Baş kâtib, nâib. Aded 89: Liparit Lazistan Sancağı’nın merkezi olan Rize kazası kurâsından Liparit karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Yahyaoğlu kerimesi ve Osman Habiboğlu Eyüp’ün zevcesi Cemile bint Ahmed meclis-i şer’-i şerif-i enverde dava vekîllerinden Abdulvahid Efendi ibn Abdulhalim Efendi mahzarında takrir-i kelâm ve tabir-i ani’l-merâm idub karyeden Yahyaoğlu kardaşım Bayram tarafından aleyhime ikame olunan arazi ve emlak davalarından dolayı mezbûr ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Abdulvahid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer

vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Osman Habiboğlu Şirin bin Mehmed, Osman Habiboğlu Abdulkerim bin Eyüb. Aded 90: Yeniköy Lazistan Sancağı’nın merkezi olan Rize kasabası mahallâtından Yeniköy mahallesinden Lazzâde Hacı Rıdvan ve Ahmed Efendi ibnan-i Hacı Mustafa Efendi meclis-i şer’-i şerif-i enverde her biri takrir-i kelâm ve tabir-i ani’l-merâm idub aleyhimizde ikame edilen ve edilecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve bizim her hakkımızı ashabından taleb ve dava ve ahz u kabz ile bi’l-cümle makbuzatını bize i’tâ ve teslime ve’l-hâsıl leh ve aleyhimizde tahaddüs edene ve edecek olan her nevi dava ve munazaatta salahiyet-i meşrua ve kanuniye dairesinde icrâ ve muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sani min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Tuzcuzâde Rıfat Bey. Aded 91: Arğaloz Lazistan Sancağı’nın merkezi olan Rize kazası kurâsından Arğaloz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Külünkoğlu kerimeleri Rabia ve Fındıka ve Zekiye ve Yeter benat-i Hüseyin meclis-i şer’-i şerif-i enverde her biri takrir-i kelâm ve tabir-i ani’l-merâm idub babamız müteveffa-yi mezbûr Hüseyin’den müntakil ve mevrus bi’l-cümle arazi ve emlağımıza müdahale eden Hanzi karyesinden Cezairlioğlu Arslan’ın zevcesi Hafize bint Abdullah vesair icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâya ve tefrik u taksime ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sabia aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Hacıoğlu Yunus bin İbrahim, Dervişoğlu Akif Usta bin Hasan. Aded 92: Büyük Samri Lazistan Sancağı’nın merkezi olan Rize kasabası mahallâtından Büyük Samri ahalisinden Kara İbrahimoğlu Dursun bin Bayram meclis-i şer’-i şerif-i enverde her biri takrir-i kelâm ve tabir-i ani’l-merâm idub karındaşım Hüseyin Efendi ile beynimizde mütehaddis arazi ve emlak ve alacak ve tecavüz-i hudud davalarından dolayı mezbûr Hüseyin Efendi ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Arif Efendi ibn Tevfik Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadis ve’l-ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Molla Osmanoğlu Ahmed. Aded 93: Mapavri-Raşot Lazistan Sancağı’nın merkezi olan Rize kazası nevâhîsinden Mapavri nahiyesinin Raşot karyesinden Çukurluoğlu Hacı Mahmud bin Halid meclis-i şer’-i şerif-i enverde takrir-i kelâm ve tabir-i ani’l-merâm idub aleyhime ikame edilen ve edilecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve benim her hakkımı icab edenlerden taleb ve dava ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve ahz u kabz ile bi’l-cümle makbuzatını bana i’tâ ve teslime ve’l-hâsıl her türlü hukuk-i şahsiyye ve şer’iye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi aşer min şehr-i Rebii’l-ahir li sene selâsîne ve selasemie ve elf. Mukabele olmuştur. Baş kâtib, nâib. Muhzır İbrahim Efendi, Rakıcızâde Mustafa Efendi. Aded 94: Mağloz Lazistan Sancağı’nın merkezi olan Rize kazası kurâsından Mağloz karyesi sakinelerinden zatı muarrefe Fatıma bint Ali meclis-i şer’i münîrde karyeden Palicoğlu Arslan bin Ömer muvacehesinde şiraen malım olan bir ra’s kara sığır ineğimi üç sene mukaddem dört aded Osmanlı lirası semeni tesmiyesiyle mezbûr Arslan’a bey’ ve teslim ol dahi tesellüm ve kabul eylediği ve onun halen nezdinde mevcud bulunduğu halde mezkûr dört lira-i Osmanîyi henüz tarafıma i’tâ ve ifadan imtina eder olmağla meblağ-ı mezkûri bana eda ve îfâya mezbûr Arslan’a tenbih olunmak matlubumdur deyu dava ol dahi cevabında müddeiye-i mezbûrenin ber vech-i muharrer müddeâsını bitamamiha inkar etmekle müddeiye-i mezbûre ber vech-i muharrer müddeâsını evvelen ba veraka mesture mensub oldukları Mağloz karyesi imamı Mehmedoğlu İsmail bin Ali ve Muhtar Sadıkoğlu Kamil ve Aron karyesi muhtar-ı evveli Hutoğlu Bahadır bin Hacı Mustafa ve muhtar-ı sanisi Sofoğlu Salih bin Ahmed’den sirren ve badehu alenen tezkiyelerinin icrası içun tayin olunan günde müddeâ aleyh Arslan gelmediği cihetle müddeiye-i mezbûre muhakemesinin itmamını taleb etmekle taleb-i vâki mecelle-i celilenin binsekizyüzotuzuncu maddesine muvafık görüldüğüne binaen madde-i mezkûre ahkamına tevfiken mezkûr Mağloz karyesinden Topaloğlu Hüseyin bin Hacı Hüseyin ile Avcıoğlu Abdulaziz bin Hüseyin’den alenen lede’t-tezkiye adl ve makbulu’ş-şehade idugleri işar ve ihbar olunan ve tarafeyn-i arifan olan mezkûr Aron karyesinden Yetimoğlu Memiş bin İbrahim ile mezkûr Mağloz karyesinden Yetimoğlu Mustafa bin Ali nâm kimesnelerin bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince müddeâya dört lira-i Osmanîyi mezbûr Arslan’a müddeiye-i mezbûre Fatıma’ya eda ve teslime hükm olunduğu tescîl ve i’lâm olundu. Fi’l-yevmi’s-sâlis min Rebii’l-ahir li sene selâsîne ve selasemie ve elf. Mukabele olmuştur. Baş kâtib, nâib. Aded 95: Liparit Lazistan Sancağı’nın merkezi olan Rize kazası kurâsından Liparit karyesi ahalisinden Yahyaoğlu Bayram bin Ahmed meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında takrir-i kelâm ve tabir-i ani’l-merâm idub karyeden li ebeveyn kız karındaşım Ayşe nâm-ı diğeri Cemile ve yine karyeden Sadıkoğulları Gülşen ve Hüseyin Kaptan ile beynimizde mütehaddis arazi ve emlak davalarından dolayı mezbûrun ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-i sâlis ve itirazu’l-ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd itmegin ma vekaa bi’t-taleb ketb olundu. Fi ğurre-i min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Boşnakoğlu Tevfik Reis. Aded 96: Karadere’nin Tivranoz Lazistan Sancağı’nın merkezi olan Rize kazası nevâhîsinden Karadere nahiyesinin Tivranoz karyesinden Gelirlioğulları Rasim ve Hüseyin benan-i Şakir meclis-i şer’-i şerif-i enverde dava vekîllerinden Abdulhamid Efendi ibn Abdulkerim mahzarında her biri takrir-i kelâm ve tabir-i ani’l-merâm idub karyeden Öksüz Ahmedoğlu Gül Ahmed ile beynimizde mütehaddis arazi ve halît ve şerik davalarından dolayı mezbûr ile aid olduğu mehâkimin her derecesinde müddeî ve müddeâ aleyh ve şahs-i sâlis ve itirazu’l-ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Abdulhamid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımelerini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi ğurre-i Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Rakıcızâde Arif Efendi. Aded 97: Karadere Arev karyesi Lazistan Sancağı’nın merkezi olan Rize kazası nevâhîsinden Karadere nahiyesinin Arev karyesinden Kabahoroğlu Kamil bin Hasan meclis-i şer’-i şerif-i enverde takrir-i kelâm ve tabir-i ani’l-merâm idub Kura-i Seba nahiyesinin Kohser karyesinden Zazaoğlu kerimesi Emine bint Ali tarafından aleyhime ikame olunan nafaka ve hane ve arazi ve tecavüz-ü hudud davalarından dolayı mezbûr ile aid olduğu mehâkim-i şer’iye ve nizamiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve hukuken zevciyete itaat-ı taleb ve davaya ve mümeyyiz ve hâkim ve ehl-i vukuf tayin ve azline ve taleb-i keşfe ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sâlis min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Lazzâde Ahmed Efendi. Aded 98: Liparit Lazistan Sancağı’nın merkezi olan Rize kazası kurâsından Liparit karyesinden Hacı Efendioğlu Dursun Kaptan bin Salih meclis-i şer’-i şerif-i enverde dava vekîllerinden Kaşif Efendi ibn Ömer Ağa mahzarında takrir-i kelâm ve tabir-i ani’l-merâm idub karye-i mezkûreden Hantaloğulları Mikdad ve Ömer benan-i Ömer ve Terzioğlu Dursun bin Salih ve şureka-i sairesi taraflarından aleyhime ikeme olunan arazi ve tarik ve arsa ve emlak davalarından dolayı mezbûrun ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve iştika ani’l hükkâm ve reddi azaya isbat-ı verâset iddiasına ve lede’l-hâce ve sulh ve ibraya ve’l-hâsıl hukuk-i şahsiye ve kanuniyemi muhafaza ve müdafaya mütevakkıf olduğu umûrun küllîsine tarafımdan vekâleti mutlak-ı sahiha-i şer’iye ile muma ileyh Kaşif Efendi ile kabulune mevkûfe dava vekîllerinden Mustafa Efendi ibn İzzet Efendi’yi münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledim dedikte muma ileyh Kaşif Efendi dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Topaloğlu Emin Efendi. Aded 99: Hopa kazasının Sümela karyesi Lazistan Sancağı’na tabi Hopa kazasının Viçe nahiyesinin Sümela karyesi sakinelerinden zatı zeyl-i vesika muharreru’l-esâmî müslimîn tarifleriyle muarrefe olan ve tezkire-i osmaniyesi görülen ve Şeyhoğlu kerimesi ve Hazinedaroğlu Mustafa’nın zevcesi Zeliha bint Mehmed meclis-i şer’-i şerif-i enverde dava vekîllerinden Abdulhamid Efendi ibn Abdulkerim mahzarında takrir-i kelâm ve tabir-i ani’l-merâm idub karyeden zevcem mezbûr Mustafa ile beynimizde mütehaddis emlak ve fındıklık bahçesi davasından dolayı bidayeten sadır olan ilamın hükmüne adem-i kanaatle istinaf-i dava ederek istinafen der dest-i ru’yet bulunan muhakemede müstenif ve müstenef aleyh ve müddeî ve müddeâ aleyh ve şahs-ı sâlis sıfatlarıyla muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Abdulhamid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’t-tasi ve’l-ışrin li sene ihdâ selâsîne ve selâsemie ve elf. Mukabele olmuştur. Baş kâtib, nâib. Hazinedaroğlu Ali Usta bin Abdulaziz, Muradoğlu Mehmed bin Ahmed. Aded 100: Peşeyan Lazistan Sancağı’nın merkezi olan Rize kasabası mahallâtından Peşeyan mahallesinden Dervişzâde Hacı İbrahim Efendi ibn Hacı Ahmed Efendi meclis-i şer’-i şerif-i enverde takrir-i kelâm ve tabir-i ani’l-merâm idub aleyhime ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve şahs-i sâlis ve itirazu’l-ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve taleb-i keşf ve mümeyyiz ve hâkim ve ehl-i vukuf tayin ve azline ve benim her hakkımı ashabından taleb ve dava ve ahz u kabz ile makbuzatını bana i’tâ ve teslime ve lede’l-hâce isbat-ı verâset iddiasına ve sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadis min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Mübaşir Faik Efendi. Aded 101: Babik Lazistan Sancağı’nın merkezi olan Rize kasabası mahallâtından Babik mahallesinden Tarakçızâde Hacı Ahmed Efendi ibn Hacı Hafız Mehmed Efendi meclis-i şer’-i şerif-i enverde ikrar-ı tam ve takrir-i kelâm idub üzerimde labis olduğum elbisemden maada(dışında) bana nispet olunan gerek Rize’de ve gerek Dersaadet’te ve Trabzon ile Of ve Kura-i Seba ve Mapavri kaza ve nevâhîsinde vâki bi’l-cümle emlak ve akar ve emval-i ticariye ve namıma kaffe-i senedat ve matlubat oğullarım Ali ve İlyas ve Cemil Efendiler’in olub bunlardaki namım nâm mustear olduğu bundan akdem işbu mahkemede takrir ve üçyüzyirmidokuz sene-i hicriyesi Zi’l-hicce-i şerifesinin yirmidördüncü günü tarihli hücceti’ş şer’iye vechile muma ileyhime nefy-i mülk eylediğim cihetle bunlardan Of kazasında vâki namıma muharrer bi’l-cümle emlak ve akar ve arazi ve arsaları defter-i hakanide muma ileyhime namına kayıd ve tashiha ve takrirlerini i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Of kazasında mukim tüccardan Zırhzâde Hacı Kemal Efendi ibn Hacı Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Kakavanzâde Abdulvahid Efendi. Aded 102: Emineddin Lazistan Sancağı’nın merkezi olan Rize kasabası mahallâtından Emineddin mahallesi ahalisinden Tüfenkçioğlu Mehmed Efendi ibn Mahmud Efendi meclis-i şer’i münîrde muma ileyh Mehmed Efendi tarafından mahalle-i merkume ahalisinden olub Samsun bidayet mahkemesi hukuk dairesi baş kâtibi bulunan ve Zikr-i âtî menzile müstakillen vaz’-ı yedi bi’l beyyineti’ş şer’iye sabit olan Safvet Efendi ibn Reşid Ağa aleyhine ikame olunan arsa davasından dolayı muma ileyh Safvet Efendi’ye ayrı ayrı günlerde gönderilub teblîğ ettirilen üç defa davetiye verakası üzerine muma ileyh Safvet Efendi gelmediği ve tarafından vekîl dahi göndermediği cihetle müddeî muma ileyhin gıyaben ru’yet-i muhâkeme talebine mebni muma ileyh Safvet Efendi’nin hukukunu muhafaza ve tarafından müdafaya vekîl-i musahhar tayin olunan Mehmed Efendi ibn Ahmed Efendi muvacehesinde bundan akdem vefat eden babam muma ileyh Mahmud Efendi ibn Ahmed Efendi mezkûr Emineddin mahallesinde vâki bir tarafı tarik-i âm ve bir tarafı Müftüoğulları ve bir tarafı nehr-i cari ve taraf-ı rabii Sofioğullarıyla mahdud bi hasbi’z zira yüzeli arşından ibaret olan ve el yevm üçbin kuruş değerinde bulunan bir kıta arsası üzerinde bina ihdas ve inşa etmek üzere yirmi sene müddetle ve sened-i ari ile hayatında vefat eden yirmi dokuz sene evvel yani binikiyüzdoksanaltı senesi Saferu’l hayrın yirmibirinci gününde müddeâ aleyh müvekkil Safvet Efendi’nin babası mezbûr Reşid Ağa eniştesi olmak münasebetiyle mezbûr Reşid Ağa’ya iade ve teslim ol dahi ber vech-i muharrer istiare ve teslim ve kabul ettiğini müteakıb arsa-i mezkûr üzerinde mezbûr Reşid Ağa el yevm ikibin kuruş kıymetli tahtani ahır ve