meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani min Cemaziye’l-ahir li sene selâsîne ve selasemie ve elf. Mukabele olunmuştur. Baş kâtib, nâib. Mübaşir İbrahim Efendi, Tatzâde Osman Efendi. Aded 23: Polihoz Lazistan Sancağı’nın merkezi olan Rize kazası kurâsından Polihoz karyesinden vâki medrese ve cami-i şerifin nukûd-i mevkûfesini irbah ve istirbaha kıbel-i şer’iden mensub mütevellisi bulunan Mirzaalioğlu Ahmed bin Mahmud’un vukuu istifasına mebni hizmet-i lazımesi mutal kaldığından cami-i şerif-i mezkûrun inde’l-hisab nukûd-i mevkûfesi olan altıbinüçyüzdoksanyedi kuruş ve medresenin üçbindokuzyüzyirmiüç buçuk kuruş ki camii ve medrese-i mezkûrenin ceman

onbinüçyüz buçuk kuruş nukûd-i mevkûfelerini irbah ve istirbah ve umur-i saire-i lazımelerini ru’yet ve tesviyeye diğer mütevelli nasbı ehem ve elzem olmağın emanet ile marûf ve istikamet ile mevsûf olub her vecihle vesâyet uhdesinden gelmeğe kadir idugi karye-i merkume imam ve muhtar ve ihtiyar azaları tarafından mevrud ilmuhaberden müstebân ve zeyl-i vesikada muharreru’l-esâmî müslimîn ihbarlarıyla lede’ş-şer’il enverde zâhir ve nümâyân olan işbu baisetu’l-vesika Kundakçıoğlu Cafer bin [bin] Mahmud medrese ve cami-i şerif-i mezkûrun nukûd-i mevkûfesi olan ber vechi bala mebali-i irbah ve istirbah ve umur-i saire-i lazımesini ru’yet ve tesviyeye kıbel-i şer’iden ? ber vech-i muharrer tevliyet ve nezaret-i mezkûreleri kabul ve hizmet-i lazımelerini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi ve’l-ışrin min Muharremi’l-haram li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Mustafa Başoğlu Mehmed bin Hasan, Delioğlu Maksud bin Hasan, Kundakçıoğlu Sabit bin Yunus, Gürcî Ahmedoğlu Tabib Efendi ibn Osman, Mustafa Başoğlu Ahmed bin Hüseyin. Aded 24: Piri Çelebi mahallesi Lazistan Sancağı’nın merkezi olan Rize kazası mahallâtından Piri Çelebi mahallesinden iken bundan bir ay mukaddem Dersaadet’te vefat eden Kalfaoğlu Ruşen Kaptan ibn Mustafa bin Hüseyin’in ber vechi varisi olduğunu iddia eden li ebeveyn erkarındaşı Hüseyin Kaptan meclis-i şer’i münîrde müteveffa-yi mezbûrun medyuni Ali Efendi ibn Yunus muvacehesinde üzerine dava ve takrir-i kelâm idub müteveffa Ruşen Kaptan ile li ebeveyn erkarındaşlar olub babamızın ismi ve dedemizin ismi Hüseyin ve validemizin ismi Hafize bint Ömer meskat-i ra’simiz mezkûr Piri Çelebi mahallesi olub ol vechile müteveffa-yi mezbûrun verâseti benimle li ebeveyn diğer erkarındaşımız Edhem Kaptan’a munhasıra olub başka varisi ve terekesine mustahik-i ahari olmamağla erkarındaşım müteveffa-yi mezbûr Ruşen Kaptan’ın hayatında mezbûr Ali Efendi zimmetinde cihet-i karzdan alacak hakkı olan on kuruş kable’l-ahz ve’l-istifa vefat etmekle meblağ-ı mezkûrdan hisse-i irsîyeme isabet eden beş kuruşu bana eda ve îfâya mezbûr Ali Efendi’ye tenbih olunmak matlubumdur deyu dava ve lede’s-sual mezbûr Ali Efendi dahi cevabında cihet-i merkûmeden müteveffa-yi mezbûr Ruşen Kaptan’a ol mikdar kuruş zimmetinde halen deyni olduğunu taven ikrar ve itiraf idub ancak müddeî mezbûr Hüseyin Kaptan’ın verâset-i mezbûre müddeâsını bade’l-inkar müddeî mezbûr Hüseyin Kaptan ber vech-i muharrer verâset müddeâsını evvelen ba veraka-i mesture mezkûr Piri Çelebi mahallesi imamı Süleyman Efendi ibn İsmail Efendi ve muhtar-ı evveli Hafız Hüseyin Efendi ibn Hurşid Efendi’den sirren ve badehu müterâfian hazır oldukları halde yine mahalle-i merkume ahalisinden Musaoğlu Ahmed Reis ibn Ömer ve Kolçakoğlu Remzi Efendi ibn Hüseyin’den alenen lede’t-tezkiye adl ve makbulu’ş-şehade idukleri işar ve ihbar olunan mezkûr Piri Çelebi mahallesinden Kolçakoğlu Ömer Kaptan ibn Osman ve Kürdoğlu Hacı Mehmed ibn Osman nâm kimesnelerin tafsil-i mezkûr üzere ber nehc-i şer’i isbat itmegin mucebince verâsetine bade’l-hükm müddeâ bih meblağdan hisse-i irsîyesine isabet eden beş kuruşu müddeî mezbûr Hüseyin Kaptan’a eda ve teslime mezbûr Ali Efendi’ye tenbih olunduğu tescîl ve i’lâm olundu. Fi’l-yevmi’l-hâdi aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 25: Romanoz Lazistan Sancağı’nın merkezi olan Rize kasabası mahallâtından Romanoz mahallesinden ve teba-i devlet-i aliyyenin rum milletinden ve manifatura tüccarından Baltaoğlu Kasti bin Dimitri meclis-i şer’-i şerif-i enverde takrir-i kelâm ve tabir-i ani’l-merâm idub Dersaadet’te Meydancık’ta manifatura tüccarından Edhem Derviş Efendi tarafından aleyhime ikame olunan alacak davasından dolayı ? Edhem Derviş Efendi ile aid olduğu mehâkim-i hukukiye ve nizamiye ve ticariyenin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve ru’yet-i muhasebeye ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Dersaadet’te Bayezid’de Okçular’da mukim dava vekîllerinden Mehmed Tevfik Efendi ibn Abdulkerim’i kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadise aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Akıncızâde Arif Efendi Aded 26: Emineddin Lazistan Sancağı’nın merkezi olan Rize kasabası mahallâtından Emineddin mahallesinden Tuzcuzâde Nazım Efendi ibn Mustafa Ağa meclis-i şer’-i şerif-i enverde Eytâm müdürü Hafız Harun Efendi mahzarında Kavalzâde müteveffa Hacı Salih eytâmı Osman ve İbrahim ve Hacere’nin mallarından sîm mecîdi yirmi kuruş hesabıyla müdir-i muma ileyh yedinden ahz u kabz ile umuruma sarfla istihlâk eylediğim binsekizyüz kuruş ile semeni işbu tarihten iki sene-i kamile müeccel olmak üzere eytâm-ı mezbûrenin mallarından ve kezalik müdir-i muma ileyhden iştira eylediğim bir cild Ali Efendi fetvası semeninden üçyüzyirmidört kuruş ki ceman ikibinyüzyirmidört kuruş zimmetimde edası vacib ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Tüfenkçizâde Osman Efendi ibn Memiş Ağa ile Piri Çelebi mahallesinden Tuzcuzâde Süleyman Efendi ibn İsmail Ağa ve Tuzcuzâde Hafız Hüseyin Efendi ibn ? makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Nazım Efendi’nin ceman zimmetinde edası vacib olan ikibinyüzyirmidört kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sâlis ve’l-ışrin min Recebi’l-ferd li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Tatzâde Hacı Eşref Efendi. Aded 27: Sahor Lazistan Sancağı’nın merkezi olan Rize kazası kurâsından Sahor karyesi sakinelerinden marifetu’z-zat Alemdaroğlu kerimesi Hacer bint Şaban meclis-i şer’i münîrde karye-i mezkûrden Alemdaroğlu Mehmed’in hazır bi’l-meclis oniki yaşında sulbî sağir oğlu Mustafa’nın vasi-i muhtarı ve mensubi olmadığı cihetle nikâhta veli-i ekrabi olan validesi kezalik marifetu’z-zat Mizelioğlu kerimesi Ayşe bint Yusuf sağir-i mezbûre li ecli’l-husume vasi nasb u tayin olunub husumeti re’y olunduktan sonra mezbûre Ayşe muvacehesinde ben el-yevm onaltı yaşımı ikmal idub her ne kadar bundan bir sene evvel sinnen onbeş yaşımı ikmal ile akile ve baliğa oldumsa da işbu tarih-i ilamdan bir ay evvel ru’yet-i dem-i hayz ile akile ve baliğa olmamla nikâhta veli-i ekrabim olan gaibetun ani’l-meclis validem Zeliha bint Ali beni hal-i sağirimde bi’l-velâye sağir-i mezbûr Mustafa’ya mahzar-ı şuhudda tezvic ve tenkih ve sağir-i mezbûre nikâhında veli-i ekrabi validesi mezbûre Ayşe dahi bi’l-velâye tezvic ve tenkih ve kabul ve ol vechile sağir-i mezbûr Mustafa’nın ber vech-i muharrer zevcesi olub her ne kadar bir sene evvel sene-i büluğumda akd-i mezkûrden i’râz ve işhad etmemiş isem de mucerred bir ay evvel akile ve baliğa olduğumda akd-i mezkûrdan işhad eylediğime binaen akd-i mezkûrun feshi muradımızdır deyu mezbûre Hacer’in takrir-i