Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Bıyıkoğlu Pancu bin Tonos, Şalvaroğlu Andon bin Sava. Aded 137: Jandarma tekaud Lazistan Sancağı Jandarma Mülazımlığı’ndan tekaud iken bundan akdem vefat eden Çerkes Reşid Ağa bin Abdullah’ın ber vechi ati varisi olduğunu iddia eden zevce-i menkuhe-i metrukesi marifetu’z-zat Güzel Hanım bint İdris meclis-i şer’i münîrde müteveffa-yi mezbûrun Zikr-i âtî istihkakına hasbe’l memuriye vazıu’l-yed bulunan Sancağ-ı mezkûr muhasebecisi Hasan Tahsin Efendi tarafından mürsel ve husus-i ati’l beyana husumeti taraf-ı şer’iden re’y olunan muhasebe merkez kâtibi Celal Efendi ibn Hüseyin Saib Efendi muvacehesinde üzerine dava ve takrir-i kelâm idub zevcim mutevaffay-i muma ileyh Reşid Ağa’nın verâseti zevce-i menkuhe-i metrukesi olduğum cihetle benimle sulbîye-i kebire kızı Dersaadet’te sakine Şahinde Hanım’a munhasıra ve başka varisi olmadığına binaen müteveffa-yi mezbûrun terekesinden bir sehmi bana ve yedi sehmi bintu’l-mezbûreye isabet etmekle müteveffa-yi muma ileyhin maaş-ı müterakimesi olan ceman binyüzotuzdört kuruş kable’l-ahz ve’l-istifa vefat etmekle meblağ-ı mezkûre müvekkil muhasebeci-i muma ileyh hasbe’l memuriye vazıu’l-yed olduğundan meblağ-ı mezkûrdan hisse-i irsîyemi bana ve mezbûre Şahinde’nin hisse-i irsîyesini de kendisine eda ve îfâya müvekkil muhasebeci-i muma ileyhe izafetle vekîl-i muma ileyh Celal Efendi’ye tenbih olunmak hasbe’l verâse matlubumdur deyu dava ve lede’s-sual muma ileyh Celal Efendi dahi cevabında fi’l-hakika müteveffa-yi muma ileyin ol mikdar kuruş istihkakına müvekkil muhasebeci-i muma ileyh hasbe’l memuriye vazıu’l-yed olduğunu taven ikrar ancak müddeî mezbûrun ber vech-i muharrer verâset-i müddeâsı malûmum değildir deyu inkar etmekle müddeiye-i mezbûre ber vech-i muharrer müddeâsını evvelen ba veraka-i mesture mensub oldukları Piri Çelebi mahallesi imamı Süleyman Efendi ibn İsmail Efendi ve azasından Kolçakoğlu Ömer Kaptan ve Kolçakoğlu Hayri Efendiler’den Çancol mahallesi imamı Said ile azasından Memiş’den sirren ve badehu müterâfian hazır oldukları halde Mustafa Efendi ibn Ahmed Efendi ve Çerkesoğlu Hasan bin Ahmed’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi muma ileyh ile verese-i mezbûr anı arifan olan mezkûr Piri Çelebi mahallesinden Mehmed Efendi ibn Hacı Ömer ile Çancol mahallesinden Dilooğlu Emin bin Mehmed nâm kimesnelerin tafsil-i mezkûr üzere kezalik bi’l-muvacehe ber nehc-i şer’i eda ve şahadet-i şer’iyeleriyle isbat itmegin mucebince meblağ-ı mezkûr binyüzotuzdört kuruşdan müddeiye-i mezbûrenin hisse-i irsîyesi olan yüzkırkbir kuruş otuz parayı müddeiye-i mezbûreye ve mütebaki dokuzyüzdoksaniki kuruş on parayı mezbûre Şahinde’ye eda ve teslime müvekkil muhasebeci-i muma ileyh Hasan Tahsin Efendi’ye izafetle vekîl-i muma ileyh Celal Efendi’ye tenbih olunduğu tescîl ve i’lâm olundu. Fi’l-yevmi’s-sabi ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 138: Yalıboyu Ruspa Lazistan Sancağı’nın merkezi olan Rize kazası kurâsından Yalıboyu Ruspa karyesi sakinelerinden zatı hıyn-i tevkilde muarrefe olan Hacı Sururoğlu kerimesi Ümmü Gülsüm bint Şakir’in Zikr-i âtî muhâkeme ve ahz u kabza vekîl-i müseccel-i şer’isi İsmail Efendi ibn Hacı Osman Efendi meclis-i şer’i münîrde karye-i merkûmeden Kandiloğlu Mehmed bin Osman muvacehesinde müvekkilim mezbûre Ümmü Gülsüm mezbûr Mehmed’in zevce-i menkuhe-i medhul-i bihâsı iken üç talak ile mezbûreyi tatlik etmekle zimmetinde mutekarrer ve makud-i aleyh mehr-i müeccel hakkı olan onbeş lira-i Osmanî ile nafaka iddetini bi’l-vekâle taleb ederim deyu dava ol dahi cevabında müddeiye-i müvekkile-i mezbûre ber vech-i muharrer onbeş lira-i Osmanî mehr-i müeccel tesmiyesiyle zevce-i menkuhe-i medhul-i bihâsı idugini ve kendisini üç talak ile tatlik eylediğini taven ikrar