Mukabele olunmuştur. Baş kâtib, nâib. Muhzır İbrahim Efendi, Tatoğlu Osman Efendi. Aded 59: ? Lazistan Sancağı muhasebecesi Hasan Tahsin Efendi ibn Mehmed Emin Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Tenekeci müteveffa İbrahim Efendi kerimesi Emine’nin malından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim binsekizyüzdoksan kuruş otuz para yine işbu tarihten iki sene-i kamile müeccel olmak üzere yine eytâm-ı mezbûrun malından ve müdir-i muma ileyhden iştira eylediğim bir cild Ali Efendi fetvası semeninden yüzyetmişbir kuruş ki ceman ikibinaltmışbir kuruş otuz para zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefaletleri eytâm meclisince musaddak olan Peşeyan mahallesinden Ahmed Ağazâde Emrullah Efendi bin Hüseyin Yazıcı ile Muhasebe Baş Kâtibi Memiş

Efendi ibn Tufan Efendi ve Emineddin mahalleli Tüfenkçizâde Mehmed Efendi bin Mahmud Efendi ve Lazistan Sancağı Jandarma Tabur Kumandanı Sabri Bey bin Atıf Bey meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Hasan Tahsin Efendi’nin ceman zimmetinde edası vacib olan ikibinaltmışbir kuruş otuz para ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’r-râbi aşer min Muharremi’l-haram li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır Sadık Efendi, Rakıcızâde Kaşif Efendi. Aded 60: Kale mahallesi Lazistan Sancağı’nın merkezi olan Rize kasabası mahallâtından Kale mahallesi ahalisinden iken bundan akdem vefat eden Hacı İsmailoğlu Ahmed bin Mustafa’nın sulbîye-i sağire kızı Hüsniye’nin anası ve tesviye-i umuruna kıbel-i şer’iden mensube vasi zatı zeyl-i vesikada muharreru’l-esâmî müslimîn tarifleriyle muarrefe olan Zeliha bint Hacı Ali meclis-i şer’-i şerif-i enverde bi’l-vesâye takrir-i kelâm ve tabir-i ani’l-meram idub vasisi olduğum sağire-i mezbûre Hüsniye nafaka ve kisveye eşed ihtiyac ile muhtace olmağla pederi müteveffa-yi mezbûrdan mevrus malı üzerine kadr-i marûf meblağı farz u takdir olunmak bi’l-vesâye matlubumdur dedikte hakikat-i hal mezbûre Zeliha’nın takrir-i meşruhi üzere olduğu mezkûr Kale mahallesi imam ve muhtar ve heyet-i ihtiyariyesi azaları tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince sağire-i mezbûrenin nafaka ve kisve bahâ vesair levazım-ı zaruriyesi içun pederi müteveffa-yi mezbûrdan mevrus malı neması üzerine işbu tarihten itibaren beher şehrî yirmibeş kuruş farz u takdir olunub meblağ-ı mefruz-i mezkûri nafaka ve kisve vesair levazım zaruriyesine harc u sarfa ve lede’l-hâce istidaneye ve inde’z-zafer malı üzerine rucua vasi-i mezbûre Zeliha kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’t-tasi aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Ahıshalıoğlu Hüseyin bin Ahmed, Ömeroğlu Mehmed bin Hacı Osman. Aded 61: Mapavri’nin Babik Lazistan Sancağı’nın merkezi olan Rize kazası nevâhîsinden Mapavri nahiyesinin Babik karyesinde vâki mea mekteb cami-i şerifin nukûd-i mevkûfesini irbah ve istirbaha mütevellisi bulununan karyeden Haceoğlu İsmail ibn Mustafa’nın vukuu vefatına mebni yeri hali ve hizmet-i lazımesi mutal kaldığından cami-i şerif-i mezkûrun nukûd-i mevkûfesini irbah ve istirbaha ve umur-i saire-i lazımesini ru’yet ve tesviyeye diğer mütevelli nasbı ehem ve elzem olmağın emanet ile marûf ve istikamet ile mevsûf olub her vecihle tevliyet uhdesinden gelmeğe kadir idukleri karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika karye-i merkûmeden Başkabanoğlu Ahmed Efendi ibn Cevahir mea mekteb cami-i şerif-i mezkûrun nukûd-i mevkûfesini irbah ve istirbah ve umur-i saire-i lazımesini ru’yet ve tesviyeye kıbel-i şer’iden mütevelli ve üzerine karyeden Şişmanoğlu Osman bin İsmail ile Abdulazizoğlu Yusuf bin Aziz nazır nasb u tayin olduklarında onlar dahi ber vech-i muharrer tevliyet ve nezaret-i mezkûreleri kabul ve hizmet-i lazımelerini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi selh min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Hacı Mahmudoğlu Mehmed Ali bin Mahmud, Ustaoğlu Hüseyin Efendi ibn Yusuf, Şerif Alioğlu Mustafa bin Osman. Aded 62: Rize Reji müdürü Abdi Efendi Lazistan Sancağı Reji müdürü Abdi Efendi bin Osman Efendi meclis-i şer’-i şerif-i enverde takrir-i kelâm ve tabir-i ani’l-meram idub teba-i devlet-i âliyenin rum milletinden Terzi İlya ile beynimizde mütehaddis alacak davasından dolayı merkum İlya ile aid olduğu mehâkimin her derecesinde müddeî ve müddeâ aleyh mu’teriz ve mu’teraz aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve mümeyyiz ve hâkim ve ehl-i vukuf tayin ve azline ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadis ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Alininoğlu Abdulmecid Efendi. Aded 63: Yeniköy Lazistan Sancağı’nın merkezi olan Rize kasabası mahallâtından Yeniköy mahallesinden iken bundan akdem Dersaadet’te vefat eden Kavrakoğlu Emin Reis bin Hüseyin bin Abdullah’ın ber vechi ati varisi olduğunu iddia eden li ebeveyn kız karındaşı marifetu’z-zat Necibe bint mezbûr Hüseyin meclis-i şer’-i şerif-i enverde müteveffa-yi mezbûrun medyuni Mehmed Efendi ibn Ahmed mahzarında üzerine dava ve takrir-i kelâm idub ben müteveffa-yi mezbûr Emin Reis ile li ebeveyn kız karındaşlar olub babamız ismi Hüseyin dedemiz ismi Abdullah ve validemiz ismi Uluvve bint Hüseyin ve meskat-i ra’simiz mezkûr Yeniköy mahallesi olub ol vechile erkarındaşım mütevaffay-i mezbûrun verâseti benimle zevce-i menkuhe-i metrukesi Nokta bint Salih ve sulbîye-i kebire kızları Fatıma ve Ayşe ve Hatice ve li ebeveyn diğer kız karındaşımız Peruze’ye munhasıra ve badehu kable’l-kısmet zevce-i mezbûre Nokta vefat idub verâseti sadriyye-i kebire kızları mezbûrât Fatıma ve Ayşe ve Hatice ile anası Cemile bint Hasan ve babası Salih bin Hüseyin’e munhasıra ve badeha mezbûre Ayşe vefat idub zevci Tevfik bin Mustafa ve min kıbeli’l üm ceddesi mezbûre Cemile ve li ebeveyn kız karındaşları mezbûretan Fatıma ve Hatice’ye tashih-i mesele-i mirasdan bi hükmi’l münasahati’ş-şer’iye ikiyüzseksensekiz sehmden olub siham-ı mezkûreden otuzar sehmden ceman altmış sehmi mezbûretan Necibe ve Peruze’ye ve doksanar sehmden yüzseksen sehmi mezbûretan Hatice