fevkani iki oda ve bir metbahı şamil bir bab mülk-i menzil bina ve inşa idub müddet iare ? olunduktan sonra evvela mezbûr Reşid Ağa vefat idub verâseti zevce-i menkuhe-i metrukesi Şişe bint Ahmed Efendi ve sulbî kebir oğulları müvekkil muma ileyh Safvet Efendi ile İsmail Hakkı ve Ali Rıza Efendi’ler ve sulbîye-i kebire kızları Gülbahar ve Mevlude’ye munhasıra va badehu mezbûr İsmail Hakkı vefat idub verâseti zevce-i menkuhe-i metrukesi Saniye bint Abdullah ve anası mezbûre Şişe ve sulbî kebir oğulları Ahmed ve Hamdi’ye munhasıra ve badehu mezbûr Ali Rıza vefat idub verâseti zevce-i menkuhe-i metrukesi Seyyare bint Abdullah ile anası mezbûre Şişe ve sulbîye-i kebire kızı Cavide ve sulbîye-i sağire kızı Emine ve li ebeveyn erkarındaşı muma ileyh Safvet Efendi ve li ebeveyn kız karındaşları Gülbahar ve Mevlude’ye munhasıra ve badehu mezbûre Gülbahar dahi vefat idub verâseti anası mezbûre Şişe ile sadriy kebir oğlu Reşad ve sadriyye-i kebire kızları Yaşar ve Şadiye’ye munhasıra olduğu ve ahiren vefat eden babam muma ileyh Mahmud Efendi’nin verâseti dahi benimle zevce-i menkuhe-i metrukesi Cemile bint Şakir Efendi ve sulbî kebir diğer oğlu Seyfullah Efendi ve sulbîye-i kebire kızları Şükriye ve Şevkiye ve Hamdiye’ye munhasıra ve badehu mezbûr Seyfullah Efendi vefat idub verâseti li ebeveyn kız karındaşı mezbûre Şükriye ile li ebi erkarındaşı olduğum cihetle bana ve li ebi kız karındaşımız mezbûretan Şevkiye ve Hamdiye’ye munhasıra bulunduğu ve arsa-i mezkûreye müvekkil muma ileyh Safvet Efendi el yevm müstakillen vaz’-ı yed eylediği cihetle mezkûr menzili bade kal’-i arsa-i mezkûreyi tahliye ve otuziki sehm itibarıyla on sehmi bana ve beşer sehmden ceman on sehmi mezbûretan Şevkiye ve Hamdiye’ye ve sekiz sehmi mezbûre Şükriye’ye ve dört sehmini mezbûre Cemile’ye vechi layıkıyla teslime müvekkil muma ileyh Safvet Efendi’ye izafetle vekîl-i musahhar-i mezbûr Mehmed Efendi’ye tenbih olunmak matlubumdur deyu arsa-i mezkûre defter-i hakanide binikiyüzdoksanüç senesi mayısında seksensekiz numarada müteveffa muma ileyh Mehmed Efendi’nin ve ibniyyesi müteveffa-yi mezbûr Reşid Ağa’nın namlarında mukayyed olduğunu hâvî üçyüzoniki senesi mayısının ondokuzuncu günü tarihli istid’âsı zahrında Lazistan Defter-i Hakani memurluğundan çıkarılan bir kıta kayıt sureti ibrazıyla bade’t dava ve’s-sual vekîl-i musahhar-i mezbûr Mehmed Efendi dahi cevabında müddeî muma ileyh Mehmed Efendi’nin ber vech-i muharrer müddeâsını tamamen inkar etmekle müddeî muma ileyh Mehmed Efendi ber vech-i muharrer tamamiha müddeâsını evvelen ba veraka-i mesture Peşeyan mahallesi imamı Tatzâde Hacı Eşref Efendi ibn Hüseyin Efendi ve azasından Dervişzâde Ahmed Efendi ibn Hacı İbrahim ve Emineddin mahallesi imamı Zırhzâde Hacı Şaban Efendi ibn Hacı Hasan ve muhtarı Tuzcuzâde Said Bey ibn Mehmed Ali Bey nâm kimesnelerden sirren ve badehu ve müterâfian hazır oldukları halde Sarı Ahmedzâde Hasan Kaptan bin Hurşid Kaptan ve Tatzâde Osman Efendi ibn Bayram’dan alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi mezbûrun ile verese-i mezbûrunu arifan olan Peşeyan mahallesinden Hasan Efendizâde Hafız Hulusi Efendi ibn Salih Efendi ve Piri Çelebi mahallesinden Tuzcuzâde Süleyman ibn İsmail Efendi nâm kimesnelerin bi’l-muvacehe tafsil-i mezkûr üzere ber nehc-i şer’i şahadetleriyle isbat itmegin mucebince menzil-i mezkûri bade’l kal’-i arsa-i mezkûreyi tahliye ve müddeî muma ileyh Mehmed Efendi ile verese-i saire-i mezkûreye vechi layıkıyla teslime müvekkil muma ileyh Safvet Efendi’ye izafetle vekîl-i musahhar-i mezbûr Mehmed Efendi’ye tenbih olunduğu tescîl ve i’lâm olundu. Fi’l-yevmi’l-hadi ve’l-ışrin min Saferi’l-hayr li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 103: Salarha Holitoz Der-i devlet mekine arz-ı dai kemineleridir Trabzon vilayeti dâhilinde kâin Lazistan Sancağı’nın merkezi olan Rize kazası kurâsından Salarha Holitoz karyesi ahalisinden Kakuninoğlu Osman bin Ali ve Araboğlu İsmail bin Memiş ve Bıyıkoğlu Mustafa bin Memiş ve Araboğlu Firuz bin Mustafa vesair ceridede mazbutu’l-esami müslimin bi ecma’ihim liva-i mezkûr hükümet konağında meclis-i idareye mahsus odada bi’l-cümle heyet hazır oldukları halde munakid meclis-i şer’i meali ukudda her biri takrir-i kelâm ve tabir-i ani’l-merâm idub ahalisi bulunduğumuz mezkûr Salarha Holitoz karyesinde vâki cami-i şerifin imamet ve hitabet cihetlerine baberat-ı alişan mutasarrıf olan Kakuninoğlu Süleyman bin Memiş’in vuku-i vefatına mebni ciheteyn-i mezkûreteyn sulbî sağir oğulları Hasan ve Süleyman’a intikal etmiş ise de sağiran-i mezbûranın sinn-i rüşde ve kesb-i iktidarlarına değin ciheteyn-i mezkûreteynin cümlemizin muhtar ve müntehabı olan işbu hazır bi’l-meclis karyemizden Civelekoğlu İbrahim Efendi ibn müteveffa Tahir Efendi dailerine bi’n niyabe tevcih ve izin ve icazet-i hâvî ferman-ı âli sudur-i niyazında olduğumuz der-i devlet medara arz olunmak matlubumdur deyu istid’â eylediklerinde hakikat hal ahali-i mezbûrunun takrir-i meşruhları üzere olduğu bi ğaraz-i erbab-ı vukuf haberleriyle zâhir ve nümâyân olduğu gibi karye-i merkumenin ikinci hanesinin ikinci numarasında mukayyed ve binikiyüzyetmiş senesinde tevellud idub kura bakaya ve firarisi olmadığı nüfus memuru ve mensub olduğu redif taburu zabıtani taraflarından mevrud künye pusulası ve mazbata meallerindan müstebân olan işbu baisu’l-arz muma ileyh İbrahim Efendi’nin mezkûr imamet ve hitabet cihetlerine ehliyeti lede’l-imtihan zâhir ve nümâyân olmağla cami-i şerif-i mezkûrda eda-i salât-i cuma ve ideyn olunmak üzere izn-i hümayun mülükâne erzan ve ciheteyn-i mezkûreteynin muma (ileyh) İbrahim Efendi dailerine bi’n niyabe tevcih ve yedine berat-ı şerif-i alişan sadaka ve ihsan buyurulmak ricası paye-i serir-i âlâya arz ve i’lâm olundu el emr li meni’l hazreti veliyu’l emir fi’l yevmi’l-hamise aşer min Ramazani’l-mübarek li sene selase ve selasemie ve elf. Mukabele olmuştur. Baş kâtib, nâib. Aded 104: Vila Lazistan Sancağı’nın merkezi olan Rize kazası kurâsından Vila karyesinden Molla Ahmedoğlu Maksud Efendi ibn Mehmed meclis-i şer’-i şerif-i enverde takrir-i kelâm ve tabir-i ani’l-merâm idub aleyhime ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis [sıfatlarıyla] ve itiraz’ul ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve benim hakkımı icab edenlerden taleb ve dava ve ahz u kabz ile makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile Trabzon’da mukim dava vekîllerinden Hüseyin Avni Efendi ibn Ali’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l aşir min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Hordoloşoğlu Hafız Mustafa. Aded 105: Kandeva Lazistan