ve itiraf idub ancak nafaka-i iddeti içun yüzseksen kuruş itasına kudreti olub fazla veremeyeceğini dermiyanla müddeî vekîli dahi yüzseksen kuruş nafaka-i iddete razı olduğundan mucebince onbeş lira-i Osmanî’yi halen ve yüzseksen kuruş nafaka-i iddeti dahi istihkaken müvekkile-i mezbûre Ümmü Gülsüm’e izafetle vekîl-i muma ileyh İsmail Efendi’ye eda ve teslime müddeâ aleyh mezbûr Mehmed’e tenbih olunduğu tescîl ve i’lâm olundu. Fi’l-yevmi’l aşir min Rebii’l-evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 139: Hamalyoz Lazistan Sancağı’nın merkezi olan Rize kazası kurâsından Hamalyoz karyesinden Top Osmanoğlu Hacı Osman Efendi ibn Yakub meclis-i şer’-i şerif-i enverde dava vekîllerinden Vasil Efendi ibn Yani Efendi mahzarında takrir-i kelâm ve tabir-i ani’l-merâm idub Atyanoz Çıkara karyesinden Kavranoğulları Abdullah ve Hasan bin Ali ile beynimizde mütehaddis alacak davasından dolayı mezbûran ile vesairleri tarafından aleyhime ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve benim her hakkımı ashabından taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i amme-i mutlaka-i sahiha-i şer’iye ile muma ileyh Vasil Efendi’yi vekîl ve naib-i menab nasb ve tayim eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min şehr-i Rebii’l-evvel li sene selâsîne ve selasemie ve elf. Mukabele olmuştur. Baş kâtib, nâib. Muhzır İbrahim Efendi, Velioğlu Hafız Harun Efendi. Aded 140: Kankalinoz Lazistan Sancağı’nın merkezi olan Rize kasabası mahallâtından Kankalinoz karyesinden Caferoğlu Hacı Ömer bin Mehmed meclis-i şer’-i şerif-i enverde dava vekîllerinden Arif Efendi mahzarında takrir-i kelâm ve tabir-i ani’l-merâm idub aleyhime ikame edilen her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik sıfatlarıyla mehâkimi’ş şer’iye ve hukukiye ve ticariye ve cezaiyenin her derecesinde bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve benim her hakkımı lazım gelenlerden taleb ve dava ve ahz u kabza ve makbuzatını bana i’tâ ve teslime ve ikame-i şuhûd ve tahlîf ve teblîğ ve tebelluğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâleti-i mutlaka-i amme-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Akmehmedoğlu Hacı Ömer Efendi. Aded 141: Babik mahallesi Lazistan Sancağı’nın merkezi olan Rize kasabası mahallâtından Babik mahallesinden Tuzcuzâde İhsan Efendi ibn Sırrî Efendi bidayet mahkemesinde makud meclis-i şer’i enverde takrir-i kelâm ve tabir-i ani’l-merâm idub Trabzon’un Kale içerisinde Molla Sipah mahallesinde kâin karındaşım Fehmi Efendi ve kız karındaşlarım Kamile ve Mürşide ile müştereken malik ve ba tapu mutasarrıf olduğumuz mahallinde beyne’l-ahâlî v’el ciran malûm ve müteârefu’l-hudud bir bab hane mea bahçedeki hisse-i şayiamı semen ve bedel-i misilleriyle karındaşım mezbûr Fehmi Efendi’ye katiyen bey’ u ferağ ve temlik u teslime ve semeni ahz u kabz ile memuru huzurunda takririni i’tâya ve makbuzatını bana irsal ve isal ve teslime ve mûceb-i muhâkeme bir hal vukuunda icab edenlerle aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve muamele-i saireyi lazımeyi icrâya ve taleb-i icrâya ve lede’l-hâce isbat-ı verâset iddiasına ve’l-hâsıl mütevakkıf olduğu umûrun tarafımdan vekâlet-i mutlaka-i sahiha-i şer’iye ile Trabzon’da nafia dairesi ketebesinde ve Debbağhane mahallesinden mukim Hartamaszâde Hasan Efendi ibn Edhem Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadis min Muharremi’l-haram li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Satıroğlu Mehmed Efendi. Aded 142: Setoz Lazistan Sancağı’nın merkezi olan Rize kazası kurâsından Setoz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Molla Ahmedoğlu kerimesi Ayşe bint Hüseyin ile karyeden Molla Mehmedoğlu Mehmed bin Mahmud meclis-i şer’-i şerif-i enverde dava vekîllerinden Mustafa Efendi ibn İzzet