meşruhi üzere tasdik olunduğu dava-i mezkûresi meşrua ve iltifata şayan olmadığı kendisine bade’t-tefhim mucebince dava-i mezkûresi ile sağir-i mezbûr zevci Mustafa’ya izafetle ve veli ve vasi-i mezbûre Ayşe’ye bî-vechi şer’i muarededen men olunduğu tescîl ve i’lâm olundu. Fi’l-yevmi’s-samin min Recebi’l-ferd li sene selâsîne ve selasemie ve elf. Mukabele olunmuştur. Baş kâtib, nâib. Aded 28: Salarha-Harvel Lazistan Sancağı’nın merkezi olan Rize kazası kurâsından Salarha Harvel karyesinden Hacıoğulları Osman bin Mustafa ile İlyas bin Abdullah ve Ahmed bin Ali ve Akmehmedoğlu Mustafa bin Mehmed ve Tarakçıoğlu Hasan bin Osman ve Salarha İveroz ? oğlu Yakub bin Ahmed ve Harvel karyesinden zatı zeyl-i vesikada muharreru’l-esâmî müslimîn tarifleriyle muarrefe olan Hacıoğlu kerimesi Nazife bint Ali ile kezalik zatı muarrefe Bıyıkoğlu kerimesi Ayşe bint Ahmed ve mezkûr Harvel karyesinden Hacıoğlu kerimesi müteveffa Zekiye’nin sadriyye-i sağir oğlu Hasan ile sadriyye-i sağire kızı Fatıma’nın tesviye-i umurlarına kıbel-i şer’iden mensub vasîleri li ebeveyn amcaları Akmehmedoğlu Hasan bin Hüseyin meclis-i şer’-i şerif-i enverde dava vekîllerinden Abdulhamid Efendi ibn Abdulkerim Efendi mahzarında her biri bi’l-âsale ve bi’l-verâse ve bi’l-vesâye takrir-i kelâm ve tabir-i ani’l-meram idub mezkûr Harvel karyesinde vâki malûm ve müteârefu’l-hudud bir kıta araziden her birimizin hisse-i irsîyemize müdahale eden karyeden Hacıoğulları Hasan bin Mahmud ve Mehmed bin Hüseyin ve rufeka-i sairesiyle aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ ve fekkine ve tefrik u taksime ve lede’l-hâce isbat-ı verâset iddiasına ve’l-hâsıl hukuk-i şahsiye ve kanuniyemizi muhafaza ve müdafaya ve mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Abdulhamid’i bi’l-âsale ve bi’l-verâse ve bi’l-vesâye vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımelerini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’r-râbi min Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Tüylüoğlu Mehmed Ali bin Mustafa, Köseoğlu Mustafa bin Şerif. Aded 29: Hanzi Lazistan Sancağı’nın merkezi olan Rize kazası kurâsından Hanzi karyesinden Memişoğlu Süleyman bin Ömer meclis-i şer’-i şerif-i enverde dava vekîllerinden Abdulvahid Efendi ibn Abdulhalim Efendi mahzarında takrir-i kelâm ve tabir-i ani’l-meram idub karyeden Memişoğlu müteveffa Ahmed’in zevcesi Kadın bint Kasım tarafından aleyhime ikame olunan tahrib-i tarik ve tecavüz-i hudud davasından dolayı mezbûr vesairleri ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirafen ve istinafen ve temyizen muhâkeme ve muhâsama ve mucâvebeye ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâya tefrik u taksime ve’l-hâsıl hukuk-i şahsiye ve kanuniyemi muhafaza ve müdafaya mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile muma ileyh Abdulvahid Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Saferi’l-hayr li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Rakıcızâde ? Efendi, Muhzır İbrahim Efendi Aded 30: Kamaşnoz Lazistan Sancağı’nın merkezi olan Rize kazası kurâsından Kamaşnoz mahallesinden Koçaranlıoğlu(?) Hacı Mustafa Kaptan ? şer’-i şerif-i enverde dava vekîllerinden Mustafa Efendi ibn İzzet Efendi mahzarında takrir-i kelâm ve tabir-i ani’l-meram idub Buberoğlu Hacı Memiş Efendi zimmetinde mebali-i malûme alacağımı taleb ve dava ile sair zımem-i nasda bi’l-cümle matlubatımı icab edenlerden ait olduğu mehâkimin her derecesinde müddeî ve müddeâ aleyh ve müşteki ve müştekâ aleyh ve şahs-ı sâlis sıfatlarıyla bidayeten ve iâdeten ve istinafen ve itirazen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve benim her hakkımı icab edenlerden taleb ve dava ve ahz u kabz ile makbuzatını bana i’tâ ve teslime ve isbat-ı verâset iddiasına ve sulh ve ibraya ve’l-hâsıl leh ve aleyhime tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımdan vekâlet-i âmme-i mutlaka-i sahiha-i şer’iye ile muma ileyh Mustafa Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l ışrin min Saferi’l-hayr ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır Sadık Efendi, Kakavanzâde Abdulvahid Efendi. Aded 31: Kale Lazistan Sancağı’nın merkezi olan Rize kazası mahallâtından Kale mahallesinden iken bundan yirmi beş sene akdem vefat eden Ayvazoğlu Osman bin Hacı Ahmed bin Abdullah’ın ber vechi atı bi tariki’l-münasaha varisi olduğu[nu] iddia eden Narmanlıoğlu Harun ile zatı hıyn-i tevkilde muarrefe olan Zakire ve Emine ve kezalik zatı muarrefe Dürriye bint Enes Efendi’nin zikri atı dava ve ahz u kabza vekîl-i müseccel-i şer’ileri Arif Efendi ibn Tevfik Efendi meclis-i şer’i münîrde müteveffa-yi mezbûrun medyuni Küçük Salihoğlu Abdulhamid Efendi ibn Abdulkerim muvacehesinde bi’l-vekâle üzerine dava ve takrir-i kelâm idub müteveffa-yi mezbûr Osman’ın verâseti zevce-i menkûhe-i metrukesi Nefise bint Yusuf ile sulbî kebir oğulları Ruşen ve Sadık ve sulbîye-i kebire kızları Haculi ve Esma ve Hicabeye munhasıra ve badehu kable’l-kısmet ibnu’l-mezbûr Sadık dahi vefat idub verâseti zevce-i menkûhe-i metrukesi müvekkilem mezbûre Dürriye bint Enes Efendi ile anası mezbûre Nefise bint mezbûr Yusuf ve sulbî kebir oğlu müvekkilim Harun ve sulbîye-i kebire kızları müvekkilelerim Zakire ve Emine’ye munhasıra ve badehu kable’l-kısmet mezbûre Nefise vefat idub verâseti sadriy kebir oğlu mezbûr Ruşen ile sadriyye-i kebir kızları mezbûrât Haculi ve Esma ve Hicabe’ye munhasıra ve ba’deha kable’l-kısmet mezbûre Haculi dahi vefat idub verâseti sadriy kebir oğlu Ömer ile sadriyye-i kebire kızı Zekiye’ye munhasıra ve tashih-i mesele mirasları bi’l-münasahati’ş-şer’iyye beşbinyediyüzaltmış sehmden olup siham-ı mezkûrdan yüzseksen sehmi mezbûre Dürriye bint Enes ve beşyüzon sehmi mezbûr Harun’a ve ikiyüzellibeşer sehmden ceman beşyüzon sehmi ? Zakire ve Emine’ye ve binsekizyüzyirmidört sehmi mezbûr Ruşen’e ve dokuzyüzonikişer sehmden ceman binsekizyüzyirmidört sehmi mezbûretan Esma ve Haculi ve altıyüzsekiz(?) sehmi mezbûr Ömer’e ve üçyüzdört sehmi mezbûre Zekiye’ye isabet idup başka varisi terekelerine mustahik-i ahar kimesneleri olmamağla müteveffa-yi ol mezbûr Osman’ın (Rıdvan) hayatında muma ileyh Abdulhamid Efendi zimmetinde cihet-i karzdan alacak hakkı olan yirmidört kuruş kable’l-ahz ve’l-istifa vefat etmekle meblağ-ı mezkûrdan müvekkil ve müvekkilelerimin hisse-i irsîyelerini bana teslime muma ileyh Abdulhamid Efendi’ye tenbih olunmak bi’l-vekâle matlubumdur deyu dava ve lede’s-sual ol dahi cevabında fi’l-hakika müteveffa-yi ol mezbûr Osman ol mikdar kuruş zimmetinde halen deyni olduğunu taven ikrar ve itiraf idub ancak müddeîler vekîli muma ileyhin ber vechi muharer verâset müddeâsı malûmum değildir deyu inkar itmekle müddeîler vekîli muma ileyh Arif Efendi ber vech-i muharrer verâset müddeâsını evvelen ba veraka-i mestura mensub oldukları Pendoz mahallesi muhtarı-ı evveli Sarıoğlu Receb bin Mustafa ve muhtar-ı sanisi Hacı Mustafa ibn Hasan ve Filyoz mahallesi imamı Telcioğlu Ahmed bin Aziz ve muhtar-ı evveli Salih’den sirren ve badehu muterafan hazır oldukları halde Satıroğlu Mehmed Efendi ibn Ahmed ile Yakuboğlu İsmail bin Osman’dan bi’l-muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan ve verese-i mezbûrunu arifan olan mezkûr Filyoz mahallesinden Narmanlıoğlu Ataullah bin Enes Efendi ile Pendoz mahallesinden Tatoğlu Rıdvan bin Hacı Osman nâm kimesnelerin tafsil-i mezkûr üzere bi’l-muvacehe ber nehc-i şer’i