Sancağı’nın merkezi olan Rize kazası kurâsından Kandeva karyesinden iken bundan akdem vefat eden Sarı Ahmedoğlu Emin bin Abdullah’ın ber vechi ati bi tariki’l-münasaha varisi olduğunu iddia eden müteveffa-yi mezbûrun li ebeveyn kız karındaşı müteveffa Hatice’nin kızı Hacula’nın zevci Osman bin Yakub meclis-i şer’i münîrde müteveffa-yi mezbûrun medyuni Salarha İveroz karyesinden Alacoğlu Murad bin Yakub muvacehesinde müteveffa-yi mezbûr Emin’in verâseti hasren li ebeveyn kız karındaşı Hatice bint mezbûr Abdullah’a munhasıra ve badehu mezbûr Hatice vefat idub verâseti sadriy kebir oğlu Memiş ve sadriyye-i kebire kızları Fatıma ve Hacula benun-i Hacı Hüseyin’e munhasıra ve badehu mezbûre Hacula vefat idub verâseti zevci olduğum cihetle benimle sadriy kebir oğulları Rıdvan ve Hamza ve Sadriyye-i kebire kızı Has Hatun’a munhasıra ve badehu mezbûre Has Hatun vefat idub verâseti babası olduğum cihetle kezalik benimle zevci Kamil bin Murad ve sadriy sağir oğlu Rıza’ya munhasıra ve badehu mezbûr Memiş vefat idub verâseti zevce-i menkuhe-i metrukesi Yeter bint Dursun ile sulbî sağir oğulları Paşa Ali ve Kazım ve sulbîye-i kebire kızları Ayşe ve Ümmüye ve Hatice ve Haculi ve sulbîye-i sağire kızları Rahime ve Has Hatun’a munhasıra ve tashih-i mesele-i mirasları bi’l-münasahati’ş-şer’iye üçyüzyirmi sehmden olub siham-ı mezbûrdan seksen sehmi mezbûre Fatıma’ya ve yirmidörder sehmden ceman kırk sekiz sehmi ibnu’l-mezbûran Rıdvan ve Hamza’ya ve üç sehmi mezbûr Kamil’e ve yirmiiki sehmi bana ve yedi sehmi ibnu’l-mezbûr Rıza’ya ve yirmibir sehmi zevce-i mezbûre Yeter’e ve yirmisekizer sehmden ceman ellialtı sehmi ibnu’l-mezbûran Paşa Ali ve Kazım’a ve ondörder sehmden ceman seksendört sehmi bintu’l-mezbûrât Ayşe ve Ümmüye ve Hatice ve Haculi ve Rahime ve Has Hatun’a isabet idub başka varisleri ve terekelerine mustahik-i ahari olmamağla müteveffa-yi ol mezbûr Emin’in hayatında mezbûr Murad zimmetinde cihet-i karzdan alacak hakkı olan kırksekiz kuruşu kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyemi bana eda ve teslime mezbûr Murad’a tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûre ol mikdar kuruş zimmetinde cihet-i karzdan halen deyni olduğunu taven ikrar ancak müddeiye-i mezbûrun ber vech-i muharrer verâset müddeâsı malûmum değildir deyu inkar etmekle müddeiye-i mezbûre ber vech-i muharrer müddeâsını evvelen ba veraka-i mesture mensub oldukları mezkûr İveris karyesi imamı Hacı Osmanoğlu Osman ve muhtar-ı evveli Murzioğlu İbrahim ile Holitoz karyesi muhtarı Araboğlu İslâm ve azasından Kakuoğlu Şakir’den sirren ve badehu müterafan hazır oldukları halde Civelekoğlu Mustafa Efendi bin Hacı Sabit Efendi ile Alacoğlu Muharrem bin Mahmud’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idugleri işar ve ihbar olunan mezkûr Salarha İveroz karyesinden Hacı Osmanoğlu Abdulkerim bin Hacı Harun ile Salarha Holitoz karyesinden Kakununoğlu Mustafa bin Hasan nâm kimesnelerin kezalik bi’l-muvacehe ber nehc-i şer’i şahadetleriyle isbat itmegin mucebince verâsetlerine bade’l-hükm müddeâ bih meblağdan hisse-i irsîyesi olan üç kuruş oniki parayı müddeî mezbûr Osman’a eda ve teslime müddeâ aleyh mezbûr Murad’a tenbih olunduğu tescîl ve i’lâm olundu. Fi’l-yevmi’s-sabi min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 106: Piri Çelebi Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Piri Çelebi mahallesinde kâin Şeyhzâde cami-i şerifine varıb zeyl-i vesikada muharreru’l-esâmî müslimîn huzurlarında cami-i şerif odasında akd-i meclis-i şer’i âli ettikde Hamrik mahallesinden Gürcîoğlu kerimesi zatı müslimin-i mezbûrun tarifleriyle muarrefe olan ve tezkire-i osmaniyeleri görülen Hafize ile li ebeveyn erkarındaşı İsmail Efendi benan-i Esad Efendi meclis-i makud-i mezkûrde İspir kazasının Koçoktor(?) Kebir karyesinden Koçanınoğlu Burhan bin Turan mahzarında her biri ikrar-ı tam ve takrir-i kelâm idub mezkûr İspir kazasının Koçoktor Kebir karyesinden iken bundan akdem vefat eden min kıbeli’l üm ceddemiz Deligözoğlu kerimesi Havva bint Ömer’den müntakil her biri mahalinde beyne’l-ahâlî ve’l-cîrân malûm ve müteârefu’l-hudud bi’l-cümle arazi ve emlakdaki hisse-i irsîye ve musibemizi semen ve bedel malûm ve makbuzumuz mukabelesinde mezbûr Burhan’ın oğlu Cihan’a memuru huzurunda bey’ u ferağ ve temlik u teslime ve muamele-i sairesini icrâ ve îfâ ve takririni i’tâya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile mezbûr Burhan’ı vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledigini kâtib-i muma ileyh mahallinde ketb u tahrir ve mea mürsel ümena-i şer’ile meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’l aşir min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Gürcîoğlu Said bin Hacı Ahmed, Süleymanoğlu Ahmed Reis bin Tayyar Kaptan. Aded 107: Mapavri’nin Hahunc karyesi Lazistan Sancağı’nın merkezi olan Rize kazası nevâhîsinden Mapavri nahiyesinin Hahunc karyesinden Ahmedoğlu Süleyman bin Hacı Osman Efendi meclis-i şer’-i şerif-i enverde dava vekîllerinden Abdulvahid Efendi ibn Abdulhalim Efendi mahzarında takrir-i kelâm ve tabir-i ani’l-merâm idub kutta’-ı tarik olan Topaloğullarıyla Kaçu namıyla müştehir şaki ve rufeka-i sairesi taraflarından beni suret-i cebriyede dağa kaldırıp fidye-i necat taleb ettiren karye-i merkûmeden Reyhanoğlu Yakub bin Halid ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâya ve idare-i istintakiyye ve cezaiyyede takib-i davaya ve’l-hâsıl hukuk-i şahsiyye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Abdulvahid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Gürcîoğlu Zelkifl Efendi. Aded 108: Filandoz Lazistan Sancağı’nın merkezi olan Rize kazası kurâsından Filandoz karyesi ahalisinden Hacı Tataroğlu Said bin Mustafa meclis-i şer’-i şerif-i enverde takrir-i kelâm ve tabir-i ani’l-merâm idub aleyhime ikame edilecek her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itiraz’ul ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime isbat-ı verâset iddiasına ve lede’l-hâce sulh ve ibraya ve benim her hakkımı ashabından taleb ve dava ve ahz u kabz ile makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l aşir min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Molla Ahmedoğlu Şaban. Aded 109: Kozandinoz Lazistan Sancağı’nın merkezi olan Rize kazası kurâsından Kozandinoz karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Şahsene bint Abdurrahman meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan mezkûr Kozandinoz karyesinden Kakşioğlu Maksud bin Arslan bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağı farz u takdir olunmak matlubumdur dedikte hakikat-ı hal mezbûrenin takrir-i meşruhi