ve Fatıma’ya ve altı sehmi mezbûr Salih’e ve onbeş sehmi mezbûre Cemile’ye ve yirmiyedi sehmi mezbûr Tevfik’e isabet idub başka varisler ve terekelerine mustahik-i aharları olmamağla karındaşım müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruşu kable’l-ahz ve’l-istifa vefat etmekle meblağ-ı mezkûrdan ber muceb-i mesele-i miras hisse-i irsîyemi bana eda ve îfâya mezbûr Mehmed Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Emin Reis’e ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset müddeâsı malûmum değildir deyu inkar etmekle müddeiye-i mezbûre ber vech-i muharrer verâset-i müddeâsını evvelen ba veraka-i mesture mensub oldukları Filyoz mahallesi imamı Telcioğlu Ahmed bin Abdulaziz ve azadan Hafızoğlu Hasan Efendi ibn Ahmed ve Babik mahallesi imamı Tuzcuzâde Şaban Efendi ibn Abdulhamid ve azasından Mataracızâde Hakkı Efendi ibn Abdurrauf Efendi’den sirren ve badehu müterâfian hazır oldukları halde mezkûr Yeniköy mahallesinden Kavrakoğlu Abdulkadir bin Ali ve Filyoz mahallesinden Hafızoğlu Mahmud Efendi ibn Ahmed’den bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve müteveffa-yi mezbûrun ile verese-i mezbûrun ve müddeiye-i mezbûreden arifan olan Filyoz mahallesinden Hafızoğlu Receb Efendi ibn Ahmed Efendi ve Babik mahallesinden Terzi İsmailoğlu Veysel bin İsmail nâm kimesnelerin kezalik bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince verâsete bade’l-hükm ve’t-tenbih verese-i mezbûrundan her birinin zatı muarrefe olan mezbûretan Necibe ve Peruze meclis-i makud-i mezkûrde Yeniköy mahallesinden Kavrakoğlu Abdulkadir bin Ali mahzarında her biri takrir-i kelâm ve tabir-i ani’l-merâm idub li ebeveyn erkarındaşımız müteveffa-yi mezbûr Emin Reis’den mevrus ve intikal Dersaadet’te Kadıköyün’de Bostancı nâm mahalde kâin beyne’l-ahâlî ve’l-cîrân malûm ve müteârefu’l-hudud mesele-i malûmatı hâvî bir bab mülk-i menzilden hisse-i şayiamızı ? bey’ ve temlik u teslime ve semen-i mezkûri ? takrir-i i’tâya muamele-i saire-i lazımesini icrâ ve îfâya ve müteveffa-yi mezbûr ? zımem-i nasda olan bi’l-cümle matlubatından kezalik hisse-i irsîye ? taleb ve ru’yet ve kezalik ahz u kabz ile bi’l-cümle makbuzatını bana irsal ve isal ve teslime ve mûceb-i muhâkeme bir hal vukuunda lazım gelenlerle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve tefrik u taksime ve taleb-i icrâ ve keşf ve mümeyyiz hâkim ve ehl-i vukuf tayin ve azline ve lede’l-hâce sulh ve ibraya ve ber vech-i muharrer-i aharı tevkile ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezbûr Abdulkadir’i vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadis ve’l-ışrin min Muharremi’l-haram li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Alioğlu Ömer bin Arif, Terzi İsmailoğlu Veysel bin İsmail. Aded 64: Fosa Lazistan Sancağı’nın merkezi olan Rize kazası kurâsından Fosa karyesi ahalisinden iken bundan iki sene mukaddem vefat eden Zenginoğlu İdris bin Mustafa’nın sulbî sağir oğulları Zelkifl ve İsmail ile müteveffa-yi mezbûr İdris’in li ebeveyn erkarındaşı müteveffa Süleyman’ın sağir oğlu Mustafa’nın her birinin pederleri müteveffat-ı mezbûretan İdris ve Süleyman’dan mevrus mallarını hıfz ve umurlarına tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enverde zâhir ve nümâyân olan işbu baisetu’l-vesika sağiran-i mezbûran Zelkifl ve İsmail’in anaları ve sağir-i mezbûr Mustafa’nın akrabi olmadığı ecilden teyzesi olan Meryem bint Yusuf siğar-ı mezbûrunun pederleri müteveffa-yi mezbûrdan mevrus malları hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi ğurre-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Kurdoğlu Ali bin İsmail, Kalpazanoğlu Arif bin Yusuf, Kurdoğlu İslâm bin İsmail. Aded 65: Kofin Lazistan Sancağı’nın merkezi olan Rize kazası kurâsından Kofin karyesi ahalisinden iken bundan onbeş sene mukaddem vefat eden Uzun Hasanoğlu Bayram bin ? Hasan’ın ber vechi ati varisi olduğunu iddia eden zevce-i menkuhe-i metrukesi ? İbrahim meclis-i şer’i münîrde müteveffa-yi mezbûrun ? ibn Yunus muvacehesinde zevcem müteveffa-yi mezbûrun ? Hurşid ve sulbî kebir oğulları Maksud ve Hurşid ve Kasım ve sulbîye-i kebire kızları Emine ve Gülika ve Fatıma ve Hatice’ye munhasıra ve badehu bintu’l-mezbûre Hatice vefat idub verâseti anası olduğum cihetle benimle ceddi mezbûr Hurşid ve varis olmayan erkarındaşları mezbûrdan Maksud ve Hurşid ve Kasım ve li ebeveyn kız karındaşları mezbûrât Emine ve Gülika ve Fatıma ve Hatice’ye munhasıra ve badehu eb ve ceddu’l mezbûr Hurşid vefat idub verâseti oğulları mezbûrun Hurşid ve Maksud ve Kasım ile kızları mezbûrât Emine ve Gülika ve Fatıma’ya munhasıra ve tashih-i mesele-i mirasları bi’l-münasahati’ş-şer’iye onikibindokuzyüzaltmış sehmden olub siham-ı mezkûrdan binyediyüzyetmişüç sehmi zevce-i mezbûreye ve ikibindörtyüzseksenaltışar sehmden ceman yedibindörtyüzellisekiz sehmi ibnu’l-mezbûran Hurşid ve Maksud ve Kasım’a ve binikiyüzkırküçer sehmden ceman üçbinyediyüzyirmidokuz sehmi bintu’l-mezbûrât Gülika ve Fatıma ve Emine’ye isabet idub başka varisleri ve terekelerine mustahik-i aharları olmamağla müteveffa-yi ol mezbûrun hayatında mezbûr Ali Efendi zimmetinde cihet-i karzdan alacak hakkı olan onbeş kuruşu kable’l-ahz ve’l-istifa vefat etmekle meblağ-ı mezkûrdan ber muceb-i mesele-i miras hisse-i irsîyemi bana eda ve îfâya mezbûr Ali Efendi’ye tenbih olunmak bi’l-verâse matlubumdur deyu dava ve lede’s-sual ol dahi cevabında fi’l haika müteveffa-yi mezbûr Bayram’a ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâset-i müddeâsı malûmum değildir deyu inkar etmekle müddeiye-i mezbûre ber vech-i muharrer müddeâsını evvelen ba veraka-i mesture mensub oldukları mezkûr Kofin karyesi imamı Kosifoğlu Mustafa bin İsmail ve muhtar-ı evveli Durmuş ve azadan Ömer’den sirren ve badehu muterafan hazır oldukları halde Uzun Hasanoğlu Murad bin Memiş ve Kosifoğlu Mehmed Efendi bin Harun’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan müddeiye-i mezbûre ile verese-i mezbûrunu arifan olan mezkûr Kofin karyesinden Uzun Hasanoğlu Tufan bin Hasan ile Kosifoğlu Kasım bin İsmail nâm kimesnelerin