şahadetleri ile isbat itmegin mucebince verâsetlerine bade’l-hükm ve’t-tenbih salifu’z-zikr Abdulhamid Efendi’nin taht-ı ikrar ve itirafında olan meblağ-ı mezkûrdan hisse-i irsîyelerine isabet eden ceman beş kuruşu müvekkillerine izafetle vekîl-i muma ileyh Arif Efendi’ye eda ve teslime muma ileyh Abdulhamid Efendi’ye tenbih olunduğu tescîl ve i’lâm olundu. Fi’l-yevmi’s-samin ışrin Saferi’l-hayr li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 32: Zavendik Lazistan Sancağı’nın merkezi olan Rize kazası kurâsından Zavendik karyesinden olub sicil-i nüfusda üçyüzonaltı tevelludiyle mukayyed olan Çalıkoğlu Receb Efendi’nin sulbî mürâhik oğlu Hasan hazır olduğu halde babası mezbûr Receb Efendi ibn Memiş meclis-i şer’i münîrde karye-i merkûmeden zatı muarrefe Çalıkoğlu kerimesi Gülçehre bint Yakub kezalik hazıre olduğu halde Arğaloz karyesinden Gençoğlu Hasan bin Memiş muvacehesinde mezbûre Gülçehre üç yaşında sağire olduğu halde üçyüzonaltı senesi teşrîn-i evvelinde velisi olub ol vakit hayatta bulunan babası mezbûr Yakub kızı sağire-i mezbûreye beşyüz kuruş mehr-i müeccel tesmiyesiyle bi’l-velâye oğlum hazır mürâhik-i mezbûr Hasan’a akd ve tezvic ve tenkih ve oğlum mezbûr Hasan da ol vakit sekiz aylık sağir bulunduğu cihetle bi’l-velâye tezvic ve tenkih ve kabul idub ol vechile mezbûre Gülçehre oğlum mürâhik-i mezbûr Hasan’ın zevce-i menkuhesi olduğu halde mezbûre Gülçehre bade’l-büluğ hakk-ı sabık-i mezkûri ? üçyüzoturbir senesi muharremin onsekizinci cumartesi günü ? oğlu Hüseyin Efendi’yi mahzar-ı şer’imizde vekîl ederek ? mezbûreyi bi’l-vekâle kezalik ? büluğunda itaat ve inkıyadına mezbûre Gülçehre ile mezbûr Hasan’dan her birine tenbih olunmak bi’l-velâye matlubumdur deyu mezbûre Gülçehre’nin inkarıyla bade’d-dava ve’s-sual mezbûr Hasan dahi cevabında üçyüzotuzbir senesi muharremu’l-haramının yirmialtıncı Pazar günü beynimizde munakid nikâh vechile mezbûre Gülçehre zevce-i menkuhe-i medhul-i bihâmdır deyu mezbûrenin tasdikiyle müddeî mezbûr Receb Efendi’nin nikâh-ı mukaddem müddeâsını inkarlarıyla mukarin mezbûr Receb Efendi bervech-i muharrer akd-ı sabıkı takviyeten mezbûrenin bade’l-büluğ vechi meşruh üzere nefsini mezbûr Hasan’a tezvic eylediğine dair olan iddiasını evvelen ba veraka-ı mesture Mavrant karyesi muhtar-ı evveli Karafazlıoğlu Akif ve muhtar-ı sanisi Karafazlıoğlu Yusuf bin Arif ve azasından Abdurrahmanoğlu Süleyman bin İbrahim ve Zavendik karyesi imamı Kasım Efendi ibn Ahmed Efendi ve azasından Çalıkoğlu Ali Efendi ibn Halid ve Şamlıoğlu Receb Efendi ibn Durmuş ve Öksüzoğlu Hasan’dan sirren ve badehu müterâfian hazır oldukları halde mezbûran Ali ve Kasım Efendi’lerle Çalıkoğlu Mustafa bin Ali’den alenen lede’t-tezkiye adl ve makbulu’ş-şehade idukleri işar ve ihbar olunan ve mezbûreyi arif bulunan Zavendik karyesinden Çalıkoğlu Hasan bin Abdulkadir ve Çalıkoğlu Emrullah bin İzzet Mavrant karyesinden Karafazlıoğlu Mustafa bin Behzat şahadetleriyle bi’l-muvacehe tafsil-i mezkûr üzere ber nehc-i şer’i isbat itmegin mucebince nikâh-ı saninin feshiyle bila nafaka bade inkıza-i iddet zevci mezbûr Hasan’ın mesken-i şer’îsine giderek mutekarribü’l-hulûl olan vakt-i büluğunda nefsini zevc-i evveli mezbûr Hasan’a teslime mezbûre Gülçehre’ye izafetle ahiren müseccelen vekîl idub mehr-i mislini taleb etmeyen vekîli Hafız Hulusi Efendi’ye müddeâ aleyh mezbûr Hasan hazır olduğu halde tenbih olunduğu tescîl ve i’lâm olundu. Fi’l-yevmi’l-hâdi aşer min Saferi’l-hayr li sene ihdâ ve selâsîne ve selasemie ve elf. Mukabele olunmuştur. Baş kâtib, nâib. Aded 33: Piri Çelebi Lazistan Sancağı’nın merkezi olan Rize kasabası mahallâtından Piri Çelebi mahallesinden Tuzcuzâde Abdulvehhab Efendi ibn Hurşid Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Leroz karyeli Durmuşoğlu müteveffa Hacı Ahmed Efendi’nin kerimesi Ayşe’nin malından sîm mecîdi yirmi kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim binyetmişiki kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından ve müdir-i muma ileyhden iştira eylediğim bir cild Ali Efendi fetvası semeninden yüzdoksanüç kuruş ki ceman binikiyüzaltmışbeş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdik kefalet-i vakıaları eytâm meclisince musaddak olan Piri Çelebi mahallesinden Tuzcuzâde ? ile Tuzcuzâde Hafız Hüsni Efendi ibn Hurşid Efendi ve Emineddin mahallesinden Tuzcuzâde Nazım Efendi ibn Mustafa Ağa meclis-i mezkûre ve müdir-i muma ileyh mahzarında medyun-i muma ileyh Abdulvehhab Efendi’nin ceman zimmetinde edası vacip olan binikiyüzaltmışbeş kuruş ile terk ve teberru eyledigi meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zımmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sâlis ve’l-ışrin min Recebi’l-ferd li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Tatoğlu Osman Efendi. Aded 34: Asbet Lazistan Sancağı’nın merkezi olan Rize kazası kurâsından Asbet karyesinden iken bundan bir sene mukaddem vefat eden Hacı Mahmudoğlu Salih bin Mustafa’nın verâseti zevce-i menkuhe-i metrukesi Emine bint Arif ile li ebeveyn erkarındaşları Ali ve Kaşif ve anası Uluvve bint Bilal ve li ebeveyn kız karındaşı Zeyneb’e munhasıra olduğu bi’l-ihbar lede’ş-şer’il enver zâhir ve nümâyân olduktan ve mesele-i mirasları bi hükmi’l-feraiz altmış sehmden olub siham-ı mezkûreden onbeş sehmi zevce-i mezbûreye ve on sehmi üm mezbûre Uluvve’ye ve ondörder sehmden ceman yirmi sekiz sehmi mezbûran Ali ve Kaşif’e ve yedi sehmi mezbûre Zeyneb’e isabeti anlaşıldıktan sonra verese-i mezbûrundan zatı hıyn-i tevkilde muarrefe olan zevce-i mezbûre Emine’nin zikri ati dava ve ahz u kabza ve mütevakkıf olduğu umûrun küllîsine vekîl-i müseccel-i şer’isi dava vekîllerinden Abdulvahid Efendi ibn Abdulhalim Efendi meclis-i şer’i münîrde vekîl-i muma ileyh tarafından verese-i mezbûrundan mezbûran Ali ve Kaşif aleyhlerine ikame eylediği mehr alacağı davasından dolayı mezbûran bera-i muhâkeme ayrı ayrı günlerde gönderilib teblîğ ettirilen üç defa davetiye verakası üzerine mahkemeye gelmedikleri ve taraflarından vekîl-i şer’i dahi göndermedikleri cihetle vekîl-i muma ileyhin gıyaben ru’yet-i muhâkeme talebine mebni müddeâ aleyhimanın hukuklarını muhafaza ve müdafaya vekîl-i musahhar tayin olunan Mustafa Efendi ibn İzzet Efendi muvacehesinde müvekkilem mezbûre Emine müteveffa-yi mezbûr Salih’in altı seneden beri binikiyüzelli kuruş mehr-i müeccel tesmiyesi ile zevce-i menkuhe-i medhul-i bihâsı olub meblağ-ı mezkûr mezbûr Salih’in zimmetinde iken vefat etmekle tereke-i vafiyesine müvekkilan-i mezbûran vazıu’l-yed oldukları müteveffa-yi mezbûrun tereke-i vafiyesinden bana eda ve teslime müvekkilan-i mezbûran izafetle vekîl-i musahhar muma ileyh Mustafa Efendi’ye tenbih olunmak bi’l-vekâle matlubumdur deyu dava ve lede’s-sual vekîl-i musahhar-i mezbûr Mustafa Efendi dahi cevabında müddeîye vekîli muma ileyhin ber vech-i muharrer müddeâsını küllîyen inkar itmekle vekîl-i muma ileyh Abdulvahid Efendi’den ber vech-i muharrer bitamamiha müddeâsına muvafık beynehu taleb olunduk da ber vech-i muharrer binikiyüzelli kuruş müddeâsından ancak bin kuruş ile tereke-i vafiye-i müddeâlarını evvelen ba veraka-i mesture mensub oldukları mezkûr Asbet karyesi imamı Hantaloğlu İsmail Efendi ibn Kamil Efendi ve muhtar-ı sanisi Hacı Mahmudoğlu Mehmed bin Rıdvan’dan sirren ve badehu Şimadiyoz karyesinden Kamiloğlu Hüseyin bin Bayram ile Asbet karyesinden Rakıcıoğlu Mesut Efendi ibn Kaşif Efendi’den bi’l-muvacehe