üzere olduğu Askoroz karyesi imam ve muhtar ve heyet-i ihtiyariyesi azaları tarafından mevrud ilmuhaberden müstebân Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlîf mucebince nafaka ve kisve bahâ vesair levazım-ı zaruriyesi içun zevci gaib-i mezbûr üzerine işbu tarihten itibaren beher şehrî kırkbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr üzerine rucua mezbûre Şahsene’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sabia aşer min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Ofluoğlu Mustafa bin Şakir, Boşnakoğlu Tevfik Reis bin Yahya. Aded 110: Liparit Lazistan Sancağı’nın merkezi olan Rize kazası kurâsından Liparit karyesinden Sakrıklıoğlu Halid bin Gülşen ve Mozikoğlu İshak bin Yusuf ve Mollanınoğlu Şaban bin Ali meclis-i şer’-i şerif-i enverde her biri takrir-i kelâm ve tabir-i ani’l-merâm idub karye-i merkûmeden Hacı Efendioğlu Dursun Kaptan bin Salih tarafından kavm-i ğayr-i mahsur olan karyemiz namına aleyhimize ikame olunan tarik-i âm ve arsa ve tahrib ve çalılık mahal davalarından dolayı mezbûr Dursun Kaptan ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-i sâlis ve itirazu’l-ğayr-i tarik ve sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve tefrik u taksime ve’l-hâsıl her türlü hukuk-i şahsiyye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlak-ı sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dediklerinde ma vekaa bi’t-taleb ketb olundu. Fi’l-yevmi’s-sâlise aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır Sadık Efendi, Ayvazzâde Osman Efendi ibn Hüseyin. Aded 111: Salarha Likoz Lazistan Sancağı’nın merkezi olan Rize kazası kurâsından Salarha Likoz karyesi ahalisinden her birinin zat ve şahsları zeyl-i vesikada muharreru’l-esâmî müslimîn tarifleriyle muarrefe olan Maraşoğlu Mustafa bin Ali ve Maraşoğlu Yahya bin Bayram ve mezbûr Yahya’nın zevcesi Zehra bint Şakir meclis-i şer’-i şerif-i enverde İveros karyesinden Civelekzâde Hacı Sabit ve İbrahim Efendi’ler ibnan-i Tahir Efendi mahzarında her biri ikrar-ı tam ve takrir-i kelâm idub mezkûr Likoz karyesinden Büyük Dere civarında vâki Civelekoğulları değirmeni dinmekle marûf değirmenden hark ile yani cedvel ile cari suyun nısfını mine’l kadim muma ileyh Hacı Sabit ve İbrahim Efendiler’in mutasarrıf olduğu tarlalarının ve nısf-ı diğeri bizim mutasarrıf olduğumuz tarlalarımızın ibra ve ıskatına mahsus ve bu suretle mezkûr su zabt ve tasarrufumuzda olub muma ileyhimanın nısf hisselerine karşı davadan onların zimmetlerini ve nısf-ı diğerine karşı davadan onlar da bizim zimmetimizi ibra ve ıskat ve yekdiğerimiz aharın ibrasını ber minval-i meşru kabul ederek yekdiğerimiz aharın hissesine müdahale ve taarruza hakkımız yoktur dedikte muma ileyhima Hacı Sabit ve İbrahim Efendi’ler de mezbûran Mustafa ve Yahya ve mezbûre Zehra’nın ber vech-i muharrer kelimat-i mesrurelerini vicahen ve şifahen kabul ve tasdik ve takrir etmelerin ma vekaa bi’t-taleb ketb olundu. Fi ğurre-i Rebii’l-ahir li sene ihdâ ve selâsîne ve selasemie ve elf. Mukabele olmuştur. Baş kâtib, nâib. Maraşoğlu Kemal bin Muharrem, Hacı Osmanoğlu Mustafa Efendi ibn Harun Efendi, Ömeroğlu Zekeriyya Efendi ibn Ali, Molla Hasanoğlu Ahmed bin Osman. Aded 112: Varda Lazistan Sancağı’nın merkezi olan Rize kazası nevâhîsinden Kura-i Seba nahiyesinin Varda karyesi ahalisinden iken bundan mukaddem vefat eden Alemdaroğlu Hacı Recep Efendi ibn Mehmed’in sulbî sağir oğulları Şaban ve Ramazan ve Muharrem’in pederleri müteveffa-yi mezbûrdan mevrus mallarını hıfz ve umurlarını tesviye ve ru’yete şer’-i şerifden bir vasi nasbı ehem ve elzem olmağın emanet ile marûf ve istikamet ile mevsûf ve her vecihle vesâyet uhdesinden gelmeğe kadir idugi karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisu’l-vesika daileri Sipahioğlu Hafız Osman Efendi ibn Hacı Yusuf Efendi siğar-i mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi aşer min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Timurcioğlu Ahmed bin Recep, Sipahioğlu Hacı Efendi bin Hacı Hüseyin Efendi. Aded 113: Hamrik Zikr-i âtî hususun mahallinde ketb u tahrir içun canib-i şeriat-i ğarradan mezunen bil hükm irsal olunan umenadan mahkeme-i şer’iye baş kâtibi Osman Zeki Efendi ibn Salih Efendi Lazistan Sancağı’nın merkezi olan Rize kasabası mahallâtından Hamrik mahallesinde vâki Yanbeyoğlu Mustafa bin Sefer’in menziline varıb zeyl-i vesikada muharreru’l-esâmî müslimîn huzurlarında akd-i meclis-i şer’i âli ettikde menzil-i mezkûrda sakine zati müslimin-i mezbûrdan tarifleriyle muarrefe olan Yanbeyoğlu kerimesi Cemile bint Abdulhamid Ağa meclis-i makud-i mezkûrde Tiryakioğlu Hafız Harun Efendi ibn Ömer mahzarında ikrar-ı tam ve takrir-i kelâm idub bundan akdem vefat eden pederim Yanbeyoğlu mezbûr Abdulhamid Ağa ibn Ahmed Ağa’dan mevrus ve müntakil bi’l-cümle emlak ve arazideki hisse-i şayıa ve müntakile ve irsîyelerimi semen ve bedel-i misilleriyle talibine memuru huzurunda bey’ u ferağ ve temlik u teslime ve semen ve bedellerini ahz u kabz ile makbuzatını bana i’tâ ve teslime ve takrirlerini i’tâ ve muamale-i saire-i lazımesini îfâ ve icrâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Hafız Harun Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledikleri kâtib-i muma ileyh mahallinde ketb u tahrir ve mea mürsel umena şeri’le meclis-i şer’e gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’s-sani aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Gürcîoğlu Said bin Hacı Ahmed, Yanbeyoğlu Ahmed bin İdris, Yanbeyoğlu Hüseyin bin Abdullah Ağa, Yanbeyoğlu Hüsnü bin Said. Aded 114: İspir kazası Hırdomus Erzurum vilayetinin İspir kazası kurâsından Hırdomus karyesinden olub Lazistan Sancağı’nın merkezi olan Rize kazası kurâsından Kanboz karyesinde müsâfireten sakine zatı zeyl-i vesikada muharreru’l-esâmî müslimîn tarifleriyle muarrefe olan Yusufoğlu kerimesi Fatıma bint Hüseyin sancağ-ı mezkûr mahkemesinde meclis-i şer’-i şerif-i enverde takrir-i kelâm ve tabir-i ani’l-merâm idub mezkûr İspir kazasının Leylek karyesinden Çolakoğlu Hüseyin bin Ömer zevc-i dahilim iken bundan akdem beni tatlik etmekle zimmetinde mutekarrer ve makud-i aliye mehr-i müeccel hakkım olan dokuz aded lira-i Osmanî ile sair her bir hakkımı mezbûr Hüseyin’den aid olduğu mehâkim-i şer’iyede taleb ve dava ve ahz u kabz ile bana i’tâ ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve lede’l-hâce sulh ve ibraya ve ber vech-i muharrer ahari tevkil ve azle ve’l-hâsıl mütevakkıf olduğu umûrun küllîsine umûrun küllîsine tarafımdan vekâlet-i mutlaka-i sahiha-i şer’iye ile mezkûr Hırdomus karyesinde mukim Yusufoğlu Hayrullah bin Hüseyin’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Yusufoğlu