tafsil-i mezkûr üzere bi’l-muvacehe ber nehc-i şer’i şahadetleriyle isbat itmegin mucebince verâsetlerine bade’l-hükm müddeâ bih meblağdan ber muceb-i mesele-i miras hisse-i irsîyesi olan iki kuruş yirmi parayı müddeiye-i mezbûreye eda ve teslime mezbûr Ali Efendi’ye tenbih olunduğu tescîl ve i’lâm olundu. Fi’l-yevmi’s-sani min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 66: Sanduk Lazistan Sancağı’nın merkezi olan Rize kazası kurâsından Sanduk karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Hasbakaoğlu(?) kerimesi Pupuze meclis-i şer-i şerif-i enverde Hamrik mahallesinden Kılıçdaroğlu(?) üzerine dava ve takrir-i kelâm idub üçyüz kuruş mehr-i müeccel tesmiyesiyle merkum Rasim’in zevce-i menkuhe-i medhul-i bihâsı isem de zevcim mezbûrun mesken-i şer’îsi olmadığından mesken-i şer’î tedarik ve tehiyyesiyle îfâ ve iksâ edinceye değin benimle firaşından hasıla ve benden mütevellide sulbîye-i sağire kızı Hamdiye içun zevcim mezbûr Rasim üzerine kadr-i marûf ? ve takdir olunmak matlubumdur deyu dava ve lede’s-sual mezbûr Rasim cevabında müddeiye-i mezbûre ancak yüz kuruş mehr-i müeccel tesmiyesiyle zevce-i menkuhe-i medhul-i bihâsı olduğunu ve sağire-i mezbûre Hamdiye firaşından hasıl kızı idugini mesken-i şer’îsi olmadığını ikrar etmesiyle mesken-i şer’î tedarik ve tehiyyesine değin mezbûre Pupuze ile sağire-i mezbûrenin nafaka ve kisve bahâları içun mezbûr Rasim üzerine yine işbu tarih-i vesikadan itibaren beher yirmiikişer kuruştan ceman (kırk)dört kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevci mezbûr Rasim üzerine rucua mezbûre Pupuze’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Saferi’l-hayr li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Velikaoğlu Mehmed bin Yunus, Velikaoğlu Tufan bin Yunus. Aded 67: Hama Lazistan Sancağı’nın merkezi olan Rize kazası kurâsından Hama karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Küçük Osmanoğlu kerimesi Haculi bint Bilal meclis-i şer’-i şerif-i enverde takrir-i kelâm ve tabir-i ani’l-merâm idub karye-i mezkûreden Aliağaoğlu Mustafa bin Osman ile beynimizde mütehaddis arazi ve halît ve şerik davalarından dolayı mezbûr Mustafa ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl naib-i menab nasb u tayin eyledim dedikte ma vekaa bi’t-taleb ketb olundu. Fi’l-selh min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Terzi Ahmedoğlu Sefer bin Osman, Terzi Ahmedoğlu Ğafur bin Ahmed. Aded 68: Paşyan Lazistan Sancağı’nın merkezi olan Rize kasabası mahallâtından Paşyan mahallesinden iken ? vefat eden Molla Ömerzâde Hakkı Efendi ibn Hacı Ali Efendi’nin ? ol babda mu’ta üçyüzotuz senesi muharremu’l-haramının üçüncü ? faziletlu Ali Rıza Efendi hatmini hâvî Kassam Defteri mucebince sulbîye-i sağire kızı Şadiye’nin hisse-i irsîyesi olub ahz u kabz ve tarafına irsal ve teslime sağire-i mezbûrenin validesi ve kıbel-i şer’iden mensube vasisi Dursune Hanım’ın ba hüccet-i şer’iye vekîli bulunan Mekke-i Mükerreme’de sakin Kanburzâde Hacı Hüseyin Efendi ibn Hacı Salih Efendi ber muceb-i defter-i kassam sağire-i mezbûrenin hisse-i irsîyesi olub resm-i kısmeti alınmış olan lira-i Osmanî yüz kuruş hesabıyla yirmiikibinaltıyüzyirmialtı kuruş ile müteveffa-yi muma ileyhin zımem-i nasda olan alacağından sağire-i mezbûrenin hisse-i irsîyesi olarak tahsil eylediği ikibindokuzyüzyetmişdört kuruş ki ceman yirmibeşbinaltıyüz kuruş muma ileyh Hacı Hüseyin Efendi Hacı Bilalzâde Hacı Emin Efendi vasıtasıyla ve vasi-i mezbûre marifetiyle eytâm sandığına teslim edilmiş olduğundan suret-i ahz u kabzını mubeyyin defteri kassamdır. Fi’l-yevmi’r-râbi min şehr-i Rebii’l-ahir li sene ihdâ selâsîne ve selâsemie ve elf. mikdar-ı umumiyesi kassamda muharrer ve resmi kısmeti alınmış olan ____________________________________________________25600 ____________________________________________________22626 ____________________________________________________2974 ____________________________________________________96 ____________________________________________________2878 resmi kısmet__________________________________________74 kaydiye______________________________________________9 pul__________________________________________________10 varaka_______________________________________________12 sağire-i mezbûrenin ber vech-i muharrer lira-i Osmanî yüz kuruş hesabıyla yirmibeşbinbeşyüzdört kuruş akçesi li ecli’l-idane eytâm sandığına vaz’ u teslim olduğu mahkeme-i şer’iye baş kâtibi Osman Zeki ve Eytâm müdürü Hafız Harun Efendi’ler tarafından inha edilmekle ma vekaa bi’t-taleb ketb olundu. Fi’l-yevmi’t-tarihi’l-mezbûr. Mukabale olunmuştur. Baş kâtib, nâib. Aded 69: Salarha Atyanoz Lazistan Sancağı’nın merkezi olan Rize kazası kurâsından Salarha Atyanoz karyesi ahalisinden iken üçyüzyirmisekiz senesi temmuzunda vefat eden Çalıkoğlu Mikdad bin Hacı Gülşen Efendi bin Hacı Mustafa’nın ber vechi ati hisse-i varisi olduğunu iddia eden babası muma ileyh hacı Gülşen Efendi meclis-i şer’-i şerif-i enverde müteveffa-yi mezbûrun medyuni Salarha Ruspa karyesinden Kaptanoğlu Maksud bin Mustafa mahzarında üzerine dava ve takrir-i kelâm idub oğlum müteveffa-yi mezbûrun verâseti babası olduğum cihetle ancak bana munhasıra olub başka varisi ve terekesine mustahik-i ahar olmamağla oğlum müteveffa-yi mezbûr hayatında mezbûr Maksud zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûri bana eda ve îfâya mezbûr Maksud’a tenbih olunmak matlubumdur deyu dava ve lede’s-sual ol dahi cevabında fi’l-hakika müteveffa-yi mezbûr Maksud ol mikdar kuruş zimmetinde halen deyni olduğunu taven ikrar ve itiraf idub ancak müddeî muma ileyhin ber vech-i muharrer verâset-i müddeâsı malûmum değildir deyu inkar etmekle müddeî muma ileyh ber vech-i muharrer müddeâsını evvelen ba veraka-i mesture mensub oldukları Kalohten mahallesi imamı Topcuoğlu Sabit bin Hüseyin ile ihtiyar-ı azasından Kandiloğlu Kasım ve Emineddin mahallesi imamı Hacı Şaban Efendi ile muhtar-ı sanisi Tuzcuzâde Said Bey’den sirren badehu müterâfian hazır oldukları halde Hacinoz mahallesinden Kandiloğlu Hafız Recep bin Mahmud ile Emineddin