alenen lede’t-tezkiye adl ve makbulu’ş-şehade idukleri işar ve ihbar olunan zatı mezbûr ile müteveffa ve mezbûr-i arifan Asbet karyesinden İdris Çavuşoğlu Mehmed bin Hacı İdris ile Çavuşoğlu Abbas bin Arif nâm kimesnelerin ber nehc-i şer’i şahadetleriyle isbat etmekle muhakemenin talik olunduğu günde vekîl-i musahhar muma ileyh Mustafa Efendi’nin bulunamamasına mebni vekîl-i musahhar tayin olunan Mehmed Efendi ibn Ahmed muvacehesinde zabt-ı sabıkın kıraatından sonra vekîl-i muma ileyh Abdulvahid Efendi ikiyüzelli kuruş fazla müddeâsından feragat ettiğini dermiyanla müvekkile-i mezbûre Emine bi’l-muvacehe ale’l-usul bade’t-tahlif-i şer’i mucebince meblağ-ı mezkûr bin kuruş vazıu’l-yed oldukları mütevvefay-i mezbûrun tereke-i vafiyesinden müvekkile-i mezbûreye izafetle vekîl-i muma ileyh Abdulvahid Efendi’ye eda ve teslime müvekkilleri mezbûr ana kezalik bi’l-izafe vekîl-i musahhar-i mezbûr Mehmed Efendi’ye tenbih olunduğu tescîl ve i’lâm olundu. Fi’l-yevmi’l-hamis ve’l-ışrin min Cemaziye’l-ahir li sene selâsîne ve selasemie ve elf. Mukabele olunmuştur. Baş kâtib, nâib. Aded 35: Hazavit Der-i devlet mekine arz-ı dai kemineleridir Trabzon vilayet dâhilinde kâin Lazistan Sancağı’nın merkezi olan Rize kazası kurâsından Hazavit karyesinden Durmuş Bayraktaroğlu Mehmed bin Hacı Ali ve Mehmed Ali bin Yunus ve Akmehmedoğlu Osman bin Mehmed ve Bilal bin Mehmed ve Mahmud bin Osman ve Osman bin İbrahim ve Alemdaroğlu Sefer bin İlyas ve Şahinoğlu Mahmud bin Memiş vesair ceridede mazbutu’l-esami müslimin bi ecma’ihim liva-i mezkûr hükümet konağında meclis-i idareye mahsus odada bi’l-cümle heyet hazır olduğu halde munakid meclis-i şer’i meali ukudda her biri takrir-i kelâm ve tabir-i ani’l-meram idub ahalisi bulunduğumuz Hazavit ve civarında vâki kuradaki cevami-i şerifenin badiyet ve irademiz olmak hasebiyle eyyam-ı şita ve matarda salât-ı cuma ve ideyni eda etmekde duçar-ı usret ve içerde ihtiyarlarımız kemal-i meşakkat çekmekte olduğundan mezkûr Hazavit karyesinin Sırt dinmekle marûf-i nâm mahallinde eshab-ı hayr tarafından müceddeden bina ve inşa olunan mescid-i şerif ahali-i mahallileye ğayri vasi olub ikame-i salât-ı cuma ve ideyn olunmağa eşedd ihtiyac ile muhtac olmamızla karyemiz kebire ve ahalisi kesire olarak mısr hükmünde olduğuna binaen mescid-i şerif-i mezkûre minber vaz’ıyla salât-ı cuma ve ideyn eda ve îfâ olunmak ve hitabeti dahi işbu mahkeme-i şer’iyeden tanzîm olunan bir kıta vakfiye ciheti mantukunca Mişona karyesi ahalisinden Akmehmedoğlu Hafız Lokman Efendi ibn Hüseyin’in ber nehc-i şer’i vakf-ı lazım ile vakf eylediği binbeşyüz kuruşun ğalle ve nemasının vazife tahsisiyle işbu hazır bi’l-meclis cümlemizin muhtar ve muntecini olan muma ileyh Hafız Lokman Efendi dailerine tevcihe ve izin ve icazeti hâvî ferman-ı Ali suduru niyazında olduğumuz der-i devlet medara arz olunmak matlubumuzdur deyu istid’â ettiklerinde hakikat-ı hal ahali-i mezbûrun takrir-i meşruhları üzere bulunduğu bi ğaraz-i erbab-ı vukuf haberleriyle zâhir olduğu gibi mezkûr Mişona karyesinin ellidokuzuncu hanesinin birinci numarasında mukayyed binikiyüzdoksanaltı senesinde tevellüd idub kura ve bakaya firarisi olmadığı nüfus memuru ve mensub olduğu redif taburu zabitanı taraflarından mevrud künye pusulası ve mazbata meallerinden müstebân olan işbu baisu’l-arz muma ileyh Hafız Lokman Efendi’nin mezkûr hitabet cihetine ehliyeti lede’l-imtihan zâhir ve nümâyân olmağla mescid-i şerif-i mezkûre minber vaz’iyle eda-i salâtı-ı cuma ve ideyn olunmak üzere izn-i humayun-i mülükane erzan ve hitabet vazife-i mezkûre ile muma ileyh Hafız Lokman Efendi dailerine tevcih ve yedine müceddeden berat-ı şerif-i alişan sadaka ve ihsan buyurulmak ricası paye-i serir-i âlâya arz ve i’lâm olundu el emr limeni’l-hazret-i veliyu’l-emr. Fi’l-yevmi’l-hadi aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Aded 36: Paşyan Lazistan Sancağı’nın merkezi olan Rize kazası mahallâtından Paşyan mahallesinden Dervişzâde Hacı Hafız Osman Efendi ibn Hacı Hasan Efendi bidayet mahkemesinde makud meclis-i şer’-i şerif-i enverde takrir-i kelâm ve tabir-i ani’l-merâm idub Trabzon’un Kemerkaya mahallesinden Kethüdazâde müteveffa Galip Bey zimmetinde alacak hakkım olan ellibuçuk aded lira-i Osmanîyi kable’l-ahz ve’l-istifa vefat etmekle meblağ-ı mezkûru tereke-i vafiyesine vazıu’l-yed olan veresesinden aid olduğu mehâkimin her derecesinde bidayeten ve iâdeten ve itirazen ve istinafen ve temyizen taleb ve dava ve ahz u kabz ve makbuzunu bana irsal ve isal ve teslime ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile Trabzon’da mukim dava vekîllerinden Hüseyin Avni Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’t-tâsi’ aşer min şehr-i Rebii’l-evvel li sene ihdâ ve selâsîne ve selasemie ve elf. Mukabele olunmuştur. Baş kâtib, nâib. Mubaşir İbrahim Efendi ibn Mustafa, Dava vekîli Mustafa Efendi. Aded 37: Mişona Elhamdulillahillezi eazze havasse ibadihi bi sarfi emvalihim ila envai’l-hayrat ve e’ânehum ala iktisabi izafi’l-mehamid ve’l-meberrat ve’s-salâtü ve’s-selamü ala resulihi ve nebiyyihi Muhammedin hayri’l-beriyyat ve ala alihi ve ashabihi ila yevmin yestezıllu’l-meru tahte’s-sadakati emma ba’du işbu vakfiye-i celilu’ş-şan ve ceride-i bediu’l-unvanın tahrir ve inşasına bâis ve badî oldur ki Trabzon vilayeti dâhilinde kâin Lazistan Sancağı’nın merkezi olan Rize kazası kurâsından Mişona karyesinden sahibu’l-hayrat ve’l-hasenat Akmehmedoğlu Hafız Lokman Efendi ibn Hüseyin meclis-i şer’-i şerif-i enverde Zikr-i âtî vakfına li ecli’t-tescîl mütevelli nasb u tayin eylediği Hazavit karyesinden Akmehmedoğlu Hacı Haşim Efendi ibn Mustafa mahzarında ikrar-ı tam ve takrir-i kelâm idub ben etyab-i mal ve enfes-i menaldan ifraz ve kemal-i imtiyaz ile muhtar eylediğim binbeşyüz kuruş hasbetu’llahi’l-ehad ve taleben li merdat-i rebbahi’s-samed vakf-ı sahih-i müebbed ve habs-i sarih-i muhalled ile vakf ve habs idub şöyle şart ve tayin eyledim ve meblağ-ı mevkuf mezkûr beher sene bâ yed-i mütevelli rehn-i kavi veya kefil-i melî ile irbah ve istirbah olunub senevî hasıl olan ğalle ve neması Hazavit karyesinin Sırt dinmekle marûf-i nâm mahallinde eshab-ı hayr tarafından müceddeden bina ve inşa olunan mescid-i şerifin hitabet cihetine mutasarrıf olacak zata verile ve tevliyeti ben labis-i libas hayat oldukça bana ve bade’l-vefat evlad-ı evlad-ı evlad-ı zukûrumun ekber ve erşed ve aslahına ve bade’l-inkıraz mezkûr Hazavit karyesi ahalilerinin re’y u intihabı ve re’y-i hâkimle içlerinden mutemed bir zatı aidat deyu meblağ-ı mevkuf-i mezkûri fariğen ani’ş-şevağil mütevelli-i mezbûr Hacı Haşim Efendi’ye teslim ol dahi tesellüm ve kabz vesair mütevellilerin evkafda tasarrufları gibi tasarruf eyledi dedikten sonra vâkıf muma ileyh Lokman Efendi vakf-ı nukûd zımnında olan şurût ve kuyûd-i eimme-i selase indinde batıl olmağla vakf-ı mezbûrdan rucu eylediğimden meblağ-ı mezkûru bana red ve teslime mezbûr Hacı Haşim Efendi’ye tenbih olunmak matlubumdur deyu dava ve lede’s-sual mezbûr Hacı Haşim Efendi dahi cevabında fi’l-hakika vakf-ı nukûd ve zımnında olan şurût ve kuyûd-i eimme-i selase indinde batıl ise de İmam Zuferden İmam Ensari rivayeti üzere sahih ve caiz olduğundan meblağ-ı mezkûru red ve teslimden imtina ederim deyu her biri müterâfian fasl ve hisseme taliban olduklarında âlimen bi’l-hilafi’l-cari beyne’l-eimmeti’l-eslaf vakf-ı mezbûrun kavl-i müfta bih üzere evvel sıhhatine