Efendi ile karyeden Molla Mehmedoğlu Ömer Efendi ibn Osman mahzarında her biri takrir-i kelâm ve tabir-i ani’l-merâm idub karyeden Molla Mehmedoğlu kerimesi Fatuli bint Ali ile beynimizde mütehaddis arazi davasından dolayı mezbûre ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyhima Mustafa ve Ömer Efendileri münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledik dediklerinde onlar dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Kuveloğlu Sefer bin Mehmed, Mandevoğlu Mahmud bin Ahmed. Aded 143: Babik Lazistan Sancağı’nın merkezi olan Rize kasabası mahallâtından Babik mahallesinden Kadızâde Mustafa Efendi ibn Hacı Ali Efendi meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm ve tabir-i ani’l-merâm idub Molla Ömerzâde Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim dörtbin kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından ve kezalik müdir-i muma ileyhden iştira eylediğim bir cild Ali Efendi fetvası semeninden yediyüzyirmi kuruş ki ceman dörtbinyediyüzyirmi kuruş zimmetimde vacibu’l-eda ve lazımu’l-kada deynim ve borcum olub murur edecek eyyamın güzeştesiyle mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâm tarafından musaddak olan Tuzcuzâde Hafız Hasan Efendi ibn Hurşid Efendi ile Kadızâde Abdulhamid Efendi ibn Hacı Ali Efendi ve Kara Mahmudzâde Abdulkadir Efendi ibn Mahmud Ağa tekrar meclis-i makud-i mezkûrde müdir-i muma ileyh mahzarında her biri takrir-i kelâm ve tabir-i ani’l-merâm idub medyun-i muma ileyh Mustafa Efendi’nin ceman zimmetinde edası vacib olan dörtbinyediyüzyirmi kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz dahi aharın zimmetine lazım gelen meblağa kezalik bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Satıroğlu Mehmed Efendi, Kara Mahmudzâde Tevfik Efendi. Aded 144: Peripol Lazistan Sancağı’nın merkezi olan Rize kasabası mahallâtından Peripol mahallesinden Suyabatmazoğlu Hacı Sadık Efendi ibn Mehmed meclis-i şer’-i şerif-i enverde takrir-i kelâm ve tabir-i ani’l-merâm idub aleyhimde ikame edilen her nevi deaividen dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebe ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime isbat-ı verâset iddiasına ve lede’l-hâce sulh ve ibraya ve benim her hakkımı ashabından taleb ve dava ve ahz u kabz ile makbuzlarını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i amme-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi ile karındaşım Şevket Efendi’yi kabullerine mevkûfe münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani aşer min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Alemdarzâde Hafız Hüseyin Efendi. Aded 145: Hopa kazasının Viçe Hopa kazasının Viçe nahiyesinden Hazinedaroğlu Hacı Mustafa Efendi ibn Aziz bin Şaban’ın enval-i menkule ve gayr-i menkule ve muamelat-ı şahsiyye ve hususat-ı saireden dolayı devâir-i resmiyye ve eşhas-ı saire ile aleyhinde vuku bulmuş ve bulacak kaffe-i deâvî-i şer’iye ve hukukiye ve ticariye ve cezaiyeden dolayı mehâkim ve devâir-i mülkiye ve adliye ve şer’iyenin kaffe-i aksam ve derecatında müddeî ve müddeâ aleyh ve şahs-ı sâlis suret ve sıfatlarıyla bidayeten ve iâdeten ve itirazen ve istinafen ve temyizen taleb ve dava ve muhâkeme ve muhasemeye ve nakl-i dava ve redd-i aza ve iade-i muhâkeme ve itirazu’l-ğayr hususatına ve imzasıyla ? evrak dava ve itiraz ve istid’âname tanzîm ve i’tâya ve lede’l-hâce iştikâ-i ani’l hükkâm ve ahz u kabza ve teblîğ ve tebellüğa ve hacz ve fekkine ve protesto keşide ve cevab itasına ve taleb-i iflas ve zarar ve ziyan ve ikame-i beyyine ve taleb-i tahsile ve tatbik-i hat ve hatime ve mümeyyiz ve ehl-i vukuf tayin ve azline ve taleb-i keşf ve taksimat ve ru’yet-i muhasebeye ve’l-hâsıl ahkam-ı şer’iye ve kanuniye-i mevcudenin erbab-ı deâvîye bahş eylediği salahiyeti son dereceye kadar îfâ ve icrâya ve devâir-i istintakiye ve cezaiyede takib-i davaya ve ilamata ve kaza-i mezkûrun Viçe nahiyesinde vâki uhde-i tasarrufunda bulunan kaffe-i emlak ve araziyi tarifat-i kanuniye dairesinde ahara icare ve lede’l-iktiza namına isticare ve bedel-i icareyi ahz u kabza ve ol babda iktiza eden olursa re’y-i istihsal olunmak şartıyla bey’ ve furuhta ve memuri huzurunda ita-i takrire ve bedelini kezalik ahz u kabza ve ber vech-i muharrer ahari tevkil ve azle Samsun Sancağı Naibi vekîl Hamdi Efendi ibn Mustafa Efendi’nin imza ve hatmini hâvî ve sancağ-ı mezkûr istinaf mahkemesi heyeti tarafından musaddak üçyüzotuz sene-i hicrisi Recebi’l-ferd’in onsekizinci günü tarihli ve altıyüzdört numaralı bir kıta vekâlet-i umumi hücceti mucebince vekîli bulunan mezkûr Viçe nahiyesinden Okkaoğlu Benar Ağa bin Hasan Reis Lazistan Sancağı mahkeme-i şer’iyesinde meclis-i şer’-i şerif-i enverde bi’l-vekâle takrir-i kelâm ve tabiri ani’l-merâm idub ber vech-i muharrer aheri tevkile mezun bulunduğum vekâlet-i mezkûre mucebince ber vech-i muharrer icra-i vekâlete tarafımdan vekâlet-i âmme-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin ve vekâlet-i mezkûreyi kendisine devr eyledim dedikte ma vekaa bi’t-taleb ketb olundu. Fi’l-yevmi’s-sani aşer min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Alininoğlu Abdulmecid Efendi. Aded 146: Ğotoz Lazistan Sancağı’nın merkezi olan Rize kazası kurâsından Ğotoz karyesinden Ofluoğlu Memiş bin Mustafa meclis-i şer’-i şerif-i enverde takrir-i kelâm ve tabir-i ani’l-merâm idub karyeden Ofluoğlu Tevfik ile beynimizde mütahaddis arazi ve emlak ve tecevüz-ü hudud davalarından dolayı mezbûr ile aid olduğu mehâkim-i şer’iye ve nizamiye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-samin min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Altıkulaçzâde İsmail Efendi. Aded 147: Hazavit Lazistan Sancağı’nın merkezi olan Rize kazası kurâsından Hazavit karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Banabakoğlu kerimesi Gülizar bint Şuayb meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Aron Mağloz karyesinden Lavasoğlu Ali bin İbrahim bundan bir buçuk sene mukaddem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağı farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar ve ihtiyar azalarından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlifi’ş şer’i mucebince nafaka ve kisve bahâ vesair levazım-ı zaruriyesiçun zevci gaib-i mezbûr üzerine işbu tarihten itibaren beher şehr kırk kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûreye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sabia aşer min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Karslıoğlu Zelkifl bin Mustafa, Akmehmedoğlu Hacı Haşim bin Mustafa. Aded 148: Mapavri’nin Misahor karyesi Lazistan Sancağı’nın merkezi olan Rize kazası nevâhîsinden Mapavri nahiyesinin Misahor karyesinden Karaalizâde müteveffa Mehmed bin Hacı Ahmed Ağa’nın anası zatı zeyl-i vesikada muharreru’l-esâmî müslimîn tarifleriyle muarrefe olan Sakine bint İsmail ile müteveffa-yi mezbûrun li ebeveyn erkarındaşı Hafız Ali Efendi bin muma ileyh Hacı Ahmed Ağa meclis-i şer’-i şerif-i enverde her biri takrir-i kelâm ve tabir-i ani’l-merâm idub murisimiz müteveffa-yi muma ileyhin katili olan Tolnas(?) karyesinden Sarı Alioğulları İsmail bin İbrahim ile Şevket ve Mehmed ve Nuri ve Yunus benun-i Hacı Hüseyin ve Arhavi’nin Gürcî deresinden Dülger Sefer Usta ve rufeka-i saire-i muşevvika aleyhlerinde aid olduğu mehâkim-i cezaiyede ikame ve takib-i dava ve irae-i şuhuda ve imzasıyla istid’â ve lâyıha tanzîm ve takdîmine ve teblîğ ve tebellüğa ve’l-hâsıl her türlü hukuk-i şahsiyye ve kanuniyemizi muhafaza ve müdafaya ve taleb-i kısasa ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb eyledik dediklerinde ma