mahallesinden Sarı Ahmedoğlu Hasan Kaptan bin Hurşid Kaptan’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve müddeî muma ileyh ile müteveffa-yi mezbûr-i arifan olan mezkûr Kalohten mahallesinden Şabanzâde Hacı Bayram Efendi ibn Hacı İsmail ile Emineddin mahallesinden Sofoğlu Ali bin Şakir nâm kimesnelerin kezalik bi’l-muvacehe ber nehc-i şer’i tafsil-i mezkûr üzere şahadetleriyle isbat itmegin mucebince verâsetine bade’l-hükm ve’t-tenbih müddeî muma ileyh Hacı Gülşen Efendi tekrar meclis-i makud-i mezkûrde takrir-i kelâm ve tabir-i ani’l-merâm idub oğlum müteveffa-yi mezbûrun hıyn-i vefatında zımem-i nasda olan bi’l-cümle matlubatını medyunlardan ve her hakkımı icab edenlerden ait olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve [itirazen] temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine tefrik u taksime ve ber vech-i muharrer ahari tevkil ve azle ve lede’l-hâce sulh ve ibraya ve’l-hâsıl gerek oğlum müteveffa-yi mezbûrdan dolayı ve gerek kendi hukukumdan nâşi leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-ı sahiha-i şer’iye ile Erzurum’da Piruzoğlu hanında mukim tüccardan oğlum Çalıkoğlu İzzet Efendi’yi kabulune mevkûfe bi’l-verâse ve bi’l-âsale vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’r-râbi aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Ofluoğlu Mustafa Efendi. Aded 70: Hamrik Lazistan Sancağı’nın merkezi olan Rize kasabası mahallâtından Hamrik mahallesinden vâki cami-i şerifin ba hüccet-i şer’iye mütevellisi bulunan Şehirlioğlu Hüseyin Efendi ibn ? meclis-i şer’i münîrde mahalle-i merkume ahalisinden Beşaretlioğlu Emin Ali ? meclis-i şer’i münîrde mahalle-i merkume ahalisinden Beşaretlioğlu Emin Ali ? muvacehesinde mütevellisi olduğum cami-i şerifin nukûd-i mevkûfesinden sabıkı Şehirlioğlu Hacı Mustafa mezbûr Emin Ali’ye altmışyedi aded Osmanlı lirasıyla kırkbir kuruş ikraz ve teslim ol dahi ahz u istikraz ve umuruna sarfla istihlâk idub hatta meblağ-ı mezkûr zimmetinde sahihen deyni olduğunu hâvî üçyüzyirmisekiz senesi nisanının yirmidokuzuncu günü tarihle müerreh ve mührüyle mahtum işbu ibraz eylediğim deyn senedini yine i’tâ eylediği halde meblağ-ı mezkûrun tediye ve ifasından imtina eder olmağla meblağ-ı mezkûri vakf içun bana eda ve îfâya mezbûr Emin Ali’ye tenbih olunmak matlubumdur deyu meali takrir-i meşruhuna mutabık tarih-i mezkûrla muharrer ve mührüyle mahtum senedi mezkûri ibraz ve iraesi ile dava ettikde ol dahi cevabında sened-i mezkûr kendisinin olduğunu ve hâvî olduğu altmışyedi lira-i Osmanî kırkbir kuruş nukûd-i mevkûfeden mütevelli-i mezbûre zimmetinde deyni bulunduğunu taven ikrar ve itiraf itmegin mucebince müddeâ bih altmışyedi lira-i Osmanî kırkbir kuruş vakf içun mütevelli-i mezbûr Hüseyin Efendi’ye eda ve teslime mezbûr Emin Ali’ye tenbih olunduğu tescîl ve i’lâm olundu. Fi’l-yevmi’r-râbi aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 71: Salarha-Atyanoz Lazistan Sancağı’nın merkezi olan Rize kazası kurâsından Salarha Atyanoz karyesinden iken bundan iki sene mukaddem vefat eden Hamailoğlu Muharrem bin Abdulaziz bin Hacı Hüseyin’in sulbîye-i sağire kızları Ayşe ve Fazile’nin pederleri müteveffa-yi mezbûrdan mevrus mallarını hıfz ve umurlarına tesviye ve ru’yete kıbel-i şer’iden bir vasi nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi karye-i merkume imam ve muhtarı ve heyet-i ihtiyariyesi tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisu’l-vesika li ebeveyn amcaları İbrahim bin mezbûr Abdulaziz sağiran-i mezbûranın pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukda ol dahi ber vech-i muharrer vesâyet-i mezbûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sani ve’l-ışrin min Muharremi’l-haram li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Terzioğlu Mehmed bin İlyas, Civelekoğlu İsmail bin Kasım, Kahvecioğlu Yunus bin Ömer. Aded 72: Babik mahallesi Lazistan Sancağı’nın merkezi olan Rize kasabası mahallâtından Babik mahallesinden Kadızâde Mustafa Efendi bin Hacı Ali Efendi meclis-i şer’-i şerif-i enverde takrir-i kelâm ve tabir-i ani’l-merâm leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve benim her hakkımı ashabından taleb ve dava ve ahz u kabz ile makbuzatını bana i’tâya ve lede’l-hâce isbat-ı verâset iddiasına ve’l-hâsıl her türlü hukuk-i şahsiye ve kanuniyemi muhafaza ve müdafaya ve mütevakkıf olduğu umûrun küllîsine tarafımdan vekâlet-i âmme-i mutlak-ı sahiha-i şer’iye ile dava vekîllerinden Abdulhamid Efendi ibn Abdulkerim Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l aşır min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Dervişzâde Mehmed Efendi. Aded 73: Anzer-i Süfla Lazistan Sancağı’nın merkezi olan Rize kazası nevâhîsinden Kura-i Seba nahiyesinin Anzer-i Süfla karyesinden iken bundan otuziki sene mukaddem vefat eden Molla Hamzaoğlu Ahmed bin Abdullah’ın ber vechi ati bi tariki’l-münasaha varisi olduğunu iddia eden müteveffa-yi mezbûrun sulbî kebir oğlu müteveffa Dursun’un sulbîye-i sağire kızları Hayriye ve Rukiye’nin ba hüccet şer’iye vasileri anaları ve müteveffa-yi mezbûr Dursun’un zevcesi zatı hıyn-i tevkilde muarrefe olan Hatice bint Ali ile müteveffa-yi mezbûr Dursun’un sulbîye-i kebire kızı kezalik hıyn-i tevkilde muarrefe olan Naziye’nin vekîl-i müseccel-i şer’ileri Arif Efendi ibn Tevfik Efendi meclis-i şer’i münîrde müteveffa-yi mezbûr Ahmed’in medyuni Satıroğlu Mehmed Efendi ibn Ahmed Efendi muvacehesinde üzerine dava ve takrir-i kelâm idub müteveffa-yi ol mezbûr Ahmed’in verâseti zevce-i menkuhe-i metrukesi Rukiye bint Osman ile sulbî kebir oğlu Dursun ve sulbîye-i kebire kızları Gülika ve Şuşika ve Fatıma ve Hanife’ye munhasıra ve badehu zevce-i mezbûre Rukiye vefat idub verâseti sadriy kebir oğlu mezbûr Dursun ile sadriyye-i kebire kızları mezbûrât Gülika ve Fatıma ve Şuşika ve Hanife’ye munhasıra ve badeha bintu’l-mezbûre Hanife vefat idub verâseti zevci Mehmed bin Ahmed ile sulbî kebir oğlu Mustafa ve sadriyye-i kebire kızı Necibe’ye munhasıra ve badehu ibnu’l-mezbûr Dursun vefat idub verâseti zevce-i metrukesi müvekkilim Naziye ve sağire