bade’l-hükm vâkıf muma ileyh tekrar bast-ı mukeddemata rucu ile her ne kadar nukûd-i mezbûrenin sıhhat-ı vakfiyeti hükm-i hâkimle sahih olduysa da İmam-ı Azam Hazretleri indinde sıhhatı mustelzem luzum olmamağla vakf-ı mezbûrdan tekrar rucu eyledim deyu davası istirdad ettikde mütevelli-i mezbûr dahi İmam Ebu Yusuf Hazretleri indinde vâkıf mücerred vakaftu demekle ve İmam Muhammed Hazretleri indinde teslim ile’l mütevelli bulunmağla onların kavl-i şerif ve re’y-i münifleri üzere hükm olunmak matlubumdur dedikte vakf-ı mezbûrun luzumuna dahi bade’l-hükm vakf-ı mezbûr-i sahih ve lazım olub min ba’di’n naks ve ibtali mumteniu’l imtina oldu. Fi’l-yevmi’l-hadi aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Akmehmedoğlu Mahmud bin Osman, Şahinoğlu Mahmud bin Memiş, Alemdaroğlu Sefer bin İlyas, Akmehmedoğlu Osman bin Mehmed, Durmuş Bayraktaroğlu Mehmed bin Hacı Ali. Aded 38: Setoz Lazistan Sancağı’nın merkezi olan Rize kazası mahallâtından Arkolikoz mahallesinden İsmailoğulları Receb bin Mehmed ile Mehmed bin Hasan meclis-i şer’-i şerif-i enverde Setoz karyesinden Molla Mehmedoğlu Mustafa Efendi ibn Mehmed Efendi mahzarında her biri takrir-i kelâm ve tabir-i ani’l-merâm idub müştereken ba tapu mutasarrıf olduğumuz mahalle-i merkumede vâki bir kıta arazimize müdahale eden Samri karyesinden Takulininoğulları Hurşid ve Mustafa Efendi benan-i Hasan ile aid olduğu mehâkimin her derecesinde müddeî ve müddeâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve taleb-i keşf ve mümeyyiz ve hâkim ve ehl-i vukuf tayin ve azline ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Mustafa Efendi ile kabulune mevkûfe dava vekîllerinden Vasil Efendi ibn Yani’yi gerek münferiden ve gerek müctemian icra-i vekâlete me’zun olmak üzere vekîl ve naib-i menab nasb u tayin eyledik dediklerinde muma ileyh Mustafa Efendi dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sadise aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Ayvazoğlu Osman Efendi. Aded 39: Samri Lazistan Sancağı’nın merkezi olan Rize kazası mahallâtından Samri mahallesinden Kara İbrahimoğlu nâm-ı diğeri Pişmişoğlu Hasan Efendi ibn Bayram meclis-i şer’-i şerif-i enverde takrir-i kelâm ve tabir-i ani’l-merâm idub li ebeveyn erkarındaşım Dursun bin mezbûr Bayram ile beynimizde tahaddüs arazi ve emlak ve tecavüz-i hudud davalarından dolayı mezbûr Dursun ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve lede’l-hâce sulh ve ibraya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadise aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır İbrahim Efendi, Rakıcızâde Kaşif Efendi. Aded 40: Yeniköy Lazistan Sancağı’nın merkezi olan Rize kasabası mahallâtından Yeniköy mahallesinden Cimillioğlu Mehmed Usta bin Ali meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Kavalzâde müteveffa Hacı Salih eytâmı İbrahim ve Osman ve Hacere’nin mallarından sîm mecîdi yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim sekizyüz kuruş ile semeni işbu tarihten iki sene-i kamile müeccel olmak üzere yine eytâm-ı mezbûrun malından ve müdir-i muma ileyh yedinden iştira eylediğim bir cild Ali Efendi fetvası semeninden yüzkırkdört kuruş ki ceman dokuyüzkırkdört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Çarihoz mahallesinden Hurşidoğlu Durmuş Ali bin Reşid ile Samri mahallesinden Karaalioğlu Hüseyin bin Aziz ve Müftü mahalleli Kuyumcuoğlu Mahmud bin Sadullah meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun merkum Mehmed Usta’nın ceman zimmetinde edası vacib olan dokuzyüzkırkdört kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi’ min Şabani’l-muazzam li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Zeyrekzâde Hacı Hamid Efendi. Aded 41: Sakrık Lazistan Sancağı’nın merkezi olan Rize kazası kurâsından Sakrık karyesinden Velioğlu Hüseyin bin Ali meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Romanoz-i İslâm mahallesinden Kavalzâde müteveffa Hacı Salih Efendi eytâmı İbrahim ve Osman ve Hacere’nin mallarından sîm mecîdi yirmi kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim binikiyüz kuruş semeni işbu tarihten iki sene-i kamile müeccel olmak üzere yine eytâm-ı mezbûrun malından ve kezalik müdir-i muma ileyh yedinden iştira eylediğim bir cild Ali Efendi fetvası semeninden ikiyüzonaltı kuruş ki ceman bindörtyüzonaltı zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Peşeyan mahallesinden Molla Ahmedoğlu Nazım Efendi ibn Hacı Ali Efendi ile Çaklı karyesinden Hacıoğlu Rafet Efendi ibn Ali Efendi ve Sakrık karyesinden Kasaboğlu Ömer bin Ali meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Hüseyin’in ceman zimmetinde edası vacib olan bindörtyüzonaltı kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sâlise aşer min şehr-i Ramazani’l mubarek li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Muhzır Sadık Efendi, Hantaloğlu İsmail Efendi. Aded 42: Arkotil mahallesi Lazistan Sancağı’nın merkezi olan Rize kasabası mahallâtından Arkotil mahallesinden Gül Ahmedoğlu Sadık bin Ahmed meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub İmamzâde Arif Reis eytâmı Mehmed ve Sabire ve Cemile ve Ayşe’nin mallarından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim beşyüz kuruş ile semeni işbu tarihten bir sene-i kamile olmak üzere yine eytâm-ı mezbûrun mallarından ve müdir-i muma ileyhden iştira eylediğim bir cild Ali Efendi fetvası semeninden kırkbeş kuruş ki ceman beşyüzkırkbeş kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Hasan Efendizâde Osman bin Salih Efendi ve Gül Ahmedoğlu Tahir Efendi ibn Abdulkerim ve Hortoz mahalleli Muradoğlu Ali Efendi ibn Hacı Hüseyin Efendi meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i merkum Sadık Efendi’nin ceman zimmetinde edası vacib olan beşyüzkırkbeş kuruş lira akçe ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hamis ve’l-ışrin min şehr-i Şevvali’l-mükerrem li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Hacı Genç Ağazâde Hakkı Efendi. Aded 43: Yapraklar Lazistan Sancağı’nın merkezi olan Rize kazası kurâsından Yapraklar karyesinden Metooğlu Tahir Kaptan bin Mehmed Kaptan meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Rize kasabasında vâki Orta Cami-i şerif ittisalında kâin olub cami-i şerif-i mezkûrun tefriş ve tamir ve termimine meşruta dört bab dükkanın müterakim icarat ve kaziyelerinden ve müdir-i muma ileyhden istidane ve kabz ve umuruma sarfla istihlâk eylediğim lira-i Osmanî yüz kuruş hesabıyla dokuzyüz kuruş ile semeni işbu tarihten bir sene-i kamile müeccel olmak üzere vakf-ı mezbûr malından ve müdir-i muma ileyh yedinden iştira eylediğim bir cild Ali Efendi fetvası semeninden seksenbir kuruş ki ceman dokuzyüzseksenbir kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan esnaftan Sarı Ahmedoğlu Hasan Kaptan bin Hurşid ile Asbet karyeli Hantaloğlu İsmail Efendi ibn Kamil ve Zavendik karyeli Çalıkoğlu Ali Efendi bin Halid meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i merkum Tahir Kaptan’ın ceman zimmetinde edası vacib olan mezkûr dokuzyüzseksenbir kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sani aşer min Saferi’l-hayr li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Ayvazoğlu Osman Efendi. Aded 44: Trabzon’ın Kavak mahallesi Lazistan Sancağı bidayet mahkemesi aza-i mülazımlarından Trabzon’un Kavak meydan mahalleli Şevket Efendi ibn Ahmed Efendi meclis-i şer’-i şerif-i enverde Eytâm müdürü Hafız Harun mahzarında