vekaa bi’t-taleb ketb olundu. Fi’l-yevmi’s-sadis min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Çerkesoğlu Rıza Efendi ibn Mehmed, Kahveci Memiş Ağa. Aded 149: Arhavi nahiyesinin Yemişlik karyesi Lazistan Sancağı’na tabi Hopa kazasının Arhavi nahiyesinin Yemişlik karyesinden Kazancıoğlu müteveffa Hasan’ın anası zatı zeyl-i vesikada muharreru’l-esâmî müslimîn tarifleriyle muarrefe olan Esma bint Şerife ile müteveffa-yi mezbûr Hasan’ın zevcesi kezalik zatı muarrefe Halise bint Mehmed meclis-i şer’-i şerif-i enverde her biri takrir-i kelâm ve tabir-i ani’l-merâm idub murisimiz müteveffa-yi mezbûr Hasan’ın katili olan Dervişoğulları İsmail ve Mikdad ve Ahmed aleyhlerinde aid olduğu mehâkim-i cezaiyede ikame ve takib-i davaya irae-i şuhuda ve imzasıyla istid’â ve lâyıha tanzîm ve takdîmine ve teblîğ ve tebellüğa ve’l-hâsıl her türlü hukuk-i şahsiyye ve kanuniyemizi muhafaza ve müdafa ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’l-hadi [ve’l-ışrin] min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Topaloğlu Osman Efendi bin Ömer, Ofluoğlu Hafız İlyas Efendi ibn Şerif, Kavaklıoğlu Mehmed Efendi ibn Hasan. Aded 150: Mapavri’nin Çiçeva Lazistan Sancağı’nın merkezi olan Rize kazası nevâhîsinden Mapavri nahiyesinin Çiçeva karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Eminoğlu kerimesi Hafize bint Molla Hasan meclis-i şer’-i şerif-i enverde dava vekîllerinden Abdulhamid Efendi ibn Abdulkerim’i mahzarında takrir-i kelâm ve tabir-i ani’l-merâm idub sulbî kebir oğlum Hüseyin’in katili olan karyeden Eminoğlu Mustafa ve Kuru Ömeroğlu Ammar bin İlyas aleyhlerinde aid olduğu devâir ve mehâkim-i cezaiyenin her derecesinde ikame-i davaya ve irae-i şuhûd ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl hukuk-i şahsiyye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Abdulhamid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min Muharremi’l-haram li sene ihdâ selâsîne ve selâsemie ve elf. Mukabele olmuştur. Baş kâtib, nâib. Sarı Hasanoğlu Ahmed bin Mehmed, Molla Veyisoğlu Hafız Muharrem bin Hacı Mehmed. Aded 151: Filandoz Lazistan Sancağı’nın merkezi olan Rize kazası kurâsından Filandoz karyesi ahalisinden iken bundan dört mâh mukaddem vefat eden Lazoğlu Yusuf bin müteveffa Abdulhamid’in sulbî sağir oğulları Abdulhamid ve Yusuf’un pederleri müteveffa-yi mezbûrdan mevrus mallarını hıfz ve umurlarını tesviye ve ru’yete bir vasî nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Rabia bint Osman sağiran-i mezbûranın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Baltacıoğlu Mehmed bin Osman, Karyeden Hacı Tataroğlu Ali bin Osman. Aded 152: Filandoz Lazistan Sancağı’nın merkezi olan Rize kazası kurâsından Filandoz karyesinden iken Rusya’nın Tehabesu(?) kasabasında kayıkçılık ticaretiyle meşgul iken bundan dört ay evvel vefat eden teba-i devlet-i âliyeden Lazoğlu Yusuf bin müteveffa Abdulhamid’in ber vechi ati varisi olduğunu iddia eden zevce-i menkuhe-i metrukesi marifetu’z-zat Rabia bint Osman meclis-i şer’-i şerif-i enverde müteveffa-yi mezbûrun medyuni karyeden Hacı Tataroğlu Esad bin Yunus mahzarında üzerine dava ve takrir-i kelâm idub zevcim müteveffa-yi mezbûrun verâseti benimle sulbî sağir oğulları Abdulhamid ve Yusuf’a munhasıra ve tashih-i mesele-i mirasları bi’l ferideti’ş şer’iye onaltı sehmden olub siham-ı mezbûrun iki sehmi zevce-i mezbûreye ve yedişer sehmden ceman ondört sehmi ibnu’l-mezbûr Abdulhamid ve Yusuf’a isabet idub başka varisi ve terekesine mustahik-i ahar kimesnesi olmamağla zevcim müteveffa-yi mezbûrun hayatında mezbûr Esad zimmetinde ve cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan ber muceb-i mesele-i mirasları hisse-i irsîyemi bana eda ve teslime mezbûr Esad’a tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre cihet-i merkûmeden