kızları mezbûretan Hayriye ve Rukiye ve li ebeveyn kız karındaşları mezbûrât Gülika ve Fatıma ve Şuşika’ya munhasıra ve badehu mezbûre Şuşika vefat idub verâseti sadriy kebir oğulları Süleyman ve Muharrem’e munhasıra ve badehu zevcu’l mezbûr Mehmed dahi vefat idub verâseti sulbî kebir oğlu mezbûr Mustafa ile sadriyye-i kebire kızı mezbûre Necibe’ye munhasıra ve tashih-i mesele-i mirasları bi’l-münasahati’ş-şer’iye dörtyüzotuziki sehmden olub siham-ı mezbûrdan onsekiz sehmi zevce-i mezbûre Hayriye’ye otuzikişer sehmden ceman doksanaltı sehmi bintu’l-mezbûrât Naziye ve Hayriye ve Rukiye’ye ve seksenikişer sehmden ceman yüzaltmışdört sehmi uhtu lehuma mezbûretan Gülika ve Fatıma’ya ve kırkbirer sehmden ceman sekseniki sehmi ibnu’l-mezbûran Muharrem ve Süleyman ve kırksekiz sehmi ibnu’l-mezbûr Mustafa’ya ve yirmidört sehmi bintu’l-mezbûr Necibe’ye isabet idub başka varisi ve terekesine mustahik-i ahari olmamağla müteveffa-yi ol mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan ber muceb-i mesele-i miras müvekkilelerimin hisse-i irsîyelerini bana eda ve îfâya mezbûr Mehmed Efendi’ye tenbih olunmak hasbe’l-vekâle matlubumdur deyu dava ve lede’s-sual ol dahi cevabında fi’l-hakika müteveffa-yi ol mezbûre ol mikdar kuruş zimmetinde halen deyni olduğunu taven ikrar ve itiraf idub ancak müddeî vekîli muma ileyh ber vech-i muharrer verâset-i müddeâsı malûmum değildir deyu inkar etmekle müddeî vekîli muma ileyh ber vech-i muharrer verâset müddeâsını evvelen ba veraka-i mesture mensub oldukları Anzer karyesi imamı Camdanoğlu Dursun bin Hacı Ömer ile ihtiyar meclis-i azasından Camdanoğlu Said’den sirren ve badehu ziyrde muharrer şahidlerden Şakir’in hastalığını mukir mevrud ilmuhaber üzerine onun gıyabında diğer şahid ve tarafeyn hazır oldukları halde Müftü mahallesinden İsmail bin Recep bin Mehmed ile Hacinoz mahallesinden Kalamanoğlu İdris bin Mustafa’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan verese-i mezbûrunu arifan olan mezkûr Anzer-i Süfla karyesinden Buzika(?)oğlu Abdullah bin Akçane(?) ile yine mezkûr Anzer-i Süfla karyesinden Bayezidoğlu Şakir bin Şükrü nâm kimesnelerin tafsil-i mezbûr üzere bi’l-muvacehe ber nehc-i şer’i şahadetleriyle isbat itmegin mucebince verâsetlerine hükm olunmağın mucebince müddeâ bih meblağdan hisse-i irsîyelerinin mikdarlarını kendilerine izafetle vekîl müddeî muma ileyh Arif Efendi’ye teslime medyuna muma ileyh Mehmed Efendi’ye tenbih olunduğu tescîl ve i’lâm olundu. Fi’l-yevmi’s-sâlis ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 74: Varda Lazistan Sancağı’nın merkezi olan Rize kazası nevâhîsinden Kura-i Seba nahiyesinin Varda karyesi ahalisinden olub ceridede ? yirmisekizinci alayının alay müftüsü iken sancağ-ı mezkûr hastahanesinde vefat eden Alemdarzâde Recep Hilmi Efendi ibn Mehmed Efendi’nin verâseti zevce-i menkuhe-i metrukeleri Fatıma bint Yusuf Efendi ve Zehra bint Ahmed ve mezbûr Fatıma’dan mütevellid oğulları Şaban ve Ramazan ve Muharrem ve sulbîye-i sağire kızı mezbûre Zehra mütevellide Fatıma’ya munhasıra olduğu bi’l-ihbar lede’ş-şer’il enver zâhir ve nümâyân olduğundan müteveffa-yi muma ileyh Recep Hilmi Efendi’nin cedide sancağı kumandanlığı tarafından cedide pusulası teslimen Lazistan Mutasarrıflığı’na irsal kılınıb lede’l-havale Eytâm müdüriyeti tarafından ? akçenin beyne’l verese suret-i tevzi ve taksimini mübeyyin defter-i kassamdır fi’l-yevmi’s-sani min şehr-i Rebii’l-ahir li sene ihdâ selâsîne ve selâsemie ve elf. yekunu____________________________________________________14478-4 resmi kısmet________________________________________________612-50 kaydıyye___________________________________________________7-20 pul________________________________________________________15-20 varak biha__________________________________________________9 sahhu’l baki li’t taksim beynel verese_____________________________23767-24 ____________________________________________________________710-20 hisse-i zevce-i mezbûre Fatıma bint Yusuf_________________________1485-19 hisse-i diğer zevce-i mezbûre Zehra bint Ahmed____________________1485-19 hisse-i sağir ibnu’l-mezbûr Şaban_________________________________5941-36 hisse-i sağir-i mezbûr Ramazan__________________________________5941-36 hisse-i mezbûr Muharrem_______________________________________5941-36 hisse-i sağire-i mezbûre Fatıma___________________________________2970-28 Vechi meşru üzere müteveffa-yi muma ileyh Recep Hilmi Efendi’nin ğayr-ı ez masraf terekesini malından zevce-i mezbûre Fatıma bint Yusuf Efendi’nin hisse-i irsîyesi olan bindörtyüzseksenbeş kuruş ondokuz parayı işbu binüçyüzotuzbir sene-i hicrisi Rebiu’l ahirinin dördüncü günü tarihiyle müerreh ve Kura-i Seba Naib’i Osman Sabri Efendi’nin imza ve hatmini hâvî vekâlet hücceti mucebince ahz u kabza vekîli bulunan erkarındaşı Hafız Osman Efendi ibn Hacı Yusuf Efendi’ye diğer zevce-i mezbûre zatı muarrefe Zehra bint Ahmed’in vasi-i hisse-i irsîyesi olan ber vechi bala bindörtyüzseksenbeş kuruş ondokuz para kezalik mezbûre Zehra yedine ba ilmuhaber ve i’tâ ve teslim olunub her biri ahz u kabz ve istifa-i hak eyledikleri bi’t-tav’ ve’r-rıza karar ve itiraf eyledikleri ve siğar-ı mezbûrundan Şaban ve Ramazan ve Muharrem ve Fatıma’nın min haysu’l mecmu hisse-i irsîyeleri olan yirmibinyediyüzdoksanaltı kuruş yirmialtı para dahi li ecli’l edane Eytâm müdürü Hafız Harun Efendi’ye teslim olunduğu müdir-i muma ileyhin tasdikine mukarin mahkeme-i şer’iye baş kâtibi Osman Zeki Efendi’ye inhasıyla ma vekaa bi’t-taleb ketb olundu. Fi’l-yevmi tarih-i mezbûr. Mukabele olunmuştur. Baş kâtib, nâib. Aded 75: Hamrik Lazistan Sancağı’nın merkezi olan Rize kasabası mahallâtından Hamrik mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Hotanınoğlu kerimesi Asiye bint Kamil meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Kanboz karyesinden Taşcıoğlu Sabit bin Mustafa bundan akdem beni bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevcim gaib-i mezbûr Sabit üzerine kadr-i marûf meblağı farz u takdir olunmak matlubumdur dedikte hakikat-ı hal mezbûre Asiye’nin