Abdullah bin İsmail, Abucıoğlu Timürdar bin Mustafa. Aded 115: Varda Lazistan Sancağı’nın merkezi olan Rize kazası nevâhîsinden Kura-i Seba nahiyesinin Varda karyesi ahalisinden iken bundan mukaddem vefat eden Alemdaroğlu Hacı Recep Efendi ibn Mehmed’in sulbîye-i sağire kızı Fatıma’nın pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf ve her vecihle vesâyet uhdesinden gelmeğe kadir idugi mezkûr Varda karyesi imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş şeri’l enver zâhir ve nümâyân olan işbu baisu’l-vesika sağire-i mezbûrenin min kıbeli’l üm ceddi Sakrık karyesinden Timürcioğlu Ahmed bin Receb sağire-i mezbûrenin pederi müteveffa-yi mezbûrdan mevrus malını hıfz ve vakt-i rüşd-i sedadına değin umurunu tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûre[yi] kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hadi aşer min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Sipahioğlu Hafız Osman Efendi ibn Hacı Yusuf, Sipahioğlu Hacı Hüseyin Efendi ibn Hacı Hüseyin. Aded 116: Roş mahallesi Lazistan Sancağı’nın merkezi olan Rize kasabası mahallâtından Roş mahallesinden Zırhzâde Hacı Abdulhamid Efendi ibn Hacı Osman Efendi meclis-i şer’i münîrde Samri mahallesinden Hacı Şekeroğlu(?) müteveffa Mehmed’in zevcesi Hamide bint Ömer aleyhine ikame eylediği alacak davasından dolayı mezbûre Hamide’ye ayrı ayrı günlerde gönderilib teblîğ ettirilen üç defa davetiye verakası üzerine mezbûre mahkemeye gelmekten ve tarafından vekîl-i şer’i dahi göndermekten imtina idub müddeî muma ileyhin gıyaben ru’yet-i muhâkeme talebine mebni mezbûre Hamide’nin hukukunu muhafaza ve müdafaya vekîl-i musahhar tayin olunan Mehmed ibn [ibn] Ahmed Efendi muvacehesinde eşyay-ı bey’ıye esmanından binüçyüzyirmialtı sene-i devriyesi mayısının yirmibirinci günü tarihli bir kıta sened mucebince yirmibeş lira elliyedi kuruş ve üçyüzyirmiyedi sene-i rumisi ağustosunun yirmibeşinci günü tarihli diğer bir kıta sened mucebince elli liradan sekiz kuruş ve üçyüzyirmialtı sene-i rumisi mayısının yirmibirinci günü yine bir kıta sened mucebince dahi yirmi lira ki ceman doksanbeş lira yetmişbeş kuruş lira-i akçe müvekkile-i mezbûrenin zevc-i mezbûr Mehmed bin Yusuf zimmetinde alacağım olduğu halde meblağ-ı mezkûrun yedi lira yetmişiki kuruşunu i’tâ ve teslim idub mutebaki seksensekiz lira onüç kuruş zimmetinde alacağım olduğu halde meblağ-ı mezkûri kable’l-ahz ve’l-istifa vefat etmekle verâseti zevce-i menkuhe-i metrukesi müvekkile-i mezbûre Hamide ile sulbî sağir oğulları Şaban ve Şevki ve sulbîye-i sağire kızı Fatıma’ya munhasıra olduğundan ve müteveffa-yi mezbûrun tereke-i vafiyesine mezbûre Hamide vazıatu’l yed bulunduğundan meblağ-ı mezkûri vazıatu’l yed olduğu zevc-i müteveffa-yi mezbûrun tereke-i vafiyesinden bana eda ve îfâya müvekkile-i mezbûreye izafetle vekîl-i musahhar muma ileyh Mehmed Efendi’ye tenbih olunmak matlubumdur deyu malları takririne mutabık ve tevarih-i mezkûre ile müerreh ve müteveffa-yi mezbûrun mührüyle mahtum üç kıtasına ibraz ve iraesiyle bade’d-dava ve’s-sual vekîl-i musahhar ol dahi cevabında müddeî muma ileyhin ber vech-i muharrer müddeâsını tamamen inkar etmekle müddeî muma ileyh ber vech-i muharrer tamamiha müddeâsını evvelen ba veraka-i mesture mensub oldukları Peşeyan mahallesi imamı Tatzâde Hacı Eşref Efendi ibn Hüseyin Efendi ve muhtar-ı evveli Türüdizâde Hasan Efendi ibn Hacı Mehmed Efendi’den sirren ve badehu müterafan hazır oldukları halde Timürcioğlu Ahmed bin Receb ile Molla Mustafaoğlu İslâm Efendi ibn İbrahim’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi mezbûr ile verese-i mezbûr uni arifan olan Peşeyan mahallesinden Vardalıoğlu Ahmed Efendi bin Ömer ile yine mahalleden Molla Ahmedoğlu Nazım Efendi ibn Hacı Ali nâm kimesnelerin kezalik bi’l-muvacehe tafsil-i mezkûr üzere ber nehc-i şer’i şahadetleriyle isbat itmegin müddeî muma ileyh Hacı Abdulhamid Efendi istizharen bade’t-tahlifi’ş şer’i mucebince müddeâya seksensekiz lira onüç kuruş müteveffa-yi mezbûrun tereke-i vafiyesinden müddeî muma ileyh Abdulhamid Efendi’ye eda ve teslime müvekkile-i mezbûre Hamide’ye izafetle vekîl-i musahhar muma ileyh Mehmed Efendi’ye tenbih olunduğu tescîl ve i’lâm olundu. Fi’l-yevmi’l aşir min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 117: Filandoz Lazistan Sancağı’nın merkezi olan Rize kazası kurâsından Filandoz karyesinden iken bundan mukaddem vefat eden Hacı Tataroğlu Hakkı bin müteveffa Mustafa bin müteveffa Ahmed’in sulbîye-i sağire kızı Şükriye’nin pederi müteveffa-yi mezbûrdan mevrus malını hıfz ve umurunu tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadir idugi sakine olduğu Malpet karyesi imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat min kıbeli’l üm ceddesi Necibe bint Ali sağire-i mezbûrenin pederi müteveffa-yi mezbûrdan mevrus malını hıfz ve vakt-i rüşd-i sedadlarına değin umurunu tesviye ve ru’yete vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Mollanınoğlu Ömer bin Osman, Köseoğlu İbrahim bin Mehmed, Mollanınoğlu Hafız İshak bin Hacı Memiş. Aded 118: Arkolikoz Lazistan Sancağı’nın merkezi olan Rize kasabası mahallâtından Arkolikoz mahallesinden İsmailoğlu Mehmed bin Receb ile diğer Mehmed bin Hasan meclis-i şer’-i şerif-i enverde her biri takrir-i kelâm ve tabir-i ani’l-meram idub Tafulioğlu Hurşid ve Mustafa benan-i Hasan ile beynimizde mütehaddis arazi davasından dolayı mezbûran ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tefrik u taksime ve mümeyyiz ve hâkim ve ehl-i vukuf tayin ve azline ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Vasil Efendi ibn Yani ile Molla Mehmedoğlu Mustafa Efendi ibn Mehmed’i kabullerine mevkûfe münferiden ve müctemian icra-i vekâlete mezun olmak üzere vekîl ve naib-i menab nasb u tayin eyledik dedikte ma vekaa bi’t-taleb ketb olundu. Fi’l-yevmi’l-hamise aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Rakıcızâde Kaşif Efendi, Satıroğlu Mehmed Efendi. Aded 119: Gürgen Lazistan Sancağı’nın merkezi olan Rize kazası kurâsından Gürgen karyesinden iken bundan akdem vefat eden Arnabudoğlu Mehmed bin Hüseyin’in sulbîye-i sağire kızları Havva ve Fatıma ve Saniye’nin pederleri müteveffa-yi mezbûrdan mevrus mallarını hıfz ve umurlarına tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe her vecihle vesâyet uhdesinden gelmeğe kadire idugi karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enverde zâhir ve nümâyân olan işbu baisetu’l-vesika marifetu’z-zat valideleri Fatıma bin Ahmed sağiretan-i mezbûretanın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sâlise aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Çerkesoğlu