halen ol mikdar kuruş zimmetinde deyni olduğunu taven ikrar ancak müddeiye-i mezbûrenin ber vech-i muharrer verâset-i müddeâsı malûmum değildir deyu inkar etmekle müddeiye-i mezbûre ber vech-i muharrer müddeâsını evvelen ba veraka-i mesture mensub oldukları Filandoz karyesi muhtar-ı sanisi Kara Hasanoğlu Ali bin Ömer ve azasından Koçoktoroğlu(?) Süleyman’dan sirren ve badehu müterâfian hazır oldukları halde yine karyeden Kara Hasanoğlu İsmail bin Ömer ile müzekki-i mezbûr Süleyman’dan alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi mezbûr ile verese-i mezbûrunu arifan olan mezkûr Filandoz karyesinden Baltacıoğlu Mehmed bin Osman ile yine karyeden Hacı Tataroğlu Ali bin Osman nâm kimesnelerin bil muvacehe ber nehc-i şer’i tafsil-i mezkûr üzere şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan sağiran-i mezbûranın valideleri ve tesviye-i umurlarına kıbel-i şer’iden mensube vasîleri zevce-i mezbûre Rabia tekrar meclis-i makud-i mezkûrde bi’l-verâse ve bi’l-vesâye takrir-i kelâm ve tabir-i ani’l-merâm idub benimle vasileri olduğum sağiran-i mezbûranın murisimiz zevcim müteveffa-yi merkum Yusuf’un mezkûr Tehabesu(?) kasabasında (iken) vefatında yanında mevcud mea takım bir aded balıkçı kayığı ile balık avına mahsus parapat(?) ağ vesair âlâtı saydiyesini inşaen malik olduğu bir bab baraka tabir olunan odasıyla zımem-i nasda olan bi’l-cümle matlubatını vazıu’l-yed olan vesair icab edenlerden mahallinde hükümet-i müşar-ı ileyha kanuna mahsus mucebince aid olduğu devâir ve mehâkim ve mecalisin her derecesinde taleb ve dava ve ahz u kabza ve mucib-i muhakeme-i hal vukuunda icab eden ve alakadaranlarla muhâkeme ve muhâsama ve mucâvebeye ve itiraz ve temyiz-i davaya ve siğar hakkında bey’i enfa' olan tereke ve sairesini semen misilleriyle memurin lazısemini huzurunda talibine bey’ u ferağ ve temlik u teslime ve semen ve bedellerini ahz u kabz ile makbuzatını bana irsal ve isale ve taleb-i icrâya ve aheri tevkil ve azle ve’l-hâsıl mütevakkıf olduğu umûrun küllîsine tarafımdan bi’l-verâse ve bi’l-vesâye vekâlet-i mutlaka-i sahiha-i şer’iye ile müteveffa-yi mezbûrun karındaşı mezkûr Tehabesu kasabasında sakin kayıkçı esnafından Lazoğlu Osman bin Hamid’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Hacı Tataroğlu Ali bin Osman, Baltacıoğlu Mehmed bin Osman. Aded 153: Emineddin Lazistan Sancağı’nın merkezi olan Rize kasabası mahallâtından Emineddin mahallesinden Yoğurtçuzâde Mehmed Efendi ibn Haşim Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Salcıoğlu müteveffa Hacı Yakub’un sağir oğlu Yusuf’un malından lira-i Osmanî yüz kuruş hesabıyla binikiyüz ve Tenekeci müteveffa İbrahim Efendi’nin sağir oğlu Mehmed’in malından dörtyüz ki ceman binaltıyüz kuruş müdir-i muma ileyhden istidane ve kabz ve umuruma sarfla istihlâk idub meblağ-ı mezkûr ile semeni işbu tarihten bir sene-i kamile müeccel olmak üzere yine eytâm-ı mezbûrun mallarından ve müdir-i muma ileyhden iştira eylediğim bir cild Ali Efendi fetvası semeninden yüzkırkdört kuruş ki min haysu’l mecmu binyediyüzkırkdört kuruş zimmetimde vacibu’l-eda ve lazımu’l-kada deynim ve borcum olub murur edecek eyyamın güzeştesiyle mesarif-i saireyi terk ve teberru eyledim dedikte ğıbbe’t-tasdiki’ş-şer’i derece-i kefaletleri eytâm meclisince musaddak olan Mataracızâde Hakkı Efendi ibn Hacı Abdurrauf Efendi ve Mataracızâde Memiş Efendi ibn Hacı Abdulhamid Efendi ve Hacı Mahmudzâde Tevfik Efendi ibn Hacı İlyas Efendi tekrar meclis-i makud-i mezkûrde müdir-i muma ileyh mahzarında her biri takrir-i kelâm ve tabir-i ani’l-merâm idub medyun-i muma ileyh Mehmed Efendi’nin ceman zimmetinde edası vacib olan lira-i Osmanî yüz kuruş hesabıyla binyediyüzkırkdört kuruş ile terk ve teberru eyledigi meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Satıroğlu