takrir-i meşruhi üzere olduğu karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mezbûre bade’t-tahlîf mucebince nafaka ve kisve bahâ vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci gaib-i mezbûr Sabit üzerine rucua mezbûre Asiye’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sâlis min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Hotanınoğlu İlyas bin Memiş, Karacaoğlu Ahmed bin Ömer. Aded 76: Hamza Lazistan Sancağı’nın merkezi olan Rize kazası nevâhîsinden Kura-i Seba nahiyesinin Hamza karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Ekşioğlu kerimesi ve Hacı Osmanoğlu İbrahim’in zevcesi Ümmü Gülsüm bint Reşid ile mezbûre Ümmü Gülsüm’ün sadriy kebir oğlu İslâm bin İbrahim meclis-i şer’-i şerif-i enverde her biri takrir-i kelâm ve tabir-i ani’l-merâm idub karye-i mezbûreden Ekşioğlu Mehmed bin Hurşid’in madde-i katlden dolayı aleyhimize isnad olunan katl ve muşevvik davalarından dolayı icab edenlerle aid olduğu mehâkim-i cezaiyenin istintak ve ceza kısımlarında salahiyet-i meşrua ve kanuniye dairesinde takib-i davaya ve ikame ve irade-i şuhûd ve teblîğ ve tebellüğa ve imzasıyla istid’â ve lâyıha tanzîm ve takdîmine ve’l-hâsıl hukuk-i şahsiyye ve kanuniyemizi muhafaza ve müdafaya ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl ve naib-i menab nasb u tayin eyledik dedikte ma vekaa bi’t-taleb ketb olundu. Fi’l-yevmi’r-râbi ve’l-ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. İslâmoğlu Sefer bin İbrahim, Hacı İbrahimoğlu Ömer bin İbrahim. Aded 77: Hamrik Lazistan Sancağı’nın merkezi olan Rize kasabası mahallâtından Hamrik mahallesinden Cemadanoğulları Arif ve Mustafa benan-i Salih meclis-i şer’-i şerif-i enverde her biri takrir-i kelâm ve tabir-i ani’l-merâm idub Müftü mahallesinde mukim Küçük Alioğlu Süleyman ile zımem-i nasda olan her hakkımızı icab edenlerden taleb ve dava ve ahz u kabz ile bi’l-cümle makbuzatını bize i’tâ ve teslime ve aleyhimize ikame eden ve edilecek olan her nevi deâvîden dolayı lazım gelenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâya hacz vaz’ u fekkine tefrik u taksime ve isbat-ı verâset iddiasına ve’l-hâsıl leh ve aleyhimde tahaddüs eden ve idecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i amme-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi kabulune mevkûfe vekîl naib-i menab nasb u tayin eyledik dedikte ma vekaa bi’t-taleb ketb olundu. Fi’l-yevmi’s-sâlis min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Hacı Genç Ağazâde Hakkı Efendi. Aded 78: Ğotoz Ğotoz karyesinden olub silah altında iken vefat eden Ofluoğlu Osman bin Hurşid’in verâsetinin subutuna dair tanzîm olunan ilamdır Müteveffa-yi mezbûr Osman’ın verâseti zevce-i menkuhe-i metrukesi Fatıma bint Mustafa ile anası Nebfeşe(?) bint Şakir ve babası Hurşid bin Osman ve verâseti olmayan li ebeveyn erkarındaşı Edhem ve li ebevyn kız karındaşı Şaziye’ye munhasıra ve badehu zevce-i mezbûre Fatıma vefat idub verâseti zevce-i mezbûr Edhem bin Hurşid ile anası Hediye bint Ali ve sulbî sağiroğulları Ali Osman ile Mustafa dahi yekdiğeri muteakıben vefat etmeleriyle verâsetleri analarının anası mezbûre Hediye ile babaları mezbûr Edhem’e munhasıra olduğu mahzar-ı hasım-ı cahidde bi’l-muvacehe ber nehc-i şer’i isbat olunduğuna binaen müteveffa-yi mezbûrun bi’l-cümle terekesi bi’l-münasahati’ş-şer’iye yediyüzyirmi sehmden dörtyüzyirmi sehmi ebu’l mezbûr Hurşid’e ve yüzyirmi sehmi ümmü’l mezbûr Nebfeşe’ye ve yirmibir sehmi bintu’l-mezbûre Şaziye’ye ve yüzonbeş sehmi mezbûr Edhem’e ve kırkdört sehmi mezbûre Hediye’ye ale’l usul i’tâ olunmuş iktiza eder ol babda fi’l-yevmi’r-râbi ve’l-ışrin min Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 79: Yeniköy Lazistan Sancağı’nın merkezi olan Rize kasabası mahallâtından Yeniköy mahallesinden Trabzonluoğlu Hasan Efendi ibn Salih Efendi meclis-i şer’-i şerif-i enverde pederi muma ileyh Salih Efendi mahzarında takrir-i kelâm ve tabir-i ani’l-merâm idub her hakkımı icab edenlerden taleb ve dava ile aleyhimde her nevi dava ikame edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis ve itirazu’l-ğayr-i tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâya hacz vaz’ u fekkine ve tefrik u taksime isbat-ı verâset iddiasına ve lede’l-hâce sulh ve ibraya ve ber vech-i muharrer ahari tevkil ve azle ve’l-hâsıl leh ve aleyhimde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i mutlaka-i amme-i sahiha-i şer’iye ile pederim muma ileyh Salih Efendi’yi vekîl naib-i menab nasb u tayin eyledik dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis ve’l-ışrin min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Kavrakzâde Hacı İbrahim Efendi. Aded 80: Peşeyan Lazistan Sancağı’nın merkezi olan Rize kasabası mahallâtından Peşeyan mahallesinden Kazancızâde Hacı Mustafa Efendi ibn İbrahim Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Vilku karyesinden Bekiroğlu müteveffa Ali eytâmı İbrahim ve İsmail’in mallarından lira-i Osmanî yüz kuruş hesabıyla üçyüzseksenyedi kuruş yirmi para ve Rize kasabasında kâin Orta Cami-i şerif tahtında vâki cami-i şerif-i mezkûrun tefriş ve tamir ve termimine meşruta dört bab dükkanın icarat-ı vakfiyelerinden kezalik lira-i Osmanî yüz kuruş hesabıyla binoniki kuruş yirmi para ki ceman medyun-i muma ileyh yedinden istidane ve kabz ile umuruma sarf ve istihlâk eylediğim bindörtyüz kuruş ile semeni işbu tarihten bir sene-i kamile olmak üzere yine eytâm-ı mezbûrun mallarından ve müdir-i muma ileyhden iştira eylediğim bir cild Ali Efendi fetvası semeninden ikiyüzelliiki kuruş ki ceman binaltıyüzelliiki kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Kale mahallesinden Bostancaloğlu Hacı Mehmed Efendi ibn Ahmed ile Emineddin mahallesinden Kumbasaroğlu Mehmed Efendi ibn Mesud Efendi ve Kalohten mahallesinden Hacı Alioğlu İlyas bin Hasan meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Hacı Mustafa Efendi’nin ceman zimmetinde edası vacib olan binaltıyüzelliiki kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zımmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sadis ve’l-ışrin min