takrir-i kelâm ve tabir-i ani’l-merâm idub Tenekeci müteveffa İbrahim Efendi kerimesi Emine’nin malından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim yediyüz kuruş ile semeni işbu tarihten bir sene-i kamile müeccel olmak üzere eytâm-ı mezbûrenin malından olarak müdir-i muma ileyh yedinden iştira eylediğim bir cild feteva-i Ali Efendi semeninden altmışüç kuruş ki ceman yediyüzaltmışüç kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Haldoz mahallesinden Tavilzâde İlyas Efendi bin Mehmed Efendi ile Cimil Başköy karyeli Küçük Salihoğlu Abdulhamid Efendi ibn Abdulkerim ve Hortoz mahalleli Rakıcızâde Mustafa Efendi ibn İzzet meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Mehmed Şevket Efendi’nin ceman zimmetinde edası vacib olan yediyüzaltmışüç kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi selh-i min Zi’l-kaadeti’ş-şerife li sene selâsîne ve selasemie ve elf. Mukabele olunmuştur. Baş kâtib, nâib. Muhzır Sadık Efendi, Terzi İsmailoğlu İslâm Reis. Aded 45: Kavaroz Lazistan Sancağı’nın merkezi olan Rize kasabası mahallâtından Kavaroz mahallesinden Ofluoğlu Mehmed bin Osman meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm ve tabir-i ani’l-merâm idub Varda karyesinden Esiroğlu müteveffa Süleyman eytâmı Sadık ve Hasan’ın mallarından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim dörtyüz kuruş ile semeni işbu tarihten iki sene-i kamile müeccel olmak üzere yine eytâm-ı mezbûranın mallarından ve yine müdir-i muma ileyhden iştira eylediğim bir cild Ali Efendi fetvası semeninden yetmişiki kuruş ki ceman dörtyüzyetmişiki kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları meclis-i Eytâmca musaddak olan medyun-i mezbûrun biraderi Receb Efendi ibn Osman ile Nevruzoğlu Molla Ali bin Hacı Memiş ve Yeniköy mahalleli Cimillioğlu Mehmed Usta ibn Ali meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Mehmed’in cem’an zimmetinde edası vacib olan dörtyüzyetmişiki kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’r-râbi’ min Zi’l-kade li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Tatoğlu Osman Efendi. Aded 46: Vonit-i Rum mahallesi ‘an asli Of kazasının Kuzu-i Rum karyesinden Lazistan Sancağı’nın merkezi olan Rize kasabası mahallâtından Vonit-i Rum mahallesinde sakin olan ve tezkire-i osmaniyesi görülen Yapanikola Efendi bin Araboğlu Anastas sancağı mezkûr mahkemesinde makud meclis-i şer’-i şerif-i enverde ikrar-ı tam ve takrir-i kelâm idub Çarşamba kazasının Kirazocağı karyesi hududu dâhilinde Hordaman çiftliğinde kâin beyne’l-ahâlî ve’l-cîrân malûm ve müteârefu’l-hudud ve basened-i hakani mutasarrıf olduğum iki kıta tarlamı mahallinde bedel-i misilleriyle talibine memuru huzurunda ferağ ve tefviz ve teslime ve bedel-i misillerini ahz u kabz ile makbuzatını bana irsal ve isal ve teslime ve muamele-i lazıme-i sairesini îfâ ve takririni i’tâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile mezkûr Çarşamba kasabasının Köprübaşı-i Rum mahallesinde sakin teba-i müşarun ileyhadan Sürmeneli Pancu Dimitri Yapadis bin Dimitri’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hadi ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Mubaşir Sadık Efendi, İsmail Efendizâde Osman Efendi. Aded 47: Vandri Lazistan Sancağı’nın merkezi olan Rize kazası nevâhîsinden Karadere nahiyesinin Vandri karyesinden Estafiloğulları Ahmed ve Ali meclis-i şer’-i şerif-i enverde her biri takrir-i kelâm ve tabir-i ani’l-merâm idub karyeden Estafiloğlu kerimesi Elmas bint Mustafa ile beynimizde mütehaddis arazi ve tecavüz-i hudud ve alacak davasından dolayı mezbûre ile aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile dava vekîllerinden Hafız Hulusi Efendi ibn Salih Efendi’yi vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sabi’ ve’l-ışrin min Şevvali’l-mükerrem li sene selâsîne ve selasemie ve elf. Mukabele olunmuştur. Baş kâtib, nâib. Dizdaroğlu Mehmed bin Mustafa, Estafiloğlu Hüseyin bin Hurşid. Aded 48: Mağloz Lazistan Sancağı’nın merkezi olan Rize kazası kurâsından Mağloz karyesinden Safoğlu Hüseyin bin Hasan meclis-i şer’-i şerif-i enverde takrir-i kelâm ve tabir-i ani’l-merâm idub Safoğulları Şaban(?) ve Bayram benan-i İbrahim ile beynimizde mütehaddis arazi davasından dolayı mezbûre ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve lede’l-hâce isbat-ı verâset iddiasına ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkûfe vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’l-hadi ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Safoğlu Esad bin Cafer, Hantaloğlu İsmail Efendi. Aded 49: Varankoz Lazistan Sancağı’nın merkezi olan Rize kazası kurâsından Varankoz karyesi ahalisinden iken bundan akdem vefat eden Deli İsmailoğlu Hacı Eyüp’ün sulbîye-i sağire kızı Sehure’nin işbu mahkeme-i şer’iyeden i’ta olunan üçyüzyirmiüç sene-i hicrisi Saferi’l-hayrının yirmibirinci günü tarihli hüccet mucebince vasisi olan zatı zeyl-i vesikada muharreru’l-esâmî müslimîn tarifleriyle muarrefe olan müteveffa-yi mezbûrun zevcesi Deli İsmailoğlu kerimesi Saadet bint Genç Ali meclis-i şer’-i şerif-i enverde dava vekîllerinden Kaşif Efendi ibn Ömer Ağa mahzarında bi’l-âsale ve bi’l-vesâye ve bi’l-verâse takrir-i kelâm ve tabir-i ani’l-meram idub karyeden Deli İsmailoğlu Yakub ve Habib benan-i İdris ile beynimizde mütehaddis tereke ve eşya ve arazi ve emlak davalarından dolayı mezbûran ile aid olduğu mehâkim-i şer’iye ve nizamiye ve hukukiye ve cezaiyenin her derecesinde müddeî ve müddeâ aleyh ve müştekî ve müştekâ aleyh ve şahs-ı sâlis sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf mümeyyiz ve hâkim ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve’l-hâsıl mütevakkıf olduğu umûrun küllîsine tarafımdan bi’l-âsale ve bi’l-vesâye ve bi’l-verâse vekâlet-i mutlaka-i sahiha-i şer’iye ile muma ileyh Kaşif Efendi’yi vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-samin ve’l-ışrin min Saferi’l-hayr li sene ihdâ selâsîne ve selâsemie ve elf. Mukabele olunmuştur. Baş kâtib, nâib. İsmailoğlu Mustafa bin İsmail, Tiryakioğlu Ahmed bin Mehmed. Aded 50: Kandeva Lazistan Sancağı’nın merkezi olan Rize kazası kurâsından Kandeva karyesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan ? kerimeleri Hatice ve Ayşe ve Ümmiye bintan-i Memiş meclis-i şer’-i şerif-i enverde dava vekîllerinden Vasil Efendi ibn Yani mahzarında her biri takrir-i kelâm ve tabir-i ani’l-meram idub pederimiz müteveffa-yi mezbûr Memiş’den mevrus ve muntekil bi’l-cümle emlak ve arazilerimize müdahale eden karye-i mezkûreden ? validemiz Ömeroğlu Yeter bint Dursun ile li ebeveyn erkarındaşı Halim bin mezbûr Dursun ve dayılarımız Abacıoğlu Ömer vesairleriyle aid olduğu mehâkimin her derecesinde müddeî ve müddeâ aleyh ve müştekî ve müştekâ aleyh sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve isbat-ı verâset iddiasına ve sulh ve ibraya ve’l-hâsıl mütevakkıf olduğu umûrun küllîsine tarafımızdan vekâlet-i mutlaka-i sahiha-i şer’iye ile muma ileyh Vasil Efendi’yi vekîl ve naib-i menab nasb u tayin eyledik dediklerinde ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Alininoğlu Ali bin Memiş, Tüylüoğlu Şakir Ağa bin Salih. Aded 51: Yeniköy mahallesi Lazistan Sancağı’nın merkezi olan Rize kasabası mahallâtından Yeniköy mahallesinden iken bundan akdem Dersaadet’te vefat eden Kavrakoğlu Emin Reis ibn Hüseyin bin Abdullah’ın ber vechi ati varisi olduğunu iddia eden li ebeveyn kız karındaşı