Ahmed bin Yusuf, Peçeoğlu Yakub bin Bilal. Aded 120: Anzer-i Süfla Lazistan Sancağı’nın merkezi olan Rize kazası nevâhîsinden Kura-i Seba nahiyesinin Anzer-i Süfla karyesinden Küçük Alioğlu Süleyman bin Dursun’un Zikr-i âtî muhâkeme ve muhasemeye vekîl-i müseccel-i şer’isi Abdulhamid Efendi ibn Abdulkerim meclis-i şer’i münîrde Molla Hamzaoğlu müteveffa Dursun’un zevcesi ve sulbîye-i sağire kızları Hayriye ve Rukiye’nin valideleri ve tesviye-i umurlarına kıbel-i şer’iden mensube vasileri zatı hıyn-i tevkilde muarrefe olan Hatice bint Ali ile kezalik hıyn-i tevkilde muarrefe olan sulbîye-i sağire kızı Naziye’nin vekîl-i müseccel-i şer’ileri Arif Efendi ibn Tevfik Efendi muvacehesinde Molla Hamzaoğlu müteveffa Dursun bin Ahmed’in verâseti zevcesi Hatice bint Ali ile sulbîye-i kebire kızı Naziye ve sulbîye-i sağire kızları Rukiye ve Hayriye ve li ebeveyn kız karındaşları Fatıma ve Şuşika’ya munhasıra olduğu cihetle müteveffa-yi mezbûr Dursun’un mezkûr Anzer-i Süfla karyesinin Köseli yaylakında bir ahır ve bir sofa ve bir metbah-i şamil bir bab hane menzil bina ve inşa idub menzil-i mezkûri müvekkilim Süleyman hedm ve tahrib eylediğinden ? müstehlek olan dokuz lira-i Osmanî kıymetindeki enkazından hisse-i irsîyelerini sağiretan-i mezbûretanın vasi ve valideleri zevce-i mezbûre ile mezbûre Naziye’nin vekîlleri muma ileyh Arif Efendi bundan akdem gıyaben dava ve dava-i vakıasını isbat etmekle meblağ-ı mezkûr dokuz lira-i Osmanîden yediyüz kuruş hesabıyla dörtyüz kuruş bi’l-vesâye ve yüzoniki kuruş yirmi parayı bi’l-âsale mezbûre Hatice’ye ve ikiyüz kuruş dahi mezbûre Naziye’ye eda ve teslime işbu mahkemeden üçyüzotuz sene-i hicrisi Rebiu’l evvelinin yirmisekizinci günü tarihli sadır olan ilam-ı şer’i ile hükm olunmuş ise de menzil-i mezkûri müteveffa-yi mezbûr Dursun hayatında ve üçyüzondokuz sene-i rumisi temmuzunun birinci gününde mahzar-ı şuhudda müvekkilim Süleyman yirmiüç lira semen-i makbuzu mukabelesinde bey’-i adi ile bey’ ve teslim ve müvekkilim dahi ber vech-i muharrer iştira ve tesellüm ve kabul eylediğinden ve binaenaleyh müvekkilim kendi hane-i müşterasını hedm ve tahrib etmiş olmağla hükm-ü vakiin fesh ve ibtalini bi’l-vekâle taleb ederim deyu malı takririne mutabık ve tarih-i mezkûrla müerreh bir kıta ilam-ı şer’i ve müteveffa-yi mezbûrun mührüyle mahtum ve tarih-i mezkûr-i müerreh hulasa-i münderecatı menzil-i mezkûrde müteveffa-yi mezbûr Dursun mezbûr Süleyman’a bey’ eylediğine dair bir kıta sened-i adi ibraz ve iraesiyle inkara mukarin dermiyan eylediği müdafası bila emr-i ali mesmua ve iltifata şayan olmadığı kendisine bade’t-tefhim mucebince hükm-ü sabıkın infazı iktiza eylediği tescîl ve i’lâm olundu. Fi’l-yevmi’s-sani aşer min Saferi’l-hayr li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 121: Babik Lazistan Sancağı’nın merkezi olan Rize kasabası mahallâtından Babik mahallesi ahalisinden Mataracızâde Hacı Hafız Hüseyin ibn Hacı Ahmed Efendi meclis-i şer’-i şerif-i enverde takrir-i kelâm ve tabir-i ani’l-merâm idub aleyhimde ikame olunan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve benim her hakkımı icab edenlerden taleb ve dava ve ahz u kabz ile bi’l-cümle makbuzatını bana i’tâ ve teslime ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Muhzır İbrahim Efendi, Akmehmedoğlu Hacı Ömer Efendi. Aded 122: Setoz Lazistan Sancağı’nın merkezi olan Rize kazası kurâsından Setoz karyesinden iken bundan dört sene mukaddem vefat eden Memişoğlu Süleyman bin Mustafa’nın sulbî sağir oğlu Mehmed ile sulbîye-i sağire kızı Yeter’in pederleri müteveffa-yi mezbûrdan mevrus mallarını hıfz ve umurlarına tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisu’l-vesika sağiran-i mezbûranın amucaları Mustafa bin mezbûr Mustafa sağiran-i mezbûranın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Kuveloğlu İsmail bin Osman, Kuveloğlu Mustafa bin Memiş. Aded 123: Büyük Samri Lazistan Sancağı’nın merkezi olan Rize kasabası mahallâtından Büyük Samri mahallesinden iken bundan bir ay evvel İzmit’de vefat eden Berberoğlu Hüseyin bin Abdurrahman’ın ber vechi ati verâseti olduğunu iddia eden sulbî kebir oğlu Ali meclis-i şer’-i şerif-i enverde müteveffa-yi mezbûrun medyuni Satıroğlu Mehmed bin Ahmed Efendi mahzarında üzerine dava ve takrir-i kelâm idub babam müteveffa-yi mezbûr Hüseyin’in verâseti benimle zevce-i menkuhe-i metrukesi Şerife bint Mustafa ve sulbî kebir oğlu mezkûr İzmit kasabasında mukim Murad ve sulbî sağir oğlu Bayram Ali ve sulbîye-i sağire kızları Azize ve Zehra’ya munhasıra ve tashih-i mesele-i mirasları bi’l faridati’ş şer’iye altmışdört sehmden olub siham-ı mezkûreden sekiz sehmi zevce-i mezbûreye ve ondörder sehmden ceman kırkiki sehmi ibnu’l-mezbûrun Murad ve Ali ve Bayram Ali’ye yedişer sehmden ceman ondört sehmi bintu’l-mezbûretan Azize ve Zehra’ya isabet idub başka varisi ve terekesine mustahik-i ahar kimesnesi olmamağla pederim müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruşu kable’l-ahz ve’l-istifa vefat etmekle meblağ-ı mezkûrdan ber mûceb-i mesele-i miras hisse-i irsîyem olan beş kuruş on parayı bana eda ve îfâya mezbûr Mehmed Efendi’ye tenbih olunmak bi’l-verâse matlubumdur deyu dava ve lede’s-sual mezbûr Mehmed Efendi dahi cevabında fi’l-hakika müteveffa-yi mezbûr Hüseyin’e ol mikdar kuruş zimmetinde halen deyni olduğunu taven ikrar ancak müddeî mezbûrun ber vech-i muharrer verâset müddeâsı malûmum değildir deyu inkar etmekle müddeî mezbûr Ali ber vech-i muharrer müddeâsını evvelen ba veraka-i mesture mensub oldukları Samri mahallesi imamı Emiroğlu Dursun ve muhtar-ı evveli Çalıkoğlu Hasan bin Mustafa’dan sirren ve badehu bir ay ticaret ve Rusya’ya gittiğini natık mahallesinde mevrud ilmuhaberden anlaşılan şahid-i mezbûr Recep’in hayatında diğer şahid Memiş ile tarafeyni mürafian hazır olduğu halde Kara Alioğlu Muharrem bin Aziz ile Makaroğlu Kamil bin Yusuf’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi mezbûr ile verese-i mezbûrunu arifan olan mezkûr Samri mahallesinden Çolakoğlu Mustafa ile Samri mahallesinden Berberoğlu Recep bin Abdurrahim nâm kimesnelerin kezalik bi’l-muvacehe ber nehc-i şer’i şahadetleriyle isbat itmegin mucebince sübut-i verâsetlerine bade’l-hükm ve’l beyyine verese-i mezbûrun siğar-i mezbûrdan Bayram Ali ve Azize ve Zehra’nın ba hücceti’ş şer’iye mensube vasileri zatı zeyl-i vesikada muharreru’l-esâmî müslimîn tarifleriyle muarrefe olan mezbûre Şerife bint Mustafa meclis-i makud-i mezkûrde sadriy kebir oğlu müddeî mezbûr Ali mahzarında bi’l-verâse ve bi’l-vesâye takrir-i kelâm ve tabir-i ani’l-merâm idub zevcim müteveffa-yi mezbûrun hıyn-i vefatında yanında mevcud bi’l-cümle terekesiyle