Saferi’l-hayr li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Akıncızâde Mustafa Efendi, Boşnakoğlu Tevfik. Aded 81: Hamrik Zikr-i âtî hususun mahallinde ketb u tahrir içun canib-i şeriat-i ğarradan mezunen ba hükm irsal olunan mahkeme-i şer’iye ikinci kâtibi Hafız Rahmi Efendi ibn Hafız Mahmud Efendi Lazistan Sancağı’nın merkezi olan Rize kasabası mahallâtından Hamrik mahallesinden Yan Beyoğlu müteveffa Abdulhamid Ağa’nın menziline varıb menzil-i mezkûrda müslimin huzurlarında akd-i meclis-i şer’i-alî ettikde menzil-i mezkûrda sakine zatı zeyl-i vesikada muharreru’l-esâmî müslimîn tarifleriyle muarrefe olan Yan Beyoğlu kerimeleri Cemile ? Ahmed Ağa meclis-i makud-i mezkûrde li eb erkarındaşı ? Abdulhamid Ağa mahzarında her biri takrir-i kelâm ve tabir-i ani’l-merâm idub murisimiz babamız müteveffa-yi mezbûr Abdulhamid Ağa’nın Tuzcuzâde Sadık Efendi ile beyinlerinde mütehaddis arazi davası neticesinde pederimiz muma ileyhin mesarif-i muhâkeme olarak sarf idub muma ileyh Sadık Efendi’den tahsil-i lazım gelen mebaliğ ve mesarifat-i muhakemeden hisse-i irsîyemizi muma ileyh Sadık Efendi’nin kefili olan Kürdo(?)oğlu Pancu bin Babudan taleb ve davaya ve icabında devâir-i mehâkim-i iadesinde muhâkeme ve muhâsama ve mucâvebeye ve ahz u kabz ile makbuzatını bize i’tâ ve teslime ve taleb-i icrâ ve hacz vaz’ u fekkine ve’l-hâsıl hukuk-i şahsiyye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile erkarındaşımız muma ileyh Hüseyin Ağa’yı vekîl ve naib-i menab nasb u tayin eyledik dediklerinde ol dahi ber vechi muharer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam eyledi dediklerini kâtib-i muma ileyh mahallinde ketb u tahrir ve mea meb’us umena-i şeri’le meclis-i şer’iye gelib ala vukuihi inha ve takrir itmegin ma vekaa bi’t-taleb ketb olundu. Fi’l-yevmi’l-hamise aşer min Saferi’l-hayr li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Gürcîoğlu İsmail Efendi ibn İzzet, Ekşioğlu Mustafa bin Sefer. Aded 82: Şatroz Lazistan Sancağı’nın merkezi olan Rize kazası kurâsından Şatroz karyesi ahalisinden Sakrıklıoğlu Bilal bin Hüseyin meclis-i şer’-i şerif-i enverde dava vekîllerinden Arif Efendi ibn Tevfik Efendi mahzarında takrir-i kelâm ve tabir-i ani’l-merâm idub Filarğanoz karyesinden Sarı Hasanoğlu Hasan bin Ahmed ile beynimizde mütehaddis alacak ve arazi ve tecavüz-i hudud davalarından dolayı mezbûr Hasan ile vesairleri tarafından aleyhime ikame olunacak her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime velede’l-hâce isbat-ı verâset iddiasına ve sulh ve ibraya ve’l-hâsıl leh ve aleyhimde tahaddüs eden ve edecek olan her nevi dava ve münazaatda salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Arif Efendi’yi vekîl ve naib-i menab nasb u tayin eyledim dedikte ol dahi ber vechi muharer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi ve’l-ışrin min Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Mübaşir Faik Efendi. Aded 83: Gürgen Lazistan Sancağı’nın merkezi olan Rize kazası kurâsından Gürgen karyesi ahalisinden iken bundan üç sene mukaddem vefat eden Peçeoğlu Receb bin Kamil’in sulbî sağir oğulları Mehmed ve Ömer ile sulbîye-i sağire kızı Hatice’nin pederleri müteveffa-yi mezbûrdan mevrus mallarını ve umurlarını tesviye ve ru’yete bir vasi nasbı ehem ve elzem olmağın emanet ile marûfe ve istikamet ile mevsûfe olub her vecihle vesâyet uhdesinden gelmeğe kadire idugi karye-i merkume imam ve muhtar ve heyet-i ihtiyariyesinden mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enver zâhir ve nümâyân olan işbu baisetu’l-vesika marifetu’z-zat valideleri Peçeoğlu kerimesi Şişe bint Hüseyin siğar-ı mezbûrunun pederleri müteveffa-yi mezbûrdan mevrus mallarını hıfz ve vakt-i rüşd-i sedadlarına değin umurlarını tesviye ve ru’yete kıbel-i şer’iden vasi nasb u tayin olundukta ol dahi ber vech-i muharrer vesâyet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Kolivoğlu Hafız Şaban bin Ömer, Peçeoğlu Sefer bin Mehmed. Aded 84: Liparit Lazistan Sancağı’nın merkezi olan Rize kazası kurâsından Liparit karyesinden Hacı Efendioğlu Dursun bin Salih meclis-i şer’-i şerif-i enverde takrir-i kelâm ve tabir-i ani’l-merâm idub leh ve aleyhimde tahaddüs eden ve edecek olan her nevi deâvîden dolayı icab edenlerle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve benim her hakkımı icab edenlerden taleb ve dava ve ahz u kabz ile bana i’tâ ve teslime ve mabuzatını bana i’tâya ve’l-hâsıl her türlü hukuk-i şahsiyye ve kanuniyemi salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile dava vekîllerinden Abdulhamid Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hadi aşer min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır Sadık Efendi, Hantalzâde İsmail Efendi. Aded 85: Muskas Lazistan Sancağı’nın merkezi olan Rize kazası kurâsından Muskas karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Veziroğlu kerimesi Name bint İbrahim meclis-i şer’-i şerif-i enverde takrir-i kelâm ve tabir-i ani’l-merâm idub halen zevc-i dahilim olan Ruspa Yalı karyesinden Sarı Ahmedoğlu Ömer bin Mehmed bundan akdem benimle firaşından hasıla ve benden mütevellide ve halen bi hakki’l-hidâne hacr ve terbiyemde olan sulbîye-i sağire kızı kızım Hacere’yi bila nafaka vela munfek-i şer’i terk idub müddet-i sefer-i baid olan Rusya memalikine gittikten sonra cins-i nafakadan bir nesne irsal etmediği gibi kimesne tarafından dahi havale eylemediğinden zevc-i gaib-i mezbûr üzerine kadr-i marûf meblağ farz u takdir olunmak matlubumdur dedikte hakikat-i hal mezbûrenin takrir-i meşruhi üzere olduğu karye-i merkume imam ve muhtar ve heyet-i ihtiyariyesi tarafından mevrud ilmuhaberden müstebân ve Zikr-i âtî meblağ dahi kadr-i marûf idugi müslimin-i mezbûrdan ihbarlarıyla lede’ş-şer’il enver zâhir ve nümâyân olmağın mezbûre bade’t-tahlîf mucebince nafaka ve kisve bahâ vesair levazım-ı zaruriyeleri içun gaib-i mezbûr Ömer üzerine işbu tarihten itibaren sağire-i mezbûre içun otuz ve mezbûre Name içun kırkbeş kuruş ki her ikisine beher şehrî ceman yetmişbeş kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyelerine harc u