marifetu’z-zat Necibe bint müteveffa-yi mezbûr Hüseyin meclis-i şer’-i şerif-i enverde müteveffa-yi mezbûrun medyuni Mehmed Efendi bin Ahmed mahzarında üzerine dava ve takrir-i kelâm idub biz müteveffa-yi mezbûr Emin Reis ile li ebeveyn erkarındaşlar olup babamız ismi Hüseyin ve dedemiz ismi Abdullah ve validemiz ismi Uluvve bint Hüseyin ve meskat-i ra’simiz mezkûr Yeniköy mahallesi olub ol vechile erkarındaşım müteveffa-yi mezbûrun verâseti benimle zevce-i menkuhe-i metrukesi Nokta bint Salih ve sulbîye-i kebire kızları Fatıma ve Ayşe ve Hatice ve li ebeveyn diğer kız karındaşımız Peruze’ye munhasıra ve badehu zevce-i mezbûre Nokta vefat idub verâseti sadriyye-i kebire kızları mezbûrât Fatıma ve Ayşe ve Hatice ile anası Cemile bint Hasan ve babası mezbûr Salih bin Hüseyin’e munhasıra ve badeha mezbûre Ayşe dahi vefat idub verâseti zevci Tevfik bin Mustafa ile min kıbeli’l üm ceddesi mezbûre Cemile ve li ebeveyn kız karındaşları mezbûretan Fatıma ve Hatice’ye munhasıra ve tashih-i mesele-i mirasları bi’l-münasahati’ş-şer’iye ikiyüzseksensekiz sehmden otuz siham-ı mezbûreden otuzar sehmden ceman altmış sehmi mezbûre Naciye ve Peruze’ye ve doksan sehmden yüzseksen sehmi mezbûretan Fatıma ve Hatice’ye ve altı sehmi mezbûr Salih’e ve onbeş sehmi mezbûr Cemile’ye ve yirmiyedi sehmi mezbûr Tevfik’e isabet idub başka varisi ve terekelerine mustahik-i ahari olmamakla erkarındaşım müteveffa-yi mezbûrun hayatında mezbûr Mehmed Efendi zimmetinde cihet-i karzdan alacak hakkı olan yirmidört kuruşu kable’l-ahz ve’l-istifa vefat etmekle meblağ-ı mezkûrdan ber muceb-i mesele-i mirastan hisse-i irsîyemi bana eda ve îfâya mezbûr Mehmed Efendi’ye tenbih olunmak bi’l-vekâle matlubumdur deyu dava ve lede’s-sual ol dahi cevabında fi’l-hakika mevad-ı mezbûr Emin Reis’e ol mikdar kuruş zimmetinde halen deyni olduğunu taven ikrar ve itiraf idub ancak müddeiye-i mezbûrenin ber vech-i muharrer verâsete müddeâsı malûmum değildir deyu inkar etmekle müddeiye-i mezbûre ber vech-i muharrer verâsete müddeâsı evvelen ba veraka-i mesture mensub oldukları Filyoz mahallesi imamı Telcioğlu Ahmed bin Abdulaziz ve azadan Hafızoğlu Hasan bin Ahmed Efendi ve Babik mahallesi imamı Tuzcuzâde Şaban Efendi ibn Abdulhamid Ağa ve azasından Mataracızâde Hakkı Efendi ibn Hacı Abdurrauf Efendi’den sirren ve badehu müterâfian hazır oldukları halde mezbûr Yeniköy mahallesinden Kavrakoğlu Abdulkadir bin Ali ile Filyoz mahallesinden Hafızoğlu Mahmud Efendi ibn Ahmed’den bil muvacehe ber nehc-i şer’i alenen lede’t-tezkiye adl ve makbulu’ş-şehade idukleri işar ve ihbar olunan verese-i mezbûrunu arifan olan Filyoz mahallesinden Hafızoğlu Receb Efendi ibn Ahmed Efendi ve Babik mahallesinden Terzi İsmailoğlu Veysel bin İsmail nâm kimesnelerin bil muvacehe ber nehc-i şer’i tafsil-i mezkûr üzere şahadetleriyle isbat itmegin mucebince sübut-i verâsetlerine bade’l-hükm ve’t-tenbih verese-i mezbûrundan marifetu’z-zat mezbûretan Hatice ve Fatıma bintan müteveffa-yi mezbûr Emin Reis tekrar meclis-i makude-i mezkûrde dava vekîllerinden Abdulhamid Efendi ibn Abdulkerim ile mahalle-i mezkûreden Terzi İsmailoğlu İslâm Reis bin İsmail mahzarında her biri takrir-i kelâm ve tabir-i ani’l-meram idub verese-i mezbûrundan mezbûretan Peruze ve Necibe bintan mezbûr Hüseyin taraflarından aleyhimize ikame olunan hane ve arazi ve tereke davalarından dolayı mezbûretan ile aid olduğu mehâkimin her derecesinde muhâkeme ve muhâsama ve mucâvebeye ve Dersaadet’te Bostancı karyesinden vefat eden anamız mezbûre Nokta ile kız karındaşımız mezbûre Ayşe mevrus ve müntakil bi’l-cümle emlak ve arazi ve tereke ve eşya-i mevcudesini mahallinde aid ve alakadar olanlardan taleb ve dava ve ahz u kabza ve lede’l-iktiza hisse-i irsîye ve musibemizi semen ve bedel-i misilleriyle talibine bey’ u ferağ ve temlik u teslime ve semenlerini kezalik ahz u kabza ve mûceb-i muhâkeme ber vechi vukuunda icab edenlerle ve aleyhimize ikame edilen ve edilecek olan her nevi deâvîden dolayı lazım gelenlerle aid olduğu mehâkimin her derecesinde müddeî ve müddeâ aleyh ve şahs-ı sâlis ve itirazu’l-ğayr tarik sıfatlarıyla bidayeten ve iâdeten ve itirazen ve istinafen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i keşf ve mümeyyiz ve hâkim ve ehl-i vukuf tayin ve azline ve taleb-i icrâ ve hacz vaz’ u fekkine ve tefrik u taksime ve bi’l-cümle alacağımız medyunlardan kezalik taleb ve dava ve kezalik ahz u kabz ile kaffe-i makbuzatlarını bize i’tâ ve teslime ve’l-hâsıl aleyhimizde tahaddüs eden ve edecek olan her nevi dava ve munazaatta salahiyet-i meşrua ve kanuniye dairesinde icra-i muhâkeme ve muameleye ve mütevakkıf olduğu umûrun küllîsine tarafımızdan vekâlet-i âmme-i mutlaka-i sahiha-i şer’iye ile muma ileyha Abdulhamid Efendi ve İslâm Reis’lerin münferiden ve gerek müctemian icara-i vekâlete mezun olmak üzere bi’l-verâse ve bi’l-âsale vekîl naib-i menab nasb u tayin eyledik dediklerinde onlar dahi ber vech-i muharrer vekâlet-i mezkûreyi kabul ve hizmet-i lazımelerini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’l-hamis aşer min Muharremi’l-harem li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Mübaşir İbrahim Efendi, Ali Reisoğlu İlyas Efendi, Satıroğlu Mehmed Efendi. Aded 52: Ğotoz Lazistan Sancağı’nın merkezi olan Rize kazası kurâsından Ğotoz karyesinden Ofluoğlu Edhem bin Hurşid meclis-i şer’-i şerif-i enverde takrir-i kelâm ve tabir-i ani’l-merâm idub karyeden Kalevoğlu nâm-ı diğeri Türüdioğlu Recep tarafından aleyhime ikame olunan alacak davasından dolayı mezbûr ile aid olduğu mehâkimin her derecesinde müddeî ve müddeâ aleyh sıfatlarıyla bidayeten ve iâdeten ve itirazen ve temyizen muhâkeme ve muhâsama ve mucâvebeye ve ikame-i şuhûd ve tahlîf ve teblîğ ve tebellüğa ve imzasıyla istid’â ve lâyıha tanzîm ve takdîmine ve taleb-i icrâ ve hacz vaz’ u fekkine ve lede’l-hâce isbat-ı verâset iddiasına ve’l-hâsıl hukuk-i şahsiye ve kanuniyemi muhafaza ve müdafaya ve ru’yet-i muhasebeye ve mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile dava vekîllerinden Mustafa Efendi ibn İzzet Efendi’yi kabulune mevkuf vekîl ve naib-i menab nasb u tayin eyledim dedikte ma vekaa bi’t-taleb ketb olundu. Fi’l-yevmi’s-sadis ve’l-ışrin min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Mübaşir Faik Efendi, Satıroğlu Mehmed Efendi. Aded 53: Hacinoz Lazistan Sancağı’nın merkezi olan Rize kasabası mahallâtından Hacinoz mahallesinden Emir Ahmedzâde Mahmud Efendi ibn Hamid Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Manizâde müteveffa Ahmed Efendi eytâmı Ömer ve Hüseyin ve Zühre’nin mallarından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim binyediyüz kuruş ile semeni işbu tarihten iki sene-i kamile müeccel olmak ve beher senede iki taksitte verilmek üzere eytâm-ı mezbûrunun mallarından ve müdir-i muma ileyh yedinden iştira eylediğim bir cild feteva-i Ali Efendi semeninden üçyüzaltı kuruş ki ceman ikibinaltı kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları Eytâm meclisince musaddak olan Haldoz mahallesinden Tavilzâde İlyas Efendi ibn Mehmed Efendi ile Hortoz mahallesinden Rakıcızâde Arif Efendi bin Tevfik Efendi ve Peşeyan mahallesinden Hasan Efendizâde Hafız Hulusi Efendi ibn Salih Efendi meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm ve tabiri-i ani’l-merâm idub medyun-i muma ileyh Mahmud Efendi’nin ceman zimmetinde edası vacib olan ikibinaltı kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zimmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hadi aşer min Zi’l-kaadeti’ş-şerife li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Tatzâde Osman Efendi. Aded 54: Haldoz Lazistan Sancağı’nın merkezi olan Rize kasabası mahallâtından Haldoz mahallesinden Torilzâde Hafız İsmail Efendi ibn Mehmed Efendi meclis-i şer’-i şerif-i enverde Eytâm müdürü Hafız Harun Efendi mahzarında ikrar-ı tam ve takrir-i kelâm idub Vilku karyesinden Bekiroğlu müteveffa Ali’nin eytâmı İbrahim ve İsmail’in mallarından lira-i Osmanî yüz kuruş hesabıyla müdir-i muma ileyhden istidane ve kabz ve umuruma sarfla istihlâk eylediğim binsekizyüz kuruş ile semeni işbu tarihten iki sene-i kamile müeccel olmak üzere yine eytâm-ı mezbûranın malından ve müdir-i muma ileyh yedinden iştira eylediğim bir cild Ali Efendi fetvası semeninden üçyüzyirmidört kuruş ki ceman ikibinyüzyirmidört kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefaletleri eytâm meclisince musaddak olan Samri mahallesinden Hacı Şakiroğlu Osman Efendi ibn Mustafa ile Haldoz mahalleli Tavilzâde İlyas Efendi ve Kavaroz mahallesinden Kör Osmanoğlu Hafız Rahmi Efendi ibn Hafız Mahmud Efendi meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Hafız İsmail Efendi’nin ceman zimmetinde edası vacib olan ikibinyüzyirmidört kuruş ile terk ve teberru eylediği meblağın edasına bizler dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub her birimiz aharın zımmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hamise aşer min şehr-i Ramazani’l-mübarek li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Mübaşir Faik Efendi. Aded 55: Pendoz Lazistan Sancağı’nın merkezi olan Rize kasabası mahallâtından Pendoz mahallesinden Tatoğlu Mustafa bin Hacı Mehmed meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Tenekeci İbrahim Efendi’nin sağire kerimesi Emine’nin malından lira-i Osmanî yüz kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim ikibinbeşyüz kuruş ile semeni işbu tarihten iki sene-i kamile müeccel olmak üzere yine sağire-i mezbûrenin malından ve müdir-i muma ileyhden iştira eylediğim bir cild Ali Efendi fetvası semeninden dörtyüzelli kuruş ki ceman ikibindokuzyüzelli kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saire-i dahi terk ve teberru eyledim dedikte ğıbbe’t-tasdik kefalet-i vakıaları meclis-i eytâmca musaddak olan mahalleden Tatoğlu İsmail Efendi ibn Hacı Osman ve Tatoğlu Osman Efendi bin Bayram ve Tatoğlu Hüseyin Efendi bin İsmail Efendi ve Arkolikoz mahallesinden Cevahiroğlu Edhem Usta bin Arif Ağa meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i mezbûr Mustafa’nın zimmetinde ceman edası vacib olan ikibindokuzyüzelli kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharin zımmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’l-hamis ve’l-ışrin min Şevvali’l-mükerrem li sene selâsîne ve selasemie ve elf. Mukabele olunmuştur. Baş kâtib, nâib. Muhzır İbrahim Efendi, Satıroğlu Mehmed Efendi. Aded 56: Hamrik Romanoz Lazistan Sancağı’nın merkezi olan Rize kasabası mahallâtından Hamrik Romanoz mahallesi sakinelerinden zatı zeyl-i vesikada muharreru’l-esâmî müslimîn tarifleriyle muarrefe olan Ayşe bint Ahmed meclis-i şer’-i şerif-i enverde Ğotoz karyesinden Ofluoğlu Enes bin Cafer mahzarında takrir-i kelâm ve tabir-i ani’l-merâm idub üç seneden beri yirmi lira mehr-i müeccel tesmiyesiyle mezbûr Enes’in zevce-i menkuhe-i medhul-i bihâsı isem de zevcim merkumun mesken-i şer’î olmadığından mesken-i şer’î tedarik ve tehiyyesiyle beni infak ve iksâ edinceye değin üzerine kadr-i marûf nafaka farz u takdir olunmak matlubumdur deyu dava ve lede’s-sual ol dahi cevabında müddeiye-i mezbûre ancak onbeş lira mehr-i müeccel tesmiyesiyle zevce-i menkuhesi olduğu ve mesken-i şer’îsi olmadığını taven ikrar ve itiraf idub mesken-i şer’î tedarik ve tehiyyesine değin Zikr-i âtî meblağ kadr-i marûf idugi müslimin-i mezbûrun ihbarlarıyla lede’ş-şer’il enver zâhir ve nümâyân olmağın mucebince işbu tarih-i[ten] vesikadan itibaren beher şehrî elli kuruş farz u takdir olunub meblağ-ı mefruz-i mezkûri nafaka kisve ve bahâ vesair levazım-ı zaruriyesine harc u sarfa ve lede’l-hâce istidaneye ve inde’z-zafer zevc-i mezbûr Enes üzerine rucua mezbûre Ayşe’ye kıbel-i şer’iden izin verilmegin ma vekaa bi’t-taleb ketb olundu. Fi’l-yevmi’s-sadise aşer min şehr-i Rebii’l-evvel li sene ihdâ selâsîne ve selâsemie ve elf. Mukabele olunmuştur. Baş kâtib, nâib. Karacaoğlu Hasan bin Ömer, Semizoğlu Ali bin Mustafa. Aded 57: Salarha Sengöz Lazistan Sancağı’nın merkezi olan Rize kazası kurâsından Salarha Sengöz karyesinden şahs-ı zeyl-i vesikada muharreru’l-esâmî müslimîn tarifleriyle muarrefe olan ve tezkire-i osmaniyesi görülen Musaoğlu Yunus bin Yusuf meclis-i şer’-i şerif-i enverde karye-i merkûmeden karındaşı Osman bin mezbûr Yusuf mahzarında takrir-i kelâm ve tabir-i ani’l-merâm idub canib-i hicaz mağfiret Tıraz’a azimet ? bi’l-cümle bakmak ve beslemek ? ve Mehmed Efendiler’e memuri huzurunda ferağ ve temlik ve takririni i’tâya muamele-i lazıme-i sairesini îfâya ve’l-hâsıl mütevakkıf olduğu umûrun küllîsine tarafımdan vekâlet-i mutlaka-i sahiha-i şer’iye ile karındaşım muma ileyh Osman’ı vekîl ve naib-i menab nasb u tayin eyledim dedikte ol dahi ber vech-i muharrer vekâlet-i mezkûreyi kabul ve hizmet-i lazımesini kema yenbağî edaya taahhüd ve iltizam itmegin ma vekaa bi’t-taleb ketb olundu. Fi’l-yevmi’s-sabi min Şevvali’l-mükerrem li sene selâsîne ve selasemie ve elf. Mukabele olunmuştur. Baş kâtib, nâib. Ömeroğlu Mustafa Çavuş bin Hacı Ali, Kovaroğlu(?) Mustafa bin Ali, Musaoğlu Hasan bin Halid. Aded 58: Peşeyan mahallesi Lazistan Sancağı’nın merkezi olan Rize kasabası mahallâtından Peşeyan mahallesinden Faiszâde Mustafa Efendi ibn Hacı Yusuf Efendi meclis-i şer’-i şerif-i enverde Eytâm müdürü Hafız Harun Efendi mahzarında takrir-i kelâm ve tabir-i ani’l-merâm idub Ahmed Ağazâde müteveffa Osman Efendi eytâmı Cemal ve Kemal ve Keşfi’nin mallarından sîm mecîdiye yirmi kuruş hesabıyla müdir-i muma ileyh yedinden istidane ve kabz ve umuruma sarfla istihlâk eylediğim dörtbin kuruş ile semeni işbu tarihten bir sene-i kamile müeccel olmak üzere yine eytâm-ı mezbûrunun mallarından ve müdir-i muma ileyh yedinden iştira eylediğim bir cild Ali Efendi fetvası semeninden üçyüzaltmış kuruş ki ceman dörtbinüçyüzaltmış kuruş zimmetimde vacibu’l-eda ve lazımu’l-kada deynim ve borcum olub murur edecek eyyam içun lazım gelen meblağ ile mesarif-i saireyi dahi terk ve teberru eyledim dedikte ğıbbe’t-tasdik kefalet-i vakıaları eytâm meclisince musaddak olan mahalleden Zırhzâde Mustafa Efendi bin Hacı Şakir Efendi ile Emineddin mahallesinden Zırhzâde Hacı Şaban Efendi bin Hacı Hüseyin ve Kankalanoz mahallesinden Kubatoğlu Hacı Mehmed bin Zekeriyya meclis-i makud-i mezkûrde müdir-i muma ileyh mahzarında her biri ikrar-ı tam ve takrir-i kelâm idub medyun-i muma ileyh Mustafa Efendi’nin ceman zimmetinde edası vacib olan dörtbinüçyüzaltmış kuruş ile terk ve teberru eylediği meblağın edasına biz dahi tarafından bi’l-emr ve’l-kabul kefalet-i mutlaka-i sahiha-i şer’iye ile kefil bi’l-mal ve zamin olub tarafeynden her birimiz aharın zımmetine lazım gelen meblağa dahi başka başka kefil bi’l-mal ve zaminiz dediklerinde ma vekaa bi’t-taleb ketb olundu. Fi’l-yevmi’s-sabi ve’l-ışrin min Muharremi’l-haram li sene ihdâ selâsîne ve selâsemie ve elf.  ....

Devamı bir sonraki Makalededir .