zımem-i nasda olan kaffe-i matlubatından benimle ve vasileri olduğum siğar-ı mezbûrunun hisse-i irsîyemizi vazıu’l-yed ve alakadarandan mahallinde aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen taleb ve dava ve ahz u kabz ile makbuzatını bana irsal ve isal ve teslime ve ikame-i şuhûd ve tahlîf ve teblîğ ve tebellüğa ve imzalarıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve tefrik u taksime ve ber vech-i muharrer ahari tevkil ve azle ve’l-hâsıl hukuk-i şahsiyye ve kanuniyemizi muhafaza ve müdafaya ve mütevakkıf olduğu umûrun küllîsine tarafımdan bi’l-verâse ve bi’l-vesâye vekâlet-i mutlaka-i sahiha-i şer’iye ile mezbûr Ali ile mezkûr İzmit’de mukim oğlum mezbûr Murad’ı kabulune mevkûfe gerek münferiden ve gerek müctemian icra-i vekâlete mezun olmak üzere vekîl ve naib-i menab nasb u tayin eyledim dedikte mezbûr Ali ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Cumade’l ûla li sene ihdâ ve selâsîne ve selasemie ve elf. Mukabele olmuştur. Baş kâtib, nâib. Makaroğlu Kamil bin Yusuf, Kara Alioğlu Muharrem bin Aziz. Aded 124: Müftü mahallesi Lazistan Sancağı’nın merkezi olan Rize kasabası mahallâtından Müftü mahallesinden iken bundan akdem vefat eden Salcıoğlu nâm-ı diğeri Laz Osmanoğlu Hacı Ömer bin Osman’ın ber vechi ati varisi olduğunu iddia eden zatı hıyn-i tevkilde muarrefe olan sulbîye-i kebire kızları Hesna ve Düriye ve Hediye ve Maksude ve Hüsniye’nin vekîl-i müseccel-i şer’ileri Abdulhamid Efendi ibn Abdulkerim meclis-i şer’i münîrde müteveffa-yi mezbûrun medyuni Musaoğlu Sadık bin Ali muvacehesinde bi’l-vekâle üzerine dava ve takrir-i kelâm idub müteveffa-yi merkum Hacı Ömer’in verâseti sulbî kebir oğulları Osman ve Ahmed ve Aziz ile sulbîye-i kebire kızları müvekkilelerim Hesna ve Düriye ve Hediye ve Maksude ve Hüsniye ve diğer kerimeleri Hanım Gül ve Şerife ve sulbîye-i sağire kızları Zekiye ve Şükriye’ye ve Emine ve kendisinden evvel vefat idub verâset-i şer’i olmayan ve fakat verâset-i kanuni bulunan oğlu müteveffa Süleyman’ın sulbî sağir oğlu Salih ve sulbîye-i kebire kızları Lahika ve Sabire’ye munhasıra olub başka varisi ve terekesine mustahik-i ahar kimesneleri olmamağla müteveffa-yi mezbûr Hacı Ömer’in hayatında mezbûr Sadık zimmetinde cihet-i karzdan alacak hakkı olan otuziki kuruş kable’l-ahz ve’l-istifa vefat etmekle meblağ-ı mezkûrdan müvekkilelerimin hisse-i irsîyelerine isabet eden on kuruşu bana eda ve teslime mezbûr Sadık’a tenbih olunmak hasbe’l-vekâle matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Hacı Ömer’e ol mikdar kuruş zimmetinde halen deyni olduğunu taven ikrar idub ancak müddeiye-i mezbûrun ber vech-i muharrer verâset-i mezkûre müddeâsı malûm değildir deyu bade’l-inkar müddeî vekîl-i muma ileyhden ber vech-i muharrer verâset-i müddeâsına muvafık beyyine taleb olundukta irae eylediği şahidlerden hastalığına mebni mahkemeye gelmeyen Müftü mahallesinden Durmuşoğlu İsmail bin Mehmed’in istimai içun bi’n niyabe ikâmetgâhına i’zâm olunan mahkeme-i şer’iye baş kâtibi Osman Zeki Efendi ibn Salih Efendi mahallinde akd eylediği mahkemede ve muvacehe-i tarafeynde şahid-i mezbûr İsmail’in dava-i vakıaya muvafık surette ber nehc-i şer’i eda-i şahadet-i şer’iye eylediğini meclis-i şer’e gelib ala vukuihi inha ve takrir ettikten sonra diğer şahid olub kezalik dava-i vakıaya muvafık surette ber nehc-i şer’i eda-i şahadet eden Peripol mahallesinden Uzun HüseyinoğluYakub bin İsmail’den mezbûr İsmail evvelen ba veraka-i mesture Müftü mahallesi muhtarı Şükrü bin Hüseyin ve azasından Hasan’dan ve mezbûr Yakub dahi Peripol mahallesi muhtarı Abdulkerim ve azasından İbrahim’den sirren ve badehu mazeret-i meşruasından naşi İsmail’in gıyabında şahid-i mezbûr Yakub ve tarafeyn-i müterâfian hazır oldukları halde Ali Kaptanoğlu Talib bin Mahmud ve Molla Ömeroğlu Tahir bin Ömer’den alenen lede’t-tezkiye adl ve makbulu’ş-şehade idukleri işar ve ihbar olunmağla verâsetlerine bade’l-hükm mucebince müddeâ bih meblağdan müvekkilelerinin hisse-i irsîyeleri olan on kuruş müvekkilelerine izafetle vekîl-i muma ileyh Abdulhamid Efendi’ye eda ve teslime mezbûre Sadık’a tenbih olunduğu tescîl ve i’lâm olundu. Fi’l-yevmi’s-sadise aşer min Cemaziye’l evvel li sene ihdâ selâsîne ve selâsemie ve elf. Mukabele olmuştur. Baş kâtib, nâib. Aded 125: Malpet Lazistan Sancağı’nın merkezi olan Rize kazası kurâsından Malpet karyesinden zatı zeyl-i vesikada muharreru’l-esâmî müslimîn tarifleriyle muarrefe olan Köseoğlu kerimesi Rukiye bint Mehmed meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan karyeden Hacıoğlu İshak bin Emin bundan akdem benimle firaşından hasıla ve benden mütevellide ve bi hakki’l-hidâne sulbî sağir oğlu Hüsnü’yü bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûre Rukiye’nin takrir-i meşruhi üzere ol dahi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlîf mucebince nafaka ve kisve bahâ vesair levazım-ı zaruriyeleri içun işbu tarih-i vesikadan itibaren beher şehrî müddeiye-i mezbûre içun kırkbeş ve sağir-i mezbûr içun otuzbeş kuruşla ikisine ceman şehrî yetmişbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevc-i gaib-i mezbûr üzerine rucua mezbûre Rukiye’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hamise aşer min Rebii’l-ahir li sene ihdâ selâsîne ve selâsemie ve elf. Mukabele olmuştur. Baş kâtib, nâib. Alemdaroğlu Şakir Efendi bin Hacı Hüseyin, Köseoğlu Şükrü bin Mehmed. Aded 126: Karasu karyesi Lazistan Sancağı’nın merkezi olan Rize kazası kurâsından Karasu karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan ve ismi ati’z zikr sağireye li ecli’l-husuma vasi tayin olunub husumeti re’y olunan Mahbube bint Abdulaziz meclis-i şer’-i şerif-i enverde takrir-i kelâm ve tabir-i ani’l-merâm idub Karakaşoğlu müteveffa Molla Yusuf bin Halil ile bundan akdem zevciyet beynimizde kaime iken vefat etmekle müteveffa-yi mezbûrun firaşından hasıla ve benden mütevellide ve halen bi hakki’l-hidâne hacr ve terbiyemde olan tahminen altı yaşında Fatıma’ya babası müteveffa-yi mezbûrdan mevrus malından kadr-i marûf meblağı farz u takdir olunmak bi’l-hidâne ve bi’l-vesâye matlubumdur dedikte hakikat-i hal mezbûre Mahbube’nin takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olmağın mucebince sağir-i mezbûrun nafaka ve kisve bahâ vesair levazım-ı zaruriyesi içun babası müteveffa-yi mezbûrdan mevrus malı üzere işbu tarihten itibaren beher şehrî otuz kuruş farz u takdir olunub meblağ-ı mefruz-i mezkûri sağir-i mezbûrun nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer malı üzerine rucua mezbûre Mahbube’ye kıbel-i şer’iden izin verilmegin ma vekaa bi’t-taleb ketb olundu.

Devamı bir sonraki Makalededir.