Mehmed Efendi, Emir Ahmedzâde Hüsnü Efendi. Aded 154: Kale mahallesi Lazistan Sancağı’nın merkezi olan Rize kasabası mahallâtından Kale mahallesi ahalisinden Zerdecioğlu Hacı Hasan Efendi ibn İsmail Efendi meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Molla Ömerzâde müteveffa Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim dörtbin kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından kezalik lira-i Osmanî yüz kuruş hesabıyla müdir-i muma ileyhden iştira eylediğim bir cild Ali Efendi fetvası semeninden yediyüzyirmi kuruş ki ceman dörtbinyediyüz kuruş zimmetimde vacibu’l-eda ve lazımu’l-kada deynim ve borcum olub murur decek eyyamın güzeştesiyle mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları meclis-i eytâmca musaddak olan Lazoğlu Hacı Kemal Efendi ibn Hacı Ahmed ile Mahmudoğlu Hacı Ahmed ibn Hacı Hasan ve Zerdecioğlu(?) Mustafa Usta ibn İsmail Efendi tekrar meclis-i makud-i mezkûrde müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i mezbûr Hacı Hasan’ın ceman zimmetinde edası vacib olan dörtbinyediyüzyirmi kuruş ile terk ve teberru eyledigi meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi kezalik bi’l-emr ve’l-kabul kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-samin ve’l-ışrin min Saferi’l-hayr li sene ihdâ selâsîne ve selâsemie ve elf. Mukabele olmuştur. Baş kâtib, nâib. Bostancaloğlu Hacı Mehmed, İslâmoğlu Hüseyin. Aded 155: Piri Çelebi Lazistan Sancağı’nın merkezi olan Rize kasabası mahallâtından Piri Çelebi mahallesinden Tuzcuzâde Süleyman Efendi ibn İsmail meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Molla Ömerzâde Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim ikibin kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından ve lira-i Osmanî yüz kuruş hesabıyla müdir-i muma ileyhden iştira eylediğim bir cild Ali Efendi fetvası semeninden üçyüzaltmış kuruş ki ceman ikibinüçyüzaltmış kuruş zimmetimde vacibu’l-eda ve lazımu’l-kada deynim ve borcum olub murur edecek eyyamın güzeşte ve mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i Türüdîzâde(?) Hacı Lütfullah Efendi ve Bostancalzâde Hacı Mehmed Efendi ibn Ahmed ve İslâmoğlu Hüseyin bin Yakub tekrar meclis-i makud-i mezkûrde müdir-i muma ileyh mahzarında her biri ikrar-ı tam ve tabir-i ani’l-merâm idub medyun-i muma ileyh Süleyman Efendi’nin zimmetinde edası vacib olan ikibinüçyüzaltmış kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kezalik tarafından bi’l-emr ve’l-kabul kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Mübaşir İbrahim Efendi, Dava vekîli Kaşif Efendi. Aded 156: Piri Çelebi mahallesi Lazistan Sancağı’nın merkezi olan Rize kasabası mahallâtından Piri Çelebi mahallesinden Lazzâde Hacı Kemal Efendi ibn Hacı Ahmed meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve tabir-i ani’l-merâm idub Molla Ömerzâde müteveffa Hakkı Efendi’nin sağire kızı Şadiye’nin malından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim dörtbin kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından ve kezalik lira-i Osmanî yüz kuruş hesabıyla müdir-i muma ileyhden iştira eylediğim bir cild Ali Efendi fetvası semeninden yediyüzyirmi kuruş ki ceman dörtbinyediyüzyirmi kuruş zimmetimde vacibu’l-eda ve lazımu’l-kada deynim ve borcum olub murur edecek eyyamın güzeştesiyle mesarif-i saireyi dahi terk ve teberru eyledim dedikte ğıbbe’t-tasdiki’ş-şer’i kefalet-i vakıaları eytâm meclisince musaddak olan Lazzâde Ahmed ibn Hacı Mustafa ve Kuvelzâde Receb Efendi ibn Hacı Hüseyin ve Zerdecizâde(?) Hacı Hasan Efendi ibn İsmail Efendi tekrar meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Hacı Kemal Efendi’nin ceman zimmetinde edası vacib olan dörtbinyediyüzyirmi kuruş ile terk ve teberru eyledigi meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi kezalik