sarfa ve lede’l-hâce istidaneye ve inde’z-zafer zevci gaib-i mezbûr Ömer üzerine rucua mezbûre Name’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sabi min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Veziroğlu Ömer bin Osman, Veziroğlu Harun bin Mehmed. Aded 86: Aron Lazistan Sancağı’nın merkezi olan Rize kazası kurâsından Aron karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Koyuncuoğlu kerimesi Şişe bint Mustafa meclis-i şer’-i şerif-i enverde Sirahoz mahallesinden Kukoğlu Eyüp bin Hasan mahzarında üzerine dava ve takrir-i kelâm idub bin kuruş mehr-i müeccel tesmiyesiyle mezbûr Eyüb’ün zevce-i menkuhe-i medhul-i bihâsı iken altı aydan beri beni mesken-i şer’îye tedarikiyle infak ve iksâ etmemekte olduğundan mesken-i şer’î tedarikiyle beni infak ve iksâ edinceye kadar üzerine kadr-i marûf meblağ farz u takdir olunmak matlubumdur deyu dava ve lede’s-sual ol dahi cevabında müddeiye-i mezbûre ber vech-i muharrer zevce-i menkuhe-i medhul-i bihâsı olduğunu ikrar ancak mevcud olan meskenine gelub itaat ve inkıyadını taleb etmesi üzerine mezbûr Eyüp mesken-i şer’îsini irae ? müddeiye-i mezbûrenin nafaka ve kisve bahâ vesair levazım-ı zaruriyesi içun terazî-i tarafeynle işbu tarihten itibaren beher şehrî altmış kuruş farz u takdir olunub meblağ-ı mefruz-i mezkûri nafaka ve kisve vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevci mezbûr Eyüp üzerine rucua mezbûre Şişe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’l-hamis min Muharremi’l-haram li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Koyuncuoğlu Mehmed bin Mustafa, Koyuncuoğlu Ahmed bin Mustafa. Aded 87: Hamrik Lazistan Sancağı’nın merkezi olan Rize kasabası mahallâtından Hamrik mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Hotanınoğlu kerimesi Keziban bint Kamil meclis-i şer’i enverde Ayancanoz karyesinden Araboğlu Mustafa bin Hasan mahzarında üzerine dava ve takrir-i kelâm mezbûr Mustafa’nın zevce-i menkuhe-i medhul-i bihâsı iken bir talak-ı bayin ile beni tatlik etmekle zimmetinde mutakarrer ve makud aleyh mehr-i müeccel hakkım olan üçyüz ve nafaka-i iddetim içun dahi yüzseksen ki lira-i Osmanî yüz kuruş hesabıyla ceman dörtyüz seksen kuruş bana i’tâ ve teslim ve ben dahi ahz u kabz ve teslim ve her birimiz aharın zimmetini ibra ve ıskat idub ancak firaşından hasıl ve benden mütevellid halen bi hakki’l-hidâne hacr ve terbiyemde olan sulbî sağir oğlu Seyfullah içun babası mezbûr Mustafa üzerine kadr-i marûf nafaka farz u takdir olunmak matlubumdur dedikte ol dahi cevabında müddeiye-i mezbûrenin ber vech-i muharrer müddeasını tamamen ikrar lakin ben sağir-i mezbûr içun yevmiye yirmi pareden ziyade nafaka itasına kudretim yoktur dedikte hakikat-i hal mezbûrenin takrir-i meşruhi üzere olduğu ve Zikr-i âtî meblağ dahi kadr-i marûf idugi müslimin-i mezbûrdan ihbarlarıyla lede’ş-şer’il enver zâhir ve nümâyân olmağın mucebince sağir-i mezbûr Seyfullah’ın nafaka ve kisve bahâ vesair levazım-ı zaruriyesi içun babası mezbûr Mustafa üzerine işbu tarihten vesikadan itibaren beher şehrî altmış kuruş farz u takdir olunub meblağ-ı mefruz-i mezkûri sağir-i mezbûrun nafaka ve kisve vesair levazım zaruriyesine harc u sarfa ve lede’l-hâce istidaneye ve inde’z-zafer babası mezbûr Mustafa üzerine rucua mezbûre Keziban’a izin verilmegin ma vekaa bi’t-taleb ketb olundu. Fi selh min şehr-i Rebii’l-ahir li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Kopuzoğlu Kaşif bin Halid, Araboğlu Ali bin Hüseyin. Aded 88: Ğotoz Lazistan Sancağı’nın merkezi olan Rize kazası kurâsından Ğotoz karyesi ahalisinden Ofluoğlu Memiş bin Mustafa meclis-i şer’i münîrde zikr-i canibi menzile müstakıllen vaz’ı yedi bi’l beyyineti’ş şer’iye sabit olan karye-i merkume ahalisinden Ofluoğlu Tevfik bin Mustafa muvacehesinde karye-i mezbûr ede kâin iki tarafı tarik-i âm ve bir tarafı bab hanem ve taraf-ı rabii müddeâ aleyh mezbûr Tevfik ile karındaşı Hamza ve kız karındaşı Rukiye arazileriyle mahdud tehtani bir ahır ve fevkani üç oda ve müştemilat-ı saireyi hâvî ikibin kuruş kıymetli bir bab mülk-i menzili işbu tarihi ilamdan yirmi sene evvel Molla Ahmedoğlu Yahya’dan iştira ve teslim idub menzil-i mezkûr ol vechile şiraen malım ve mülküm olub lakin müddeâ aleyh mezbûr Tevfik hafidim olmak ve hanesi bulunmamak hasebiyle şimdiye kadar izin ve icazetimle mezkûr hanede sakin olmakta iken el yevm menzil-i mezkûre bi ğayr-i hak mudahale müstakilen vaz’-ı yed ider olmağla menzil-i mezkûrdan keff-i yed ve tahliye ve mahallinde vechi layıkıyla menzil-i mezkûri bana teslime mezbûr Tevfik’e tenbih olunmak matlubumdur deyu dava ve lede’s-sual ol dahi cevabında el yevm vaz’-ı yedimde olan mezkûr menzili babam müteveffa Mustafa hayatında ol tarihte mezbûr Yahya’dan müstakilen nefsi içun iştira ve tesellüm edildikten sonra vefat etmekle verâseti zevce-i menkuhesi Şehid İsmail ve sulbî kebir oğulları benimle Hamza ve sulbîye-i kebire kızı Zekiye’ye munhasıra olub ol vechile menzil-i mezkûr irsen malımızdır deyu iddia vahidihuma aharın müddeâlarını inkar etmeleriyle şahs-ı vahidden telakki emlak hususunda zilyed beyyinesi evla olduğuna binaen zilyed olan müddeâ aleyh mezbûr Tevfik’den beyyine taleb olundukta asla şahidim yoktur deyu isbat-ı müddeâdan izhar ve hacz eylediği cihetle mercuh taraf olan müddeî mezbûr Memiş ber vech-i muharrer müddeâsını Ğotoz karyesinden Ofluoğlu İsmail bin Ömer ile yine karyeden Ofluoğlu Hurşid bin Osman’ın tafsil-i mezkûr üzere bi’l-muvacehe ber nehc-i şer’i şahadetleriyle bade’l isbat şahidan-i mezbûran vazıu’l-yed hakkında şahadet etmeleriyle ol vakt sirren ve alenen tezkiyeleri lede’l icrâ adl ve makbulu’ş-şehade oldukları tebyin eylediğine ve altı ay murur etmediği cihetle tekrar tezkiyelerine luzumi şer’i olmadığına binaen mucebince müddeâya menzilden kefilen ve menzil-i mezkûri vechi layıkıyla mahallinde müddeî mezbûr Memiş’e teslime müddeâ aleyh mezbûr Tevfik’e tenbih olunduğunu tescîl ve i’lâm olundu. Fi’l-yevmi’s-samin min şehr-i Rebii’l-ahir li sene ihdâ selâsîne ve selâsemie ve elf. Mukabele olmuştur.

Devamı bir sonraki Makalededir .