bi’l-emr ve’l-kabul kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Mübaşir Faik Efendi, Dava vekîli Mustafa Efendi. Aded 157: Mişona Lazistan Sancağı’nın merkezi olan Rize kazası kurâsından Mişona karyesinden Bediroğlu(?) Mesud bin Hacı Osman meclis-i şer’-i şerif-i enverde takrir-i kelâm ve tabir-i ani’l-merâm idub aleyhimde ikame olunan her nevi deaividen dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-ı tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve benim her hakkımı icab edenlerden taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i amme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hadi aşer min Cemaziye’l-ahir li sene selâsîne ve selasemie ve elf. Mukabele olmuştur. Baş kâtib, nâib. Kopuzoğlu Hacı Arif Efendi, Boşnakoğlu Tevfik Reis. Aded 158: Zavendik Hizmet-i askeriyede iken bundan akdem vefat eden Zavendik karyesinden Arnabudoğlu(?) Mehmed bin Hasan’ın evrakına yazılan der kenardır. Müteveffa-yi mezbûr Mehmed’in verâseti babası mezbûr Hasan ile anası Fatıma bint Hasan ve varisi olmayan li ebeveyn kız karındaşları Uluvve ve Emine’ye munhasıra olduğu ve tashih-i mesele-i mirasları bi hükmi’l feraiz altı sehmden olub siham-ı mezkûrenin bir sehmi ümmü’l-mezbûre Fatıma ve beş sehmi ebu’l mezbûr Hasan’a ale’l usul itası iktiza eder. Fi’l-yevmi’s-sadis ve’l-ışrin min Cemaziye’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 159: Hanzi Lazistan Sancağı’nın merkezi olan Rize kazası kurâsından Hanzi karyesinden Hacı Selimoğlu Abdulhamid Efendi ibn Ahmed meclis-i şer’i münîrde karye-i mezkûreden Süleymanoğlu kerimesi Fatıma bint Hüseyin aleyhine ikame edildigi nikâh davasından dolayı mezbûreye ayrı ayrı günlerde gönderilub teblîğ etti[ri]len üç defa davetiye verakası üzerine mezbûre mahkemeye gelmekten ve tarafından vekîl-i şer’i göndermekten imtina idub müddeî mezbûr gıyaben muhakeme-i âliye(?) bulunduğuna binaen mezbûrenin hukukunu muhafaza ve müdafaya vekîl-i musahhar tayin olunan Mehmed Efendi ibn Ahmed Efendi muvacehesinde üçyüzotuz senesi Zi’l-kade’sinin yirminci günü tarihinde müvekkile-i mezbûre nefsi ma bihi(?) tezvic etmek üzere kendi hanemde mahzar-ı şuhudda Hacı Selimoğlu Nazım Efendi’yi vekîl ederek vekîl-i mezbûr dahi müvekkile-i mezbûreyi yine mezkûr hanede ve kezalik mahzar-ı şuhudda binüçyüz kuruş mehr-i müeccel tesmiyesiyle bi’l-vekâle bana akd ve tezvic ve tenkih ve ben dahi bi’l-âsale tezvic ve tenkih ve kabul idub ol vechile mezbûre zevce-i menkuhe-i medhul-i bihâm olduğu halde onbeş gün ikametten sonra pederin hanesinde azimet ve badehu avdet ile itaat ve inkiyad etmekte olduğundan mesken-i şer’îme varıb itaat ve inkiyadına müvekkile-i mezbûreye izafetle vekîl-i musahhar-i mezbûr Mehmed Efendi’ye tenbih olunmak matlubumdur deyu dava ve lede’s-sual vekîl-i musahhar-i mezbûr Mehmed Efendi dahi cevabında müddeî mezbûrun ber vech-i muharrer müddeâsını evvelen ba veraka-i mesture mensub oldukları mezkûr Hanzi karyesi muhtar-ı evveli Zelkifl ve muhtar-ı sanisi Nazım bin Salih’den sirren ve badehu müterâfian hazır oldukları halde karyeden Araboğlu İsmail bin Ömer ile Sohtorikoğlu(?) Refik bin Dursun’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve zatı mezbûre ile müddeî mezbûr i arifan olan mezkûr Hanzi karyesinden Sohtorikoğlu(?) Şevki bin Osman ile Sohtorikoğlu(?) Arif bin Yunus nâm kimesnelerin ber nehc-i şer’i tafsil-i mezkûr üzere şahadetleriyle isbat itmegin mucebince müvekkile-i mezbûre Fatıma zevci müddeî mezbûr Abdulhamid Efendi’nin mesken-i şer’îsine gidub zevci mezbûre itaat ve inkiyad etmek üzere müvekkile-i mezbûre Fatıma’ya izafetle vekîl-i musahhar-i mezbûr Mehmed Efendi’ye tenbih olunduğu tescîl ve i’lâm olundu. Fi’l-yevmi’l-hadi aşer min Saferi’i hayr li sene ihdâ selâsîne ve selâsemie ve elf.

Devamı bir sonraki Makalededir .